| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៩. ភោជនសុត្តំ
9. Bhojanasuttaṃ
៣៧. ‘‘ភោជនំ , ភិក្ខវេ, ទទមានោ ទាយកោ បដិគ្គាហកានំ បញ្ច ឋានានិ ទេតិ។ កតមានិ បញ្ច? អាយុំ ទេតិ, វណ្ណំ ទេតិ, សុខំ ទេតិ, ពលំ ទេតិ, បដិភានំ 1 ទេតិ។ អាយុំ ខោ បន ទត្វា អាយុស្ស ភាគី ហោតិ ទិព្ពស្ស វា មានុសស្ស វា; វណ្ណំ ទត្វា វណ្ណស្ស ភាគី ហោតិ ទិព្ពស្ស វា មានុសស្ស វា; សុខំ ទត្វា សុខស្ស ភាគី ហោតិ ទិព្ពស្ស វា មានុសស្ស វា; ពលំ ទត្វា ពលស្ស ភាគី ហោតិ ទិព្ពស្ស វា មានុសស្ស វា; បដិភានំ ទត្វា បដិភានស្ស ភាគី ហោតិ ទិព្ពស្ស វា មានុសស្ស វា។ ភោជនំ, ភិក្ខវេ, ទទមានោ ទាយកោ បដិគ្គាហកានំ ឥមានិ បញ្ច ឋានានិ ទេតី’’តិ។
37. ‘‘Bhojanaṃ , bhikkhave, dadamāno dāyako paṭiggāhakānaṃ pañca ṭhānāni deti. Katamāni pañca? Āyuṃ deti, vaṇṇaṃ deti, sukhaṃ deti, balaṃ deti, paṭibhānaṃ 2 deti. Āyuṃ kho pana datvā āyussa bhāgī hoti dibbassa vā mānusassa vā; vaṇṇaṃ datvā vaṇṇassa bhāgī hoti dibbassa vā mānusassa vā; sukhaṃ datvā sukhassa bhāgī hoti dibbassa vā mānusassa vā; balaṃ datvā balassa bhāgī hoti dibbassa vā mānusassa vā; paṭibhānaṃ datvā paṭibhānassa bhāgī hoti dibbassa vā mānusassa vā. Bhojanaṃ, bhikkhave, dadamāno dāyako paṭiggāhakānaṃ imāni pañca ṭhānāni detī’’ti.
‘‘អាយុទោ ពលទោ ធីរោ, វណ្ណទោ បដិភានទោ;
‘‘Āyudo balado dhīro, vaṇṇado paṭibhānado;
សុខស្ស ទាតា មេធាវី, សុខំ សោ អធិគច្ឆតិ។
Sukhassa dātā medhāvī, sukhaṃ so adhigacchati.
ទីឃាយុ យសវា ហោតិ, យត្ថ យត្ថូបបជ្ជតី’’តិ។ សត្តមំ;
Dīghāyu yasavā hoti, yattha yatthūpapajjatī’’ti. sattamaṃ;
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៧. ភោជនសុត្តវណ្ណនា • 7. Bhojanasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៦-៧. កាលទានសុត្តាទិវណ្ណនា • 6-7. Kāladānasuttādivaṇṇanā
