| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. бхуумиж̇асуд̇д̇аван̣н̣анаа
5. Bhūmijasuttavaṇṇanā
25-26. бан̃жамз бхуумиж̇од̇и д̇асса т̇зрасса наамам̣. сзсамид̇хааби буримасуд̇д̇з вуд̇д̇анаязнзва взд̣̇ид̇аб̣б̣ам̣. аяам̣ бана висзсо – яасмаа ид̣̇ам̣ сукад̣̇угкам̣ на гзвалам̣ пассабажжаяаа уббаж̇ж̇ад̇и, гааязнаби гарияамаанам̣ гарийяад̇и, ваажааяаби манасааби, ад̇д̇анааби гарияамаанам̣ гарийяад̇и, барзнаби гарияамаанам̣ гарийяад̇и, самбаж̇аанзнаби гарияамаанам̣ гарийяад̇и, асамбаж̇аанзнаби, д̇асмаа д̇асса абарамби бажжаяависзсам̣ д̣̇ассзд̇ум̣ гааяз ваа хаананд̣̇а, сад̇ийд̇иаад̣̇имааха. гааяасан̃жзд̇анаахзд̇ууд̇и гааяад̣̇ваарз уббаннажзд̇анаахзд̇у. важийсан̃жзд̇анааманосан̃жзд̇анаасуби зсзва наяо. зд̇т̇а жа гааяад̣̇ваарз гаамааважарагусалаагусалавасзна вийсад̇и жзд̇анаа лаб̣бханд̇и, д̇ат̇аа важийд̣̇ваарз. манод̣̇ваарз навахи руубааруубажзд̇анаахи сад̣̇д̇хим̣ згуунад̇им̣саад̇и д̇ийсу д̣̇ваарзсу згуунасад̇д̇ад̇и жзд̇анаа хонд̇и, д̇аббажжаяам̣ вибаагасукад̣̇угкам̣ д̣̇ассид̇ам̣. авиж̇ж̇аабажжаяаа жаад̇и ид̣̇ам̣ д̇ааби жзд̇анаа авиж̇ж̇аабажжаяаа хонд̇ийд̇и д̣̇ассанад̇т̇ам̣ вуд̇д̇ам̣. яасмаа бана д̇ам̣ яат̇аавуд̇д̇ажзд̇анаабхзд̣̇ам̣ гааяасан̇кааран̃жзва важийсан̇кааран̃жа маносан̇кааран̃жа барзхи ануссаахид̇о саамам̣ асан̇кааригажид̇д̇зна гарод̇и, барзхи гаарияамаано сасан̇кааригажид̇д̇знааби гарод̇и, ‘‘ид̣̇ам̣ наама гаммам̣ гарод̇и, д̇асса зваруубо наама вибааго бхависсад̇ий’’д̇и, звам̣ гамман̃жа вибааган̃жа ж̇аананд̇оби гарод̇и, маад̇аабид̇уусу жзд̇ияаванд̣̇анаад̣̇ийни гаронд̇зсу анугаронд̇аа д̣̇аарагаа вияа гзвалам̣ гаммамзва ж̇аананд̇о ‘‘имасса бана гаммасса аяам̣ вибааго’’д̇и вибаагам̣ аж̇аананд̇оби гарод̇и, д̇асмаа д̇ам̣ д̣̇ассзд̇ум̣ саамам̣ ваа д̇ам̣, аананд̣̇а, гааяасан̇каарам̣ абхисан̇карод̇ийд̇иаад̣̇и вуд̇д̇ам̣.
25-26. Pañcame bhūmijoti tassa therassa nāmaṃ. Sesamidhāpi purimasutte vuttanayeneva veditabbaṃ. Ayaṃ pana viseso – yasmā idaṃ sukhadukkhaṃ na kevalaṃ phassapaccayā uppajjati, kāyenapi kariyamānaṃ karīyati, vācāyapi manasāpi, attanāpi kariyamānaṃ karīyati, parenapi kariyamānaṃ karīyati, sampajānenapi kariyamānaṃ karīyati, asampajānenapi, tasmā tassa aparampi paccayavisesaṃ dassetuṃ kāye vā hānanda, satītiādimāha. Kāyasañcetanāhetūti kāyadvāre uppannacetanāhetu. Vacīsañcetanāmanosañcetanāsupi eseva nayo. Ettha ca kāyadvāre kāmāvacarakusalākusalavasena vīsati cetanā labbhanti, tathā vacīdvāre. Manodvāre navahi rūpārūpacetanāhi saddhiṃ ekūnatiṃsāti tīsu dvāresu ekūnasattati cetanā honti, tappaccayaṃ vipākasukhadukkhaṃ dassitaṃ. Avijjāpaccayā cāti idaṃ tāpi cetanā avijjāpaccayā hontīti dassanatthaṃ vuttaṃ. Yasmā pana taṃ yathāvuttacetanābhedaṃ kāyasaṅkhārañceva vacīsaṅkhārañca manosaṅkhārañca parehi anussāhito sāmaṃ asaṅkhārikacittena karoti, parehi kāriyamāno sasaṅkhārikacittenāpi karoti, ‘‘idaṃ nāma kammaṃ karoti, tassa evarūpo nāma vipāko bhavissatī’’ti, evaṃ kammañca vipākañca jānantopi karoti, mātāpitūsu cetiyavandanādīni karontesu anukarontā dārakā viya kevalaṃ kammameva jānanto ‘‘imassa pana kammassa ayaṃ vipāko’’ti vipākaṃ ajānantopi karoti, tasmā taṃ dassetuṃ sāmaṃ vā taṃ, ānanda, kāyasaṅkhāraṃ abhisaṅkharotītiādi vuttaṃ.
имзсу, аананд̣̇а, д̇хаммзсууд̇и яз имз ‘‘саамам̣ ваа д̇ам̣, аананд̣̇а, гааяасан̇каара’’нд̇иаад̣̇ийсу жад̇уусу таанзсу вуд̇д̇аа часад̇д̇ад̇и д̣̇взсад̇аа жзд̇анаад̇хаммаа, имзсу д̇хаммзсу авиж̇ж̇аа убаниссаяагодияаа анубад̇ид̇аа. саб̣б̣зби хи д̇з ‘‘авиж̇ж̇аабажжаяаа сан̇каараа’’д̇и зд̇т̇зва сан̇г̇ахам̣ г̇ажчанд̇и. ид̣̇аани виваддам̣ д̣̇ассзнд̇о авиж̇ж̇ааяа д̇взваад̇иаад̣̇имааха. со гааяо на ход̇ийд̇и яасмим̣ гааяз сад̇и гааяасан̃жзд̇анаабажжаяам̣ аж̇жхад̇д̇ам̣ сукад̣̇угкам̣ уббаж̇ж̇ад̇и, со гааяо на ход̇и. ваажааманзсуби зсзва наяо. абижа гааяод̇и жзд̇анаагааяо, ваажааби жзд̇анааваажаа, маноби гаммаманоязва. д̣̇ваарагааяо ваа гааяо. ваажааманзсуби зсзва наяо. кийн̣аасаво жзд̇ияам̣ ванд̣̇ад̇и, д̇хаммам̣ бхан̣ад̇и, гаммадтаанам̣ манаси гарод̇и, гат̇амасса гааяаад̣̇аяо на хонд̇ийд̇и? авибаагад̇д̇аа. кийн̣аасавзна хи гад̇ам̣ гаммам̣ нзва гусалам̣ ход̇и наагусалам̣. авибаагам̣ худ̇ваа гирияаамад̇д̇з д̇идтад̇и, д̇знасса д̇з гааяаад̣̇аяо на хонд̇ийд̇и вуд̇д̇ам̣.
Imesu, ānanda, dhammesūti ye ime ‘‘sāmaṃ vā taṃ, ānanda, kāyasaṅkhāra’’ntiādīsu catūsu ṭhānesu vuttā chasattati dvesatā cetanādhammā, imesu dhammesu avijjā upanissayakoṭiyā anupatitā. Sabbepi hi te ‘‘avijjāpaccayā saṅkhārā’’ti ettheva saṅgahaṃ gacchanti. Idāni vivaṭṭaṃ dassento avijjāya tvevātiādimāha. So kāyo na hotīti yasmiṃ kāye sati kāyasañcetanāpaccayaṃ ajjhattaṃ sukhadukkhaṃ uppajjati, so kāyo na hoti. Vācāmanesupi eseva nayo. Apica kāyoti cetanākāyo, vācāpi cetanāvācā, manopi kammamanoyeva. Dvārakāyo vā kāyo. Vācāmanesupi eseva nayo. Khīṇāsavo cetiyaṃ vandati, dhammaṃ bhaṇati, kammaṭṭhānaṃ manasi karoti, kathamassa kāyādayo na hontīti? Avipākattā. Khīṇāsavena hi kataṃ kammaṃ neva kusalaṃ hoti nākusalaṃ. Avipākaṃ hutvā kiriyāmatte tiṭṭhati, tenassa te kāyādayo na hontīti vuttaṃ.
кзд̇д̇ам̣ д̇ам̣ на ход̇ийд̇иаад̣̇ийсуби вируханадтзна д̇ам̣ кзд̇д̇ам̣ на ход̇и, бад̇идтаанадтзна вад̇т̇у на ход̇и, бажжаяадтзна ааяад̇анам̣ на ход̇и, гааран̣адтзна ад̇хигаран̣ам̣ на ход̇и. сан̃жзд̇анаамуулаган̃хи аж̇жхад̇д̇ам̣ сукад̣̇угкам̣ уббаж̇ж̇зяяа, саа сан̃жзд̇анаа зд̇зсам̣ вируханаад̣̇ийнам̣ ад̇т̇аанам̣ абхаавзна д̇асса сукад̣̇угкасса нзва кзд̇д̇ам̣, на вад̇т̇у на ааяад̇анам̣, на ад̇хигаран̣ам̣ ход̇ийд̇и. имасмим̣ суд̇д̇з взд̣̇анаад̣̇ийсу сукад̣̇угкамзва гат̇ид̇ам̣, д̇ан̃жа ко вибаагамзваад̇и. бан̃жамам̣.
Khettaṃ taṃ na hotītiādīsupi viruhanaṭṭhena taṃ khettaṃ na hoti, patiṭṭhānaṭṭhena vatthu na hoti, paccayaṭṭhena āyatanaṃ na hoti, kāraṇaṭṭhena adhikaraṇaṃ na hoti. Sañcetanāmūlakañhi ajjhattaṃ sukhadukkhaṃ uppajjeyya, sā sañcetanā etesaṃ viruhanādīnaṃ atthānaṃ abhāvena tassa sukhadukkhassa neva khettaṃ, na vatthu na āyatanaṃ, na adhikaraṇaṃ hotīti. Imasmiṃ sutte vedanādīsu sukhadukkhameva kathitaṃ, tañca kho vipākamevāti. Pañcamaṃ.
чадтам̣ убаваан̣асуд̇д̇ам̣ уд̇д̇аанамзва. зд̇т̇а бана ваддад̣̇угкамзва гат̇ид̇анд̇и. чадтам̣.
Chaṭṭhaṃ upavāṇasuttaṃ uttānameva. Ettha pana vaṭṭadukkhameva kathitanti. Chaṭṭhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
5. бхуумиж̇асуд̇д̇ам̣ • 5. Bhūmijasuttaṃ
6. убаваан̣асуд̇д̇ам̣ • 6. Upavāṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā)
5. бхуумиж̇асуд̇д̇аван̣н̣анаа • 5. Bhūmijasuttavaṇṇanā
6. убаваан̣асуд̇д̇аван̣н̣анаа • 6. Upavāṇasuttavaṇṇanā
