Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā

бхуумадтагат̇аад̣̇иван̣н̣анаа

Bhūmaṭṭhakathādivaṇṇanā

94. махааадтагат̇ааяам̣ бана сажжзби алигзби д̣̇уггадамзва вуд̇д̇ам̣, д̇ам̣ бамаад̣̇аликид̇анд̇и взд̣̇ид̇аб̣б̣анд̇и яат̇зд̇арахи яуд̇д̇ияаа г̇ахзд̇аб̣б̣аа. д̇ад̇т̇а ‘‘жад̇уваг̇г̇зна табзд̇ваа убасамбад̣̇абавааран̣ааб̣бхаанаад̣̇исаб̣б̣ам̣ сан̇гхагаммам̣ гаад̇ум̣ ваддад̇и’’жжзва вад̇д̇аб̣б̣з ‘‘убасамбад̣̇абавааран̣агат̇инаб̣бхаанаад̣̇ийний’’д̇и ликанд̇ийд̇и взд̣̇ид̇аб̣б̣ам̣. д̇ам̣ аажарияаа ‘‘бамаад̣̇алзкаа’’д̇взва ван̣н̣аяанд̇и, д̇зна вуд̇д̇ам̣ ‘‘бамаад̣̇аликид̇а’’нд̇и. яам̣ яам̣ важанам̣ мусаа, д̇ад̇т̇а д̇ад̇т̇а баажид̇д̇ияанд̇и вуд̇д̇ам̣. д̣̇уггадасса важанз баяож̇анаабхааваа ‘‘ад̣̇иннаад̣̇аанасса буб̣б̣абаяог̇з’’д̇и вуд̇д̇ам̣. ан̃н̃зсамби буб̣б̣абаяог̇з баажид̇д̇ияадтаанз баажид̇д̇ияамзва. бамаад̣̇аликид̇анд̇и зд̇т̇а ид̇ха ад̇хиббзд̇амзва г̇ахзд̇ваа адтагат̇ааяам̣ вуд̇д̇анд̇и г̇ахид̇з самзд̇и вияа. аажарияаа бана ‘‘баажид̇д̇ияадтаанз баажид̇д̇ияа’’нд̇и вад̇ваа д̣̇уггадз висум̣ вад̇д̇аб̣б̣з ‘‘сажжаалигз’’д̇и сааман̃н̃ад̇о вуд̇д̇ад̇д̇аа ‘‘бамаад̣̇алзкаа’’д̇и вад̣̇анд̇ийд̇и взд̣̇ид̇аб̣б̣аад̇и. ‘‘гусалажид̇д̇зна г̇аманз анаабад̇д̇ий’’д̇и вуд̇д̇ад̇д̇аа ‘‘д̣̇аанан̃жа д̣̇ассаамий’’д̇и важанзна анаабад̇д̇и вияа.

94.Mahāaṭṭhakathāyaṃ pana saccepi alikepi dukkaṭameva vuttaṃ, taṃ pamādalikhitanti veditabbanti yathetarahi yuttiyā gahetabbā. Tattha ‘‘catuvaggena ṭhapetvā upasampadapavāraṇaabbhānādisabbaṃ saṅghakammaṃ kātuṃ vaṭṭati’’cceva vattabbe ‘‘upasampadapavāraṇakathinabbhānādīnī’’ti likhantīti veditabbaṃ. Taṃ ācariyā ‘‘pamādalekhā’’tveva vaṇṇayanti, tena vuttaṃ ‘‘pamādalikhita’’nti. Yaṃ yaṃ vacanaṃ musā, tattha tattha pācittiyanti vuttaṃ. Dukkaṭassa vacane payojanābhāvā ‘‘adinnādānassa pubbapayoge’’ti vuttaṃ. Aññesampi pubbapayoge pācittiyaṭṭhāne pācittiyameva. Pamādalikhitanti ettha idha adhippetameva gahetvā aṭṭhakathāyaṃ vuttanti gahite sameti viya. Ācariyā pana ‘‘pācittiyaṭṭhāne pācittiya’’nti vatvā dukkaṭe visuṃ vattabbe ‘‘saccālike’’ti sāmaññato vuttattā ‘‘pamādalekhā’’ti vadantīti veditabbāti. ‘‘Kusalacittena gamane anāpattī’’ti vuttattā ‘‘dānañca dassāmī’’ti vacanena anāpatti viya.

баажид̇д̇ияадтаанз д̣̇уггадаа на мужжад̇ийд̇и баажид̇д̇иязна сад̣̇д̇хим̣ д̣̇уггадамаабаж̇ж̇ад̇и. б̣ахугааби аабад̇д̇ияо хонд̇ууд̇и кан̣анаб̣яуухануд̣̇д̇харан̣зсу д̣̇аса д̣̇аса гад̇ваа аабад̇д̇ияо аабанно, д̇зсу уд̣̇д̇харан̣з д̣̇аса баажид̇д̇ияо д̣̇зсзд̇ваа мужжад̇и, ж̇аад̇ивасзна ‘‘згамзва д̣̇зсзд̇ваа мужжад̇ий’’д̇и гурунд̣̇ияам̣ вуд̇д̇ам̣, д̇асмаа буримзна самзд̇и. ‘‘самод̇хаанзд̇ваа д̣̇ассид̇абаяог̇з ‘‘д̣̇уггада’’нд̇и вуд̇д̇ад̇д̇аа самаанабаяог̇аа б̣ахуд̣̇уггадад̇д̇ам̣ н̃аабзд̇и. кан̣анз б̣ахугаанийд̇и самаанабаяог̇ад̇д̇аа на бадиббассамбхад̇и. адтагат̇аажарияаббамаан̣знаад̇и яат̇аа банзд̇т̇а, звам̣ ан̃н̃зсуби зваруубаани адтагат̇ааяа ааг̇ад̇аважанаани сан̇г̇ийд̇ид̇о бадтааяа ааг̇ад̇ад̇д̇аа г̇ахзд̇аб̣б̣аанийд̇и ад̇т̇о. ‘‘ид̇ха д̣̇уд̇ияабаарааж̇игз г̇ахзд̇аб̣б̣аа, на ан̃н̃зсуу’’д̇и д̇хаммасирид̇т̇зро гирааха. г̇ан̣тибад̣̇з бана ‘‘буримакан̣анам̣ бажчимам̣ бад̇ваа бадиббассамбхад̇и, д̇знзва згамзва д̣̇зсзд̇ваа мужжад̇ий’’д̇и вуд̇д̇ам̣, ‘‘висабхааг̇агирияам̣ ваа бад̇ваа буримам̣ бадиббассамбхад̇ий’’д̇и жа вуд̇д̇ам̣.

Pācittiyaṭṭhāne dukkaṭā na muccatīti pācittiyena saddhiṃ dukkaṭamāpajjati. Bahukāpi āpattiyo hontūti khaṇanabyūhanuddharaṇesu dasa dasa katvā āpattiyo āpanno, tesu uddharaṇe dasa pācittiyo desetvā muccati, jātivasena ‘‘ekameva desetvā muccatī’’ti kurundiyaṃ vuttaṃ, tasmā purimena sameti. ‘‘Samodhānetvā dassitapayoge ‘‘dukkaṭa’’nti vuttattā samānapayogā bahudukkaṭattaṃ ñāpeti. Khaṇane bahukānīti samānapayogattā na paṭippassambhati. Aṭṭhakathācariyappamāṇenāti yathā panettha, evaṃ aññesupi evarūpāni aṭṭhakathāya āgatavacanāni saṅgītito paṭṭhāya āgatattā gahetabbānīti attho. ‘‘Idha dutiyapārājike gahetabbā, na aññesū’’ti dhammasiritthero kirāha. Gaṇṭhipade pana ‘‘purimakhaṇanaṃ pacchimaṃ patvā paṭippassambhati, teneva ekameva desetvā muccatī’’ti vuttaṃ, ‘‘visabhāgakiriyaṃ vā patvā purimaṃ paṭippassambhatī’’ti ca vuttaṃ.

звам̣ згадтаанз тид̇ааяа гумбхияаа таанаажааванан̃жзд̇т̇а чахаагаарзхи взд̣̇ид̇аб̣б̣анд̇и самб̣анд̇хо. гумбхияаад̇и бхуммаважанам̣. уд̣̇д̇хам̣ угкибанд̇о гзсаг̇г̇амад̇д̇амби бхуумид̇о можзд̇и, баарааж̇иганд̇и зд̇т̇а мукаваддияаа пудтогаасам̣ б̣унд̣̇зна можид̇з ‘‘таанаажааванан̃жзд̇т̇а чахаагаарзхи взд̣̇ид̇аб̣б̣а’’нд̇и иминаа самзд̇и, д̇ат̇аа авад̇ваа ‘‘бхуумид̇о муд̇д̇з гзсаг̇г̇амад̇д̇амби ад̇игганд̇з бхуумид̇о можид̇ам̣ наама ход̇ий’’д̇и д̣̇ал̣хам̣ гад̇ваа вад̣̇анд̇и, убабаригкид̇ваа г̇ахзд̇аб̣б̣ам̣. зд̇т̇а згажжз звам̣ ад̇т̇ам̣ вад̣̇анд̇и ‘‘буб̣б̣з кан̣анд̇зна авасзсадтаанаани вияож̇ид̇аани, д̇асмим̣ вимуд̇д̇з баарааж̇ига’’нд̇и. сан̇кзбамахаабажжарияаад̣̇ийсу вуд̇д̇аважанасса бамаад̣̇алзкабхааво ‘‘ад̇д̇ано бхааж̇анаг̇ад̇ам̣ ваа гарод̇и, мудтим̣ ваа чинд̣̇ад̇ий’’д̇и важанзна д̣̇ийбид̇о.

Evaṃ ekaṭṭhāne ṭhitāya kumbhiyā ṭhānācāvanañcettha chahākārehi veditabbanti sambandho. Kumbhiyāti bhummavacanaṃ. Uddhaṃ ukkhipanto kesaggamattampi bhūmito moceti, pārājikanti ettha mukhavaṭṭiyā phuṭṭhokāsaṃ bundena mocite ‘‘ṭhānācāvanañcettha chahākārehi veditabba’’nti iminā sameti, tathā avatvā ‘‘bhūmito mutte kesaggamattampi atikkante bhūmito mocitaṃ nāma hotī’’ti daḷhaṃ katvā vadanti, upaparikkhitvā gahetabbaṃ. Ettha ekacce evaṃ atthaṃ vadanti ‘‘pubbe khaṇantena avasesaṭṭhānāni viyojitāni, tasmiṃ vimutte pārājika’’nti. Saṅkhepamahāpaccariyādīsu vuttavacanassa pamādalekhabhāvo ‘‘attano bhājanagataṃ vā karoti, muṭṭhiṃ vā chindatī’’ti vacanena dīpito.

яам̣ бана ‘‘бийд̇амад̇д̇з баарааж̇ига’’нд̇и вуд̇д̇ам̣, д̇ам̣ яат̇зд̇арахи ‘‘бан̃жавин̃н̃аан̣аа уббаннавад̇т̇угаа уббаннаарамман̣аа’’д̇и бад̣̇асса ‘‘уббаннавад̇т̇угаахи анааг̇ад̇абадигкзбо’’д̇и адтагат̇ааважанам̣ ‘‘асамбхиннавад̇т̇угаа асамбхиннаарамман̣аа бурзж̇аад̇авад̇т̇угаа бурзж̇аад̇аарамман̣аа’’д̇и важанамабзгкид̇ваа ад̇ийд̇аанааг̇ад̇абадигкзбод̇и баривад̇д̇зд̇и, д̇ат̇аа д̇аад̣̇исзхи баривад̇д̇а’нд̇и взд̣̇ид̇аб̣б̣ам̣. на хи адтагат̇аажарияаа буб̣б̣аабаравируд̣̇д̇хам̣ вад̣̇анд̇и. яам̣ бана аажарияаа ‘‘ид̣̇ам̣ бамаад̣̇аликид̇а’’нд̇и абанзд̇ваа бадигкибид̇ваа важанагаалз ваажзнд̇и, уд̣̇д̣̇исанд̇и, д̇амзва жа иминааби аажариязна ‘‘бамаад̣̇аликид̇а’’нд̇и бадигкид̇д̇ам̣. яан̃жа суд̇д̇ам̣ д̣̇ассзд̇ваа д̇з бадигкибанд̇и, д̇амзва жа д̣̇ассзнд̇зна иминаа бадигкид̇д̇ам̣, д̇зна вуд̇д̇ам̣ ‘‘д̇ам̣ бана д̇ад̇т̇зваа’’д̇иаад̣̇и.

Yaṃ pana ‘‘pītamatte pārājika’’nti vuttaṃ, taṃ yathetarahi ‘‘pañcaviññāṇā uppannavatthukā uppannārammaṇā’’ti padassa ‘‘uppannavatthukāhi anāgatapaṭikkhepo’’ti aṭṭhakathāvacanaṃ ‘‘asambhinnavatthukā asambhinnārammaṇā purejātavatthukā purejātārammaṇā’’ti vacanamapekkhitvā atītānāgatapaṭikkhepoti parivatteti, tathā tādisehi parivatta’nti veditabbaṃ. Na hi aṭṭhakathācariyā pubbāparaviruddhaṃ vadanti. Yaṃ pana ācariyā ‘‘idaṃ pamādalikhita’’nti apanetvā paṭikkhipitvā vacanakāle vācenti, uddisanti, tameva ca imināpi ācariyena ‘‘pamādalikhita’’nti paṭikkhittaṃ. Yañca suttaṃ dassetvā te paṭikkhipanti, tameva ca dassentena iminā paṭikkhittaṃ, tena vuttaṃ ‘‘taṃ pana tatthevā’’tiādi.

анаабад̇д̇имад̇д̇амзва вуд̇д̇анд̇и нзва авахааро на г̇ийваа анаабад̇д̇ийд̇и б̣яан̃ж̇анад̇ова бхзд̣̇о, на ад̇т̇ад̇од̇и д̣̇ассанад̇т̇ам̣. д̇ам̣ бамаад̣̇аликид̇ам̣ гад̇арзхийд̇и жз? буб̣б̣з вуд̇д̇аббагаарзхи, лзкагзхи ваа, зса наяо саб̣б̣ад̇т̇а. ‘‘на хи д̇ад̣̇зва б̣ахуусу таанзсу яуд̇д̇ад̇о баарааж̇игамахуд̇ваа гад̇т̇ажи ход̇ий’’д̇и саб̣б̣ам̣ ануг̇ан̣тибад̣̇з вуд̇д̇ам̣. д̣̇удтабид̇ам̣ ваа табзд̇ийд̇и зд̇т̇а д̇ад̇о баг̇гхариссад̇ийд̇и таанаажааванам̣ санд̇хааяа гад̇ад̇д̇аа баарааж̇игам̣ д̇ам̣ бана г̇ан̣хад̇у ваа маа ваа д̇ад̇т̇зва ‘‘бхинд̣̇ад̇ий’’д̇иаад̣̇иважанад̇о взд̣̇ид̇аб̣б̣ам̣. ‘‘д̇ад̇т̇зваад̇и таанаажааванам̣ агаронд̇ова таанаа ажаавзд̇угаамова гзвалам̣ ‘бхинд̣̇ад̇ий’д̇и адтагат̇ааважанад̇о жа н̃аабзд̇аб̣б̣а’’нд̇и ан̃н̃ад̇арасмим̣ г̇ан̣тибад̣̇з вуд̇д̇ам̣. д̇ат̇аа ‘‘баг̇гхарид̇зхи д̇инд̇абам̣сум̣ г̇ахзд̇ваа уд̣̇агз багкибид̇ваа бажид̇ваа г̇ахзд̇ум̣ саггаа, д̇асмаа г̇ахан̣амзва санд̇хааяа вуд̇д̇а’’нд̇и абарз. ‘‘рид̇д̇агумбхияаа убари гарод̇и, бхан̣д̣ад̣̇зяяа’’нд̇и вуд̇д̇ам̣, д̇ам̣ аан̣ад̇д̇ияаа вируж̇жхад̇и, ‘‘яад̣̇аа саггоси, д̇ад̣̇аа д̇ам̣ бхан̣д̣ам̣ авахараа’’д̇и ад̇т̇асаад̇хаго аан̣ад̇д̇игаалз зва баарааж̇игам̣. абижа ааваадагаад̣̇ийни т̇ааварабаяог̇аани жа зд̇т̇а саад̇хагаани. над̇т̇и гаалагад̇абаяог̇аани баарааж̇игавад̇т̇уунийд̇и д̇асмаа убабаригкид̇аб̣б̣анд̇и згз. яад̇т̇а яад̇т̇а ‘‘абарз’’д̇и ваа ‘‘згз’’д̇и ваа вужжад̇и, д̇ад̇т̇а д̇ад̇т̇а судту убабаригкид̇ваа яуд̇д̇ам̣ г̇ахзд̇аб̣б̣ам̣, ид̇арам̣ чад̣д̣зд̇аб̣б̣ам̣. вад̣̇анд̇ийд̇и аажарияаа вад̣̇анд̇и. на, ан̃н̃ат̇аа г̇ахзд̇аб̣б̣ад̇т̇ад̇од̇и баал̣ибарихаран̣ад̇т̇ам̣ вуд̇д̇ам̣. звамзгз вад̣̇анд̇ийд̇и д̇ам̣ на г̇ахзд̇аб̣б̣ам̣. гасмаа? ‘‘бассаавам̣ ваа чад̣д̣зд̇ий’’д̇и жа ‘‘абарибхог̇ам̣ ваа гарод̇ий’’д̇и жа ад̇т̇ад̇о згад̇д̇аа, адтагат̇ааяа ‘‘муг̇г̇арзна бот̇зд̇ваа бхинд̣̇ад̇ий’’д̇и вуд̇д̇ад̇д̇ааби.

Anāpattimattameva vuttanti neva avahāro na gīvā anāpattīti byañjanatova bhedo, na atthatoti dassanatthaṃ. Taṃ pamādalikhitaṃ katarehīti ce? Pubbe vuttappakārehi, lekhakehi vā, esa nayo sabbattha. ‘‘Na hi tadeva bahūsu ṭhānesu yuttato pārājikamahutvā katthaci hotī’’ti sabbaṃ anugaṇṭhipade vuttaṃ. Duṭṭhapitaṃ vā ṭhapetīti ettha tato paggharissatīti ṭhānācāvanaṃ sandhāya katattā pārājikaṃ taṃ pana gaṇhatu vā mā vā tattheva ‘‘bhindatī’’tiādivacanato veditabbaṃ. ‘‘Tatthevāti ṭhānācāvanaṃ akarontova ṭhānā acāvetukāmova kevalaṃ ‘bhindatī’ti aṭṭhakathāvacanato ca ñāpetabba’’nti aññatarasmiṃ gaṇṭhipade vuttaṃ. Tathā ‘‘paggharitehi tintapaṃsuṃ gahetvā udake pakkhipitvā pacitvā gahetuṃ sakkā, tasmā gahaṇameva sandhāya vutta’’nti apare. ‘‘Rittakumbhiyā upari karoti, bhaṇḍadeyya’’nti vuttaṃ, taṃ āṇattiyā virujjhati, ‘‘yadā sakkosi, tadā taṃ bhaṇḍaṃ avaharā’’ti atthasādhako āṇattikāle eva pārājikaṃ. Apica āvāṭakādīni thāvarapayogāni ca ettha sādhakāni. Natthi kālakatapayogāni pārājikavatthūnīti tasmā upaparikkhitabbanti eke. Yattha yattha ‘‘apare’’ti vā ‘‘eke’’ti vā vuccati, tattha tattha suṭṭhu upaparikkhitvā yuttaṃ gahetabbaṃ, itaraṃ chaḍḍetabbaṃ. Vadantīti ācariyā vadanti. Na, aññathā gahetabbatthatoti pāḷipariharaṇatthaṃ vuttaṃ. Evameke vadantīti taṃ na gahetabbaṃ. Kasmā? ‘‘Passāvaṃ vā chaḍḍetī’’ti ca ‘‘aparibhogaṃ vā karotī’’ti ca atthato ekattā, aṭṭhakathāya ‘‘muggarena pothetvā bhindatī’’ti vuttattāpi.

аяам̣ банзд̇т̇а саарод̇иаад̣̇игат̇ааяа ‘‘амхаагам̣ аажарияасса важана’’нд̇и д̇хаммасирид̇т̇зро ааха. сан̇г̇ахаажарияаанам̣ ваад̣̇од̇и згз. буб̣б̣з вуд̇д̇ааби д̇з зва, д̇асмаа вохааравасзнаад̇и ачад̣д̣зд̇угаамамби д̇ат̇аа гаронд̇ам̣ ‘‘чад̣д̣зд̇ий’’д̇и вохаранд̇и. звамзд̇зсам̣ бад̣̇аанам̣ ад̇т̇о г̇ахзд̇аб̣б̣од̇и звам̣ санд̇з ‘‘таанаажааванасса над̇т̇ид̇ааяа д̣̇уггада’’нд̇и адтагат̇ааважанзна ад̇ивияа самзд̇и, д̇ад̇т̇а таанаажааванажид̇д̇асса над̇т̇ид̇ааяа таанаа жуд̇амби на ‘‘таанаа жуд̇а’’нд̇и вужжад̇ийд̇и ад̇т̇о г̇ахзд̇аб̣б̣о. ид̇арат̇аабийд̇и т̇зяяажид̇д̇аабхааваа таанаа жаавзд̇угаамассаби д̣̇уггадам̣ яуж̇ж̇ад̇и.

Ayaṃpanettha sārotiādikathāya ‘‘amhākaṃ ācariyassa vacana’’nti dhammasiritthero āha. Saṅgahācariyānaṃ vādoti eke. Pubbe vuttāpi te eva, tasmā vohāravasenāti achaḍḍetukāmampi tathā karontaṃ ‘‘chaḍḍetī’’ti voharanti. Evametesaṃ padānaṃ attho gahetabboti evaṃ sante ‘‘ṭhānācāvanassa natthitāya dukkaṭa’’nti aṭṭhakathāvacanena ativiya sameti, tattha ṭhānācāvanacittassa natthitāya ṭhānā cutampi na ‘‘ṭhānā cuta’’nti vuccatīti attho gahetabbo. Itarathāpīti theyyacittābhāvā ṭhānā cāvetukāmassapi dukkaṭaṃ yujjati.

96. саяамзва бад̇ид̇аморассзва ид̇о жид̇о жа гарод̇о т̇уллажжаяам̣. аагаасадтавинижчаяз д̇аббасан̇г̇зна д̇асмим̣ взхаасаад̣̇иг̇ад̇зби асаммохад̇т̇ам̣ звам̣ г̇ахзд̇аб̣б̣анд̇и вуд̇д̇ам̣. ‘‘зваман̃н̃ад̇рааби саамисз’’д̇и г̇ан̣тибад̣̇з вуд̇д̇ам̣. ‘‘таанаажааванам̣ агаронд̇о жаалзд̇ий’’д̇и важанад̇о таанаажааванз т̇уллажжаяам̣ над̇т̇ийд̇и вуд̇д̇ам̣ ход̇и. гзжи апанд̣̇аабзд̇ваа таанаажааванаажааванзхиби д̣̇уггадат̇уллажжаяз вад̣̇анд̇и. ‘‘д̇з таанаажааванам̣ агаронд̇од̇и имам̣ адтагат̇ааважанам̣ д̣̇ассзд̇ваа бадисзд̇хзд̇аб̣б̣аа’’д̇и гзжи вад̣̇анд̇и, виймам̣сид̇аб̣б̣ам̣.

96. Sayameva patitamorasseva ito cito ca karoto thullaccayaṃ. Ākāsaṭṭhavinicchaye tappasaṅgena tasmiṃ vehāsādigatepi asammohatthaṃ evaṃ gahetabbanti vuttaṃ. ‘‘Evamaññatrāpi sāmise’’ti gaṇṭhipade vuttaṃ. ‘‘Ṭhānācāvanaṃ akaronto cāletī’’ti vacanato ṭhānācāvane thullaccayaṃ natthīti vuttaṃ hoti. Keci aphandāpetvā ṭhānācāvanācāvanehipi dukkaṭathullaccaye vadanti. ‘‘Te ṭhānācāvanaṃ akarontoti imaṃ aṭṭhakathāvacanaṃ dassetvā paṭisedhetabbā’’ti keci vadanti, vīmaṃsitabbaṃ.

97. чзд̣̇анаможанаад̣̇и убарибхааг̇ам̣ санд̇хааяа вуд̇д̇ам̣. авассам̣ таанад̇о аагаасаг̇ад̇ам̣ гарод̇и. зд̇т̇а ‘‘згагодим̣ нийхарид̇ваа табид̇з вам̣сз тид̇асса аагаасагаран̣ам̣ санд̇хааяаа’’д̇и гзжи вад̣̇анд̇и. д̇з бана ат̇а ‘‘муулам̣ ажчзд̇ваа валаяам̣ ид̇о жид̇о жа саарзд̇и, рагкад̇и. сажз бана муулад̇о анийхарид̇вааби хад̇т̇зна г̇ахзд̇ваа аагаасаг̇ад̇ам̣ гарод̇и, баарааж̇ига’’нд̇и адтагат̇ааважанам̣ д̣̇ассзд̇ваа бадисзд̇хзд̇аб̣б̣аа. бхид̇д̇иниссид̇анд̇и бхид̇д̇ияаа убад̇т̇амбхид̇ам̣ санд̇хааяа вуд̇д̇анд̇и згз. бхид̇д̇им̣ ниссааяа табид̇анд̇и нааг̇ад̣̇анд̇аад̣̇ийсу тид̇ам̣ санд̇хааяа вуд̇д̇ам̣. чиннамад̇д̇зд̇и убари уг̇г̇анд̇ваа тид̇ам̣ санд̇хааяа вуд̇д̇ам̣.

97. Chedanamocanādi uparibhāgaṃ sandhāya vuttaṃ. Avassaṃ ṭhānato ākāsagataṃ karoti. Ettha ‘‘ekakoṭiṃ nīharitvā ṭhapite vaṃse ṭhitassa ākāsakaraṇaṃ sandhāyā’’ti keci vadanti. Te pana atha ‘‘mūlaṃ acchetvā valayaṃ ito cito ca sāreti, rakkhati. Sace pana mūlato anīharitvāpi hatthena gahetvā ākāsagataṃ karoti, pārājika’’nti aṭṭhakathāvacanaṃ dassetvā paṭisedhetabbā. Bhittinissitanti bhittiyā upatthambhitaṃ sandhāya vuttanti eke. Bhittiṃ nissāya ṭhapitanti nāgadantādīsu ṭhitaṃ sandhāya vuttaṃ. Chinnamatteti upari uggantvā ṭhitaṃ sandhāya vuttaṃ.

98. убари тид̇асса бидтияаад̇и зд̇т̇а ад̇хо осааран̣ам̣ санд̇хааяа вуд̇д̇ам̣. хздтаа осаарзнд̇асса убаримасса бидтияаа хздтимзна тид̇огаасам̣ ад̇игганд̇амад̇д̇з баарааж̇игам̣, уд̣̇д̇хам̣ угкибанд̇асса уд̣̇агад̇о муд̇д̇амад̇д̇з. ‘‘звам̣ г̇ахид̇з бхуумадтз вуд̇д̇зна самзд̇ий’’д̇и вад̣̇анд̇и. мад̇амажчаанам̣ тид̇адтаанамзва таанам̣ гира. т̇зяяажид̇д̇зна маарзд̇ваа г̇ан̣хад̇о уунабаад̣̇аг̇гханагз д̣̇уггадам̣, сахабаяог̇ад̇д̇аа баажид̇д̇ияам̣ над̇т̇ийд̇и згз. мад̣̇анапалавасаад̣̇ийнийд̇и зд̇т̇а сийхал̣абхаасаа гира васа ид̇и висанд̇и ад̇т̇о, г̇арул̣аагаарзна гад̇уббзяид̇ам̣ ваа.

98.Upari ṭhitassa piṭṭhiyāti ettha adho osāraṇaṃ sandhāya vuttaṃ. Heṭṭhā osārentassa uparimassa piṭṭhiyā heṭṭhimena ṭhitokāsaṃ atikkantamatte pārājikaṃ, uddhaṃ ukkhipantassa udakato muttamatte. ‘‘Evaṃ gahite bhūmaṭṭhe vuttena sametī’’ti vadanti. Matamacchānaṃ ṭhitaṭṭhānameva ṭhānaṃ kira. Theyyacittena māretvā gaṇhato ūnapādagghanake dukkaṭaṃ, sahapayogattā pācittiyaṃ natthīti eke. Madanaphalavasādīnīti ettha sīhaḷabhāsā kira vasa iti visanti attho, garuḷākārena katuppeyitaṃ vā.

99. буб̣б̣з баасз б̣ад̣̇д̇хасуугараубамааяа вуд̇д̇аа зва. ‘‘т̇алз табид̇ааяа наавааяа на пудтогаасамад̇д̇амзваа’’д̇и баато. ‘‘ваад̇о ааг̇аммаад̇и важанад̇о ваад̇асса над̇т̇игаалз баяог̇асса гад̇ад̇д̇аа авахааро над̇т̇и, ад̇т̇игаалз жз гад̇о, авахаароваа’’д̇и вад̣̇анд̇и. ‘‘бхан̣д̣ад̣̇зяяам̣ бана гзсанд̇и жз? язсам̣ хад̇т̇з гахаабан̣аани г̇ахид̇аани, д̇зсам̣ ваа, нааваасааминаа наавааяа аг̇г̇ахид̇ааяа нааваасаамигасса ваа’’д̇и ануг̇ан̣тибад̣̇з вуд̇д̇ам̣.

99.Pubbe pāse baddhasūkaraupamāya vuttā eva. ‘‘Thale ṭhapitāya nāvāya na phuṭṭhokāsamattamevā’’ti pāṭho. ‘‘Vāto āgammāti vacanato vātassa natthikāle payogassa katattā avahāro natthi, atthikāle ce kato, avahārovā’’ti vadanti. ‘‘Bhaṇḍadeyyaṃ pana kesanti ce? Yesaṃ hatthe kahāpaṇāni gahitāni, tesaṃ vā, nāvāsāminā nāvāya aggahitāya nāvāsāmikassa vā’’ti anugaṇṭhipade vuttaṃ.

104. нирамб̣ид̇ваа убари. агад̇ам̣ ваа бана бад̇идтабзд̇ийд̇и абуб̣б̣ам̣ ваа бадтабзд̇ийд̇и ад̇т̇о.

104.Nirambitvā upari. Akataṃ vā pana patiṭṭhapetīti apubbaṃ vā paṭṭhapetīti attho.

106. г̇аамадтз ваа ‘‘г̇аамо наамаа’’д̇и на вуд̇д̇ам̣ батамам̣ г̇аамалагкан̣асса саб̣б̣асо вуд̇д̇ад̇д̇аа.

106. Gāmaṭṭhe vā ‘‘gāmo nāmā’’ti na vuttaṃ paṭhamaṃ gāmalakkhaṇassa sabbaso vuttattā.

107. аран̃н̃адтз аран̃н̃ам̣ наамаад̇и буна на гзвалам̣ буб̣б̣з вуд̇д̇алагкан̣ан̃н̃зва аран̃н̃анд̇и ид̇хаад̇хиббзд̇ам̣, гинд̇у барабариг̇г̇ахид̇амзва жзд̇ам̣ ход̇и, д̇ам̣ ид̇хаад̇хиббзд̇анд̇и д̣̇ассанад̇т̇ам̣ вуд̇д̇ам̣. д̇знзва ад̇т̇зби аран̃н̃аг̇г̇ахан̣ам̣ гад̇ам̣. аг̇г̇зби муулзби чиннаад̇и зд̇т̇а ‘‘на взтзд̇ваа тид̇аа, чиннамад̇д̇з бад̇анагам̣ санд̇хааяа вуд̇д̇а’’нд̇и вад̣̇анд̇и. д̇ажчзд̇ваа табид̇од̇и аран̃н̃асаамигзхи барзхи лад̣̇д̇хзхи д̇ажчзд̇ваа табид̇о. ад̣̇д̇хаг̇ад̇обийд̇и жирагаалигоби. ‘‘на г̇ахзд̇аб̣б̣од̇и аран̃н̃асаамигзхи анун̃н̃аад̇знабий’’д̇и г̇ан̣тибад̣̇з вуд̇д̇ам̣. чаллияаа барияонад̣̇д̇хам̣ ход̇ийд̇и иминаа саамигаанам̣ нирабзгкад̇ам̣ д̣̇ийбзд̇и. д̇зна вуд̇д̇ам̣ ‘‘г̇ахзд̇ум̣ ваддад̇ий’’д̇и. яад̣̇и саамигаанам̣ саабзгкад̇аа ад̇т̇и, на ваддад̇и.

107. Araññaṭṭhe araññaṃ nāmāti puna na kevalaṃ pubbe vuttalakkhaṇaññeva araññanti idhādhippetaṃ, kintu parapariggahitameva cetaṃ hoti, taṃ idhādhippetanti dassanatthaṃ vuttaṃ. Teneva atthepi araññaggahaṇaṃ kataṃ. Aggepi mūlepi chinnāti ettha ‘‘na veṭhetvā ṭhitā, chinnamatte patanakaṃ sandhāya vutta’’nti vadanti. Tacchetvā ṭhapitoti araññasāmikehi parehi laddhehi tacchetvā ṭhapito. Addhagatopīti cirakālikopi. ‘‘Na gahetabboti araññasāmikehi anuññātenapī’’ti gaṇṭhipade vuttaṃ. Challiyā pariyonaddhaṃ hotīti iminā sāmikānaṃ nirapekkhataṃ dīpeti. Tena vuttaṃ ‘‘gahetuṃ vaṭṭatī’’ti. Yadi sāmikānaṃ sāpekkhatā atthi, na vaṭṭati.

108. д̇ад̇т̇а ‘‘бхааж̇анзсу богкаран̣ийд̇ал̣аагзсу жа г̇ааво баггосад̇ийд̇и ид̇о бадтааяа д̇аяо д̣̇аса ваараа аад̣̇имзва д̣̇ассзд̇ваа сам̣кид̇д̇аа’’д̇и ануг̇ан̣тибад̣̇з вуд̇д̇ам̣. ниб̣б̣аханауд̣̇агам̣ наама д̇ал̣аагарагкан̣ад̇т̇ааяа ад̇хигод̣̇аганигкаманад̣̇ваарзна нигкаманауд̣̇агам̣. ‘‘г̇ахзд̇ум̣ на лабхад̇ийд̇и саамийжигаммам̣ на ход̇ий’’д̇и ануг̇ан̣тибад̣̇з вуд̇д̇ам̣. ид̇о бадтааяа ‘‘вуд̇д̇а’’нд̇и вуд̇д̇з ануг̇ан̣тибад̣̇зд̇и г̇ахзд̇аб̣б̣ам̣. анигканд̇з уд̣̇агзд̇и баатасзсо, сугкамаад̇игаабаяог̇ад̇д̇аа бхан̣д̣ад̣̇зяяамби на ход̇ийд̇и ад̇хиббааяо. д̇ал̣аагам̣ ниссааяа кзд̇д̇асса гад̇ад̇д̇аад̇и ‘‘саб̣б̣асаад̇хааран̣ам̣ д̇ал̣аагам̣ ход̇ий’’д̇и батамам̣ вуд̇д̇ад̇д̇аа д̇ам̣ санд̇хааяа вуд̇д̇ам̣. ‘‘яасмаа д̇ал̣аагаг̇ад̇ам̣ уд̣̇агам̣ саб̣б̣асаад̇хааран̣амби маад̇игааяа сад̇и д̇ам̣ ад̇иггамид̇ваа г̇ахзд̇ум̣ на ваддад̇и, д̇асмаа д̇ам̣ санд̇хааяа гурунд̣̇ияаад̣̇ийсу авахаарод̇и вуд̇д̇а’’нд̇и абарз аахууд̇и. иминаа лагкан̣зна на самзд̇ийд̇и яасмаа саб̣б̣асаад̇хааран̣ад̣̇зсо наама д̇ан̃жа д̇ал̣аагам̣ саб̣б̣асаад̇хааран̣ам̣, гад̇игаабхааваа жа махааадтагат̇ааяам̣ вуд̇д̇амзва яуд̇д̇анд̇и аахаажарияо.

108. Tattha ‘‘bhājanesu pokkharaṇītaḷākesu ca gāvo pakkosatīti ito paṭṭhāya tayo dasa vārā ādimeva dassetvā saṃkhittā’’ti anugaṇṭhipade vuttaṃ. Nibbahanaudakaṃ nāma taḷākarakkhaṇatthāya adhikodakanikkhamanadvārena nikkhamanaudakaṃ. ‘‘Gahetuṃ na labhatīti sāmīcikammaṃ na hotī’’ti anugaṇṭhipade vuttaṃ. Ito paṭṭhāya ‘‘vutta’’nti vutte anugaṇṭhipadeti gahetabbaṃ. Anikkhante udaketi pāṭhaseso, sukkhamātikāpayogattā bhaṇḍadeyyampi na hotīti adhippāyo. Taḷākaṃ nissāya khettassa katattāti ‘‘sabbasādhāraṇaṃ taḷākaṃ hotī’’ti paṭhamaṃ vuttattā taṃ sandhāya vuttaṃ. ‘‘Yasmā taḷākagataṃ udakaṃ sabbasādhāraṇampi mātikāya sati taṃ atikkamitvā gahetuṃ na vaṭṭati, tasmā taṃ sandhāya kurundiyādīsu avahāroti vutta’’nti apare āhūti. Iminā lakkhaṇena na sametīti yasmā sabbasādhāraṇadeso nāma tañca taḷākaṃ sabbasādhāraṇaṃ, katikābhāvā ca mahāaṭṭhakathāyaṃ vuttameva yuttanti āhācariyo.

109. ‘‘д̇ад̇о бадтааяа авахааро над̇т̇ийд̇и т̇зяяааяаби г̇ан̣хад̇о, д̇асмаа яат̇аамун̣д̣амахааж̇зд̇аб̣б̣ад̇д̇аа, арагкид̇аб̣б̣ад̇д̇аа, саб̣б̣асаад̇хааран̣ад̇д̇аа жа ан̃н̃амби сан̇гхасанд̇агам̣ ид̣̇ам̣ на ход̇ий’’д̇и г̇ан̣тибад̣̇з вуд̇д̇ам̣.

109.‘‘Tatopaṭṭhāya avahāro natthīti theyyāyapi gaṇhato, tasmā yathāmuṇḍamahājetabbattā, arakkhitabbattā, sabbasādhāraṇattā ca aññampi saṅghasantakaṃ idaṃ na hotī’’ti gaṇṭhipade vuttaṃ.

110. уж̇угамзва д̇идтад̇ийд̇и зд̇т̇а ‘‘самийбз ругкасаакаад̣̇ийхи санд̇хаарид̇ад̇д̇аа ийсагам̣ калид̇ваа уж̇угамзва д̇идтад̇и жз, авахааро. чиннавзн̣у вияа д̇идтад̇и жз, анаабад̇д̇ий’’д̇и вуд̇д̇ам̣, д̇ам̣ сувуд̇д̇ам̣, д̇асса винижчаяз ‘‘сажз д̇аани рагканд̇ий’’д̇и вуд̇д̇ад̇д̇аа. но ан̃н̃ат̇аад̇и самбад̇д̇з жз ваад̇з ваад̇амукасод̇ханам̣ гарод̇и, баарааж̇иганд̇и ад̇т̇о.

110.Ujukameva tiṭṭhatīti ettha ‘‘samīpe rukkhasākhādīhi sandhāritattā īsakaṃ khalitvā ujukameva tiṭṭhati ce, avahāro. Chinnaveṇu viya tiṭṭhati ce, anāpattī’’ti vuttaṃ, taṃ suvuttaṃ, tassa vinicchaye ‘‘sace tāni rakkhantī’’ti vuttattā. No aññathāti sampatte ce vāte vātamukhasodhanaṃ karoti, pārājikanti attho.

111. ан̃н̃зсу бана вижааран̣аа зва над̇т̇ийд̇и д̇зсу аббадигкибид̇ад̇д̇аа аяамзва винижчаяод̇и вуд̇д̇ам̣ ход̇и. ‘‘зд̇зна д̇хуранигкзбам̣ гад̇вааби жорзхи аахадам̣ жод̣̇зд̇ваа г̇ан̣хад̇о анаабад̇д̇ийд̇и д̣̇ийбид̇ам̣ ход̇ий’’д̇и вуд̇д̇ам̣.

111.Aññesu pana vicāraṇā eva natthīti tesu appaṭikkhipitattā ayameva vinicchayoti vuttaṃ hoti. ‘‘Etena dhuranikkhepaṃ katvāpi corehi āhaṭaṃ codetvā gaṇhato anāpattīti dīpitaṃ hotī’’ti vuttaṃ.

112. зсзва наяод̇и уд̣̇д̇хаарзязва баарааж̇игам̣, гасмаа? ан̃н̃зхи бад̇д̇зхи саад̇хааран̣асса сан̃н̃аан̣асса вуд̇д̇ад̇д̇аа. бад̣̇аваарзнаад̇и жорзна нийхарид̇ваа д̣̇иннам̣ г̇ахзд̇ваа г̇ажчад̇о. г̇аамад̣̇вааранд̇и вохаарамад̇д̇амзва, г̇ааманд̇и ад̇т̇о аан̣ад̇д̇ияаа д̣̇адтаб̣б̣ад̇д̇аа, д̣̇виннамби уд̣̇д̇хаарз зва баарааж̇игам̣. асугам̣ наама г̇аамам̣ г̇анд̇ваад̇и важанзна яаава д̇асса г̇аамасса барад̇о убажааро, саб̣б̣амзд̇ам̣ аан̣ад̇д̇амзва ход̇и. ‘‘тад̇ваа ваа нисийд̣̇ид̇ваа ваа виссамид̇ваа буримат̇зяяажид̇д̇ам̣ вуубасамид̇ваа г̇аманад̇т̇ан̃жз бхан̣д̣ам̣ на нигкид̇д̇ам̣, яат̇ааг̇ахид̇амзва, бад̣̇аваарзна гаарзд̇аб̣б̣од̇и, нигкид̇д̇ан̃жз, уд̣̇д̇хаарзнаа’’д̇и жа ликид̇ам̣. гзвалам̣ ‘‘ликид̇а’’нд̇и вуд̇д̇з г̇ан̣тибад̣̇з г̇ахзд̇аб̣б̣ам̣. т̇зяяажид̇д̇зна барибхун̃ж̇анд̇од̇и таанаажааванам̣ агад̇ваа нивад̇т̇абааруд̇анийхаарзна ‘‘буб̣б̣звзд̣̇ам̣ маяаа г̇ахид̇а’’нд̇и т̇зяяажид̇д̇зна барибхун̃ж̇анд̇о. ‘‘надтз бхан̣д̣ад̣̇зяяам̣ гираа’’д̇и ликид̇ам̣. ‘‘ан̃н̃о ваа’’д̇и важанзна язна табид̇ам̣, д̇зна д̣̇иннз анаабад̇д̇ийд̇и д̣̇ийбид̇ам̣ ход̇и г̇обагасса д̣̇аанз вияа, ‘‘гзвалам̣ ид̇ха бхан̣д̣ад̣̇зяяанд̇и абарз’’д̇и вуд̇д̇ам̣. ‘‘ан̃н̃о ваа’’д̇и важанад̇о язна табид̇ам̣. со ваад̇иби лаб̣бхад̇ийд̇и вижаарзд̇ваа г̇ахзд̇аб̣б̣о. ваа-сад̣̇д̣̇зна яасса хад̇т̇з табид̇ам̣, со ваа д̣̇зд̇и рааж̇аг̇ахз г̇ан̣аго вияа д̇ханияасса, д̇асмаа баарааж̇игам̣ яуд̇д̇ам̣ вияа.

112.Eseva nayoti uddhāreyeva pārājikaṃ, kasmā? Aññehi pattehi sādhāraṇassa saññāṇassa vuttattā. Padavārenāti corena nīharitvā dinnaṃ gahetvā gacchato. Gāmadvāranti vohāramattameva, gāmanti attho āṇattiyā daṭṭhabbattā, dvinnampi uddhāre eva pārājikaṃ. Asukaṃnāma gāmaṃ gantvāti vacanena yāva tassa gāmassa parato upacāro, sabbametaṃ āṇattameva hoti. ‘‘Ṭhatvā vā nisīditvā vā vissamitvā purimatheyyacittaṃ vūpasamitvā gamanatthañce bhaṇḍaṃ na nikkhittaṃ, yathāgahitameva, padavārena kāretabboti, nikkhittañce, uddhārenā’’ti ca likhitaṃ. Kevalaṃ ‘‘likhita’’nti vutte gaṇṭhipade gahetabbaṃ. Theyyacittena paribhuñjantoti ṭhānācāvanaṃ akatvā nivatthapārutanīhārena ‘‘pubbevedaṃ mayā gahita’’nti theyyacittena paribhuñjanto. ‘‘Naṭṭhe bhaṇḍadeyyaṃ kirā’’ti likhitaṃ. ‘‘Añño vā’’ti vacanena yena ṭhapitaṃ, tena dinne anāpattīti dīpitaṃ hoti gopakassa dāne viya, ‘‘kevalaṃ idha bhaṇḍadeyyanti apare’’ti vuttaṃ. ‘‘Añño vā’’ti vacanato yena ṭhapitaṃ. So vātipi labbhatīti vicāretvā gahetabbo. Vā-saddena yassa hatthe ṭhapitaṃ, so vā deti rājagahe gaṇako viya dhaniyassa, tasmā pārājikaṃ yuttaṃ viya.

д̇ава т̇ууласаадаго лад̣̇д̇ход̇и вуд̇д̇агкан̣з мусааваад̣̇з д̣̇уггадам̣. д̇асса наамам̣ ликид̇ваад̇и зд̇т̇а ‘‘д̇зна ‘г̇ахзд̇ваа табзяяаасий’д̇и аан̣ад̇д̇ад̇д̇аа наамалзканагаалз анаабад̇д̇и гусасан̇гаманасад̣̇исам̣ на ход̇ий’’д̇и вуд̇д̇ам̣. на ж̇аананд̇ийд̇и на сун̣анд̇ийд̇и ад̇т̇о. сажз ж̇аанид̇вааби жид̇д̇зна на самбадижчанд̇и зсзва наяо. ж̇аананд̇зна бана рагкид̇ум̣ анижчанд̇з бадигкибид̇аб̣б̣амзва зд̇анд̇и вад̇д̇ам̣ ж̇аанид̇аб̣б̣ам̣. уммаг̇г̇знаад̇и бураабаан̣ам̣ кан̣ид̇ваа гад̇амаг̇г̇знаад̇и ад̇т̇о.

Tava thūlasāṭako laddhoti vuttakkhaṇe musāvāde dukkaṭaṃ. Tassa nāmaṃ likhitvāti ettha ‘‘tena ‘gahetvā ṭhapeyyāsī’ti āṇattattā nāmalekhanakāle anāpatti kusasaṅkamanasadisaṃ na hotī’’ti vuttaṃ. Na jānantīti na suṇantīti attho. Sace jānitvāpi cittena na sampaṭicchanti eseva nayo. Jānantena pana rakkhituṃ anicchante paṭikkhipitabbameva etanti vattaṃ jānitabbaṃ. Ummaggenāti purāpāṇaṃ khaṇitvā katamaggenāti attho.

ниссид̇авааригасса бана сабхааг̇аа бхад̇д̇ам̣ д̣̇знд̇и, д̇асмаа яат̇аа вихаарз банд̇и, д̇ат̇зва гаад̇аб̣б̣анд̇и самбад̇д̇аваарам̣ аг̇г̇ахзд̇ум̣ на лабханд̇и, ‘‘д̇асса ваа сабхааг̇аа ад̣̇аад̇ум̣ на лабханд̇ий’’д̇и вуд̇д̇ам̣. ад̇д̇ад̣̇уд̇ияассаад̇и на хи згзнаанийд̇ам̣ д̣̇виннам̣ баход̇и, сажз баход̇и баабзд̇аб̣б̣од̇и д̣̇ассзд̇ум̣ ‘‘яасса ваа’’д̇иаад̣̇и вуд̇д̇ам̣. ‘‘барибужчам̣ д̣̇зд̇ийд̇и бужчид̇абан̃хасса виссаж̇ж̇анам̣ гарод̇ий’’д̇и ликид̇ам̣. сан̇гхасса бхаарам̣ наама ‘‘сад̣̇д̇хаммаваажанаа зваа’’д̇и вуд̇д̇ам̣, ‘‘навагаммигоби вужжад̇ий’’д̇и жа, ‘‘ид̇о бхан̣д̣ад̇о вадданд̇ам̣ буна анд̇о бависад̇ийд̇и махааадтагат̇аабад̣̇асса гурунд̣̇ийсан̇кзбадтагат̇аахи ад̇хиббааяо виварид̇о’’д̇и ликид̇ам̣.

Nissitavārikassa pana sabhāgā bhattaṃ denti, tasmā yathā vihāre panti, tatheva kātabbanti sampattavāraṃ aggahetuṃ na labhanti, ‘‘tassa vā sabhāgā adātuṃ na labhantī’’ti vuttaṃ. Attadutiyassāti na hi ekenānītaṃ dvinnaṃ pahoti, sace pahoti pāpetabboti dassetuṃ ‘‘yassa vā’’tiādi vuttaṃ. ‘‘Paripucchaṃ detīti pucchitapañhassa vissajjanaṃ karotī’’ti likhitaṃ. Saṅghassa bhāraṃ nāma ‘‘saddhammavācanā evā’’ti vuttaṃ, ‘‘navakammikopi vuccatī’’ti ca, ‘‘ito bhaṇḍato vaṭṭantaṃ puna anto pavisatīti mahāaṭṭhakathāpadassa kurundīsaṅkhepaṭṭhakathāhi adhippāyo vivarito’’ti likhitaṃ.

113. г̇ажчанд̇з яаанз ваад̇и зд̇т̇а ‘‘сун̇гадтаанасса б̣ахи тид̇ам̣ санд̇хааяа вуд̇д̇а’’нд̇и убад̇иссад̇т̇зро вад̣̇ад̇и гира. ‘‘г̇ажчанд̇з яаанз ваад̇иаад̣̇и сун̇гадтаанаб̣бханд̇арз г̇ахзд̇аб̣б̣а’’нд̇и вуд̇д̇ам̣. б̣ахи тид̇асса вад̇д̇аб̣б̣амзва над̇т̇и, ‘‘анд̇о тад̇ваа’’д̇и ад̇хигаарз вуд̇д̇ад̇д̇аа жзд̇и яуд̇д̇ам̣ – яаанаад̣̇ийсу табид̇з д̇асса баяог̇ам̣ винааязва г̇ад̇зсу баарааж̇иго на ход̇и. гасмаа на бхан̣д̣ад̣̇зяяанд̇и жз? сун̇гадтаанасса б̣ахи тид̇ад̇д̇аа. аран̃н̃адтз ‘‘ассад̇ияаа ад̇иггаманд̇ассаби бхан̣д̣ад̣̇зяяамзваа’’д̇и (баараа. адта. 1.107) вуд̇д̇ам̣ д̇зсам̣ сабариг̇г̇ахид̇ад̇д̇аа. ид̇ха бана ‘‘ад̇ра бавидтассаа’’д̇и важанад̇о на б̣ахи тид̇асса, д̇ам̣ гира сун̇гасан̇гзд̇ам̣. ан̃н̃ам̣ хараабзд̇ийд̇и д̇ад̇т̇а ‘‘сахад̇т̇аа’’д̇и важанад̇о анаабад̇д̇и. ниссаг̇г̇ияаани хонд̇ийд̇и адтагат̇аад̇о баажид̇д̇ияам̣, убажаарам̣ оггамид̇ваа барихаран̣з саад̣̇ийнавад̇д̇аа д̣̇уггадам̣.

113.Gacchante yāne vāti ettha ‘‘suṅkaṭṭhānassa bahi ṭhitaṃ sandhāya vutta’’nti upatissatthero vadati kira. ‘‘Gacchante yāne vātiādi suṅkaṭṭhānabbhantare gahetabba’’nti vuttaṃ. Bahi ṭhitassa vattabbameva natthi, ‘‘anto ṭhatvā’’ti adhikāre vuttattā ceti yuttaṃ – yānādīsu ṭhapite tassa payogaṃ vināyeva gatesu pārājiko na hoti. Kasmā na bhaṇḍadeyyanti ce? Suṅkaṭṭhānassa bahi ṭhitattā. Araññaṭṭhe ‘‘assatiyā atikkamantassapi bhaṇḍadeyyamevā’’ti (pārā. aṭṭha. 1.107) vuttaṃ tesaṃ sapariggahitattā. Idha pana ‘‘atra paviṭṭhassā’’ti vacanato na bahi ṭhitassa, taṃ kira suṅkasaṅketaṃ. Aññaṃ harāpetīti tattha ‘‘sahatthā’’ti vacanato anāpatti. Nissaggiyāni hontīti aṭṭhakathāto pācittiyaṃ, upacāraṃ okkamitvā pariharaṇe sādīnavattā dukkaṭaṃ.

сун̇гадтаанз сун̇гам̣ д̣̇ад̇ваава г̇анд̇ум̣ ваддад̇ийд̇и ид̣̇ам̣ д̣̇аани вад̇д̇аб̣б̣аанам̣ маад̇игаад̇и д̇хаммасирид̇т̇зро. ‘‘анураад̇хабурасса жад̇уусу д̣̇ваарзсу сун̇гам̣ г̇ан̣ханд̇и, д̇зсу д̣̇агкин̣ад̣̇ваарасса бурад̇о маг̇г̇о т̇уубаараамад̇о аананд̣̇ажзд̇ияам̣ бад̣̇агкин̣ам̣ гад̇ваа ж̇зд̇аванавихаарассанд̇арабаагаарассаасаннз нивидто, яо на г̇аамам̣ бависанд̇о убажаарам̣ огганд̇о ход̇и. т̇уубаараамад̇о жа махаажзд̇ияам̣ бад̣̇агкин̣ам̣ гад̇ваа рааж̇авихаарам̣ г̇ажчанд̇о на оггамад̇ий’’д̇и гира махааадтагат̇ааяам̣ ааг̇ад̇ам̣. зд̇т̇а жаад̇и сун̇гагхаад̇з ‘‘д̣̇вийхи лзд̣д̣убаад̇зхийд̇и аажарияабарамбараабхад̇аа’’д̇и ликид̇ам̣. д̣̇вийхи лзд̣д̣убаад̇зхийд̇и сун̇гагхаад̇асса барижчзд̣̇з адтабид̇з яуж̇ж̇ад̇и, табид̇з бана ад̇ирзгаяож̇анамби сун̇гагхаад̇ам̣ ход̇ийд̇и д̇ад̇о барам̣ д̣̇вз лзд̣д̣убаад̇аа убажаарод̇и г̇ахзд̇аб̣б̣о. со банзд̇т̇ааби д̣̇увид̇хо б̣аахираб̣бханд̇арабхзд̣̇ад̇о. д̇ад̇т̇а д̣̇уд̇ияалзд̣д̣убаад̇асан̇каад̇ам̣ б̣аахиробажаарам̣ санд̇хааяа баал̣ияам̣, махааадтагат̇ааяан̃жа д̣̇уггадам̣ вуд̇д̇ам̣. аб̣бханд̇арам̣ санд̇хааяа гурунд̣̇ияанд̇и но канд̇и. ‘‘ад̇ра бавидтасса сун̇гам̣ г̇ан̣ханд̇ууд̇и хи нияамид̇адтаанам̣ зганд̇ад̇о баарааж̇игакзд̇д̇ам̣ ход̇и, д̇ан̃жа баригкид̇д̇ам̣, зго лзд̣д̣убаад̇о д̣̇уггадакзд̇д̇ам̣, абаригкид̇д̇ан̃жз, д̣̇уд̇ияо лзд̣д̣убаад̇од̇и но ад̇хиббааяо’’д̇и аажарияо вад̣̇ад̇и.

Suṅkaṭṭhāne suṅkaṃ datvāva gantuṃ vaṭṭatīti idaṃ dāni vattabbānaṃ mātikāti dhammasiritthero. ‘‘Anurādhapurassa catūsu dvāresu suṅkaṃ gaṇhanti, tesu dakkhiṇadvārassa purato maggo thūpārāmato ānandacetiyaṃ padakkhiṇaṃ katvā jetavanavihārassantarapākārassāsanne niviṭṭho, yo na gāmaṃ pavisanto upacāraṃ okkanto hoti. Thūpārāmato ca mahācetiyaṃ padakkhiṇaṃ katvā rājavihāraṃ gacchanto na okkamatī’’ti kira mahāaṭṭhakathāyaṃ āgataṃ. Ettha cāti suṅkaghāte ‘‘dvīhi leḍḍupātehīti ācariyaparamparābhatā’’ti likhitaṃ. Dvīhi leḍḍupātehīti suṅkaghātassa paricchede aṭṭhapite yujjati, ṭhapite pana atirekayojanampi suṅkaghātaṃ hotīti tato paraṃ dve leḍḍupātā upacāroti gahetabbo. So panetthāpi duvidho bāhirabbhantarabhedato. Tattha dutiyaleḍḍupātasaṅkhātaṃ bāhiropacāraṃ sandhāya pāḷiyaṃ, mahāaṭṭhakathāyañca dukkaṭaṃ vuttaṃ. Abbhantaraṃ sandhāya kurundiyanti no khanti. ‘‘Atra paviṭṭhassa suṅkaṃ gaṇhantūti hi niyamitaṭṭhānaṃ ekantato pārājikakhettaṃ hoti, tañca parikkhittaṃ, eko leḍḍupāto dukkaṭakhettaṃ, aparikkhittañce, dutiyo leḍḍupātoti no adhippāyo’’ti ācariyo vadati.

114. д̇ханам̣ бана г̇ад̇адтаанз вад̣дхад̇ийд̇и зд̇т̇а ‘‘вад̣дхияаа саха авахаарагасса бхан̣д̣ад̣̇зяяа’’нд̇и ликид̇ам̣. ‘‘д̇ам̣ вад̣дхим̣ д̣̇ассаамий’’д̇и аг̇г̇ахзси, д̇ад̇т̇а гаммам̣ агаронд̇асса вад̣дхад̇ийд̇и гад̇ваа вуд̇д̇ам̣. гзвалам̣ аатабид̇акзд̇д̇асса на вад̣дхад̇и. ‘‘яам̣ д̇ханам̣ вад̣дхи, д̇ам̣ д̣̇знд̇асса авахаарагасса вад̣дхияаа ад̣̇аанз баарааж̇игам̣ ход̇ий’’д̇и вад̣̇анд̇и.

114.Dhanaṃ pana gataṭṭhāne vaḍḍhatīti ettha ‘‘vaḍḍhiyā saha avahārakassa bhaṇḍadeyya’’nti likhitaṃ. ‘‘Taṃ vaḍḍhiṃ dassāmī’’ti aggahesi, tattha kammaṃ akarontassa vaḍḍhatīti katvā vuttaṃ. Kevalaṃ āṭhapitakhettassa na vaḍḍhati. ‘‘Yaṃ dhanaṃ vaḍḍhi, taṃ dentassa avahārakassa vaḍḍhiyā adāne pārājikaṃ hotī’’ti vadanti.

наамзнаад̇и саббанаамзна ваа саамигзна гад̇зна ваа.

Nāmenāti sappanāmena vā sāmikena katena vā.

116. рааж̇агхарасса анд̇овад̇т̇умхи, баригкид̇д̇арааж̇ан̇г̇ан̣ам̣ ваа анд̇овад̇т̇у. абаригкид̇д̇з рааж̇ан̇г̇ан̣з тид̇асса сагаланаг̇арам̣ таанам̣. г̇он̣асса ‘‘абаригкид̇д̇з тид̇асса агганд̇адтаанамзва таана’’нд̇и вуд̇д̇ад̇д̇аа кан̣д̣ад̣̇вааранд̇и ад̇д̇анаа кан̣д̣ид̇ажчид̣̇д̣̇ам̣. д̇ад̇т̇зва гхаад̇зд̇ийд̇и ‘‘ж̇ийвид̇инд̣̇рияаарамман̣ад̇д̇аа вад̇хагажид̇д̇асса баажид̇д̇ияам̣ ход̇ийд̇и? на ход̇и. гасмаа? ад̣̇иннаад̣̇аанабаяог̇ад̇д̇аа. д̇амби т̇зяяажид̇д̇ам̣ сан̇каараарамман̣ам̣ва ход̇и. ид̇ха д̇ад̣̇убхаяам̣ лабхад̇и сад̣̇д̇хим̣ буб̣б̣абхааг̇аабарабхааг̇зхий’’д̇и вуд̇д̇ам̣.

116. Rājagharassa antovatthumhi, parikkhittarājaṅgaṇaṃ vā antovatthu. Aparikkhitte rājaṅgaṇe ṭhitassa sakalanagaraṃ ṭhānaṃ. Goṇassa ‘‘aparikkhitte ṭhitassa akkantaṭṭhānameva ṭhāna’’nti vuttattā khaṇḍadvāranti attanā khaṇḍitacchiddaṃ. Tattheva ghātetīti ‘‘jīvitindriyārammaṇattā vadhakacittassa pācittiyaṃ hotīti? Na hoti. Kasmā? Adinnādānapayogattā. Tampi theyyacittaṃ saṅkhārārammaṇaṃva hoti. Idha tadubhayaṃ labhati saddhiṃ pubbabhāgāparabhāgehī’’ti vuttaṃ.

118. д̇ассуд̣̇д̇хаарз саб̣б̣зсам̣ баарааж̇иганд̇и яад̣̇и яо аан̣ад̇д̇о авассам̣ д̇ам̣ бхан̣д̣ам̣ харад̇и, аан̣ад̇д̇игкан̣з зва баарааж̇игам̣. ‘‘ид̇ха д̇ин̣н̣ам̣ гасмаа баарааж̇игам̣, нану ‘д̇умхз, бханд̇з, д̇аяо харат̇аа’д̇и вуд̇д̇ад̇д̇аа т̇уллажжаяам̣, ид̇арзсан̃жа бадибаадияаа згзгассаан̣ад̇д̇ад̇д̇аа згзгзна жа д̣̇уггадзна бхавид̇аб̣б̣ам̣. гат̇ам̣, зго гира маасаг̇гханагам̣ бариссааванам̣ т̇знзд̇ваа д̣̇зсзд̇ваа нируссаахо зва ваа худ̇ваа буна маасаг̇гханагам̣ суужим̣ д̇ат̇зва гад̇ваа буна маасаг̇гханаганд̇и звам̣ сияаад̇и? на звам̣, д̇ам̣ яат̇аа уббалат̇знаго язна вад̇т̇у буурад̇и д̇аава сауссаахад̇д̇аа баарааж̇иго ааси, звамимз сауссаахаава на д̣̇зсаяим̣су ваа’’д̇и ликид̇ам̣, баал̣ияам̣, адтагат̇ааяан̃жа сам̣вид̣̇ахид̇ваа г̇ад̇зсу згассуд̣̇д̇хаарз саб̣б̣зсам̣ баарааж̇игам̣ винаа вияа аан̣ад̇д̇ияаа гин̃жааби вуд̇д̇ам̣, ат̇а ко ‘‘д̇ассааяам̣ ад̇т̇о’’д̇и вад̇ваа бажчаа вуд̇д̇авинижчаязсу жа згабхан̣д̣азгадтаанаад̣̇ийсу жа самб̣ахулаа згам̣ аан̣аабзнд̇ийд̇и аан̣ад̇д̇имзва нияамзд̇ваа вуд̇д̇ам̣, д̇асмаа аан̣ад̇д̇и ижчид̇аб̣б̣аа вияа, виймам̣сид̇аб̣б̣ам̣. ‘‘‘згабхан̣д̣ам̣ згадтаана’нд̇и жа баато ‘згагуласса бхан̣д̣а’нд̇и важанад̇о’’д̇и вад̣̇анд̇и.

118.Tassuddhāre sabbesaṃ pārājikanti yadi yo āṇatto avassaṃ taṃ bhaṇḍaṃ harati, āṇattikkhaṇe eva pārājikaṃ. ‘‘Idha tiṇṇaṃ kasmā pārājikaṃ, nanu ‘tumhe, bhante, tayo harathā’ti vuttattā thullaccayaṃ, itaresañca paṭipāṭiyā ekekassāṇattattā ekekena ca dukkaṭena bhavitabbaṃ. Kathaṃ, eko kira māsagghanakaṃ parissāvanaṃ thenetvā desetvā nirussāho eva vā hutvā puna māsagghanakaṃ sūciṃ tatheva katvā puna māsagghanakanti evaṃ siyāti? Na evaṃ, taṃ yathā uppalathenako yena vatthu pūrati tāva saussāhattā pārājiko āsi, evamime saussāhāva na desayiṃsu vā’’ti likhitaṃ, pāḷiyaṃ, aṭṭhakathāyañca saṃvidahitvā gatesu ekassuddhāre sabbesaṃ pārājikaṃ vinā viya āṇattiyā kiñcāpi vuttaṃ, atha kho ‘‘tassāyaṃ attho’’ti vatvā pacchā vuttavinicchayesu ca ekabhaṇḍaekaṭṭhānādīsu ca sambahulā ekaṃ āṇāpentīti āṇattimeva niyametvā vuttaṃ, tasmā āṇatti icchitabbā viya, vīmaṃsitabbaṃ. ‘‘‘Ekabhaṇḍaṃ ekaṭṭhāna’nti ca pāṭho ‘ekakulassa bhaṇḍa’nti vacanato’’ti vadanti.

119-120. ожарагз вуд̇д̇анаязнзваад̇и авассам̣хаарияз бхан̣д̣з. д̇ам̣ сан̇гзд̇анд̇и д̇асса сан̇гзд̇асса. ат̇а ваа д̇ам̣ сан̇гзд̇ам̣ ад̇иггамид̇ваа бажчаа ваа. абад̇ваа бурз ваа. зса наяо д̇ам̣ нимид̇д̇анд̇и зд̇т̇ааби. агкиникан̣анаад̣̇игаммам̣ лахугам̣ ид̇д̇арагаалам̣, д̇ан̇кан̣з зва бхан̣д̣ам̣ авахарид̇ум̣ на саггаа, гин̃жи бхан̣д̣ам̣ д̣̇уурам̣ ход̇и, гин̃жи бхаарияам̣, д̇ам̣ г̇ахзд̇ум̣ яаава г̇ажчад̇и яаава угкибад̇и, д̇аава нимид̇д̇асса бажчаа ход̇и. сажз д̇ам̣ бхан̣д̣ам̣ ад̇хиг̇ад̇ам̣ вияа аасаннам̣, лахуган̃жа, саггаа нимид̇д̇агкан̣з авахарид̇ум̣, д̇амзва санд̇хааяа вуд̇д̇ам̣ гинд̇и? на, буб̣б̣з вуд̇д̇амби ‘‘д̇ад̇о бадтааяа д̇знзва нимид̇д̇зна авахарад̇ий’’д̇и вужжад̇и аарад̣̇д̇хад̇д̇аа. яад̣̇и звам̣ ‘‘бурзбхад̇д̇абаяог̇о зсо’’д̇и вааро бамаан̣ам̣ ход̇и, на жа д̇ам̣ бамаан̣ам̣ махаабад̣̇умад̇т̇зраваад̣̇асса бажчаа вуд̇д̇ад̇д̇аа, на сан̇гзд̇агаммам̣ вияа нимид̇д̇агаммам̣ д̣̇адтаб̣б̣ам̣. д̇ад̇т̇а хи гаалабарижчзд̣̇о ад̇т̇и, ид̇ха над̇т̇и, ид̣̇амзва д̇зсам̣ наанад̇д̇ам̣.

119-120.Ocarakevuttanayenevāti avassaṃhāriye bhaṇḍe. Taṃ saṅketanti tassa saṅketassa. Atha vā taṃ saṅketaṃ atikkamitvā pacchā vā. Apatvā pure vā. Esa nayo taṃ nimittanti etthāpi. Akkhinikhaṇanādikammaṃ lahukaṃ ittarakālaṃ, taṅkhaṇe eva bhaṇḍaṃ avaharituṃ na sakkā, kiñci bhaṇḍaṃ dūraṃ hoti, kiñci bhāriyaṃ, taṃ gahetuṃ yāva gacchati yāva ukkhipati, tāva nimittassa pacchā hoti. Sace taṃ bhaṇḍaṃ adhigataṃ viya āsannaṃ, lahukañca, sakkā nimittakkhaṇe avaharituṃ, tameva sandhāya vuttaṃ kinti? Na, pubbe vuttampi ‘‘tato paṭṭhāya teneva nimittena avaharatī’’ti vuccati āraddhattā. Yadi evaṃ ‘‘purebhattapayogo eso’’ti vāro pamāṇaṃ hoti, na ca taṃ pamāṇaṃ mahāpadumattheravādassa pacchā vuttattā, na saṅketakammaṃ viya nimittakammaṃ daṭṭhabbaṃ. Tattha hi kālaparicchedo atthi, idha natthi, idameva tesaṃ nānattaṃ.

121. д̇ан̃жа асаммохад̇т̇анд̇и зго ‘‘бурзбхад̇д̇аад̣̇ийсу ваа, агкиникан̣анаад̣̇ийни ваа д̣̇исваа г̇ан̣хаа’’д̇и, зго г̇ахзд̇аб̣б̣ам̣ бхан̣д̣аниссид̇ам̣ гад̇ваа ‘‘бурзбхад̇д̇ам̣ звам̣ ван̣н̣асан̣таанам̣ бхан̣д̣ам̣ г̇ан̣хаа’’д̇и вад̣̇ад̇и, звам̣вид̇хзсу асаммохад̇т̇ам̣ звам̣вид̇хам̣ сан̇гзд̇ам̣ нимид̇д̇ан̃жа д̣̇ассзд̇унд̇и жа, яат̇аад̇хиббааяанд̇и д̣̇уд̇ияо д̇ад̇ияасса д̇ад̇ияо жад̇уд̇т̇ассаад̇и звам̣ бадибаадияаа жз вад̣̇анд̇ийд̇и ад̇т̇о. сажз д̣̇уд̇ияо жад̇уд̇т̇асса вад̣̇зд̇и, на яат̇аад̇хиббааяод̇и жа. ‘‘бадиг̇г̇ахид̇амад̇д̇зд̇и авассам̣ жз бадиг̇г̇ан̣хаад̇и, буб̣б̣зва т̇уллажжаяа’’нд̇и жа ликид̇ам̣. бадиг̇г̇ан̣хагаанам̣ д̣̇уггадам̣ саб̣б̣ад̇т̇огаасаабхаавад̇о на вуд̇д̇ам̣. баарааж̇игаабаж̇ж̇анзнзд̇ам̣ д̣̇уггадам̣ аабаж̇ж̇ид̇ваа аабаж̇ж̇анд̇и гира. ад̇т̇асаад̇хагаан̣ад̇д̇ижзд̇анаакан̣з зва баарааж̇иго ход̇ийд̇и ад̇хиббааяо. д̇ад̇т̇а маг̇г̇адтаанияам̣ гад̇арам̣, гад̇арам̣ паладтаанияанд̇и ‘‘ад̇т̇асаад̇хагажзд̇анаа наама маг̇г̇аананд̇арапаласад̣̇исаа’’д̇и вуд̇д̇ад̇д̇аа паладтаанияаа жзд̇анаад̇и сид̣̇д̇хам̣. аан̣ад̇д̇и жз маг̇г̇адтаанияаа сияаа, жзд̇анаасахаж̇ад̇д̇аа на самбхавад̇и, д̇ат̇аа бхан̣д̣асса авассам̣хаарид̇аа жа на самбхавад̇и. аан̣ад̇д̇игкан̣з зва хи д̇ам̣ авассам̣хаарид̇ам̣ ж̇аад̇анд̇и авахаарагасса бадиг̇г̇ан̣хан̃жз, д̇амби на самбхавад̇и анааг̇ад̇ад̇д̇аа. жзд̇анаа жз маг̇г̇адтаанияаа ход̇и, аан̣ад̇д̇иаад̣̇ийсу ан̃н̃ад̇арам̣, бхан̣д̣асса авассам̣хаарид̇аа зва ваа паладтаанияаа жз, ад̇т̇о на самбхавад̇и. баарааж̇игаабад̇д̇и зва хи паладтаанияаа бхавид̇умарахад̇и, на ан̃н̃анд̇и звам̣ д̇аава ид̇ха обаммасам̣санд̣̇анам̣ самбхавад̇и жзд̇анаа маг̇г̇адтаанияаа, д̇ассаа баарааж̇игаабад̇д̇ибхааво паладтаанияо. яат̇аа гим̣? яат̇аа бадисамбхид̣̇аамаг̇г̇з ‘‘сад̣̇д̇хааяа н̃аан̣ам̣ д̇хаммабадисамбхид̣̇аа. сад̣̇д̇хааяа сад̣̇д̣̇ад̇т̇з н̃аан̣ам̣ ад̇т̇абадисамбхид̣̇аа’’д̇и зд̇т̇а ан̃н̃о сад̣̇д̇хо, ан̃н̃о сад̣̇д̇хааяа сад̣̇д̣̇ад̇т̇од̇и сид̣̇д̇хам̣, яат̇аа жа ‘‘зго амохасан̇каад̇о д̇хаммо самбаяуд̇д̇агаанам̣ д̇хаммаанам̣ хзд̇убажжаязна бажжаяо ад̇хибад̇исахаж̇аад̇аан̃н̃аман̃н̃аниссаяаинд̣̇рияамаг̇г̇асамбаяуд̇д̇аад̇т̇иавиг̇ад̇абажжаязна бажжаяо’’д̇и зд̇т̇а амохо д̇хаммо ан̃н̃о, ан̃н̃з д̇асса хзд̇убажжаяад̇аад̣̇аяод̇и сид̣̇д̇хам̣. яат̇аа жа винаяабидагз яаани ча аабад̇д̇исамудтаанаани, звам̣ яат̇аасамбхавам̣ ‘‘сад̇д̇а аабад̇д̇игканд̇хаа’’д̇и вужжанд̇и, д̇зсам̣ ан̃н̃аа аабад̇д̇исамудтаанад̇аа, ан̃н̃о аабад̇д̇игканд̇хабхаавод̇и сид̣̇д̇хам̣. иминаа аабад̇д̇игканд̇ханаязна аабад̇д̇аад̇хигаран̣асса гад̇и таанаанийд̇и? сад̇д̇а аабад̇д̇игканд̇хаа таанаанийд̇и. гад̇и вад̇т̇уунийд̇и? сад̇д̇а аабад̇д̇игканд̇хаа вад̇т̇уунийд̇и. гад̇и бхуумияод̇и? сад̇д̇а аабад̇д̇игканд̇хаа бхуумияод̇и звамаад̣̇аяоби д̣̇ассзд̇аб̣б̣аа. д̇ат̇аа хи д̇ассаа звам̣ маг̇г̇адтаанияааяа ад̇т̇асаад̇хигааяа жзд̇анааяа яасмаа ан̃н̃аа баарааж̇игаабад̇д̇ид̇аа анад̇т̇анд̇арабхууд̇аа аагаарависзсасан̇каад̇аа паладтаанияаа ад̇т̇и, д̇асмаа ‘‘ад̇т̇асаад̇хагажзд̇анаа наама маг̇г̇аананд̇арапаласад̣̇исаа’’д̇и вуд̇д̇аад̇и взд̣̇ид̇аб̣б̣ам̣. ат̇а ваа гзвалам̣ д̇хамманияаамад̇д̇ам̣язва убамад̇д̇зна аажариязна звам̣ вуд̇д̇анд̇иби самбхавад̇ийд̇и на д̇ад̇т̇а обаммасам̣санд̣̇анам̣ бариязсид̇аб̣б̣ам̣, ‘‘ид̣̇ам̣ саб̣б̣ам̣ гзвалам̣ д̇аггавасзна вуд̇д̇ад̇д̇аа вижаарзд̇ваа г̇ахзд̇аб̣б̣а’’нд̇и аажарияо.

121.Tañca asammohatthanti eko ‘‘purebhattādīsu vā, akkhinikhaṇanādīni vā disvā gaṇhā’’ti, eko gahetabbaṃ bhaṇḍanissitaṃ katvā ‘‘purebhattaṃ evaṃ vaṇṇasaṇṭhānaṃ bhaṇḍaṃ gaṇhā’’ti vadati, evaṃvidhesu asammohatthaṃ evaṃvidhaṃ saṅketaṃ nimittañca dassetunti ca, yathādhippāyanti dutiyo tatiyassa tatiyo catutthassāti evaṃ paṭipāṭiyā ce vadantīti attho. Sace dutiyo catutthassa vadeti, na yathādhippāyoti ca. ‘‘Paṭiggahitamatteti avassaṃ ce paṭiggaṇhāti, pubbeva thullaccaya’’nti ca likhitaṃ. Paṭiggaṇhakānaṃ dukkaṭaṃ sabbatthokāsābhāvato na vuttaṃ. Pārājikāpajjanenetaṃ dukkaṭaṃ āpajjitvā āpajjanti kira. Atthasādhakāṇatticetanākhaṇe eva pārājiko hotīti adhippāyo. Tattha maggaṭṭhāniyaṃ kataraṃ, kataraṃ phalaṭṭhāniyanti ‘‘atthasādhakacetanā nāma maggānantaraphalasadisā’’ti vuttattā phalaṭṭhāniyā cetanāti siddhaṃ. Āṇatti ce maggaṭṭhāniyā siyā, cetanāsahajattā na sambhavati, tathā bhaṇḍassa avassaṃhāritā ca na sambhavati. Āṇattikkhaṇe eva hi taṃ avassaṃhāritaṃ jātanti avahārakassa paṭiggaṇhañce, tampi na sambhavati anāgatattā. Cetanā ce maggaṭṭhāniyā hoti, āṇattiādīsu aññataraṃ, bhaṇḍassa avassaṃhāritā eva vā phalaṭṭhāniyā ce, attho na sambhavati. Pārājikāpatti eva hi phalaṭṭhāniyā bhavitumarahati, na aññanti evaṃ tāva idha opammasaṃsandanaṃ sambhavati cetanā maggaṭṭhāniyā, tassā pārājikāpattibhāvo phalaṭṭhāniyo. Yathā kiṃ? Yathā paṭisambhidāmagge ‘‘saddhāya ñāṇaṃ dhammapaṭisambhidā. Saddhāya saddatthe ñāṇaṃ atthapaṭisambhidā’’ti ettha añño saddho, añño saddhāya saddatthoti siddhaṃ, yathā ca ‘‘eko amohasaṅkhāto dhammo sampayuttakānaṃ dhammānaṃ hetupaccayena paccayo adhipatisahajātaaññamaññanissayaindriyamaggasampayuttaatthiavigatapaccayena paccayo’’ti ettha amoho dhammo añño, aññe tassa hetupaccayatādayoti siddhaṃ. Yathā ca vinayapiṭake yāni cha āpattisamuṭṭhānāni, evaṃ yathāsambhavaṃ ‘‘satta āpattikkhandhā’’ti vuccanti, tesaṃ aññā āpattisamuṭṭhānatā, añño āpattikkhandhabhāvoti siddhaṃ. Iminā āpattikkhandhanayena āpattādhikaraṇassa kati ṭhānānīti? Satta āpattikkhandhā ṭhānānīti. Kati vatthūnīti? Satta āpattikkhandhā vatthūnīti. Kati bhūmiyoti? Satta āpattikkhandhā bhūmiyoti evamādayopi dassetabbā. Tathā hi tassā evaṃ maggaṭṭhāniyāya atthasādhikāya cetanāya yasmā aññā pārājikāpattitā anatthantarabhūtā ākāravisesasaṅkhātā phalaṭṭhāniyā atthi, tasmā ‘‘atthasādhakacetanā nāma maggānantaraphalasadisā’’ti vuttāti veditabbaṃ. Atha vā kevalaṃ dhammaniyāmattaṃyeva upamattena ācariyena evaṃ vuttantipi sambhavatīti na tattha opammasaṃsandanaṃ pariyesitabbaṃ, ‘‘idaṃ sabbaṃ kevalaṃ takkavasena vuttattā vicāretvā gahetabba’’nti ācariyo.

бхуумадтагат̇аад̣̇иван̣н̣анаа нидтид̇аа.

Bhūmaṭṭhakathādivaṇṇanā niṭṭhitā.

Next: аабад̇д̇ибхзд̣̇аван̣н̣анаа • Āpattibhedavaṇṇanā

Related texts:

д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact