| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. бхуумиж̇асуд̇д̇аван̣н̣анаа
5. Bhūmijasuttavaṇṇanā
25. буримасуд̇д̇зд̇и ананд̇арз буримз суд̇д̇з. вуд̇д̇анаязнзва взд̣̇ид̇аб̣б̣анд̇и бад̣̇ад̇т̇з д̇ад̇о висидтам̣ анид̣̇д̣̇исид̇ваа ид̇арам̣ ад̇т̇ад̇о вибхаавзд̇ум̣ ‘‘аяам̣ бана висзсо’’д̇иаад̣̇имааха. на гзвалам̣ пассабажжаяаа уббаж̇ж̇ад̇и, ат̇а ко пассасса сахагаарийгааран̣абхууд̇аан̃н̃абажжаяаа жа уббаж̇ж̇ад̇ийд̇и. гааязнаад̇и жобанагааязна, гааяавин̃н̃ад̇д̇ияаад̇и ад̇т̇о. саа хи гаамам̣ бадтаанз ааг̇ад̇зсу жад̇увийсад̇ияаа бажжаязсу гзнажи бажжаязна жзд̇анааяа бажжаяо на ход̇и. яасмаа бана гааяз сад̇и зва гааяагаммам̣ наама ход̇и, наасад̇и, д̇асмаа саа д̇ассаа саамаг̇г̇ияабхаавзна ижчид̇аб̣б̣аад̇и вуд̇д̇ам̣ ‘‘гааязнаби гарияамаанам̣ гарийяад̇ий’’д̇и. д̇знааха бхаг̇аваа ‘‘гааяз ваа, хаананд̣̇а, сад̇и гааяасан̃жзд̇анаахзд̇у уббаж̇ж̇ад̇и аж̇жхад̇д̇ам̣ сукам̣ д̣̇угка’’нд̇и. ваажааяабийд̇и зд̇т̇ааби зсзва наяо. манасаад̇и баад̇убхууд̇зна манасаа, на манамад̇д̇знаад̇и. ад̇д̇анаа барзхи ануссаахид̇зна. барзнаад̇и барзна ануссаахзна. самбаж̇аанзнаад̇и н̃аан̣асамбаяуд̇д̇ажид̇д̇авасзна баж̇аананд̇зна. асамбаж̇аанзнаад̇и д̇ат̇аа на самбаж̇аананд̇зна. д̇ассаад̇и сукад̣̇угкасса. гааяасан̃жзд̇анаахзд̇ууд̇и гааяагамманимид̇д̇ам̣, гааяигасса гаммасса гад̇ад̇д̇аа убажид̇ад̇д̇аад̇и ад̇т̇о. зса наяо сзсасан̃жзд̇анаасуби. уд̣̇д̇хажжасахаг̇ад̇ажзд̇анаа бавад̇д̇ияам̣ вибаагам̣ д̣̇зд̇иязваад̇и ‘‘вийсад̇и жзд̇анаа лаб̣бханд̇ий’’д̇и вуд̇д̇ам̣. д̇ат̇аа важийд̣̇ваарзд̇и зд̇т̇а ‘‘гаамааважарагусалаагусалавасзна вийсад̇и жзд̇анаа лаб̣бханд̇ий’’д̇и ид̣̇ам̣ д̇ат̇аа-сад̣̇д̣̇зна убасам̣харад̇и. руубааруубажзд̇анаахийд̇и руубааважарааруубааважарагусалажзд̇анаахи. д̇аббажжаяам̣ яат̇аараханд̇и ад̇хиббааяо. д̇ааби жзд̇анаад̇и яат̇аавуд̇д̇аа згуунавийсад̇и жзд̇анаа авиж̇ж̇аабажжаяаа хонд̇и гусалаанамби баг̇зва ид̇араад̇хидтахид̇аавиж̇ж̇ассзва уббаж̇ж̇анад̇о, ан̃н̃ат̇аа ануббаж̇ж̇анад̇о. яат̇аавуд̇д̇ажзд̇анаабхзд̣̇анд̇и яат̇аавуд̇д̇ам̣ гааяажзд̇анаад̣̇ивибхааг̇ам̣. барзхи ануссаахид̇о сарасзнзва бавад̇д̇амаано. барзхи гаарияамаанод̇и барзхи уссаахид̇о худ̇ваа гаяирамаано. ж̇аананд̇обийд̇и ануссаваад̣̇ивасзна ж̇аананд̇оби. гаммамзва ж̇аананд̇од̇и д̇ад̣̇аа ад̇д̇анаа гарияамаанагаммамзва ж̇аананд̇о.
25.Purimasutteti anantare purime sutte. Vuttanayeneva veditabbanti padatthe tato visiṭṭhaṃ aniddisitvā itaraṃ atthato vibhāvetuṃ ‘‘ayaṃ pana viseso’’tiādimāha. Na kevalaṃ phassapaccayā uppajjati, atha kho phassassa sahakārīkāraṇabhūtaaññapaccayā ca uppajjatīti. Kāyenāti copanakāyena, kāyaviññattiyāti attho. Sā hi kāmaṃ paṭṭhāne āgatesu catuvīsatiyā paccayesu kenaci paccayena cetanāya paccayo na hoti. Yasmā pana kāye sati eva kāyakammaṃ nāma hoti, nāsati, tasmā sā tassā sāmaggiyabhāvena icchitabbāti vuttaṃ ‘‘kāyenapi kariyamānaṃ karīyatī’’ti. Tenāha bhagavā ‘‘kāye vā, hānanda, sati kāyasañcetanāhetu uppajjati ajjhattaṃ sukhaṃ dukkha’’nti. Vācāyapīti etthāpi eseva nayo. Manasāti pātubhūtena manasā, na manamattenāti. Attanā parehi anussāhitena. Parenāti parena anussāhena. Sampajānenāti ñāṇasampayuttacittavasena pajānantena. Asampajānenāti tathā na sampajānantena. Tassāti sukhadukkhassa. Kāyasañcetanāhetūti kāyakammanimittaṃ, kāyikassa kammassa katattā upacitattāti attho. Esa nayo sesasañcetanāsupi. Uddhaccasahagatacetanā pavattiyaṃ vipākaṃ detiyevāti ‘‘vīsati cetanā labbhantī’’ti vuttaṃ. Tathā vacīdvāreti ettha ‘‘kāmāvacarakusalākusalavasena vīsati cetanā labbhantī’’ti idaṃ tathā-saddena upasaṃharati. Rūpārūpacetanāhīti rūpāvacarārūpāvacarakusalacetanāhi. Tappaccayaṃ yathārahanti adhippāyo. Tāpi cetanāti yathāvuttā ekūnavīsati cetanā avijjāpaccayā honti kusalānampi pageva itarādhiṭṭhahitāvijjasseva uppajjanato, aññathā anuppajjanato. Yathāvuttacetanābhedanti yathāvuttaṃ kāyacetanādivibhāgaṃ. Parehi anussāhito saraseneva pavattamāno. Parehi kāriyamānoti parehi ussāhito hutvā kayiramāno. Jānantopīti anussavādivasena jānantopi. Kammameva jānantoti tadā attanā kariyamānakammameva jānanto.
жад̇уусууд̇и ‘‘саамам̣ ваа барз ваа самбаж̇аано ваа асамбаж̇аано ваа’’д̇и звам̣ вуд̇д̇зсу жад̇уусу таанзсу. яат̇аавуд̇д̇з згуунавийсад̇ижзд̇анаад̇хаммз асан̇кааригасасан̇кааригабхаавзна самбаж̇аанагад̇аасамбаж̇аанагад̇абхаавзна жад̇уг̇ун̣з гад̇ваа вуд̇д̇ам̣ ‘‘часад̇д̇ад̇и д̣̇взсад̇аа жзд̇анаад̇хаммаа’’д̇и. язсам̣ сахаж̇аад̇агоди лаб̣бхад̇и, д̇зсамби убаниссаяагоди лаб̣бхад̇зваад̇и ‘‘убаниссаяагодияаа анубад̇ид̇аа’’д̇иижжзва вуд̇д̇аа. д̇зд̇и яат̇аавуд̇д̇аа саб̣б̣зби д̇хаммаа. со гааяо на ход̇ийд̇и зд̇т̇а басаад̣̇агааяоби г̇ахзд̇аб̣б̣о. д̇знааха ‘‘яасмим̣ гааяз сад̇ий’’д̇иаад̣̇и. со гааяо на ход̇ийд̇и со гааяо бажжаяанирод̇хзна на ход̇и. ваажаад̇и сад̣̇д̣̇аваажаа. манод̇и яам̣ гин̃жи вин̃н̃аан̣ам̣. ид̣̇аани гаммавасзнзва яож̇зд̇ум̣ ‘‘абижаа’’д̇иаад̣̇и вуд̇д̇ам̣. зсзва наяо ‘‘ваажааби д̣̇ваарабхууд̇аа маноби д̣̇ваарабхууд̇о’’д̇и. кийн̣аасавасса гат̇ам̣ гааяо на ход̇и, на д̇асса гааяагаммаад̇хидтаананд̇и ад̇хиббааяо. авибаагад̇д̇аад̇и авибаагад̇хаммад̇д̇аад̇и ад̇т̇о. гааяо на ход̇ийд̇и вуд̇д̇ам̣ агаммагаран̣абхаавад̇о.
Catūsūti ‘‘sāmaṃ vā pare vā sampajāno vā asampajāno vā’’ti evaṃ vuttesu catūsu ṭhānesu. Yathāvutte ekūnavīsaticetanādhamme asaṅkhārikasasaṅkhārikabhāvena sampajānakatāsampajānakatabhāvena catuguṇe katvā vuttaṃ ‘‘chasattati dvesatā cetanādhammā’’ti. Yesaṃ sahajātakoṭi labbhati, tesampi upanissayakoṭi labbhatevāti ‘‘upanissayakoṭiyā anupatitā’’tiicceva vuttā. Teti yathāvuttā sabbepi dhammā. So kāyo na hotīti ettha pasādakāyopi gahetabbo. Tenāha ‘‘yasmiṃ kāye satī’’tiādi. So kāyo na hotīti so kāyo paccayanirodhena na hoti. Vācāti saddavācā. Manoti yaṃ kiñci viññāṇaṃ. Idāni kammavaseneva yojetuṃ ‘‘apicā’’tiādi vuttaṃ. Eseva nayo ‘‘vācāpi dvārabhūtā manopi dvārabhūto’’ti. Khīṇāsavassa kathaṃ kāyo na hoti, na tassa kāyakammādhiṭṭhānanti adhippāyo. Avipākattāti avipākadhammattāti attho. Kāyo na hotīti vuttaṃ akammakaraṇabhāvato.
д̇анд̇и гаммам̣. кзд̇д̇ам̣ на ход̇ийд̇и д̇асса д̣̇угкасса авируханадтаанад̇д̇аа. вируханадтаанаад̣̇аяо б̣яад̇ирзгавасзна вуд̇д̇аа. д̇знааха ‘‘на ход̇ий’’д̇и. гааран̣адтзнаад̇и аад̇хаарабхууд̇агааран̣абхаавзна. сан̃жзд̇анаамуулаганд̇и сан̃жзд̇анаанимид̇д̇ам̣. вируханаад̣̇ийнам̣ ад̇т̇аананд̇и ‘‘вируханадтзнаа’’д̇иаад̣̇инаа вуд̇д̇аанам̣ ад̇т̇аанам̣. иминаа вируханаад̣̇ибхаавзна взд̣̇анаа ‘‘сукад̣̇угкавзд̣̇анаа’’д̇и гат̇ид̇аа, наяид̇ха ж̇здталагкан̣ам̣ сукад̣̇угкам̣ ниббаяож̇агасса сукасса д̣̇угкасса жа ад̇хиббзд̇ад̇д̇аа. убзгкаавзд̣̇анаабзд̇т̇а сукасан̣хасабхаававибаагабхууд̇аа взд̣̇анаава.
Tanti kammaṃ. Khettaṃ na hotīti tassa dukkhassa aviruhanaṭṭhānattā. Viruhanaṭṭhānādayo byatirekavasena vuttā. Tenāha ‘‘na hotī’’ti. Kāraṇaṭṭhenāti ādhārabhūtakāraṇabhāvena. Sañcetanāmūlakanti sañcetanānimittaṃ. Viruhanādīnaṃ atthānanti ‘‘viruhanaṭṭhenā’’tiādinā vuttānaṃ atthānaṃ. Iminā viruhanādibhāvena vedanā ‘‘sukhadukkhavedanā’’ti kathitā, nayidha jeṭṭhalakkhaṇaṃ sukhadukkhaṃ nippayojakassa sukhassa dukkhassa ca adhippetattā. Upekkhāvedanāpettha sukhasaṇhasabhāvavipākabhūtā vedanāva.
бхуумиж̇асуд̇д̇аван̣н̣анаа нидтид̇аа.
Bhūmijasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. бхуумиж̇асуд̇д̇ам̣ • 5. Bhūmijasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. бхуумиж̇асуд̇д̇аван̣н̣анаа • 5. Bhūmijasuttavaṇṇanā
