| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. бхуумижааласуд̇д̇ам̣
10. Bhūmicālasuttaṃ
70. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа взсаалим̣ бин̣д̣ааяа баависи. взсаалияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о ааяасманд̇ам̣ аананд̣̇ам̣ ааманд̇зси – ‘‘г̇ан̣хаахи, аананд̣̇а, нисийд̣̇анам̣. язна жаабаалам̣ жзд̇ияам̣ 1 д̇знубасан̇гамиссаама д̣̇иваавихаарааяаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бадиссуд̇ваа нисийд̣̇анам̣ аад̣̇ааяа бхаг̇аванд̇ам̣ бидтид̇о бидтид̇о ануб̣анд̇хи.
70. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho bhagavā pubbaṇhasamayaṃ nivāsetvā pattacīvaramādāya vesāliṃ piṇḍāya pāvisi. Vesāliyaṃ piṇḍāya caritvā pacchābhattaṃ piṇḍapātapaṭikkanto āyasmantaṃ ānandaṃ āmantesi – ‘‘gaṇhāhi, ānanda, nisīdanaṃ. Yena cāpālaṃ cetiyaṃ 2 tenupasaṅkamissāma divāvihārāyā’’ti. ‘‘Evaṃ, bhante’’ti kho āyasmā ānando bhagavato paṭissutvā nisīdanaṃ ādāya bhagavantaṃ piṭṭhito piṭṭhito anubandhi.
ат̇а ко бхаг̇аваа язна жаабаалам̣ жзд̇ияам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘раман̣ийяаа , аананд̣̇а, взсаалий, раман̣ийяам̣ уд̣̇знам̣ жзд̇ияам̣, раман̣ийяам̣ г̇од̇амагам̣ жзд̇ияам̣, раман̣ийяам̣ сад̇д̇амб̣ам̣ жзд̇ияам̣, раман̣ийяам̣ б̣ахубуд̇д̇агам̣ жзд̇ияам̣; раман̣ийяам̣ сааранд̣̇ад̣̇ам̣ жзд̇ияам̣, раман̣ийяам̣ жаабаалам̣ жзд̇ияам̣. яасса гассажи , аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, ааган̇камаано со, аананд̣̇а, габбам̣ ваа д̇идтзяяа габбаавасзсам̣ ваа. д̇ат̇ааг̇ад̇асса ко, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа. ааган̇камаано, аананд̣̇а, д̇ат̇ааг̇ад̇о габбам̣ ваа д̇идтзяяа габбаавасзсам̣ ваа’’д̇и. звамби ко ааяасмаа аананд̣̇о бхаг̇авад̇аа ол̣ааригз нимид̇д̇з гаяирамаанз ол̣ааригз обхаасз гаяирамаанз наасагки бадивиж̇жхид̇ум̣; на бхаг̇аванд̇ам̣ яаажи – ‘‘д̇идтад̇у, бханд̇з, бхаг̇аваа габбам̣, д̇идтад̇у суг̇ад̇о габбам̣ б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’’нд̇и, яат̇аа д̇ам̣ маарзна барияудтид̇ажид̇д̇о.
Atha kho bhagavā yena cāpālaṃ cetiyaṃ tenupasaṅkami; upasaṅkamitvā paññatte āsane nisīdi. Nisajja kho bhagavā āyasmantaṃ ānandaṃ āmantesi – ‘‘ramaṇīyā , ānanda, vesālī, ramaṇīyaṃ udenaṃ cetiyaṃ, ramaṇīyaṃ gotamakaṃ cetiyaṃ, ramaṇīyaṃ sattambaṃ cetiyaṃ, ramaṇīyaṃ bahuputtakaṃ cetiyaṃ; ramaṇīyaṃ sārandadaṃ cetiyaṃ, ramaṇīyaṃ cāpālaṃ cetiyaṃ. Yassa kassaci , ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, ākaṅkhamāno so, ānanda, kappaṃ vā tiṭṭheyya kappāvasesaṃ vā. Tathāgatassa kho, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā. Ākaṅkhamāno, ānanda, tathāgato kappaṃ vā tiṭṭheyya kappāvasesaṃ vā’’ti. Evampi kho āyasmā ānando bhagavatā oḷārike nimitte kayiramāne oḷārike obhāse kayiramāne nāsakkhi paṭivijjhituṃ; na bhagavantaṃ yāci – ‘‘tiṭṭhatu, bhante, bhagavā kappaṃ, tiṭṭhatu sugato kappaṃ bahujanahitāya bahujanasukhāya lokānukampāya atthāya hitāya sukhāya devamanussāna’’nti, yathā taṃ mārena pariyuṭṭhitacitto.
д̣̇уд̇ияамби ко бхаг̇аваа…бз… д̇ад̇ияамби ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘раман̣ийяаа, аананд̣̇а, взсаалий, раман̣ийяам̣ уд̣̇знам̣ жзд̇ияам̣, раман̣ийяам̣ г̇од̇амагам̣ жзд̇ияам̣, раман̣ийяам̣ сад̇д̇амб̣ам̣ жзд̇ияам̣, раман̣ийяам̣ б̣ахубуд̇д̇агам̣ жзд̇ияам̣, раман̣ийяам̣ сааранд̣̇ад̣̇ам̣ жзд̇ияам̣, раман̣ийяам̣ жаабаалам̣ жзд̇ияам̣. яасса гассажи, аананд̣̇а, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа, ааган̇камаано со, аананд̣̇а, габбам̣ ваа д̇идтзяяа габбаавасзсам̣ ваа. д̇ат̇ааг̇ад̇асса ко, аананд̣̇а, жад̇д̇ааро ид̣̇д̇хибаад̣̇аа бхаавид̇аа…бз… ааган̇камаано, аананд̣̇а, д̇ат̇ааг̇ад̇о габбам̣ ваа д̇идтзяяа габбаавасзсам̣ ваа’’д̇и. звамби ко ааяасмаа аананд̣̇о бхаг̇авад̇аа ол̣ааригз нимид̇д̇з гаяирамаанз ол̣ааригз обхаасз гаяирамаанз наасагки бадивиж̇жхид̇ум̣; на бхаг̇аванд̇ам̣ яаажи – ‘‘д̇идтад̇у, бханд̇з, бхаг̇аваа габбам̣, д̇идтад̇у суг̇ад̇о габбам̣ б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’’нд̇и, яат̇аа д̇ам̣ маарзна барияудтид̇ажид̇д̇о.
Dutiyampi kho bhagavā…pe… tatiyampi kho bhagavā āyasmantaṃ ānandaṃ āmantesi – ‘‘ramaṇīyā, ānanda, vesālī, ramaṇīyaṃ udenaṃ cetiyaṃ, ramaṇīyaṃ gotamakaṃ cetiyaṃ, ramaṇīyaṃ sattambaṃ cetiyaṃ, ramaṇīyaṃ bahuputtakaṃ cetiyaṃ, ramaṇīyaṃ sārandadaṃ cetiyaṃ, ramaṇīyaṃ cāpālaṃ cetiyaṃ. Yassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, ākaṅkhamāno so, ānanda, kappaṃ vā tiṭṭheyya kappāvasesaṃ vā. Tathāgatassa kho, ānanda, cattāro iddhipādā bhāvitā…pe… ākaṅkhamāno, ānanda, tathāgato kappaṃ vā tiṭṭheyya kappāvasesaṃ vā’’ti. Evampi kho āyasmā ānando bhagavatā oḷārike nimitte kayiramāne oḷārike obhāse kayiramāne nāsakkhi paṭivijjhituṃ; na bhagavantaṃ yāci – ‘‘tiṭṭhatu, bhante, bhagavā kappaṃ, tiṭṭhatu sugato kappaṃ bahujanahitāya bahujanasukhāya lokānukampāya atthāya hitāya sukhāya devamanussāna’’nti, yathā taṃ mārena pariyuṭṭhitacitto.
ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘г̇ажча д̇вам̣ 3, аананд̣̇а, яасса д̣̇аани гаалам̣ ман̃н̃асий’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бадиссуд̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа бхаг̇авад̇о авид̣̇уурз ан̃н̃ад̇арасмим̣ ругкамуулз нисийд̣̇и. ат̇а ко мааро баабимаа ажирабагганд̇з ааяасманд̇з аананд̣̇з бхаг̇аванд̇ам̣ зд̇ад̣̇авожа –
Atha kho bhagavā āyasmantaṃ ānandaṃ āmantesi – ‘‘gaccha tvaṃ 4, ānanda, yassa dāni kālaṃ maññasī’’ti. ‘‘Evaṃ, bhante’’ti kho āyasmā ānando bhagavato paṭissutvā uṭṭhāyāsanā bhagavantaṃ abhivādetvā padakkhiṇaṃ katvā bhagavato avidūre aññatarasmiṃ rukkhamūle nisīdi. Atha kho māro pāpimā acirapakkante āyasmante ānande bhagavantaṃ etadavoca –
‘‘бариниб̣б̣аад̇у д̣̇аани, бханд̇з, бхаг̇аваа, бариниб̣б̣аад̇у суг̇ад̇о. бариниб̣б̣аанагаало д̣̇аани, бханд̇з , бхаг̇авад̇о. бхаасид̇аа ко банзсаа, бханд̇з, бхаг̇авад̇аа ваажаа – ‘на д̇ааваахам̣, баабима, бариниб̣б̣ааяиссаами яаава мз бхигкуу на саавагаа бхависсанд̇и вияад̇д̇аа винийд̇аа висаарад̣̇аа бад̇д̇аяог̇агкзмаа 5 б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажаарино, сагам̣ аажарияагам̣ уг̇г̇ахзд̇ваа аажигкиссанд̇и д̣̇зсзссанд̇и бан̃н̃абзссанд̇и бадтабзссанд̇и вивариссанд̇и вибхаж̇иссанд̇и уд̇д̇аанийгариссанд̇и уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзссанд̇ий’д̇и. зд̇арахи, бханд̇з, бхигкуу бхаг̇авад̇о саавагаа вияад̇д̇аа винийд̇аа висаарад̣̇аа бад̇д̇аяог̇агкзмаа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажаарино, сагам̣ аажарияагам̣ уг̇г̇ахзд̇ваа аажигканд̇и д̣̇зсзнд̇и бан̃н̃абзнд̇и бадтабзнд̇и виваранд̇и вибхаж̇анд̇и уд̇д̇аанийгаронд̇и уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзнд̇и.
‘‘Parinibbātu dāni, bhante, bhagavā, parinibbātu sugato. Parinibbānakālo dāni, bhante , bhagavato. Bhāsitā kho panesā, bhante, bhagavatā vācā – ‘na tāvāhaṃ, pāpima, parinibbāyissāmi yāva me bhikkhū na sāvakā bhavissanti viyattā vinītā visāradā pattayogakkhemā 6 bahussutā dhammadharā dhammānudhammappaṭipannā sāmīcippaṭipannā anudhammacārino, sakaṃ ācariyakaṃ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desessantī’ti. Etarahi, bhante, bhikkhū bhagavato sāvakā viyattā vinītā visāradā pattayogakkhemā bahussutā dhammadharā dhammānudhammappaṭipannā sāmīcippaṭipannā anudhammacārino, sakaṃ ācariyakaṃ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desenti.
‘‘бариниб̣б̣аад̇у д̣̇аани, бханд̇з, бхаг̇аваа, бариниб̣б̣аад̇у суг̇ад̇о. бариниб̣б̣аанагаало д̣̇аани, бханд̇з, бхаг̇авад̇о. бхаасид̇аа ко банзсаа, бханд̇з, бхаг̇авад̇аа ваажаа – ‘на д̇ааваахам̣, баабима, бариниб̣б̣ааяиссаами яаава мз бхигкунияо на саавигаа бхависсанд̇и…бз… яаава мз убаасагаа на саавагаа бхависсанд̇и…бз… яаава мз убаасигаа на саавигаа бхависсанд̇и вияад̇д̇аа винийд̇аа висаарад̣̇аа бад̇д̇аяог̇агкзмаа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажааринияо, сагам̣ аажарияагам̣ уг̇г̇ахзд̇ваа аажигкиссанд̇и д̣̇зсзссанд̇и бан̃н̃абзссанд̇и бадтабзссанд̇и вивариссанд̇и вибхаж̇иссанд̇и уд̇д̇аанийгариссанд̇и, уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзссанд̇ий’д̇и. зд̇арахи, бханд̇з, убаасигаа бхаг̇авад̇о саавигаа вияад̇д̇аа винийд̇аа висаарад̣̇аа бад̇д̇аяог̇агкзмаа б̣ахуссуд̇аа д̇хаммад̇хараа д̇хаммаануд̇хаммаббадибаннаа саамийжиббадибаннаа ануд̇хаммажааринияо, сагам̣ аажарияагам̣ уг̇г̇ахзд̇ваа аажигканд̇и д̣̇зсзнд̇и бан̃н̃абзнд̇и бадтабзнд̇и виваранд̇и вибхаж̇анд̇и уд̇д̇аанийгаронд̇и, уббаннам̣ бараббаваад̣̇ам̣ сахад̇хаммзна суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзнд̇и.
‘‘Parinibbātu dāni, bhante, bhagavā, parinibbātu sugato. Parinibbānakālo dāni, bhante, bhagavato. Bhāsitā kho panesā, bhante, bhagavatā vācā – ‘na tāvāhaṃ, pāpima, parinibbāyissāmi yāva me bhikkhuniyo na sāvikā bhavissanti…pe… yāva me upāsakā na sāvakā bhavissanti…pe… yāva me upāsikā na sāvikā bhavissanti viyattā vinītā visāradā pattayogakkhemā bahussutā dhammadharā dhammānudhammappaṭipannā sāmīcippaṭipannā anudhammacāriniyo, sakaṃ ācariyakaṃ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti, uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desessantī’ti. Etarahi, bhante, upāsikā bhagavato sāvikā viyattā vinītā visāradā pattayogakkhemā bahussutā dhammadharā dhammānudhammappaṭipannā sāmīcippaṭipannā anudhammacāriniyo, sakaṃ ācariyakaṃ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti, uppannaṃ parappavādaṃ sahadhammena suniggahitaṃ niggahetvā sappāṭihāriyaṃ dhammaṃ desenti.
‘‘бариниб̣б̣аад̇у д̣̇аани, бханд̇з, бхаг̇аваа, бариниб̣б̣аад̇у суг̇ад̇о. бариниб̣б̣аанагаало д̣̇аани, бханд̇з, бхаг̇авад̇о. бхаасид̇аа ко банзсаа, бханд̇з, бхаг̇авад̇аа ваажаа – ‘на д̇ааваахам̣, баабима, бариниб̣б̣ааяиссаами яаава мз ид̣̇ам̣ б̣рахмажарияам̣ на ид̣̇д̇хан̃жзва бхависсад̇и пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣, яаава д̣̇звамануссзхи суббагаасид̇а’нд̇и. зд̇арахи, бханд̇з, бхаг̇авад̇о б̣рахмажарияам̣ ид̣̇д̇хан̃жзва пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣, яаава д̣̇звамануссзхи суббагаасид̇ам̣.
‘‘Parinibbātu dāni, bhante, bhagavā, parinibbātu sugato. Parinibbānakālo dāni, bhante, bhagavato. Bhāsitā kho panesā, bhante, bhagavatā vācā – ‘na tāvāhaṃ, pāpima, parinibbāyissāmi yāva me idaṃ brahmacariyaṃ na iddhañceva bhavissati phītañca vitthārikaṃ bāhujaññaṃ puthubhūtaṃ, yāva devamanussehi suppakāsita’nti. Etarahi, bhante, bhagavato brahmacariyaṃ iddhañceva phītañca vitthārikaṃ bāhujaññaṃ puthubhūtaṃ, yāva devamanussehi suppakāsitaṃ.
‘‘бариниб̣б̣аад̇у д̣̇аани, бханд̇з, бхаг̇аваа, бариниб̣б̣аад̇у суг̇ад̇о. бариниб̣б̣аанагаало д̣̇аани, бханд̇з, бхаг̇авад̇о’’д̇и. ‘‘аббоссугго д̇вам̣, баабима, хохи. нажирам̣ д̇ат̇ааг̇ад̇асса бариниб̣б̣аанам̣ бхависсад̇и. ид̇о д̇ин̣н̣ам̣ маасаанам̣ ажжаязна д̇ат̇ааг̇ад̇о бариниб̣б̣ааяиссад̇ий’’д̇и.
‘‘Parinibbātu dāni, bhante, bhagavā, parinibbātu sugato. Parinibbānakālo dāni, bhante, bhagavato’’ti. ‘‘Appossukko tvaṃ, pāpima, hohi. Naciraṃ tathāgatassa parinibbānaṃ bhavissati. Ito tiṇṇaṃ māsānaṃ accayena tathāgato parinibbāyissatī’’ti.
ат̇а ко бхаг̇аваа жаабаалз жзд̇ияз сад̇о самбаж̇аано ааяусан̇каарам̣ оссаж̇и. оссадтз жа бхаг̇авад̇аа ааяусан̇каарз махаабхуумижаало ахоси бхим̣санаго саломахам̣со, д̣̇звад̣̇унд̣̇убхияо жа палим̣су. ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā cāpāle cetiye sato sampajāno āyusaṅkhāraṃ ossaji. Ossaṭṭhe ca bhagavatā āyusaṅkhāre mahābhūmicālo ahosi bhiṃsanako salomahaṃso, devadundubhiyo ca phaliṃsu. Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘д̇уламад̇улан̃жа самбхавам̣, бхавасан̇каарамавассаж̇и муни;
‘‘Tulamatulañca sambhavaṃ, bhavasaṅkhāramavassaji muni;
аж̇жхад̇д̇арад̇о самаахид̇о, абхинд̣̇и гаважамивад̇д̇асамбхава’’нд̇и.
Ajjhattarato samāhito, abhindi kavacamivattasambhava’’nti.
ат̇а ко ааяасмад̇о аананд̣̇асса зд̇ад̣̇ахоси – ‘‘махаа вад̇ааяам̣ бхуумижаало; сумахаа вад̇ааяам̣ бхуумижаало бхим̣санаго саломахам̣со, д̣̇звад̣̇унд̣̇убхияо жа палим̣су. го ну ко хзд̇у, го бажжаяо махад̇о бхуумижааласса баад̇убхаавааяаа’’д̇и?
Atha kho āyasmato ānandassa etadahosi – ‘‘mahā vatāyaṃ bhūmicālo; sumahā vatāyaṃ bhūmicālo bhiṃsanako salomahaṃso, devadundubhiyo ca phaliṃsu. Ko nu kho hetu, ko paccayo mahato bhūmicālassa pātubhāvāyā’’ti?
ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘махаа вад̇ааяам̣, бханд̇з, бхуумижаало ; сумахаа вад̇ааяам̣, бханд̇з, бхуумижаало бхим̣санаго саломахам̣со, д̣̇звад̣̇унд̣̇убхияо жа палим̣су. го ну ко, бханд̇з, хзд̇у, го бажжаяо махад̇о бхуумижааласса баад̇убхаавааяаа’’д̇и?
Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘mahā vatāyaṃ, bhante, bhūmicālo ; sumahā vatāyaṃ, bhante, bhūmicālo bhiṃsanako salomahaṃso, devadundubhiyo ca phaliṃsu. Ko nu kho, bhante, hetu, ko paccayo mahato bhūmicālassa pātubhāvāyā’’ti?
‘‘адтимз, аананд̣̇а, хзд̇уу, адта бажжаяаа махад̇о бхуумижааласса баад̇убхаавааяа. гад̇амз адта? аяам̣, аананд̣̇а, махаабат̇авий уд̣̇агз бад̇идтид̇аа; уд̣̇агам̣ ваад̇з бад̇идтид̇ам̣; ваад̇о аагаасадто ход̇и. со, аананд̣̇а, самаяо яам̣ махааваад̇аа вааяанд̇и; махааваад̇аа вааяанд̇аа уд̣̇агам̣ гамбзнд̇и; уд̣̇агам̣ гамбид̇ам̣ бат̇авим̣ гамбзд̇и. аяам̣, аананд̣̇а, батамо хзд̇у, батамо бажжаяо махад̇о бхуумижааласса баад̇убхаавааяа.
‘‘Aṭṭhime, ānanda, hetū, aṭṭha paccayā mahato bhūmicālassa pātubhāvāya. Katame aṭṭha? Ayaṃ, ānanda, mahāpathavī udake patiṭṭhitā; udakaṃ vāte patiṭṭhitaṃ; vāto ākāsaṭṭho hoti. So, ānanda, samayo yaṃ mahāvātā vāyanti; mahāvātā vāyantā udakaṃ kampenti; udakaṃ kampitaṃ pathaviṃ kampeti. Ayaṃ, ānanda, paṭhamo hetu, paṭhamo paccayo mahato bhūmicālassa pātubhāvāya.
‘‘буна жабарам̣, аананд̣̇а, саман̣о ваа б̣раахман̣о ваа ид̣̇д̇химаа жзд̇овасиббад̇д̇о д̣̇звад̇аа ваа махид̣̇д̇хигаа махаанубхааваа. д̇асса барид̇д̇аа бат̇авийсан̃н̃аа бхаавид̇аа ход̇и, аббамаан̣аа аабосан̃н̃аа. со имам̣ бат̇авим̣ гамбзд̇и сан̇гамбзд̇и самбагамбзд̇и самбавзд̇хзд̇и. аяам̣, аананд̣̇а, д̣̇уд̇ияо хзд̇у, д̣̇уд̇ияо бажжаяо махад̇о бхуумижааласса баад̇убхаавааяа.
‘‘Puna caparaṃ, ānanda, samaṇo vā brāhmaṇo vā iddhimā cetovasippatto devatā vā mahiddhikā mahānubhāvā. Tassa parittā pathavīsaññā bhāvitā hoti, appamāṇā āposaññā. So imaṃ pathaviṃ kampeti saṅkampeti sampakampeti sampavedheti. Ayaṃ, ānanda, dutiyo hetu, dutiyo paccayo mahato bhūmicālassa pātubhāvāya.
‘‘буна жабарам̣, аананд̣̇а, яад̣̇аа б̣од̇хисад̇д̇о д̇усид̇аа гааяаа жавид̇ваа сад̇о самбаж̇аано маад̇угужчим̣ оггамад̇и, д̇ад̣̇ааяам̣ бат̇авий гамбад̇и сан̇гамбад̇и самбагамбад̇и самбавзд̇хад̇и. аяам̣, аананд̣̇а, д̇ад̇ияо хзд̇у; д̇ад̇ияо бажжаяо махад̇о бхуумижааласса баад̇убхаавааяа.
‘‘Puna caparaṃ, ānanda, yadā bodhisatto tusitā kāyā cavitvā sato sampajāno mātukucchiṃ okkamati, tadāyaṃ pathavī kampati saṅkampati sampakampati sampavedhati. Ayaṃ, ānanda, tatiyo hetu; tatiyo paccayo mahato bhūmicālassa pātubhāvāya.
‘‘буна жабарам̣, аананд̣̇а, яад̣̇аа б̣од̇хисад̇д̇о сад̇о самбаж̇аано маад̇угужчисмаа нигкамад̇и, д̇ад̣̇ааяам̣ бат̇авий гамбад̇и сан̇гамбад̇и самбагамбад̇и самбавзд̇хад̇и. аяам̣, аананд̣̇а, жад̇уд̇т̇о хзд̇у, жад̇уд̇т̇о бажжаяо махад̇о бхуумижааласса баад̇убхаавааяа.
‘‘Puna caparaṃ, ānanda, yadā bodhisatto sato sampajāno mātukucchismā nikkhamati, tadāyaṃ pathavī kampati saṅkampati sampakampati sampavedhati. Ayaṃ, ānanda, catuttho hetu, catuttho paccayo mahato bhūmicālassa pātubhāvāya.
‘‘буна жабарам̣, аананд̣̇а, яад̣̇аа д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇и, д̇ад̣̇ааяам̣ бат̇авий гамбад̇и сан̇гамбад̇и самбагамбад̇и самбавзд̇хад̇и. аяам̣, аананд̣̇а, бан̃жамо хзд̇у, бан̃жамо бажжаяо махад̇о бхуумижааласса баад̇убхаавааяа.
‘‘Puna caparaṃ, ānanda, yadā tathāgato anuttaraṃ sammāsambodhiṃ abhisambujjhati, tadāyaṃ pathavī kampati saṅkampati sampakampati sampavedhati. Ayaṃ, ānanda, pañcamo hetu, pañcamo paccayo mahato bhūmicālassa pātubhāvāya.
‘‘буна жабарам̣, аананд̣̇а, яад̣̇аа д̇ат̇ааг̇ад̇о ануд̇д̇арам̣ д̇хаммажаггам̣ бавад̇д̇зд̇и, д̇ад̣̇ааяам̣ бат̇авий гамбад̇и сан̇гамбад̇и самбагамбад̇и самбавзд̇хад̇и. аяам̣, аананд̣̇а, чадто хзд̇у, чадто бажжаяо махад̇о бхуумижааласса баад̇убхаавааяа.
‘‘Puna caparaṃ, ānanda, yadā tathāgato anuttaraṃ dhammacakkaṃ pavatteti, tadāyaṃ pathavī kampati saṅkampati sampakampati sampavedhati. Ayaṃ, ānanda, chaṭṭho hetu, chaṭṭho paccayo mahato bhūmicālassa pātubhāvāya.
‘‘буна жабарам̣, аананд̣̇а, яад̣̇аа д̇ат̇ааг̇ад̇о сад̇о самбаж̇аано ааяусан̇каарам̣ оссаж̇ж̇ад̇и, д̇ад̣̇ааяам̣ бат̇авий гамбад̇и сан̇гамбад̇и самбагамбад̇и самбавзд̇хад̇и. аяам̣, аананд̣̇а, сад̇д̇амо хзд̇у, сад̇д̇амо бажжаяо махад̇о бхуумижааласса баад̇убхаавааяа.
‘‘Puna caparaṃ, ānanda, yadā tathāgato sato sampajāno āyusaṅkhāraṃ ossajjati, tadāyaṃ pathavī kampati saṅkampati sampakampati sampavedhati. Ayaṃ, ānanda, sattamo hetu, sattamo paccayo mahato bhūmicālassa pātubhāvāya.
‘‘буна жабарам̣, аананд̣̇а, яад̣̇аа д̇ат̇ааг̇ад̇о анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и, д̇ад̣̇ааяам̣ бат̇авий гамбад̇и сан̇гамбад̇и самбагамбад̇и самбавзд̇хад̇и. аяам̣, аананд̣̇а, адтамо хзд̇у, адтамо бажжаяо махад̇о бхуумижааласса баад̇убхаавааяа. имз ко, аананд̣̇а, адта хзд̇уу, адта бажжаяаа махад̇о бхуумижааласса баад̇убхаавааяаа’’д̇и. д̣̇асамам̣.
‘‘Puna caparaṃ, ānanda, yadā tathāgato anupādisesāya nibbānadhātuyā parinibbāyati, tadāyaṃ pathavī kampati saṅkampati sampakampati sampavedhati. Ayaṃ, ānanda, aṭṭhamo hetu, aṭṭhamo paccayo mahato bhūmicālassa pātubhāvāya. Ime kho, ānanda, aṭṭha hetū, aṭṭha paccayā mahato bhūmicālassa pātubhāvāyā’’ti. Dasamaṃ.
бхуумижаалаваг̇г̇о д̣̇уд̇ияо.
Bhūmicālavaggo dutiyo.
д̇ассуд̣̇д̣̇аанам̣ –
Tassuddānaṃ –
ижчаа алан̃жа сам̣кид̇д̇ам̣, г̇аяаа абхибхунаа саха;
Icchā alañca saṃkhittaṃ, gayā abhibhunā saha;
вимогко д̣̇вз жа вохаараа, барисаа бхуумижаалзнаад̇и.
Vimokkho dve ca vohārā, parisā bhūmicālenāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. бхуумижааласуд̇д̇аван̣н̣анаа • 10. Bhūmicālasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. бхуумижааласуд̇д̇аван̣н̣анаа • 10. Bhūmicālasuttavaṇṇanā
