| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
4. бхож̇анаваг̇г̇о
4. Bhojanavaggo
1. аавасат̇асигкаабад̣̇аван̣н̣анаа
1. Āvasathasikkhāpadavaṇṇanā
бхож̇анаваг̇г̇асса батамз аг̇илаанзнаад̇и ад̣̇д̇хаяож̇анамби г̇анд̇ум̣ самад̇т̇зна. згод̇и згад̣̇ивасиго. аавасат̇абин̣д̣од̇и ‘‘имзсам̣ ваа зд̇д̇агаанам̣ ваа’’д̇и згам̣ баасан̣д̣ам̣ ваа, ‘‘зд̇д̇агамзваа’’д̇и звам̣ бхад̇д̇ам̣ ваа анод̣̇исса саалаад̣̇ийсу яад̇т̇а гад̇т̇ажи бун̃н̃агаамзхи бан̃н̃ад̇д̇ам̣ бхож̇анам̣. бхун̃ж̇ид̇аб̣б̣од̇и згагулзна ваа наанаагулзхи ваа згад̇о худ̇ваа згасмим̣ ваа таанз, наанаатаанзсу ваа ‘‘аж̇ж̇а згасмим̣, свз згасми’’нд̇и звам̣ анияад̇адтаанз ваа бан̃н̃ад̇д̇о згасмим̣ таанз згад̣̇ивасамзва бхун̃ж̇ид̇аб̣б̣о. д̇ад̇о жз уд̇д̇арийд̇и д̣̇уд̇ияад̣̇ивасад̇о бадтааяа д̇асмим̣ ваа таанз ан̃н̃асмим̣ ваа таанз д̇зсам̣ санд̇агасса бадиг̇г̇ахан̣з д̣̇уггадам̣, аж̇жхохаарз аж̇жхохаарз баажид̇д̇ияам̣.
Bhojanavaggassa paṭhame agilānenāti addhayojanampi gantuṃ samatthena. Ekoti ekadivasiko. Āvasathapiṇḍoti ‘‘imesaṃ vā ettakānaṃ vā’’ti ekaṃ pāsaṇḍaṃ vā, ‘‘ettakamevā’’ti evaṃ bhattaṃ vā anodissa sālādīsu yattha katthaci puññakāmehi paññattaṃ bhojanaṃ. Bhuñjitabboti ekakulena vā nānākulehi vā ekato hutvā ekasmiṃ vā ṭhāne, nānāṭhānesu vā ‘‘ajja ekasmiṃ, sve ekasmi’’nti evaṃ aniyataṭṭhāne vā paññatto ekasmiṃ ṭhāne ekadivasameva bhuñjitabbo. Tato ce uttarīti dutiyadivasato paṭṭhāya tasmiṃ vā ṭhāne aññasmiṃ vā ṭhāne tesaṃ santakassa paṭiggahaṇe dukkaṭaṃ, ajjhohāre ajjhohāre pācittiyaṃ.
саавад̇т̇ияам̣ чаб̣б̣аг̇г̇ияз бхигкуу аараб̣бха анувасид̇ваа аавасат̇абин̣д̣абхун̃ж̇анавад̇т̇усмим̣ бан̃н̃ад̇д̇ам̣, ‘‘аг̇илаанзнаа’’д̇и аяамзд̇т̇а анубан̃н̃ад̇д̇и, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, г̇илаанасса аг̇илаанасан̃н̃ино взмад̇игасса ваа д̣̇уггадам̣. г̇илаанасса г̇илаанасан̃н̃ино, яо жа сагим̣ бхун̃ж̇ад̇и, г̇ажчанд̇о ваа анд̇араамаг̇г̇з згад̣̇ивасам̣ , г̇ад̇адтаанз згад̣̇ивасам̣, бажжааг̇анд̇оби анд̇араамаг̇г̇з згад̣̇ивасам̣, ааг̇ад̇адтаанз згад̣̇ивасам̣, г̇амиссаамий’д̇и жа бхун̃ж̇ид̇ваа нигканд̇о гзнажи убад̣̇д̣̇авзна нивад̇д̇ид̇ваа кзмабхаавам̣ н̃ад̇ваа г̇ажчанд̇о буна згад̣̇ивасам̣ бхун̃ж̇ад̇и, яасса ваа саамигаа ниманд̇зд̇ваа д̣̇знд̇и, яо ваа бхигкуунам̣язва уд̣̇д̣̇исса бан̃н̃ад̇д̇ам̣, на яаавад̣̇ад̇т̇ам̣ бан̃н̃ад̇д̇ам̣, табзд̇ваа ваа бан̃жа бхож̇анаани ан̃н̃ам̣ бхун̃ж̇ад̇и, д̇асса жа, уммад̇д̇агаад̣̇ийнан̃жа анаабад̇д̇и. аавасат̇абин̣д̣ад̇аа, аг̇илаанад̇аа, анувасид̇ваа барибхож̇ананд̇и имаанзд̇т̇а д̇ийн̣и ан̇г̇аани. самудтаанаад̣̇ийни зл̣агаломасигкаабад̣̇асад̣̇исаанийд̇и.
Sāvatthiyaṃ chabbaggiye bhikkhū ārabbha anuvasitvā āvasathapiṇḍabhuñjanavatthusmiṃ paññattaṃ, ‘‘agilānenā’’ti ayamettha anupaññatti, sādhāraṇapaññatti, anāṇattikaṃ, tikapācittiyaṃ, gilānassa agilānasaññino vematikassa vā dukkaṭaṃ. Gilānassa gilānasaññino, yo ca sakiṃ bhuñjati, gacchanto vā antarāmagge ekadivasaṃ , gataṭṭhāne ekadivasaṃ, paccāgantopi antarāmagge ekadivasaṃ, āgataṭṭhāne ekadivasaṃ, gamissāmī’ti ca bhuñjitvā nikkhanto kenaci upaddavena nivattitvā khemabhāvaṃ ñatvā gacchanto puna ekadivasaṃ bhuñjati, yassa vā sāmikā nimantetvā denti, yo vā bhikkhūnaṃyeva uddissa paññattaṃ, na yāvadatthaṃ paññattaṃ, ṭhapetvā vā pañca bhojanāni aññaṃ bhuñjati, tassa ca, ummattakādīnañca anāpatti. Āvasathapiṇḍatā, agilānatā, anuvasitvā paribhojananti imānettha tīṇi aṅgāni. Samuṭṭhānādīni eḷakalomasikkhāpadasadisānīti.
аавасат̇асигкаабад̣̇аван̣н̣анаа нидтид̇аа.
Āvasathasikkhāpadavaṇṇanā niṭṭhitā.
2. г̇ан̣абхож̇анасигкаабад̣̇аван̣н̣анаа
2. Gaṇabhojanasikkhāpadavaṇṇanā
д̣̇уд̇ияз г̇ан̣абхож̇анзд̇и г̇ан̣асса бхож̇анз. ид̇ха жа г̇ан̣од̇и жад̇д̇ааро ваа д̇ад̇уд̇д̇ари ваа бхигкуу , д̇зсам̣ ниманд̇анад̇о ваа вин̃н̃ад̇д̇ид̇о ваа лад̣̇д̇хз од̣̇анаад̣̇ийнам̣ бан̃жаннам̣ бхож̇анаанам̣ ан̃н̃ад̇арабхож̇анзд̇и ад̇т̇о. д̇ад̇т̇ааяам̣ винижчаяо – сажз хи гожи жад̇д̇ааро бхигкуу убасан̇гамид̇ваа язна гзнажи взважанзна ваа бхаасанд̇арзна ваа бан̃жаннам̣ бхож̇анаанам̣ наамам̣ г̇ахзд̇ваа ‘‘од̣̇анзна ниманд̇зми, од̣̇анам̣ мз г̇ан̣хат̇аа’’д̇иаад̣̇инаа наязна ниманд̇зд̇и, д̇з жз звам̣ згад̇о ваа наанаад̇о ваа ниманд̇ид̇аа згад̇о ваа наанаад̇о ваа г̇анд̇ваа згад̇о г̇ан̣ханд̇и, бажчаа згад̇о ваа наанаад̇о ваа бхун̃ж̇анд̇и, г̇ан̣абхож̇анам̣ ход̇и. бадиг̇г̇ахан̣амзва хзд̇т̇а бамаан̣ам̣. сажз од̣̇анаад̣̇ийнам̣ наамам̣ г̇ахзд̇ваа згад̇о ваа наанаад̇о ваа вин̃н̃аабзд̇ваа жа г̇анд̇ваа жа згад̇о г̇ан̣ханд̇и, звамби г̇ан̣абхож̇анамзва. д̇асса д̣̇увид̇хассааби звам̣ бадиг̇г̇ахан̣з д̣̇уггадам̣, аж̇жхохаарз аж̇жхохаарз баажид̇д̇ияам̣. г̇илаанасамаяаад̣̇ийсу яад̣̇аа баад̣̇аанамби палид̇ад̇д̇аа на саггаа бин̣д̣ааяа жарид̇ум̣, аяам̣ г̇илаанасамаяо. ад̇т̇ад̇агат̇инаанам̣ бан̃жа маасаа, ид̇арзсам̣ гад̇д̇игамаасод̇и аяам̣ жийварад̣̇аанасамаяо. яад̣̇аа яо жийварз гарияамаанз гин̃жид̣̇зва жийварз гад̇д̇аб̣б̣ам̣ гаммам̣ гарод̇и, аяам̣ жийварагаарасамаяо. яад̣̇аа ад̣̇д̇хаяож̇анамби г̇анд̇угаамо ваа ход̇и г̇ажчад̇и ваа г̇ад̇о ваа, аяам̣ ад̣̇д̇хаанаг̇аманасамаяо. нааваабхируханасамаязби зсзва наяо. яад̣̇аа г̇ожараг̇аамз жад̇д̇ааро бхигкуу бин̣д̣ааяа жарид̇ваа на яаабзнд̇и, аяам̣ махаасамаяо. яад̣̇аа яогожи баб̣б̣аж̇ид̇о бхад̇д̇зна ниманд̇зд̇и, аяам̣ саман̣абхад̇д̇асамаяо, зд̇зсу самаязсу бхун̃ж̇ид̇ум̣ ваддад̇и.
Dutiye gaṇabhojaneti gaṇassa bhojane. Idha ca gaṇoti cattāro vā tatuttari vā bhikkhū , tesaṃ nimantanato vā viññattito vā laddhe odanādīnaṃ pañcannaṃ bhojanānaṃ aññatarabhojaneti attho. Tatthāyaṃ vinicchayo – sace hi koci cattāro bhikkhū upasaṅkamitvā yena kenaci vevacanena vā bhāsantarena vā pañcannaṃ bhojanānaṃ nāmaṃ gahetvā ‘‘odanena nimantemi, odanaṃ me gaṇhathā’’tiādinā nayena nimanteti, te ce evaṃ ekato vā nānāto vā nimantitā ekato vā nānāto vā gantvā ekato gaṇhanti, pacchā ekato vā nānāto vā bhuñjanti, gaṇabhojanaṃ hoti. Paṭiggahaṇameva hettha pamāṇaṃ. Sace odanādīnaṃ nāmaṃ gahetvā ekato vā nānāto vā viññāpetvā ca gantvā ca ekato gaṇhanti, evampi gaṇabhojanameva. Tassa duvidhassāpi evaṃ paṭiggahaṇe dukkaṭaṃ, ajjhohāre ajjhohāre pācittiyaṃ. Gilānasamayādīsu yadā pādānampi phalitattā na sakkā piṇḍāya carituṃ, ayaṃ gilānasamayo. Atthatakathinānaṃ pañca māsā, itaresaṃ kattikamāsoti ayaṃ cīvaradānasamayo. Yadā yo cīvare kariyamāne kiñcideva cīvare kattabbaṃ kammaṃ karoti, ayaṃ cīvarakārasamayo. Yadā addhayojanampi gantukāmo vā hoti gacchati vā gato vā, ayaṃ addhānagamanasamayo. Nāvābhiruhanasamayepi eseva nayo. Yadā gocaragāme cattāro bhikkhū piṇḍāya caritvā na yāpenti, ayaṃ mahāsamayo. Yadā yokoci pabbajito bhattena nimanteti, ayaṃ samaṇabhattasamayo, etesu samayesu bhuñjituṃ vaṭṭati.
рааж̇аг̇ахз д̣̇звад̣̇ад̇д̇ам̣ аараб̣бха вин̃н̃аабзд̇ваа бхун̃ж̇анавад̇т̇усмим̣ бан̃н̃ад̇д̇ам̣, ‘‘ан̃н̃ад̇ра самаяаа’’д̇и аяамзд̇т̇а сад̇д̇авид̇хаа анубан̃н̃ад̇д̇и, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, наг̇ан̣абхож̇анз г̇ан̣абхож̇анасан̃н̃исса взмад̇игасса ваа д̣̇уггадам̣. наг̇ан̣абхож̇анасан̃н̃исса бана, яз жа д̣̇вз д̇аяо згад̇о г̇ан̣ханд̇и, б̣ахуунам̣ бин̣д̣ааяа жарид̇ваа згад̇о бхун̃ж̇анд̇аанам̣, нижжабхад̇д̇игаад̣̇ийсу, бан̃жа бхож̇анаани табзд̇ваа саб̣б̣ад̇т̇а, уммад̇д̇агаад̣̇ийнан̃жа анаабад̇д̇и. г̇ан̣абхож̇анад̇аа, самаяаабхааво, аж̇жхохаран̣анд̇и имаанзд̇т̇а д̇ийн̣и ан̇г̇аани. самудтаанаад̣̇ийни зл̣агаломасад̣̇исаанзваад̇и.
Rājagahe devadattaṃ ārabbha viññāpetvā bhuñjanavatthusmiṃ paññattaṃ, ‘‘aññatra samayā’’ti ayamettha sattavidhā anupaññatti, sādhāraṇapaññatti, anāṇattikaṃ, tikapācittiyaṃ, nagaṇabhojane gaṇabhojanasaññissa vematikassa vā dukkaṭaṃ. Nagaṇabhojanasaññissa pana, ye ca dve tayo ekato gaṇhanti, bahūnaṃ piṇḍāya caritvā ekato bhuñjantānaṃ, niccabhattikādīsu, pañca bhojanāni ṭhapetvā sabbattha, ummattakādīnañca anāpatti. Gaṇabhojanatā, samayābhāvo, ajjhoharaṇanti imānettha tīṇi aṅgāni. Samuṭṭhānādīni eḷakalomasadisānevāti.
г̇ан̣абхож̇анасигкаабад̣̇аван̣н̣анаа нидтид̇аа.
Gaṇabhojanasikkhāpadavaṇṇanā niṭṭhitā.
3. барамбарабхож̇анасигкаабад̣̇аван̣н̣анаа
3. Paramparabhojanasikkhāpadavaṇṇanā
д̇ад̇ияз барамбарабхож̇анзд̇и г̇ан̣абхож̇анз вуд̇д̇анаязнзва бан̃жахи бхож̇анзхи ниманд̇ид̇асса язна язна батамам̣ ниманд̇ид̇о, д̇асса д̇асса бхож̇анад̇о уббадибаадияаа ваа авигаббзд̇ваа ваа барасса барасса бхож̇анз. д̇асмаа яо бхигку бан̃жасу сахад̇хаммигзсу ан̃н̃ад̇арасса ‘‘маяхам̣ бхад̇д̇абажжаасам̣ д̇уяхам̣ д̣̇аммий’’д̇и ваа ‘‘вигаббзмий’’д̇и ваа звам̣ саммукаа ваа ‘‘ид̇т̇аннаамасса д̣̇аммий’’д̇и (баажи. 226) ваа ‘‘вигаббзмий’’д̇и ваа звам̣ бараммукааваа батаманиманд̇анам̣ авигаббзд̇ваа бажчаа ниманд̇ид̇агулз лад̣̇д̇хабхигкад̇о згасид̇т̇амби аж̇жхохарад̇и, баажид̇д̇ияам̣. самаяаа вуд̇д̇анаяаа зва.
Tatiye paramparabhojaneti gaṇabhojane vuttanayeneva pañcahi bhojanehi nimantitassa yena yena paṭhamaṃ nimantito, tassa tassa bhojanato uppaṭipāṭiyā vā avikappetvā vā parassa parassa bhojane. Tasmā yo bhikkhu pañcasu sahadhammikesu aññatarassa ‘‘mayhaṃ bhattapaccāsaṃ tuyhaṃ dammī’’ti vā ‘‘vikappemī’’ti vā evaṃ sammukhā vā ‘‘itthannāmassa dammī’’ti (pāci. 226) vā ‘‘vikappemī’’ti vā evaṃ parammukhāvā paṭhamanimantanaṃ avikappetvā pacchā nimantitakule laddhabhikkhato ekasitthampi ajjhoharati, pācittiyaṃ. Samayā vuttanayā eva.
взсаалияам̣ самб̣ахулз бхигкуу аараб̣бха ан̃н̃ад̇ра ниманд̇ид̇абхож̇анавад̇т̇усмим̣ бан̃н̃ад̇д̇ам̣, ‘‘ан̃н̃ад̇ра самаяаа’’д̇и аяамзд̇т̇а д̇ивид̇хаа анубан̃н̃ад̇д̇и, бариваарз бана вигаббанамби г̇ахзд̇ваа ‘‘жад̇ассо анубан̃н̃ад̇д̇ияо’’д̇и (бари. 86) вуд̇д̇ам̣, асаад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, набарамбарабхож̇анз барамбарабхож̇анасан̃н̃ино взмад̇игасса ваа д̣̇уггадам̣. набарамбарабхож̇анасан̃н̃исса бана, яо жа самаяз ваа вигаббзд̇ваа ваа згасам̣садтаани ваа д̣̇вз д̇ийн̣и ниманд̇анаани згад̇о ваа гад̇ваа бхун̃ж̇ад̇и, ниманд̇анаббадибаадияаа бхун̃ж̇ад̇и, сагалзна г̇аамзна ваа бууг̇зна ваа ниманд̇ид̇о д̇зсу яад̇т̇агад̇т̇ажи бхун̃ж̇ад̇и, ниманд̇ияамаано ваа ‘‘бхигкам̣ г̇ахзссаамий’’д̇и вад̣̇ад̇и, д̇асса, нижжабхад̇д̇игаад̣̇ийсу, бан̃жа бхож̇анаани табзд̇ваа саб̣б̣ад̇т̇а, уммад̇д̇агаад̣̇ийнан̃жа анаабад̇д̇и. барамбарабхож̇анад̇аа, самаяаабхааво, аж̇жхохаран̣анд̇и имаанзд̇т̇а д̇ийн̣и ан̇г̇аани. самудтаанаад̣̇ийни батамагат̇инасад̣̇исаанзва, ид̣̇ам̣ бана гирияаагирияанд̇и.
Vesāliyaṃ sambahule bhikkhū ārabbha aññatra nimantitabhojanavatthusmiṃ paññattaṃ, ‘‘aññatra samayā’’ti ayamettha tividhā anupaññatti, parivāre pana vikappanampi gahetvā ‘‘catasso anupaññattiyo’’ti (pari. 86) vuttaṃ, asādhāraṇapaññatti, anāṇattikaṃ, tikapācittiyaṃ, naparamparabhojane paramparabhojanasaññino vematikassa vā dukkaṭaṃ. Naparamparabhojanasaññissa pana, yo ca samaye vā vikappetvā vā ekasaṃsaṭṭhāni vā dve tīṇi nimantanāni ekato vā katvā bhuñjati, nimantanappaṭipāṭiyā bhuñjati, sakalena gāmena vā pūgena vā nimantito tesu yatthakatthaci bhuñjati, nimantiyamāno vā ‘‘bhikkhaṃ gahessāmī’’ti vadati, tassa, niccabhattikādīsu, pañca bhojanāni ṭhapetvā sabbattha, ummattakādīnañca anāpatti. Paramparabhojanatā, samayābhāvo, ajjhoharaṇanti imānettha tīṇi aṅgāni. Samuṭṭhānādīni paṭhamakathinasadisāneva, idaṃ pana kiriyākiriyanti.
барамбарабхож̇анасигкаабад̣̇аван̣н̣анаа нидтид̇аа.
Paramparabhojanasikkhāpadavaṇṇanā niṭṭhitā.
4. гаан̣амаад̇аасигкаабад̣̇аван̣н̣анаа
4. Kāṇamātāsikkhāpadavaṇṇanā
жад̇уд̇т̇з буувзхийд̇и бахзн̣агад̇т̇ааяа бадияад̇д̇зхи ад̇ирасагамод̣̇агасагкалигаад̣̇ийхи язхи гзхижи каж̇ж̇агзхи. мант̇зхийд̇и баат̇зяяад̇т̇ааяа бадияад̇д̇зхи язхи гзхижи сад̇д̇уд̇илад̇ан̣д̣улаад̣̇ийхи. д̣̇вад̇д̇ибад̇д̇абуураад̇и мукаваддияаа хздтималзкам̣ анад̇игганд̇аа д̣̇вз ваа д̇аяо ваа бад̇д̇абуураа. д̇ад̇о жз уд̇д̇арийд̇и сажзби д̇ад̇ияам̣ бад̇д̇ам̣ т̇уубийгад̇ам̣ г̇ан̣хаад̇и, мукаваддияаа хздтималзкад̇о убаридтид̇абууваг̇ан̣анааяа баажид̇д̇ияам̣. д̣̇вад̇д̇ибад̇д̇абуурз бадиг̇г̇ахзд̇ваад̇и зд̇т̇а язна д̣̇вз г̇ахид̇аа хонд̇и, д̇зна б̣ахи бхигкум̣ д̣̇исваа ‘‘зд̇т̇а маяаа д̣̇вз бад̇д̇абуураа г̇ахид̇аа, д̇вам̣ згам̣ г̇ан̣хзяяаасий’’д̇и вад̇д̇аб̣б̣ам̣, д̇знааби ан̃н̃ам̣ бассид̇ваа ‘‘батамам̣ ааг̇ад̇зна д̣̇вз бад̇д̇абуураа г̇ахид̇аа, маяаа зго г̇ахид̇о, д̇вам̣ маа г̇ан̣хий’’д̇и вад̇д̇аб̣б̣ам̣. язна батамам̣ зго г̇ахид̇о , д̇ассааби барамбараарожанз зсзва наяо. язна бана саяамзва д̇аяо г̇ахид̇аа, д̇зна ан̃н̃ам̣ д̣̇исваа ‘‘маа ко д̇вам̣ зд̇т̇а бадиг̇г̇ан̣хийд̇и вад̇д̇аб̣б̣ам̣, авад̣̇анд̇асса д̣̇уггадам̣, д̇ам̣ суд̇ваа г̇ан̣ханд̇ассааби д̣̇уггадамзва. д̇ад̇о нийхарид̇ваа бхигкуухи сад̣̇д̇хим̣ сам̣вибхаж̇ид̇аб̣б̣анд̇и лад̣̇д̇хадтаанад̇о саб̣б̣аасаннам̣ аасанасаалам̣ ваа вихаарам̣ ваа яад̇т̇а ваа бана ниб̣ад̣̇д̇хам̣ бадиггамад̇и, д̇ад̇т̇а г̇анд̇ваа згам̣ бад̇д̇абуурам̣ ад̇д̇ано табзд̇ваа сзсам̣ бхигкусан̇гхасса д̣̇аад̇аб̣б̣ам̣. яат̇аамид̇д̇ам̣ бана д̣̇аад̇ум̣ на лаб̣бхад̇и. язна зго г̇ахид̇о, на д̇зна гин̃жи агаамаа д̣̇аад̇аб̣б̣ам̣, яат̇ааружи гаад̇аб̣б̣ам̣.
Catutthe pūvehīti paheṇakatthāya paṭiyattehi atirasakamodakasakkhalikādīhi yehi kehici khajjakehi. Manthehīti pātheyyatthāya paṭiyattehi yehi kehici sattutilataṇḍulādīhi. Dvattipattapūrāti mukhavaṭṭiyā heṭṭhimalekhaṃ anatikkantā dve vā tayo vā pattapūrā. Tato ce uttarīti sacepi tatiyaṃ pattaṃ thūpīkataṃ gaṇhāti, mukhavaṭṭiyā heṭṭhimalekhato upariṭṭhitapūvagaṇanāya pācittiyaṃ. Dvattipattapūre paṭiggahetvāti ettha yena dve gahitā honti, tena bahi bhikkhuṃ disvā ‘‘ettha mayā dve pattapūrā gahitā, tvaṃ ekaṃ gaṇheyyāsī’’ti vattabbaṃ, tenāpi aññaṃ passitvā ‘‘paṭhamaṃ āgatena dve pattapūrā gahitā, mayā eko gahito, tvaṃ mā gaṇhī’’ti vattabbaṃ. Yena paṭhamaṃ eko gahito , tassāpi paramparārocane eseva nayo. Yena pana sayameva tayo gahitā, tena aññaṃ disvā ‘‘mā kho tvaṃ ettha paṭiggaṇhīti vattabbaṃ, avadantassa dukkaṭaṃ, taṃ sutvā gaṇhantassāpi dukkaṭameva. Tato nīharitvā bhikkhūhi saddhiṃ saṃvibhajitabbanti laddhaṭṭhānato sabbāsannaṃ āsanasālaṃ vā vihāraṃ vā yattha vā pana nibaddhaṃ paṭikkamati, tattha gantvā ekaṃ pattapūraṃ attano ṭhapetvā sesaṃ bhikkhusaṅghassa dātabbaṃ. Yathāmittaṃ pana dātuṃ na labbhati. Yena eko gahito, na tena kiñci akāmā dātabbaṃ, yathāruci kātabbaṃ.
саавад̇т̇ияам̣ самб̣ахулз бхигкуу аараб̣бха на мад̇д̇ам̣ ж̇аанид̇ваа бадиг̇г̇ахан̣авад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, уунагад̣̇вад̇д̇ибад̇д̇абуурз ад̇ирзгасан̃н̃исса взмад̇игасса ваа д̣̇уггадам̣. уунагасан̃н̃исса бана, на бахзн̣агад̇т̇ааяа на баат̇зяяад̇т̇ааяа ваа бадияад̇д̇ам̣, д̇ад̣̇ад̇т̇ааяа бадияад̇д̇асзсагам̣ ваа, г̇аманз ваа бадиббассад̣̇д̇хз, н̃аад̇агаббаваарид̇аанам̣ ваа д̣̇знд̇аанам̣, ад̇д̇ано д̇ханзна г̇ан̣ханд̇асса, уммад̇д̇агаад̣̇ийнан̃жа анаабад̇д̇и. вуд̇д̇алагкан̣абуувамант̇ад̇аа, асзсагад̇аа, аббадиббассад̣̇д̇хаг̇аманад̇аа, анан̃н̃аад̇агаад̣̇ид̇аа, ад̇ирзгаббадиг̇г̇ахан̣анд̇и имаанзд̇т̇а бан̃жа ан̇г̇аани, самудтаанаад̣̇ийни сан̃жарид̇д̇асад̣̇исаанзваад̇и.
Sāvatthiyaṃ sambahule bhikkhū ārabbha na mattaṃ jānitvā paṭiggahaṇavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, ūnakadvattipattapūre atirekasaññissa vematikassa vā dukkaṭaṃ. Ūnakasaññissa pana, na paheṇakatthāya na pātheyyatthāya vā paṭiyattaṃ, tadatthāya paṭiyattasesakaṃ vā, gamane vā paṭippassaddhe, ñātakappavāritānaṃ vā dentānaṃ, attano dhanena gaṇhantassa, ummattakādīnañca anāpatti. Vuttalakkhaṇapūvamanthatā, asesakatā, appaṭippassaddhagamanatā, anaññātakāditā, atirekappaṭiggahaṇanti imānettha pañca aṅgāni, samuṭṭhānādīni sañcarittasadisānevāti.
гаан̣амаад̇аасигкаабад̣̇аван̣н̣анаа нидтид̇аа.
Kāṇamātāsikkhāpadavaṇṇanā niṭṭhitā.
5. батамабавааран̣аасигкаабад̣̇аван̣н̣анаа
5. Paṭhamapavāraṇāsikkhāpadavaṇṇanā
бан̃жамз бхуд̇д̇аавийд̇и бхуд̇д̇аваа, язна бан̃жаннам̣ бхож̇анаанам̣ саасабамад̇д̇амби аж̇жхохарид̇ам̣, со звам̣ вужжад̇и. баваарид̇од̇и ‘‘асанам̣ бан̃н̃ааяад̇и, бхож̇анам̣ бан̃н̃ааяад̇и, хад̇т̇абаасз тид̇о абхихарад̇и, бадигкзбо бан̃н̃ааяад̇ий’’д̇и (баажи. 239) звам̣ баал̣ияам̣ вуд̇д̇абан̃жан̇г̇авасзна гад̇аббавааран̣о, гад̇аббадигкзбод̇и ад̇т̇о. д̇ад̇т̇а яасмаа ‘‘асанам̣ бан̃н̃ааяад̇ий’’д̇и иминаа виббагад̇абхож̇ано ‘баваарид̇о’д̇и вуд̇д̇о. яо жа виббагад̇абхож̇ано, д̇зна гин̃жи бхуд̇д̇ам̣, гин̃жи абхуд̇д̇ам̣, яан̃жа бхуд̇д̇ам̣, д̇ам̣ санд̇хааяа ‘бхуд̇д̇аавий’д̇иби сан̇кам̣ г̇ажчад̇и. д̇асмаа ‘бхуд̇д̇аавий’д̇иважанзна висум̣ гин̃жи ад̇т̇асид̣̇д̇хим̣ на бассаама, ‘‘д̣̇ирад̇д̇ад̇ирад̇д̇а’’нд̇иаад̣̇ийсу (баажи. 52) бана д̣̇ирад̇д̇аад̣̇иважанам̣ вияа баваарид̇абад̣̇асса бариваарабхаавзна б̣яан̃ж̇анасилидтад̇ааяа жзд̇ам̣ вуд̇д̇анд̇и взд̣̇ид̇аб̣б̣ам̣.
Pañcame bhuttāvīti bhuttavā, yena pañcannaṃ bhojanānaṃ sāsapamattampi ajjhoharitaṃ, so evaṃ vuccati. Pavāritoti ‘‘asanaṃ paññāyati, bhojanaṃ paññāyati, hatthapāse ṭhito abhiharati, paṭikkhepo paññāyatī’’ti (pāci. 239) evaṃ pāḷiyaṃ vuttapañcaṅgavasena katappavāraṇo, katappaṭikkhepoti attho. Tattha yasmā ‘‘asanaṃ paññāyatī’’ti iminā vippakatabhojano ‘pavārito’ti vutto. Yo ca vippakatabhojano, tena kiñci bhuttaṃ, kiñci abhuttaṃ, yañca bhuttaṃ, taṃ sandhāya ‘bhuttāvī’tipi saṅkhaṃ gacchati. Tasmā ‘bhuttāvī’tivacanena visuṃ kiñci atthasiddhiṃ na passāma, ‘‘dirattatiratta’’ntiādīsu (pāci. 52) pana dirattādivacanaṃ viya pavāritapadassa parivārabhāvena byañjanasiliṭṭhatāya cetaṃ vuttanti veditabbaṃ.
бавааран̣ан̇г̇зсу бана асанам̣ бан̃н̃ааяад̇ийд̇и виббагад̇абхож̇анам̣ д̣̇иссад̇и, д̇ам̣ бхун̃ж̇амаано жзса буг̇г̇ало ход̇ийд̇и ад̇т̇о. бхож̇анам̣ бан̃н̃ааяад̇ийд̇и бавааран̣аббахонагам̣ бхож̇анам̣ д̣̇иссад̇и, од̣̇анаад̣̇ийнам̣ жз ан̃н̃ад̇арам̣ бадигкибид̇аб̣б̣ам̣ бхож̇анам̣ ход̇ийд̇и ад̇т̇о. хад̇т̇абаасз тид̇од̇и бавааран̣аббахонагам̣ жз бхож̇анам̣ г̇ан̣хид̇ваа д̣̇ааяаго ад̣дхад̇зяяахад̇т̇аббамаан̣з огаасз тид̇о ход̇ийд̇и ад̇т̇о . абхихарад̇ийд̇и со жз д̣̇ааяаго д̇асса д̇ам̣ бхож̇анам̣ гааязна абхисам̣харад̇ийд̇и ад̇т̇о. бадигкзбо бан̃н̃ааяад̇ийд̇и бадигкзбо д̣̇иссад̇и, д̇ам̣ жз абхихадам̣ со бхигку гааязна ваа ваажааяа ваа бадигкибад̇ийд̇и ад̇т̇о. звам̣ бан̃жаннам̣ ан̇г̇аанам̣ васзна баваарид̇о ход̇и.
Pavāraṇaṅgesu pana asanaṃ paññāyatīti vippakatabhojanaṃ dissati, taṃ bhuñjamāno cesa puggalo hotīti attho. Bhojanaṃ paññāyatīti pavāraṇappahonakaṃ bhojanaṃ dissati, odanādīnaṃ ce aññataraṃ paṭikkhipitabbaṃ bhojanaṃ hotīti attho. Hatthapāse ṭhitoti pavāraṇappahonakaṃ ce bhojanaṃ gaṇhitvā dāyako aḍḍhateyyahatthappamāṇe okāse ṭhito hotīti attho . Abhiharatīti so ce dāyako tassa taṃ bhojanaṃ kāyena abhisaṃharatīti attho. Paṭikkhepo paññāyatīti paṭikkhepo dissati, taṃ ce abhihaṭaṃ so bhikkhu kāyena vā vācāya vā paṭikkhipatīti attho. Evaṃ pañcannaṃ aṅgānaṃ vasena pavārito hoti.
д̇ад̇рааяам̣ винижчаяо – ‘асана’нд̇иаад̣̇ийсу д̇аава яан̃жа аснаад̇и, яан̃жа бхож̇анам̣ хад̇т̇абаасз тид̇зна абхихадам̣ бадигкибад̇и, д̇ам̣ од̣̇ано гуммаасо сад̇д̇у мажчо мам̣санд̇и имзсам̣ ан̃н̃ад̇арамзва взд̣̇ид̇аб̣б̣ам̣. д̇ад̇т̇а од̣̇ано наама саали вийхи яаво г̇од̇хумо ган̇г̇у вараго гуд̣̇руусагод̇и имзсам̣ сад̇д̇аннам̣ д̇хан̃н̃аанам̣ д̇ан̣д̣улз г̇ахзд̇ваа ‘‘бхад̇д̇ам̣ бажаамаа’’д̇и ваа ‘‘яааг̇ум̣ бажаамаа’’д̇и ваа яам̣гин̃жи санд̇хааяа бажанд̇у, сажз ун̣хам̣ ваа сийд̇алам̣ ваа бхун̃ж̇анд̇аанам̣ бхож̇анагаалз г̇ахид̇аг̇ахид̇адтаанз од̇хи бан̃н̃ааяад̇и, од̣̇ано ход̇и, бавааран̣ам̣ ж̇анзд̇и. яо бана бааяаасо ваа амб̣илаяааг̇у ваа уд̣̇д̇ханад̇о од̇аарид̇амад̇д̇аа аб̣бхун̣хаа саггаа ход̇и аавиж̇жхид̇ваа бивид̇ум̣, саа яасса хад̇т̇зна г̇ахид̇огаасзби од̇хи на бан̃н̃ааяад̇и, бавааран̣ам̣ на ж̇анзд̇и. сажз бана усумааяа виг̇ад̇ааяа гханабхаавам̣ г̇ажчад̇и, од̇хим̣ д̣̇ассзд̇и, буна бавааран̣ам̣ ж̇анзд̇и, буб̣б̣з д̇анугабхааво на рагкад̇и. сажзби б̣ахуу бан̣н̣апалагал̣ийрз багкибид̇ваа мудтимад̇д̇ааби д̇ан̣д̣улаа багкид̇д̇аа хонд̇и, бхож̇анагаалз жз од̇хи бан̃н̃ааяад̇и, бавааран̣ам̣ ж̇анзд̇и. аяааг̇угз ниманд̇анз ‘‘яааг̇ум̣ д̣̇ассаамаа’’д̇и бхад̇д̇з уд̣̇агаган̃ж̇игакийраад̣̇ийни аагирид̇ваа ‘‘яааг̇ум̣ г̇ан̣хат̇аа’’д̇и д̣̇знд̇и, гин̃жааби д̇анугаа ход̇и, бавааран̣ам̣ ж̇анзд̇иязва. сажз бана баггут̇ид̇зсу уд̣̇агаад̣̇ийсу багкибид̇ваа бажид̇ваа д̣̇знд̇и, яааг̇усан̇г̇ахамзва г̇ажчад̇и. сажз яааг̇уяааби саасабамад̇д̇амби мажчамам̣сагкан̣д̣ам̣ ваа нхаару ваа багкид̇д̇ам̣ ход̇и, бавааран̣ам̣ ж̇анзд̇и. табзд̇ваа саануломаанам̣ вуд̇д̇ад̇хан̃н̃аанам̣ д̇ан̣д̣улз ан̃н̃зхи взл̣уд̇ан̣д̣улаад̣̇ийхи ваа ганд̣̇амуулапалзхи ваа язхи гзхижи гад̇абхад̇д̇ам̣ бавааран̣ам̣ на ж̇анзд̇и. гуммаасо наама яавзхи гад̇о. ан̃н̃зхи бана муг̇г̇аад̣̇ийхи гад̇агуммаасо бавааран̣ам̣ на ж̇анзд̇и. сад̇д̇у наама сад̇д̇а д̇хан̃н̃аани бхаж̇ж̇ид̇ваа гад̇о. анд̇амасо карабаагабхаж̇ж̇ид̇аанам̣ вийхийнам̣ д̇ан̣д̣улз годдзд̇ваа гад̇ажун̣н̣амби гун̣д̣агамби сад̇д̇усан̇г̇ахамзва г̇ажчад̇и. самабаагабхаж̇ж̇ид̇аанам̣ бана аад̇абасугкаанам̣ гун̣д̣агам̣ ваа, яз гзжи д̇ан̣д̣улаа ваа лааж̇аа ваа, лааж̇зхи гад̇абхад̇д̇асад̇д̇уаад̣̇ийни ваа на баваарзнд̇и. мажчамам̣сзсу сажз яааг̇ум̣ биванд̇асса яааг̇усид̇т̇амад̇д̇аанзва д̣̇вз мажчагкан̣д̣аани ваа мам̣сагкан̣д̣аани ваа згабхааж̇анз ваа наанаабхааж̇анз ваа д̣̇знд̇и, д̇аани жз акаад̣̇анд̇о ан̃н̃ам̣ бавааран̣аббахонагам̣ яам̣гин̃жи бадигкибад̇и, на баваарзд̇и. д̇ад̇о згам̣ каад̣̇ид̇ам̣, згам̣ хад̇т̇з ваа бад̇д̇з ваа ход̇и, сажз ан̃н̃ам̣ бадигкибад̇и баваарзд̇и. д̣̇взби каад̣̇ид̇аани хонд̇и, мукз саасабамад̇д̇амби авасидтам̣ над̇т̇и, сажзби ан̃н̃ам̣ бадигкибад̇и, на баваарзд̇и. яо бана агаббияамам̣сам̣ гулад̣̇уусанавзж̇ж̇агаммауд̇д̇аримануссад̇хаммаарожанасаад̣̇ид̇аруубияаад̣̇ийхи ниб̣б̣ад̇д̇ам̣ агаббияабхож̇анан̃жа ан̃н̃ам̣ габбияам̣ ваа агаббияам̣ ваа каад̣̇анд̇о бадигкибад̇и, на баваарзд̇и.
Tatrāyaṃ vinicchayo – ‘asana’ntiādīsu tāva yañca asnāti, yañca bhojanaṃ hatthapāse ṭhitena abhihaṭaṃ paṭikkhipati, taṃ odano kummāso sattu maccho maṃsanti imesaṃ aññatarameva veditabbaṃ. Tattha odano nāma sāli vīhi yavo godhumo kaṅgu varako kudrūsakoti imesaṃ sattannaṃ dhaññānaṃ taṇḍule gahetvā ‘‘bhattaṃ pacāmā’’ti vā ‘‘yāguṃ pacāmā’’ti vā yaṃkiñci sandhāya pacantu, sace uṇhaṃ vā sītalaṃ vā bhuñjantānaṃ bhojanakāle gahitagahitaṭṭhāne odhi paññāyati, odano hoti, pavāraṇaṃ janeti. Yo pana pāyāso vā ambilayāgu vā uddhanato otāritamattā abbhuṇhā sakkā hoti āvijjhitvā pivituṃ, sā yassa hatthena gahitokāsepi odhi na paññāyati, pavāraṇaṃ na janeti. Sace pana usumāya vigatāya ghanabhāvaṃ gacchati, odhiṃ dasseti, puna pavāraṇaṃ janeti, pubbe tanukabhāvo na rakkhati. Sacepi bahū paṇṇaphalakaḷīre pakkhipitvā muṭṭhimattāpi taṇḍulā pakkhittā honti, bhojanakāle ce odhi paññāyati, pavāraṇaṃ janeti. Ayāguke nimantane ‘‘yāguṃ dassāmā’’ti bhatte udakakañjikakhīrādīni ākiritvā ‘‘yāguṃ gaṇhathā’’ti denti, kiñcāpi tanukā hoti, pavāraṇaṃ janetiyeva. Sace pana pakkuthitesu udakādīsu pakkhipitvā pacitvā denti, yāgusaṅgahameva gacchati. Sace yāguyāpi sāsapamattampi macchamaṃsakkhaṇḍaṃ vā nhāru vā pakkhittaṃ hoti, pavāraṇaṃ janeti. Ṭhapetvā sānulomānaṃ vuttadhaññānaṃ taṇḍule aññehi veḷutaṇḍulādīhi vā kandamūlaphalehi vā yehi kehici katabhattaṃ pavāraṇaṃ na janeti. Kummāso nāma yavehi kato. Aññehi pana muggādīhi katakummāso pavāraṇaṃ na janeti. Sattu nāma satta dhaññāni bhajjitvā kato. Antamaso kharapākabhajjitānaṃ vīhīnaṃ taṇḍule koṭṭetvā katacuṇṇampi kuṇḍakampi sattusaṅgahameva gacchati. Samapākabhajjitānaṃ pana ātapasukkhānaṃ kuṇḍakaṃ vā, ye keci taṇḍulā vā lājā vā, lājehi katabhattasattuādīni vā na pavārenti. Macchamaṃsesu sace yāguṃ pivantassa yāgusitthamattāneva dve macchakkhaṇḍāni vā maṃsakkhaṇḍāni vā ekabhājane vā nānābhājane vā denti, tāni ce akhādanto aññaṃ pavāraṇappahonakaṃ yaṃkiñci paṭikkhipati, na pavāreti. Tato ekaṃ khāditaṃ, ekaṃ hatthe vā patte vā hoti, sace aññaṃ paṭikkhipati pavāreti. Dvepi khāditāni honti, mukhe sāsapamattampi avasiṭṭhaṃ natthi, sacepi aññaṃ paṭikkhipati, na pavāreti. Yo pana akappiyamaṃsaṃ kuladūsanavejjakammauttarimanussadhammārocanasāditarūpiyādīhi nibbattaṃ akappiyabhojanañca aññaṃ kappiyaṃ vā akappiyaṃ vā khādanto paṭikkhipati, na pavāreti.
звам̣ яан̃жа аснаад̇и, яан̃жа бхож̇анам̣ хад̇т̇абаасз тид̇зна абхихадам̣ бадигкибанд̇о бавааран̣ам̣ ж̇анзд̇и, д̇ам̣ н̃ад̇ваа ид̣̇аани яат̇аа аабаж̇ж̇ад̇и, д̇асса ж̇аананад̇т̇ам̣ аяам̣ винижчаяо взд̣̇ид̇аб̣б̣о – ‘‘асанам̣ бхож̇ана’’нд̇и зд̇т̇а д̇аава язна згасид̇т̇амби аж̇жхохадам̣ ход̇и, со сажз бад̇д̇амукахад̇т̇зсу яад̇т̇агад̇т̇ажи бхож̇анз сад̇и саабзгкова ан̃н̃ам̣ вуд̇д̇алагкан̣ам̣ бхож̇анам̣ бадигкибад̇и, баваарзд̇и. сажз бана нирабзгко ход̇и, яам̣ бад̇д̇аад̣̇ийсу авасидтам̣, д̇ам̣ на жа аж̇жхохарид̇угаамо, ан̃н̃асса ваа д̣̇аад̇угаамо, ан̃н̃ад̇ра ваа г̇анд̇ваа бхун̃ж̇ид̇угаамо, со бадигкибанд̇оби на баваарзд̇и. ‘‘хад̇т̇абаасз тид̇о’’д̇и зд̇т̇а бана сажз бхигку нисинно ход̇и, аанисад̣̇асса бажчиманд̇ад̇о бадтааяа, сажз тид̇о, бан̣хийнам̣ анд̇ад̇о бадтааяа, сажз нибанно, язна бассзна нибанно, д̇асса баариманд̇ад̇о бадтааяа д̣̇ааяагасса нисиннасса ваа тид̇асса ваа нибаннасса ваа табзд̇ваа басаарид̇ахад̇т̇ам̣ яам̣ аасаннад̇арам̣ ан̇г̇ам̣, д̇асса ориманд̇зна барижчинд̣̇ид̇ваа ад̣дхад̇зяяахад̇т̇о ‘хад̇т̇абаасо’д̇и взд̣̇ид̇аб̣б̣о. д̇асмим̣ тад̇ваа абхихадам̣ бадигкибанд̇ассзва бавааран̣аа ход̇и, на д̇ад̇о барам̣. ‘абхихарад̇ий’д̇и хад̇т̇абаасаб̣бханд̇арз тид̇о г̇ахан̣ад̇т̇ам̣ убанаамзд̇и. сажз бана ананд̇аранисинноби бхигку хад̇т̇з ваа аад̇хаарагз ваа тид̇ам̣ бад̇д̇ам̣ анабхихарид̇ваава ‘‘бхад̇д̇ам̣ г̇ан̣хат̇аа’’д̇и вад̣̇ад̇и, д̇ам̣ бадигкибад̇о бавааран̣аа над̇т̇и. бхад̇д̇абажчим̣ аанзд̇ваа бурад̇о бхуумияам̣ табзд̇ваа звам̣ вуд̇д̇зби зсзва наяо. ийсагам̣ бана уд̣̇д̇харид̇ваа ваа абанаамзд̇ваа ваа ‘г̇ан̣хат̇аа’д̇и вуд̇д̇з д̇ам̣ бадигкибад̇о бавааран̣аа ход̇и. бхад̇д̇абажчим̣ г̇ахзд̇ваа баривисанд̇асса ан̃н̃о ‘‘ахам̣ д̇хаарзссаамий’’д̇и г̇ахид̇амад̇д̇амзва гарод̇и, баривзсагоязва бана д̇ам̣ д̇хаарзд̇и, д̇асмаа саа абхихадаава ход̇и, д̇ад̇о д̣̇аад̇угаамад̇ааяа г̇ан̣ханд̇ам̣ бадигкибанд̇асса бавааран̣аа ход̇и. сажз бана баривзсагзна пудтамад̇д̇аава ход̇и, ид̇арова нам̣ д̇хаарзд̇и, д̇ад̇о д̣̇аад̇угаамад̇ааяа г̇ан̣ханд̇ам̣ бадигкибанд̇асса бавааран̣аа на ход̇и. гадажчунаа уд̣̇д̇хадз бана ход̇и, д̣̇виннам̣ самабхаарзби бадигкибанд̇о баваарзд̇иязва. ананд̇арасса д̣̇ияяамаанз ид̇аро бад̇д̇ам̣ бид̣̇ахад̇и, ан̃н̃асса абхихадам̣ наама бадигкид̇д̇ам̣ ход̇и, д̇асмаа бавааран̣аа над̇т̇и. ‘бадигкзбо’д̇и зд̇т̇а ваажааяа абхихадз бадигкзбо на рухад̇и, гааязна абхихадам̣ бана ан̇г̇улижаланаад̣̇инаа гааяавигаарзна ваа ‘‘алам̣, маа д̣̇зхий’’д̇иаад̣̇инаа важийвигаарзна ваа бадигкибад̇о бавааран̣аа ход̇и.
Evaṃ yañca asnāti, yañca bhojanaṃ hatthapāse ṭhitena abhihaṭaṃ paṭikkhipanto pavāraṇaṃ janeti, taṃ ñatvā idāni yathā āpajjati, tassa jānanatthaṃ ayaṃ vinicchayo veditabbo – ‘‘asanaṃ bhojana’’nti ettha tāva yena ekasitthampi ajjhohaṭaṃ hoti, so sace pattamukhahatthesu yatthakatthaci bhojane sati sāpekkhova aññaṃ vuttalakkhaṇaṃ bhojanaṃ paṭikkhipati, pavāreti. Sace pana nirapekkho hoti, yaṃ pattādīsu avasiṭṭhaṃ, taṃ na ca ajjhoharitukāmo, aññassa vā dātukāmo, aññatra vā gantvā bhuñjitukāmo, so paṭikkhipantopi na pavāreti. ‘‘Hatthapāse ṭhito’’ti ettha pana sace bhikkhu nisinno hoti, ānisadassa pacchimantato paṭṭhāya, sace ṭhito, paṇhīnaṃ antato paṭṭhāya, sace nipanno, yena passena nipanno, tassa pārimantato paṭṭhāya dāyakassa nisinnassa vā ṭhitassa vā nipannassa vā ṭhapetvā pasāritahatthaṃ yaṃ āsannataraṃ aṅgaṃ, tassa orimantena paricchinditvā aḍḍhateyyahattho ‘hatthapāso’ti veditabbo. Tasmiṃ ṭhatvā abhihaṭaṃ paṭikkhipantasseva pavāraṇā hoti, na tato paraṃ. ‘Abhiharatī’ti hatthapāsabbhantare ṭhito gahaṇatthaṃ upanāmeti. Sace pana anantaranisinnopi bhikkhu hatthe vā ādhārake vā ṭhitaṃ pattaṃ anabhiharitvāva ‘‘bhattaṃ gaṇhathā’’ti vadati, taṃ paṭikkhipato pavāraṇā natthi. Bhattapacchiṃ ānetvā purato bhūmiyaṃ ṭhapetvā evaṃ vuttepi eseva nayo. Īsakaṃ pana uddharitvā vā apanāmetvā vā ‘gaṇhathā’ti vutte taṃ paṭikkhipato pavāraṇā hoti. Bhattapacchiṃ gahetvā parivisantassa añño ‘‘ahaṃ dhāressāmī’’ti gahitamattameva karoti, parivesakoyeva pana taṃ dhāreti, tasmā sā abhihaṭāva hoti, tato dātukāmatāya gaṇhantaṃ paṭikkhipantassa pavāraṇā hoti. Sace pana parivesakena phuṭṭhamattāva hoti, itarova naṃ dhāreti, tato dātukāmatāya gaṇhantaṃ paṭikkhipantassa pavāraṇā na hoti. Kaṭacchunā uddhaṭe pana hoti, dvinnaṃ samabhārepi paṭikkhipanto pavāretiyeva. Anantarassa diyyamāne itaro pattaṃ pidahati, aññassa abhihaṭaṃ nāma paṭikkhittaṃ hoti, tasmā pavāraṇā natthi. ‘Paṭikkhepo’ti ettha vācāya abhihaṭe paṭikkhepo na ruhati, kāyena abhihaṭaṃ pana aṅgulicalanādinā kāyavikārena vā ‘‘alaṃ, mā dehī’’tiādinā vacīvikārena vā paṭikkhipato pavāraṇā hoti.
зго самам̣сагам̣ расам̣ абхихарад̇и, ‘‘расам̣ бадиг̇г̇ан̣хат̇аа’’д̇и вад̣̇ад̇и, д̇ам̣ суд̇ваа бадигкибад̇о бавааран̣аа над̇т̇и. ‘мам̣сараса’нд̇и вуд̇д̇з бана бадигкибад̇о бавааран̣аа ход̇и. ‘‘имам̣ г̇ан̣хат̇аа’’д̇и вуд̇д̇зби ход̇иязва. мам̣сам̣ висум̣ гад̇ваа ‘мам̣сараса’нд̇и вуд̇д̇зби сажз саасабамад̇д̇амби кан̣д̣ам̣ ад̇т̇и, бадигкибад̇о бавааран̣аа ход̇и. сажз над̇т̇и, ваддад̇и. гал̣ийрабанасаад̣̇ийхи миссзд̇ваа мажчамам̣сам̣ бажанд̇и, д̇ам̣ г̇ахзд̇ваа ‘‘гал̣ийрасуубам̣ г̇ан̣хат̇а, банасаб̣яан̃ж̇анам̣ г̇ан̣хат̇аа’’д̇и вад̣̇ад̇и, звамби на баваарзд̇и. гасмаа? абавааран̣аарахасса наамзна вуд̇д̇ад̇д̇аа. ‘‘мажчамам̣сам̣ б̣яан̃ж̇ана’’нд̇и ваа ‘‘имам̣ г̇ан̣хат̇аа’’д̇и ваа вуд̇д̇з бана баваарзд̇и, аяамзд̇т̇а сан̇кзбо, вид̇т̇ааро бана саманд̇абаасаад̣̇игааяам̣ вуд̇д̇о. г̇аманаад̣̇ийсу бана яасмим̣ ирияаабат̇з баваарзд̇и, д̇ам̣ авигобзнд̇знзва бхун̃ж̇ид̇аб̣б̣ам̣.
Eko samaṃsakaṃ rasaṃ abhiharati, ‘‘rasaṃ paṭiggaṇhathā’’ti vadati, taṃ sutvā paṭikkhipato pavāraṇā natthi. ‘Maṃsarasa’nti vutte pana paṭikkhipato pavāraṇā hoti. ‘‘Imaṃ gaṇhathā’’ti vuttepi hotiyeva. Maṃsaṃ visuṃ katvā ‘maṃsarasa’nti vuttepi sace sāsapamattampi khaṇḍaṃ atthi, paṭikkhipato pavāraṇā hoti. Sace natthi, vaṭṭati. Kaḷīrapanasādīhi missetvā macchamaṃsaṃ pacanti, taṃ gahetvā ‘‘kaḷīrasūpaṃ gaṇhatha, panasabyañjanaṃ gaṇhathā’’ti vadati, evampi na pavāreti. Kasmā? Apavāraṇārahassa nāmena vuttattā. ‘‘Macchamaṃsaṃ byañjana’’nti vā ‘‘imaṃ gaṇhathā’’ti vā vutte pana pavāreti, ayamettha saṅkhepo, vitthāro pana samantapāsādikāyaṃ vutto. Gamanādīsu pana yasmiṃ iriyāpathe pavāreti, taṃ avikopenteneva bhuñjitabbaṃ.
анад̇ирид̇д̇анд̇и на ад̇ирид̇д̇ам̣, на ад̇хиганд̇и ад̇т̇о. д̇ам̣ бана габбияагад̇аад̣̇ийхи сад̇д̇ахи винаяагаммаагаарзхи агад̇ам̣ ваа г̇илаанасса анад̇хигам̣ ваа ход̇и. д̇асмаа бад̣̇абхааж̇анз (баажи. 239) ‘агаббияагад̇а’нд̇иаад̣̇и вуд̇д̇ам̣, д̇ад̇т̇а яам̣ палам̣ ваа ганд̣̇амуулаад̣̇и ваа бан̃жахи саман̣агаббиязхи габбияам̣ агад̇ам̣, яан̃жа агаббияамам̣сам̣ ваа агаббияабхож̇анам̣ ваа, зд̇ам̣ агаббияам̣ наама, д̇ам̣ агаббияам̣ ‘‘аламзд̇ам̣ саб̣б̣а’’нд̇и звам̣ ад̇ирид̇д̇ам̣ гад̇ам̣ агаббияагад̇анд̇и взд̣̇ид̇аб̣б̣ам̣. аббадиг̇г̇ахид̇агад̇анд̇и бхигкунаа аббадиг̇г̇ахид̇ам̣язва буриманаязна ад̇ирид̇д̇ам̣ гад̇ам̣. анужжаарид̇агад̇анд̇и габбияам̣ гаарзд̇ум̣ ааг̇ад̇зна бхигкунаа ийсагамби анугкид̇д̇ам̣ ваа анабанаамид̇ам̣ ваа гад̇ам̣. ахад̇т̇абаасз гад̇анд̇и габбияам̣ гаарзд̇ум̣ ааг̇ад̇асса хад̇т̇абаасад̇о б̣ахи тид̇зна гад̇ам̣. абхуд̇д̇аавинаа гад̇анд̇и яо ад̇ирид̇д̇ам̣ гарод̇и, д̇зна бавааран̣аббахонагам̣ бхож̇анам̣ абхуд̇д̇зна гад̇ам̣. бхуд̇д̇аавинаа баваарид̇зна аасанаа вудтид̇зна гад̇анд̇и ид̣̇ам̣ уд̇д̇аанамзва. ‘‘аламзд̇ам̣ саб̣б̣а’’нд̇и авуд̇д̇анд̇и важийбхзд̣̇ам̣ гад̇ваа звам̣ авуд̇д̇ам̣ ход̇и. ид̇и имзхи сад̇д̇ахи винаяагаммаагаарзхи яам̣ ад̇ирид̇д̇ам̣ габбияам̣ агад̇ам̣, яан̃жа бана на г̇илаанаад̇ирид̇д̇ам̣, д̇ад̣̇убхаяамби анад̇ирид̇д̇ам̣. ад̇ирид̇д̇ам̣ бана д̇ассзва бадибагканаязна взд̣̇ид̇аб̣б̣ам̣.
Anatirittanti na atirittaṃ, na adhikanti attho. Taṃ pana kappiyakatādīhi sattahi vinayakammākārehi akataṃ vā gilānassa anadhikaṃ vā hoti. Tasmā padabhājane (pāci. 239) ‘akappiyakata’ntiādi vuttaṃ, tattha yaṃ phalaṃ vā kandamūlādi vā pañcahi samaṇakappiyehi kappiyaṃ akataṃ, yañca akappiyamaṃsaṃ vā akappiyabhojanaṃ vā, etaṃ akappiyaṃ nāma, taṃ akappiyaṃ ‘‘alametaṃ sabba’’nti evaṃ atirittaṃ kataṃ akappiyakatanti veditabbaṃ. Appaṭiggahitakatanti bhikkhunā appaṭiggahitaṃyeva purimanayena atirittaṃ kataṃ. Anuccāritakatanti kappiyaṃ kāretuṃ āgatena bhikkhunā īsakampi anukkhittaṃ vā anapanāmitaṃ vā kataṃ. Ahatthapāse katanti kappiyaṃ kāretuṃ āgatassa hatthapāsato bahi ṭhitena kataṃ. Abhuttāvinā katanti yo atirittaṃ karoti, tena pavāraṇappahonakaṃ bhojanaṃ abhuttena kataṃ. Bhuttāvinā pavāritena āsanā vuṭṭhitena katanti idaṃ uttānameva. ‘‘Alametaṃ sabba’’nti avuttanti vacībhedaṃ katvā evaṃ avuttaṃ hoti. Iti imehi sattahi vinayakammākārehi yaṃ atirittaṃ kappiyaṃ akataṃ, yañca pana na gilānātirittaṃ, tadubhayampi anatirittaṃ. Atirittaṃ pana tasseva paṭipakkhanayena veditabbaṃ.
абижзд̇т̇а бхуд̇д̇аавинаа гад̇ам̣ ход̇ийд̇и (баажи. 239) анд̇амасо ананд̇аранисиннасса бад̇д̇ад̇о згамби сид̇т̇ам̣ ваа мам̣сахийрам̣ ваа каад̣̇ид̇ваа гад̇амби бхуд̇д̇аавинаа гад̇ам̣ ход̇и, яо баад̇ова звам̣ бхуд̇д̇аавий баваарид̇о нисийд̣̇ад̇иязва, со убагадтзби гаалз абхихадам̣ бин̣д̣ам̣ бхигкунаа убанийд̇ам̣ габбияам̣ гаад̇ум̣ лабхад̇и. сажз бана д̇асмим̣ габбияз гад̇з бхун̃ж̇анд̇асса ан̃н̃ам̣ аамисам̣ аагиранд̇и, д̇ам̣ со буна гаад̇ум̣ на лабхад̇и. яан̃хи агад̇ам̣, д̇ам̣ гаад̇аб̣б̣ам̣. язна жа агад̇ам̣, д̇зна жа гаад̇аб̣б̣анд̇и (баажи. адта. 238-9) вуд̇д̇ам̣, д̇асмаа д̇асмим̣ бхааж̇анз гарияамаанз батамагад̇зна сад̣̇д̇хим̣ гад̇ам̣ ход̇ийд̇и д̇ам̣ гаад̇ум̣ на ваддад̇и. ан̃н̃асмим̣ бана бхааж̇анз д̇зна ваа ан̃н̃зна ваа гаад̇ум̣ ваддад̇и. звам̣ гад̇ам̣ батамагад̇зна миссзд̇вааби бхун̃ж̇ид̇ум̣ ваддад̇и, на гзвалан̃жа д̇асса язна бана гад̇ам̣, д̇ам̣ табзд̇ваа ан̃н̃зсам̣ баваарид̇аанамби бхун̃ж̇ид̇ум̣ ваддад̇и. яат̇аа бана агад̇зна миссам̣ на ход̇и, звам̣ мукан̃жа хад̇т̇ан̃жа суд̣̇д̇хам̣ гад̇ваа бхун̃ж̇ид̇аб̣б̣ам̣. г̇илаанаад̇ирид̇д̇ам̣ бана на гзвалам̣ г̇илаанасса бхуд̇д̇аавасзсамзва, ат̇а ко яам̣гин̃жи г̇илаанам̣ уд̣̇д̣̇исса ‘‘аж̇ж̇а ваа свз ваа яад̣̇аа ваа ижчад̇и, д̇ад̣̇аа каад̣̇иссад̇ий’’д̇и аахадам̣, д̇ам̣ саб̣б̣ам̣ ‘г̇илаанаад̇ирид̇д̇а’нд̇и взд̣̇ид̇аб̣б̣ам̣. каад̣̇анийяам̣ ваа бхож̇анийяам̣ ваад̇и яам̣гин̃жи яаавагаалигам̣. каад̣̇зяяа ваа бхун̃ж̇зяяа ваа баажид̇д̇ияанд̇и зд̇т̇а вуд̇д̇анаязна баваарид̇асса анад̇ирид̇д̇ам̣ яам̣гин̃жи аамисам̣ аж̇жхохаран̣ад̇т̇ааяа бадиг̇г̇ан̣хад̇о г̇ахан̣з д̣̇уггадам̣, аж̇жхохаарз аж̇жхохаарз баажид̇д̇ияам̣.
Apicettha bhuttāvinā kataṃ hotīti (pāci. 239) antamaso anantaranisinnassa pattato ekampi sitthaṃ vā maṃsahīraṃ vā khāditvā katampi bhuttāvinā kataṃ hoti, yo pātova evaṃ bhuttāvī pavārito nisīdatiyeva, so upakaṭṭhepi kāle abhihaṭaṃ piṇḍaṃ bhikkhunā upanītaṃ kappiyaṃ kātuṃ labhati. Sace pana tasmiṃ kappiye kate bhuñjantassa aññaṃ āmisaṃ ākiranti, taṃ so puna kātuṃ na labhati. Yañhi akataṃ, taṃ kātabbaṃ. Yena ca akataṃ, tena ca kātabbanti (pāci. aṭṭha. 238-9) vuttaṃ, tasmā tasmiṃ bhājane kariyamāne paṭhamakatena saddhiṃ kataṃ hotīti taṃ kātuṃ na vaṭṭati. Aññasmiṃ pana bhājane tena vā aññena vā kātuṃ vaṭṭati. Evaṃ kataṃ paṭhamakatena missetvāpi bhuñjituṃ vaṭṭati, na kevalañca tassa yena pana kataṃ, taṃ ṭhapetvā aññesaṃ pavāritānampi bhuñjituṃ vaṭṭati. Yathā pana akatena missaṃ na hoti, evaṃ mukhañca hatthañca suddhaṃ katvā bhuñjitabbaṃ. Gilānātirittaṃ pana na kevalaṃ gilānassa bhuttāvasesameva, atha kho yaṃkiñci gilānaṃ uddissa ‘‘ajja vā sve vā yadā vā icchati, tadā khādissatī’’ti āhaṭaṃ, taṃ sabbaṃ ‘gilānātiritta’nti veditabbaṃ. Khādanīyaṃ vā bhojanīyaṃ vāti yaṃkiñci yāvakālikaṃ. Khādeyya vā bhuñjeyya vā pācittiyanti ettha vuttanayena pavāritassa anatirittaṃ yaṃkiñci āmisaṃ ajjhoharaṇatthāya paṭiggaṇhato gahaṇe dukkaṭaṃ, ajjhohāre ajjhohāre pācittiyaṃ.
саавад̇т̇ияам̣ самб̣ахулз бхигкуу аараб̣бха ан̃н̃ад̇ра бхун̃ж̇анавад̇т̇усмим̣ бан̃н̃ад̇д̇ам̣, ‘‘анад̇ирид̇д̇а’’нд̇и аяамзд̇т̇а анубан̃н̃ад̇д̇и, асаад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, яаамагаалигаад̣̇ийни аахаарад̇т̇ааяа г̇ан̣хад̇о, нираамисаани аж̇жхохарад̇о жа д̣̇уггадам̣, д̇ат̇аа ад̇ирид̇д̇з анад̇ирид̇д̇асан̃н̃ино жзва взмад̇игасса жа. ад̇ирид̇д̇асан̃н̃ино бана, ‘‘ад̇ирид̇д̇ам̣ гаараабзд̇ваа бхун̃ж̇иссаамий’’д̇и г̇ан̣ханд̇асса, ан̃н̃ассад̇т̇ааяа г̇ан̣ханд̇асса, яаамагаалигаад̣̇ийни д̇зсам̣ анун̃н̃аад̇абарибхог̇авасзна нираамисаани барибхун̃ж̇анд̇асса, уммад̇д̇агаад̣̇ийнан̃жа анаабад̇д̇и. баваарид̇абхааво, аамисасса анад̇ирид̇д̇ад̇аа, гаалзна аж̇жхохаран̣анд̇и имаанзд̇т̇а д̇ийн̣и ан̇г̇аани. самудтаанаад̣̇ийни батамагат̇инасад̣̇исаанзва, ид̣̇ам̣ бана гирияаагирияанд̇и.
Sāvatthiyaṃ sambahule bhikkhū ārabbha aññatra bhuñjanavatthusmiṃ paññattaṃ, ‘‘anatiritta’’nti ayamettha anupaññatti, asādhāraṇapaññatti, anāṇattikaṃ, tikapācittiyaṃ, yāmakālikādīni āhāratthāya gaṇhato, nirāmisāni ajjhoharato ca dukkaṭaṃ, tathā atiritte anatirittasaññino ceva vematikassa ca. Atirittasaññino pana, ‘‘atirittaṃ kārāpetvā bhuñjissāmī’’ti gaṇhantassa, aññassatthāya gaṇhantassa, yāmakālikādīni tesaṃ anuññātaparibhogavasena nirāmisāni paribhuñjantassa, ummattakādīnañca anāpatti. Pavāritabhāvo, āmisassa anatirittatā, kālena ajjhoharaṇanti imānettha tīṇi aṅgāni. Samuṭṭhānādīni paṭhamakathinasadisāneva, idaṃ pana kiriyākiriyanti.
батамабавааран̣аасигкаабад̣̇аван̣н̣анаа нидтид̇аа.
Paṭhamapavāraṇāsikkhāpadavaṇṇanā niṭṭhitā.
6. д̣̇уд̇ияабавааран̣аасигкаабад̣̇аван̣н̣анаа
6. Dutiyapavāraṇāsikkhāpadavaṇṇanā
чадтз абхихадтум̣ баваарзяяаад̇и абхихарид̇ваа ‘‘ханд̣̇а, бхигку каад̣̇а ваа бхун̃ж̇а ваа’’д̇и звам̣ баваарзяяа. ж̇аананд̇и суд̇ваа ваа д̣̇исваа ваа д̇асса баваарид̇абхаавам̣ ж̇аананд̇о. аасаад̣̇анаабзгкод̇и аасаад̣̇анам̣ жод̣̇анам̣ ман̇гугаран̣абхаавам̣ абзгкамаано. бхуд̇д̇асмим̣ баажид̇д̇ияанд̇и зд̇т̇а абхихаарз д̇аава д̣̇уггадам̣, сажз со д̇ам̣ г̇ан̣хаад̇и, буна абхихаарагасса д̣̇уггадам̣, д̇асмим̣ бана бхун̃ж̇анд̇з абхихаарагасса д̇асса аж̇жхохаарз аж̇жхохаарз д̣̇уггадам̣, бхож̇анабарияосаанз баажид̇д̇ияам̣.
Chaṭṭhe abhihaṭṭhuṃ pavāreyyāti abhiharitvā ‘‘handa, bhikkhu khāda vā bhuñja vā’’ti evaṃ pavāreyya. Jānanti sutvā vā disvā vā tassa pavāritabhāvaṃ jānanto. Āsādanāpekkhoti āsādanaṃ codanaṃ maṅkukaraṇabhāvaṃ apekkhamāno. Bhuttasmiṃ pācittiyanti ettha abhihāre tāva dukkaṭaṃ, sace so taṃ gaṇhāti, puna abhihārakassa dukkaṭaṃ, tasmiṃ pana bhuñjante abhihārakassa tassa ajjhohāre ajjhohāre dukkaṭaṃ, bhojanapariyosāne pācittiyaṃ.
саавад̇т̇ияам̣ ан̃н̃ад̇арам̣ бхигкум̣ аараб̣бха анад̇ирид̇д̇зна бхож̇анзна абхихадтум̣ бавааран̣аавад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, анаан̣ад̇д̇игам̣, баваарид̇з баваарид̇асан̃н̃ино баажид̇д̇ияам̣. взмад̇игасса, яаамагаалигаад̣̇ийни аахаарад̇т̇ааяа абхихаранд̇асса, д̇зсан̃жа бадиг̇г̇ахан̣ааж̇жхохаарзсу, аббаваарид̇з жа баваарид̇асан̃н̃ино, взмад̇игасса жа д̣̇уггадам̣. аббаваарид̇асан̃н̃исса бана, яо жа ад̇ирид̇д̇ам̣ гаараабзд̇ваа д̣̇зд̇и, ‘‘гаараабзд̇ваа ваа бхун̃ж̇аахий’’д̇и д̣̇зд̇и, яо ваа ‘‘ан̃н̃ассад̇т̇ааяа харанд̇о г̇ажчаахий’’д̇и д̣̇зд̇и, яо жа яаамагаалигаад̣̇ийни ‘‘сад̇и бажжаяз барибхун̃ж̇аахий’’д̇и д̣̇зд̇и, д̇асса, уммад̇д̇агаад̣̇ийнан̃жа анаабад̇д̇и. баваарид̇ад̇аа, баваарид̇асан̃н̃ид̇аа, аасаад̣̇анаабзгкад̇аа, анад̇ирид̇д̇зна абхихадтум̣ бавааран̣ад̇аа, бхож̇анабарияосаананд̇и имаанзд̇т̇а бан̃жа ан̇г̇аани. самудтаанаад̣̇ийни ад̣̇иннаад̣̇аанасад̣̇исаани, ид̣̇ам̣ бана д̣̇угкавзд̣̇ананд̇и.
Sāvatthiyaṃ aññataraṃ bhikkhuṃ ārabbha anatirittena bhojanena abhihaṭṭhuṃ pavāraṇāvatthusmiṃ paññattaṃ, asādhāraṇapaññatti, anāṇattikaṃ, pavārite pavāritasaññino pācittiyaṃ. Vematikassa, yāmakālikādīni āhāratthāya abhiharantassa, tesañca paṭiggahaṇaajjhohāresu, appavārite ca pavāritasaññino, vematikassa ca dukkaṭaṃ. Appavāritasaññissa pana, yo ca atirittaṃ kārāpetvā deti, ‘‘kārāpetvā vā bhuñjāhī’’ti deti, yo vā ‘‘aññassatthāya haranto gacchāhī’’ti deti, yo ca yāmakālikādīni ‘‘sati paccaye paribhuñjāhī’’ti deti, tassa, ummattakādīnañca anāpatti. Pavāritatā, pavāritasaññitā, āsādanāpekkhatā, anatirittena abhihaṭṭhuṃ pavāraṇatā, bhojanapariyosānanti imānettha pañca aṅgāni. Samuṭṭhānādīni adinnādānasadisāni, idaṃ pana dukkhavedananti.
д̣̇уд̇ияабавааран̣аасигкаабад̣̇аван̣н̣анаа нидтид̇аа.
Dutiyapavāraṇāsikkhāpadavaṇṇanā niṭṭhitā.
7. вигаалабхож̇анасигкаабад̣̇аван̣н̣анаа
7. Vikālabhojanasikkhāpadavaṇṇanā
сад̇д̇амз вигаалзд̇и виг̇ад̇з гаалз, маж̇жханхигаад̇иггаманад̇о яаава арун̣уг̇г̇аманаад̇и ад̇хиббааяо. д̇асмаа яо бхигку зд̇асмим̣ анд̇арз яам̣гин̃жи ванамуулапалам̣ убаад̣̇ааяа аамам̣ ваа баггам̣ ваа аамисасан̇кзбаг̇ад̇ам̣ каад̣̇анийяам̣ ваа бхож̇анийяам̣ ваа аж̇жхохаран̣ад̇т̇ааяа бадиг̇г̇ан̣хаад̇и, д̇асса бадиг̇г̇ахан̣з д̣̇уггадам̣, аж̇жхохаарз аж̇жхохаарз баажид̇д̇ияам̣.
Sattame vikāleti vigate kāle, majjhanhikātikkamanato yāva aruṇuggamanāti adhippāyo. Tasmā yo bhikkhu etasmiṃ antare yaṃkiñci vanamūlaphalaṃ upādāya āmaṃ vā pakkaṃ vā āmisasaṅkhepagataṃ khādanīyaṃ vā bhojanīyaṃ vā ajjhoharaṇatthāya paṭiggaṇhāti, tassa paṭiggahaṇe dukkaṭaṃ, ajjhohāre ajjhohāre pācittiyaṃ.
рааж̇аг̇ахз сад̇д̇арасаваг̇г̇ияз бхигкуу аараб̣бха вигаалз бхож̇анавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, яаамагаалигаад̣̇ийни аахаарад̇т̇ааяа бадиг̇г̇ахан̣ааж̇жхохаарзсу, гаалз вигааласан̃н̃исса, взмад̇игасса жа д̣̇уггадам̣, гаалз гааласан̃н̃исса яаамагаалигаад̣̇ийни сад̇и бажжаяз барибхун̃ж̇анд̇асса уммад̇д̇агаад̣̇ийнан̃жа анаабад̇д̇и. ‘‘ануж̇аанаами, бхигкавз, ромадтагасса ромадтам̣, на жа бхигкавз б̣ахимукад̣̇ваараа нийхарид̇ваа аж̇жхохарид̇аб̣б̣а’’нд̇и (жуул̣ава. 273) анун̃н̃аад̇анаязна ромадтагассааби анаабад̇д̇и. вигаалад̇аа, яаавагаалигад̇аа, аж̇жхохаран̣анд̇и имаанзд̇т̇а д̇ийн̣и ан̇г̇аани. самудтаанаад̣̇ийни зл̣агаломасад̣̇исаанийд̇и.
Rājagahe sattarasavaggiye bhikkhū ārabbha vikāle bhojanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, yāmakālikādīni āhāratthāya paṭiggahaṇaajjhohāresu, kāle vikālasaññissa, vematikassa ca dukkaṭaṃ, kāle kālasaññissa yāmakālikādīni sati paccaye paribhuñjantassa ummattakādīnañca anāpatti. ‘‘Anujānāmi, bhikkhave, romaṭṭhakassa romaṭṭhaṃ, na ca bhikkhave bahimukhadvārā nīharitvā ajjhoharitabba’’nti (cūḷava. 273) anuññātanayena romaṭṭhakassāpi anāpatti. Vikālatā, yāvakālikatā, ajjhoharaṇanti imānettha tīṇi aṅgāni. Samuṭṭhānādīni eḷakalomasadisānīti.
вигаалабхож̇анасигкаабад̣̇аван̣н̣анаа нидтид̇аа.
Vikālabhojanasikkhāpadavaṇṇanā niṭṭhitā.
8. саннид̇хигаарагасигкаабад̣̇аван̣н̣анаа
8. Sannidhikārakasikkhāpadavaṇṇanā
адтамз саннид̇хигаараганд̇и гааро гаран̣ам̣ гирияаад̇и ад̇т̇ад̇о згам̣, саннид̇хи гааро ассаад̇и саннид̇хигаарам̣ , саннид̇хигаарамзва саннид̇хигаарагам̣, бадиг̇г̇ахзд̇ваа згарад̇д̇им̣ вийд̇инаамид̇ассзд̇ам̣ наамам̣. д̇асмаа звам̣ саннид̇хигад̇ам̣ яам̣гин̃жи яаавагаалигам̣ ваа яаамагаалигам̣ ваа ‘аж̇жхохариссаамий’д̇и г̇ан̣ханд̇асса бадиг̇г̇ахан̣з д̣̇уггадам̣, аж̇жхохаарз аж̇жхохаарз баажид̇д̇ияам̣. сажзби бад̇д̇о д̣̇уд̣̇д̇ход̇о ход̇и, яам̣ ан̇г̇улияаа гхам̣санд̇асса лзкаа бан̃н̃ааяад̇и, г̇ан̣тигабад̇д̇асса ваа г̇ан̣тиганд̇арз снзхо бавидто ход̇и, яо ун̣хз од̇аабзнд̇асса баг̇гхарад̇и, ун̣хаяааг̇уяаа ваа г̇ахид̇ааяа санд̣̇иссад̇и, д̇аад̣̇исз бад̇д̇зби бунад̣̇ивасз бхун̃ж̇анд̇асса баажид̇д̇ияам̣. яам̣ бана бхигку нирабзгко сааман̣зраанам̣ барижжаж̇ид̇ваа д̇зхи нихид̇ам̣ лабхид̇ваа бхун̃ж̇ад̇и, д̇ам̣ ваддад̇и . саяам̣ бадиг̇г̇ахзд̇ваа абарижжад̇д̇амзва хи д̣̇уд̇ияад̣̇ивасз габбияабхож̇анам̣ бхун̃ж̇анд̇асса баажид̇д̇ияам̣. агаббиязсу бана мануссамам̣сз т̇уллажжаязна сад̣̇д̇хим̣ баажид̇д̇ияам̣, сзсзсу бана д̣̇уггадзна сад̣̇д̇хим̣. яаамагаалигам̣ сад̇и бажжаяз аж̇жхохарад̇о баажид̇д̇ияам̣, аахаарад̇т̇ааяа аж̇жхохарад̇о д̣̇уггадзна сад̣̇д̇хим̣. яо бана баваарид̇о худ̇ваа анад̇ирид̇д̇агад̇ам̣ аж̇жхохарад̇и, д̇асса саб̣б̣авигаббзсу абарамби баажид̇д̇ияам̣ вад̣дхад̇и. сажз вигаалз аж̇жхохарад̇и, анад̇ирид̇д̇абажжаяаа саб̣б̣авигаббзсу анаабад̇д̇и, сад̇и бажжаяз вигаалабажжаяаа яаамагаалигаад̣̇ийсу жа анаабад̇д̇и. авасзсзсу вигаалабажжаяаа баажид̇д̇ияам̣ вад̣дхад̇иязва. бхигкусса бана саннид̇хи бхигкунияаа ваддад̇и, бхигкунияаа жа саннид̇хи бхигкусса ваддад̇и, бхигкунигканд̇хагз (жуул̣ава. 421-422) анун̃н̃аад̇ад̇д̇аа ваддад̇ийд̇и.
Aṭṭhame sannidhikārakanti kāro karaṇaṃ kiriyāti atthato ekaṃ, sannidhi kāro assāti sannidhikāraṃ , sannidhikārameva sannidhikārakaṃ, paṭiggahetvā ekarattiṃ vītināmitassetaṃ nāmaṃ. Tasmā evaṃ sannidhikataṃ yaṃkiñci yāvakālikaṃ vā yāmakālikaṃ vā ‘ajjhoharissāmī’ti gaṇhantassa paṭiggahaṇe dukkaṭaṃ, ajjhohāre ajjhohāre pācittiyaṃ. Sacepi patto duddhoto hoti, yaṃ aṅguliyā ghaṃsantassa lekhā paññāyati, gaṇṭhikapattassa vā gaṇṭhikantare sneho paviṭṭho hoti, yo uṇhe otāpentassa paggharati, uṇhayāguyā vā gahitāya sandissati, tādise pattepi punadivase bhuñjantassa pācittiyaṃ. Yaṃ pana bhikkhu nirapekkho sāmaṇerānaṃ pariccajitvā tehi nihitaṃ labhitvā bhuñjati, taṃ vaṭṭati . Sayaṃ paṭiggahetvā apariccattameva hi dutiyadivase kappiyabhojanaṃ bhuñjantassa pācittiyaṃ. Akappiyesu pana manussamaṃse thullaccayena saddhiṃ pācittiyaṃ, sesesu pana dukkaṭena saddhiṃ. Yāmakālikaṃ sati paccaye ajjhoharato pācittiyaṃ, āhāratthāya ajjhoharato dukkaṭena saddhiṃ. Yo pana pavārito hutvā anatirittakataṃ ajjhoharati, tassa sabbavikappesu aparampi pācittiyaṃ vaḍḍhati. Sace vikāle ajjhoharati, anatirittapaccayā sabbavikappesu anāpatti, sati paccaye vikālapaccayā yāmakālikādīsu ca anāpatti. Avasesesu vikālapaccayā pācittiyaṃ vaḍḍhatiyeva. Bhikkhussa pana sannidhi bhikkhuniyā vaṭṭati, bhikkhuniyā ca sannidhi bhikkhussa vaṭṭati, bhikkhunikkhandhake (cūḷava. 421-422) anuññātattā vaṭṭatīti.
саавад̇т̇ияам̣ ааяасманд̇ам̣ б̣зладтасийсам̣ аараб̣бха саннид̇хигаарагабхож̇анавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣ , сад̇д̇аахагаалига яааваж̇ийвигаанам̣ бана аахаарад̇т̇ааяа бадиг̇г̇ахан̣з аж̇жхохаарз жа д̣̇уггадам̣. яат̇аа жзд̇аани аахаарад̇т̇ааяа на габбанд̇и, звам̣ яаавагаалигаад̣̇ийхи сам̣садтааниби, вуд̇д̇ан̃хзд̇ам̣ ‘‘яаавагаалигзна, бхигкавз, яаамагаалигам̣ д̇ад̣̇ахубадиг̇г̇ахид̇ам̣ гаалз габбад̇и, вигаалз на габбад̇ий’’д̇иаад̣̇и (махаава. 305). д̇асмаа сажзби д̇ам̣ д̇ам̣ д̇зна д̇зна сад̣̇д̇хим̣ сам̣садтам̣ лабхад̇и, сажз асамбхиннарасам̣ ваа ход̇и суд̇ход̇ам̣ ваа, яат̇аа ид̇арзна сам̣саг̇г̇о на бан̃н̃ааяад̇и, ад̇д̇ано гаалаануруубзна барибхун̃ж̇ид̇ум̣ ваддад̇и.
Sāvatthiyaṃ āyasmantaṃ belaṭṭhasīsaṃ ārabbha sannidhikārakabhojanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ , sattāhakālika yāvajīvikānaṃ pana āhāratthāya paṭiggahaṇe ajjhohāre ca dukkaṭaṃ. Yathā cetāni āhāratthāya na kappanti, evaṃ yāvakālikādīhi saṃsaṭṭhānipi, vuttañhetaṃ ‘‘yāvakālikena, bhikkhave, yāmakālikaṃ tadahupaṭiggahitaṃ kāle kappati, vikāle na kappatī’’tiādi (mahāva. 305). Tasmā sacepi taṃ taṃ tena tena saddhiṃ saṃsaṭṭhaṃ labhati, sace asambhinnarasaṃ vā hoti sudhotaṃ vā, yathā itarena saṃsaggo na paññāyati, attano kālānurūpena paribhuñjituṃ vaṭṭati.
сажз бана самбхиннарасам̣ ваа ход̇и д̣̇уд̣̇д̇ход̇ам̣ ваа, на ваддад̇и. яаавагаалиган̃хи ад̇д̇анаа сад̣̇д̇хим̣ самбхиннарасаани д̇ийн̣иби яаамагаалигаад̣̇ийни ад̇д̇ано сабхаавам̣ убанзд̇и, яаамагаалигам̣ д̣̇взби сад̇д̇аахагаалигаад̣̇ийни ад̇д̇ано сабхаавам̣ убанзд̇и, сад̇д̇аахагаалигам̣ яааваж̇ийвигамзва ад̇д̇ано сабхаавам̣ убанзд̇и. д̇асмаа д̇зна д̇ад̣̇ахубадиг̇г̇ахид̇зна сад̣̇д̇хим̣ д̇ад̣̇ахубадиг̇г̇ахид̇ам̣ ваа бурз бадиг̇г̇ахид̇ам̣ ваа яааваж̇ийвигам̣ сад̇д̇аахам̣ габбад̇и, д̣̇вийхаббадиг̇г̇ахид̇зна чаахам̣, д̇ийхаббадиг̇г̇ахид̇зна бан̃жаахам̣…бз… сад̇д̇аахаббадиг̇г̇ахид̇зна д̇ад̣̇ахзва габбад̇ийд̇и взд̣̇ид̇аб̣б̣ам̣. д̇асмааязва хи ‘‘сад̇д̇аахагаалигзна, бхигкавз , яааваж̇ийвигам̣ д̇ад̣̇ахубадиг̇г̇ахид̇а’’нд̇и авад̇ваа ‘‘бадиг̇г̇ахид̇ам̣ сад̇д̇аахам̣ габбад̇ий’’д̇и вуд̇д̇ам̣. гаалаяаамасад̇д̇аахаад̇иггамзсу жзд̇т̇а вигаалабхож̇ана саннид̇хибхзсаж̇ж̇асигкаабад̣̇аанам̣ васзна аабад̇д̇ияо взд̣̇ид̇аб̣б̣аа, имзсу бана жад̇уусу гаалигзсу яаавагаалигам̣ яаамагаалиганд̇и имамзва д̣̇ваяам̣ анд̇овудтан̃жзва саннид̇хигаараган̃жа, сад̇д̇аахагаалигам̣ яааваж̇ийвиган̃жа агаббияагудияам̣ нигкибид̇умби ваддад̇и, саннид̇химби на ж̇анзд̇и. агаббияагудияам̣ анд̇овудтзна бана д̇зна сад̣̇д̇хим̣ ид̇арад̣̇ваяам̣ д̇ад̣̇ахубадиг̇г̇ахид̇амби на ваддад̇и, мукасаннид̇хи наама ход̇и, махаабажжарияам̣ бана анд̇овудтам̣ ход̇ийд̇и вуд̇д̇ам̣. д̇ад̇т̇а наамамад̇д̇амзва наанаагаран̣ам̣, аабад̇д̇и бана д̣̇уггадамзва. д̇ад̇т̇а агаббияагуди наама сан̇гхасса ваа убасамбаннабуг̇г̇аласса ваа санд̇агам̣ васанад̇т̇ааяа гад̇аг̇зхам̣, д̇ад̇т̇а сахасзяяаббахонагз бад̣̇зсз вудтам̣ яаавагаалиган̃жа яаамагаалиган̃жа сан̇гхигам̣ ваа убасамбаннабуг̇г̇аласса ваа санд̇агам̣ анд̇овудтам̣ наама ход̇и, д̇ад̇т̇а баггам̣ анд̇обаггам̣ наама, яад̇т̇а гад̇т̇ажи бана саяам̣ баггам̣ саамам̣ баггам̣ наама, д̇ам̣ саб̣б̣ам̣ анаж̇жхохаран̣ийяам̣. д̇зна д̇зна сад̣̇д̇хим̣ сам̣садтамби д̇ам̣г̇ад̇игамзва, саб̣б̣ам̣ аж̇жхохаранд̇асса д̣̇уггадам̣. д̇асмаа анд̇овудтаанд̇обаггаможанад̇т̇ам̣ бхаг̇авад̇аа жад̇ассо габбияабхуумияо (махаава. 295) анун̃н̃аад̇аа, д̇аасам̣ винижчаяо саманд̇абаасаад̣̇игааяам̣ (махаава. адта. 295) вуд̇д̇о. яад̇т̇а банзд̇аа на санд̇и, д̇ад̇т̇а анубасамбаннасса санд̇агам̣ гад̇ваа барибхун̃ж̇ид̇ум̣ ваддад̇и. саамам̣ баагамби бунабаагам̣ ваддад̇и, асаннид̇хигаарагз саннид̇хигаарагасан̃н̃ино, взмад̇игасса ваа д̣̇уггадам̣. асаннид̇хигаарагасан̃н̃ино, яаавагаалигаад̣̇ийни д̇ийн̣и нид̣̇ахид̇ваа сагам̣ сагам̣ гаалам̣ анад̇иггамид̇ваа, яааваж̇ийвигам̣ сад̣̇ааби сад̇и бажжаяз барибхун̃ж̇анд̇асса, уммад̇д̇агаад̣̇ийнан̃жа анаабад̇д̇и. аамисам̣, саннид̇хибхааво, д̇асса аж̇жхохаран̣анд̇и имаанзд̇т̇а д̇ийн̣и ан̇г̇аани. самудтаанаад̣̇ийни зл̣агаломасад̣̇исаанзваад̇и.
Sace pana sambhinnarasaṃ vā hoti duddhotaṃ vā, na vaṭṭati. Yāvakālikañhi attanā saddhiṃ sambhinnarasāni tīṇipi yāmakālikādīni attano sabhāvaṃ upaneti, yāmakālikaṃ dvepi sattāhakālikādīni attano sabhāvaṃ upaneti, sattāhakālikaṃ yāvajīvikameva attano sabhāvaṃ upaneti. Tasmā tena tadahupaṭiggahitena saddhiṃ tadahupaṭiggahitaṃ vā pure paṭiggahitaṃ vā yāvajīvikaṃ sattāhaṃ kappati, dvīhappaṭiggahitena chāhaṃ, tīhappaṭiggahitena pañcāhaṃ…pe… sattāhappaṭiggahitena tadaheva kappatīti veditabbaṃ. Tasmāyeva hi ‘‘sattāhakālikena, bhikkhave , yāvajīvikaṃ tadahupaṭiggahita’’nti avatvā ‘‘paṭiggahitaṃ sattāhaṃ kappatī’’ti vuttaṃ. Kālayāmasattāhātikkamesu cettha vikālabhojana sannidhibhesajjasikkhāpadānaṃ vasena āpattiyo veditabbā, imesu pana catūsu kālikesu yāvakālikaṃ yāmakālikanti imameva dvayaṃ antovuṭṭhañceva sannidhikārakañca, sattāhakālikaṃ yāvajīvikañca akappiyakuṭiyaṃ nikkhipitumpi vaṭṭati, sannidhimpi na janeti. Akappiyakuṭiyaṃ antovuṭṭhena pana tena saddhiṃ itaradvayaṃ tadahupaṭiggahitampi na vaṭṭati, mukhasannidhi nāma hoti, mahāpaccariyaṃ pana antovuṭṭhaṃ hotīti vuttaṃ. Tattha nāmamattameva nānākaraṇaṃ, āpatti pana dukkaṭameva. Tattha akappiyakuṭi nāma saṅghassa vā upasampannapuggalassa vā santakaṃ vasanatthāya katagehaṃ, tattha sahaseyyappahonake padese vuṭṭhaṃ yāvakālikañca yāmakālikañca saṅghikaṃ vā upasampannapuggalassa vā santakaṃ antovuṭṭhaṃ nāma hoti, tattha pakkaṃ antopakkaṃ nāma, yattha katthaci pana sayaṃ pakkaṃ sāmaṃ pakkaṃ nāma, taṃ sabbaṃ anajjhoharaṇīyaṃ. Tena tena saddhiṃ saṃsaṭṭhampi taṃgatikameva, sabbaṃ ajjhoharantassa dukkaṭaṃ. Tasmā antovuṭṭhaantopakkamocanatthaṃ bhagavatā catasso kappiyabhūmiyo (mahāva. 295) anuññātā, tāsaṃ vinicchayo samantapāsādikāyaṃ (mahāva. aṭṭha. 295) vutto. Yattha panetā na santi, tattha anupasampannassa santakaṃ katvā paribhuñjituṃ vaṭṭati. Sāmaṃ pākampi punapākaṃ vaṭṭati, asannidhikārake sannidhikārakasaññino, vematikassa vā dukkaṭaṃ. Asannidhikārakasaññino, yāvakālikādīni tīṇi nidahitvā sakaṃ sakaṃ kālaṃ anatikkamitvā, yāvajīvikaṃ sadāpi sati paccaye paribhuñjantassa, ummattakādīnañca anāpatti. Āmisaṃ, sannidhibhāvo, tassa ajjhoharaṇanti imānettha tīṇi aṅgāni. Samuṭṭhānādīni eḷakalomasadisānevāti.
саннид̇хигаарагасигкаабад̣̇аван̣н̣анаа нидтид̇аа.
Sannidhikārakasikkhāpadavaṇṇanā niṭṭhitā.
9. бан̣ийд̇абхож̇анасигкаабад̣̇аван̣н̣анаа
9. Paṇītabhojanasikkhāpadavaṇṇanā
навамз бан̣ийд̇абхож̇анаанийд̇и бан̣ийд̇асам̣садтаани сад̇д̇ад̇хан̃н̃аниб̣б̣ад̇д̇аани бхож̇анаани. яат̇аа хи ааж̇ан̃н̃аяуд̇д̇о рат̇о ‘ааж̇ан̃н̃арат̇о’д̇и вужжад̇и, звамид̇хааби бан̣ийд̇асам̣садтаани бхож̇анаани бан̣ийд̇абхож̇анаанийд̇и. язхи бана бан̣ийд̇зхи сам̣садтаани, д̇аани ‘бан̣ийд̇абхож̇анааний’д̇и вужжанд̇и, д̇зсам̣ бабхзд̣̇ад̣̇ассанад̇т̇ам̣ сзяяат̇ид̣̇ам̣ сабби наванийд̇анд̇иаад̣̇имааха, д̇ад̇т̇а саббиаад̣̇ийни бхзсаж̇ж̇асигкаабад̣̇з (ган̇каа. адта. бхзсаж̇ж̇асигкаабад̣̇аван̣н̣анаа) вуд̇д̇алагкан̣знзва взд̣̇ид̇аб̣б̣аани. мажчаад̣̇ийсу бана саб̣б̣оби ‘од̣̇аго’д̇и (баажи. 260) вуд̇д̇алагкан̣о мажчо мажчоязва. язсам̣ бана мам̣сам̣ габбад̇и, д̇зсам̣ мам̣сан̃жа кийрад̣̇ад̇хийни жа ид̇хаад̇хиббзд̇аани. зваруубаани бан̣ийд̇абхож̇анаанийд̇и яаани зд̇зхи саббиаад̣̇ийхи сам̣садтад̇д̇аа ‘бан̣ийд̇абхож̇анааний’д̇и вужжанд̇и, д̇ат̇ааруубаани бан̣ийд̇абхож̇анаани. аг̇илаанод̇и яасса д̇зхи винааби паасу ход̇и. ад̇д̇ано ад̇т̇ааяа вин̃н̃аабзд̇ваад̇и зд̇т̇а бана яо аг̇илаано суд̣̇д̇хаани саббиаад̣̇ийни бхзсаж̇ж̇ад̇т̇ааяа вин̃н̃аабзд̇и, со махаанаамасигкаабад̣̇зна (баажи. 303) гаарзд̇аб̣б̣о, мажчаад̣̇ийни жад̇д̇аари вин̃н̃аабзнд̇о суубод̣̇анавин̃н̃ад̇д̇ияаа (баажи. 612-613) гаарзд̇аб̣б̣о, саббиаад̣̇ийхи сам̣садтабхож̇анаани вин̃н̃аабзнд̇о иминаа гаарзд̇аб̣б̣о. д̇ад̇рааяам̣ винижчаяо – ‘‘саббинаа бхад̇д̇ам̣ д̣̇зхи, саббим̣ аагирид̇ваа д̣̇зхи, саббимиссагам̣ гад̇ваа д̣̇зхи, саха саббинаа д̣̇зхи, саббин̃жа бхад̇д̇ан̃жа д̣̇зхий’’д̇и звам̣ вин̃н̃аабзнд̇асса д̇аава вин̃н̃ад̇д̇ияаа д̣̇уггадам̣, бадиг̇г̇ахан̣з д̣̇уггадам̣, аж̇жхохаран̣з аж̇жхохаран̣з баажид̇д̇ияам̣. ‘‘саббибхад̇д̇ам̣ д̣̇зхий’’д̇и вуд̇д̇з бана яасмаа саалибхад̇д̇ам̣ вияа саббибхад̇д̇ам̣ наама над̇т̇и, д̇асмаа суубод̣̇анавин̃н̃ад̇д̇ияаа д̣̇уггадамзва ход̇и. сажз бана ‘‘саббинаа бхад̇д̇ам̣ д̣̇зхий’’д̇и вуд̇д̇з бхад̇д̇ам̣ д̣̇ад̇ваа ‘‘саббим̣ гад̇ваа бхун̃ж̇аахий’’д̇и наванийд̇акийраад̣̇ийни ваа габбияабхан̣д̣ам̣ ваа д̣̇зд̇и ‘‘иминаа саббим̣ г̇ахзд̇ваа бхун̃ж̇аахий’’д̇и, яат̇аавад̇т̇угамзва. ‘‘г̇осаббинаа бхад̇д̇ам̣ д̣̇зхий’’д̇и вуд̇д̇з бана г̇осаббим̣ ваа д̣̇зд̇у, д̇асмим̣ асад̇и буриманаязна наванийд̇аад̣̇ийни ваа, г̇аавим̣язва ваа д̣̇зд̇у ‘‘ид̇о саббинаа бхун̃ж̇аахий’’д̇и, яат̇аавад̇т̇угамзва. сажз бана ‘‘г̇осаббинаа д̣̇зхий’’д̇и яаажид̇о аж̇игаасаббиаад̣̇ийхи д̣̇зд̇и, висан̇гзд̇ам̣. зван̃хи сад̇и ан̃н̃ам̣ яаажид̇зна ан̃н̃ам̣ д̣̇иннам̣ наама ход̇и, д̇асмаа анаабад̇д̇и, зса наяо ‘‘аж̇игаасаббинаа д̣̇зхий’’д̇иаад̣̇ийсуби. ‘‘габбияасаббинаа д̣̇зхий’’д̇и вуд̇д̇з агаббияасаббинаа д̣̇зд̇и, висан̇гзд̇амзва. ‘‘агаббияасаббинаа д̣̇зхий’’д̇и вуд̇д̇з агаббияасаббинаава д̣̇зд̇и, бадиг̇г̇ахан̣зби барибхог̇зби д̣̇уггадамзва. иминаа наязна саб̣б̣абад̣̇зсу винижчаяо взд̣̇ид̇аб̣б̣о. сажз бана саб̣б̣зхиби саббиаад̣̇ийхи згадтаанз ваа наанаадтаанз ваа вин̃н̃аабзд̇ваа бадилад̣̇д̇хам̣ згад̇о самбхиннарасам̣ гад̇ваа д̇ад̇о гусаг̇г̇зна згаб̣инд̣̇умби аж̇жхохарад̇и, нава баажид̇д̇ияаани.
Navame paṇītabhojanānīti paṇītasaṃsaṭṭhāni sattadhaññanibbattāni bhojanāni. Yathā hi ājaññayutto ratho ‘ājaññaratho’ti vuccati, evamidhāpi paṇītasaṃsaṭṭhāni bhojanāni paṇītabhojanānīti. Yehi pana paṇītehi saṃsaṭṭhāni, tāni ‘paṇītabhojanānī’ti vuccanti, tesaṃ pabhedadassanatthaṃ seyyathidaṃ sappi navanītantiādimāha, tattha sappiādīni bhesajjasikkhāpade (kaṅkhā. aṭṭha. bhesajjasikkhāpadavaṇṇanā) vuttalakkhaṇeneva veditabbāni. Macchādīsu pana sabbopi ‘odako’ti (pāci. 260) vuttalakkhaṇo maccho macchoyeva. Yesaṃ pana maṃsaṃ kappati, tesaṃ maṃsañca khīradadhīni ca idhādhippetāni. Evarūpāni paṇītabhojanānīti yāni etehi sappiādīhi saṃsaṭṭhattā ‘paṇītabhojanānī’ti vuccanti, tathārūpāni paṇītabhojanāni. Agilānoti yassa tehi vināpi phāsu hoti. Attano atthāya viññāpetvāti ettha pana yo agilāno suddhāni sappiādīni bhesajjatthāya viññāpeti, so mahānāmasikkhāpadena (pāci. 303) kāretabbo, macchādīni cattāri viññāpento sūpodanaviññattiyā (pāci. 612-613) kāretabbo, sappiādīhi saṃsaṭṭhabhojanāni viññāpento iminā kāretabbo. Tatrāyaṃ vinicchayo – ‘‘sappinā bhattaṃ dehi, sappiṃ ākiritvā dehi, sappimissakaṃ katvā dehi, saha sappinā dehi, sappiñca bhattañca dehī’’ti evaṃ viññāpentassa tāva viññattiyā dukkaṭaṃ, paṭiggahaṇe dukkaṭaṃ, ajjhoharaṇe ajjhoharaṇe pācittiyaṃ. ‘‘Sappibhattaṃ dehī’’ti vutte pana yasmā sālibhattaṃ viya sappibhattaṃ nāma natthi, tasmā sūpodanaviññattiyā dukkaṭameva hoti. Sace pana ‘‘sappinā bhattaṃ dehī’’ti vutte bhattaṃ datvā ‘‘sappiṃ katvā bhuñjāhī’’ti navanītakhīrādīni vā kappiyabhaṇḍaṃ vā deti ‘‘iminā sappiṃ gahetvā bhuñjāhī’’ti, yathāvatthukameva. ‘‘Gosappinā bhattaṃ dehī’’ti vutte pana gosappiṃ vā detu, tasmiṃ asati purimanayena navanītādīni vā, gāviṃyeva vā detu ‘‘ito sappinā bhuñjāhī’’ti, yathāvatthukameva. Sace pana ‘‘gosappinā dehī’’ti yācito ajikāsappiādīhi deti, visaṅketaṃ. Evañhi sati aññaṃ yācitena aññaṃ dinnaṃ nāma hoti, tasmā anāpatti, esa nayo ‘‘ajikāsappinā dehī’’tiādīsupi. ‘‘Kappiyasappinā dehī’’ti vutte akappiyasappinā deti, visaṅketameva. ‘‘Akappiyasappinā dehī’’ti vutte akappiyasappināva deti, paṭiggahaṇepi paribhogepi dukkaṭameva. Iminā nayena sabbapadesu vinicchayo veditabbo. Sace pana sabbehipi sappiādīhi ekaṭṭhāne vā nānāṭṭhāne vā viññāpetvā paṭiladdhaṃ ekato sambhinnarasaṃ katvā tato kusaggena ekabindumpi ajjhoharati, nava pācittiyāni.
саавад̇т̇ияам̣ чаб̣б̣аг̇г̇ияз бхигкуу аараб̣бха бан̣ийд̇абхож̇анавин̃н̃ад̇д̇ивад̇т̇усмим̣ бан̃н̃ад̇д̇ам̣, ‘‘аг̇илаано’’д̇и аяамзд̇т̇а анубан̃н̃ад̇д̇и, асаад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, г̇илаанасса аг̇илаанасан̃н̃ино, взмад̇игасса ваа д̣̇уггадам̣. г̇илаанасан̃н̃исса, г̇илаанагаалз вин̃н̃аабзд̇ваа аг̇илаанасса бхун̃ж̇ад̇о, г̇илаанасса сзсагз, н̃аад̇агаббаваарид̇адтаанад̇о, ан̃н̃ассад̇т̇ааяа вин̃н̃ад̇д̇з, ад̇д̇ано д̇ханзна г̇ахид̇з, уммад̇д̇агаад̣̇ийнан̃жа анаабад̇д̇и. бан̣ийд̇абхож̇анад̇аа, аг̇илаанад̇аа, гад̇авин̃н̃ад̇д̇ияаа бадилаабхо, аж̇жхохаран̣анд̇и имаанзд̇т̇а жад̇д̇аари ан̇г̇аани. ад̣̇д̇хаанасамудтаанам̣, гирияам̣ , носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Sāvatthiyaṃ chabbaggiye bhikkhū ārabbha paṇītabhojanaviññattivatthusmiṃ paññattaṃ, ‘‘agilāno’’ti ayamettha anupaññatti, asādhāraṇapaññatti, anāṇattikaṃ, tikapācittiyaṃ, gilānassa agilānasaññino, vematikassa vā dukkaṭaṃ. Gilānasaññissa, gilānakāle viññāpetvā agilānassa bhuñjato, gilānassa sesake, ñātakappavāritaṭṭhānato, aññassatthāya viññatte, attano dhanena gahite, ummattakādīnañca anāpatti. Paṇītabhojanatā, agilānatā, kataviññattiyā paṭilābho, ajjhoharaṇanti imānettha cattāri aṅgāni. Addhānasamuṭṭhānaṃ, kiriyaṃ , nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
бан̣ийд̇абхож̇анасигкаабад̣̇аван̣н̣анаа нидтид̇аа.
Paṇītabhojanasikkhāpadavaṇṇanā niṭṭhitā.
10. д̣̇анд̇абонасигкаабад̣̇аван̣н̣анаа
10. Dantaponasikkhāpadavaṇṇanā
д̣̇асамз ад̣̇иннанд̇и гааязна ваа гааяаббадиб̣ад̣̇д̇хзна ваа г̇ан̣ханд̇асса хад̇т̇абаасз тад̇ваа гааяагааяаббадиб̣ад̣̇д̇ханиссаг̇г̇ияаанам̣ ан̃н̃ад̇арзна на д̣̇иннам̣, аббадиг̇г̇ахид̇агассзд̇ам̣ наамам̣. аббадиг̇г̇ахид̇аган̃хи бхигкуно ад̇д̇ано санд̇агамби аж̇жхохарид̇ум̣ на ваддад̇и. бадиг̇г̇ахид̇ам̣ анд̇амасо виссаасигасанд̇агамби ваддад̇и, д̇асса лагкан̣ам̣ вуд̇д̇авибаллаасзна взд̣̇ид̇аб̣б̣ам̣. сажз хи яо гожи анубасамбанно анд̇амасо д̇иражчааноби бхигкусса ваа бхигкунияаа ваа хад̇т̇абаасз тид̇о гааяаад̣̇ийнам̣ ан̃н̃ад̇арзна д̣̇зд̇и, д̇ан̃жз бхигкунаа язна гзнажи сарийрааваяавзна ваа, д̇аббадиб̣ад̣̇д̇хзна ваа, сам̣хааримзна жа анд̇амасо ман̃жзнааби, д̇хаарзд̇ум̣ самад̇т̇зна жа анд̇амасо ад̇ад̇т̇аж̇аад̇агаругкабан̣н̣знааби, суужияаа бараамадтамад̇д̇знааби бадиг̇г̇ахид̇ам̣, бадиг̇г̇ахид̇амзва ход̇и. бадиб̣ад̣̇д̇хаббадиб̣ад̣̇д̇хам̣ наама ид̇ха над̇т̇и, яамби над̇т̇угаран̣ияаа д̣̇ияяамаанам̣ наасигааяа, агаллаго ваа мукзна бадиг̇г̇ан̣хаад̇и, саб̣б̣ам̣ ваддад̇и, аабхог̇амад̇д̇амзва хзд̇т̇а бамаан̣ам̣. буб̣б̣аабхог̇з жа сад̇и бажчаа нид̣̇д̣̇ааяанд̇асса бад̇д̇з д̣̇иннамби хад̇т̇абаасз сад̇и бадиг̇г̇ахид̇амзва ход̇и. яамби ‘‘бад̇д̇зна бадиг̇г̇ан̣хиссаамий’’д̇и нисиннассзва хад̇т̇з бад̇ад̇и, д̇ам̣ ваддад̇иязва. абхихадабхааж̇анад̇о бад̇ид̇араж̇амби ваддад̇и, д̇ад̇т̇а тид̇анисиннанибаннаанам̣ бавааран̣аасигкаабад̣̇з вуд̇д̇анаязнзва хад̇т̇абаасо взд̣̇ид̇аб̣б̣о.
Dasame adinnanti kāyena vā kāyappaṭibaddhena vā gaṇhantassa hatthapāse ṭhatvā kāyakāyappaṭibaddhanissaggiyānaṃ aññatarena na dinnaṃ, appaṭiggahitakassetaṃ nāmaṃ. Appaṭiggahitakañhi bhikkhuno attano santakampi ajjhoharituṃ na vaṭṭati. Paṭiggahitaṃ antamaso vissāsikasantakampi vaṭṭati, tassa lakkhaṇaṃ vuttavipallāsena veditabbaṃ. Sace hi yo koci anupasampanno antamaso tiracchānopi bhikkhussa vā bhikkhuniyā vā hatthapāse ṭhito kāyādīnaṃ aññatarena deti, tañce bhikkhunā yena kenaci sarīrāvayavena vā, tappaṭibaddhena vā, saṃhārimena ca antamaso mañcenāpi, dhāretuṃ samatthena ca antamaso atatthajātakarukkhapaṇṇenāpi, sūciyā parāmaṭṭhamattenāpi paṭiggahitaṃ, paṭiggahitameva hoti. Paṭibaddhappaṭibaddhaṃ nāma idha natthi, yampi natthukaraṇiyā diyyamānaṃ nāsikāya, akallako vā mukhena paṭiggaṇhāti, sabbaṃ vaṭṭati, ābhogamattameva hettha pamāṇaṃ. Pubbābhoge ca sati pacchā niddāyantassa patte dinnampi hatthapāse sati paṭiggahitameva hoti. Yampi ‘‘pattena paṭiggaṇhissāmī’’ti nisinnasseva hatthe patati, taṃ vaṭṭatiyeva. Abhihaṭabhājanato patitarajampi vaṭṭati, tattha ṭhitanisinnanipannānaṃ pavāraṇāsikkhāpade vuttanayeneva hatthapāso veditabbo.
сажз бана д̣̇ааяагаббадиг̇г̇аахагзсу зго аагаасз ход̇и, зго бхуумияам̣, бхуумадтасса сийсзна аагаасадтасса жа табзд̇ваа д̣̇аад̇ум̣ ваа г̇ахзд̇ум̣ ваа басаарид̇ахад̇т̇ам̣ яам̣ аасаннад̇арам̣ ан̇г̇ам̣, д̇асса ориманд̇зна хад̇т̇абаасаббамаан̣ам̣ барижчинд̣̇ид̇аб̣б̣ам̣. сажзби зго гуубз ход̇и, зго гуубад̇адз, зго ваа ругкз, зго бат̇авияам̣, вуд̇д̇анаязнзва хад̇т̇абаасаббамаан̣ам̣ барижчинд̣̇ид̇аб̣б̣ам̣. д̇асмим̣ тад̇ваа сажзби д̣̇вз д̇аяо ваа сааман̣зраа яам̣ маж̇жхимо бурисо угкибид̇ум̣ саггод̇и, зваруубам̣ бхаарам̣ баваддзнд̇аа бхигкуно бхуумияам̣ табид̇ахад̇т̇ам̣ ааробзнд̇и, угкибид̇ваа ваа бхигкуно басаарид̇ахад̇т̇з згад̣̇зсзнааби табзнд̇и, д̇ам̣ бадиг̇г̇ахид̇амзва ход̇и. яам̣ бана бин̣д̣ааяа жаранд̇асса бад̇д̇з раж̇ам̣ бад̇ад̇и, д̇ам̣ аббадиг̇г̇ахид̇амзва ход̇и, д̇асмаа бадиг̇г̇ахзд̇ваава бхигкаа г̇ан̣хид̇аб̣б̣аа. аббадиг̇г̇ахзд̇ваа г̇ан̣ханд̇асса винаяад̣̇уггадам̣, д̇ам̣ бана буна бадиг̇г̇ахзд̇ваа бхун̃ж̇анд̇асса анаабад̇д̇и. сажз ‘‘бадиг̇г̇ахзд̇ваа д̣̇зт̇аа’’д̇и вуд̇д̇з важанам̣ ассуд̇ваа ваа анаад̣̇ияид̇ваа ваа бхигкам̣ д̣̇знд̇иязва, винаяад̣̇уггадаа мужжад̇и, буна бадиг̇г̇ахзд̇ваа ан̃н̃аа бхигкаа бадиг̇г̇ахзд̇аб̣б̣аа. сажз махааваад̇о д̇ад̇о д̇ад̇о раж̇ам̣ баад̇зд̇и, на саггаа ход̇и бхигкам̣ г̇ахзд̇ум̣, ‘‘анубасамбаннасса д̣̇ассаамий’’д̇и суд̣̇д̇хажид̇д̇зна аабхог̇ам̣ гад̇ваа г̇ан̣хид̇ум̣ ваддад̇и. д̇ам̣ анубасамбаннасса д̣̇ад̇ваа буна д̇зна д̣̇иннам̣ ваа д̇асса виссаасзна ваа бадиг̇г̇ахзд̇ваа бхун̃ж̇ид̇ум̣ ваддад̇и. ассукзл̣асин̇гхаан̣игаад̣̇ийсу яам̣ таанад̇о жавид̇ваа хад̇т̇з ваа бад̇д̇з ваа бад̇ад̇и, д̇ам̣ бадиг̇г̇ахзд̇аб̣б̣ам̣, ан̇г̇алаг̇г̇ам̣ бадиг̇г̇ахид̇амзва. бад̇анд̇амби вожчиннан̃жз анд̇араа на г̇ахзд̇аб̣б̣ам̣, уг̇г̇ахид̇агам̣ наама ход̇и, д̇ам̣ бажчаа бадиг̇г̇ахид̇амби на ваддад̇и. яам̣ бана бхзсаж̇ж̇ам̣ ваа муулапалам̣ ваа маад̇аад̣̇ийнам̣ ад̇т̇ааяа г̇ахзд̇ваа чааяад̇т̇ааяа ваа палинисаакам̣ угкибид̇ваа г̇ажчад̇и, д̇ад̇о яам̣ ижчад̇и, д̇ам̣ буна бадиг̇г̇ахзд̇ваа барибхун̃ж̇ид̇ум̣ ваддад̇и. яо бана д̇ад̇т̇а ж̇аад̇агапалинисаакааяа ваа валлияаа ваа г̇ахзд̇ваа жаалзд̇и. д̇асса д̇ад̇о лад̣̇д̇хам̣ палам̣ на ваддад̇и, д̣̇урубажин̣н̣ад̣̇уггадан̃жа аабаж̇ж̇ад̇и, ан̃н̃асса д̇ам̣ ваддад̇и, палиругкам̣ бана абассаяид̇ум̣ ваа ааламб̣ид̇ум̣ ваа ваддад̇и, бадиг̇г̇ахзд̇ваа табид̇з яам̣ ан̃н̃ам̣ ан̇гураад̣̇и уббаж̇ж̇ад̇и, бадиг̇г̇ахид̇амзва д̇ам̣. яаава хи хад̇т̇ад̇о муд̇д̇з нирабзгко на ход̇и, нирабзгкад̇ааяа ваа хад̇т̇ад̇о на мужжад̇и, д̇аава на бадиг̇г̇ахан̣ам̣ виж̇ахад̇и, аяамзд̇т̇а сан̇кзбо, вид̇т̇ааро бана саманд̇абаасаад̣̇игааяам̣ вуд̇д̇о.
Sace pana dāyakappaṭiggāhakesu eko ākāse hoti, eko bhūmiyaṃ, bhūmaṭṭhassa sīsena ākāsaṭṭhassa ca ṭhapetvā dātuṃ vā gahetuṃ vā pasāritahatthaṃ yaṃ āsannataraṃ aṅgaṃ, tassa orimantena hatthapāsappamāṇaṃ paricchinditabbaṃ. Sacepi eko kūpe hoti, eko kūpataṭe, eko vā rukkhe, eko pathaviyaṃ, vuttanayeneva hatthapāsappamāṇaṃ paricchinditabbaṃ. Tasmiṃ ṭhatvā sacepi dve tayo vā sāmaṇerā yaṃ majjhimo puriso ukkhipituṃ sakkoti, evarūpaṃ bhāraṃ pavaṭṭentā bhikkhuno bhūmiyaṃ ṭhapitahatthaṃ āropenti, ukkhipitvā vā bhikkhuno pasāritahatthe ekadesenāpi ṭhapenti, taṃ paṭiggahitameva hoti. Yaṃ pana piṇḍāya carantassa patte rajaṃ patati, taṃ appaṭiggahitameva hoti, tasmā paṭiggahetvāva bhikkhā gaṇhitabbā. Appaṭiggahetvā gaṇhantassa vinayadukkaṭaṃ, taṃ pana puna paṭiggahetvā bhuñjantassa anāpatti. Sace ‘‘paṭiggahetvā dethā’’ti vutte vacanaṃ assutvā vā anādiyitvā vā bhikkhaṃ dentiyeva, vinayadukkaṭā muccati, puna paṭiggahetvā aññā bhikkhā paṭiggahetabbā. Sace mahāvāto tato tato rajaṃ pāteti, na sakkā hoti bhikkhaṃ gahetuṃ, ‘‘anupasampannassa dassāmī’’ti suddhacittena ābhogaṃ katvā gaṇhituṃ vaṭṭati. Taṃ anupasampannassa datvā puna tena dinnaṃ vā tassa vissāsena vā paṭiggahetvā bhuñjituṃ vaṭṭati. Assukheḷasiṅghāṇikādīsu yaṃ ṭhānato cavitvā hatthe vā patte vā patati, taṃ paṭiggahetabbaṃ, aṅgalaggaṃ paṭiggahitameva. Patantampi vocchinnañce antarā na gahetabbaṃ, uggahitakaṃ nāma hoti, taṃ pacchā paṭiggahitampi na vaṭṭati. Yaṃ pana bhesajjaṃ vā mūlaphalaṃ vā mātādīnaṃ atthāya gahetvā chāyatthāya vā phalinisākhaṃ ukkhipitvā gacchati, tato yaṃ icchati, taṃ puna paṭiggahetvā paribhuñjituṃ vaṭṭati. Yo pana tattha jātakaphalinisākhāya vā valliyā vā gahetvā cāleti. Tassa tato laddhaṃ phalaṃ na vaṭṭati, durupaciṇṇadukkaṭañca āpajjati, aññassa taṃ vaṭṭati, phalirukkhaṃ pana apassayituṃ vā ālambituṃ vā vaṭṭati, paṭiggahetvā ṭhapite yaṃ aññaṃ aṅkurādi uppajjati, paṭiggahitameva taṃ. Yāva hi hatthato mutte nirapekkho na hoti, nirapekkhatāya vā hatthato na muccati, tāva na paṭiggahaṇaṃ vijahati, ayamettha saṅkhepo, vitthāro pana samantapāsādikāyaṃ vutto.
мукад̣̇вааранд̇и г̇аланаал̣игам̣. мукзна ваа хи бавидтам̣ ход̇у, наасигааяа ваа, г̇алзна аж̇жхохаран̣ийяад̇ааяа саб̣б̣амби д̇ам̣ мукад̣̇ваарам̣ бавзсид̇амзва ход̇и. аахааранд̇и яам̣гин̃жи яаавагаалигам̣ ваа яаамагаалигам̣ ваа сад̇д̇аахагаалигам̣ ваа яааваж̇ийвигам̣ ваа. саб̣б̣ан̃хзд̇ам̣ аж̇жхохаран̣ийяад̇д̇аа ‘аахааро’д̇и вужжад̇и, д̇ад̇т̇а саб̣б̣амби д̇хан̃н̃ам̣ ваа д̇хан̃н̃аануломам̣ ваа д̇ааланаал̣игзрабанасалаб̣уж̇аалааб̣угумбхан̣д̣абуссапалад̇ибусапалазл̣аалугасан̇каад̇ам̣ нававид̇хам̣ махаапалан̃жзва абаран̣н̣ан̃жа, яан̃жан̃н̃ам̣ ванамуулабад̇д̇абубпапалаад̣̇и аахаарад̇т̇ам̣ парад̇и, д̇ам̣ саб̣б̣ам̣ яаава маж̇жханхигагаало, д̇аава барибхун̃ж̇ид̇аб̣б̣ад̇о яаавагаалигам̣ наама. амб̣абаанам̣ ж̇амб̣убаанам̣ жожабаанам̣ можабаанам̣ мад̇хугабаанам̣ муд̣̇д̣̇игабаанам̣ саалуугабаанам̣ паарусагабаананд̇и имаани адта баанаани, яаани жа д̇зсам̣ ануломаани взд̇д̇ад̇инд̇ин̣игамаад̇улун̇г̇агабидтагосамб̣агараманд̣̇аад̣̇икуд̣̇д̣̇агапалабаанаани, зд̇аани саб̣б̣аани анубасамбаннзхи сийд̇од̣̇агзна мад̣̇д̣̇ид̇ваа гад̇аани аад̣̇ижжабаагаани ваа яаава рад̇д̇ияаа бажчимаяаамам̣ нид̣̇ахид̇ваа барибхун̃ж̇ид̇аб̣б̣ад̇о яаамагаалигаани наама. авасзсзсу анун̃н̃аад̇апалабад̇д̇абубпарасзсуби зсзва наяо. саббиаад̣̇ийни бан̃жа бхзсаж̇ж̇аани сад̇д̇аахам̣ нид̣̇ахид̇ваа барибхун̃ж̇ид̇аб̣б̣ад̇о сад̇д̇аахагаалигаани наама. ид̣̇ам̣ бана яаавагаалигаад̣̇ид̇д̇аяам̣ гаалавимуд̇д̇ан̃жа уд̣̇агам̣ табзд̇ваа авасзсамуулапалаапалаад̣̇и яам̣ нзва каад̣̇анийяад̇т̇ам̣ на бхож̇анийяад̇т̇ам̣ парад̇и , д̇ам̣ яааваж̇ийвам̣ нид̣̇ахид̇ваа сад̇и бажжаяз барибхун̃ж̇ид̇аб̣б̣ад̇о яааваж̇ийвигам̣ наама. аахарзяяаад̇и бавзсзяяа. ан̃н̃ад̇ра уд̣̇агад̣̇анд̇абонаад̇и ид̣̇ам̣ анаахаарзби уд̣̇агз аахаарасан̃н̃ааяа, д̣̇анд̇абонз жа ‘‘мукад̣̇ваарам̣ аахадам̣ ид̣̇а’’нд̇и сан̃н̃ааяа гуггужжааяанд̇аанам̣ гуггужжавинод̣̇анад̇т̇ам̣ вуд̇д̇ам̣. уд̣̇аган̃хи яат̇аасукам̣ баад̇ум̣, д̣̇анд̇агадтан̃жа д̣̇анд̇абонабарибхог̇зна барибхун̃ж̇ид̇ум̣ ваддад̇и. табзд̇ваа бана ид̣̇ам̣ д̣̇ваяам̣ авасзсам̣ аж̇жхохаран̣ад̇т̇ааяа г̇ан̣хад̇о г̇ахан̣з д̣̇уггадам̣, аж̇жхохаарз аж̇жхохаарз баажид̇д̇ияам̣, сажзби д̣̇анд̇агадтарасо аж̇аананд̇асса анд̇о бависад̇и, баажид̇д̇ияамзва.
Mukhadvāranti galanāḷikaṃ. Mukhena vā hi paviṭṭhaṃ hotu, nāsikāya vā, galena ajjhoharaṇīyatāya sabbampi taṃ mukhadvāraṃ pavesitameva hoti. Āhāranti yaṃkiñci yāvakālikaṃ vā yāmakālikaṃ vā sattāhakālikaṃ vā yāvajīvikaṃ vā. Sabbañhetaṃ ajjhoharaṇīyattā ‘āhāro’ti vuccati, tattha sabbampi dhaññaṃ vā dhaññānulomaṃ vā tālanāḷikerapanasalabujaalābukumbhaṇḍapussaphalatipusaphalaeḷālukasaṅkhātaṃ navavidhaṃ mahāphalañceva aparaṇṇañca, yañcaññaṃ vanamūlapattapupphaphalādi āhāratthaṃ pharati, taṃ sabbaṃ yāva majjhanhikakālo, tāva paribhuñjitabbato yāvakālikaṃ nāma. Ambapānaṃ jambupānaṃ cocapānaṃ mocapānaṃ madhukapānaṃ muddikapānaṃ sālūkapānaṃ phārusakapānanti imāni aṭṭha pānāni, yāni ca tesaṃ anulomāni vettatintiṇikamātuluṅgakapiṭṭhakosambakaramandādikhuddakaphalapānāni, etāni sabbāni anupasampannehi sītodakena madditvā katāni ādiccapākāni vā yāva rattiyā pacchimayāmaṃ nidahitvā paribhuñjitabbato yāmakālikāni nāma. Avasesesu anuññātaphalapattapuppharasesupi eseva nayo. Sappiādīni pañca bhesajjāni sattāhaṃ nidahitvā paribhuñjitabbato sattāhakālikāni nāma. Idaṃ pana yāvakālikādittayaṃ kālavimuttañca udakaṃ ṭhapetvā avasesamūlaphalāphalādi yaṃ neva khādanīyatthaṃ na bhojanīyatthaṃ pharati , taṃ yāvajīvaṃ nidahitvā sati paccaye paribhuñjitabbato yāvajīvikaṃ nāma. Āhareyyāti paveseyya. Aññatra udakadantaponāti idaṃ anāhārepi udake āhārasaññāya, dantapone ca ‘‘mukhadvāraṃ āhaṭaṃ ida’’nti saññāya kukkuccāyantānaṃ kukkuccavinodanatthaṃ vuttaṃ. Udakañhi yathāsukhaṃ pātuṃ, dantakaṭṭhañca dantaponaparibhogena paribhuñjituṃ vaṭṭati. Ṭhapetvā pana idaṃ dvayaṃ avasesaṃ ajjhoharaṇatthāya gaṇhato gahaṇe dukkaṭaṃ, ajjhohāre ajjhohāre pācittiyaṃ, sacepi dantakaṭṭharaso ajānantassa anto pavisati, pācittiyameva.
взсаалияам̣ ан̃н̃ад̇арам̣ бхигкум̣ аараб̣бха ад̣̇иннам̣ аахаарам̣ аахаран̣авад̇т̇усмим̣ бан̃н̃ад̇д̇ам̣, ‘‘ан̃н̃ад̇ра уд̣̇агад̣̇анд̇абонаа’’д̇и аяамзд̇т̇а анубан̃н̃ад̇д̇и, саад̇хааран̣абан̃н̃ад̇д̇и , анаан̣ад̇д̇игам̣, д̇игабаажид̇д̇ияам̣, бадиг̇г̇ахид̇агз аббадиг̇г̇ахид̇асан̃н̃ино, взмад̇игасса ваа д̣̇уггадам̣. бадиг̇г̇ахид̇асан̃н̃исса, уд̣̇агад̣̇анд̇абонз, жад̇д̇аари махаавигадаани сад̇и бажжаяз асад̇и габбияагаарагз саамам̣ г̇ахзд̇ваа барибхун̃ж̇анд̇асса, уммад̇д̇агаад̣̇ийнан̃жа анаабад̇д̇и. зд̇т̇а д̣̇уб̣б̣ажоби асамад̇т̇оби габбияагаараго асанд̇абагкзязва д̇идтад̇и, чааригааяа асад̇и сугкад̣̇аарум̣ жхаабзд̇ваа, д̇асмин̃жа асад̇и аллад̣̇аарум̣ ругкад̇о чинд̣̇ид̇вааби гаад̇ум̣, мад̇д̇игад̇т̇ааяа жа бат̇авим̣ кан̣ид̇умби ваддад̇и, ид̣̇ам̣ бана жад̇уб̣б̣ид̇хамби махаавигадам̣ гаалод̣̇иссам̣ наама саббад̣̇адтагкан̣зязва саамам̣ г̇ахзд̇ум̣ ваддад̇и, ан̃н̃ад̣̇аа бадиг̇г̇аахаабзд̇ваа барибхун̃ж̇ид̇аб̣б̣ам̣. аббадиг̇г̇ахид̇агад̇аа, ананун̃н̃аад̇ад̇аа, д̇хуумаад̣̇иаб̣б̣охааригаабхааво, аж̇жхохаран̣анд̇и имаанзд̇т̇а жад̇д̇аари ан̇г̇аани. самудтаанаад̣̇ийни зл̣агаломасад̣̇исаанийд̇и.
Vesāliyaṃ aññataraṃ bhikkhuṃ ārabbha adinnaṃ āhāraṃ āharaṇavatthusmiṃ paññattaṃ, ‘‘aññatra udakadantaponā’’ti ayamettha anupaññatti, sādhāraṇapaññatti , anāṇattikaṃ, tikapācittiyaṃ, paṭiggahitake appaṭiggahitasaññino, vematikassa vā dukkaṭaṃ. Paṭiggahitasaññissa, udakadantapone, cattāri mahāvikaṭāni sati paccaye asati kappiyakārake sāmaṃ gahetvā paribhuñjantassa, ummattakādīnañca anāpatti. Ettha dubbacopi asamatthopi kappiyakārako asantapakkheyeva tiṭṭhati, chārikāya asati sukkhadāruṃ jhāpetvā, tasmiñca asati alladāruṃ rukkhato chinditvāpi kātuṃ, mattikatthāya ca pathaviṃ khaṇitumpi vaṭṭati, idaṃ pana catubbidhampi mahāvikaṭaṃ kālodissaṃ nāma sappadaṭṭhakkhaṇeyeva sāmaṃ gahetuṃ vaṭṭati, aññadā paṭiggāhāpetvā paribhuñjitabbaṃ. Appaṭiggahitakatā, ananuññātatā, dhūmādiabbohārikābhāvo, ajjhoharaṇanti imānettha cattāri aṅgāni. Samuṭṭhānādīni eḷakalomasadisānīti.
д̣̇анд̇абонасигкаабад̣̇аван̣н̣анаа нидтид̇аа.
Dantaponasikkhāpadavaṇṇanā niṭṭhitā.
бхож̇анаваг̇г̇о жад̇уд̇т̇о.
Bhojanavaggo catuttho.
