| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
6. бхуумиж̇асуд̇д̇ам̣
6. Bhūmijasuttaṃ
223. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. ат̇а ко ааяасмаа бхуумиж̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна ж̇аяасзнасса рааж̇агумаарасса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко ж̇аяасзно рааж̇агумааро язнааяасмаа бхуумиж̇о д̇знубасан̇гами; убасан̇гамид̇ваа ааяасмад̇аа бхуумиж̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ж̇аяасзно рааж̇агумааро ааяасманд̇ам̣ бхуумиж̇ам̣ зд̇ад̣̇авожа – ‘‘санд̇и, бхо бхуумиж̇а, згз саман̣аб̣раахман̣аа звам̣ваад̣̇ино звам̣д̣̇идтино – ‘аасан̃жзби гарид̇ваа б̣рахмажарияам̣ жаранд̇и, абхаб̣б̣аа 1 паласса ад̇хиг̇амааяа; анаасан̃жзби 2 гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа; аасан̃жа анаасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа; нзваасам̣ наанаасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяаа’д̇и. ид̇ха бход̇о бхуумиж̇асса сад̇т̇аа гим̣ваад̣̇ий 3 гимагкааяий’’д̇и? ‘‘на ко мзд̇ам̣, рааж̇агумаара, бхаг̇авад̇о саммукаа суд̇ам̣, саммукаа бадиг̇г̇ахид̇ам̣. таанан̃жа ко зд̇ам̣ виж̇ж̇ад̇и яам̣ бхаг̇аваа звам̣ б̣яаагарзяяа – ‘аасан̃жзби гарид̇ваа аяонисо б̣рахмажарияам̣ жаранд̇и, абхаб̣б̣аа паласса ад̇хиг̇амааяа ; анаасан̃жзби гарид̇ваа аяонисо б̣рахмажарияам̣ жаранд̇и, абхаб̣б̣аа паласса ад̇хиг̇амааяа; аасан̃жа анаасан̃жзби гарид̇ваа аяонисо б̣рахмажарияам̣ жаранд̇и, абхаб̣б̣аа паласса ад̇хиг̇амааяа; нзваасам̣ наанаасан̃жзби гарид̇ваа аяонисо б̣рахмажарияам̣ жаранд̇и, абхаб̣б̣аа паласса ад̇хиг̇амааяа. аасан̃жзби гарид̇ваа яонисо б̣рахмажарияам̣ жаранд̇и, бхаб̣б̣аа паласса ад̇хиг̇амааяа ; анаасан̃жзби гарид̇ваа яонисо б̣рахмажарияам̣ жаранд̇и, бхаб̣б̣аа паласса ад̇хиг̇амааяа; аасан̃жа анаасан̃жзби гарид̇ваа яонисо б̣рахмажарияам̣ жаранд̇и, бхаб̣б̣аа паласса ад̇хиг̇амааяа; нзваасам̣ наанаасан̃жзби гарид̇ваа яонисо б̣рахмажарияам̣ жаранд̇и, бхаб̣б̣аа паласса ад̇хиг̇амааяаа’д̇и. на ко мз д̇ам̣, рааж̇агумаара, бхаг̇авад̇о саммукаа суд̇ам̣, саммукаа бадиг̇г̇ахид̇ам̣. таанан̃жа ко зд̇ам̣ виж̇ж̇ад̇и яам̣ бхаг̇аваа звам̣ б̣яаагарзяяаа’’д̇и. ‘‘сажз ко бход̇о бхуумиж̇асса сад̇т̇аа звам̣ваад̣̇ий 4 звамагкааяий, ад̣̇д̇хаа бход̇о бхуумиж̇асса сад̇т̇аа саб̣б̣зсам̣язва бут̇усаман̣аб̣раахман̣аанам̣ муд̣̇д̇хаанам̣ 5 ман̃н̃з аахажжа д̇идтад̇ий’’д̇и . ат̇а ко ж̇аяасзно рааж̇агумааро ааяасманд̇ам̣ бхуумиж̇ам̣ сагзнзва т̇аалибаагзна баривиси.
223. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Atha kho āyasmā bhūmijo pubbaṇhasamayaṃ nivāsetvā pattacīvaramādāya yena jayasenassa rājakumārassa nivesanaṃ tenupasaṅkami; upasaṅkamitvā paññatte āsane nisīdi. Atha kho jayaseno rājakumāro yenāyasmā bhūmijo tenupasaṅkami; upasaṅkamitvā āyasmatā bhūmijena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho jayaseno rājakumāro āyasmantaṃ bhūmijaṃ etadavoca – ‘‘santi, bho bhūmija, eke samaṇabrāhmaṇā evaṃvādino evaṃdiṭṭhino – ‘āsañcepi karitvā brahmacariyaṃ caranti, abhabbā 6 phalassa adhigamāya; anāsañcepi 7 karitvā brahmacariyaṃ caranti, abhabbā phalassa adhigamāya; āsañca anāsañcepi karitvā brahmacariyaṃ caranti, abhabbā phalassa adhigamāya; nevāsaṃ nānāsañcepi karitvā brahmacariyaṃ caranti, abhabbā phalassa adhigamāyā’ti. Idha bhoto bhūmijassa satthā kiṃvādī 8 kimakkhāyī’’ti? ‘‘Na kho metaṃ, rājakumāra, bhagavato sammukhā sutaṃ, sammukhā paṭiggahitaṃ. Ṭhānañca kho etaṃ vijjati yaṃ bhagavā evaṃ byākareyya – ‘āsañcepi karitvā ayoniso brahmacariyaṃ caranti, abhabbā phalassa adhigamāya ; anāsañcepi karitvā ayoniso brahmacariyaṃ caranti, abhabbā phalassa adhigamāya; āsañca anāsañcepi karitvā ayoniso brahmacariyaṃ caranti, abhabbā phalassa adhigamāya; nevāsaṃ nānāsañcepi karitvā ayoniso brahmacariyaṃ caranti, abhabbā phalassa adhigamāya. Āsañcepi karitvā yoniso brahmacariyaṃ caranti, bhabbā phalassa adhigamāya ; anāsañcepi karitvā yoniso brahmacariyaṃ caranti, bhabbā phalassa adhigamāya; āsañca anāsañcepi karitvā yoniso brahmacariyaṃ caranti, bhabbā phalassa adhigamāya; nevāsaṃ nānāsañcepi karitvā yoniso brahmacariyaṃ caranti, bhabbā phalassa adhigamāyā’ti. Na kho me taṃ, rājakumāra, bhagavato sammukhā sutaṃ, sammukhā paṭiggahitaṃ. Ṭhānañca kho etaṃ vijjati yaṃ bhagavā evaṃ byākareyyā’’ti. ‘‘Sace kho bhoto bhūmijassa satthā evaṃvādī 9 evamakkhāyī, addhā bhoto bhūmijassa satthā sabbesaṃyeva puthusamaṇabrāhmaṇānaṃ muddhānaṃ 10 maññe āhacca tiṭṭhatī’’ti . Atha kho jayaseno rājakumāro āyasmantaṃ bhūmijaṃ sakeneva thālipākena parivisi.
224. ат̇а ко ааяасмаа бхуумиж̇о бажчаабхад̇д̇ам̣ бин̣д̣абаад̇абадигганд̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа бхуумиж̇о бхаг̇аванд̇ам̣ зд̇ад̣̇авожа – ‘‘ид̇хаахам̣, бханд̇з, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна ж̇аяасзнасса рааж̇агумаарасса нивзсанам̣ д̇знубасан̇гамим̣; убасан̇гамид̇ваа бан̃н̃ад̇д̇з аасанз нисийд̣̇им̣. ат̇а ко, бханд̇з, ж̇аяасзно рааж̇агумааро язнаахам̣ д̇знубасан̇гами; убасан̇гамид̇ваа маяаа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко, бханд̇з, ж̇аяасзно рааж̇агумааро мам̣ зд̇ад̣̇авожа – ‘санд̇и, бхо бхуумиж̇а, згз саман̣аб̣раахман̣аа звам̣ваад̣̇ино звам̣д̣̇идтино – аасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа; анаасан̃жзби гарид̇ваа…бз… аасан̃жа анаасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа; нзваасам̣ наанаасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяаа’д̇и. ‘ид̇ха бход̇о бхуумиж̇асса сад̇т̇аа гим̣ваад̣̇ий гимагкааяий’д̇и? звам̣ вуд̇д̇з ахам̣, бханд̇з, ж̇аяасзнам̣ рааж̇агумаарам̣ зд̇ад̣̇авожам̣ – ‘на ко мз д̇ам̣, рааж̇агумаара, бхаг̇авад̇о саммукаа суд̇ам̣, саммукаа бадиг̇г̇ахид̇ам̣. таанан̃жа ко зд̇ам̣ виж̇ж̇ад̇и яам̣ бхаг̇аваа звам̣ б̣яаагарзяяа – аасан̃жзби гарид̇ваа аяонисо б̣рахмажарияам̣ жаранд̇и, абхаб̣б̣аа паласса ад̇хиг̇амааяа; анаасан̃жзби гарид̇ваа аяонисо б̣рахмажарияам̣ жаранд̇и, абхаб̣б̣аа паласса ад̇хиг̇амааяа; аасан̃жа анаасан̃жзби гарид̇ваа аяонисо б̣рахмажарияам̣ жаранд̇и, абхаб̣б̣аа паласса ад̇хиг̇амааяа; нзваасам̣ наанаасан̃жзби гарид̇ваа аяонисо б̣рахмажарияам̣ жаранд̇и, абхаб̣б̣аа паласса ад̇хиг̇амааяа. аасан̃жзби гарид̇ваа яонисо б̣рахмажарияам̣ жаранд̇и, бхаб̣б̣аа паласса ад̇хиг̇амааяа; анаасан̃жзби гарид̇ваа…бз… аасан̃жа анаасан̃жзби гарид̇ваа…бз… нзваасам̣ наанаасан̃жзби гарид̇ваа яонисо б̣рахмажарияам̣ жаранд̇и, бхаб̣б̣аа паласса ад̇хиг̇амааяаад̇и. на ко мз д̇ам̣, рааж̇агумаара, бхаг̇авад̇о саммукаа суд̇ам̣, саммукаа бадиг̇г̇ахид̇ам̣. таанан̃жа ко зд̇ам̣ виж̇ж̇ад̇и яам̣ бхаг̇аваа звам̣ б̣яаагарзяяаа’д̇и. ‘сажз бход̇о бхуумиж̇асса сад̇т̇аа звам̣ваад̣̇ий звамагкааяий, ад̣̇д̇хаа бход̇о бхуумиж̇асса сад̇т̇аа саб̣б̣зсам̣язва бут̇усаман̣аб̣раахман̣аанам̣ муд̣̇д̇хаанам̣ ман̃н̃з аахажжа д̇идтад̇ий’д̇и. ‘гажжаахам̣, бханд̇з, звам̣ будто звам̣ б̣яаагарамаано вуд̇д̇аваад̣̇ий жзва бхаг̇авад̇о хоми, на жа бхаг̇аванд̇ам̣ абхууд̇зна аб̣бхаажигкаами, д̇хаммасса жаануд̇хаммам̣ б̣яаагароми, на жа гожи сахад̇хаммиго ваад̣̇аануваад̣̇о г̇аараяхам̣ таанам̣ ааг̇ажчад̇ий’’’д̇и?
224. Atha kho āyasmā bhūmijo pacchābhattaṃ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā bhūmijo bhagavantaṃ etadavoca – ‘‘idhāhaṃ, bhante, pubbaṇhasamayaṃ nivāsetvā pattacīvaramādāya yena jayasenassa rājakumārassa nivesanaṃ tenupasaṅkamiṃ; upasaṅkamitvā paññatte āsane nisīdiṃ. Atha kho, bhante, jayaseno rājakumāro yenāhaṃ tenupasaṅkami; upasaṅkamitvā mayā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho, bhante, jayaseno rājakumāro maṃ etadavoca – ‘santi, bho bhūmija, eke samaṇabrāhmaṇā evaṃvādino evaṃdiṭṭhino – āsañcepi karitvā brahmacariyaṃ caranti, abhabbā phalassa adhigamāya; anāsañcepi karitvā…pe… āsañca anāsañcepi karitvā brahmacariyaṃ caranti, abhabbā phalassa adhigamāya; nevāsaṃ nānāsañcepi karitvā brahmacariyaṃ caranti, abhabbā phalassa adhigamāyā’ti. ‘Idha bhoto bhūmijassa satthā kiṃvādī kimakkhāyī’ti? Evaṃ vutte ahaṃ, bhante, jayasenaṃ rājakumāraṃ etadavocaṃ – ‘na kho me taṃ, rājakumāra, bhagavato sammukhā sutaṃ, sammukhā paṭiggahitaṃ. Ṭhānañca kho etaṃ vijjati yaṃ bhagavā evaṃ byākareyya – āsañcepi karitvā ayoniso brahmacariyaṃ caranti, abhabbā phalassa adhigamāya; anāsañcepi karitvā ayoniso brahmacariyaṃ caranti, abhabbā phalassa adhigamāya; āsañca anāsañcepi karitvā ayoniso brahmacariyaṃ caranti, abhabbā phalassa adhigamāya; nevāsaṃ nānāsañcepi karitvā ayoniso brahmacariyaṃ caranti, abhabbā phalassa adhigamāya. Āsañcepi karitvā yoniso brahmacariyaṃ caranti, bhabbā phalassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā yoniso brahmacariyaṃ caranti, bhabbā phalassa adhigamāyāti. Na kho me taṃ, rājakumāra, bhagavato sammukhā sutaṃ, sammukhā paṭiggahitaṃ. Ṭhānañca kho etaṃ vijjati yaṃ bhagavā evaṃ byākareyyā’ti. ‘Sace bhoto bhūmijassa satthā evaṃvādī evamakkhāyī, addhā bhoto bhūmijassa satthā sabbesaṃyeva puthusamaṇabrāhmaṇānaṃ muddhānaṃ maññe āhacca tiṭṭhatī’ti. ‘Kaccāhaṃ, bhante, evaṃ puṭṭho evaṃ byākaramāno vuttavādī ceva bhagavato homi, na ca bhagavantaṃ abhūtena abbhācikkhāmi, dhammassa cānudhammaṃ byākaromi, na ca koci sahadhammiko vādānuvādo gārayhaṃ ṭhānaṃ āgacchatī’’’ti?
‘‘д̇аг̇гха д̇вам̣, бхуумиж̇а, звам̣ будто звам̣ б̣яаагарамаано вуд̇д̇аваад̣̇ий жзва мз хоси, на жа мам̣ абхууд̇зна аб̣бхаажигкаси, д̇хаммасса жаануд̇хаммам̣ б̣яаагароси, на жа гожи сахад̇хаммиго ваад̣̇аануваад̣̇о г̇аараяхам̣ таанам̣ ааг̇ажчад̇и. яз хи гзжи, бхуумиж̇а, саман̣аа ваа б̣раахман̣аа ваа мижчаад̣̇идтино мижчаасан̇габбаа мижчааваажаа мижчаагамманд̇аа мижчааааж̇ийваа мижчаавааяаамаа мижчаасад̇ий мижчаасамаад̇хино д̇з аасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа; анаасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа; аасан̃жа анаасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа; нзваасам̣ наанаасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа. д̇ам̣ гисса хзд̇у? аяони хзсаа, бхуумиж̇а, паласса ад̇хиг̇амааяа.
‘‘Taggha tvaṃ, bhūmija, evaṃ puṭṭho evaṃ byākaramāno vuttavādī ceva me hosi, na ca maṃ abhūtena abbhācikkhasi, dhammassa cānudhammaṃ byākarosi, na ca koci sahadhammiko vādānuvādo gārayhaṃ ṭhānaṃ āgacchati. Ye hi keci, bhūmija, samaṇā vā brāhmaṇā vā micchādiṭṭhino micchāsaṅkappā micchāvācā micchākammantā micchāājīvā micchāvāyāmā micchāsatī micchāsamādhino te āsañcepi karitvā brahmacariyaṃ caranti, abhabbā phalassa adhigamāya; anāsañcepi karitvā brahmacariyaṃ caranti, abhabbā phalassa adhigamāya; āsañca anāsañcepi karitvā brahmacariyaṃ caranti, abhabbā phalassa adhigamāya; nevāsaṃ nānāsañcepi karitvā brahmacariyaṃ caranti, abhabbā phalassa adhigamāya. Taṃ kissa hetu? Ayoni hesā, bhūmija, phalassa adhigamāya.
225. ‘‘сзяяат̇ааби, бхуумиж̇а, бурисо д̇злад̇т̇иго д̇злаг̇авзсий д̇злабариязсанам̣ жарамаано ваалигам̣ д̣̇он̣ияаа аагирид̇ваа уд̣̇агзна барибпосагам̣ барибпосагам̣ бийл̣зяяа. аасан̃жзби гарид̇ваа ваалигам̣ д̣̇он̣ияаа аагирид̇ваа уд̣̇агзна барибпосагам̣ барибпосагам̣ бийл̣зяяа, абхаб̣б̣о д̇зласса ад̇хиг̇амааяа; анаасан̃жзби гарид̇ваа ваалигам̣ д̣̇он̣ияаа аагирид̇ваа уд̣̇агзна барибпосагам̣ барибпосагам̣ бийл̣зяяа, абхаб̣б̣о д̇зласса ад̇хиг̇амааяа; аасан̃жа анаасан̃жзби гарид̇ваа ваалигам̣ д̣̇он̣ияаа аагирид̇ваа уд̣̇агзна барибпосагам̣ барибпосагам̣ бийл̣зяяа, абхаб̣б̣о д̇зласса ад̇хиг̇амааяа; нзваасам̣ наанаасан̃жзби гарид̇ваа ваалигам̣ д̣̇он̣ияаа аагирид̇ваа уд̣̇агзна барибпосагам̣ барибпосагам̣ бийл̣зяяа, абхаб̣б̣о д̇зласса ад̇хиг̇амааяа. д̇ам̣ гисса хзд̇у? аяони хзсаа, бхуумиж̇а, д̇зласса ад̇хиг̇амааяа. звамзва ко, бхуумиж̇а, яз хи гзжи саман̣аа ваа б̣раахман̣аа ваа мижчаад̣̇идтино мижчаасан̇габбаа мижчааваажаа мижчаагамманд̇аа мижчааааж̇ийваа мижчаавааяаамаа мижчаасад̇ий мижчаасамаад̇хино д̇з аасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа; анаасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа; аасан̃жа анаасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа; нзваасам̣ наанаасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа. д̇ам̣ гисса хзд̇у? аяони хзсаа, бхуумиж̇а, паласса ад̇хиг̇амааяа.
225. ‘‘Seyyathāpi, bhūmija, puriso telatthiko telagavesī telapariyesanaṃ caramāno vālikaṃ doṇiyā ākiritvā udakena paripphosakaṃ paripphosakaṃ pīḷeyya. Āsañcepi karitvā vālikaṃ doṇiyā ākiritvā udakena paripphosakaṃ paripphosakaṃ pīḷeyya, abhabbo telassa adhigamāya; anāsañcepi karitvā vālikaṃ doṇiyā ākiritvā udakena paripphosakaṃ paripphosakaṃ pīḷeyya, abhabbo telassa adhigamāya; āsañca anāsañcepi karitvā vālikaṃ doṇiyā ākiritvā udakena paripphosakaṃ paripphosakaṃ pīḷeyya, abhabbo telassa adhigamāya; nevāsaṃ nānāsañcepi karitvā vālikaṃ doṇiyā ākiritvā udakena paripphosakaṃ paripphosakaṃ pīḷeyya, abhabbo telassa adhigamāya. Taṃ kissa hetu? Ayoni hesā, bhūmija, telassa adhigamāya. Evameva kho, bhūmija, ye hi keci samaṇā vā brāhmaṇā vā micchādiṭṭhino micchāsaṅkappā micchāvācā micchākammantā micchāājīvā micchāvāyāmā micchāsatī micchāsamādhino te āsañcepi karitvā brahmacariyaṃ caranti, abhabbā phalassa adhigamāya; anāsañcepi karitvā brahmacariyaṃ caranti, abhabbā phalassa adhigamāya; āsañca anāsañcepi karitvā brahmacariyaṃ caranti, abhabbā phalassa adhigamāya; nevāsaṃ nānāsañcepi karitvā brahmacariyaṃ caranti, abhabbā phalassa adhigamāya. Taṃ kissa hetu? Ayoni hesā, bhūmija, phalassa adhigamāya.
‘‘сзяяат̇ааби , бхуумиж̇а, бурисо кийрад̇т̇иго кийраг̇авзсий кийрабариязсанам̣ жарамаано г̇аавим̣ д̇арун̣аважчам̣ висаан̣ад̇о аавин̃чзяяа 11. аасан̃жзби гарид̇ваа г̇аавим̣ д̇арун̣аважчам̣ висаан̣ад̇о аавин̃чзяяа, абхаб̣б̣о кийрасса ад̇хиг̇амааяа; анаасан̃жзби гарид̇ваа…бз… аасан̃жа анаасан̃жзби гарид̇ваа…бз… нзваасам̣ наанаасан̃жзби гарид̇ваа г̇аавим̣ д̇арун̣аважчам̣ висаан̣ад̇о аавин̃чзяяа, абхаб̣б̣о кийрасса ад̇хиг̇амааяа. д̇ам̣ гисса хзд̇у? аяони хзсаа, бхуумиж̇а, кийрасса ад̇хиг̇амааяа. звамзва ко, бхуумиж̇а, яз хи гзжи саман̣аа ваа б̣раахман̣аа ваа мижчаад̣̇идтино…бз… мижчаасамаад̇хино д̇з аасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа; анаасан̃жзби гарид̇ваа…бз… аасан̃жа анаасан̃жзби гарид̇ваа…бз… нзваасам̣ наанаасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа. д̇ам̣ гисса хзд̇у? аяони хзсаа, бхуумиж̇а, паласса ад̇хиг̇амааяа.
‘‘Seyyathāpi , bhūmija, puriso khīratthiko khīragavesī khīrapariyesanaṃ caramāno gāviṃ taruṇavacchaṃ visāṇato āviñcheyya 12. Āsañcepi karitvā gāviṃ taruṇavacchaṃ visāṇato āviñcheyya, abhabbo khīrassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā gāviṃ taruṇavacchaṃ visāṇato āviñcheyya, abhabbo khīrassa adhigamāya. Taṃ kissa hetu? Ayoni hesā, bhūmija, khīrassa adhigamāya. Evameva kho, bhūmija, ye hi keci samaṇā vā brāhmaṇā vā micchādiṭṭhino…pe… micchāsamādhino te āsañcepi karitvā brahmacariyaṃ caranti, abhabbā phalassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā brahmacariyaṃ caranti, abhabbā phalassa adhigamāya. Taṃ kissa hetu? Ayoni hesā, bhūmija, phalassa adhigamāya.
226. ‘‘сзяяат̇ааби, бхуумиж̇а, бурисо наванийд̇ад̇т̇иго наванийд̇аг̇авзсий наванийд̇абариязсанам̣ жарамаано уд̣̇агам̣ галасз аасин̃жид̇ваа мад̇т̇зна 13 аавин̃чзяяа. аасан̃жзби гарид̇ваа уд̣̇агам̣ галасз аасин̃жид̇ваа мад̇т̇зна аавин̃чзяяа, абхаб̣б̣о наванийд̇асса ад̇хиг̇амааяа; анаасан̃жзби гарид̇ваа…бз… аасан̃жа анаасан̃жзби гарид̇ваа…бз… нзваасам̣ наанаасан̃жзби гарид̇ваа уд̣̇агам̣ галасз аасин̃жид̇ваа мад̇т̇зна аавин̃чзяяа, абхаб̣б̣о наванийд̇асса ад̇хиг̇амааяа. д̇ам̣ гисса хзд̇у? аяони хзсаа, бхуумиж̇а, наванийд̇асса ад̇хиг̇амааяа. звамзва ко, бхуумиж̇а, яз хи гзжи саман̣аа ваа б̣раахман̣аа ваа мижчаад̣̇идтино…бз… мижчаасамаад̇хино д̇з аасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа; анаасан̃жзби гарид̇ваа…бз… аасан̃жа анаасан̃жзби гарид̇ваа…бз… нзваасам̣ наанаасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа. д̇ам̣ гисса хзд̇у? аяони хзсаа, бхуумиж̇а, паласса ад̇хиг̇амааяа.
226. ‘‘Seyyathāpi, bhūmija, puriso navanītatthiko navanītagavesī navanītapariyesanaṃ caramāno udakaṃ kalase āsiñcitvā matthena 14 āviñcheyya. Āsañcepi karitvā udakaṃ kalase āsiñcitvā matthena āviñcheyya, abhabbo navanītassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā udakaṃ kalase āsiñcitvā matthena āviñcheyya, abhabbo navanītassa adhigamāya. Taṃ kissa hetu? Ayoni hesā, bhūmija, navanītassa adhigamāya. Evameva kho, bhūmija, ye hi keci samaṇā vā brāhmaṇā vā micchādiṭṭhino…pe… micchāsamādhino te āsañcepi karitvā brahmacariyaṃ caranti, abhabbā phalassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā brahmacariyaṃ caranti, abhabbā phalassa adhigamāya. Taṃ kissa hetu? Ayoni hesā, bhūmija, phalassa adhigamāya.
‘‘сзяяат̇ааби, бхуумиж̇а, бурисо аг̇г̇ид̇т̇иго 15 аг̇г̇иг̇авзсий аг̇г̇ибариязсанам̣ жарамаано аллам̣ гадтам̣ саснзхам̣ уд̇д̇арааран̣им̣ аад̣̇ааяа абхимант̇зяяа 16. аасан̃жзби гарид̇ваа аллам̣ гадтам̣ саснзхам̣ уд̇д̇арааран̣им̣ аад̣̇ааяа абхимант̇зяяа, абхаб̣б̣о аг̇г̇исса ад̇хиг̇амааяа; анаасан̃жзби гарид̇ваа…бз… аасан̃жа анаасан̃жзби гарид̇ваа…бз… нзваасам̣ наанаасан̃жзби гарид̇ваа аллам̣ гадтам̣ саснзхам̣ уд̇д̇арааран̣им̣ аад̣̇ааяа абхимант̇зяяа, абхаб̣б̣о аг̇г̇исса ад̇хиг̇амааяа. д̇ам̣ гисса хзд̇у? аяони хзсаа, бхуумиж̇а, аг̇г̇исса ад̇хиг̇амааяа. звамзва ко, бхуумиж̇а, яз хи гзжи саман̣аа ваа б̣раахман̣аа ваа мижчаад̣̇идтино…бз… мижчаасамаад̇хино д̇з аасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа; анаасан̃жзби гарид̇ваа…бз…аасан̃жа анаасан̃жзби гарид̇ваа…бз… нзваасам̣ наанаасан̃жзби гарид̇ваа б̣рахмажарияам̣ жаранд̇и, абхаб̣б̣аа паласса ад̇хиг̇амааяа. д̇ам̣ гисса хзд̇у? аяони хзсаа, бхуумиж̇а, паласса ад̇хиг̇амааяа. яз хи гзжи, бхуумиж̇а, саман̣аа ваа б̣раахман̣аа ваа саммаад̣̇идтино саммаасан̇габбаа саммааваажаа саммаагамманд̇аа саммааааж̇ийваа саммаавааяаамаа саммаасад̇ий саммаасамаад̇хино д̇з аасан̃жзби гарид̇ваа б̣рахмажарияам̣ жаранд̇и, бхаб̣б̣аа паласса ад̇хиг̇амааяа; анаасан̃жзби гарид̇ваа б̣рахмажарияам̣ жаранд̇и, бхаб̣б̣аа паласса ад̇хиг̇амааяа; аасан̃жа анаасан̃жзби гарид̇ваа б̣рахмажарияам̣ жаранд̇и, бхаб̣б̣аа паласса ад̇хиг̇амааяа; нзваасам̣ наанаасан̃жзби гарид̇ваа б̣рахмажарияам̣ жаранд̇и, бхаб̣б̣аа паласса ад̇хиг̇амааяа. д̇ам̣ гисса хзд̇у? яони хзсаа, бхуумиж̇а, паласса ад̇хиг̇амааяа.
‘‘Seyyathāpi, bhūmija, puriso aggitthiko 17 aggigavesī aggipariyesanaṃ caramāno allaṃ kaṭṭhaṃ sasnehaṃ uttarāraṇiṃ ādāya abhimantheyya 18. Āsañcepi karitvā allaṃ kaṭṭhaṃ sasnehaṃ uttarāraṇiṃ ādāya abhimantheyya, abhabbo aggissa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā allaṃ kaṭṭhaṃ sasnehaṃ uttarāraṇiṃ ādāya abhimantheyya, abhabbo aggissa adhigamāya. Taṃ kissa hetu? Ayoni hesā, bhūmija, aggissa adhigamāya. Evameva kho, bhūmija, ye hi keci samaṇā vā brāhmaṇā vā micchādiṭṭhino…pe… micchāsamādhino te āsañcepi karitvā brahmacariyaṃ caranti, abhabbā phalassa adhigamāya; anāsañcepi karitvā…pe…āsañca anāsañcepi karitvā…pe… nevāsaṃ nānāsañcepi karitvā brahmacariyaṃ caranti, abhabbā phalassa adhigamāya. Taṃ kissa hetu? Ayoni hesā, bhūmija, phalassa adhigamāya. Ye hi keci, bhūmija, samaṇā vā brāhmaṇā vā sammādiṭṭhino sammāsaṅkappā sammāvācā sammākammantā sammāājīvā sammāvāyāmā sammāsatī sammāsamādhino te āsañcepi karitvā brahmacariyaṃ caranti, bhabbā phalassa adhigamāya; anāsañcepi karitvā brahmacariyaṃ caranti, bhabbā phalassa adhigamāya; āsañca anāsañcepi karitvā brahmacariyaṃ caranti, bhabbā phalassa adhigamāya; nevāsaṃ nānāsañcepi karitvā brahmacariyaṃ caranti, bhabbā phalassa adhigamāya. Taṃ kissa hetu? Yoni hesā, bhūmija, phalassa adhigamāya.
227. ‘‘сзяяат̇ааби, бхуумиж̇а, бурисо д̇злад̇т̇иго д̇злаг̇авзсий д̇злабариязсанам̣ жарамаано д̇илабидтам̣ д̣̇он̣ияаа аагирид̇ваа уд̣̇агзна барибпосагам̣ барибпосагам̣ бийл̣зяяа. аасан̃жзби гарид̇ваа д̇илабидтам̣ д̣̇он̣ияаа аагирид̇ваа уд̣̇агзна барибпосагам̣ барибпосагам̣ бийл̣зяяа, бхаб̣б̣о д̇зласса ад̇хиг̇амааяа; анаасан̃жзби гарид̇ваа…бз… аасан̃жа анаасан̃жзби гарид̇ваа…бз… нзваасам̣ наанаасан̃жзби гарид̇ваа д̇илабидтам̣ д̣̇он̣ияаа аагирид̇ваа уд̣̇агзна барибпосагам̣ барибпосагам̣ бийл̣зяяа, бхаб̣б̣о д̇зласса ад̇хиг̇амааяа. д̇ам̣ гисса хзд̇у? яони хзсаа, бхуумиж̇а, д̇зласса ад̇хиг̇амааяа. звамзва ко, бхуумиж̇а, яз хи гзжи саман̣аа ваа б̣раахман̣аа ваа саммаад̣̇идтино…бз… саммаасамаад̇хино д̇з аасан̃жзби гарид̇ваа б̣рахмажарияам̣ жаранд̇и, бхаб̣б̣аа паласса ад̇хиг̇амааяа; анаасан̃жзби гарид̇ваа…бз… аасан̃жа анаасан̃жзби гарид̇ваа…бз… нзваасам̣ наанаасан̃жзби гарид̇ваа б̣рахмажарияам̣ жаранд̇и, бхаб̣б̣аа паласса ад̇хиг̇амааяа. д̇ам̣ гисса хзд̇у? яони хзсаа, бхуумиж̇а, паласса ад̇хиг̇амааяа.
227. ‘‘Seyyathāpi, bhūmija, puriso telatthiko telagavesī telapariyesanaṃ caramāno tilapiṭṭhaṃ doṇiyā ākiritvā udakena paripphosakaṃ paripphosakaṃ pīḷeyya. Āsañcepi karitvā tilapiṭṭhaṃ doṇiyā ākiritvā udakena paripphosakaṃ paripphosakaṃ pīḷeyya, bhabbo telassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā tilapiṭṭhaṃ doṇiyā ākiritvā udakena paripphosakaṃ paripphosakaṃ pīḷeyya, bhabbo telassa adhigamāya. Taṃ kissa hetu? Yoni hesā, bhūmija, telassa adhigamāya. Evameva kho, bhūmija, ye hi keci samaṇā vā brāhmaṇā vā sammādiṭṭhino…pe… sammāsamādhino te āsañcepi karitvā brahmacariyaṃ caranti, bhabbā phalassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā brahmacariyaṃ caranti, bhabbā phalassa adhigamāya. Taṃ kissa hetu? Yoni hesā, bhūmija, phalassa adhigamāya.
‘‘сзяяат̇ааби, бхуумиж̇а, бурисо кийрад̇т̇иго кийраг̇авзсий кийрабариязсанам̣ жарамаано г̇аавим̣ д̇арун̣аважчам̣ т̇анад̇о аавин̃чзяяа. аасан̃жзби гарид̇ваа г̇аавим̣ д̇арун̣аважчам̣ т̇анад̇о аавин̃чзяяа, бхаб̣б̣о кийрасса ад̇хиг̇амааяа; анаасан̃жзби гарид̇ваа…бз… аасан̃жа анаасан̃жзби гарид̇ваа…бз… нзваасам̣ наанаасан̃жзби гарид̇ваа г̇аавим̣ д̇арун̣аважчам̣ т̇анад̇о аавин̃чзяяа, бхаб̣б̣о кийрасса ад̇хиг̇амааяа. д̇ам̣ гисса хзд̇у? яони хзсаа, бхуумиж̇а, кийрасса ад̇хиг̇амааяа. звамзва ко, бхуумиж̇а, яз хи гзжи саман̣аа ваа б̣раахман̣аа ваа саммаад̣̇идтино…бз… саммаасамаад̇хино д̇з аасан̃жзби гарид̇ваа…бз… анаасан̃жзби гарид̇ваа…бз… аасан̃жа анаасан̃жзби гарид̇ваа…бз… нзваасам̣ наанаасан̃жзби гарид̇ваа б̣рахмажарияам̣ жаранд̇и, бхаб̣б̣аа паласса ад̇хиг̇амааяа. д̇ам̣ гисса хзд̇у? яони хзсаа, бхуумиж̇а, паласса ад̇хиг̇амааяа.
‘‘Seyyathāpi, bhūmija, puriso khīratthiko khīragavesī khīrapariyesanaṃ caramāno gāviṃ taruṇavacchaṃ thanato āviñcheyya. Āsañcepi karitvā gāviṃ taruṇavacchaṃ thanato āviñcheyya, bhabbo khīrassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā gāviṃ taruṇavacchaṃ thanato āviñcheyya, bhabbo khīrassa adhigamāya. Taṃ kissa hetu? Yoni hesā, bhūmija, khīrassa adhigamāya. Evameva kho, bhūmija, ye hi keci samaṇā vā brāhmaṇā vā sammādiṭṭhino…pe… sammāsamādhino te āsañcepi karitvā…pe… anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā brahmacariyaṃ caranti, bhabbā phalassa adhigamāya. Taṃ kissa hetu? Yoni hesā, bhūmija, phalassa adhigamāya.
228. ‘‘сзяяат̇ааби, бхуумиж̇а, бурисо наванийд̇ад̇т̇иго наванийд̇аг̇авзсий наванийд̇абариязсанам̣ жарамаано д̣̇ад̇хим̣ галасз аасин̃жид̇ваа мад̇т̇зна аавин̃чзяяа. аасан̃жзби гарид̇ваа д̣̇ад̇хим̣ галасз аасин̃жид̇ваа мад̇т̇зна аавин̃чзяяа, бхаб̣б̣о наванийд̇асса ад̇хиг̇амааяа; анаасан̃жзби гарид̇ваа… аасан̃жа анаасан̃жзби гарид̇ваа… нзваасам̣ наанаасан̃жзби гарид̇ваа д̣̇ад̇хим̣ галасз аасин̃жид̇ваа мад̇т̇зна аавин̃чзяяа, бхаб̣б̣о наванийд̇асса ад̇хиг̇амааяа. д̇ам̣ гисса хзд̇у? яони хзсаа, бхуумиж̇а, наванийд̇асса ад̇хиг̇амааяа. звамзва ко, бхуумиж̇а, яз хи гзжи саман̣аа ваа б̣раахман̣аа ваа саммаад̣̇идтино…бз… саммаасамаад̇хино д̇з аасан̃жзби гарид̇ваа б̣рахмажарияам̣ жаранд̇и, бхаб̣б̣аа паласса ад̇хиг̇амааяа; анаасан̃жзби гарид̇ваа… аасан̃жа анаасан̃жзби гарид̇ваа … нзваасам̣ наанаасан̃жзби гарид̇ваа б̣рахмажарияам̣ жаранд̇и, бхаб̣б̣аа паласса ад̇хиг̇амааяа. д̇ам̣ гисса хзд̇у? яони хзсаа, бхуумиж̇а, паласса ад̇хиг̇амааяа.
228. ‘‘Seyyathāpi, bhūmija, puriso navanītatthiko navanītagavesī navanītapariyesanaṃ caramāno dadhiṃ kalase āsiñcitvā matthena āviñcheyya. Āsañcepi karitvā dadhiṃ kalase āsiñcitvā matthena āviñcheyya, bhabbo navanītassa adhigamāya; anāsañcepi karitvā… āsañca anāsañcepi karitvā… nevāsaṃ nānāsañcepi karitvā dadhiṃ kalase āsiñcitvā matthena āviñcheyya, bhabbo navanītassa adhigamāya. Taṃ kissa hetu? Yoni hesā, bhūmija, navanītassa adhigamāya. Evameva kho, bhūmija, ye hi keci samaṇā vā brāhmaṇā vā sammādiṭṭhino…pe… sammāsamādhino te āsañcepi karitvā brahmacariyaṃ caranti, bhabbā phalassa adhigamāya; anāsañcepi karitvā… āsañca anāsañcepi karitvā … nevāsaṃ nānāsañcepi karitvā brahmacariyaṃ caranti, bhabbā phalassa adhigamāya. Taṃ kissa hetu? Yoni hesā, bhūmija, phalassa adhigamāya.
‘‘сзяяат̇ааби, бхуумиж̇а, бурисо аг̇г̇ид̇т̇иго аг̇г̇иг̇авзсий аг̇г̇ибариязсанам̣ жарамаано сугкам̣ гадтам̣ гол̣аабам̣ уд̇д̇арааран̣им̣ аад̣̇ааяа абхимант̇зяяа; ( ) 19 аасан̃жзби гарид̇ваа… анаасан̃жзби гарид̇ваа.. аасан̃жа анаасан̃жзби гарид̇ваа… нзваасам̣ наанаасан̃жзби гарид̇ваа сугка гадтам̣ гол̣аабам̣ уд̇д̇арааран̣им̣ аад̣̇ааяа абхимант̇зяяа, бхаб̣б̣о аг̇г̇исса ад̇хиг̇амааяа. д̇ам̣ гисса хзд̇у? яони хзсаа, бхуумиж̇а, аг̇г̇исса ад̇хиг̇амааяа. звамзва ко, бхуумиж̇а, яз хи гзжи саман̣аа ваа б̣раахман̣аа ваа саммаад̣̇идтино…бз… саммаасамаад̇хино д̇з аасан̃жзби гарид̇ваа б̣рахмажарияам̣ жаранд̇и, бхаб̣б̣аа паласса ад̇хиг̇амааяа; анаасан̃жзби гарид̇ваа б̣рахмажарияам̣ жаранд̇и, бхаб̣б̣аа паласса ад̇хиг̇амааяа; аасан̃жа анаасан̃жзби гарид̇ваа б̣рахмажарияам̣ жаранд̇и, бхаб̣б̣аа паласса ад̇хиг̇амааяа; нзваасам̣ наанаасан̃жзби гарид̇ваа б̣рахмажарияам̣ жаранд̇и, бхаб̣б̣аа паласса ад̇хиг̇амааяа. д̇ам̣ гисса хзд̇у? яони хзсаа, бхуумиж̇а, паласса ад̇хиг̇амааяа.
‘‘Seyyathāpi, bhūmija, puriso aggitthiko aggigavesī aggipariyesanaṃ caramāno sukkhaṃ kaṭṭhaṃ koḷāpaṃ uttarāraṇiṃ ādāya abhimantheyya; ( ) 20 āsañcepi karitvā… anāsañcepi karitvā.. āsañca anāsañcepi karitvā… nevāsaṃ nānāsañcepi karitvā sukkha kaṭṭhaṃ koḷāpaṃ uttarāraṇiṃ ādāya abhimantheyya, bhabbo aggissa adhigamāya. Taṃ kissa hetu? Yoni hesā, bhūmija, aggissa adhigamāya. Evameva kho, bhūmija, ye hi keci samaṇā vā brāhmaṇā vā sammādiṭṭhino…pe… sammāsamādhino te āsañcepi karitvā brahmacariyaṃ caranti, bhabbā phalassa adhigamāya; anāsañcepi karitvā brahmacariyaṃ caranti, bhabbā phalassa adhigamāya; āsañca anāsañcepi karitvā brahmacariyaṃ caranti, bhabbā phalassa adhigamāya; nevāsaṃ nānāsañcepi karitvā brahmacariyaṃ caranti, bhabbā phalassa adhigamāya. Taṃ kissa hetu? Yoni hesā, bhūmija, phalassa adhigamāya.
‘‘сажз ко д̇ам̣, бхуумиж̇а, ж̇аяасзнасса рааж̇агумаарасса имаа жад̇ассо убамаа бадибхааязяяум̣ анажчарияам̣ д̇з ж̇аяасзно рааж̇агумааро басийд̣̇зяяа, басанно жа д̇з басаннаагаарам̣ гарзяяаа’’д̇и. ‘‘гуд̇о бана мам̣, бханд̇з, ж̇аяасзнасса рааж̇агумаарасса имаа жад̇ассо убамаа бадибхааяиссанд̇и анажчарияаа буб̣б̣з ассуд̇абуб̣б̣аа, сзяяат̇ааби бхаг̇аванд̇а’’нд̇и?
‘‘Sace kho taṃ, bhūmija, jayasenassa rājakumārassa imā catasso upamā paṭibhāyeyyuṃ anacchariyaṃ te jayaseno rājakumāro pasīdeyya, pasanno ca te pasannākāraṃ kareyyā’’ti. ‘‘Kuto pana maṃ, bhante, jayasenassa rājakumārassa imā catasso upamā paṭibhāyissanti anacchariyā pubbe assutapubbā, seyyathāpi bhagavanta’’nti?
ид̣̇амавожа бхаг̇аваа. ад̇д̇амано ааяасмаа бхуумиж̇о бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā bhūmijo bhagavato bhāsitaṃ abhinandīti.
бхуумиж̇асуд̇д̇ам̣ нидтид̇ам̣ чадтам̣.
Bhūmijasuttaṃ niṭṭhitaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. бхуумиж̇асуд̇д̇аван̣н̣анаа • 6. Bhūmijasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. бхуумиж̇асуд̇д̇аван̣н̣анаа • 6. Bhūmijasuttavaṇṇanā
