| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
6. бхуумиж̇асуд̇д̇аван̣н̣анаа
6. Bhūmijasuttavaṇṇanā
223. аасан̃жзби гарид̇ваад̇и, ‘‘иминаахам̣ б̣рахмажариязна д̣̇зво ваа бхавзяяам̣ д̣̇зван̃н̃ад̇аро ваа, д̣̇угкад̇о ваа мужжзяяа’’нд̇и бад̇т̇анам̣ гад̇ваа жзби жаранд̇и, абхаб̣б̣аа паласса ад̇хиг̇амааяа д̇ан̣хааяа б̣рахмажарияасса вид̣̇уусид̇ад̇д̇аад̇и ад̇хиббааяо. анаасан̃жзби гарид̇ваад̇и вуд̇д̇анаязна бад̇т̇анам̣ агад̇ваа. абхаб̣б̣аа паласса ад̇хиг̇амааяа анияамид̇абхаавад̇о. бан̣ид̇хаанавасзна хи бун̃н̃апалам̣ нияад̇ам̣ наама ход̇и, д̇ад̣̇абхаавад̇о гад̇ам̣ бун̃н̃ам̣ на лабхад̇ийд̇и ад̇хиббааяо. д̇ад̇ияабагкз убхаяадтаанзхи вуд̇д̇ам̣, жад̇уд̇т̇абагко саммаавад̇ааро ид̇и жад̇угодиго бан̃хо ж̇аалавасзна аахадо, д̇ад̇т̇а аасаа наама бад̇т̇анаа, мижчааг̇аахасмим̣ сад̇и на вибажжад̇и, саммааг̇аахасмим̣ сад̇и вибажжад̇и, убхаяат̇ааби убхаяаабзгкаанаама, яо мижчад̇д̇ад̇хаммз бурагкад̇ваа б̣рахмажарияам̣ жарад̇и, д̇асса яат̇аад̇хиббааяапалам̣ самиж̇жхад̇ийд̇и на вад̇д̇аб̣б̣ам̣ аяонисо б̣рахмажарияасса жин̣н̣ад̇д̇аа; яо бана саммад̇д̇ам̣ бурагкад̇ваа б̣рахмажарияам̣ жарад̇и, д̇асса яат̇аад̇хиббааяам̣ б̣рахмажарияапалам̣ на самиж̇жхад̇ийд̇и на вад̇д̇аб̣б̣ам̣ яонисо б̣рахмажарияасса жин̣н̣ад̇д̇аа. д̇зна вуд̇д̇ам̣ – ‘‘аасан̃жзби гарид̇ваа аяонисо б̣рахмажарияам̣ жаранд̇ий’’д̇иаад̣̇и. сзсам̣ сувин̃н̃зяяамзва.
223.Āsañcepikaritvāti, ‘‘imināhaṃ brahmacariyena devo vā bhaveyyaṃ devaññataro vā, dukkhato vā mucceyya’’nti patthanaṃ katvā cepi caranti, abhabbā phalassa adhigamāya taṇhāya brahmacariyassa vidūsitattāti adhippāyo. Anāsañcepi karitvāti vuttanayena patthanaṃ akatvā. Abhabbā phalassa adhigamāya aniyamitabhāvato. Paṇidhānavasena hi puññaphalaṃ niyataṃ nāma hoti, tadabhāvato kataṃ puññaṃ na labhatīti adhippāyo. Tatiyapakkhe ubhayaṭṭhānehi vuttaṃ, catutthapakkho sammāvatāro iti catukoṭiko pañho jālavasena āhaṭo, tattha āsā nāma patthanā, micchāgāhasmiṃ sati na vipaccati, sammāgāhasmiṃ sati vipaccati, ubhayathāpi ubhayāpekkhānāma, yo micchattadhamme purakkhatvā brahmacariyaṃ carati, tassa yathādhippāyaphalaṃ samijjhatīti na vattabbaṃ ayoniso brahmacariyassa ciṇṇattā; yo pana sammattaṃ purakkhatvā brahmacariyaṃ carati, tassa yathādhippāyaṃ brahmacariyaphalaṃ na samijjhatīti na vattabbaṃ yoniso brahmacariyassa ciṇṇattā. Tena vuttaṃ – ‘‘āsañcepi karitvā ayoniso brahmacariyaṃ carantī’’tiādi. Sesaṃ suviññeyyameva.
бхуумиж̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Bhūmijasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. бхуумиж̇асуд̇д̇ам̣ • 6. Bhūmijasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. бхуумиж̇асуд̇д̇аван̣н̣анаа • 6. Bhūmijasuttavaṇṇanā
