| Library / Tipiṭaka / ತಿಪಿಟಕ • Tipiṭaka / ಪೇತವತ್ಥುಪಾಳಿ • Petavatthupāḷi |
೪. ಭುಸಪೇತವತ್ಥು
4. Bhusapetavatthu
೪೪೭.
447.
‘‘ಭುಸಾನಿ ಏಕೋ ಸಾಲಿಂ ಪುನಾಪರೋ, ಅಯಞ್ಚ ನಾರೀ ಸಕಮಂಸಲೋಹಿತಂ।
‘‘Bhusāni eko sāliṃ punāparo, ayañca nārī sakamaṃsalohitaṃ;
ತುವಞ್ಚ ಗೂಥಂ ಅಸುಚಿಂ ಅಕನ್ತಂ 1, ಪರಿಭುಞ್ಜಸಿ ಕಿಸ್ಸ ಅಯಂ ವಿಪಾಕೋ’’ತಿ॥
Tuvañca gūthaṃ asuciṃ akantaṃ 2, paribhuñjasi kissa ayaṃ vipāko’’ti.
೪೪೮.
448.
‘‘ಅಯಂ ಪುರೇ ಮಾತರಂ ಹಿಂಸತಿ, ಅಯಂ ಪನ ಕೂಟವಾಣಿಜೋ।
‘‘Ayaṃ pure mātaraṃ hiṃsati, ayaṃ pana kūṭavāṇijo;
ಅಯಂ ಮಂಸಾನಿ ಖಾದಿತ್ವಾ, ಮುಸಾವಾದೇನ ವಞ್ಚೇತಿ॥
Ayaṃ maṃsāni khāditvā, musāvādena vañceti.
೪೪೯.
449.
‘‘ಅಹಂ ಮನುಸ್ಸೇಸು ಮನುಸ್ಸಭೂತಾ, ಅಗಾರಿನೀ ಸಬ್ಬಕುಲಸ್ಸ ಇಸ್ಸರಾ।
‘‘Ahaṃ manussesu manussabhūtā, agārinī sabbakulassa issarā;
ಸನ್ತೇಸು ಪರಿಗುಹಾಮಿ, ಮಾ ಚ ಕಿಞ್ಚಿ ಇತೋ ಅದಂ॥
Santesu pariguhāmi, mā ca kiñci ito adaṃ.
೪೫೦.
450.
‘‘ಮುಸಾವಾದೇನ ಛಾದೇಮಿ, ‘ನತ್ಥಿ ಏತಂ ಮಮ ಗೇಹೇ।
‘‘Musāvādena chādemi, ‘natthi etaṃ mama gehe;
ಸಚೇ ಸನ್ತಂ ನಿಗುಹಾಮಿ, ಗೂಥೋ ಮೇ ಹೋತು ಭೋಜನಂ’॥
Sace santaṃ niguhāmi, gūtho me hotu bhojanaṃ’.
೪೫೧.
451.
‘‘ತಸ್ಸ ಕಮ್ಮಸ್ಸ ವಿಪಾಕೇನ, ಮುಸಾವಾದಸ್ಸ ಚೂಭಯಂ।
‘‘Tassa kammassa vipākena, musāvādassa cūbhayaṃ;
ಸುಗನ್ಧಂ ಸಾಲಿನೋ ಭತ್ತಂ, ಗೂಥಂ ಮೇ ಪರಿವತ್ತತಿ॥
Sugandhaṃ sālino bhattaṃ, gūthaṃ me parivattati.
೪೫೨.
452.
‘‘ಅವಞ್ಝಾನಿ ಚ ಕಮ್ಮಾನಿ, ನ ಹಿ ಕಮ್ಮಂ ವಿನಸ್ಸತಿ।
‘‘Avañjhāni ca kammāni, na hi kammaṃ vinassati;
ದುಗ್ಗನ್ಧಂ ಕಿಮಿನಂ 3 ಮೀಳಂ, ಭುಞ್ಜಾಮಿ ಚ ಪಿವಾಮಿ ಚಾ’’ತಿ॥
Duggandhaṃ kiminaṃ 4 mīḷaṃ, bhuñjāmi ca pivāmi cā’’ti.
ಭುಸಪೇತವತ್ಥು ಚತುತ್ಥಂ।
Bhusapetavatthu catutthaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಪೇತವತ್ಥು-ಅಟ್ಠಕಥಾ • Petavatthu-aṭṭhakathā / ೪. ಭುಸಪೇತವತ್ಥುವಣ್ಣನಾ • 4. Bhusapetavatthuvaṇṇanā
