| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. භොජනදායකත්‌ථෙරඅපදානං
2. Bhojanadāyakattheraapadānaṃ
4.
4.
‘‘සුජාතො සාලලට්‌ඨීව, සොභඤ්‌ජනමිවුග්‌ගතො;
‘‘Sujāto sālalaṭṭhīva, sobhañjanamivuggato;
ඉන්‌දලට්‌ඨිරිවාකාසෙ, විරොචති සදා ජිනො.
Indalaṭṭhirivākāse, virocati sadā jino.
5.
5.
‘‘තස්‌ස දෙවාතිදෙවස්‌ස, වෙස්‌සභුස්‌ස මහෙසිනො;
‘‘Tassa devātidevassa, vessabhussa mahesino;
අදාසි භොජනමහං, විප්‌පසන්‌නෙන චෙතසා.
Adāsi bhojanamahaṃ, vippasannena cetasā.
6.
6.
‘‘තං මෙ බුද්‌ධො අනුමොදි, සයම්‌භූ අපරාජිතො;
‘‘Taṃ me buddho anumodi, sayambhū aparājito;
භවෙ නිබ්‌බත්‌තමානම්‌හි, ඵලං නිබ්‌බත්‌තතූ තව.
Bhave nibbattamānamhi, phalaṃ nibbattatū tava.
7.
7.
‘‘එකත්‌තිංසෙ ඉතො කප්‌පෙ, යං දානමදදිං තදා;
‘‘Ekattiṃse ito kappe, yaṃ dānamadadiṃ tadā;
දුග්‌ගතිං නාභිජානාමි, භොජනස්‌ස ඉදං ඵලං.
Duggatiṃ nābhijānāmi, bhojanassa idaṃ phalaṃ.
8.
8.
‘‘පඤ්‌චවීසෙ ඉතො කප්‌පෙ, එකො ආසිං අමිත්‌තකො;
‘‘Pañcavīse ito kappe, eko āsiṃ amittako;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
9.
9.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා භොජනදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā bhojanadāyako thero imā gāthāyo abhāsitthāti.
භොජනදායකත්‌ථෙරස්‌සාපදානං දුතියං.
Bhojanadāyakattherassāpadānaṃ dutiyaṃ.
