| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਭੂਮਿਚਾਲਸੁਤ੍ਤવਣ੍ਣਨਾ
10. Bhūmicālasuttavaṇṇanā
੭੦. ਦਸਮੇ ਨਿਸੀਦਨਨ੍ਤਿ ਇਧ ਚਮ੍ਮਖਣ੍ਡਂ ਅਧਿਪ੍ਪੇਤਂ। ਉਦੇਨਂ ਚੇਤਿਯਨ੍ਤਿ ਉਦੇਨਯਕ੍ਖਸ੍ਸ વਸਨਟ੍ਠਾਨੇ ਕਤવਿਹਾਰੋ વੁਚ੍ਚਤਿ। ਗੋਤਮਕਾਦੀਸੁਪਿ ਏਸੇવ ਨਯੋ। ਭਾવਿਤਾਤਿ વਡ੍ਢਿਤਾ। ਬਹੁਲੀਕਤਾਤਿ ਪੁਨਪ੍ਪੁਨਂ ਕਤਾ। ਯਾਨੀਕਤਾਤਿ ਯੁਤ੍ਤਯਾਨਂ વਿਯ ਕਤਾ। વਤ੍ਥੁਕਤਾਤਿ ਪਤਿਟ੍ਠਾਨਟ੍ਠੇਨ વਤ੍ਥੁ વਿਯ ਕਤਾ। ਅਨੁਟ੍ਠਿਤਾਤਿ ਅਧਿਟ੍ਠਿਤਾ। ਪਰਿਚਿਤਾਤਿ ਸਮਨ੍ਤਤੋ ਚਿਤਾ ਸੁવਡ੍ਢਿਤਾ। ਸੁਸਮਾਰਦ੍ਧਾਤਿ ਸੁਟ੍ਠੁ ਸਮਾਰਦ੍ਧਾ।
70. Dasame nisīdananti idha cammakhaṇḍaṃ adhippetaṃ. Udenaṃ cetiyanti udenayakkhassa vasanaṭṭhāne katavihāro vuccati. Gotamakādīsupi eseva nayo. Bhāvitāti vaḍḍhitā. Bahulīkatāti punappunaṃ katā. Yānīkatāti yuttayānaṃ viya katā. Vatthukatāti patiṭṭhānaṭṭhena vatthu viya katā. Anuṭṭhitāti adhiṭṭhitā. Paricitāti samantato citā suvaḍḍhitā. Susamāraddhāti suṭṭhu samāraddhā.
ਇਤਿ ਅਨਿਯਮੇਨ ਕਥੇਤ੍વਾ ਪੁਨ ਨਿਯਮੇਤ੍વਾ ਦਸ੍ਸੇਨ੍ਤੋ ਤਥਾਗਤਸ੍ਸ ਖੋਤਿਆਦਿਮਾਹ। ਏਤ੍ਥ ਕਪ੍ਪਨ੍ਤਿ ਆਯੁਕਪ੍ਪਂ। ਤਸ੍ਮਿਂ ਤਸ੍ਮਿਂ ਕਾਲੇ ਯਂ ਮਨੁਸ੍ਸਾਨਂ ਆਯੁਪ੍ਪਮਾਣਂ, ਤਂ ਪਰਿਪੁਣ੍ਣਂ ਕਰੋਨ੍ਤੋ ਤਿਟ੍ਠੇਯ੍ਯ। ਕਪ੍ਪਾવਸੇਸਂ વਾਤਿ ‘‘ਅਪ੍ਪਂ વਾ ਭਿਯ੍ਯੋ’’ਤਿ વੁਤ੍ਤવਸ੍ਸਸਤਤੋ ਅਤਿਰੇਕਂ વਾ। ਮਹਾਸੀવਤ੍ਥੇਰੋ ਪਨਾਹ – ‘‘ਬੁਦ੍ਧਾਨਂ ਅਟ੍ਠਾਨੇ ਗਜ੍ਜਿਤਂ ਨਾਮ ਨਤ੍ਥਿ, ਪੁਨਪ੍ਪੁਨਂ ਸਮਾਪਜ੍ਜਿਤ੍વਾ ਮਰਣਨ੍ਤਿਕવੇਦਨਂ વਿਕ੍ਖਮ੍ਭੇਨ੍ਤੋ ਭਦ੍ਦਕਪ੍ਪਮੇવ ਤਿਟ੍ਠੇਯ੍ਯ। ਕਸ੍ਮਾ ਪਨ ਨ ਠਿਤੋਤਿ? ਉਪਾਦਿਨ੍ਨਕਸਰੀਰਂ ਨਾਮ ਖਣ੍ਡਿਚ੍ਚਾਦੀਹਿ ਅਭਿਭੁਯ੍ਯਤਿ, ਬੁਦ੍ਧਾ ਚ ਖਣ੍ਡਿਚ੍ਚਾਦਿਭਾવਂ ਅਪ੍ਪਤ੍વਾ ਪਞ੍ਚਮੇ ਆਯੁਕੋਟ੍ਠਾਸੇ ਬਹੁਜਨਸ੍ਸ ਪਿਯਮਨਾਪਕਾਲੇਯੇવ ਪਰਿਨਿਬ੍ਬਾਯਨ੍ਤਿ। ਬੁਦ੍ਧਾਨੁਬੁਦ੍ਧੇਸੁ ਚ ਮਹਾਸਾવਕੇਸੁ ਪਰਿਨਿਬ੍ਬੁਤੇਸੁ ਏਕਕੇਨੇવ ਖਾਣੁਕੇਨ વਿਯ ਠਾਤਬ੍ਬਂ ਹੋਤਿ ਦਹਰਸਾਮਣੇਰਪਰਿવਾਰੇਨ વਾ, ਤਤੋ ‘ਅਹੋ ਬੁਦ੍ਧਾਨਂ ਪਰਿਸਾ’ਤਿ ਹੀਲ਼ੇਤਬ੍ਬਤਂ ਆਪਜ੍ਜੇਯ੍ਯ। ਤਸ੍ਮਾ ਨ ਠਿਤੋ’’ਤਿ। ਏવਂ વੁਤ੍ਤੇਪਿ ਯੋ ਪਨ વੁਚ੍ਚਤਿ ‘‘ਆਯੁਕਪ੍ਪੋ’’ਤਿ, ਇਦਮੇવ ਅਟ੍ਠਕਥਾਯ ਨਿਯਾਮਿਤਂ।
Iti aniyamena kathetvā puna niyametvā dassento tathāgatassa khotiādimāha. Ettha kappanti āyukappaṃ. Tasmiṃ tasmiṃ kāle yaṃ manussānaṃ āyuppamāṇaṃ, taṃ paripuṇṇaṃ karonto tiṭṭheyya. Kappāvasesaṃ vāti ‘‘appaṃ vā bhiyyo’’ti vuttavassasatato atirekaṃ vā. Mahāsīvatthero panāha – ‘‘buddhānaṃ aṭṭhāne gajjitaṃ nāma natthi, punappunaṃ samāpajjitvā maraṇantikavedanaṃ vikkhambhento bhaddakappameva tiṭṭheyya. Kasmā pana na ṭhitoti? Upādinnakasarīraṃ nāma khaṇḍiccādīhi abhibhuyyati, buddhā ca khaṇḍiccādibhāvaṃ appatvā pañcame āyukoṭṭhāse bahujanassa piyamanāpakāleyeva parinibbāyanti. Buddhānubuddhesu ca mahāsāvakesu parinibbutesu ekakeneva khāṇukena viya ṭhātabbaṃ hoti daharasāmaṇeraparivārena vā, tato ‘aho buddhānaṃ parisā’ti hīḷetabbataṃ āpajjeyya. Tasmā na ṭhito’’ti. Evaṃ vuttepi yo pana vuccati ‘‘āyukappo’’ti, idameva aṭṭhakathāya niyāmitaṃ.
ਯਥਾ ਤਂ ਮਾਰੇਨ ਪਰਿਯੁਟ੍ਠਿਤਚਿਤ੍ਤੋਤਿ ਏਤ੍ਥ ਤਨ੍ਤਿ ਨਿਪਾਤਮਤ੍ਤਂ, ਯਥਾ ਮਾਰੇਨ ਪਰਿਯੁਟ੍ਠਿਤਚਿਤ੍ਤੋ ਅਜ੍ਝੋਤ੍ਥਟਚਿਤ੍ਤੋ ਅਞ੍ਞੋਪਿ ਕੋਚਿ ਪੁਥੁਜ੍ਜਨੋ ਪਟਿવਿਜ੍ਝਿਤੁਂ ਨ ਸਕ੍ਕੁਣੇਯ੍ਯ, ਏવਮੇવ ਨਾਸਕ੍ਖਿ ਪਟਿવਿਜ੍ਝਿਤੁਨ੍ਤਿ ਅਤ੍ਥੋ। ਮਾਰੋ ਹਿ ਯਸ੍ਸ ਸਬ੍ਬੇਨ ਸਬ੍ਬਂ ਦ੍વਾਦਸ વਿਪਲ੍ਲਾਸਾ ਅਪ੍ਪਹੀਨਾ, ਤਸ੍ਸ ਚਿਤ੍ਤਂ ਪਰਿਯੁਟ੍ਠਾਤਿ। ਥੇਰਸ੍ਸ ਚ ਚਤ੍ਤਾਰੋ વਿਪਲ੍ਲਾਸਾ ਅਪ੍ਪਹੀਨਾ, ਤੇਨਸ੍ਸ ਮਾਰੋ ਚਿਤ੍ਤਂ ਪਰਿਯੁਟ੍ਠਾਸਿ। ਸੋ ਪਨ ਚਿਤ੍ਤਪਰਿਯੁਟ੍ਠਾਨਂ ਕਰੋਨ੍ਤੋ ਕਿਂ ਕਰੋਤੀਤਿ? ਭੇਰવਂ ਰੂਪਾਰਮ੍ਮਣਂ વਾ ਦਸ੍ਸੇਤਿ, ਸਦ੍ਦਾਰਮ੍ਮਣਂ વਾ ਸਾવੇਤਿ। ਤਤੋ ਸਤ੍ਤਾ ਤਂ ਦਿਸ੍વਾ વਾ ਸੁਤ੍વਾ વਾ ਸਤਿਂ વਿਸ੍ਸਜ੍ਜੇਤ੍વਾ વਿવਟਮੁਖਾ ਹੋਨ੍ਤਿ, ਤੇਸਂ ਮੁਖੇਨ ਹਤ੍ਥਂ ਪવੇਸੇਤ੍વਾ ਹਦਯਂ ਮਦ੍ਦਤਿ, ਤਤੋ વਿਸਞ੍ਞਾવ ਹੁਤ੍વਾ ਤਿਟ੍ਠਨ੍ਤਿ। ਥੇਰਸ੍ਸ ਪਨੇਸ ਮੁਖੇ ਹਤ੍ਥਂ ਪવੇਸੇਤੁਂ ਕਿਂ ਸਕ੍ਖਿਸ੍ਸਤਿ, ਭੇਰવਾਰਮ੍ਮਣਂ ਪਨ ਦਸ੍ਸੇਸਿ। ਤਂ ਦਿਸ੍વਾ ਥੇਰੋ ਨਿਮਿਤ੍ਤੋਭਾਸਂ ਨਪ੍ਪਟਿવਿਜ੍ਝਿ। ਭਗવਾ ਜਾਨਨ੍ਤੋਯੇવ ਕਿਮਤ੍ਥਂ ਯਾવ ਤਤਿਯਂ ਆਮਨ੍ਤੇਸੀਤਿ? ਪਰਤੋ ‘‘ਤਿਟ੍ਠਤੁ, ਭਨ੍ਤੇ ਭਗવਾ’’ਤਿ ਯਾਚਿਤੇ ‘‘ਤੁਯ੍ਹੇવੇਤਂ ਦੁਕ੍ਕਟਂ, ਤੁਯ੍ਹੇવੇਤਂ ਅਪਰਦ੍ਧ’’ਨ੍ਤਿ ਦੋਸਾਰੋਪਨੇਨ ਸੋ ਕਤਨੁਕਰਣਤ੍ਥਂ।
Yathā taṃ mārena pariyuṭṭhitacittoti ettha tanti nipātamattaṃ, yathā mārena pariyuṭṭhitacitto ajjhotthaṭacitto aññopi koci puthujjano paṭivijjhituṃ na sakkuṇeyya, evameva nāsakkhi paṭivijjhitunti attho. Māro hi yassa sabbena sabbaṃ dvādasa vipallāsā appahīnā, tassa cittaṃ pariyuṭṭhāti. Therassa ca cattāro vipallāsā appahīnā, tenassa māro cittaṃ pariyuṭṭhāsi. So pana cittapariyuṭṭhānaṃ karonto kiṃ karotīti? Bheravaṃ rūpārammaṇaṃ vā dasseti, saddārammaṇaṃ vā sāveti. Tato sattā taṃ disvā vā sutvā vā satiṃ vissajjetvā vivaṭamukhā honti, tesaṃ mukhena hatthaṃ pavesetvā hadayaṃ maddati, tato visaññāva hutvā tiṭṭhanti. Therassa panesa mukhe hatthaṃ pavesetuṃ kiṃ sakkhissati, bheravārammaṇaṃ pana dassesi. Taṃ disvā thero nimittobhāsaṃ nappaṭivijjhi. Bhagavā jānantoyeva kimatthaṃ yāva tatiyaṃ āmantesīti? Parato ‘‘tiṭṭhatu, bhante bhagavā’’ti yācite ‘‘tuyhevetaṃ dukkaṭaṃ, tuyhevetaṃ aparaddha’’nti dosāropanena so katanukaraṇatthaṃ.
ਮਾਰੋ ਪਾਪਿਮਾਤਿ ਏਤ੍ਥ ਸਤ੍ਤੇ ਅਨਤ੍ਥੇ ਨਿਯੋਜੇਨ੍ਤੋ ਮਾਰੇਤੀਤਿ ਮਾਰੋ। ਪਾਪਿਮਾਤਿ ਤਸ੍ਸੇવ વੇવਚਨਂ । ਸੋ ਹਿ ਪਾਪਧਮ੍ਮਸਮਨ੍ਨਾਗਤਤ੍ਤਾ ‘‘ਪਾਪਿਮਾ’’ਤਿ વੁਚ੍ਚਤਿ। ਕਣ੍ਹੋ, ਅਨ੍ਤਕੋ, ਨਮੁਚਿ, ਪਮਤ੍ਤਬਨ੍ਧੂਤਿਪਿ ਤਸ੍ਸੇવ ਨਾਮਾਨਿ। ਭਾਸਿਤਾ ਖੋ ਪਨੇਸਾਤਿ ਅਯਞ੍ਹਿ ਭਗવਤੋ ਸਮ੍ਬੋਧਿਪਤ੍ਤਿਯਾ ਅਟ੍ਠਮੇ ਸਤ੍ਤਾਹੇ ਬੋਧਿਮਣ੍ਡੇਯੇવ ਆਗਨ੍ਤ੍વਾ ‘‘ਭਗવਾ ਯਦਤ੍ਥਂ ਤੁਮ੍ਹੇਹਿ ਪਾਰਮਿਯੋ ਪੂਰਿਤਾ, ਸੋ વੋ ਅਤ੍ਥੋ ਅਨੁਪ੍ਪਤ੍ਤੋ, ਪਟਿવਿਦ੍ਧਂ ਸਬ੍ਬਞ੍ਞੁਤਞ੍ਞਾਣਂ, ਕਿਂ ਤੇ ਲੋਕવਿਚਾਰਣੇਨਾ’’ਤਿ વਤ੍વਾ ਯਥਾ ਅਜ੍ਜ, ਏવਮੇવ ‘‘ਪਰਿਨਿਬ੍ਬਾਤੁ ਦਾਨਿ, ਭਨ੍ਤੇ ਭਗવਾ’’ਤਿ ਯਾਚਿ। ਭਗવਾ ਚਸ੍ਸ ‘‘ਨ ਤਾવਾਹ’’ਨ੍ਤਿਆਦੀਨਿ વਤ੍વਾ ਪਟਿਕ੍ਖਿਪਿ। ਤਂ ਸਨ੍ਧਾਯ – ‘‘ਭਾਸਿਤਾ ਖੋ ਪਨੇਸਾ, ਭਨ੍ਤੇ’’ਤਿਆਦਿਮਾਹ।
Māro pāpimāti ettha satte anatthe niyojento māretīti māro. Pāpimāti tasseva vevacanaṃ . So hi pāpadhammasamannāgatattā ‘‘pāpimā’’ti vuccati. Kaṇho, antako, namuci, pamattabandhūtipi tasseva nāmāni. Bhāsitā kho panesāti ayañhi bhagavato sambodhipattiyā aṭṭhame sattāhe bodhimaṇḍeyeva āgantvā ‘‘bhagavā yadatthaṃ tumhehi pāramiyo pūritā, so vo attho anuppatto, paṭividdhaṃ sabbaññutaññāṇaṃ, kiṃ te lokavicāraṇenā’’ti vatvā yathā ajja, evameva ‘‘parinibbātu dāni, bhante bhagavā’’ti yāci. Bhagavā cassa ‘‘na tāvāha’’ntiādīni vatvā paṭikkhipi. Taṃ sandhāya – ‘‘bhāsitā kho panesā, bhante’’tiādimāha.
ਤਤ੍ਥ વਿਯਤ੍ਤਾਤਿ ਮਗ੍ਗવਸੇਨ ਬ੍ਯਤ੍ਤਾ, ਤਥੇવ વਿਨੀਤਾ, ਤਥਾ વਿਸਾਰਦਾ। ਬਹੁਸ੍ਸੁਤਾਤਿ ਤੇਪਿਟਕવਸੇਨ ਬਹੁ ਸੁਤਂ ਏਤੇਸਨ੍ਤਿ ਬਹੁਸ੍ਸੁਤਾ। ਤਮੇવ ਧਮ੍ਮਂ ਧਾਰੇਨ੍ਤੀਤਿ ਧਮ੍ਮਧਰਾ। ਅਥ વਾ ਪਰਿਯਤ੍ਤਿਬਹੁਸ੍ਸੁਤਾ ਚੇવ ਪਟਿવੇਧਬਹੁਸ੍ਸੁਤਾ ਚ। ਪਰਿਯਤ੍ਤਿਪਟਿવੇਧਧਮ੍ਮਾਨਂਯੇવ ਧਾਰਣਤੋ ਧਮ੍ਮਧਰਾਤਿ ਏવਮੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਧਮ੍ਮਾਨੁਧਮ੍ਮਪ੍ਪਟਿਪਨ੍ਨਾਤਿ ਅਰਿਯਧਮ੍ਮਸ੍ਸ ਅਨੁਧਮ੍ਮਭੂਤਂ વਿਪਸ੍ਸਨਾਧਮ੍ਮਂ ਪਟਿਪਨ੍ਨਾ। ਸਾਮੀਚਿਪ੍ਪਟਿਪਨ੍ਨਾਤਿ ਅਨੁਚ੍ਛવਿਕਪਟਿਪਦਂ ਪਟਿਪਨ੍ਨਾ। ਅਨੁਧਮ੍ਮਚਾਰਿਨੋਤਿ ਅਨੁਧਮ੍ਮਂ ਚਰਣਸੀਲਾ। ਸਕਂ ਆਚਰਿਯਕਨ੍ਤਿ ਅਤ੍ਤਨੋ ਆਚਰਿਯવਾਦਂ। ਆਚਿਕ੍ਖਿਸ੍ਸਨ੍ਤੀਤਿਆਦੀਨਿ ਸਬ੍ਬਾਨਿ ਅਞ੍ਞਮਞ੍ਞવੇવਚਨਾਨਿ। ਸਹਧਮ੍ਮੇਨਾਤਿ ਸਹੇਤੁਕੇਨ ਸਕਾਰਣੇਨ વਚਨੇਨ। ਸਪ੍ਪਾਟਿਹਾਰਿਯਨ੍ਤਿ ਯਾવ ਨਿਯ੍ਯਾਨਿਕਂ ਕਤ੍વਾ ਧਮ੍ਮਂ ਦੇਸੇਸ੍ਸਨ੍ਤਿ।
Tattha viyattāti maggavasena byattā, tatheva vinītā, tathā visāradā. Bahussutāti tepiṭakavasena bahu sutaṃ etesanti bahussutā. Tameva dhammaṃ dhārentīti dhammadharā. Atha vā pariyattibahussutā ceva paṭivedhabahussutā ca. Pariyattipaṭivedhadhammānaṃyeva dhāraṇato dhammadharāti evamettha attho daṭṭhabbo. Dhammānudhammappaṭipannāti ariyadhammassa anudhammabhūtaṃ vipassanādhammaṃ paṭipannā. Sāmīcippaṭipannāti anucchavikapaṭipadaṃ paṭipannā. Anudhammacārinoti anudhammaṃ caraṇasīlā. Sakaṃ ācariyakanti attano ācariyavādaṃ. Ācikkhissantītiādīni sabbāni aññamaññavevacanāni. Sahadhammenāti sahetukena sakāraṇena vacanena. Sappāṭihāriyanti yāva niyyānikaṃ katvā dhammaṃ desessanti.
ਬ੍ਰਹ੍ਮਚਰਿਯਨ੍ਤਿ ਸਿਕ੍ਖਾਤ੍ਤਯਸਙ੍ਗਹਿਤਂ ਸਕਲਂ ਸਾਸਨਬ੍ਰਹ੍ਮਚਰਿਯਂ। ਇਦ੍ਧਨ੍ਤਿ ਸਮਿਦ੍ਧਂ ਝਾਨਸ੍ਸਾਦવਸੇਨ। ਫੀਤਨ੍ਤਿ વੁਦ੍ਧਿਪਤ੍ਤਂ ਸਬ੍ਬਪਾਲਿਫੁਲ੍ਲਂ વਿਯ ਅਭਿਞ੍ਞਾਸਮ੍ਪਤ੍ਤਿવਸੇਨ। વਿਤ੍ਥਾਰਿਕਨ੍ਤਿ વਿਤ੍ਥਤਂ ਤਸ੍ਮਿਂ ਤਸ੍ਮਿਂ ਦਿਸਾਭਾਗੇ ਪਤਿਟ੍ਠਿਤવਸੇਨ। ਬਾਹੁਜਞ੍ਞਨ੍ਤਿ ਬਹੂਹਿ ਞਾਤਂ ਪਟਿવਿਦ੍ਧਂ ਮਹਾਜਨਾਭਿਸਮਯવਸੇਨ। ਪੁਥੁਭੂਤਨ੍ਤਿ ਸਬ੍ਬਾਕਾਰੇਨ ਪੁਥੁਲਭਾવਪ੍ਪਤ੍ਤਂ। ਕਥਂ? ਯਾવ ਦੇવਮਨੁਸ੍ਸੇਹਿ ਸੁਪ੍ਪਕਾਸਿਤਨ੍ਤਿ, ਯਤ੍ਤਕਾ વਿਞ੍ਞੁਜਾਤਿਕਾ ਦੇવਾ ਚੇવ ਮਨੁਸ੍ਸਾ ਚ ਅਤ੍ਥਿ, ਸਬ੍ਬੇਹਿ ਸੁਟ੍ਠੁ ਪਕਾਸਿਤਨ੍ਤਿ ਅਤ੍ਥੋ। ਅਪ੍ਪੋਸ੍ਸੁਕ੍ਕੋਤਿ ਨਿਰਾਲਯੋ। ਤ੍વਞ੍ਹਿ ਪਾਪਿਮ ਅਟ੍ਠਮਸਤ੍ਤਾਹਤੋ ਪਟ੍ਠਾਯ ‘‘ਪਰਿਨਿਬ੍ਬਾਤੁ ਦਾਨਿ, ਭਨ੍ਤੇ ਭਗવਾ, ਪਰਿਨਿਬ੍ਬਾਤੁ ਸੁਗਤੋ’’ਤਿ વਿਰવਨ੍ਤੋ ਆਹਿਣ੍ਡਿਤ੍ਥ। ਅਜ੍ਜ ਦਾਨਿ ਪਟ੍ਠਾਯ વਿਗਤੁਸ੍ਸਾਹੋ ਹੋਹਿ, ਮਾ ਮਯ੍ਹਂ ਪਰਿਨਿਬ੍ਬਾਨਤ੍ਥਂ વਾਯਾਮਂ ਕਰੋਹੀਤਿ વਦਤਿ।
Brahmacariyanti sikkhāttayasaṅgahitaṃ sakalaṃ sāsanabrahmacariyaṃ. Iddhanti samiddhaṃ jhānassādavasena. Phītanti vuddhipattaṃ sabbapāliphullaṃ viya abhiññāsampattivasena. Vitthārikanti vitthataṃ tasmiṃ tasmiṃ disābhāge patiṭṭhitavasena. Bāhujaññanti bahūhi ñātaṃ paṭividdhaṃ mahājanābhisamayavasena. Puthubhūtanti sabbākārena puthulabhāvappattaṃ. Kathaṃ? Yāva devamanussehi suppakāsitanti, yattakā viññujātikā devā ceva manussā ca atthi, sabbehi suṭṭhu pakāsitanti attho. Appossukkoti nirālayo. Tvañhi pāpima aṭṭhamasattāhato paṭṭhāya ‘‘parinibbātu dāni, bhante bhagavā, parinibbātu sugato’’ti viravanto āhiṇḍittha. Ajja dāni paṭṭhāya vigatussāho hohi, mā mayhaṃ parinibbānatthaṃ vāyāmaṃ karohīti vadati.
ਸਤੋ ਸਮ੍ਪਜਾਨੋ ਆਯੁਸਙ੍ਖਾਰਂ ਓਸ੍ਸਜ੍ਜੀਤਿ ਸਤਿਂ ਸੂਪਟ੍ਠਿਤਂ ਕਤ੍વਾ ਞਾਣੇਨ ਪਰਿਚ੍ਛਿਨ੍ਦਿਤ੍વਾ ਆਯੁਸਙ੍ਖਾਰਂ વਿਸ੍ਸਜ੍ਜਿ ਪਜਹਿ। ਤਤ੍ਥ ਨ ਭਗવਾ ਹਤ੍ਥੇਨ ਲੇਡ੍ਡੁਂ વਿਯ ਆਯੁਸਙ੍ਖਾਰਂ ਓਸ੍ਸਜਿ, ਤੇਮਾਸਮਤ੍ਤਮੇવ ਪਨ ਫਲਸਮਾਪਤ੍ਤਿਂ ਸਮਾਪਜ੍ਜਿਤ੍વਾ ਤਤੋ ਪਰਂ ਨ ਸਮਾਪਜ੍ਜਿਸ੍ਸਾਮੀਤਿ ਚਿਤ੍ਤਂ ਉਪ੍ਪਾਦੇਸਿ। ਤਂ ਸਨ੍ਧਾਯ વੁਤ੍ਤਂ ‘‘ਓਸ੍ਸਜੀ’’ਤਿ। ਉਸ੍ਸਜੀਤਿਪਿ ਪਾਠੋ। ਮਹਾਭੂਮਿਚਾਲੋਤਿ ਮਹਨ੍ਤੋ ਪਥવੀਕਮ੍ਪੋ। ਤਦਾ ਕਿਰ ਦਸਸਹਸ੍ਸੀ ਲੋਕਧਾਤੁ ਕਮ੍ਪਿਤ੍ਥ। ਭਿਂਸਨਕੋਤਿ ਭਯਜਨਕੋ। ਦੇવਦੁਨ੍ਦੁਭਿਯੋ ਚ ਫਲਿਂਸੂਤਿ ਦੇવਭੇਰਿਯੋ ਫਲਿਂਸੁ, ਦੇવੋ ਸੁਕ੍ਖਗਜ੍ਜਿਤਂ ਗਜ੍ਜਿ, ਅਕਾਲવਿਜ੍ਜੁਲਤਾ ਨਿਚ੍ਛਰਿਂਸੁ, ਖਣਿਕવਸ੍ਸਂ વਸ੍ਸੀਤਿ વੁਤ੍ਤਂ ਹੋਤਿ।
Sato sampajāno āyusaṅkhāraṃ ossajjīti satiṃ sūpaṭṭhitaṃ katvā ñāṇena paricchinditvā āyusaṅkhāraṃ vissajji pajahi. Tattha na bhagavā hatthena leḍḍuṃ viya āyusaṅkhāraṃ ossaji, temāsamattameva pana phalasamāpattiṃ samāpajjitvā tato paraṃ na samāpajjissāmīti cittaṃ uppādesi. Taṃ sandhāya vuttaṃ ‘‘ossajī’’ti. Ussajītipi pāṭho. Mahābhūmicāloti mahanto pathavīkampo. Tadā kira dasasahassī lokadhātu kampittha. Bhiṃsanakoti bhayajanako. Devadundubhiyo ca phaliṃsūti devabheriyo phaliṃsu, devo sukkhagajjitaṃ gajji, akālavijjulatā nicchariṃsu, khaṇikavassaṃ vassīti vuttaṃ hoti.
ਉਦਾਨਂ ਉਦਾਨੇਸੀਤਿ ਕਸ੍ਮਾ ਉਦਾਨੇਸਿ? ਕੋਚਿ ਨਾਮ વਦੇਯ੍ਯ ‘‘ਭਗવਾ ਪਚ੍ਛਤੋ ਪਚ੍ਛਤੋ ਅਨੁਬਨ੍ਧਿਤ੍વਾ ‘ਪਰਿਨਿਬ੍ਬਾਤੁ, ਭਨ੍ਤੇ’ਤਿ ਉਪਦ੍ਦੁਤੋ ਭਯੇਨ ਆਯੁਸਙ੍ਖਾਰਂ વਿਸ੍ਸਜ੍ਜੇਸੀ’’ਤਿ, ਤਸ੍ਸੋਕਾਸੋ ਮਾ ਹੋਤੁ, ਭੀਤਸ੍ਸ ਹਿ ਉਦਾਨਂ ਨਾਮ ਨਤ੍ਥੀਤਿ ਪੀਤਿવੇਗવਿਸ੍ਸਟ੍ਠਂ ਉਦਾਨਂ ਉਦਾਨੇਸਿ।
Udānaṃ udānesīti kasmā udānesi? Koci nāma vadeyya ‘‘bhagavā pacchato pacchato anubandhitvā ‘parinibbātu, bhante’ti upadduto bhayena āyusaṅkhāraṃ vissajjesī’’ti, tassokāso mā hotu, bhītassa hi udānaṃ nāma natthīti pītivegavissaṭṭhaṃ udānaṃ udānesi.
ਤਤ੍ਥ ਸਬ੍ਬੇਸਂ ਸੋਣਸਿਙ੍ਗਾਲਾਦੀਨਮ੍ਪਿ ਪਚ੍ਚਕ੍ਖਭਾવਤੋ ਤੁਲਿਤਂ ਪਰਿਚ੍ਛਿਨ੍ਨਨ੍ਤਿ ਤੁਲਂ। ਕਿਂ ਤਂ? ਕਾਮਾવਚਰਕਮ੍ਮਂ। ਨ ਤੁਲਂ, ਨ વਾ ਤੁਲਂ ਸਦਿਸਮਸ੍ਸ ਅਞ੍ਞਂ ਲੋਕਿਯਂ ਕਮ੍ਮਂ ਅਤ੍ਥੀਤਿ ਅਤੁਲਂ। ਕਿਂ ਤਂ? ਮਹਗ੍ਗਤਕਮ੍ਮਂ। ਅਥ વਾ ਕਾਮਾવਚਰਂ ਰੂਪਾવਚਰਂ ਤੁਲਂ, ਅਰੂਪਾવਚਰਂ ਅਤੁਲਂ। ਅਪ੍ਪવਿਪਾਕਂ વਾ ਤੁਲਂ, ਬਹੁવਿਪਾਕਂ ਅਤੁਲਂ। ਸਮ੍ਭવਨ੍ਤਿ ਸਮ੍ਭવਹੇਤੁਭੂਤਂ, ਰਾਸਿਕਾਰਕਂ ਪਿਣ੍ਡਕਾਰਕਨ੍ਤਿ ਅਤ੍ਥੋ। ਭવਸਙ੍ਖਾਰਨ੍ਤਿ ਪੁਨਬ੍ਭવਸਙ੍ਖਾਰਣਕਂ। ਅવਸ੍ਸਜੀਤਿ વਿਸ੍ਸਜ੍ਜੇਸਿ। ਮੁਨੀਤਿ ਬੁਦ੍ਧਮੁਨਿ। ਅਜ੍ਝਤ੍ਤਰਤੋਤਿ ਨਿਯਕਜ੍ਝਤ੍ਤਰਤੋ। ਸਮਾਹਿਤੋਤਿ ਉਪਚਾਰਪ੍ਪਨਾਸਮਾਧਿવਸੇਨ ਸਮਾਹਿਤੋ। ਅਭਿਨ੍ਦਿ ਕવਚਮਿવਾਤਿ ਕવਚਂ વਿਯ ਅਭਿਨ੍ਦਿ। ਅਤ੍ਤਸਮ੍ਭવਨ੍ਤਿ ਅਤ੍ਤਨਿ ਸਞ੍ਜਾਤਂ ਕਿਲੇਸਂ। ਇਦਂ વੁਤ੍ਤਂ ਹੋਤਿ – ਸવਿਪਾਕਟ੍ਠੇਨ ਸਮ੍ਭવਂ, ਭવਾਭਿਸਙ੍ਖਰਣਟ੍ਠੇਨ ਭવਸਙ੍ਖਾਰਨ੍ਤਿ ਚ ਲਦ੍ਧਨਾਮਂ ਤੁਲਾਤੁਲਸਙ੍ਖਾਤਂ ਲੋਕਿਯਕਮ੍ਮਞ੍ਚ ਓਸ੍ਸਜਿ, ਸਙ੍ਗਾਮਸੀਸੇ ਮਹਾਯੋਧੋ ਕવਚਂ વਿਯ ਅਤ੍ਤਸਮ੍ਭવਂ ਕਿਲੇਸਞ੍ਚ ਅਜ੍ਝਤ੍ਤਰਤੋ ਹੁਤ੍વਾ ਸਮਾਹਿਤੋ ਹੁਤ੍વਾ ਅਭਿਨ੍ਦੀਤਿ।
Tattha sabbesaṃ soṇasiṅgālādīnampi paccakkhabhāvato tulitaṃ paricchinnanti tulaṃ. Kiṃ taṃ? Kāmāvacarakammaṃ. Na tulaṃ, na vā tulaṃ sadisamassa aññaṃ lokiyaṃ kammaṃ atthīti atulaṃ. Kiṃ taṃ? Mahaggatakammaṃ. Atha vā kāmāvacaraṃ rūpāvacaraṃ tulaṃ, arūpāvacaraṃ atulaṃ. Appavipākaṃ vā tulaṃ, bahuvipākaṃ atulaṃ. Sambhavanti sambhavahetubhūtaṃ, rāsikārakaṃ piṇḍakārakanti attho. Bhavasaṅkhāranti punabbhavasaṅkhāraṇakaṃ. Avassajīti vissajjesi. Munīti buddhamuni. Ajjhattaratoti niyakajjhattarato. Samāhitoti upacārappanāsamādhivasena samāhito. Abhindi kavacamivāti kavacaṃ viya abhindi. Attasambhavanti attani sañjātaṃ kilesaṃ. Idaṃ vuttaṃ hoti – savipākaṭṭhena sambhavaṃ, bhavābhisaṅkharaṇaṭṭhena bhavasaṅkhāranti ca laddhanāmaṃ tulātulasaṅkhātaṃ lokiyakammañca ossaji, saṅgāmasīse mahāyodho kavacaṃ viya attasambhavaṃ kilesañca ajjhattarato hutvā samāhito hutvā abhindīti.
ਅਥ વਾ ਤੁਲਨ੍ਤਿ ਤੁਲੇਨ੍ਤੋ ਤੀਰੇਨ੍ਤੋ। ਅਤੁਲਞ੍ਚ ਸਮ੍ਭવਨ੍ਤਿ ਨਿਬ੍ਬਾਨਞ੍ਚੇવ ਸਮ੍ਭવਞ੍ਚ। ਭવਸਙ੍ਖਾਰਨ੍ਤਿ ਭવਗਾਮਿਕਮ੍ਮਂ। ਅવਸ੍ਸਜਿ ਮੁਨੀਤਿ ‘‘ਪਞ੍ਚਕ੍ਖਨ੍ਧਾ ਅਨਿਚ੍ਚਾ, ਪਞ੍ਚਨ੍ਨਂ ਖਨ੍ਧਾਨਂ ਨਿਰੋਧੋ ਨਿਬ੍ਬਾਨਂ ਨਿਚ੍ਚ’’ਨ੍ਤਿਆਦਿਨਾ (ਪਟਿ॰ ਮ॰ ੩.੩੭-੩੮) ਨਯੇਨ ਤੁਲਯਨ੍ਤੋ ਬੁਦ੍ਧਮੁਨਿ ਭવੇ ਆਦੀਨવਂ, ਨਿਬ੍ਬਾਨੇ ਚ ਆਨਿਸਂਸਂ ਦਿਸ੍વਾ ਤਂ ਖਨ੍ਧਾਨਂ ਮੂਲਭੂਤਂ ਭવਸਙ੍ਖਾਰਂ ਕਮ੍ਮਂ ‘‘ਕਮ੍ਮਕ੍ਖਯਾਯ ਸਂવਤ੍ਤਤੀ’’ਤਿ (ਮ॰ ਨਿ॰ ੨.੮੧; ਅ॰ ਨਿ॰ ੪.੨੩੨-੨੩੩) ਏવਂ વੁਤ੍ਤੇਨ ਕਮ੍ਮਕ੍ਖਯਕਰੇਨ ਅਰਿਯਮਗ੍ਗੇਨ ਅવਸ੍ਸਜਿ। ਕਥਂ? ਅਜ੍ਝਤ੍ਤਰਤੋ ਸਮਾਹਿਤੋ, ਅਭਿਨ੍ਦਿ ਕવਚਮਿવਤ੍ਤਸਮ੍ਭવਂ। ਸੋ ਹਿ વਿਪਸ੍ਸਨਾવਸੇਨ ਅਜ੍ਝਤ੍ਤਰਤੋ, ਸਮਥવਸੇਨ ਸਮਾਹਿਤੋਤਿ ਏવਂ ਪੁਬ੍ਬਭਾਗਤੋ ਪਟ੍ਠਾਯ ਸਮਥવਿਪਸ੍ਸਨਾਬਲੇਨ ਕવਚਮਿવ ਅਤ੍ਤਭਾવਂ ਪਰਿਯੋਨਨ੍ਧਿਤ੍વਾ ਠਿਤਂ, ਅਤ੍ਤਨਿ ਸਮ੍ਭવਤ੍ਤਾ ‘‘ਅਤ੍ਤਸਮ੍ਭવ’’ਨ੍ਤਿ ਲਦ੍ਧਨਾਮਂ ਸਬ੍ਬਕਿਲੇਸਜਾਲਂ ਅਭਿਨ੍ਦਿ। ਕਿਲੇਸਾਭਾવੇਨ ਚ ਕਤਂ ਕਮ੍ਮਂ ਅਪ੍ਪਟਿਸਨ੍ਧਿਕਤ੍ਤਾ ਅવਸ੍ਸਟ੍ਠਂ ਨਾਮ ਹੋਤੀਤਿ ਏવਂ ਕਿਲੇਸਪ੍ਪਹਾਨੇਨ ਕਮ੍ਮਂ ਪਜਹਿ। ਪਹੀਨਕਿਲੇਸਸ੍ਸ ਚ ਭਯਂ ਨਾਮ ਨਤ੍ਥਿ, ਤਸ੍ਮਾ ਅਭੀਤੋવ ਆਯੁਸਙ੍ਖਾਰਂ ਓਸ੍ਸਜ੍ਜਿ, ਅਭੀਤਭਾવਞਾਪਨਤ੍ਥਞ੍ਚ ਉਦਾਨਂ ਉਦਾਨੇਸੀਤਿ વੇਦਿਤਬ੍ਬੋ।
Atha vā tulanti tulento tīrento. Atulañca sambhavanti nibbānañceva sambhavañca. Bhavasaṅkhāranti bhavagāmikammaṃ. Avassaji munīti ‘‘pañcakkhandhā aniccā, pañcannaṃ khandhānaṃ nirodho nibbānaṃ nicca’’ntiādinā (paṭi. ma. 3.37-38) nayena tulayanto buddhamuni bhave ādīnavaṃ, nibbāne ca ānisaṃsaṃ disvā taṃ khandhānaṃ mūlabhūtaṃ bhavasaṅkhāraṃ kammaṃ ‘‘kammakkhayāya saṃvattatī’’ti (ma. ni. 2.81; a. ni. 4.232-233) evaṃ vuttena kammakkhayakarena ariyamaggena avassaji. Kathaṃ? Ajjhattarato samāhito, abhindi kavacamivattasambhavaṃ. So hi vipassanāvasena ajjhattarato, samathavasena samāhitoti evaṃ pubbabhāgato paṭṭhāya samathavipassanābalena kavacamiva attabhāvaṃ pariyonandhitvā ṭhitaṃ, attani sambhavattā ‘‘attasambhava’’nti laddhanāmaṃ sabbakilesajālaṃ abhindi. Kilesābhāvena ca kataṃ kammaṃ appaṭisandhikattā avassaṭṭhaṃ nāma hotīti evaṃ kilesappahānena kammaṃ pajahi. Pahīnakilesassa ca bhayaṃ nāma natthi, tasmā abhītova āyusaṅkhāraṃ ossajji, abhītabhāvañāpanatthañca udānaṃ udānesīti veditabbo.
ਯਂ ਮਹਾવਾਤਾਤਿ ਯੇਨ ਸਮਯੇਨ ਯਸ੍ਮਿਂ વਾ ਸਮਯੇ ਮਹਾવਾਤਾ। વਾਯਨ੍ਤੀਤਿ ਉਪਕ੍ਖੇਪਕવਾਤਾ ਨਾਮ ਉਟ੍ਠਹਨ੍ਤਿ, ਤੇ વਾਯਨ੍ਤਾ ਸਟ੍ਠਿਸਹਸ੍ਸਾਧਿਕਨવਯੋਜਨਸਤਸਹਸ੍ਸਬਹਲਂ ਉਦਕਸਨ੍ਧਾਰਕવਾਤਂ ਉਪਚ੍ਛਿਨ੍ਦਨ੍ਤਿ, ਤਤੋ ਆਕਾਸੇ ਉਦਕਂ ਭਸ੍ਸਤਿ, ਤਸ੍ਮਿਂ ਭਸ੍ਸਨ੍ਤੇ ਪਥવੀ ਭਸ੍ਸਤਿ, ਪੁਨ વਾਤੋ ਅਤ੍ਤਨੋ ਬਲੇਨ ਅਨ੍ਤੋਧਮ੍ਮਕਰਣੇ વਿਯ ਉਦਕਂ ਆਬਨ੍ਧਿਤ੍વਾ ਗਣ੍ਹਾਤਿ, ਤਤੋ ਉਦਕਂ ਉਗ੍ਗਚ੍ਛਤਿ, ਤਸ੍ਮਿਂ ਉਗ੍ਗਚ੍ਛਨ੍ਤੇ ਪਥવੀ ਉਗ੍ਗਚ੍ਛਤਿ। ਏવਂ ਉਦਕਂ ਕਮ੍ਪਿਤਂ ਪਥવਿਂ ਕਮ੍ਪੇਤਿ। ਏਤਞ੍ਚ ਕਮ੍ਪਨਂ ਯਾવਜ੍ਜਕਾਲਾਪਿ ਹੋਤਿਯੇવ, ਬਹੁਭਾવੇਨ ਪਨ ਓਗਚ੍ਛਨੁਗ੍ਗਚ੍ਛਨਂ ਨ ਪਞ੍ਞਾਯਤਿ।
Yaṃ mahāvātāti yena samayena yasmiṃ vā samaye mahāvātā. Vāyantīti upakkhepakavātā nāma uṭṭhahanti, te vāyantā saṭṭhisahassādhikanavayojanasatasahassabahalaṃ udakasandhārakavātaṃ upacchindanti, tato ākāse udakaṃ bhassati, tasmiṃ bhassante pathavī bhassati, puna vāto attano balena antodhammakaraṇe viya udakaṃ ābandhitvā gaṇhāti, tato udakaṃ uggacchati, tasmiṃ uggacchante pathavī uggacchati. Evaṃ udakaṃ kampitaṃ pathaviṃ kampeti. Etañca kampanaṃ yāvajjakālāpi hotiyeva, bahubhāvena pana ogacchanuggacchanaṃ na paññāyati.
ਮਹਿਦ੍ਧਿਕਾ ਮਹਾਨੁਭਾવਾਤਿ ਇਜ੍ਝਨਸ੍ਸ ਮਹਨ੍ਤਤਾਯ ਮਹਿਦ੍ਧਿਕਾ, ਅਨੁਭવਿਤਬ੍ਬਸ੍ਸ ਮਹਨ੍ਤਤਾਯ ਮਹਾਨੁਭਾવਾ। ਪਰਿਤ੍ਤਾਤਿ ਦੁਬ੍ਬਲਾ। ਅਪ੍ਪਮਾਣਾਤਿ ਬਲવਾ। ਸੋ ਇਮਂ ਪਥવਿਂ ਕਮ੍ਪੇਤੀਤਿ ਸੋ ਇਦ੍ਧਿਂ ਨਿਬ੍ਬਤ੍ਤੇਤ੍વਾ ਸਂવੇਜੇਨ੍ਤੋ ਮਹਾਮੋਗ੍ਗਲ੍ਲਾਨੋ વਿਯ, વੀਮਂਸਨ੍ਤੋ વਾ ਮਹਾਨਾਗਤ੍ਥੇਰਸ੍ਸ ਭਾਗਿਨੇਯ੍ਯੋ ਸਙ੍ਘਰਕ੍ਖਿਤਸਾਮਣੇਰੋ વਿਯ ਪਥવਿਂ ਕਮ੍ਪੇਤਿ। ਸਙ੍ਕਮ੍ਪੇਤੀਤਿ ਸਮਨ੍ਤਤੋ ਕਮ੍ਪੇਤਿ। ਸਮ੍ਪਕਮ੍ਪੇਤੀਤਿ ਤਸ੍ਸੇવ વੇવਚਨਂ। ਇਤਿ ਇਮੇਸੁ ਅਟ੍ਠਸੁ ਪਥવਿਕਮ੍ਪੇਸੁ ਪਠਮੋ ਧਾਤੁਕੋਪੇਨ, ਦੁਤਿਯੋ ਇਦ੍ਧਾਨੁਭਾવੇਨ, ਤਤਿਯਚਤੁਤ੍ਥਾ ਪੁਞ੍ਞਤੇਜੇਨ, ਪਞ੍ਚਮੋ ਞਾਣਤੇਜੇਨ, ਛਟ੍ਠੋ ਸਾਧੁਕਾਰਦਾਨવਸੇਨ, ਸਤ੍ਤਮੋ ਕਾਰੁਞ੍ਞਸਭਾવੇਨ, ਅਟ੍ਠਮੋ ਆਰੋਦਨੇਨ। ਮਾਤੁਕੁਚ੍ਛਿਂ ਓਕ੍ਕਮਨ੍ਤੇ ਚ ਤਤੋ ਨਿਕ੍ਖਮਨ੍ਤੇ ਚ ਮਹਾਸਤ੍ਤੇ ਤਸ੍ਸ ਪੁਞ੍ਞਤੇਜੇਨ ਪਥવੀ ਅਕਮ੍ਪਿਤ੍ਥ, ਅਭਿਸਮ੍ਬੋਧਿਯਂ ਞਾਣਤੇਜਾਭਿਹਤਾ ਹੁਤ੍વਾ ਅਕਮ੍ਪਿਤ੍ਥ, ਧਮ੍ਮਚਕ੍ਕਪ੍ਪવਤ੍ਤਨੇ ਸਾਧੁਕਾਰਭਾવਸਣ੍ਠਿਤਾ ਸਾਧੁਕਾਰਂ ਦਦਮਾਨਾ ਅਕਮ੍ਪਿਤ੍ਥ, ਆਯੁਸਙ੍ਖਾਰਓਸ੍ਸਜ੍ਜਨੇ ਕਾਰੁਞ੍ਞਸਭਾવਸਣ੍ਠਿਤਾ ਚਿਤ੍ਤਸਙ੍ਖੋਭਂ ਅਸਹਮਾਨਾ ਅਕਮ੍ਪਿਤ੍ਥ, ਪਰਿਨਿਬ੍ਬਾਨੇ ਆਰੋਦਨવੇਗਤੁਨ੍ਨਾ ਹੁਤ੍વਾ ਅਕਮ੍ਪਿਤ੍ਥ। ਅਯਂ ਪਨਤ੍ਥੋ ਪਥવਿਦੇવਤਾਯ વਸੇਨ વੇਦਿਤਬ੍ਬੋ। ਮਹਾਭੂਤਪਥવਿਯਾ ਪਨੇਤਂ ਨਤ੍ਥਿ ਅਚੇਤਨਤ੍ਤਾ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
Mahiddhikā mahānubhāvāti ijjhanassa mahantatāya mahiddhikā, anubhavitabbassa mahantatāya mahānubhāvā. Parittāti dubbalā. Appamāṇāti balavā. So imaṃ pathaviṃ kampetīti so iddhiṃ nibbattetvā saṃvejento mahāmoggallāno viya, vīmaṃsanto vā mahānāgattherassa bhāgineyyo saṅgharakkhitasāmaṇero viya pathaviṃ kampeti. Saṅkampetīti samantato kampeti. Sampakampetīti tasseva vevacanaṃ. Iti imesu aṭṭhasu pathavikampesu paṭhamo dhātukopena, dutiyo iddhānubhāvena, tatiyacatutthā puññatejena, pañcamo ñāṇatejena, chaṭṭho sādhukāradānavasena, sattamo kāruññasabhāvena, aṭṭhamo ārodanena. Mātukucchiṃ okkamante ca tato nikkhamante ca mahāsatte tassa puññatejena pathavī akampittha, abhisambodhiyaṃ ñāṇatejābhihatā hutvā akampittha, dhammacakkappavattane sādhukārabhāvasaṇṭhitā sādhukāraṃ dadamānā akampittha, āyusaṅkhāraossajjane kāruññasabhāvasaṇṭhitā cittasaṅkhobhaṃ asahamānā akampittha, parinibbāne ārodanavegatunnā hutvā akampittha. Ayaṃ panattho pathavidevatāya vasena veditabbo. Mahābhūtapathaviyā panetaṃ natthi acetanattā. Sesaṃ sabbattha uttānatthamevāti.
ਭੂਮਿਚਾਲવਗ੍ਗੋ ਸਤ੍ਤਮੋ।
Bhūmicālavaggo sattamo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਭੂਮਿਚਾਲਸੁਤ੍ਤਂ • 10. Bhūmicālasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਭੂਮਿਚਾਲਸੁਤ੍ਤવਣ੍ਣਨਾ • 10. Bhūmicālasuttavaṇṇanā
