| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
4. бхусабзд̇авад̇т̇уван̣н̣анаа
4. Bhusapetavatthuvaṇṇanā
бхусаани зго саалим̣ бунаабарод̇и ид̣̇ам̣ сад̇т̇ари саавад̇т̇ияам̣ вихаранд̇з жад̇д̇ааро бзд̇з аараб̣бха вуд̇д̇ам̣. саавад̇т̇ияаа гира авид̣̇уурз ан̃н̃ад̇арасмим̣ г̇аамагз зго гуудаваан̣иж̇о гуудамаанаад̣̇ийхи ж̇ийвигам̣ габбзси. со саалибалаабз г̇ахзд̇ваа д̇амб̣амад̇д̇игааяа барибхаавзд̇ваа г̇аруд̇арз гад̇ваа рад̇д̇асаалихи сад̣̇д̇хим̣ миссзд̇ваа виггин̣и. д̇асса буд̇д̇о ‘‘гхарам̣ ааг̇ад̇аанам̣ мама мид̇д̇асухаж̇ж̇аанам̣ саммаанам̣ на гарод̇ий’’д̇и губид̇о яуг̇ажаммам̣ г̇ахзд̇ваа маад̇усийсз бахаарамад̣̇ааси. д̇асса сун̣исаа саб̣б̣зсам̣ ад̇т̇ааяа табид̇амам̣сам̣ жоригааяа каад̣̇ид̇ваа буна д̇зхи ануяун̃ж̇ияамаанаа ‘‘сажз маяаа д̇ам̣ мам̣сам̣ каад̣̇ид̇ам̣, бхавз бхавз ад̇д̇ано бидтимам̣сам̣ ганд̇ид̇ваа каад̣̇зяяа’’нд̇и сабат̇амагааси. бхарияаа банасса гин̃жид̣̇зва убагаран̣ам̣ яаажанд̇аанам̣ ‘‘над̇т̇ий’’д̇и вад̇ваа д̇зхи ниббийл̣ияамаанаа ‘‘сажз санд̇ам̣ над̇т̇ийд̇и вад̣̇аами, ж̇аад̇аж̇аад̇адтаанз г̇уут̇абхагкаа бхавзяяа’’нд̇и мусааваад̣̇зна сабат̇амагааси.
Bhusāni eko sāliṃ punāparoti idaṃ satthari sāvatthiyaṃ viharante cattāro pete ārabbha vuttaṃ. Sāvatthiyā kira avidūre aññatarasmiṃ gāmake eko kūṭavāṇijo kūṭamānādīhi jīvikaṃ kappesi. So sālipalāpe gahetvā tambamattikāya paribhāvetvā garutare katvā rattasālihi saddhiṃ missetvā vikkiṇi. Tassa putto ‘‘gharaṃ āgatānaṃ mama mittasuhajjānaṃ sammānaṃ na karotī’’ti kupito yugacammaṃ gahetvā mātusīse pahāramadāsi. Tassa suṇisā sabbesaṃ atthāya ṭhapitamaṃsaṃ corikāya khāditvā puna tehi anuyuñjiyamānā ‘‘sace mayā taṃ maṃsaṃ khāditaṃ, bhave bhave attano piṭṭhimaṃsaṃ kantitvā khādeyya’’nti sapathamakāsi. Bhariyā panassa kiñcideva upakaraṇaṃ yācantānaṃ ‘‘natthī’’ti vatvā tehi nippīḷiyamānā ‘‘sace santaṃ natthīti vadāmi, jātajātaṭṭhāne gūthabhakkhā bhaveyya’’nti musāvādena sapathamakāsi.
д̇з жад̇д̇аароби ж̇анаа абарзна самаязна гаалам̣ гад̇ваа вин̃жхаадавияам̣ бзд̇аа худ̇ваа ниб̣б̣ад̇д̇им̣су. д̇ад̇т̇а гуудаваан̣иж̇о гаммапалзна баж̇ж̇аланд̇ам̣ бхусам̣ убхохи хад̇т̇зхи г̇ахзд̇ваа ад̇д̇ано мад̇т̇агз аагирид̇ваа махаад̣̇угкам̣ анубхавад̇и, д̇асса буд̇д̇о аяомаязхи муг̇г̇арзхи саяамзва ад̇д̇ано сийсам̣ бхинд̣̇ид̇ваа анаббагам̣ д̣̇угкам̣ бажжанубход̇и. д̇асса сун̣исаа гаммапалзна сунисид̇зхи ад̇ивияа вибулааяад̇зхи накзхи ад̇д̇ано бидтимам̣саани ганд̇ид̇ваа каад̣̇анд̇ий абаримид̇ам̣ д̣̇угкам̣ анубхавад̇и, д̇асса бхарияааяа суг̇анд̇хам̣ сувисуд̣̇д̇хам̣ абаг̇ад̇агаал̣агам̣ саалибхад̇д̇ам̣ убанийд̇амад̇д̇амзва наанаавид̇хагимигулаагулам̣ барамад̣̇уг̇г̇анд̇хаж̇зг̇ужчам̣ г̇уут̇ам̣ самбаж̇ж̇ад̇и, д̇ам̣ саа убхохи хад̇т̇зхи бариг̇г̇ахзд̇ваа бхун̃ж̇анд̇ий махаад̣̇угкам̣ бадисам̣взд̣̇зд̇и.
Te cattāropi janā aparena samayena kālaṃ katvā viñjhāṭaviyaṃ petā hutvā nibbattiṃsu. Tattha kūṭavāṇijo kammaphalena pajjalantaṃ bhusaṃ ubhohi hatthehi gahetvā attano matthake ākiritvā mahādukkhaṃ anubhavati, tassa putto ayomayehi muggarehi sayameva attano sīsaṃ bhinditvā anappakaṃ dukkhaṃ paccanubhoti. Tassa suṇisā kammaphalena sunisitehi ativiya vipulāyatehi nakhehi attano piṭṭhimaṃsāni kantitvā khādantī aparimitaṃ dukkhaṃ anubhavati, tassa bhariyāya sugandhaṃ suvisuddhaṃ apagatakāḷakaṃ sālibhattaṃ upanītamattameva nānāvidhakimikulākulaṃ paramaduggandhajegucchaṃ gūthaṃ sampajjati, taṃ sā ubhohi hatthehi pariggahetvā bhuñjantī mahādukkhaṃ paṭisaṃvedeti.
звам̣ д̇зсу жад̇уусу ж̇анзсу бзд̇зсу ниб̣б̣ад̇д̇ид̇ваа махаад̣̇угкам̣ анубхаванд̇зсу ааяасмаа махаамог̇г̇алаано баб̣б̣ад̇ажааригам̣ жаранд̇о згад̣̇ивасам̣ д̇ам̣ таанам̣ г̇ад̇о. д̇з бзд̇з д̣̇исваа –
Evaṃ tesu catūsu janesu petesu nibbattitvā mahādukkhaṃ anubhavantesu āyasmā mahāmoggalāno pabbatacārikaṃ caranto ekadivasaṃ taṃ ṭhānaṃ gato. Te pete disvā –
447.
447.
‘‘бхусаани зго саалим̣ бунаабаро, аяан̃жа наарий сагамам̣салохид̇ам̣;
‘‘Bhusāni eko sāliṃ punāparo, ayañca nārī sakamaṃsalohitaṃ;
д̇уван̃жа г̇уут̇ам̣ асужим̣ аганд̇ам̣, барибхун̃ж̇аси гисса аяам̣ вибааго’’д̇и. –
Tuvañca gūthaṃ asuciṃ akantaṃ, paribhuñjasi kissa ayaṃ vipāko’’ti. –
имааяа г̇аат̇ааяа д̇зхи гад̇агаммам̣ бужчи. д̇ад̇т̇а бхусаанийд̇и балаабаани. згод̇и згаго. саалинд̇и саалино. саамиад̇т̇з хзд̇ам̣ убаяог̇аважанам̣, саалино балаабаани баж̇ж̇аланд̇аани ад̇д̇ано сийсз авагирад̇ийд̇и ад̇хиббааяо. бунаабарод̇и буна абаро. яо хи со маад̇усийсам̣ бахари, со аяомуг̇г̇арзхи ад̇д̇ано сийсам̣ бахарид̇ваа сийсабхзд̣̇ам̣ баабун̣аад̇и, д̇ам̣ санд̇хааяа вад̣̇ад̇и. сагамам̣салохид̇анд̇и ад̇д̇ано бидтимам̣сам̣ лохид̇ан̃жа барибхун̃ж̇ад̇ийд̇и яож̇анаа. аганд̇анд̇и аманаабам̣ ж̇зг̇ужчам̣. гисса аяам̣ вибаагод̇и гад̇амасса баабагаммасса ид̣̇ам̣ палам̣, яам̣ ид̣̇аани д̇умхзхи бажжанубхавийяад̇ийд̇и ад̇т̇о.
Imāya gāthāya tehi katakammaṃ pucchi. Tattha bhusānīti palāpāni. Ekoti ekako. Sālinti sālino. Sāmiatthe hetaṃ upayogavacanaṃ, sālino palāpāni pajjalantāni attano sīse avakiratīti adhippāyo. Punāparoti puna aparo. Yo hi so mātusīsaṃ pahari, so ayomuggarehi attano sīsaṃ paharitvā sīsabhedaṃ pāpuṇāti, taṃ sandhāya vadati. Sakamaṃsalohitanti attano piṭṭhimaṃsaṃ lohitañca paribhuñjatīti yojanā. Akantanti amanāpaṃ jegucchaṃ. Kissa ayaṃ vipākoti katamassa pāpakammassa idaṃ phalaṃ, yaṃ idāni tumhehi paccanubhavīyatīti attho.
звам̣ т̇зрзна д̇зхи гад̇агаммз бужчид̇з гуудаваан̣иж̇асса бхарияаа саб̣б̣зхи д̇зхи гад̇агаммам̣ аажигканд̇ий –
Evaṃ therena tehi katakamme pucchite kūṭavāṇijassa bhariyā sabbehi tehi katakammaṃ ācikkhantī –
448.
448.
‘‘аяам̣ бурз маад̇арам̣ хим̣сад̇и, аяам̣ бана гуудаваан̣иж̇о;
‘‘Ayaṃ pure mātaraṃ hiṃsati, ayaṃ pana kūṭavāṇijo;
аяам̣ мам̣саани каад̣̇ид̇ваа, мусааваад̣̇зна ван̃жзд̇и.
Ayaṃ maṃsāni khāditvā, musāvādena vañceti.
449.
449.
‘‘ахам̣ мануссзсу мануссабхууд̇аа, аг̇аариний саб̣б̣агуласса иссараа;
‘‘Ahaṃ manussesu manussabhūtā, agārinī sabbakulassa issarā;
санд̇зсу бариг̇ухаами, маа жа гин̃жи ид̇о ад̣̇ам̣.
Santesu pariguhāmi, mā ca kiñci ito adaṃ.
450.
450.
‘‘мусааваад̣̇зна чаад̣̇зми, над̇т̇и зд̇ам̣ мама г̇зхз;
‘‘Musāvādena chādemi, natthi etaṃ mama gehe;
сажз санд̇ам̣ ниг̇ухаами, г̇уут̇о мз ход̇у бхож̇анам̣.
Sace santaṃ niguhāmi, gūtho me hotu bhojanaṃ.
451.
451.
‘‘д̇асса гаммасса вибаагзна, мусааваад̣̇асса жуубхаяам̣;
‘‘Tassa kammassa vipākena, musāvādassa cūbhayaṃ;
суг̇анд̇хам̣ саалино бхад̇д̇ам̣, г̇уут̇ам̣ мз баривад̇д̇ад̇и.
Sugandhaṃ sālino bhattaṃ, gūthaṃ me parivattati.
452.
452.
‘‘аван̃жхаани жа гаммаани, на хи гаммам̣ винассад̇и;
‘‘Avañjhāni ca kammāni, na hi kammaṃ vinassati;
д̣̇уг̇г̇анд̇хам̣ гиминам̣ мийл̣хам̣, бхун̃ж̇аами жа биваами жаа’’д̇и. – г̇аат̇аа абхааси;
Duggandhaṃ kiminaṃ mīḷhaṃ, bhuñjāmi ca pivāmi cā’’ti. – gāthā abhāsi;
448. д̇ад̇т̇а аяанд̇и буд̇д̇ам̣ д̣̇ассзнд̇и вад̣̇ад̇и. хим̣сад̇ийд̇и т̇аамзна бариб̣аад̇хзд̇и, муг̇г̇арзна бахарад̇ийд̇и ад̇т̇о. гуудаваан̣иж̇од̇и калаваан̣иж̇о, ван̃жанааяа ван̣иж̇ж̇агаарагод̇и ад̇т̇о . мам̣саани каад̣̇ид̇ваад̇и барзхи саад̇хааран̣амам̣сам̣ каад̣̇ид̇ваа ‘‘на каад̣̇аамий’’д̇и мусааваад̣̇зна д̇з ван̃жзд̇и.
448. Tattha ayanti puttaṃ dassenti vadati. Hiṃsatīti thāmena paribādheti, muggarena paharatīti attho. Kūṭavāṇijoti khalavāṇijo, vañcanāya vaṇijjakārakoti attho . Maṃsāni khāditvāti parehi sādhāraṇamaṃsaṃ khāditvā ‘‘na khādāmī’’ti musāvādena te vañceti.
449-50. аг̇ааринийд̇и г̇зхасааминий. санд̇зсууд̇и виж̇ж̇амаанзсвзва барзхи яаажид̇аубагаран̣зсу. бариг̇ухаамийд̇и бадижчаад̣̇зсим̣. гаалавибаллаасзна хзд̇ам̣ вуд̇д̇ам̣. маа жа гин̃жи ид̇о ад̣̇анд̇и ид̇о мама санд̇агад̇о гин̃жимад̇д̇амби ад̇т̇игасса барасса на ад̣̇аасим̣. чаад̣̇змид̇и ‘‘над̇т̇и зд̇ам̣ мама г̇зхз’’д̇и мусааваад̣̇зна чаад̣̇зсим̣.
449-50.Agārinīti gehasāminī. Santesūti vijjamānesveva parehi yācitaupakaraṇesu. Pariguhāmīti paṭicchādesiṃ. Kālavipallāsena hetaṃ vuttaṃ. Mā ca kiñci ito adanti ito mama santakato kiñcimattampi atthikassa parassa na adāsiṃ. Chādemiti ‘‘natthi etaṃ mama gehe’’ti musāvādena chādesiṃ.
451-2. г̇уут̇ам̣ мз баривад̇д̇ад̇ийд̇и суг̇анд̇хам̣ саалибхад̇д̇ам̣ маяхам̣ гаммавасзна г̇уут̇абхаавзна баривад̇д̇ад̇и барин̣амад̇и. аван̃жхаанийд̇и амогхаани анибпалаани. на хи гаммам̣ винассад̇ийд̇и яат̇уубажид̇ам̣ гаммам̣ палам̣ ад̣̇ад̇ваа на хи винассад̇и. гиминанд̇и гимиванд̇ам̣ сан̃ж̇аад̇агимигулам̣. мийл̣ханд̇и г̇уут̇ам̣. сзсам̣ хздтаа вуд̇д̇анаяад̇д̇аа уд̇д̇аанамзва.
451-2.Gūthaṃ me parivattatīti sugandhaṃ sālibhattaṃ mayhaṃ kammavasena gūthabhāvena parivattati pariṇamati. Avañjhānīti amoghāni anipphalāni. Na hi kammaṃ vinassatīti yathūpacitaṃ kammaṃ phalaṃ adatvā na hi vinassati. Kiminanti kimivantaṃ sañjātakimikulaṃ. Mīḷhanti gūthaṃ. Sesaṃ heṭṭhā vuttanayattā uttānameva.
звам̣ т̇зро д̇ассаа бзд̇ияаа важанам̣ суд̇ваа д̇ам̣ бавад̇д̇им̣ бхаг̇авад̇о аарожзси. бхаг̇аваа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.
Evaṃ thero tassā petiyā vacanaṃ sutvā taṃ pavattiṃ bhagavato ārocesi. Bhagavā tamatthaṃ aṭṭhuppattiṃ katvā sampattaparisāya dhammaṃ desesi. Sā desanā mahājanassa sātthikā ahosīti.
бхусабзд̇авад̇т̇уван̣н̣анаа нидтид̇аа.
Bhusapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 4. бхусабзд̇авад̇т̇у • 4. Bhusapetavatthu
