| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
5. бхож̇анаббадиг̇г̇ахан̣абатамасигкаабад̣̇аван̣н̣анаа
5. Bhojanappaṭiggahaṇapaṭhamasikkhāpadavaṇṇanā
згад̇оавассуд̇зд̇и буг̇г̇аласса ваа бхигкунияаа ваа авассуд̇з. махаабажжарияам̣ банзд̇т̇а ‘‘бхигкунияаа авассуд̇абхаавзд̇и д̣̇адтаб̣б̣а’’нд̇и (баажи. адта. 701) вуд̇д̇ам̣. д̇ам̣ ‘‘анавассуд̇од̇и ж̇аананд̇ий бадиг̇г̇ан̣хаад̇ий’’д̇и (баажи. 703) имааяа баал̣ияаа на самзд̇и. яад̣̇и хи буг̇г̇аласса авассуд̇абхааво наббамаан̣ам̣, гим̣ ‘‘анавассуд̇од̇и ж̇аананд̇ий’’д̇и иминаа важанзна, ‘‘анаабад̇д̇и убхад̇оанавассуд̇аа хонд̇и, анавассуд̇аа бадиг̇г̇ан̣хаад̇ий’’д̇и зд̇д̇агамзва вад̇д̇аб̣б̣ам̣ сияаа. убхосу анавассуд̇зсууд̇и буг̇г̇ало жзва бхигкуний жаад̇и убхосу анавассуд̇зсу г̇ан̣ханд̇ияаа саб̣б̣ат̇ааби анаабад̇д̇и. ‘‘анавассуд̇о’’д̇и ваа н̃ад̇ваа г̇ан̣ханд̇ияаад̇и саяам̣ анавассуд̇аа самаанаа авассуд̇зби ‘‘анавассуд̇о аяа’’нд̇и сан̃н̃ааяа д̇асса хад̇т̇ад̇о бадиг̇г̇ан̣ханд̇ияаа. ат̇а саяам̣ анавассуд̇ааби ан̃н̃ам̣ авассуд̇ам̣ ваа анавассуд̇ам̣ ваа ‘‘авассуд̇о’’д̇и н̃ад̇ваа бадиг̇г̇ан̣хаад̇и, д̣̇уггадамзва. вуд̇д̇ан̃хзд̇ам̣ ананд̇арасигкаабад̣̇з ‘‘гисса д̇вам̣, аяяз, на бадиг̇г̇ан̣хаасийд̇и, авассуд̇аа, аяязд̇и, д̇вам̣ бана, аяяз, авассуд̇аад̇и, наахам̣, аяяз, авассуд̇аа’’д̇и.
Ekatoavassuteti puggalassa vā bhikkhuniyā vā avassute. Mahāpaccariyaṃ panettha ‘‘bhikkhuniyā avassutabhāveti daṭṭhabba’’nti (pāci. aṭṭha. 701) vuttaṃ. Taṃ ‘‘anavassutoti jānantī paṭiggaṇhātī’’ti (pāci. 703) imāya pāḷiyā na sameti. Yadi hi puggalassa avassutabhāvo nappamāṇaṃ, kiṃ ‘‘anavassutoti jānantī’’ti iminā vacanena, ‘‘anāpatti ubhatoanavassutā honti, anavassutā paṭiggaṇhātī’’ti ettakameva vattabbaṃ siyā. Ubhosu anavassutesūti puggalo ceva bhikkhunī cāti ubhosu anavassutesu gaṇhantiyā sabbathāpi anāpatti. ‘‘Anavassuto’’ti vā ñatvā gaṇhantiyāti sayaṃ anavassutā samānā avassutepi ‘‘anavassuto aya’’nti saññāya tassa hatthato paṭiggaṇhantiyā. Atha sayaṃ anavassutāpi aññaṃ avassutaṃ vā anavassutaṃ vā ‘‘avassuto’’ti ñatvā paṭiggaṇhāti, dukkaṭameva. Vuttañhetaṃ anantarasikkhāpade ‘‘kissa tvaṃ, ayye, na paṭiggaṇhāsīti, avassutā, ayyeti, tvaṃ pana, ayye, avassutāti, nāhaṃ, ayye, avassutā’’ti.
бхож̇анаббадиг̇г̇ахан̣абатамасигкаабад̣̇аван̣н̣анаа нидтид̇аа.
Bhojanappaṭiggahaṇapaṭhamasikkhāpadavaṇṇanā niṭṭhitā.
