| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
14. бхог̇асам̣харан̣абзд̇ивад̇т̇уван̣н̣анаа
14. Bhogasaṃharaṇapetivatthuvaṇṇanā
маяам̣ бхог̇з сам̣харимхаад̇и ид̣̇ам̣ бхог̇асам̣харан̣абзд̇ивад̇т̇у. д̇асса гаа уббад̇д̇и? бхаг̇авад̇и взл̣уванз вихаранд̇з рааж̇аг̇ахз гира жад̇ассо ид̇т̇ияо маанагуудаад̣̇ивасзна саббимад̇худ̇злад̇хан̃н̃аад̣̇ийхи вохаарам̣ гад̇ваа аяонисо бхог̇з сам̣харид̇ваа ж̇ийванд̇и. д̇аа гааяасса бхзд̣̇аа барам̣ маран̣аа б̣ахинаг̇арз барикаабидтз бзд̇ияо худ̇ваа ниб̣б̣ад̇д̇им̣су. д̇аа рад̇д̇ияам̣ д̣̇угкаабхибхууд̇аа –
Mayaṃbhoge saṃharimhāti idaṃ bhogasaṃharaṇapetivatthu. Tassa kā uppatti? Bhagavati veḷuvane viharante rājagahe kira catasso itthiyo mānakūṭādivasena sappimadhuteladhaññādīhi vohāraṃ katvā ayoniso bhoge saṃharitvā jīvanti. Tā kāyassa bhedā paraṃ maraṇā bahinagare parikhāpiṭṭhe petiyo hutvā nibbattiṃsu. Tā rattiyaṃ dukkhābhibhūtā –
801.
801.
‘‘маяам̣ бхог̇з сам̣харимхаа, самзна висамзна жа;
‘‘Mayaṃ bhoge saṃharimhā, samena visamena ca;
д̇з ан̃н̃з барибхун̃ж̇анд̇и, маяам̣ д̣̇угкасса бхааг̇иний’’д̇и. –
Te aññe paribhuñjanti, mayaṃ dukkhassa bhāginī’’ti. –
виббалабанд̇ияо бхзравзна махаасад̣̇д̣̇зна виравим̣су. мануссаа д̇ам̣ суд̇ваа бхийд̇ад̇асид̇аа вибхаад̇ааяа рад̇д̇ияаа б̣уд̣̇д̇хаббамукасса бхигкусан̇гхасса махаад̣̇аанам̣ саж̇ж̇зд̇ваа сад̇т̇аарам̣ бхигкусан̇гхан̃жа ниманд̇зд̇ваа бан̣ийд̇зна каад̣̇анийязна бхож̇анийязна баривисид̇ваа бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ убанисийд̣̇ид̇ваа д̇ам̣ бавад̇д̇им̣ нивзд̣̇зсум̣. бхаг̇аваа ‘‘убаасагаа д̇зна во сад̣̇д̣̇зна гожи анд̇арааяо над̇т̇и, жад̇ассо бана бзд̇ияо д̣̇угкаабхибхууд̇аа ад̇д̇анаа д̣̇уггадам̣ гаммам̣ гат̇зд̇ваа барид̣̇званавасзна виссарзна вираванд̇ияо –
Vippalapantiyo bheravena mahāsaddena viraviṃsu. Manussā taṃ sutvā bhītatasitā vibhātāya rattiyā buddhappamukhassa bhikkhusaṅghassa mahādānaṃ sajjetvā satthāraṃ bhikkhusaṅghañca nimantetvā paṇītena khādanīyena bhojanīyena parivisitvā bhagavantaṃ bhuttāviṃ onītapattapāṇiṃ upanisīditvā taṃ pavattiṃ nivedesuṃ. Bhagavā ‘‘upāsakā tena vo saddena koci antarāyo natthi, catasso pana petiyo dukkhābhibhūtā attanā dukkaṭaṃ kammaṃ kathetvā paridevanavasena vissarena viravantiyo –
‘‘маяам̣ бхог̇з сам̣харимхаа, самзна висамзна жа;
‘‘Mayaṃ bhoge saṃharimhā, samena visamena ca;
д̇з ан̃н̃з барибхун̃ж̇анд̇и, маяам̣ д̣̇угкасса бхааг̇иний’’д̇и. –
Te aññe paribhuñjanti, mayaṃ dukkhassa bhāginī’’ti. –
имам̣ г̇аат̇амаахам̣сууд̇и авожа.
Imaṃ gāthamāhaṃsūti avoca.
д̇ад̇т̇а бхог̇зд̇и барибхун̃ж̇ид̇аб̣б̣адтзна ‘‘бхог̇аа’’д̇и лад̣̇д̇ханаамз вад̇т̇аабхаран̣аад̣̇игз вид̇д̇уубагаран̣ависзсз. сам̣харимхаад̇и мажчзрамалзна барияаад̣̇иннажид̇д̇аа гассажи гин̃жи ад̣̇ад̇ваа сан̃жинимха. самзна висамзна жаад̇и н̃ааязна жа ан̃н̃ааязна жа, н̃ааяабад̇ируубагзна ваа ан̃н̃ааязна д̇з бхог̇з амхзхи сам̣харид̇з ид̣̇аани ан̃н̃з барибхун̃ж̇анд̇и. маяам̣ д̣̇угкасса бхааг̇инийд̇и маяам̣ бана гассажиби сужарид̇асса агад̇ад̇д̇аа д̣̇ужжарид̇асса жа гад̇ад̇д̇аа зд̇арахи бзд̇аяонибарияаабаннасса махад̇о д̣̇угкасса бхааг̇инияо бхаваама, махаад̣̇угкам̣ анубхаваамаад̇и ад̇т̇о.
Tattha bhogeti paribhuñjitabbaṭṭhena ‘‘bhogā’’ti laddhanāme vatthābharaṇādike vittūpakaraṇavisese. Saṃharimhāti maccheramalena pariyādinnacittā kassaci kiñci adatvā sañcinimha. Samena visamena cāti ñāyena ca aññāyena ca, ñāyapatirūpakena vā aññāyena te bhoge amhehi saṃharite idāni aññe paribhuñjanti. Mayaṃ dukkhassa bhāginīti mayaṃ pana kassacipi sucaritassa akatattā duccaritassa ca katattā etarahi petayonipariyāpannassa mahato dukkhassa bhāginiyo bhavāma, mahādukkhaṃ anubhavāmāti attho.
звам̣ бхаг̇аваа д̇аахи бзд̇ийхи вуд̇д̇ам̣ г̇аат̇ам̣ вад̇ваа д̇аасам̣ бавад̇д̇им̣ гат̇зд̇ваа д̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзд̇ваа убари сажжаани багаасзси, сажжабарияосаанз б̣ахуу сод̇аабад̇д̇ипалаад̣̇ийни баабун̣им̣сууд̇и.
Evaṃ bhagavā tāhi petīhi vuttaṃ gāthaṃ vatvā tāsaṃ pavattiṃ kathetvā taṃ aṭṭhuppattiṃ katvā sampattaparisāya dhammaṃ desetvā upari saccāni pakāsesi, saccapariyosāne bahū sotāpattiphalādīni pāpuṇiṃsūti.
бхог̇асам̣харан̣абзд̇ивад̇т̇уван̣н̣анаа нидтид̇аа.
Bhogasaṃharaṇapetivatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 14. бхог̇асам̣харабзд̇авад̇т̇у • 14. Bhogasaṃharapetavatthu
