| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. бхуумижааласуд̇д̇аван̣н̣анаа
10. Bhūmicālasuttavaṇṇanā
70. д̣̇асамз (д̣̇ий. ни. дий. 2.167; сам̣. ни. дий. 2.5.822) уд̣̇знаяагкасса жзд̇ияадтаанзд̇и уд̣̇знасса наама яагкасса ааяад̇анабхаавзна идтагаахи гад̇з махааж̇анасса жид̇д̇ийгад̇адтаанз. гад̇авихаарод̇и бхаг̇аванд̇ам̣ уд̣̇д̣̇исса гад̇авихааро. вужжад̇ийд̇и буримавохаарзна ‘‘уд̣̇знам̣ жзд̇ияа’’нд̇и вужжад̇и. г̇од̇амагаад̣̇ийсубийд̇и ‘‘г̇од̇амагам̣ жзд̇ияа’’нд̇иаад̣̇ийсуби. зсзва наяод̇и жзд̇ияадтаанз гад̇авихаарабхаавам̣ ад̇ид̣̇исад̇и. д̇ат̇аа хи сад̇д̇амб̣анд̇и гигисса ран̃н̃о д̇хийд̇аро сад̇д̇а гумаарияо сам̣взг̇аж̇аад̇аа г̇зхад̇о нигкамид̇ваа д̇ад̇т̇а бад̇хаанам̣ бад̣̇ахим̣су, д̇ам̣ таанам̣ ‘‘сад̇д̇амб̣ам̣ жзд̇ияа’’нд̇и вад̣̇анд̇и. б̣ахубуд̇д̇аганд̇и жа б̣ахубаарохо зго ниг̇род̇харугко, д̇асмим̣ ад̇хивад̇т̇ам̣ д̣̇звад̇ам̣ б̣ахуу мануссаа буд̇д̇з бад̇т̇знд̇и, д̇ад̣̇убаад̣̇ааяа д̇ам̣ таанам̣ ‘‘б̣ахубуд̇д̇агам̣ жзд̇ияа’’нд̇и бан̃н̃ааяид̇т̇а. сааранд̣̇ад̣̇асса наама яагкасса васид̇адтаанам̣, жаабааласса наама яагкасса васид̇адтаанам̣, ид̇и саб̣б̣аанзвзд̇аани б̣уд̣̇д̇хуббаад̣̇ад̇о буб̣б̣ад̣̇звад̇аа бариг̇г̇ахзд̇ваа жзд̇ияавохаарзна вохарид̇аани, бхаг̇авад̇о вихаарз гад̇зби д̇ат̇зва сан̃ж̇аананд̇и. раман̣ийяаад̇и зд̇т̇а взсаалияаа д̇аава бхуумибхааг̇асамбад̇д̇ияаа сулабхабин̣д̣ад̇ааяа раман̣ийяабхааво взд̣̇ид̇аб̣б̣о. вихаараанам̣ бана наг̇арад̇о наад̇ид̣̇уурад̇ааяа нажжаасаннад̇ааяа г̇аманааг̇аманасамбад̇д̇ияаа анаагин̣н̣авихаарадтаанад̇ааяа чааяуд̣̇агасамбад̇д̇ияаа бавивзгабад̇ируубад̇ааяа жа раман̣ийяад̇аа д̣̇адтаб̣б̣аа.
70. Dasame (dī. ni. ṭī. 2.167; saṃ. ni. ṭī. 2.5.822) udenayakkhassa cetiyaṭṭhāneti udenassa nāma yakkhassa āyatanabhāvena iṭṭhakāhi kate mahājanassa cittīkataṭṭhāne. Katavihāroti bhagavantaṃ uddissa katavihāro. Vuccatīti purimavohārena ‘‘udenaṃ cetiya’’nti vuccati. Gotamakādīsupīti ‘‘gotamakaṃ cetiya’’ntiādīsupi. Eseva nayoti cetiyaṭṭhāne katavihārabhāvaṃ atidisati. Tathā hi sattambanti kikissa rañño dhītaro satta kumāriyo saṃvegajātā gehato nikkhamitvā tattha padhānaṃ padahiṃsu, taṃ ṭhānaṃ ‘‘sattambaṃ cetiya’’nti vadanti. Bahuputtakanti ca bahupāroho eko nigrodharukkho, tasmiṃ adhivatthaṃ devataṃ bahū manussā putte patthenti, tadupādāya taṃ ṭhānaṃ ‘‘bahuputtakaṃ cetiya’’nti paññāyittha. Sārandadassa nāma yakkhassa vasitaṭṭhānaṃ, cāpālassa nāma yakkhassa vasitaṭṭhānaṃ, iti sabbānevetāni buddhuppādato pubbadevatā pariggahetvā cetiyavohārena voharitāni, bhagavato vihāre katepi tatheva sañjānanti. Ramaṇīyāti ettha vesāliyā tāva bhūmibhāgasampattiyā sulabhapiṇḍatāya ramaṇīyabhāvo veditabbo. Vihārānaṃ pana nagarato nātidūratāya naccāsannatāya gamanāgamanasampattiyā anākiṇṇavihāraṭṭhānatāya chāyudakasampattiyā pavivekapatirūpatāya ca ramaṇīyatā daṭṭhabbā.
вад̣дхид̇аад̇и бхааванаабаарибууривасзна бариб̣руухид̇аа. бунаббунам̣ гад̇аад̇и бхааванааяа б̣ахулийгаран̣зна абараабарам̣ бавад̇д̇ид̇аа. яуд̇д̇аяаанам̣ вияа гад̇аад̇и яат̇аа яуд̇д̇амааж̇ан̃н̃аяаанам̣ чзгзна саарат̇инаа ад̇хидтид̇ам̣ яат̇ааружи бавад̇д̇ад̇и, звам̣ яат̇ааружи бавад̇д̇ирахад̇ам̣ г̇амид̇аа. бад̇идтаанадтзнаад̇и ад̇хидтаанадтзна. вад̇т̇у вияа гад̇аад̇и саб̣б̣асо убаггилзсависод̇ханзна ид̣̇д̇хивисаяад̇ааяа бад̇идтаанабхаавад̇о сувисод̇хид̇абариссаяавад̇т̇у вияа гад̇аа. ад̇хидтид̇аад̇и бадибагкад̣̇уурийбхаавад̇о субхаавид̇абхаавзна д̇ам̣д̇ам̣ад̇хидтаанаяог̇яад̇ааяа табид̇аа. саманд̇ад̇о жид̇аад̇и саб̣б̣абхааг̇зна бхааванубажаяам̣ г̇амид̇аа. д̇знааха ‘‘сувад̣дхид̇аа’’д̇и. судту самаарад̣̇д̇хаад̇и ид̣̇д̇хибхааванааяа сикааббад̇д̇ияаа саммад̣̇зва сам̣сзвид̇аа.
Vaḍḍhitāti bhāvanāpāripūrivasena paribrūhitā. Punappunaṃ katāti bhāvanāya bahulīkaraṇena aparāparaṃ pavattitā. Yuttayānaṃ viya katāti yathā yuttamājaññayānaṃ chekena sārathinā adhiṭṭhitaṃ yathāruci pavattati, evaṃ yathāruci pavattirahataṃ gamitā. Patiṭṭhānaṭṭhenāti adhiṭṭhānaṭṭhena. Vatthu viya katāti sabbaso upakkilesavisodhanena iddhivisayatāya patiṭṭhānabhāvato suvisodhitaparissayavatthu viya katā. Adhiṭṭhitāti paṭipakkhadūrībhāvato subhāvitabhāvena taṃtaṃadhiṭṭhānayogyatāya ṭhapitā. Samantato citāti sabbabhāgena bhāvanupacayaṃ gamitā. Tenāha ‘‘suvaḍḍhitā’’ti. Suṭṭhu samāraddhāti iddhibhāvanāya sikhāppattiyā sammadeva saṃsevitā.
анияамзнаад̇и ‘‘яасса гассажий’’д̇и анияамаважанзна. нияамзд̇ваад̇и ‘‘д̇ат̇ааг̇ад̇ассаа’’д̇и саруубад̣̇ассанзна нияамзд̇ваа. ааяуббамаан̣анд̇и (д̣̇ий. ни. дий. 1.40; д̣̇ий. ни. абхи. дий. 1.40) барамааяуббамаан̣ам̣ вад̣̇ад̇и. гим̣ банзд̇т̇а барамааяу наама, гат̇ам̣ ваа д̇ам̣ барижчиннаббамаан̣анд̇и? вужжад̇з – яо д̇зсам̣ д̇зсам̣ сад̇д̇аанам̣ д̇асмим̣ д̇асмим̣ бхавависзсз буримасид̣̇д̇хабхавабад̇т̇ануубаниссаяавасзна сарийрааваяававан̣н̣асан̣таанаббамаан̣аад̣̇ивисзсаа вияа д̇ам̣д̇ам̣г̇ад̇инигааяаад̣̇ийсу язбхуяязна нияад̇абарижчзд̣̇о г̇аб̣бхасзяяагагаамааважарад̣̇зваруубааважарасад̇д̇аанам̣ суггасон̣ид̇ауд̇убхож̇анаад̣̇иуд̇уаад̣̇ибажжуббаннабажжаяуубад̇т̇амбхид̇о вибаагаббаб̣анд̇хасса тид̇игааланияамо. со яат̇аасагам̣ кан̣амад̇д̇аавадтааяийнамби ад̇д̇ано сахаж̇аад̇аанам̣ руубааруубад̇хаммаанам̣ табанаагааравуд̇д̇ид̇ааяа бавад̇д̇анагаани руубааруубаж̇ийвид̇инд̣̇рияаани яасмаа на гзвалам̣ д̇зсам̣ кан̣атид̇ияаа зва гааран̣абхаавзна анубаалагаани, ат̇а ко яаава бхаван̇г̇убажчзд̣̇аа анубаб̣анд̇хасса авижчзд̣̇ахзд̇убхаавзнаби, д̇асмаа ааяухзд̇угад̇д̇аа гааран̣уубажаарзна ааяу, уггам̣сабарижчзд̣̇авасзна барамааяууд̇и жа вужжад̇и. д̇ам̣ бана д̣̇зваанам̣ нзраяигаанам̣ уд̇д̇арагуругаанан̃жа нияад̇абарижчзд̣̇ам̣. уд̇д̇арагуругаанам̣ бана зганд̇анияад̇абарижчзд̣̇амзва, авасидтамануссабзд̇ад̇иражчаанаанам̣ бана жирадтид̇исам̣вад̇д̇анигагаммаб̣ахулз гаалз д̇ам̣гаммасахид̇асанд̇аанаж̇анид̇асуггасон̣ид̇абажжаяаанам̣ д̇ам̣муулагаанан̃жа жанд̣̇асуурияасамависамабаривад̇д̇анаад̣̇иж̇анид̇ауд̇уаахаараад̣̇исамависамабажжаяаанан̃жа васзна жираажирагаалад̇о анияад̇абарижчзд̣̇ам̣, д̇асса жа яат̇аа буримасид̣̇д̇хабхавабад̇т̇анаавасзна д̇ам̣д̇ам̣г̇ад̇инигааяаад̣̇ийсу ван̣н̣асан̣таанаад̣̇ивисзсанияамо сид̣̇д̇хо д̣̇ассанаануссаваад̣̇ийхи, д̇ат̇аа аад̣̇ид̇о г̇ахан̣асид̣̇д̇хияаа. звам̣ д̇аасу д̇аасу убабад̇д̇ийсу ниб̣б̣ад̇д̇асад̇д̇аанам̣ язбхуяязна самаббамаан̣адтид̇игаалам̣ д̣̇ассанаануссавзхи лабхид̇ваа д̇ам̣барамад̇ам̣ аж̇жхосааяа бавад̇д̇ид̇абхавабад̇т̇анаавасзна аад̣̇ид̇о барижчзд̣̇анияамо взд̣̇ид̇аб̣б̣о. яасмаа бана гаммам̣ д̇аасу д̇аасу убабад̇д̇ийсу яат̇аа д̇ам̣д̇ам̣убабад̇д̇инияад̇аван̣н̣аад̣̇иниб̣б̣ад̇д̇анз самад̇т̇ам̣, звам̣ нияад̇ааяубарижчзд̣̇аасу убабад̇д̇ийсу барижчзд̣̇аад̇иггамзна вибааганиб̣б̣ад̇д̇анз самад̇т̇ам̣ на ход̇и, д̇асмаа вуд̇д̇ам̣ ‘‘д̇асмим̣ д̇асмим̣ гаалз яам̣ мануссаанам̣ ааяуббамаан̣ам̣, д̇ам̣ барибун̣н̣ам̣ гаронд̇о д̇идтзяяаа’’д̇и.
Aniyamenāti ‘‘yassa kassacī’’ti aniyamavacanena. Niyametvāti ‘‘tathāgatassā’’ti sarūpadassanena niyametvā. Āyuppamāṇanti (dī. ni. ṭī. 1.40; dī. ni. abhi. ṭī. 1.40) paramāyuppamāṇaṃ vadati. Kiṃ panettha paramāyu nāma, kathaṃ vā taṃ paricchinnappamāṇanti? Vuccate – yo tesaṃ tesaṃ sattānaṃ tasmiṃ tasmiṃ bhavavisese purimasiddhabhavapatthanūpanissayavasena sarīrāvayavavaṇṇasaṇṭhānappamāṇādivisesā viya taṃtaṃgatinikāyādīsu yebhuyyena niyataparicchedo gabbhaseyyakakāmāvacaradevarūpāvacarasattānaṃ sukkasoṇitautubhojanādiutuādipaccuppannapaccayūpatthambhito vipākappabandhassa ṭhitikālaniyamo. So yathāsakaṃ khaṇamattāvaṭṭhāyīnampi attano sahajātānaṃ rūpārūpadhammānaṃ ṭhapanākāravuttitāya pavattanakāni rūpārūpajīvitindriyāni yasmā na kevalaṃ tesaṃ khaṇaṭhitiyā eva kāraṇabhāvena anupālakāni, atha kho yāva bhavaṅgupacchedā anupabandhassa avicchedahetubhāvenapi, tasmā āyuhetukattā kāraṇūpacārena āyu, ukkaṃsaparicchedavasena paramāyūti ca vuccati. Taṃ pana devānaṃ nerayikānaṃ uttarakurukānañca niyataparicchedaṃ. Uttarakurukānaṃ pana ekantaniyataparicchedameva, avasiṭṭhamanussapetatiracchānānaṃ pana ciraṭṭhitisaṃvattanikakammabahule kāle taṃkammasahitasantānajanitasukkasoṇitapaccayānaṃ taṃmūlakānañca candasūriyasamavisamaparivattanādijanitautuāhārādisamavisamapaccayānañca vasena cirācirakālato aniyataparicchedaṃ, tassa ca yathā purimasiddhabhavapatthanāvasena taṃtaṃgatinikāyādīsu vaṇṇasaṇṭhānādivisesaniyamo siddho dassanānussavādīhi, tathā ādito gahaṇasiddhiyā. Evaṃ tāsu tāsu upapattīsu nibbattasattānaṃ yebhuyyena samappamāṇaṭṭhitikālaṃ dassanānussavehi labhitvā taṃparamataṃ ajjhosāya pavattitabhavapatthanāvasena ādito paricchedaniyamo veditabbo. Yasmā pana kammaṃ tāsu tāsu upapattīsu yathā taṃtaṃupapattiniyatavaṇṇādinibbattane samatthaṃ, evaṃ niyatāyuparicchedāsu upapattīsu paricchedātikkamena vipākanibbattane samatthaṃ na hoti, tasmā vuttaṃ ‘‘tasmiṃ tasmiṃ kāle yaṃ manussānaṃ āyuppamāṇaṃ, taṃ paripuṇṇaṃ karonto tiṭṭheyyā’’ti.
махаасийвад̇т̇зро бана ‘‘махааб̣од̇хисад̇д̇аанам̣ жаримабхавз бадисанд̇хид̣̇ааяино гаммасса асан̇кязяяааяугад̇аасам̣вад̇д̇анасамад̇т̇ад̇ам̣ хад̣̇аяз табзд̇ваа б̣уд̣̇д̇хаанан̃жа ааяусан̇каарасса бариссаяавигкамбханасамад̇т̇ад̇аа баал̣ияам̣ ааг̇ад̇аа зваад̇и имам̣ бхад̣̇д̣̇агаббамзва д̇идтзяяаа’’д̇и авожа. кан̣д̣ижжаад̣̇ийхи абхибхуяяад̇ийд̇и зд̇зна яат̇аа ид̣̇д̇хиб̣алзна ж̇арааяа на бадигхаад̇о, звам̣ д̇зна маран̣ассаби на бадигхаад̇од̇и ад̇т̇ад̇о аабаннамзваад̇и. ‘‘гва саро кид̇д̇о, гва жа нибад̇ид̇о’’д̇и ан̃н̃ат̇аа вудтид̇знаби т̇зраваад̣̇зна адтагат̇ааважанамзва самад̇т̇ид̇анд̇и д̣̇адтаб̣б̣ам̣. д̇знааха ‘‘яо бана вужжад̇и…бз… нияаамид̇а’’нд̇и.
Mahāsīvatthero pana ‘‘mahābodhisattānaṃ carimabhave paṭisandhidāyino kammassa asaṅkhyeyyāyukatāsaṃvattanasamatthataṃ hadaye ṭhapetvā buddhānañca āyusaṅkhārassa parissayavikkhambhanasamatthatā pāḷiyaṃ āgatā evāti imaṃ bhaddakappameva tiṭṭheyyā’’ti avoca. Khaṇḍiccādīhi abhibhuyyatīti etena yathā iddhibalena jarāya na paṭighāto, evaṃ tena maraṇassapi na paṭighātoti atthato āpannamevāti. ‘‘Kva saro khitto, kva ca nipatito’’ti aññathā vuṭṭhitenapi theravādena aṭṭhakathāvacanameva samatthitanti daṭṭhabbaṃ. Tenāha ‘‘yo pana vuccati…pe… niyāmita’’nti.
ол̣ааригз нимид̇д̇зд̇и т̇уулз сан̃н̃уббаад̣̇анз. т̇ууласан̃н̃уббаад̣̇анан̃хзд̇ам̣ ‘‘д̇идтад̇у бхаг̇аваа габба’’нд̇и сагалам̣ габбам̣ авадтаанаяаажанааяа, яад̣̇ид̣̇ам̣ ‘‘яасса гассажи, аананд̣̇а, жад̇д̇ааро ид̣̇д̇хибаад̣̇аа бхаавид̇аа’’д̇иаад̣̇инаа ан̃н̃аабад̣̇зсзна ад̇д̇ано жад̇урид̣̇д̇хибаад̣̇абхааванаанубхаавзна габбам̣ авадтаанасамад̇т̇ад̇аавибхааванам̣. обхаасзд̇и баагадаважанз. баагадаважанан̃хзд̇ам̣, яад̣̇ид̣̇ам̣ барияааяам̣ мун̃жид̇ваа уж̇угамзва ад̇д̇ано ад̇хиббааяавибхааванам̣. барияудтид̇ажид̇д̇од̇и яат̇аа гин̃жи ад̇т̇аанад̇т̇ам̣ саллагкзд̇ум̣ на саггаа, звам̣ абхибхууд̇ажид̇д̇о. со бана абхибхаво махад̇аа уд̣̇агогхзна аббагасса уд̣̇агасса аж̇жход̇т̇аран̣ам̣ вияа ахосийд̇и вуд̇д̇ам̣ ‘‘аж̇жход̇т̇адажид̇д̇о’’д̇и. ан̃н̃од̇и т̇зрад̇о, ариязхи ваа ан̃н̃оби яо гожи бут̇уж̇ж̇ано. бут̇уж̇ж̇анаг̇г̇ахан̣ан̃жзд̇т̇а яат̇аа саб̣б̣зна саб̣б̣ам̣ аббахийнавибаллаасо маарзна барияудтид̇ажид̇д̇о гин̃жи ад̇т̇аанад̇т̇ам̣ саллагкзд̇ум̣ на саггод̇и, звам̣ т̇зро бхаг̇авад̇аа гад̇анимид̇д̇обхаасам̣ саб̣б̣асо на саллагкзсийд̇и д̣̇ассанад̇т̇ам̣. д̇знааха ‘‘мааро хий’’д̇иаад̣̇и.
Oḷārike nimitteti thūle saññuppādane. Thūlasaññuppādanañhetaṃ ‘‘tiṭṭhatu bhagavā kappa’’nti sakalaṃ kappaṃ avaṭṭhānayācanāya, yadidaṃ ‘‘yassa kassaci, ānanda, cattāro iddhipādā bhāvitā’’tiādinā aññāpadesena attano caturiddhipādabhāvanānubhāvena kappaṃ avaṭṭhānasamatthatāvibhāvanaṃ. Obhāseti pākaṭavacane. Pākaṭavacanañhetaṃ, yadidaṃ pariyāyaṃ muñcitvā ujukameva attano adhippāyavibhāvanaṃ. Pariyuṭṭhitacittoti yathā kiñci atthānatthaṃ sallakkhetuṃ na sakkā, evaṃ abhibhūtacitto. So pana abhibhavo mahatā udakoghena appakassa udakassa ajjhottharaṇaṃ viya ahosīti vuttaṃ ‘‘ajjhotthaṭacitto’’ti. Aññoti therato, ariyehi vā aññopi yo koci puthujjano. Puthujjanaggahaṇañcettha yathā sabbena sabbaṃ appahīnavipallāso mārena pariyuṭṭhitacitto kiñci atthānatthaṃ sallakkhetuṃ na sakkoti, evaṃ thero bhagavatā katanimittobhāsaṃ sabbaso na sallakkhesīti dassanatthaṃ. Tenāha ‘‘māro hī’’tiādi.
жад̇д̇ааро вибаллаасаад̇и асубхз ‘‘субха’’нд̇и сан̃н̃аавибаллаасо, жид̇д̇авибаллаасо, д̣̇угкз ‘‘сука’’нд̇и сан̃н̃аавибаллаасо, жид̇д̇авибаллаасод̇и имз жад̇д̇ааро вибаллаасаа. д̇знаад̇и яад̣̇иби ид̇арз адта вибаллаасаа бахийнаа, д̇ат̇ааби яат̇аавуд̇д̇аанам̣ жад̇уннам̣ вибаллаасаанам̣ аббахийнабхаавзна. ассаад̇и т̇зрасса. мад̣̇д̣̇ад̇ийд̇и пусанамад̇д̇зна мад̣̇д̣̇анд̇о вияа ход̇и, ан̃н̃ат̇аа д̇зна мад̣̇д̣̇ид̇з сад̇д̇аанам̣ маран̣амзва сияаа. гим̣ сагкиссад̇и, на сагкиссад̇ийд̇и ад̇хиббааяо. гасмаа на сагкиссад̇и, нану зса аг̇г̇асаавагасса гужчим̣ бавидтод̇и? сажжам̣ бавидто, д̇ан̃жа ко ад̇д̇ано аанубхаавад̣̇ассанад̇т̇ам̣, на виб̣аад̇ханаад̇хиббааязна. виб̣аад̇ханаад̇хиббааязна бана ид̇ха ‘‘гим̣ сагкиссад̇ий’’д̇и вуд̇д̇ам̣ хад̣̇аяамад̣̇д̣̇анасса ад̇хигад̇ад̇д̇аа. нимид̇д̇обхаасанд̇и зд̇т̇а ‘‘д̇идтад̇у бхаг̇аваа габба’’нд̇и сагалагаббам̣ авадтаанаяаажанааяа ‘‘яасса гассажи, аананд̣̇а, жад̇д̇ааро ид̣̇д̇хибаад̣̇аа бхаавид̇аа’’д̇иаад̣̇инаа ан̃н̃аабад̣̇зсзна ад̇д̇ано жад̇урид̣̇д̇хибаад̣̇абхааванаанубхаавзна габбам̣ авадтаанасамад̇т̇ад̇аавасзна сан̃н̃уббаад̣̇анам̣ нимид̇д̇ам̣. д̇ат̇аа бана барияааяам̣ мун̃жид̇ваа уж̇угамзва ад̇д̇ано ад̇хиббааяавибхааванам̣ обхаасо. ж̇аананд̇оязваад̇и маарзна барияудтид̇абхаавам̣ ж̇аананд̇оязва. ад̇д̇ано абараад̇хахзд̇уд̇о сад̇д̇аанам̣ сого д̇ануго ход̇и, на б̣алаваад̇и ааха ‘‘д̣̇осааробанзна согад̇анугаран̣ад̇т̇а’’нд̇и. гим̣ бана т̇зро маарзна барияудтид̇ажид̇д̇агаалз бавад̇д̇им̣ бажчаа ж̇аанаад̇ийд̇и? на ж̇аанаад̇и сабхаавзна, б̣уд̣̇д̇хаанубхаавзна бана ж̇аанаад̇и.
Cattārovipallāsāti asubhe ‘‘subha’’nti saññāvipallāso, cittavipallāso, dukkhe ‘‘sukha’’nti saññāvipallāso, cittavipallāsoti ime cattāro vipallāsā. Tenāti yadipi itare aṭṭha vipallāsā pahīnā, tathāpi yathāvuttānaṃ catunnaṃ vipallāsānaṃ appahīnabhāvena. Assāti therassa. Maddatīti phusanamattena maddanto viya hoti, aññathā tena maddite sattānaṃ maraṇameva siyā. Kiṃ sakkhissati, na sakkhissatīti adhippāyo. Kasmā na sakkhissati, nanu esa aggasāvakassa kucchiṃ paviṭṭhoti? Saccaṃ paviṭṭho, tañca kho attano ānubhāvadassanatthaṃ, na vibādhanādhippāyena. Vibādhanādhippāyena pana idha ‘‘kiṃ sakkhissatī’’ti vuttaṃ hadayamaddanassa adhikatattā. Nimittobhāsanti ettha ‘‘tiṭṭhatu bhagavā kappa’’nti sakalakappaṃ avaṭṭhānayācanāya ‘‘yassa kassaci, ānanda, cattāro iddhipādā bhāvitā’’tiādinā aññāpadesena attano caturiddhipādabhāvanānubhāvena kappaṃ avaṭṭhānasamatthatāvasena saññuppādanaṃ nimittaṃ. Tathā pana pariyāyaṃ muñcitvā ujukameva attano adhippāyavibhāvanaṃ obhāso. Jānantoyevāti mārena pariyuṭṭhitabhāvaṃ jānantoyeva. Attano aparādhahetuto sattānaṃ soko tanuko hoti, na balavāti āha ‘‘dosāropanena sokatanukaraṇattha’’nti. Kiṃ pana thero mārena pariyuṭṭhitacittakāle pavattiṃ pacchā jānātīti? Na jānāti sabhāvena, buddhānubhāvena pana jānāti.
г̇ажча д̇вам̣, аананд̣̇аад̇и яасмаа д̣̇иваавихаарад̇т̇ааяа ид̇хааг̇ад̇о, д̇асмаа, аананд̣̇а, г̇ажча д̇вам̣ яат̇ааружид̇адтаанам̣ д̣̇иваавихаарааяа. д̇знааха ‘‘яассад̣̇аани гаалам̣ ман̃н̃асий’’д̇и. анад̇т̇з нияож̇знд̇о г̇ун̣амааран̣зна маарзд̇и, вирааг̇авиб̣анд̇ханзна ваа ж̇аад̇инимид̇д̇ад̇ааяа д̇ад̇т̇а д̇ад̇т̇а ж̇аад̇ам̣ маарзнд̇о вияа ход̇ийд̇и ‘‘маарзд̇ийд̇и мааро’’д̇и вуд̇д̇ам̣. ад̇и вияа баабад̇ааяа баабимаа. ган̣хад̇хаммзхи саманнааг̇ад̇о ган̣хо. вирааг̇аад̣̇иг̇ун̣аанам̣ анд̇агаран̣ад̇о анд̇аго. сад̇д̇аанам̣ анад̇т̇аавахам̣ бадибад̇д̇им̣ на мун̃жад̇ийд̇и намужи. ад̇д̇ано маарабаасзна бамад̇д̇з б̣анд̇хад̇и, бамад̇д̇аа ваа б̣анд̇хуу зд̇ассаад̇и бамад̇д̇аб̣анд̇ху. сад̇д̇амасад̇д̇аахад̇о барам̣ сад̇д̇а ахаани санд̇хааяааха ‘‘адтамз сад̇д̇аахз’’д̇и на бана баллан̇гасад̇д̇аахаад̣̇и вияа нияад̇агижжасса адтамасад̇д̇аахасса наама лаб̣бханад̇о. сад̇д̇амасад̇д̇аахасса хи барад̇о аж̇абааланиг̇род̇хамуулз махааб̣рахмуно саггасса жа д̣̇зваран̃н̃о бадин̃н̃аад̇ад̇хаммад̣̇зсанам̣ бхаг̇аванд̇ам̣ н̃ад̇ваа ‘‘ид̣̇аани сад̇д̇з д̇хаммад̣̇зсанааяа мама висаяам̣ самад̇иггамаабзссад̇ий’’д̇и сан̃ж̇аад̇ад̣̇оманассо худ̇ваа тид̇о жинд̇зси – ‘‘ханд̣̇а д̣̇аанаахам̣ нам̣ убааязна бариниб̣б̣аабзссаами, звамасса манорат̇о ан̃н̃ат̇ад̇д̇ам̣ г̇амиссад̇и, мама жа манорат̇о иж̇жхиссад̇ий’’д̇и. звам̣ бана жинд̇зд̇ваа бхаг̇аванд̇ам̣ убасан̇гамид̇ваа згаманд̇ам̣ тид̇о ‘‘бариниб̣б̣аад̇у д̣̇аани, бханд̇з, бхаг̇аваа’’д̇иаад̣̇инаа бариниб̣б̣аанам̣ яаажи. д̇ам̣ санд̇хааяа вуд̇д̇ам̣ ‘‘адтамз сад̇д̇аахз’’д̇иаад̣̇и. д̇ад̇т̇а аж̇ж̇аад̇и ааяусан̇каароссаж̇ж̇анад̣̇ивасам̣ санд̇хааяааха. бхаг̇аваа жасса ад̇иб̣анд̇ханаад̇хиббааяам̣ ж̇аананд̇оби д̇ам̣ анаавигад̇ваа бариниб̣б̣аанасса агаалабхаавамзва багаасзнд̇о яаажанам̣ бадигкиби. д̇знааха ‘‘на д̇аавааха’’нд̇иаад̣̇и.
Gaccha tvaṃ, ānandāti yasmā divāvihāratthāya idhāgato, tasmā, ānanda, gaccha tvaṃ yathārucitaṭṭhānaṃ divāvihārāya. Tenāha ‘‘yassadāni kālaṃ maññasī’’ti. Anatthe niyojento guṇamāraṇena māreti, virāgavibandhanena vā jātinimittatāya tattha tattha jātaṃ mārento viya hotīti ‘‘māretīti māro’’ti vuttaṃ. Ati viya pāpatāya pāpimā. Kaṇhadhammehi samannāgato kaṇho. Virāgādiguṇānaṃ antakaraṇato antako. Sattānaṃ anatthāvahaṃ paṭipattiṃ na muñcatīti namuci. Attano mārapāsena pamatte bandhati, pamattā vā bandhū etassāti pamattabandhu. Sattamasattāhato paraṃ satta ahāni sandhāyāha ‘‘aṭṭhame sattāhe’’ti na pana pallaṅkasattāhādi viya niyatakiccassa aṭṭhamasattāhassa nāma labbhanato. Sattamasattāhassa hi parato ajapālanigrodhamūle mahābrahmuno sakkassa ca devarañño paṭiññātadhammadesanaṃ bhagavantaṃ ñatvā ‘‘idāni satte dhammadesanāya mama visayaṃ samatikkamāpessatī’’ti sañjātadomanasso hutvā ṭhito cintesi – ‘‘handa dānāhaṃ naṃ upāyena parinibbāpessāmi, evamassa manoratho aññathattaṃ gamissati, mama ca manoratho ijjhissatī’’ti. Evaṃ pana cintetvā bhagavantaṃ upasaṅkamitvā ekamantaṃ ṭhito ‘‘parinibbātu dāni, bhante, bhagavā’’tiādinā parinibbānaṃ yāci. Taṃ sandhāya vuttaṃ ‘‘aṭṭhame sattāhe’’tiādi. Tattha ajjāti āyusaṅkhārossajjanadivasaṃ sandhāyāha. Bhagavā cassa atibandhanādhippāyaṃ jānantopi taṃ anāvikatvā parinibbānassa akālabhāvameva pakāsento yācanaṃ paṭikkhipi. Tenāha ‘‘na tāvāha’’ntiādi.
маг̇г̇авасзна б̣яад̇д̇аад̇и сажжасамбадивзд̇хавзяяад̇д̇иязна б̣яад̇д̇аа. д̇ат̇зва винийд̇аад̇и маг̇г̇авасзнзва гилзсаанам̣ самужчзд̣̇авинаязна винийд̇аа. д̇ат̇аа висаарад̣̇аад̇и арияамаг̇г̇аад̇хиг̇амзнзва сад̇т̇усаасанз взсаараж̇ж̇аббад̇д̇ияаа висаарад̣̇аа, саараж̇ж̇агараанам̣ д̣̇идтивижигижчаад̣̇ибаабад̇хаммаанам̣ виг̇амзна висаарад̣̇абхаавам̣ бад̇д̇аад̇и ад̇т̇о. яасса суд̇асса васзна ваддад̣̇угкад̇о ниссаран̣ам̣ самбхавад̇и, д̇ам̣ ид̇ха уггадтанид̣̇д̣̇зсзна суд̇анд̇и ад̇хиббзд̇анд̇и ааха ‘‘д̇збидагавасзнаа’’д̇и. д̇ин̣н̣ам̣ бидагаанам̣ самуухо д̇збидагам̣ , д̇ийн̣и ваа бидагаани д̇ибидагам̣, д̇ибидагамзва д̇збидагам̣, д̇асса васзна. д̇амзваад̇и яам̣ д̇ам̣ д̇збидагам̣ сод̇аб̣б̣абхаавзна ‘‘суд̇а’’нд̇и вуд̇д̇ам̣, д̇амзва. д̇хамманд̇и барияад̇д̇ид̇хаммам̣. д̇хаарзнд̇ийд̇и суван̣н̣абхааж̇анз багкид̇д̇асийхавасам̣ вияа авинассанд̇ам̣ гад̇ваа суббаг̇ун̣асуббавад̇д̇ибхаавзна д̇хаарзнд̇и хад̣̇аяз табзнд̇и. ид̇и барияад̇д̇ид̇хаммавасзна б̣ахуссуд̇ад̇хаммад̇харабхаавам̣ д̣̇ассзд̇ваа ид̣̇аани бадивзд̇хад̇хаммавасзнаби д̇ам̣ д̣̇ассзд̇ум̣ ‘‘ат̇а ваа’’д̇иаад̣̇и вуд̇д̇ам̣. арияад̇хаммассаад̇и маг̇г̇апалад̇хаммасса, нававид̇хассаби ваа логуд̇д̇арад̇хаммасса. ануд̇хаммабхууд̇анд̇и ад̇хиг̇амааяа ануруубад̇хаммабхууд̇ам̣. анужчавигаббадибад̣̇анд̇и жа д̇амзва вибассанаад̇хаммамааха, чаб̣б̣ид̇хаа висуд̣̇д̇хияо ваа. ануд̇хамманд̇и д̇ассаа яат̇аавуд̇д̇аббадибад̣̇ааяа ануруубам̣ абхисаллзкид̇ам̣ аббичад̇аад̣̇ид̇хаммам̣. жаран̣асийлаад̇и самаад̣̇ааяа вад̇д̇анасийлаа. анумаг̇г̇апалад̇хаммо зд̇иссаад̇и ваа ануд̇хаммаа, вудтаанаг̇ааминий вибассанаа. д̇ассаа жаран̣асийлаа. ад̇д̇ано аажарияаваад̣̇анд̇и ад̇д̇ано аажарияасса саммаасамб̣уд̣̇д̇хасса ваад̣̇ам̣. сад̣̇звагасса логасса аажаарасигкаабанзна аажарияо, бхаг̇аваа, д̇асса ваад̣̇о, жад̇усажжад̣̇зсанаа.
Maggavasena byattāti saccasampaṭivedhaveyyattiyena byattā. Tatheva vinītāti maggavaseneva kilesānaṃ samucchedavinayena vinītā. Tathā visāradāti ariyamaggādhigameneva satthusāsane vesārajjappattiyā visāradā, sārajjakarānaṃ diṭṭhivicikicchādipāpadhammānaṃ vigamena visāradabhāvaṃ pattāti attho. Yassa sutassa vasena vaṭṭadukkhato nissaraṇaṃ sambhavati, taṃ idha ukkaṭṭhaniddesena sutanti adhippetanti āha ‘‘tepiṭakavasenā’’ti. Tiṇṇaṃ piṭakānaṃ samūho tepiṭakaṃ, tīṇi vā piṭakāni tipiṭakaṃ, tipiṭakameva tepiṭakaṃ, tassa vasena. Tamevāti yaṃ taṃ tepiṭakaṃ sotabbabhāvena ‘‘suta’’nti vuttaṃ, tameva. Dhammanti pariyattidhammaṃ. Dhārentīti suvaṇṇabhājane pakkhittasīhavasaṃ viya avinassantaṃ katvā suppaguṇasuppavattibhāvena dhārenti hadaye ṭhapenti. Iti pariyattidhammavasena bahussutadhammadharabhāvaṃ dassetvā idāni paṭivedhadhammavasenapi taṃ dassetuṃ ‘‘atha vā’’tiādi vuttaṃ. Ariyadhammassāti maggaphaladhammassa, navavidhassapi vā lokuttaradhammassa. Anudhammabhūtanti adhigamāya anurūpadhammabhūtaṃ. Anucchavikappaṭipadanti ca tameva vipassanādhammamāha, chabbidhā visuddhiyo vā. Anudhammanti tassā yathāvuttappaṭipadāya anurūpaṃ abhisallekhitaṃ appichatādidhammaṃ. Caraṇasīlāti samādāya vattanasīlā. Anumaggaphaladhammo etissāti vā anudhammā, vuṭṭhānagāminī vipassanā. Tassā caraṇasīlā. Attano ācariyavādanti attano ācariyassa sammāsambuddhassa vādaṃ. Sadevakassa lokassa ācārasikkhāpanena ācariyo, bhagavā, tassa vādo, catusaccadesanā.
аажигкиссанд̇ийд̇и аад̣̇ид̇о гат̇зссанд̇и, ад̇д̇анаа уг̇г̇ахид̇анияаамзна барз уг̇г̇ан̣хаабзссанд̇ийд̇и ад̇т̇о. д̣̇зсзссанд̇ийд̇и ваажзссанд̇и, баал̣им̣ саммаа баб̣од̇хзссанд̇ийд̇и ад̇т̇о. бан̃н̃абзссанд̇ийд̇и баж̇аанаабзссанд̇и, сан̇гаасзссанд̇ийд̇и ад̇т̇о. бадтабзссанд̇ийд̇и багаарзхи табзссанд̇и, багаасзссанд̇ийд̇и ад̇т̇о. вивариссанд̇ийд̇и вивадам̣ гариссанд̇и. вибхаж̇иссанд̇ийд̇и вибхад̇д̇ам̣ гариссанд̇и. уд̇д̇аанийгариссанд̇ийд̇и ануд̇д̇аанам̣ г̇амбхийрам̣ уд̇д̇аанам̣ баагадам̣ гариссанд̇и. сахад̇хаммзнаад̇и зд̇т̇а д̇хамма-сад̣̇д̣̇о гааран̣абарияааяо ‘‘хзд̇умхи н̃аан̣ам̣ д̇хаммабадисамбхид̣̇аа’’д̇иаад̣̇ийсу (вибха. 720) вияаад̇и ааха ‘‘сахзд̇угзна сагааран̣зна важанзнаа’’д̇и. саббаадихаарияанд̇и саниссаран̣ам̣. яат̇аа бараваад̣̇ам̣ бхан̃ж̇ид̇ваа сагаваад̣̇о бад̇идтахад̇и, звам̣ хзд̇уд̣̇аахаран̣зхи яат̇аад̇хиг̇ад̇амад̇т̇ам̣ самбаад̣̇зд̇ваа д̇хаммам̣ гат̇зссанд̇и. д̇знааха ‘‘нияяаанигам̣ гад̇ваа д̇хаммам̣ д̣̇зсзссанд̇ий’’д̇и, нававид̇хам̣ логуд̇д̇арад̇хаммам̣ баб̣од̇хзссанд̇ийд̇и ад̇т̇о. зд̇т̇а жа ‘‘бан̃н̃абзссанд̇ий’’д̇иаад̣̇ийхи чахи бад̣̇зхи ча ад̇т̇абад̣̇аани д̣̇ассид̇аани, аад̣̇ид̇о бана д̣̇вийхи бад̣̇зхи ча б̣яан̃ж̇анабад̣̇аани. зд̇д̇аавад̇аа д̇збидагам̣ б̣уд̣̇д̇хаважанам̣ сам̣ван̣н̣анаанаязна сан̇г̇ахзд̇ваа д̣̇ассид̇ам̣ ход̇и. вуд̇д̇ан̃хзд̇ам̣ нзд̇д̇ияам̣ (нзд̇д̇и. сан̇г̇ахавааро) ‘‘д̣̇ваад̣̇аса бад̣̇аани суд̇д̇ам̣, д̇ам̣ саб̣б̣ам̣ б̣яан̃ж̇анан̃жа ад̇т̇о жаа’’д̇и.
Ācikkhissantīti ādito kathessanti, attanā uggahitaniyāmena pare uggaṇhāpessantīti attho. Desessantīti vācessanti, pāḷiṃ sammā pabodhessantīti attho. Paññapessantīti pajānāpessanti, saṅkāsessantīti attho. Paṭṭhapessantīti pakārehi ṭhapessanti, pakāsessantīti attho. Vivarissantīti vivaṭaṃ karissanti. Vibhajissantīti vibhattaṃ karissanti. Uttānīkarissantīti anuttānaṃ gambhīraṃ uttānaṃ pākaṭaṃ karissanti. Sahadhammenāti ettha dhamma-saddo kāraṇapariyāyo ‘‘hetumhi ñāṇaṃ dhammapaṭisambhidā’’tiādīsu (vibha. 720) viyāti āha ‘‘sahetukena sakāraṇena vacanenā’’ti. Sappāṭihāriyanti sanissaraṇaṃ. Yathā paravādaṃ bhañjitvā sakavādo patiṭṭhahati, evaṃ hetudāharaṇehi yathādhigatamatthaṃ sampādetvā dhammaṃ kathessanti. Tenāha ‘‘niyyānikaṃ katvā dhammaṃ desessantī’’ti, navavidhaṃ lokuttaradhammaṃ pabodhessantīti attho. Ettha ca ‘‘paññapessantī’’tiādīhi chahi padehi cha atthapadāni dassitāni, ādito pana dvīhi padehi cha byañjanapadāni. Ettāvatā tepiṭakaṃ buddhavacanaṃ saṃvaṇṇanānayena saṅgahetvā dassitaṃ hoti. Vuttañhetaṃ nettiyaṃ (netti. saṅgahavāro) ‘‘dvādasa padāni suttaṃ, taṃ sabbaṃ byañjanañca attho cā’’ti.
сигкаад̇д̇аяасан̇г̇ахид̇анд̇и ад̇хисийласигкаад̣̇исигкаад̇д̇аяасан̇г̇ахам̣. сагалам̣ саасанаб̣рахмажарияанд̇и анавасзсам̣ сад̇т̇усаасанабхууд̇ам̣ сздтажарияам̣. самид̣̇д̇ханд̇и саммад̣̇зва вад̣дхид̇ам̣. жхаанассаад̣̇авасзнаад̇и д̇зхи д̇зхи бхигкуухи самад̇хиг̇ад̇аж̇жхаанасукавасзна. вуд̣̇д̇хиббад̇д̇анд̇и ул̣аарабан̣ийд̇абхаавуубаг̇амзна саб̣б̣асо баривуд̣̇д̇химубаг̇ад̇ам̣. саб̣б̣абаалипуллам̣ вияа абхин̃н̃аасамбад̇д̇ивасзна абхин̃н̃аасамбад̣̇аахи саасанаабхивуд̣̇д̇хияаа мад̇т̇агаббад̇д̇ид̇о. бад̇идтид̇авасзнаад̇и бад̇идтаанавасзна, бад̇идтаббад̇д̇ияаад̇и ад̇т̇о. бадивзд̇хавасзна б̣ахуно ж̇анасса хид̇анд̇и б̣аахуж̇ан̃н̃ам̣. д̇знааха ‘‘махааж̇анаабхисамаяавасзнаа’’д̇и. бут̇у бут̇улам̣ бхууд̇ам̣ ж̇аад̇ам̣, бут̇у ваа бут̇уд̇д̇ам̣ бад̇д̇анд̇и бут̇убхууд̇ам̣. д̇знааха ‘‘саб̣б̣аа…бз... бад̇д̇а’’нд̇и. судту багаасид̇анд̇и судту саммад̣̇зва аад̣̇игаляаан̣аад̣̇ибхаавзна бавзд̣̇ид̇ам̣.
Sikkhāttayasaṅgahitanti adhisīlasikkhādisikkhāttayasaṅgahaṃ. Sakalaṃ sāsanabrahmacariyanti anavasesaṃ satthusāsanabhūtaṃ seṭṭhacariyaṃ. Samiddhanti sammadeva vaḍḍhitaṃ. Jhānassādavasenāti tehi tehi bhikkhūhi samadhigatajjhānasukhavasena. Vuddhippattanti uḷārapaṇītabhāvūpagamena sabbaso parivuddhimupagataṃ. Sabbapāliphullaṃ viya abhiññāsampattivasena abhiññāsampadāhi sāsanābhivuddhiyā matthakappattito. Patiṭṭhitavasenāti patiṭṭhānavasena, patiṭṭhappattiyāti attho. Paṭivedhavasena bahuno janassa hitanti bāhujaññaṃ. Tenāha ‘‘mahājanābhisamayavasenā’’ti. Puthu puthulaṃ bhūtaṃ jātaṃ, puthu vā puthuttaṃ pattanti puthubhūtaṃ. Tenāha ‘‘sabbā…pe... patta’’nti. Suṭṭhu pakāsitanti suṭṭhu sammadeva ādikalyāṇādibhāvena paveditaṃ.
сад̇им̣ суубадтид̇ам̣ гад̇ваад̇и аяам̣ гааяаад̣̇ивибхааг̇о ад̇д̇абхаавасан̃н̃ид̇о д̣̇угкабхааро маяаа зд̇д̇агам̣ гаалам̣ вахид̇о, ид̣̇аани бана на вахид̇аб̣б̣о, зд̇асса аваханад̇т̇ан̃хи жирад̇арам̣ гаалам̣ арияамаг̇г̇асамбхааро самбхад̇о, свааяам̣ арияамаг̇г̇о бадивид̣̇д̇хо. яад̇о имз гааяаад̣̇аяо асубхаад̣̇ид̇о сабхааваад̣̇ид̇о саммад̣̇зва барин̃н̃аад̇аад̇и жад̇уб̣б̣ид̇хамби саммаасад̇им̣ яад̇аад̇ат̇ам̣ висаяз судту убадтид̇ам̣ гад̇ваа. н̃аан̣зна барижчинд̣̇ид̇ваад̇и имасса ад̇д̇абхаавасан̃н̃ид̇асса д̣̇угкабхаарасса ваханз баяож̇анабхууд̇ам̣ ад̇д̇ахид̇ам̣ д̇аава б̣од̇химуулз зва барисамаабид̇ам̣, барахид̇ам̣ бана б̣уд̣̇д̇хавзнзяяавинаяам̣ барисамаабид̇аб̣б̣ам̣, д̇ам̣ ид̣̇аани маасад̇д̇аязнзва барисамаабанам̣ баабун̣иссад̇и, ахамби висаакаабун̣н̣амааяам̣ бариниб̣б̣ааяиссаамийд̇и звам̣ б̣уд̣̇д̇хан̃аан̣зна барижчинд̣̇ид̇ваа саб̣б̣абхааг̇зна нижчаяам̣ гад̇ваа. ааяусан̇каарам̣ виссаж̇ж̇ийд̇и ааяуно ж̇ийвид̇асса абхисан̇каарагам̣ паласамаабад̇д̇ид̇хаммам̣ на самаабаж̇ж̇иссаамийд̇и виссаж̇ж̇и. д̇ам̣виссаж̇ж̇анзнзва д̇зна абхисан̇карияамаанам̣ ж̇ийвид̇асан̇каарам̣ ‘‘на бавад̇д̇зссаамий’’д̇и виссаж̇ж̇и. д̇знааха ‘‘д̇ад̇т̇аа’’д̇иаад̣̇и.
Satiṃ sūpaṭṭhitaṃ katvāti ayaṃ kāyādivibhāgo attabhāvasaññito dukkhabhāro mayā ettakaṃ kālaṃ vahito, idāni pana na vahitabbo, etassa avahanatthañhi cirataraṃ kālaṃ ariyamaggasambhāro sambhato, svāyaṃ ariyamaggo paṭividdho. Yato ime kāyādayo asubhādito sabhāvādito sammadeva pariññātāti catubbidhampi sammāsatiṃ yatātathaṃ visaye suṭṭhu upaṭṭhitaṃ katvā. Ñāṇena paricchinditvāti imassa attabhāvasaññitassa dukkhabhārassa vahane payojanabhūtaṃ attahitaṃ tāva bodhimūle eva parisamāpitaṃ, parahitaṃ pana buddhaveneyyavinayaṃ parisamāpitabbaṃ, taṃ idāni māsattayeneva parisamāpanaṃ pāpuṇissati, ahampi visākhāpuṇṇamāyaṃ parinibbāyissāmīti evaṃ buddhañāṇena paricchinditvā sabbabhāgena nicchayaṃ katvā. Āyusaṅkhāraṃ vissajjīti āyuno jīvitassa abhisaṅkhārakaṃ phalasamāpattidhammaṃ na samāpajjissāmīti vissajji. Taṃvissajjaneneva tena abhisaṅkhariyamānaṃ jīvitasaṅkhāraṃ ‘‘na pavattessāmī’’ti vissajji. Tenāha ‘‘tatthā’’tiādi.
таанамаханд̇ад̇ааяаби бавад̇д̇иаагаарамаханд̇ад̇ааяаби маханд̇о бат̇авийгамбо. д̇ад̇т̇а таанамаханд̇ад̇ааяа бхуумижааласса маханд̇ад̇д̇ам̣ д̣̇ассзд̇ум̣ ‘‘д̇ад̣̇аа гира…бз… гамбид̇т̇аа’’д̇и вуд̇д̇ам̣. саа бана ж̇аабхигкзд̇д̇абхууд̇аа д̣̇асасахассий логад̇хаад̇у зва, на яаа гаажи. яаа махаабхинийхаарамахаабхиж̇аад̇иаад̣̇ийсуби гамбид̇т̇а, д̇ад̣̇ааби д̇ад̇д̇игааяа зва гамбанз гим̣ гааран̣ам̣? ж̇аад̇игкзд̇д̇абхаавзна д̇ассзва аад̣̇ид̇о бариг̇г̇ахасса гад̇ад̇д̇аа, бариг̇г̇ахагаран̣ам̣ жасса д̇хаммад̇аавасзна взд̣̇ид̇аб̣б̣ам̣. д̇ат̇аа хи буримаб̣уд̣̇д̇хаанамби д̇аавад̇д̇агамзва ж̇аад̇игкзд̇д̇ам̣ ахоси. д̇ат̇аа хи вуд̇д̇ам̣ ‘‘д̣̇асасахассий логад̇хаад̇у, ниссад̣̇д̣̇аа ход̇и нираагулаа…бз… махаасамуд̣̇д̣̇о аабхуж̇ад̇и, д̣̇асасахассий багамбад̇ий’’д̇и (б̣у. вам̣. 2.84-91) жа аад̣̇и. уд̣̇агабарияанд̇ам̣ гад̇ваа чаббагаарабавзд̇ханзна авийд̇арааг̇з бхим̣сзд̇ийд̇и бхим̣сано, со зва бхим̣санагод̇и ааха ‘‘бхаяаж̇анаго’’д̇и. д̣̇звабхзрияод̇и д̣̇звад̣̇унд̣̇убхисад̣̇д̣̇асса барияааяаважанамад̇д̇ам̣. на жзд̇т̇а гаажи бхзрий ‘‘д̣̇унд̣̇убхий’’д̇и ад̇хиббзд̇аа, ат̇а ко уббаад̇абхаавзна лаб̣бхамаано аагаасаг̇ад̇о ниг̇гхосасад̣̇д̣̇о. д̇знааха ‘‘д̣̇зво’’д̇иаад̣̇и. д̣̇звод̇и мзгхо. д̇асса хи г̇аж̇ж̇абхаавзна аагаасасса вассаабхаавзна сугкаг̇аж̇ж̇ид̇асан̃н̃ид̇з сад̣̇д̣̇з нижчаранд̇з д̣̇звад̣̇унд̣̇убхисаман̃н̃аа. д̇знааха ‘‘д̣̇зво сугкаг̇аж̇ж̇ид̇ам̣ г̇аж̇ж̇ий’’д̇и.
Ṭhānamahantatāyapi pavattiākāramahantatāyapi mahanto pathavīkampo. Tattha ṭhānamahantatāya bhūmicālassa mahantattaṃ dassetuṃ ‘‘tadā kira…pe… kampitthā’’ti vuttaṃ. Sā pana jābhikkhettabhūtā dasasahassī lokadhātu eva, na yā kāci. Yā mahābhinīhāramahābhijātiādīsupi kampittha, tadāpi tattikāya eva kampane kiṃ kāraṇaṃ? Jātikkhettabhāvena tasseva ādito pariggahassa katattā, pariggahakaraṇaṃ cassa dhammatāvasena veditabbaṃ. Tathā hi purimabuddhānampi tāvattakameva jātikkhettaṃ ahosi. Tathā hi vuttaṃ ‘‘dasasahassī lokadhātu, nissaddā hoti nirākulā…pe… mahāsamuddo ābhujati, dasasahassī pakampatī’’ti (bu. vaṃ. 2.84-91) ca ādi. Udakapariyantaṃ katvā chappakārapavedhanena avītarāge bhiṃsetīti bhiṃsano, so eva bhiṃsanakoti āha ‘‘bhayajanako’’ti. Devabheriyoti devadundubhisaddassa pariyāyavacanamattaṃ. Na cettha kāci bherī ‘‘dundubhī’’ti adhippetā, atha kho uppātabhāvena labbhamāno ākāsagato nigghosasaddo. Tenāha ‘‘devo’’tiādi. Devoti megho. Tassa hi gajjabhāvena ākāsassa vassābhāvena sukkhagajjitasaññite sadde niccharante devadundubhisamaññā. Tenāha ‘‘devo sukkhagajjitaṃ gajjī’’ti.
бийд̇ивзг̇ависсадтанд̇и ‘‘звам̣ жирад̇арам̣ гаалам̣ вахид̇о аяам̣ ад̇д̇абхаавасан̃н̃ид̇о д̣̇угкабхааро, ид̣̇аани на жирассзва нигкибиссаамий’’д̇и сан̃ж̇аад̇асоманассо бхаг̇аваа сабхаавзнзва бийд̇ивзг̇ависсадтам̣ уд̣̇аанам̣ уд̣̇аанзси. звам̣ бана уд̣̇аанзнд̇зна аяамби ад̇т̇о саад̇хид̇о ход̇ийд̇и д̣̇ассанад̇т̇ам̣ адтагат̇ааяам̣ ‘‘гасмаа’’д̇иаад̣̇и вуд̇д̇ам̣.
Pītivegavissaṭṭhanti ‘‘evaṃ cirataraṃ kālaṃ vahito ayaṃ attabhāvasaññito dukkhabhāro, idāni na cirasseva nikkhipissāmī’’ti sañjātasomanasso bhagavā sabhāveneva pītivegavissaṭṭhaṃ udānaṃ udānesi. Evaṃ pana udānentena ayampi attho sādhito hotīti dassanatthaṃ aṭṭhakathāyaṃ ‘‘kasmā’’tiādi vuttaṃ.
д̇улийяад̇ийд̇и д̇уланд̇и д̇ула-сад̣̇д̣̇о гаммасаад̇ханод̇и д̣̇ассзд̇ум̣ ‘‘д̇улид̇а’’нд̇иаад̣̇и вуд̇д̇ам̣. аббаанубхаавад̇ааяа барижчиннам̣. д̇ат̇аа хи д̇ам̣ барид̇о кан̣д̣ид̇абхаавзна ‘‘барид̇д̇а’’нд̇и вужжад̇и. бадибагкавигкамбханад̇о д̣̇ийгхасанд̇аанад̇ааяа вибулапалад̇ааяа жа на д̇улам̣ на барижчиннам̣. язхи гааран̣зхи буб̣б̣з ависзсад̇о махаг̇г̇ад̇ам̣ ‘‘ад̇ула’’нд̇и вуд̇д̇ам̣, д̇аани гааран̣аани руубааважарад̇о аруубасса саад̇исаяаани виж̇ж̇анд̇ийд̇и аруубааважарам̣ ‘‘ад̇ула’’нд̇и вуд̇д̇ам̣ ид̇аран̃жа ‘‘д̇ула’’нд̇и. аббавибааганд̇и д̇ийсуби гаммзсу яам̣ д̇анувибаагам̣ хийнам̣, д̇ам̣ д̇улам̣. б̣ахувибааганд̇и яам̣ махаавибаагам̣ бан̣ийд̇ам̣, д̇ам̣ ад̇улам̣. яам̣ банзд̇т̇а маж̇жхимам̣, д̇ам̣ хийнам̣ уггадтанд̇и д̣̇вид̇хаа бхинд̣̇ид̇ваа д̣̇вийсуби бхааг̇зсу багкибид̇аб̣б̣ам̣. хийнад̇д̇игаван̣н̣анааяам̣ (д̇ха. са. адта. 14) вуд̇д̇анаязна ваа аббаб̣ахувибаагад̇ам̣ нид̣̇д̇хаарзд̇ваа д̇асса васзна д̇улаад̇улабхааво взд̣̇ид̇аб̣б̣о. самбхавад̇и зд̇асмаад̇и самбхавод̇и ааха ‘‘самбхавахзд̇убхууд̇а’’нд̇и. нияагаж̇жхад̇д̇арад̇од̇и сасанд̇аанад̇хаммзсу вибассанаавасзна г̇ожараасзванааяа жа нирад̇о. савибаагамби самаанам̣ бавад̇д̇ивибаагамад̇д̇ад̣̇ааяигаммам̣ савибаагадтзна самбхавам̣, на жа д̇ам̣ гаамаад̣̇ибхаваабхисан̇каараганд̇и д̇ад̇о висзсанад̇т̇ам̣ ‘‘самбхава’’нд̇и вад̇ваа ‘‘бхавасан̇каара’’нд̇и вуд̇д̇ам̣. оссаж̇ийд̇и арияамаг̇г̇зна авассаж̇и. гаважам̣ вияа ад̇д̇абхаавам̣ барияонанд̇хид̇ваа тид̇ам̣ ад̇д̇ани самбхууд̇ад̇д̇аа ад̇д̇асамбхавам̣ гилзсан̃жа абхинд̣̇ийд̇и гилзсабхзд̣̇асахабхаавигаммоссаж̇ж̇анам̣ д̣̇ассзнд̇о д̇ад̣̇убхаяасса гааран̣амавожа ‘‘аж̇жхад̇д̇арад̇о самаахид̇о’’д̇и.
Tulīyatīti tulanti tula-saddo kammasādhanoti dassetuṃ ‘‘tulita’’ntiādi vuttaṃ. Appānubhāvatāya paricchinnaṃ. Tathā hi taṃ parito khaṇḍitabhāvena ‘‘paritta’’nti vuccati. Paṭipakkhavikkhambhanato dīghasantānatāya vipulaphalatāya ca na tulaṃ na paricchinnaṃ. Yehi kāraṇehi pubbe avisesato mahaggataṃ ‘‘atula’’nti vuttaṃ, tāni kāraṇāni rūpāvacarato arūpassa sātisayāni vijjantīti arūpāvacaraṃ ‘‘atula’’nti vuttaṃ itarañca ‘‘tula’’nti. Appavipākanti tīsupi kammesu yaṃ tanuvipākaṃ hīnaṃ, taṃ tulaṃ. Bahuvipākanti yaṃ mahāvipākaṃ paṇītaṃ, taṃ atulaṃ. Yaṃ panettha majjhimaṃ, taṃ hīnaṃ ukkaṭṭhanti dvidhā bhinditvā dvīsupi bhāgesu pakkhipitabbaṃ. Hīnattikavaṇṇanāyaṃ (dha. sa. aṭṭha. 14) vuttanayena vā appabahuvipākataṃ niddhāretvā tassa vasena tulātulabhāvo veditabbo. Sambhavati etasmāti sambhavoti āha ‘‘sambhavahetubhūta’’nti. Niyakajjhattaratoti sasantānadhammesu vipassanāvasena gocarāsevanāya ca nirato. Savipākampi samānaṃ pavattivipākamattadāyikammaṃ savipākaṭṭhena sambhavaṃ, na ca taṃ kāmādibhavābhisaṅkhārakanti tato visesanatthaṃ ‘‘sambhava’’nti vatvā ‘‘bhavasaṅkhāra’’nti vuttaṃ. Ossajīti ariyamaggena avassaji. Kavacaṃ viya attabhāvaṃ pariyonandhitvā ṭhitaṃ attani sambhūtattā attasambhavaṃ kilesañca abhindīti kilesabhedasahabhāvikammossajjanaṃ dassento tadubhayassa kāraṇamavoca ‘‘ajjhattarato samāhito’’ti.
батамавигаббз авасаж̇ж̇анамзва вуд̇д̇ам̣, зд̇т̇а авасаж̇ж̇анаагаарод̇и д̇ам̣ д̣̇ассзнд̇о ‘‘ат̇а ваа’’д̇иаад̣̇имааха. д̇ад̇т̇а д̇ийрзнд̇од̇и ‘‘уббаад̣̇о бхаяам̣, ануббаад̣̇о кзма’’нд̇иаад̣̇инаа (бади. ма. 1.10) виймам̣санд̇о. ‘‘д̇улзнд̇о д̇ийрзнд̇о’’д̇иаад̣̇инаа сан̇кзбад̇о вуд̇д̇амад̇т̇ам̣ вид̇т̇аарад̇о д̣̇ассзд̇ум̣ ‘‘бан̃жагканд̇хаа’’д̇иаад̣̇им̣ вад̇ваа бхавасан̇каарасса авасаж̇ж̇анаагаарам̣ саруубад̇о д̣̇ассзд̇и. званд̇иаад̣̇инаа бана уд̣̇аанаг̇аат̇ааван̣н̣анааяам̣ аад̣̇ид̇о вуд̇д̇амад̇т̇ам̣ ниг̇амавасзна д̣̇ассзд̇и.
Paṭhamavikappe avasajjanameva vuttaṃ, ettha avasajjanākāroti taṃ dassento ‘‘atha vā’’tiādimāha. Tattha tīrentoti ‘‘uppādo bhayaṃ, anuppādo khema’’ntiādinā (paṭi. ma. 1.10) vīmaṃsanto. ‘‘Tulento tīrento’’tiādinā saṅkhepato vuttamatthaṃ vitthārato dassetuṃ ‘‘pañcakkhandhā’’tiādiṃ vatvā bhavasaṅkhārassa avasajjanākāraṃ sarūpato dasseti. Evantiādinā pana udānagāthāvaṇṇanāyaṃ ādito vuttamatthaṃ nigamavasena dasseti.
яанд̇и (д̣̇ий. ни. дий. 2.171) гаран̣з, ад̇хигаран̣з ваа бажжад̇д̇аважананд̇и ааха ‘‘язна самаязна, яасмим̣ ваа самаяз’’д̇и. угкзбагаваад̇аад̇и уд̣̇агасанд̇хаарагаваад̇ам̣ убажчинд̣̇ид̇ваа тид̇адтаанад̇о кзбагаваад̇аа. садти…бз… б̣ахаланд̇и ид̣̇ам̣ д̇асса ваад̇асса уб̣б̣зд̇хаббамаан̣амзва г̇ахзд̇ваа вуд̇д̇ам̣ , ааяаамавид̇т̇аарад̇о бана д̣̇асасахассажаггаваал̣аббамаан̣ам̣ годисад̇асахассажаггаваал̣аббамаан̣амби уд̣̇агасанд̇хаарагаваад̇ам̣ убажчинд̣̇ад̇иязва. аагаасзд̇и буб̣б̣з ваад̇зна бад̇идтид̇аагаасз. буна ваад̇од̇и угкзбагаваад̇з д̇ат̇аа гад̇ваа виг̇ад̇з уд̣̇агасанд̇хаарагаваад̇о буна ааб̣анд̇хид̇ваа г̇ан̣хаад̇и. яат̇аа д̇ам̣ уд̣̇агам̣ на бхассад̇и, звам̣ убад̇т̇амбхзнд̇ам̣ ааб̣анд̇ханавид̇аанавасзна б̣анд̇хид̇ваа г̇ан̣хаад̇и. д̇ад̇о уд̣̇агам̣ уг̇г̇ажчад̇ийд̇и д̇ад̇о ааб̣анд̇хид̇ваа г̇ахан̣ад̇о д̇зна ваад̇зна удтаабид̇ам̣ уд̣̇агам̣ уг̇г̇ажчад̇и убари г̇ажчад̇и. ход̇иязваад̇и анд̇аранд̇араа ход̇иязва. б̣ахубхаавзнаад̇и махаабат̇авияаа маханд̇абхаавзна. сагалаа хи махаабат̇авий д̇ад̣̇аа ог̇г̇ажчад̇и жа уг̇г̇ажчад̇и жа, д̇асмаа гамбанам̣ на бан̃н̃ааяад̇и.
Yanti (dī. ni. ṭī. 2.171) karaṇe, adhikaraṇe vā paccattavacananti āha ‘‘yena samayena, yasmiṃ vā samaye’’ti. Ukkhepakavātāti udakasandhārakavātaṃ upacchinditvā ṭhitaṭṭhānato khepakavātā. Saṭṭhi…pe… bahalanti idaṃ tassa vātassa ubbedhappamāṇameva gahetvā vuttaṃ , āyāmavitthārato pana dasasahassacakkavāḷappamāṇaṃ koṭisatasahassacakkavāḷappamāṇampi udakasandhārakavātaṃ upacchindatiyeva. Ākāseti pubbe vātena patiṭṭhitākāse. Puna vātoti ukkhepakavāte tathā katvā vigate udakasandhārakavāto puna ābandhitvā gaṇhāti. Yathā taṃ udakaṃ na bhassati, evaṃ upatthambhentaṃ ābandhanavitānavasena bandhitvā gaṇhāti. Tato udakaṃ uggacchatīti tato ābandhitvā gahaṇato tena vātena uṭṭhāpitaṃ udakaṃ uggacchati upari gacchati. Hotiyevāti antarantarā hotiyeva. Bahubhāvenāti mahāpathaviyā mahantabhāvena. Sakalā hi mahāpathavī tadā oggacchati ca uggacchati ca, tasmā kampanaṃ na paññāyati.
иж̇жханассаад̇и ижчид̇ад̇т̇асиж̇жханасса анубхавид̇аб̣б̣асса иссарияасамбад̇д̇иаад̣̇игасса. барид̇д̇аад̇и бадилад̣̇д̇хамад̇д̇аа наад̇исубхаавид̇аа. д̇ат̇аа жа бхааванаа б̣алавад̇ий на ход̇ийд̇и ааха ‘‘д̣̇уб̣б̣алаа’’д̇и. сан̃н̃аасийсзна хи бхааванаа вуд̇д̇аа. аббамаан̣аад̇и баг̇ун̣аа субхаавид̇аа. саа хи т̇ираа д̣̇ал̣хад̇араа ход̇ийд̇и ааха ‘‘б̣алаваа’’д̇и. ‘‘барид̇д̇аа бат̇авийсан̃н̃аа, аббамаан̣аа аабосан̃н̃аа’’д̇и д̣̇зсанаамад̇д̇амзд̇ам̣, аабосан̃н̃ааяа бана субхаавид̇ааяа бат̇авийгамбо сукзнзва иж̇жхад̇ийд̇и аяамзд̇т̇а ад̇хиббааяо взд̣̇ид̇аб̣б̣о. сам̣взж̇знд̇о ваа д̣̇иб̣б̣асамбад̇д̇ияаа бамад̇д̇ам̣ саггам̣ д̣̇зварааж̇аанам̣, виймам̣санд̇о ваа д̇аавад̣̇зва самад̇хиг̇ад̇ам̣ ад̇д̇ано ид̣̇д̇хиб̣алам̣. со гирааяасмаа (д̣̇ий. ни. адта. 2.171) кураг̇г̇з арахад̇д̇ам̣ бад̇ваа жинд̇зси – ‘‘ад̇т̇и ну ко гожи бхигку язна баб̣б̣аж̇ид̇ад̣̇ивасзязва арахад̇д̇ам̣ бад̇ваа взж̇аяанд̇о баасаад̣̇о гамбид̇абуб̣б̣о’’д̇и. д̇ад̇о ‘‘над̇т̇и гожий’’д̇и н̃ад̇ваа ‘‘ахам̣ гамбзссаамий’’д̇и абхин̃н̃ааб̣алзна взж̇аяанд̇амад̇т̇агз тад̇ваа баад̣̇зна бахарид̇ваа гамбзд̇ум̣ наасагки. ат̇а нам̣ саггасса наадагид̇т̇ияо аахам̣су – ‘‘буд̇д̇а сан̇гхарагкид̇а, д̇вам̣ бууд̇иг̇анд̇хзнзва сийсзна взж̇аяанд̇ам̣ гамбзд̇ум̣ ижчаси, суббад̇идтид̇о, д̇аад̇а, баасаад̣̇о, гат̇ам̣ гамбзд̇ум̣ сагкиссасий’’д̇и.
Ijjhanassāti icchitatthasijjhanassa anubhavitabbassa issariyasampattiādikassa. Parittāti paṭiladdhamattā nātisubhāvitā. Tathā ca bhāvanā balavatī na hotīti āha ‘‘dubbalā’’ti. Saññāsīsena hi bhāvanā vuttā. Appamāṇāti paguṇā subhāvitā. Sā hi thirā daḷhatarā hotīti āha ‘‘balavā’’ti. ‘‘Parittā pathavīsaññā, appamāṇā āposaññā’’ti desanāmattametaṃ, āposaññāya pana subhāvitāya pathavīkampo sukheneva ijjhatīti ayamettha adhippāyo veditabbo. Saṃvejento vā dibbasampattiyā pamattaṃ sakkaṃ devarājānaṃ, vīmaṃsanto vā tāvadeva samadhigataṃ attano iddhibalaṃ. So kirāyasmā (dī. ni. aṭṭha. 2.171) khuragge arahattaṃ patvā cintesi – ‘‘atthi nu kho koci bhikkhu yena pabbajitadivaseyeva arahattaṃ patvā vejayanto pāsādo kampitapubbo’’ti. Tato ‘‘natthi kocī’’ti ñatvā ‘‘ahaṃ kampessāmī’’ti abhiññābalena vejayantamatthake ṭhatvā pādena paharitvā kampetuṃ nāsakkhi. Atha naṃ sakkassa nāṭakitthiyo āhaṃsu – ‘‘putta saṅgharakkhita, tvaṃ pūtigandheneva sīsena vejayantaṃ kampetuṃ icchasi, suppatiṭṭhito, tāta, pāsādo, kathaṃ kampetuṃ sakkhissasī’’ti.
сааман̣зро ‘‘имаа д̣̇звад̇аа маяаа сад̣̇д̇хим̣ гзл̣им̣ гаронд̇и, ахам̣ ко бана аажарияам̣ наалад̇т̇ам̣, гахам̣ ну ко мз аажарияо саамуд̣̇д̣̇игамахаанааг̇ад̇т̇зро’’д̇и ааваж̇ж̇зд̇ваа ‘‘махаасамуд̣̇д̣̇з уд̣̇агалзн̣ам̣ маабзд̇ваа д̣̇иваавихаарам̣ нисинно’’д̇и н̃ад̇ваа д̇ад̇т̇а г̇анд̇ваа т̇зрам̣ ванд̣̇ид̇ваа адтааси. д̇ад̇о нам̣ т̇зро, ‘‘д̇аад̇а сан̇гхарагкид̇а, асигкид̇ваава яуд̣̇д̇хам̣ бавидтосий’’д̇и вад̇ваа ‘‘наасагки, д̇аад̇а, взж̇аяанд̇ам̣ гамбзд̇у’’нд̇и бужчи. аажарияам̣, бханд̇з, наалад̇т̇анд̇и. ат̇а нам̣ т̇зро, ‘‘д̇аад̇а, д̇умхаад̣̇исз агамбзнд̇з ан̃н̃о го гамбзссад̇и, д̣̇идтабуб̣б̣ам̣ д̇з, д̇аад̇а, уд̣̇агабидтз г̇омаяакан̣д̣ам̣ билаванд̇ам̣, д̇аад̇а, габаллабуувам̣ бажжанд̇ам̣ анд̇анд̇зна барижчиннанд̇и иминаа обаммзна ж̇аанаахий’’д̇и ааха. со ‘‘ваддиссад̇и, бханд̇з, зд̇д̇агзнаа’’д̇и вад̇ваа ‘‘баасаад̣̇зна бад̇идтид̇огаасам̣ уд̣̇агам̣ ход̇уу’’д̇и ад̇хидтааяа взж̇аяанд̇аабхимуко аг̇амааси. д̣̇звад̇хийд̇аро д̇ам̣ д̣̇исваа ‘‘згаваарам̣ лаж̇ж̇ид̇ваа г̇ад̇о, бунаби сааман̣зро зд̇и, бунаби зд̇ий’’д̇и вад̣̇им̣су. сагго д̣̇зварааж̇аа ‘‘маа маяхам̣ буд̇д̇зна сад̣̇д̇хим̣ гат̇аяид̇т̇а, ид̣̇аани д̇зна аажарияо лад̣̇д̇хо кан̣зна баасаад̣̇ам̣ гамбзссад̇ий’’д̇и ааха. сааман̣зроби баад̣̇ан̇г̇удтзна баасаад̣̇ат̇уубигам̣ бахари, баасаад̣̇о жад̇уухи д̣̇исаахи он̣амад̇и. д̣̇звад̇аа ‘‘бад̇идтаад̇ум̣ д̣̇зхи, д̇аад̇а, баасаад̣̇асса, бад̇идтаад̇ум̣ д̣̇зхи, д̇аад̇а, баасаад̣̇ассаа’’д̇и виравим̣су. сааман̣зро баасаад̣̇ам̣ яат̇аатаанз табзд̇ваа баасаад̣̇амад̇т̇агз тад̇ваа уд̣̇аанам̣ уд̣̇аанзси –
Sāmaṇero ‘‘imā devatā mayā saddhiṃ keḷiṃ karonti, ahaṃ kho pana ācariyaṃ nālatthaṃ, kahaṃ nu kho me ācariyo sāmuddikamahānāgatthero’’ti āvajjetvā ‘‘mahāsamudde udakaleṇaṃ māpetvā divāvihāraṃ nisinno’’ti ñatvā tattha gantvā theraṃ vanditvā aṭṭhāsi. Tato naṃ thero, ‘‘tāta saṅgharakkhita, asikkhitvāva yuddhaṃ paviṭṭhosī’’ti vatvā ‘‘nāsakkhi, tāta, vejayantaṃ kampetu’’nti pucchi. Ācariyaṃ, bhante, nālatthanti. Atha naṃ thero, ‘‘tāta, tumhādise akampente añño ko kampessati, diṭṭhapubbaṃ te, tāta, udakapiṭṭhe gomayakhaṇḍaṃ pilavantaṃ, tāta, kapallapūvaṃ paccantaṃ antantena paricchinnanti iminā opammena jānāhī’’ti āha. So ‘‘vaṭṭissati, bhante, ettakenā’’ti vatvā ‘‘pāsādena patiṭṭhitokāsaṃ udakaṃ hotū’’ti adhiṭṭhāya vejayantābhimukho agamāsi. Devadhītaro taṃ disvā ‘‘ekavāraṃ lajjitvā gato, punapi sāmaṇero eti, punapi etī’’ti vadiṃsu. Sakko devarājā ‘‘mā mayhaṃ puttena saddhiṃ kathayittha, idāni tena ācariyo laddho khaṇena pāsādaṃ kampessatī’’ti āha. Sāmaṇeropi pādaṅguṭṭhena pāsādathūpikaṃ pahari, pāsādo catūhi disāhi oṇamati. Devatā ‘‘patiṭṭhātuṃ dehi, tāta, pāsādassa, patiṭṭhātuṃ dehi, tāta, pāsādassā’’ti viraviṃsu. Sāmaṇero pāsādaṃ yathāṭhāne ṭhapetvā pāsādamatthake ṭhatvā udānaṃ udānesi –
‘‘аж̇ж̇зваахам̣ баб̣б̣аж̇ид̇о, аж̇ж̇а бад̇д̇аасавагкаяам̣;
‘‘Ajjevāhaṃ pabbajito, ajja pattāsavakkhayaṃ;
аж̇ж̇а гамбзми баасаад̣̇ам̣, ахо б̣уд̣̇д̇хассул̣аарад̇аа.
Ajja kampemi pāsādaṃ, aho buddhassuḷāratā.
‘‘аж̇ж̇зваахам̣ баб̣б̣аж̇ид̇о, аж̇ж̇а бад̇д̇аасавагкаяам̣;
‘‘Ajjevāhaṃ pabbajito, ajja pattāsavakkhayaṃ;
аж̇ж̇а гамбзми баасаад̣̇ам̣, ахо д̇хаммассул̣аарад̇аа.
Ajja kampemi pāsādaṃ, aho dhammassuḷāratā.
‘‘аж̇ж̇зваахам̣ баб̣б̣аж̇ид̇о, аж̇ж̇а бад̇д̇аасавагкаяам̣;
‘‘Ajjevāhaṃ pabbajito, ajja pattāsavakkhayaṃ;
аж̇ж̇а гамбзми баасаад̣̇ам̣, ахо сан̇гхассул̣аарад̇аа’’д̇и.
Ajja kampemi pāsādaṃ, aho saṅghassuḷāratā’’ti.
‘‘д̇хаммад̇аа зсаа, бхигкавз, яад̣̇аа б̣од̇хисад̇д̇о д̇усид̇агааяаа жавид̇ваа маад̇угужчим̣ оггамад̇ий’’д̇и (д̣̇ий. ни. 2.18) вад̇ваа ‘‘аяан̃жа д̣̇асасахассий логад̇хаад̇у сан̇гамби самбагамби самбавзд̇хий’’д̇и (д̣̇ий. ни. 2.18), д̇ат̇аа ‘‘д̇хаммад̇аа зсаа, бхигкавз, яад̣̇аа б̣од̇хисад̇д̇о маад̇угужчимхаа нигкамад̇ий’’д̇и (д̣̇ий. ни. 2.32) вад̇ваа ‘‘аяан̃жа д̣̇асасахассий логад̇хаад̇у сан̇гамби самбагамби самбавзд̇хий’’д̇и (д̣̇ий. ни. 2.32) жа махаасад̇д̇асса г̇аб̣бхогганд̇ияам̣ абхиж̇аад̇ин̃жа д̇хаммад̇аавасзна махаабад̣̇аанз бат̇авийгамбасса вуд̇д̇ад̇д̇аа ид̇арзсуби жад̇уусу таанзсу бат̇авийгамбо д̇хаммад̇аавасзнзваад̇и ад̇т̇ад̇о вуд̇д̇амзд̇анд̇и д̣̇адтаб̣б̣ам̣.
‘‘Dhammatā esā, bhikkhave, yadā bodhisatto tusitakāyā cavitvā mātukucchiṃ okkamatī’’ti (dī. ni. 2.18) vatvā ‘‘ayañca dasasahassī lokadhātu saṅkampi sampakampi sampavedhī’’ti (dī. ni. 2.18), tathā ‘‘dhammatā esā, bhikkhave, yadā bodhisatto mātukucchimhā nikkhamatī’’ti (dī. ni. 2.32) vatvā ‘‘ayañca dasasahassī lokadhātu saṅkampi sampakampi sampavedhī’’ti (dī. ni. 2.32) ca mahāsattassa gabbhokkantiyaṃ abhijātiñca dhammatāvasena mahāpadāne pathavīkampassa vuttattā itaresupi catūsu ṭhānesu pathavīkampo dhammatāvasenevāti atthato vuttametanti daṭṭhabbaṃ.
ид̣̇аани нзсам̣ бат̇авийгамбаанам̣ гааран̣ад̇о бавад̇д̇иаагаарад̇о жа вибхааг̇ам̣ д̣̇ассзд̇ум̣ ‘‘ид̇и имзсуу’’д̇иаад̣̇и вуд̇д̇ам̣. д̇хаад̇угобзнаад̇и угкзбагаваад̇асан̇каад̇ааяа вааяод̇хаад̇уяаа багобзна. ид̣̇д̇хаанубхаавзнаад̇и н̃аан̣ид̣̇д̇хияаа, гаммавибаагаж̇ид̣̇д̇хияаа ваа сабхаавзна, д̇зж̇знаад̇и ад̇т̇о. бун̃н̃ад̇зж̇знаад̇и бун̃н̃аанубхаавзна, махааб̣од̇хисад̇д̇асса бун̃н̃аб̣алзнаад̇и ад̇т̇о. н̃аан̣ад̇зж̇знаад̇и анан̃н̃асаад̇хааран̣зна бадивзд̇хан̃аан̣аанубхаавзна. саад̇хугаарад̣̇аанавасзнаад̇и яат̇аа анан̃н̃асаад̇хааран̣аббадивзд̇хан̃аан̣аанубхаавзна абхихад̇аа махаабат̇авий абхисамб̣од̇хияам̣ гамбид̇т̇а, звам̣ анан̃н̃асаад̇хааран̣зна д̣̇зсанаан̃аан̣аанубхаавзна абхихад̇аа махаабат̇авий гамбид̇т̇а, д̇ам̣ банассаа саад̇хугаарад̣̇аанам̣ вияа ход̇ийд̇и ‘‘саад̇хугаарад̣̇аанавасзнаа’’д̇и вуд̇д̇ам̣.
Idāni nesaṃ pathavīkampānaṃ kāraṇato pavattiākārato ca vibhāgaṃ dassetuṃ ‘‘iti imesū’’tiādi vuttaṃ. Dhātukopenāti ukkhepakavātasaṅkhātāya vāyodhātuyā pakopena. Iddhānubhāvenāti ñāṇiddhiyā, kammavipākajiddhiyā vā sabhāvena, tejenāti attho. Puññatejenāti puññānubhāvena, mahābodhisattassa puññabalenāti attho. Ñāṇatejenāti anaññasādhāraṇena paṭivedhañāṇānubhāvena. Sādhukāradānavasenāti yathā anaññasādhāraṇappaṭivedhañāṇānubhāvena abhihatā mahāpathavī abhisambodhiyaṃ kampittha, evaṃ anaññasādhāraṇena desanāñāṇānubhāvena abhihatā mahāpathavī kampittha, taṃ panassā sādhukāradānaṃ viya hotīti ‘‘sādhukāradānavasenā’’ti vuttaṃ.
язна бана бхаг̇аваа асийд̇иануб̣яан̃ж̇анаббадиман̣д̣ид̇ад̣̇вад̇д̇им̣самахаабурисалагкан̣авижид̇раруубагааяо саб̣б̣аагаарабарисуд̣̇д̇хасийлагканд̇хаад̣̇иг̇ун̣арад̇анасамид̣̇д̇хид̇хаммагааяо бун̃н̃амахад̇д̇ат̇аамамахад̇д̇аид̣̇д̇химахад̇д̇аяасамахад̇д̇абан̃н̃аамахад̇д̇аанам̣ барамуггам̣саг̇ад̇о асамо асамасамо аббадибуг̇г̇ало арахам̣ саммаасамб̣уд̣̇д̇хо ад̇д̇ано ад̇д̇абхаавасан̃н̃ид̇ам̣ канд̇хабан̃жагам̣ габбам̣ ваа габбаавасзсам̣ ваа табзд̇ум̣ самад̇т̇оби сан̇кад̇ад̇хаммабариж̇иг̇ужчанаагаараббавад̇д̇зна н̃аан̣ависзсзна д̇ин̣ааяаби аман̃н̃амаано ааяусан̇каароссаж̇ж̇анавид̇хинаа нирабзгко оссаж̇ж̇и. д̇ад̣̇анубхааваабхихад̇аа махаабат̇авий ааяусан̇кароссаж̇ж̇анз агамбид̇т̇а. д̇ам̣ банассаа гаарун̃н̃асабхаавасан̣тид̇аа вияа ход̇ийд̇и вуд̇д̇ам̣ ‘‘гаарун̃н̃абхаавзнаа’’д̇и.
Yena pana bhagavā asītianubyañjanappaṭimaṇḍitadvattiṃsamahāpurisalakkhaṇavicitrarūpakāyo sabbākāraparisuddhasīlakkhandhādiguṇaratanasamiddhidhammakāyo puññamahattathāmamahattaiddhimahattayasamahattapaññāmahattānaṃ paramukkaṃsagato asamo asamasamo appaṭipuggalo arahaṃ sammāsambuddho attano attabhāvasaññitaṃ khandhapañcakaṃ kappaṃ vā kappāvasesaṃ vā ṭhapetuṃ samatthopi saṅkhatadhammaparijigucchanākārappavattena ñāṇavisesena tiṇāyapi amaññamāno āyusaṅkhārossajjanavidhinā nirapekkho ossajji. Tadanubhāvābhihatā mahāpathavī āyusaṅkharossajjane akampittha. Taṃ panassā kāruññasabhāvasaṇṭhitā viya hotīti vuttaṃ ‘‘kāruññabhāvenā’’ti.
яасмаа бхаг̇аваа бариниб̣б̣аанасамаяз жад̇увийсад̇игодисад̇асахассасан̇каа самаабад̇д̇ияо самаабаж̇ж̇и, анд̇аранд̇араа паласамаабад̇д̇исамаабаж̇ж̇анзна д̇асса буб̣б̣абхааг̇з саад̇исаяам̣ д̇игкам̣ суурам̣ вибассанаан̃аан̣ан̃жа бавад̇д̇зси. ‘‘яад̣̇ад̇т̇ан̃жа маяаа звам̣ сужирагаалам̣ анан̃н̃асаад̇хааран̣о барамуггам̣саг̇ад̇о н̃аан̣асамбхааро самбхад̇о, ануд̇д̇аро жа вимогко самад̇хиг̇ад̇о, д̇асса вад̇а мз сикааббад̇д̇апалабхууд̇аа ажжанд̇анидтаа анубаад̣̇исзсабариниб̣б̣аанад̇хаад̇у аж̇ж̇а самиж̇жхад̇ий’’д̇и бхияяо ад̇ивияа соманассаббад̇д̇асса бхаг̇авад̇о бийд̇ивибпаараад̣̇иг̇ун̣авибулад̇араанубхааво барзхи асаад̇хааран̣ан̃аан̣аад̇исаяо уд̣̇абаад̣̇и, яасса самаабад̇д̇иб̣аласамубаб̣руухид̇асса н̃аан̣аад̇исаяасса аанубхаавам̣ санд̇хааяа ид̣̇ам̣ вуд̇д̇ам̣ ‘‘д̣̇взмз бин̣д̣абаад̇аа самасамапалаа самасамавибаагаа’’д̇иаад̣̇и (уд̣̇аа. 75), д̇асмаа д̇ассаанубхаавзна самабхихад̇аа махаабат̇авий агамбид̇т̇а, д̇ам̣ банассаа д̇ассам̣ взлааяам̣ аарод̣̇анаагаараббад̇д̇и вияа ход̇ийд̇и ‘‘адтамо аарод̣̇анзнаа’’д̇и вуд̇д̇ам̣.
Yasmā bhagavā parinibbānasamaye catuvīsatikoṭisatasahassasaṅkhā samāpattiyo samāpajji, antarantarā phalasamāpattisamāpajjanena tassa pubbabhāge sātisayaṃ tikkhaṃ sūraṃ vipassanāñāṇañca pavattesi. ‘‘Yadatthañca mayā evaṃ sucirakālaṃ anaññasādhāraṇo paramukkaṃsagato ñāṇasambhāro sambhato, anuttaro ca vimokkho samadhigato, tassa vata me sikhāppattaphalabhūtā accantaniṭṭhā anupādisesaparinibbānadhātu ajja samijjhatī’’ti bhiyyo ativiya somanassappattassa bhagavato pītivipphārādiguṇavipulatarānubhāvo parehi asādhāraṇañāṇātisayo udapādi, yassa samāpattibalasamupabrūhitassa ñāṇātisayassa ānubhāvaṃ sandhāya idaṃ vuttaṃ ‘‘dveme piṇḍapātā samasamaphalā samasamavipākā’’tiādi (udā. 75), tasmā tassānubhāvena samabhihatā mahāpathavī akampittha, taṃ panassā tassaṃ velāyaṃ ārodanākārappatti viya hotīti ‘‘aṭṭhamo ārodanenā’’ti vuttaṃ.
ид̣̇аани сан̇кзбад̇о вуд̇д̇амад̇т̇ам̣ виваранд̇о ‘‘маад̇угужчим̣ оггаманд̇з’’д̇иаад̣̇имааха. аяам̣ банад̇т̇од̇и ‘‘саад̇хугаарад̣̇аанавасзнаа’’д̇иаад̣̇инаа вуд̇д̇а ад̇т̇о. бат̇авийд̣̇звад̇ааяа васзнаад̇и зд̇т̇а самуд̣̇д̣̇ад̣̇звад̇аа вияа махаабат̇авияаа ад̇хид̣̇звад̇аа гира наама ад̇т̇и, д̇аад̣̇исз гааран̣з сад̇и д̇ассаа жид̇д̇авасзна аяам̣ махаабат̇авий сан̇гамбад̇и самбагамбад̇и самбавзд̇хад̇и. яат̇аа ваад̇авалаахагад̣̇звад̇аанам̣ жид̇д̇авасзна ваад̇аа вааяанд̇и, сийд̇ун̣хааб̣бхавассавалаахагад̣̇звад̇аанам̣ жид̇д̇авасзна сийд̇аад̣̇аяо бхаванд̇и, д̇ат̇аа хи висаакабун̣н̣амааяам̣ абхисамб̣од̇хиад̇т̇ам̣ б̣од̇хиругкамуулз нисиннасса логанаат̇асса анд̇арааяагаран̣ад̇т̇ам̣ убадтид̇ам̣ маараб̣алам̣ вид̇хамид̇ум̣ –
Idāni saṅkhepato vuttamatthaṃ vivaranto ‘‘mātukucchiṃ okkamante’’tiādimāha. Ayaṃ panatthoti ‘‘sādhukāradānavasenā’’tiādinā vutta attho. Pathavīdevatāya vasenāti ettha samuddadevatā viya mahāpathaviyā adhidevatā kira nāma atthi, tādise kāraṇe sati tassā cittavasena ayaṃ mahāpathavī saṅkampati sampakampati sampavedhati. Yathā vātavalāhakadevatānaṃ cittavasena vātā vāyanti, sītuṇhaabbhavassavalāhakadevatānaṃ cittavasena sītādayo bhavanti, tathā hi visākhapuṇṇamāyaṃ abhisambodhiatthaṃ bodhirukkhamūle nisinnassa lokanāthassa antarāyakaraṇatthaṃ upaṭṭhitaṃ mārabalaṃ vidhamituṃ –
‘‘ажзд̇анааяам̣ бат̇авий, авин̃н̃ааяа сукам̣ д̣̇укам̣;
‘‘Acetanāyaṃ pathavī, aviññāya sukhaṃ dukhaṃ;
сааби д̣̇аанаб̣алаа маяхам̣, сад̇д̇агкад̇д̇ум̣ багамбат̇аа’’д̇и. (жарияаа. 1.124) –
Sāpi dānabalā mayhaṃ, sattakkhattuṃ pakampathā’’ti. (cariyā. 1.124) –
важанасамананд̇арам̣ махаабат̇авий бхиж̇ж̇ид̇ваа сабарисам̣ маарам̣ баривад̇д̇зси. зд̇анд̇и саад̇хугаарад̣̇аанаад̣̇и. яад̣̇иби над̇т̇и ажзд̇анад̇д̇аа, д̇хаммад̇аавасзна бана вуд̇д̇анаязна сияаад̇и саггаа вад̇д̇ум̣. д̇хаммад̇аа бана ад̇т̇ад̇о д̇хаммабхааво, со бун̃н̃ад̇хаммасса ваа н̃аан̣ад̇хаммасса ваа аанубхаавасабхаавод̇и. д̇аяид̣̇ам̣ саб̣б̣ам̣ вижаарид̇амзва. зван̃жа гад̇ваа –
Vacanasamanantaraṃ mahāpathavī bhijjitvā saparisaṃ māraṃ parivattesi. Etanti sādhukāradānādi. Yadipi natthi acetanattā, dhammatāvasena pana vuttanayena siyāti sakkā vattuṃ. Dhammatā pana atthato dhammabhāvo, so puññadhammassa vā ñāṇadhammassa vā ānubhāvasabhāvoti. Tayidaṃ sabbaṃ vicāritameva. Evañca katvā –
‘‘имз д̇хаммз саммасад̇о, сабхаавасарасалагкан̣з;
‘‘Ime dhamme sammasato, sabhāvasarasalakkhaṇe;
д̇хаммад̇зж̇зна васуд̇хаа, д̣̇асасахассий багамбат̇аа’’д̇и. (б̣у. вам̣. 2.166) –
Dhammatejena vasudhā, dasasahassī pakampathā’’ti. (bu. vaṃ. 2.166) –
аад̣̇иважанан̃жа самад̇т̇ид̇ам̣ ход̇и.
Ādivacanañca samatthitaṃ hoti.
аяам̣ бана (д̣̇ий. ни. адта. 1.149) махаабат̇авий абарзсуби адтасу таанзсу агамбид̇т̇а махаабхинигкаманз б̣од̇химан̣д̣уубасан̇гаманз бам̣сугуулаг̇г̇ахан̣з бам̣сугуулад̇хованз гаал̣агаараамасуд̇д̇з г̇од̇амагасуд̇д̇з взссанд̇араж̇аад̇агз б̣рахмаж̇аалзд̇и. д̇ад̇т̇а махаабхинигкаманаб̣од̇химан̣д̣уубасан̇гаманзсу вийрияаб̣алзна агамбид̇т̇а. бам̣сугуулаг̇г̇ахан̣з ‘‘д̣̇висахассад̣̇ийбабариваарз наама жад̇д̇ааро махаад̣̇ийбз бахааяа баб̣б̣аж̇ид̇ваа сусаанам̣ г̇анд̇ваа бам̣сугуулам̣ г̇ан̣ханд̇зна д̣̇уггарам̣ бхаг̇авад̇аа гад̇а’’нд̇и ажчарияавзг̇аабхихад̇аа агамбид̇т̇а. бам̣сугуулад̇хованавзссанд̇араж̇аад̇агзсу агаалагамбанзна агамбид̇т̇а. гаал̣агаараамаг̇од̇амагасуд̇д̇зсу (а. ни. 4.24; 3.126) ‘‘ахам̣ сагкий бхаг̇аваа’’д̇и сагкибхаавзна агамбид̇т̇а. б̣рахмаж̇аалз (д̣̇ий. ни. 1.147) бана д̣̇ваасадтияаа д̣̇идтиг̇ад̇зсу виж̇адзд̇ваа ниг̇г̇умб̣ам̣ гад̇ваа д̣̇зсияамаанзсу саад̇хугаарад̣̇аанавасзна агамбид̇т̇аад̇и взд̣̇ид̇аб̣б̣аа.
Ayaṃ pana (dī. ni. aṭṭha. 1.149) mahāpathavī aparesupi aṭṭhasu ṭhānesu akampittha mahābhinikkhamane bodhimaṇḍūpasaṅkamane paṃsukūlaggahaṇe paṃsukūladhovane kāḷakārāmasutte gotamakasutte vessantarajātake brahmajāleti. Tattha mahābhinikkhamanabodhimaṇḍūpasaṅkamanesu vīriyabalena akampittha. Paṃsukūlaggahaṇe ‘‘dvisahassadīpaparivāre nāma cattāro mahādīpe pahāya pabbajitvā susānaṃ gantvā paṃsukūlaṃ gaṇhantena dukkaraṃ bhagavatā kata’’nti acchariyavegābhihatā akampittha. Paṃsukūladhovanavessantarajātakesu akālakampanena akampittha. Kāḷakārāmagotamakasuttesu (a. ni. 4.24; 3.126) ‘‘ahaṃ sakkhī bhagavā’’ti sakkhibhāvena akampittha. Brahmajāle (dī. ni. 1.147) pana dvāsaṭṭhiyā diṭṭhigatesu vijaṭetvā niggumbaṃ katvā desiyamānesu sādhukāradānavasena akampitthāti veditabbā.
на гзвалан̃жа зд̇зсуязва таанзсу бат̇авий агамбид̇т̇а, ат̇а ко д̇ийсу сан̇г̇ахзсуби махаамахинд̣̇ад̇т̇зрасса имам̣ д̣̇ийбам̣ ааг̇анд̇ваа ж̇од̇иванз нисийд̣̇ид̇ваа д̇хаммам̣ д̣̇зсид̇ад̣̇ивасзби агамбид̇т̇а. галяаан̣ияамахаавихаарз жа бин̣д̣абаад̇ияад̇т̇зрасса жзд̇ияан̇г̇ан̣ам̣ саммаж̇ж̇ид̇ваа д̇ад̇т̇зва нисийд̣̇ид̇ваа б̣уд̣̇д̇хаарамман̣ам̣ бийд̇им̣ г̇ахзд̇ваа имам̣ суд̇д̇анд̇ам̣ аарад̣̇д̇хасса суд̇д̇абарияосаанз уд̣̇агабарияанд̇ам̣ гад̇ваа агамбид̇т̇а. лохабаасаад̣̇асса баажийнаамб̣аладтигадтаанам̣ наама ахоси, д̇ад̇т̇а нисийд̣̇ид̇ваа д̣̇ийгхабхаан̣агад̇т̇зраа б̣рахмаж̇ааласуд̇д̇ам̣ аарабхим̣су. д̇зсам̣ саж̇жхааяабарияосаанзби уд̣̇агабарияанд̇амзва гад̇ваа бат̇авий агамбид̇т̇а.
Na kevalañca etesuyeva ṭhānesu pathavī akampittha, atha kho tīsu saṅgahesupi mahāmahindattherassa imaṃ dīpaṃ āgantvā jotivane nisīditvā dhammaṃ desitadivasepi akampittha. Kalyāṇiyamahāvihāre ca piṇḍapātiyattherassa cetiyaṅgaṇaṃ sammajjitvā tattheva nisīditvā buddhārammaṇaṃ pītiṃ gahetvā imaṃ suttantaṃ āraddhassa suttapariyosāne udakapariyantaṃ katvā akampittha. Lohapāsādassa pācīnaambalaṭṭhikaṭṭhānaṃ nāma ahosi, tattha nisīditvā dīghabhāṇakattherā brahmajālasuttaṃ ārabhiṃsu. Tesaṃ sajjhāyapariyosānepi udakapariyantameva katvā pathavī akampittha.
яад̣̇и звам̣ ‘‘адтимз, аананд̣̇а, хзд̇уу адта бажжаяаа махад̇о бхуумижааласса баад̇убхаавааяаа’’д̇и гасмаа адтзва хзд̇уу вуд̇д̇аад̇и? нияамахзд̇убхаавад̇о. имзязва хи адта хзд̇уу нияаманд̇и, наан̃н̃з. д̇з хи гад̣̇аажи самбхаванд̇ийд̇и анияамабхаавад̇о на г̇ан̣ид̇аа. вуд̇д̇ан̃хзд̇ам̣ нааг̇асзнад̇т̇зрзна милинд̣̇абан̃хз (ми. ба. 4.1.4) –
Yadi evaṃ ‘‘aṭṭhime, ānanda, hetū aṭṭha paccayā mahato bhūmicālassa pātubhāvāyā’’ti kasmā aṭṭheva hetū vuttāti? Niyamahetubhāvato. Imeyeva hi aṭṭha hetū niyamanti, nāññe. Te hi kadāci sambhavantīti aniyamabhāvato na gaṇitā. Vuttañhetaṃ nāgasenattherena milindapañhe (mi. pa. 4.1.4) –
‘‘адтимз, бхигкавз, хзд̇уу адта бажжаяаа махад̇о бхуумижааласса баад̇убхаавааяаад̇и. яам̣ взссанд̇арзна ран̃н̃аа махаад̣̇аанз д̣̇ийяамаанз сад̇д̇агкад̇д̇ум̣ махаабат̇авий гамбид̇аа, д̇ан̃жа бана агаалигам̣ гад̣̇аажуббад̇д̇игам̣ адтахи хзд̇уухи виббамуд̇д̇ам̣, д̇асмаа аг̇ан̣ид̇ам̣ адтахи хзд̇уухи.
‘‘Aṭṭhime, bhikkhave, hetū aṭṭha paccayā mahato bhūmicālassa pātubhāvāyāti. Yaṃ vessantarena raññā mahādāne dīyamāne sattakkhattuṃ mahāpathavī kampitā, tañca pana akālikaṃ kadācuppattikaṃ aṭṭhahi hetūhi vippamuttaṃ, tasmā agaṇitaṃ aṭṭhahi hetūhi.
‘‘яат̇аа, махаарааж̇а, логз д̇аяоязва мзгхаа г̇ан̣ийяанд̇и вассиго, хзманд̇иго, баавусагод̇и. яад̣̇и д̇з мун̃жид̇ваа ан̃н̃о мзгхо бавассад̇и, на со мзгхо г̇ан̣ийяад̇и саммад̇зхи мзгхзхи, агааламзгход̇взва сан̇кам̣ г̇ажчад̇и, звамзва ко, махаарааж̇а, взссанд̇арзна ран̃н̃аа махаад̣̇аанз д̣̇ийяамаанз яам̣ сад̇д̇агкад̇д̇ум̣ махаабат̇авий гамбид̇аа, агаалигам̣ зд̇ам̣ гад̣̇аажуббад̇д̇игам̣ адтахи хзд̇уухи виббамуд̇д̇ам̣, на д̇ам̣ г̇ан̣ийяад̇и адтахи хзд̇уухи.
‘‘Yathā, mahārāja, loke tayoyeva meghā gaṇīyanti vassiko, hemantiko, pāvusakoti. Yadi te muñcitvā añño megho pavassati, na so megho gaṇīyati sammatehi meghehi, akālameghotveva saṅkhaṃ gacchati, evameva kho, mahārāja, vessantarena raññā mahādāne dīyamāne yaṃ sattakkhattuṃ mahāpathavī kampitā, akālikaṃ etaṃ kadācuppattikaṃ aṭṭhahi hetūhi vippamuttaṃ, na taṃ gaṇīyati aṭṭhahi hetūhi.
‘‘яат̇аа ваа бана, махаарааж̇а, химаванд̇аа баб̣б̣ад̇аа бан̃жа над̣̇исад̇аани санд̣̇анд̇и, д̇зсам̣, махаарааж̇а, бан̃жаннам̣ над̣̇исад̇аанам̣ д̣̇асзва над̣̇ияо над̣̇иг̇ан̣анааяа г̇ан̣ийяанд̇и. сзяяат̇ид̣̇ам̣ – г̇ан̇г̇аа, яамунаа, ажиравад̇ий, сарабхуу, махий, синд̇ху, сарассад̇ий, взд̇равад̇ий, вийд̇ам̣саа, жанд̣̇абхааг̇аад̇и. авасзсаа над̣̇ияо над̣̇иг̇ан̣анааяа аг̇ан̣ид̇аа. гим̣гааран̣аа? на д̇аа над̣̇ияо д̇хувасалилаа, звамзва ко, махаарааж̇а, взссанд̇арзна ран̃н̃аа махаад̣̇аанз д̣̇ийяамаанз яам̣ сад̇д̇агкад̇д̇ум̣ махаабат̇авий гамбид̇аа, агаалигам̣ зд̇ам̣ гад̣̇аажуббад̇д̇игам̣ адтахи хзд̇уухи виббамуд̇д̇ам̣, на д̇ам̣ г̇ан̣ийяад̇и адтахи хзд̇уухи.
‘‘Yathā vā pana, mahārāja, himavantā pabbatā pañca nadisatāni sandanti, tesaṃ, mahārāja, pañcannaṃ nadisatānaṃ daseva nadiyo nadigaṇanāya gaṇīyanti. Seyyathidaṃ – gaṅgā, yamunā, aciravatī, sarabhū, mahī, sindhu, sarassatī, vetravatī, vītaṃsā, candabhāgāti. Avasesā nadiyo nadigaṇanāya agaṇitā. Kiṃkāraṇā? Na tā nadiyo dhuvasalilā, evameva kho, mahārāja, vessantarena raññā mahādāne dīyamāne yaṃ sattakkhattuṃ mahāpathavī kampitā, akālikaṃ etaṃ kadācuppattikaṃ aṭṭhahi hetūhi vippamuttaṃ, na taṃ gaṇīyati aṭṭhahi hetūhi.
‘‘яат̇аа ваа бана, махаарааж̇а, ран̃н̃о сад̇амби д̣̇висад̇амби д̇исад̇амби амажжаа хонд̇и, д̇зсам̣ чаязва ж̇анаа амажжаг̇ан̣анааяа г̇ан̣ийяанд̇и. сзяяат̇ид̣̇ам̣ – сзнаабад̇и, бурохид̇о, агкад̣̇ассо, бхан̣д̣ааг̇аариго, чад̇д̇аг̇г̇аахаго, каг̇г̇аг̇г̇аахаго, зд̇зязва амажжаг̇ан̣анааяа г̇ан̣ийяанд̇и. гим̣гааран̣аа? яуд̇д̇ад̇д̇аа рааж̇аг̇ун̣зхи. авасзсаа аг̇ан̣ид̇аа, саб̣б̣з амажжаад̇взва сан̇кам̣ г̇ажчанд̇и, звамзва ко, махаарааж̇а, взссанд̇арзна ран̃н̃аа махаад̣̇аанз д̣̇ийяамаанз яам̣ сад̇д̇агкад̇д̇ум̣ махаабат̇авий гамбид̇аа, агаалигам̣ зд̇ам̣ гад̣̇аажуббад̇д̇игам̣ адтахи хзд̇уухи виббамуд̇д̇ам̣, на д̇ам̣ г̇ан̣ийяад̇и адтахи хзд̇уухий’’д̇и.
‘‘Yathā vā pana, mahārāja, rañño satampi dvisatampi tisatampi amaccā honti, tesaṃ chayeva janā amaccagaṇanāya gaṇīyanti. Seyyathidaṃ – senāpati, purohito, akkhadasso, bhaṇḍāgāriko, chattaggāhako, khaggaggāhako, eteyeva amaccagaṇanāya gaṇīyanti. Kiṃkāraṇā? Yuttattā rājaguṇehi. Avasesā agaṇitā, sabbe amaccātveva saṅkhaṃ gacchanti, evameva kho, mahārāja, vessantarena raññā mahādāne dīyamāne yaṃ sattakkhattuṃ mahāpathavī kampitā, akālikaṃ etaṃ kadācuppattikaṃ aṭṭhahi hetūhi vippamuttaṃ, na taṃ gaṇīyati aṭṭhahi hetūhī’’ti.
бхуумижааласуд̇д̇аван̣н̣анаа нидтид̇аа.
Bhūmicālasuttavaṇṇanā niṭṭhitā.
жаабаалаваг̇г̇аван̣н̣анаа нидтид̇аа.
Cāpālavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. бхуумижааласуд̇д̇ам̣ • 10. Bhūmicālasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. бхуумижааласуд̇д̇аван̣н̣анаа • 10. Bhūmicālasuttavaṇṇanā
