| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. бхуумижааласуд̇д̇аван̣н̣анаа
10. Bhūmicālasuttavaṇṇanā
70. д̣̇асамз нисийд̣̇ананд̇и ид̇ха жаммакан̣д̣ам̣ ад̇хиббзд̇ам̣. уд̣̇знам̣ жзд̇ияанд̇и уд̣̇знаяагкасса васанадтаанз гад̇авихааро вужжад̇и. г̇од̇амагаад̣̇ийсуби зсзва наяо. бхаавид̇аад̇и вад̣дхид̇аа. б̣ахулийгад̇аад̇и бунаббунам̣ гад̇аа. яаанийгад̇аад̇и яуд̇д̇аяаанам̣ вияа гад̇аа. вад̇т̇угад̇аад̇и бад̇идтаанадтзна вад̇т̇у вияа гад̇аа. анудтид̇аад̇и ад̇хидтид̇аа. барижид̇аад̇и саманд̇ад̇о жид̇аа сувад̣дхид̇аа. сусамаарад̣̇д̇хаад̇и судту самаарад̣̇д̇хаа.
70. Dasame nisīdananti idha cammakhaṇḍaṃ adhippetaṃ. Udenaṃ cetiyanti udenayakkhassa vasanaṭṭhāne katavihāro vuccati. Gotamakādīsupi eseva nayo. Bhāvitāti vaḍḍhitā. Bahulīkatāti punappunaṃ katā. Yānīkatāti yuttayānaṃ viya katā. Vatthukatāti patiṭṭhānaṭṭhena vatthu viya katā. Anuṭṭhitāti adhiṭṭhitā. Paricitāti samantato citā suvaḍḍhitā. Susamāraddhāti suṭṭhu samāraddhā.
ид̇и анияамзна гат̇зд̇ваа буна нияамзд̇ваа д̣̇ассзнд̇о д̇ат̇ааг̇ад̇асса код̇иаад̣̇имааха. зд̇т̇а габбанд̇и ааяугаббам̣. д̇асмим̣ д̇асмим̣ гаалз яам̣ мануссаанам̣ ааяуббамаан̣ам̣, д̇ам̣ барибун̣н̣ам̣ гаронд̇о д̇идтзяяа. габбаавасзсам̣ ваад̇и ‘‘аббам̣ ваа бхияяо’’д̇и вуд̇д̇авассасад̇ад̇о ад̇ирзгам̣ ваа. махаасийвад̇т̇зро банааха – ‘‘б̣уд̣̇д̇хаанам̣ адтаанз г̇аж̇ж̇ид̇ам̣ наама над̇т̇и, бунаббунам̣ самаабаж̇ж̇ид̇ваа маран̣анд̇игавзд̣̇анам̣ вигкамбхзнд̇о бхад̣̇д̣̇агаббамзва д̇идтзяяа. гасмаа бана на тид̇од̇и? убаад̣̇иннагасарийрам̣ наама кан̣д̣ижжаад̣̇ийхи абхибхуяяад̇и, б̣уд̣̇д̇хаа жа кан̣д̣ижжаад̣̇ибхаавам̣ аббад̇ваа бан̃жамз ааяугодтаасз б̣ахуж̇анасса бияаманаабагаалзязва бариниб̣б̣ааяанд̇и. б̣уд̣̇д̇хаануб̣уд̣̇д̇хзсу жа махаасаавагзсу бариниб̣б̣уд̇зсу згагзнзва каан̣угзна вияа таад̇аб̣б̣ам̣ ход̇и д̣̇ахарасааман̣зрабариваарзна ваа, д̇ад̇о ‘ахо б̣уд̣̇д̇хаанам̣ барисаа’д̇и хийл̣зд̇аб̣б̣ад̇ам̣ аабаж̇ж̇зяяа. д̇асмаа на тид̇о’’д̇и. звам̣ вуд̇д̇зби яо бана вужжад̇и ‘‘ааяугаббо’’д̇и, ид̣̇амзва адтагат̇ааяа нияаамид̇ам̣.
Iti aniyamena kathetvā puna niyametvā dassento tathāgatassa khotiādimāha. Ettha kappanti āyukappaṃ. Tasmiṃ tasmiṃ kāle yaṃ manussānaṃ āyuppamāṇaṃ, taṃ paripuṇṇaṃ karonto tiṭṭheyya. Kappāvasesaṃ vāti ‘‘appaṃ vā bhiyyo’’ti vuttavassasatato atirekaṃ vā. Mahāsīvatthero panāha – ‘‘buddhānaṃ aṭṭhāne gajjitaṃ nāma natthi, punappunaṃ samāpajjitvā maraṇantikavedanaṃ vikkhambhento bhaddakappameva tiṭṭheyya. Kasmā pana na ṭhitoti? Upādinnakasarīraṃ nāma khaṇḍiccādīhi abhibhuyyati, buddhā ca khaṇḍiccādibhāvaṃ appatvā pañcame āyukoṭṭhāse bahujanassa piyamanāpakāleyeva parinibbāyanti. Buddhānubuddhesu ca mahāsāvakesu parinibbutesu ekakeneva khāṇukena viya ṭhātabbaṃ hoti daharasāmaṇeraparivārena vā, tato ‘aho buddhānaṃ parisā’ti hīḷetabbataṃ āpajjeyya. Tasmā na ṭhito’’ti. Evaṃ vuttepi yo pana vuccati ‘‘āyukappo’’ti, idameva aṭṭhakathāya niyāmitaṃ.
яат̇аа д̇ам̣ маарзна барияудтид̇ажид̇д̇од̇и зд̇т̇а д̇анд̇и нибаад̇амад̇д̇ам̣, яат̇аа маарзна барияудтид̇ажид̇д̇о аж̇жход̇т̇адажид̇д̇о ан̃н̃оби гожи бут̇уж̇ж̇ано бадивиж̇жхид̇ум̣ на саггун̣зяяа, звамзва наасагки бадивиж̇жхид̇унд̇и ад̇т̇о. мааро хи яасса саб̣б̣зна саб̣б̣ам̣ д̣̇ваад̣̇аса вибаллаасаа аббахийнаа, д̇асса жид̇д̇ам̣ барияудтаад̇и. т̇зрасса жа жад̇д̇ааро вибаллаасаа аббахийнаа, д̇знасса мааро жид̇д̇ам̣ барияудтааси. со бана жид̇д̇абарияудтаанам̣ гаронд̇о гим̣ гарод̇ийд̇и? бхзравам̣ руубаарамман̣ам̣ ваа д̣̇ассзд̇и, сад̣̇д̣̇аарамман̣ам̣ ваа саавзд̇и. д̇ад̇о сад̇д̇аа д̇ам̣ д̣̇исваа ваа суд̇ваа ваа сад̇им̣ виссаж̇ж̇зд̇ваа вивадамукаа хонд̇и, д̇зсам̣ мукзна хад̇т̇ам̣ бавзсзд̇ваа хад̣̇аяам̣ мад̣̇д̣̇ад̇и, д̇ад̇о висан̃н̃аава худ̇ваа д̇идтанд̇и. т̇зрасса банзса мукз хад̇т̇ам̣ бавзсзд̇ум̣ гим̣ сагкиссад̇и, бхзраваарамман̣ам̣ бана д̣̇ассзси. д̇ам̣ д̣̇исваа т̇зро нимид̇д̇обхаасам̣ наббадивиж̇жхи. бхаг̇аваа ж̇аананд̇оязва гимад̇т̇ам̣ яаава д̇ад̇ияам̣ ааманд̇зсийд̇и? барад̇о ‘‘д̇идтад̇у, бханд̇з бхаг̇аваа’’д̇и яаажид̇з ‘‘д̇уяхзвзд̇ам̣ д̣̇уггадам̣, д̇уяхзвзд̇ам̣ абарад̣̇д̇ха’’нд̇и д̣̇осааробанзна со гад̇анугаран̣ад̇т̇ам̣.
Yathā taṃ mārena pariyuṭṭhitacittoti ettha tanti nipātamattaṃ, yathā mārena pariyuṭṭhitacitto ajjhotthaṭacitto aññopi koci puthujjano paṭivijjhituṃ na sakkuṇeyya, evameva nāsakkhi paṭivijjhitunti attho. Māro hi yassa sabbena sabbaṃ dvādasa vipallāsā appahīnā, tassa cittaṃ pariyuṭṭhāti. Therassa ca cattāro vipallāsā appahīnā, tenassa māro cittaṃ pariyuṭṭhāsi. So pana cittapariyuṭṭhānaṃ karonto kiṃ karotīti? Bheravaṃ rūpārammaṇaṃ vā dasseti, saddārammaṇaṃ vā sāveti. Tato sattā taṃ disvā vā sutvā vā satiṃ vissajjetvā vivaṭamukhā honti, tesaṃ mukhena hatthaṃ pavesetvā hadayaṃ maddati, tato visaññāva hutvā tiṭṭhanti. Therassa panesa mukhe hatthaṃ pavesetuṃ kiṃ sakkhissati, bheravārammaṇaṃ pana dassesi. Taṃ disvā thero nimittobhāsaṃ nappaṭivijjhi. Bhagavā jānantoyeva kimatthaṃ yāva tatiyaṃ āmantesīti? Parato ‘‘tiṭṭhatu, bhante bhagavā’’ti yācite ‘‘tuyhevetaṃ dukkaṭaṃ, tuyhevetaṃ aparaddha’’nti dosāropanena so katanukaraṇatthaṃ.
мааро баабимаад̇и зд̇т̇а сад̇д̇з анад̇т̇з нияож̇знд̇о маарзд̇ийд̇и мааро. баабимаад̇и д̇ассзва взважанам̣ . со хи баабад̇хаммасаманнааг̇ад̇ад̇д̇аа ‘‘баабимаа’’д̇и вужжад̇и. ган̣хо, анд̇аго, намужи, бамад̇д̇аб̣анд̇хууд̇иби д̇ассзва наамаани. бхаасид̇аа ко банзсаад̇и аяан̃хи бхаг̇авад̇о самб̣од̇хибад̇д̇ияаа адтамз сад̇д̇аахз б̣од̇химан̣д̣зязва ааг̇анд̇ваа ‘‘бхаг̇аваа яад̣̇ад̇т̇ам̣ д̇умхзхи баарамияо буурид̇аа, со во ад̇т̇о ануббад̇д̇о, бадивид̣̇д̇хам̣ саб̣б̣ан̃н̃уд̇ан̃н̃аан̣ам̣, гим̣ д̇з логавижааран̣знаа’’д̇и вад̇ваа яат̇аа аж̇ж̇а, звамзва ‘‘бариниб̣б̣аад̇у д̣̇аани, бханд̇з бхаг̇аваа’’д̇и яаажи. бхаг̇аваа жасса ‘‘на д̇аавааха’’нд̇иаад̣̇ийни вад̇ваа бадигкиби. д̇ам̣ санд̇хааяа – ‘‘бхаасид̇аа ко банзсаа, бханд̇з’’д̇иаад̣̇имааха.
Māro pāpimāti ettha satte anatthe niyojento māretīti māro. Pāpimāti tasseva vevacanaṃ . So hi pāpadhammasamannāgatattā ‘‘pāpimā’’ti vuccati. Kaṇho, antako, namuci, pamattabandhūtipi tasseva nāmāni. Bhāsitā kho panesāti ayañhi bhagavato sambodhipattiyā aṭṭhame sattāhe bodhimaṇḍeyeva āgantvā ‘‘bhagavā yadatthaṃ tumhehi pāramiyo pūritā, so vo attho anuppatto, paṭividdhaṃ sabbaññutaññāṇaṃ, kiṃ te lokavicāraṇenā’’ti vatvā yathā ajja, evameva ‘‘parinibbātu dāni, bhante bhagavā’’ti yāci. Bhagavā cassa ‘‘na tāvāha’’ntiādīni vatvā paṭikkhipi. Taṃ sandhāya – ‘‘bhāsitā kho panesā, bhante’’tiādimāha.
д̇ад̇т̇а вияад̇д̇аад̇и маг̇г̇авасзна б̣яад̇д̇аа, д̇ат̇зва винийд̇аа, д̇ат̇аа висаарад̣̇аа. б̣ахуссуд̇аад̇и д̇збидагавасзна б̣аху суд̇ам̣ зд̇зсанд̇и б̣ахуссуд̇аа. д̇амзва д̇хаммам̣ д̇хаарзнд̇ийд̇и д̇хаммад̇хараа. ат̇а ваа барияад̇д̇иб̣ахуссуд̇аа жзва бадивзд̇хаб̣ахуссуд̇аа жа. барияад̇д̇ибадивзд̇хад̇хаммаанам̣язва д̇хааран̣ад̇о д̇хаммад̇хараад̇и звамзд̇т̇а ад̇т̇о д̣̇адтаб̣б̣о. д̇хаммаануд̇хаммаббадибаннаад̇и арияад̇хаммасса ануд̇хаммабхууд̇ам̣ вибассанаад̇хаммам̣ бадибаннаа. саамийжиббадибаннаад̇и анужчавигабадибад̣̇ам̣ бадибаннаа. ануд̇хаммажааринод̇и ануд̇хаммам̣ жаран̣асийлаа. сагам̣ аажарияаганд̇и ад̇д̇ано аажарияаваад̣̇ам̣. аажигкиссанд̇ийд̇иаад̣̇ийни саб̣б̣аани ан̃н̃аман̃н̃авзважанаани. сахад̇хаммзнаад̇и сахзд̇угзна сагааран̣зна важанзна. саббаадихаарияанд̇и яаава нияяаанигам̣ гад̇ваа д̇хаммам̣ д̣̇зсзссанд̇и.
Tattha viyattāti maggavasena byattā, tatheva vinītā, tathā visāradā. Bahussutāti tepiṭakavasena bahu sutaṃ etesanti bahussutā. Tameva dhammaṃ dhārentīti dhammadharā. Atha vā pariyattibahussutā ceva paṭivedhabahussutā ca. Pariyattipaṭivedhadhammānaṃyeva dhāraṇato dhammadharāti evamettha attho daṭṭhabbo. Dhammānudhammappaṭipannāti ariyadhammassa anudhammabhūtaṃ vipassanādhammaṃ paṭipannā. Sāmīcippaṭipannāti anucchavikapaṭipadaṃ paṭipannā. Anudhammacārinoti anudhammaṃ caraṇasīlā. Sakaṃ ācariyakanti attano ācariyavādaṃ. Ācikkhissantītiādīni sabbāni aññamaññavevacanāni. Sahadhammenāti sahetukena sakāraṇena vacanena. Sappāṭihāriyanti yāva niyyānikaṃ katvā dhammaṃ desessanti.
б̣рахмажарияанд̇и сигкаад̇д̇аяасан̇г̇ахид̇ам̣ сагалам̣ саасанаб̣рахмажарияам̣. ид̣̇д̇ханд̇и самид̣̇д̇хам̣ жхаанассаад̣̇авасзна. пийд̇анд̇и вуд̣̇д̇хибад̇д̇ам̣ саб̣б̣абаалипуллам̣ вияа абхин̃н̃аасамбад̇д̇ивасзна. вид̇т̇аариганд̇и вид̇т̇ад̇ам̣ д̇асмим̣ д̇асмим̣ д̣̇исаабхааг̇з бад̇идтид̇авасзна. б̣аахуж̇ан̃н̃анд̇и б̣ахуухи н̃аад̇ам̣ бадивид̣̇д̇хам̣ махааж̇анаабхисамаяавасзна. бут̇убхууд̇анд̇и саб̣б̣аагаарзна бут̇улабхааваббад̇д̇ам̣. гат̇ам̣? яаава д̣̇звамануссзхи суббагаасид̇анд̇и, яад̇д̇агаа вин̃н̃уж̇аад̇игаа д̣̇зваа жзва мануссаа жа ад̇т̇и, саб̣б̣зхи судту багаасид̇анд̇и ад̇т̇о. аббоссуггод̇и нираалаяо. д̇ван̃хи баабима адтамасад̇д̇аахад̇о бадтааяа ‘‘бариниб̣б̣аад̇у д̣̇аани, бханд̇з бхаг̇аваа, бариниб̣б̣аад̇у суг̇ад̇о’’д̇и вираванд̇о аахин̣д̣ид̇т̇а. аж̇ж̇а д̣̇аани бадтааяа виг̇ад̇уссаахо хохи, маа маяхам̣ бариниб̣б̣аанад̇т̇ам̣ вааяаамам̣ гарохийд̇и вад̣̇ад̇и.
Brahmacariyanti sikkhāttayasaṅgahitaṃ sakalaṃ sāsanabrahmacariyaṃ. Iddhanti samiddhaṃ jhānassādavasena. Phītanti vuddhipattaṃ sabbapāliphullaṃ viya abhiññāsampattivasena. Vitthārikanti vitthataṃ tasmiṃ tasmiṃ disābhāge patiṭṭhitavasena. Bāhujaññanti bahūhi ñātaṃ paṭividdhaṃ mahājanābhisamayavasena. Puthubhūtanti sabbākārena puthulabhāvappattaṃ. Kathaṃ? Yāva devamanussehi suppakāsitanti, yattakā viññujātikā devā ceva manussā ca atthi, sabbehi suṭṭhu pakāsitanti attho. Appossukkoti nirālayo. Tvañhi pāpima aṭṭhamasattāhato paṭṭhāya ‘‘parinibbātu dāni, bhante bhagavā, parinibbātu sugato’’ti viravanto āhiṇḍittha. Ajja dāni paṭṭhāya vigatussāho hohi, mā mayhaṃ parinibbānatthaṃ vāyāmaṃ karohīti vadati.
сад̇о самбаж̇аано ааяусан̇каарам̣ оссаж̇ж̇ийд̇и сад̇им̣ суубадтид̇ам̣ гад̇ваа н̃аан̣зна барижчинд̣̇ид̇ваа ааяусан̇каарам̣ виссаж̇ж̇и баж̇ахи. д̇ад̇т̇а на бхаг̇аваа хад̇т̇зна лзд̣д̣ум̣ вияа ааяусан̇каарам̣ оссаж̇и, д̇змаасамад̇д̇амзва бана паласамаабад̇д̇им̣ самаабаж̇ж̇ид̇ваа д̇ад̇о барам̣ на самаабаж̇ж̇иссаамийд̇и жид̇д̇ам̣ уббаад̣̇зси. д̇ам̣ санд̇хааяа вуд̇д̇ам̣ ‘‘оссаж̇ий’’д̇и. уссаж̇ийд̇иби баато. махаабхуумижаалод̇и маханд̇о бат̇авийгамбо. д̇ад̣̇аа гира д̣̇асасахассий логад̇хаад̇у гамбид̇т̇а. бхим̣санагод̇и бхаяаж̇анаго. д̣̇звад̣̇унд̣̇убхияо жа палим̣сууд̇и д̣̇звабхзрияо палим̣су, д̣̇зво сугкаг̇аж̇ж̇ид̇ам̣ г̇аж̇ж̇и, агаалавиж̇ж̇улад̇аа нижчарим̣су, кан̣игавассам̣ вассийд̇и вуд̇д̇ам̣ ход̇и.
Sato sampajāno āyusaṅkhāraṃ ossajjīti satiṃ sūpaṭṭhitaṃ katvā ñāṇena paricchinditvā āyusaṅkhāraṃ vissajji pajahi. Tattha na bhagavā hatthena leḍḍuṃ viya āyusaṅkhāraṃ ossaji, temāsamattameva pana phalasamāpattiṃ samāpajjitvā tato paraṃ na samāpajjissāmīti cittaṃ uppādesi. Taṃ sandhāya vuttaṃ ‘‘ossajī’’ti. Ussajītipi pāṭho. Mahābhūmicāloti mahanto pathavīkampo. Tadā kira dasasahassī lokadhātu kampittha. Bhiṃsanakoti bhayajanako. Devadundubhiyo ca phaliṃsūti devabheriyo phaliṃsu, devo sukkhagajjitaṃ gajji, akālavijjulatā nicchariṃsu, khaṇikavassaṃ vassīti vuttaṃ hoti.
уд̣̇аанам̣ уд̣̇аанзсийд̇и гасмаа уд̣̇аанзси? гожи наама вад̣̇зяяа ‘‘бхаг̇аваа бажчад̇о бажчад̇о ануб̣анд̇хид̇ваа ‘бариниб̣б̣аад̇у, бханд̇з’д̇и убад̣̇д̣̇уд̇о бхаязна ааяусан̇каарам̣ виссаж̇ж̇зсий’’д̇и, д̇ассогаасо маа ход̇у, бхийд̇асса хи уд̣̇аанам̣ наама над̇т̇ийд̇и бийд̇ивзг̇ависсадтам̣ уд̣̇аанам̣ уд̣̇аанзси.
Udānaṃ udānesīti kasmā udānesi? Koci nāma vadeyya ‘‘bhagavā pacchato pacchato anubandhitvā ‘parinibbātu, bhante’ti upadduto bhayena āyusaṅkhāraṃ vissajjesī’’ti, tassokāso mā hotu, bhītassa hi udānaṃ nāma natthīti pītivegavissaṭṭhaṃ udānaṃ udānesi.
д̇ад̇т̇а саб̣б̣зсам̣ сон̣асин̇г̇аалаад̣̇ийнамби бажжагкабхаавад̇о д̇улид̇ам̣ барижчиннанд̇и д̇улам̣. гим̣ д̇ам̣? гаамааважарагаммам̣. на д̇улам̣, на ваа д̇улам̣ сад̣̇исамасса ан̃н̃ам̣ логияам̣ гаммам̣ ад̇т̇ийд̇и ад̇улам̣. гим̣ д̇ам̣? махаг̇г̇ад̇агаммам̣. ат̇а ваа гаамааважарам̣ руубааважарам̣ д̇улам̣, аруубааважарам̣ ад̇улам̣. аббавибаагам̣ ваа д̇улам̣, б̣ахувибаагам̣ ад̇улам̣. самбхаванд̇и самбхавахзд̇убхууд̇ам̣, раасигаарагам̣ бин̣д̣агаараганд̇и ад̇т̇о. бхавасан̇кааранд̇и бунаб̣бхавасан̇кааран̣агам̣. авассаж̇ийд̇и виссаж̇ж̇зси. мунийд̇и б̣уд̣̇д̇хамуни. аж̇жхад̇д̇арад̇од̇и нияагаж̇жхад̇д̇арад̇о. самаахид̇од̇и убажаараббанаасамаад̇хивасзна самаахид̇о. абхинд̣̇и гаважамиваад̇и гаважам̣ вияа абхинд̣̇и. ад̇д̇асамбхаванд̇и ад̇д̇ани сан̃ж̇аад̇ам̣ гилзсам̣. ид̣̇ам̣ вуд̇д̇ам̣ ход̇и – савибаагадтзна самбхавам̣, бхаваабхисан̇каран̣адтзна бхавасан̇кааранд̇и жа лад̣̇д̇ханаамам̣ д̇улаад̇уласан̇каад̇ам̣ логияагамман̃жа оссаж̇и, сан̇г̇аамасийсз махааяод̇хо гаважам̣ вияа ад̇д̇асамбхавам̣ гилзсан̃жа аж̇жхад̇д̇арад̇о худ̇ваа самаахид̇о худ̇ваа абхинд̣̇ийд̇и.
Tattha sabbesaṃ soṇasiṅgālādīnampi paccakkhabhāvato tulitaṃ paricchinnanti tulaṃ. Kiṃ taṃ? Kāmāvacarakammaṃ. Na tulaṃ, na vā tulaṃ sadisamassa aññaṃ lokiyaṃ kammaṃ atthīti atulaṃ. Kiṃ taṃ? Mahaggatakammaṃ. Atha vā kāmāvacaraṃ rūpāvacaraṃ tulaṃ, arūpāvacaraṃ atulaṃ. Appavipākaṃ vā tulaṃ, bahuvipākaṃ atulaṃ. Sambhavanti sambhavahetubhūtaṃ, rāsikārakaṃ piṇḍakārakanti attho. Bhavasaṅkhāranti punabbhavasaṅkhāraṇakaṃ. Avassajīti vissajjesi. Munīti buddhamuni. Ajjhattaratoti niyakajjhattarato. Samāhitoti upacārappanāsamādhivasena samāhito. Abhindi kavacamivāti kavacaṃ viya abhindi. Attasambhavanti attani sañjātaṃ kilesaṃ. Idaṃ vuttaṃ hoti – savipākaṭṭhena sambhavaṃ, bhavābhisaṅkharaṇaṭṭhena bhavasaṅkhāranti ca laddhanāmaṃ tulātulasaṅkhātaṃ lokiyakammañca ossaji, saṅgāmasīse mahāyodho kavacaṃ viya attasambhavaṃ kilesañca ajjhattarato hutvā samāhito hutvā abhindīti.
ат̇а ваа д̇уланд̇и д̇улзнд̇о д̇ийрзнд̇о. ад̇улан̃жа самбхаванд̇и ниб̣б̣аанан̃жзва самбхаван̃жа. бхавасан̇кааранд̇и бхаваг̇аамигаммам̣. авассаж̇и мунийд̇и ‘‘бан̃жагканд̇хаа анижжаа, бан̃жаннам̣ канд̇хаанам̣ нирод̇хо ниб̣б̣аанам̣ нижжа’’нд̇иаад̣̇инаа (бади. ма. 3.37-38) наязна д̇улаяанд̇о б̣уд̣̇д̇хамуни бхавз аад̣̇ийнавам̣, ниб̣б̣аанз жа аанисам̣сам̣ д̣̇исваа д̇ам̣ канд̇хаанам̣ муулабхууд̇ам̣ бхавасан̇каарам̣ гаммам̣ ‘‘гаммагкаяааяа сам̣вад̇д̇ад̇ий’’д̇и (ма. ни. 2.81; а. ни. 4.232-233) звам̣ вуд̇д̇зна гаммагкаяагарзна арияамаг̇г̇зна авассаж̇и. гат̇ам̣? аж̇жхад̇д̇арад̇о самаахид̇о, абхинд̣̇и гаважамивад̇д̇асамбхавам̣. со хи вибассанаавасзна аж̇жхад̇д̇арад̇о, самат̇авасзна самаахид̇од̇и звам̣ буб̣б̣абхааг̇ад̇о бадтааяа самат̇авибассанааб̣алзна гаважамива ад̇д̇абхаавам̣ барияонанд̇хид̇ваа тид̇ам̣, ад̇д̇ани самбхавад̇д̇аа ‘‘ад̇д̇асамбхава’’нд̇и лад̣̇д̇ханаамам̣ саб̣б̣агилзсаж̇аалам̣ абхинд̣̇и. гилзсаабхаавзна жа гад̇ам̣ гаммам̣ аббадисанд̇хигад̇д̇аа авассадтам̣ наама ход̇ийд̇и звам̣ гилзсаббахаанзна гаммам̣ баж̇ахи. бахийнагилзсасса жа бхаяам̣ наама над̇т̇и, д̇асмаа абхийд̇ова ааяусан̇каарам̣ оссаж̇ж̇и, абхийд̇абхааван̃аабанад̇т̇ан̃жа уд̣̇аанам̣ уд̣̇аанзсийд̇и взд̣̇ид̇аб̣б̣о.
Atha vā tulanti tulento tīrento. Atulañca sambhavanti nibbānañceva sambhavañca. Bhavasaṅkhāranti bhavagāmikammaṃ. Avassaji munīti ‘‘pañcakkhandhā aniccā, pañcannaṃ khandhānaṃ nirodho nibbānaṃ nicca’’ntiādinā (paṭi. ma. 3.37-38) nayena tulayanto buddhamuni bhave ādīnavaṃ, nibbāne ca ānisaṃsaṃ disvā taṃ khandhānaṃ mūlabhūtaṃ bhavasaṅkhāraṃ kammaṃ ‘‘kammakkhayāya saṃvattatī’’ti (ma. ni. 2.81; a. ni. 4.232-233) evaṃ vuttena kammakkhayakarena ariyamaggena avassaji. Kathaṃ? Ajjhattarato samāhito, abhindi kavacamivattasambhavaṃ. So hi vipassanāvasena ajjhattarato, samathavasena samāhitoti evaṃ pubbabhāgato paṭṭhāya samathavipassanābalena kavacamiva attabhāvaṃ pariyonandhitvā ṭhitaṃ, attani sambhavattā ‘‘attasambhava’’nti laddhanāmaṃ sabbakilesajālaṃ abhindi. Kilesābhāvena ca kataṃ kammaṃ appaṭisandhikattā avassaṭṭhaṃ nāma hotīti evaṃ kilesappahānena kammaṃ pajahi. Pahīnakilesassa ca bhayaṃ nāma natthi, tasmā abhītova āyusaṅkhāraṃ ossajji, abhītabhāvañāpanatthañca udānaṃ udānesīti veditabbo.
яам̣ махааваад̇аад̇и язна самаязна яасмим̣ ваа самаяз махааваад̇аа. вааяанд̇ийд̇и убагкзбагаваад̇аа наама удтаханд̇и, д̇з вааяанд̇аа садтисахассаад̇хиганаваяож̇анасад̇асахассаб̣ахалам̣ уд̣̇агасанд̇хаарагаваад̇ам̣ убажчинд̣̇анд̇и, д̇ад̇о аагаасз уд̣̇агам̣ бхассад̇и, д̇асмим̣ бхассанд̇з бат̇авий бхассад̇и, буна ваад̇о ад̇д̇ано б̣алзна анд̇од̇хаммагаран̣з вияа уд̣̇агам̣ ааб̣анд̇хид̇ваа г̇ан̣хаад̇и, д̇ад̇о уд̣̇агам̣ уг̇г̇ажчад̇и, д̇асмим̣ уг̇г̇ажчанд̇з бат̇авий уг̇г̇ажчад̇и. звам̣ уд̣̇агам̣ гамбид̇ам̣ бат̇авим̣ гамбзд̇и. зд̇ан̃жа гамбанам̣ яааваж̇ж̇агаалааби ход̇иязва, б̣ахубхаавзна бана ог̇ажчануг̇г̇ажчанам̣ на бан̃н̃ааяад̇и.
Yaṃ mahāvātāti yena samayena yasmiṃ vā samaye mahāvātā. Vāyantīti upakkhepakavātā nāma uṭṭhahanti, te vāyantā saṭṭhisahassādhikanavayojanasatasahassabahalaṃ udakasandhārakavātaṃ upacchindanti, tato ākāse udakaṃ bhassati, tasmiṃ bhassante pathavī bhassati, puna vāto attano balena antodhammakaraṇe viya udakaṃ ābandhitvā gaṇhāti, tato udakaṃ uggacchati, tasmiṃ uggacchante pathavī uggacchati. Evaṃ udakaṃ kampitaṃ pathaviṃ kampeti. Etañca kampanaṃ yāvajjakālāpi hotiyeva, bahubhāvena pana ogacchanuggacchanaṃ na paññāyati.
махид̣̇д̇хигаа махаанубхааваад̇и иж̇жханасса маханд̇ад̇ааяа махид̣̇д̇хигаа, анубхавид̇аб̣б̣асса маханд̇ад̇ааяа махаанубхааваа. барид̇д̇аад̇и д̣̇уб̣б̣алаа. аббамаан̣аад̇и б̣алаваа. со имам̣ бат̇авим̣ гамбзд̇ийд̇и со ид̣̇д̇хим̣ ниб̣б̣ад̇д̇зд̇ваа сам̣взж̇знд̇о махаамог̇г̇аллаано вияа, виймам̣санд̇о ваа махаанааг̇ад̇т̇зрасса бхааг̇инзяяо сан̇гхарагкид̇асааман̣зро вияа бат̇авим̣ гамбзд̇и. сан̇гамбзд̇ийд̇и саманд̇ад̇о гамбзд̇и. самбагамбзд̇ийд̇и д̇ассзва взважанам̣. ид̇и имзсу адтасу бат̇авигамбзсу батамо д̇хаад̇угобзна, д̣̇уд̇ияо ид̣̇д̇хаанубхаавзна, д̇ад̇ияажад̇уд̇т̇аа бун̃н̃ад̇зж̇зна, бан̃жамо н̃аан̣ад̇зж̇зна, чадто саад̇хугаарад̣̇аанавасзна, сад̇д̇амо гаарун̃н̃асабхаавзна, адтамо аарод̣̇анзна. маад̇угужчим̣ оггаманд̇з жа д̇ад̇о нигкаманд̇з жа махаасад̇д̇з д̇асса бун̃н̃ад̇зж̇зна бат̇авий агамбид̇т̇а, абхисамб̣од̇хияам̣ н̃аан̣ад̇зж̇аабхихад̇аа худ̇ваа агамбид̇т̇а, д̇хаммажаггаббавад̇д̇анз саад̇хугаарабхаавасан̣тид̇аа саад̇хугаарам̣ д̣̇ад̣̇амаанаа агамбид̇т̇а, ааяусан̇каараоссаж̇ж̇анз гаарун̃н̃асабхаавасан̣тид̇аа жид̇д̇асан̇кобхам̣ асахамаанаа агамбид̇т̇а, бариниб̣б̣аанз аарод̣̇анавзг̇ад̇уннаа худ̇ваа агамбид̇т̇а. аяам̣ банад̇т̇о бат̇авид̣̇звад̇ааяа васзна взд̣̇ид̇аб̣б̣о. махаабхууд̇абат̇авияаа банзд̇ам̣ над̇т̇и ажзд̇анад̇д̇аа. сзсам̣ саб̣б̣ад̇т̇а уд̇д̇аанад̇т̇амзваад̇и.
Mahiddhikā mahānubhāvāti ijjhanassa mahantatāya mahiddhikā, anubhavitabbassa mahantatāya mahānubhāvā. Parittāti dubbalā. Appamāṇāti balavā. So imaṃ pathaviṃ kampetīti so iddhiṃ nibbattetvā saṃvejento mahāmoggallāno viya, vīmaṃsanto vā mahānāgattherassa bhāgineyyo saṅgharakkhitasāmaṇero viya pathaviṃ kampeti. Saṅkampetīti samantato kampeti. Sampakampetīti tasseva vevacanaṃ. Iti imesu aṭṭhasu pathavikampesu paṭhamo dhātukopena, dutiyo iddhānubhāvena, tatiyacatutthā puññatejena, pañcamo ñāṇatejena, chaṭṭho sādhukāradānavasena, sattamo kāruññasabhāvena, aṭṭhamo ārodanena. Mātukucchiṃ okkamante ca tato nikkhamante ca mahāsatte tassa puññatejena pathavī akampittha, abhisambodhiyaṃ ñāṇatejābhihatā hutvā akampittha, dhammacakkappavattane sādhukārabhāvasaṇṭhitā sādhukāraṃ dadamānā akampittha, āyusaṅkhāraossajjane kāruññasabhāvasaṇṭhitā cittasaṅkhobhaṃ asahamānā akampittha, parinibbāne ārodanavegatunnā hutvā akampittha. Ayaṃ panattho pathavidevatāya vasena veditabbo. Mahābhūtapathaviyā panetaṃ natthi acetanattā. Sesaṃ sabbattha uttānatthamevāti.
бхуумижаалаваг̇г̇о сад̇д̇амо.
Bhūmicālavaggo sattamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. бхуумижааласуд̇д̇ам̣ • 10. Bhūmicālasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. бхуумижааласуд̇д̇аван̣н̣анаа • 10. Bhūmicālasuttavaṇṇanā
