| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੫. ਭੋਜਨਪ੍ਪਟਿਗ੍ਗਹਣਪਠਮਸਿਕ੍ਖਾਪਦવਣ੍ਣਨਾ
5. Bhojanappaṭiggahaṇapaṭhamasikkhāpadavaṇṇanā
ਏਕਤੋਅવਸ੍ਸੁਤੇਤਿ ਪੁਗ੍ਗਲਸ੍ਸ વਾ ਭਿਕ੍ਖੁਨਿਯਾ વਾ ਅવਸ੍ਸੁਤੇ। ਮਹਾਪਚ੍ਚਰਿਯਂ ਪਨੇਤ੍ਥ ‘‘ਭਿਕ੍ਖੁਨਿਯਾ ਅવਸ੍ਸੁਤਭਾવੇਤਿ ਦਟ੍ਠਬ੍ਬ’’ਨ੍ਤਿ (ਪਾਚਿ॰ ਅਟ੍ਠ॰ ੭੦੧) વੁਤ੍ਤਂ। ਤਂ ‘‘ਅਨવਸ੍ਸੁਤੋਤਿ ਜਾਨਨ੍ਤੀ ਪਟਿਗ੍ਗਣ੍ਹਾਤੀ’’ਤਿ (ਪਾਚਿ॰ ੭੦੩) ਇਮਾਯ ਪਾਲ਼ਿਯਾ ਨ ਸਮੇਤਿ। ਯਦਿ ਹਿ ਪੁਗ੍ਗਲਸ੍ਸ ਅવਸ੍ਸੁਤਭਾવੋ ਨਪ੍ਪਮਾਣਂ, ਕਿਂ ‘‘ਅਨવਸ੍ਸੁਤੋਤਿ ਜਾਨਨ੍ਤੀ’’ਤਿ ਇਮਿਨਾ વਚਨੇਨ, ‘‘ਅਨਾਪਤ੍ਤਿ ਉਭਤੋਅਨવਸ੍ਸੁਤਾ ਹੋਨ੍ਤਿ, ਅਨવਸ੍ਸੁਤਾ ਪਟਿਗ੍ਗਣ੍ਹਾਤੀ’’ਤਿ ਏਤ੍ਤਕਮੇવ વਤ੍ਤਬ੍ਬਂ ਸਿਯਾ। ਉਭੋਸੁ ਅਨવਸ੍ਸੁਤੇਸੂਤਿ ਪੁਗ੍ਗਲੋ ਚੇવ ਭਿਕ੍ਖੁਨੀ ਚਾਤਿ ਉਭੋਸੁ ਅਨવਸ੍ਸੁਤੇਸੁ ਗਣ੍ਹਨ੍ਤਿਯਾ ਸਬ੍ਬਥਾਪਿ ਅਨਾਪਤ੍ਤਿ। ‘‘ਅਨવਸ੍ਸੁਤੋ’’ਤਿ વਾ ਞਤ੍વਾ ਗਣ੍ਹਨ੍ਤਿਯਾਤਿ ਸਯਂ ਅਨવਸ੍ਸੁਤਾ ਸਮਾਨਾ ਅવਸ੍ਸੁਤੇਪਿ ‘‘ਅਨવਸ੍ਸੁਤੋ ਅਯ’’ਨ੍ਤਿ ਸਞ੍ਞਾਯ ਤਸ੍ਸ ਹਤ੍ਥਤੋ ਪਟਿਗ੍ਗਣ੍ਹਨ੍ਤਿਯਾ। ਅਥ ਸਯਂ ਅਨવਸ੍ਸੁਤਾਪਿ ਅਞ੍ਞਂ ਅવਸ੍ਸੁਤਂ વਾ ਅਨવਸ੍ਸੁਤਂ વਾ ‘‘ਅવਸ੍ਸੁਤੋ’’ਤਿ ਞਤ੍વਾ ਪਟਿਗ੍ਗਣ੍ਹਾਤਿ, ਦੁਕ੍ਕਟਮੇવ। વੁਤ੍ਤਞ੍ਹੇਤਂ ਅਨਨ੍ਤਰਸਿਕ੍ਖਾਪਦੇ ‘‘ਕਿਸ੍ਸ ਤ੍વਂ, ਅਯ੍ਯੇ, ਨ ਪਟਿਗ੍ਗਣ੍ਹਾਸੀਤਿ, ਅવਸ੍ਸੁਤਾ, ਅਯ੍ਯੇਤਿ, ਤ੍વਂ ਪਨ, ਅਯ੍ਯੇ, ਅવਸ੍ਸੁਤਾਤਿ, ਨਾਹਂ, ਅਯ੍ਯੇ, ਅવਸ੍ਸੁਤਾ’’ਤਿ।
Ekatoavassuteti puggalassa vā bhikkhuniyā vā avassute. Mahāpaccariyaṃ panettha ‘‘bhikkhuniyā avassutabhāveti daṭṭhabba’’nti (pāci. aṭṭha. 701) vuttaṃ. Taṃ ‘‘anavassutoti jānantī paṭiggaṇhātī’’ti (pāci. 703) imāya pāḷiyā na sameti. Yadi hi puggalassa avassutabhāvo nappamāṇaṃ, kiṃ ‘‘anavassutoti jānantī’’ti iminā vacanena, ‘‘anāpatti ubhatoanavassutā honti, anavassutā paṭiggaṇhātī’’ti ettakameva vattabbaṃ siyā. Ubhosu anavassutesūti puggalo ceva bhikkhunī cāti ubhosu anavassutesu gaṇhantiyā sabbathāpi anāpatti. ‘‘Anavassuto’’ti vā ñatvā gaṇhantiyāti sayaṃ anavassutā samānā avassutepi ‘‘anavassuto aya’’nti saññāya tassa hatthato paṭiggaṇhantiyā. Atha sayaṃ anavassutāpi aññaṃ avassutaṃ vā anavassutaṃ vā ‘‘avassuto’’ti ñatvā paṭiggaṇhāti, dukkaṭameva. Vuttañhetaṃ anantarasikkhāpade ‘‘kissa tvaṃ, ayye, na paṭiggaṇhāsīti, avassutā, ayyeti, tvaṃ pana, ayye, avassutāti, nāhaṃ, ayye, avassutā’’ti.
ਭੋਜਨਪ੍ਪਟਿਗ੍ਗਹਣਪਠਮਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Bhojanappaṭiggahaṇapaṭhamasikkhāpadavaṇṇanā niṭṭhitā.
