| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਭੀਤਾਸੁਤ੍ਤવਣ੍ਣਨਾ
5. Bhītāsuttavaṇṇanā
੭੫. ਕਿਂ ਸੂਧ ਭੀਤਾਤਿ ਏਤ੍ਥ ਸੁ-ਇਧਾਤਿ ਨਿਪਾਤਮਤ੍ਤਨ੍ਤਿ ਆਹ ‘‘ਕਿਂ ਭੀਤਾ’’ਤਿ? ਮਗ੍ਗੋ ਚ ਨੇਕਾਯਤਨਪ੍ਪવੁਤ੍ਤੋਤਿ ਅਨੇਕਕਾਰਣਂ ਨਾਨਾવਿਧਾਧਿਗਮੋਕਾਸਂ ਕਤ੍વਾ ਪવੁਤ੍ਤੋ ਕਥਿਤੋ। ਤੇਨਾਹ ‘‘ਅਟ੍ਠਤਿਂਸਾਰਮ੍ਮਣવਸੇਨਾ’’ਤਿਆਦਿ। ਏવਂ ਸਨ੍ਤੇਤਿ ਏવਂ ਸਬ੍ਬਸਾਧਾਰਣਾਨੇਕਾਯਤਨੇਹਿ ਨਿਬ੍ਬਾਨਗਾਮਿਮਗ੍ਗਸ੍ਸ ਤੁਮ੍ਹੇਹਿ ਪવੇਦਿਤਤ੍ਤਾ ਲਬ੍ਭਮਾਨੇ ਖੇਮੇ ਮਗ੍ਗੇ ਕਿਂ ਭੀਤਾਯਂ ਜਨਤਾ ਉਪ੍ਪਥਭੂਤਾ વਿਪਰੀਤਦਿਟ੍ਠਿਤੋ ਗਣ੍ਹੀਤਿ ਅਤ੍ਥੋ? ਏવਂ ਦੇવਤਾ ਯਥਿਚ੍ਛਾਯ ਪੁਰਿਮਦ੍ਧੇਨ ਅਤ੍ਤਨਾ ਯਥਾਚਿਨ੍ਤਿਤਮਤ੍ਥਂ ਸਤ੍ਥੁ ਪવੇਦਿਤਾ, ਪਚ੍ਛਿਮਦ੍ਧੇਨ ਅਤ੍ਤਨੋ ਸਂਸਯਂ ਪੁਚ੍ਛਤਿ। ਬਹੁਪਞ੍ਞਾਤਿ ਪੁਥੁਪਞ੍ਞ। ਉਸ੍ਸਨ੍ਨਪਞ੍ਞਾਤਿ ਅਧਿਕਪਞ੍ਞਾ। ਠਪੇਤ੍વਾਤਿ ਸਂਯਮੇਤ੍વਾ। ਸਂવਿਭਾਗੀਤਿ ਆਹਾਰਪਰਿਭੋਗੇ ਸਮ੍ਮਦੇવ વਿਭਜਨਸੀਲੋ। ਤੇਨਾਹ ‘‘ਅਚ੍ਛਰਾਯਾ’’ਤਿਆਦਿ। વੁਤ੍ਤਤ੍ਥਮੇવ ਹੇਟ੍ਠਾ।
75.Kiṃ sūdha bhītāti ettha su-idhāti nipātamattanti āha ‘‘kiṃ bhītā’’ti? Maggo ca nekāyatanappavuttoti anekakāraṇaṃ nānāvidhādhigamokāsaṃ katvā pavutto kathito. Tenāha ‘‘aṭṭhatiṃsārammaṇavasenā’’tiādi. Evaṃ santeti evaṃ sabbasādhāraṇānekāyatanehi nibbānagāmimaggassa tumhehi paveditattā labbhamāne kheme magge kiṃ bhītāyaṃ janatā uppathabhūtā viparītadiṭṭhito gaṇhīti attho? Evaṃ devatā yathicchāya purimaddhena attanā yathācintitamatthaṃ satthu paveditā, pacchimaddhena attano saṃsayaṃ pucchati. Bahupaññāti puthupañña. Ussannapaññāti adhikapaññā. Ṭhapetvāti saṃyametvā. Saṃvibhāgīti āhāraparibhoge sammadeva vibhajanasīlo. Tenāha ‘‘accharāyā’’tiādi. Vuttatthameva heṭṭhā.
ਮਨੇਨਾਤਿ ਮਨੋਗਹਣੇਨ। ਪੁਬ੍ਬਸੁਦ੍ਧਿਅਙ੍ਗਨ੍ਤਿ ਪੁਬ੍ਬਭਾਗਸੁਦ੍ਧਿਭੂਤਂ ਅਙ੍ਗਂ। ਚਤੂਸੂਤਿ વੁਤ੍ਤਅਙ੍ਗਪਰਿਯਾਪਨ੍ਨਂ। ਯਞ੍ਞਉਪਕ੍ਖਰੋਤਿ ਦਾਨਸ੍ਸ ਸਾਧਨਂ। ਏਤੇਸੁ ਧਮ੍ਮੇਸੂਤਿ ਏਤੇਸੁ ਸਦ੍ਧਾਦਿਗੁਣੇਸੁ। ਯਥਾ ਹਿ ਸਦ੍ਧੋ ਪਚ੍ਚਯਂ ਪਚ੍ਚੁਪਟ੍ਠਪੇਤ੍વਾ વਤ੍ਥੁਪਰਿਚ੍ਚਾਗਸ੍ਸ વਿਸੇਸਪਚ੍ਚਯੋ ਕਮ੍ਮਫਲਸ੍ਸ ਪਰਲੋਕਸ੍ਸ ਚ ਪਚ੍ਚਕ੍ਖਤੋ વਿਯ ਪਤ੍ਤਿਯਾਯਨਤੋ, ਏવਂ ਮੁਦੁਹਦਯੋ। ਮੁਦੁਹਦਯੋ ਹਿ ਅਨੁਦਯਂ ਪਤ੍વਾ ਯਂ ਕਿਞ੍ਚਿ ਅਤ੍ਤਨੋ ਸਨ੍ਤਕਂ ਪਰੇਸਂ ਦੇਤਿ। ਯੋ ਚ ਸਂવਿਭਾਗਸੀਲੋ, ਸੋ ਅਪ੍ਪਕਸ੍ਮਿਮ੍ਪਿ ਅਤ੍ਤਨੋ ਸਨ੍ਤਕੇ ਪਰੇਹਿ ਸਾਧਾਰਣਭੋਗੀ ਹੋਤਿ। વਦਞ੍ਞੂ વਦਾਨਿਯਤਾਯ ਯਾਗਿਨੋવ ਯੁਤ੍ਤਂ ਯੁਤ੍ਤਕਾਲਂ ਞਤ੍વਾ ਅਤ੍ਥਿਕਾਨਂ ਮਨੋਰਥਂ ਪੂਰੇਤੀਤਿ વੁਤ੍ਤਂ ‘‘ਇਤਿ…ਪੇ॰… ਚਤੂਸੂਤਿ ਆਹਾ’’ਤਿ।
Manenāti manogahaṇena. Pubbasuddhiaṅganti pubbabhāgasuddhibhūtaṃ aṅgaṃ. Catūsūti vuttaaṅgapariyāpannaṃ. Yaññaupakkharoti dānassa sādhanaṃ. Etesu dhammesūti etesu saddhādiguṇesu. Yathā hi saddho paccayaṃ paccupaṭṭhapetvā vatthupariccāgassa visesapaccayo kammaphalassa paralokassa ca paccakkhato viya pattiyāyanato, evaṃ muduhadayo. Muduhadayo hi anudayaṃ patvā yaṃ kiñci attano santakaṃ paresaṃ deti. Yo ca saṃvibhāgasīlo, so appakasmimpi attano santake parehi sādhāraṇabhogī hoti. Vadaññū vadāniyatāya yāginova yuttaṃ yuttakālaṃ ñatvā atthikānaṃ manorathaṃ pūretīti vuttaṃ ‘‘iti…pe… catūsūti āhā’’ti.
વਾਚਨ੍ਤਿਆਦੀਨਿ ਤੀਣਿ ਅਙ੍ਗਾਨਿ ਤਿવਿਧਸੀਲਸਮ੍ਪਤ੍ਤਿਦੀਪਨਤੋ। ਸਮ੍ਪਨ੍ਨਸੀਲੋ ਹਿ ਪਰਲੋਕਂ ਨ ਭਾਸੇਯ੍ਯ। ਸਦ੍ਧੋ ਏਕਂ ਅਙ੍ਗਂ ਪਯੋਗਾਸਯਸੁਦ੍ਧਿਦੀਪਨਤੋ। ਸੁਦ੍ਧਾਸਯਸ੍ਸ ਸਮ੍ਮਾਪਯੋਗੇ ਠਿਤਸ੍ਸ ਕਥਂ ਪਰਲੋਕਤੋ ਭਯਨ੍ਤਿ। ਦੁਕવਸੇਨ ਚਤੁਰਙ੍ਗਯੋਜਨਾ ਦੁਕਨਯੋ। ਏਤੇਸੁ ਚਤੂਸੁ ਧਮ੍ਮੇਸੁ ਠਿਤੋਤਿ ਏਤੇਸੁ ਯਥਾવੁਤ੍ਤਦੁਕਸਙ੍ਗਹੇਸੁ ਚਤੂਸੁ ਗੁਣੇਸੁ ਪਤਿਟ੍ਠਿਤੋ।
Vācantiādīni tīṇi aṅgāni tividhasīlasampattidīpanato. Sampannasīlo hi paralokaṃ na bhāseyya. Saddho ekaṃ aṅgaṃ payogāsayasuddhidīpanato. Suddhāsayassa sammāpayoge ṭhitassa kathaṃ paralokato bhayanti. Dukavasena caturaṅgayojanā dukanayo. Etesu catūsu dhammesu ṭhitoti etesu yathāvuttadukasaṅgahesu catūsu guṇesu patiṭṭhito.
ਭੀਤਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Bhītāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਭੀਤਾਸੁਤ੍ਤਂ • 5. Bhītāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਭੀਤਾਸੁਤ੍ਤવਣ੍ਣਨਾ • 5. Bhītāsuttavaṇṇanā
