1. бхууд̇аг̇аамасигкаабад̣̇а-ад̇т̇аяож̇анаа

1. Bhūtagāmasikkhāpada-atthayojanā

89. д̣̇уд̇ияаваг̇г̇асса батамз д̇ассаад̇и д̣̇звад̇ааяа. угкид̇д̇ам̣ парасунд̇и уд̣̇д̇хам̣ кид̇д̇ам̣ гутаарим̣. ниг̇г̇ахзд̇унд̇и сан̣таад̇ум̣, нивад̇д̇зд̇ум̣ ваа. жагкувисаяаад̇ийд̇зд̇и басаад̣̇ажагкусса г̇ожараад̇игганд̇з. махаарааж̇асанд̇игаад̇и взссаван̣амахаарааж̇асса санд̇игаа. т̇анамуулзязваад̇и т̇анасамийбзязва. химаванд̇зд̇и химауг̇г̇иран̣з ванз, химаяуд̇д̇з ваа. д̇ад̇т̇аад̇и химаванд̇з, д̣̇звад̇аасаннибаад̇з ваа. ругкад̇хаммод̇и ругкасабхааво. ругкад̇хаммо жа наама чзд̣̇анабхзд̣̇анаад̣̇ийсу ругкаанам̣ ажзд̇анад̇д̇аа гобасса агаран̣ам̣, д̇асмим̣ ругкад̇хаммз тид̇аа д̣̇звад̇аа ругкад̇хаммз тид̇аа наама, чзд̣̇анабхзд̣̇анаад̣̇ийсу ругкасса вияа ругкадтагад̣̇звад̇ааяа агобанам̣ ругкад̇хаммз тид̇аа наамаад̇и ад̇хиббааяо. д̇ад̇т̇аад̇и д̇аасу саннибаад̇ад̣̇звад̇аасу. ид̇ийд̇и имасса алабханасса, имасмим̣ алабханз ваа, аад̣̇ийнаванд̇и самб̣анд̇хо. бхаг̇авад̇о жаад̇и жа-сад̣̇д̣̇о ‘‘буб̣б̣ажарид̇а’’нд̇и зд̇т̇а яож̇зд̇аб̣б̣о. иман̃жа аад̣̇ийнавам̣ ад̣̇д̣̇аса, бхаг̇авад̇о буб̣б̣ажарид̇ан̃жа ануссарийд̇и ваагяасамбин̣д̣анавасзна яож̇анаа гаад̇аб̣б̣аа. д̇знаад̇и д̣̇ассанаануссаран̣агааран̣зна. ассаад̇и д̣̇звад̇ааяа. сам̣виж̇ж̇ад̇и бид̇аа ассаад̇и сабид̇иго, буд̇д̇о. (д̇ааваад̇и ад̇ивияа, бадисан̃жигканд̇ияаад̇и самб̣анд̇хо) ‘‘марияаад̣̇ам̣ б̣анд̇хиссад̇ий’’д̇и вад̇ваа д̇асса ад̇т̇ам̣ д̣̇ассзнд̇о ааха ‘‘сигкаабад̣̇ам̣ бан̃н̃абзссад̇ий’’д̇и. ид̇и бадисан̃жигканд̇ияаа ассаа д̣̇звад̇ааяа зд̇ад̣̇ахосийд̇и яож̇анаа.

89. Dutiyavaggassa paṭhame tassāti devatāya. Ukkhittaṃ pharasunti uddhaṃ khittaṃ kuṭhāriṃ. Niggahetunti saṇṭhātuṃ, nivattetuṃ vā. Cakkhuvisayātīteti pasādacakkhussa gocarātikkante. Mahārājasantikāti vessavaṇamahārājassa santikā. Thanamūleyevāti thanasamīpeyeva. Himavanteti himauggiraṇe vane, himayutte vā. Tatthāti himavante, devatāsannipāte vā. Rukkhadhammoti rukkhasabhāvo. Rukkhadhammo ca nāma chedanabhedanādīsu rukkhānaṃ acetanattā kopassa akaraṇaṃ, tasmiṃ rukkhadhamme ṭhitā devatā rukkhadhamme ṭhitā nāma, chedanabhedanādīsu rukkhassa viya rukkhaṭṭhakadevatāya akopanaṃ rukkhadhamme ṭhitā nāmāti adhippāyo. Tatthāti tāsu sannipātadevatāsu. Itīti imassa alabhanassa, imasmiṃ alabhane vā, ādīnavanti sambandho. Bhagavato cāti ca-saddo ‘‘pubbacarita’’nti ettha yojetabbo. Imañca ādīnavaṃ addasa, bhagavato pubbacaritañca anussarīti vākyasampiṇḍanavasena yojanā kātabbā. Tenāti dassanānussaraṇakāraṇena. Assāti devatāya. Saṃvijjati pitā assāti sapitiko, putto. (Tāvāti ativiya, paṭisañcikkhantiyāti sambandho) ‘‘mariyādaṃ bandhissatī’’ti vatvā tassa atthaṃ dassento āha ‘‘sikkhāpadaṃ paññapessatī’’ti. Iti paṭisañcikkhantiyā assā devatāya etadahosīti yojanā.

яод̇и яо гожи ж̇ано. взд̇и зганд̇зна. уббад̇ид̇анд̇и уббаж̇ж̇анавасзна ад̇д̇ано убари бад̇ид̇ам̣. бханд̇анд̇и бхаманд̇ам̣ д̇хааванд̇ам̣, ваараязд̇и ниваарзяяа ниг̇г̇ан̣хзяяаад̇и ад̇т̇о. д̇анд̇и ж̇анам̣. аяам̣ банзд̇т̇а яож̇анаа – саарат̇и бханд̇ам̣ рат̇ам̣ ваараяз ива, д̇ат̇аа яо вз уббад̇ид̇ам̣ год̇хам̣ ваараяз, д̇ам̣ ахам̣ саарат̇им̣ ид̇и б̣рууми. ид̇аро год̇ханиваарагад̇о ан̃н̃о рааж̇аубарааж̇аад̣̇ийнам̣ саарат̇ибхууд̇о ж̇ано расмиг̇г̇аахо раж̇ж̇уг̇г̇аахо наамаад̇и.

Yoti yo koci jano. Veti ekantena. Uppatitanti uppajjanavasena attano upari patitaṃ. Bhantanti bhamantaṃ dhāvantaṃ, vārayeti nivāreyya niggaṇheyyāti attho. Tanti janaṃ. Ayaṃ panettha yojanā – sārathi bhantaṃ rathaṃ vāraye iva, tathā yo ve uppatitaṃ kodhaṃ vāraye, taṃ ahaṃ sārathiṃ iti brūmi. Itaro kodhanivārakato añño rājauparājādīnaṃ sārathibhūto jano rasmiggāho rajjuggāho nāmāti.

д̣̇уд̇ияаг̇аат̇ааяа взж̇ж̇о висадам̣ вид̇т̇ад̇ам̣ саббависам̣ саббасса аасийвисасса висам̣ г̇арал̣ам̣ осад̇хзхи бхзсаж̇ж̇зна, манд̇зна жа винзд̇и ива, д̇ат̇аа яо бхигкавз уббад̇ид̇ам̣ год̇хам̣ мзд̇д̇ааяа винзд̇и, со бхигку ураг̇о бхуж̇аг̇о бураан̣ам̣ бурз бхавам̣ ж̇ин̣н̣ам̣ бураан̣ад̇д̇аа ж̇ин̣н̣ам̣ д̇ажам̣ ж̇ахаад̇и ива, д̇ат̇аа орабаарам̣ абаарасан̇каад̇ам̣ бан̃жорамбхааг̇ияасам̣яож̇анам̣ ж̇ахаад̇ийд̇и яож̇анаа гаад̇аб̣б̣аа.

Dutiyagāthāya vejjo visaṭaṃ vitthataṃ sappavisaṃ sappassa āsīvisassa visaṃ garaḷaṃ osadhehi bhesajjena, mantena ca vineti iva, tathā yo bhikkhave uppatitaṃ kodhaṃ mettāya vineti, so bhikkhu urago bhujago purāṇaṃ pure bhavaṃ jiṇṇaṃ purāṇattā jiṇṇaṃ tacaṃ jahāti iva, tathā orapāraṃ apārasaṅkhātaṃ pañcorambhāgiyasaṃyojanaṃ jahātīti yojanā kātabbā.

д̇ад̇раад̇и д̣̇вийсу г̇аат̇аасу. вад̇т̇у бана винаяз ааруул̣ханд̇и яож̇анаа. ат̇аад̇и бажчаа. яасса д̣̇звабуд̇д̇ассаад̇и язна д̣̇звабуд̇д̇зна. бариг̇г̇аход̇и барижчинд̣̇ид̇ваа г̇ахид̇о. сод̇и д̣̇звабуд̇д̇о. д̇ад̇од̇и убаг̇аманад̇о. яад̣̇аа ход̇и, д̇ад̣̇аад̇и яож̇анаа. махзсагкад̣̇звад̇аасууд̇и махаабариваараасу д̣̇звад̇аасу, махаад̇зж̇аасу ваа. бадиггаманд̇ийд̇и абзнд̇и. д̣̇звад̇аа яамби бан̃хам̣ бужчанд̇ийд̇и яож̇анаа. д̇ад̇т̇зваад̇и ад̇д̇ано васанадтаанзязва. убадтаананд̇и убадтаанад̇т̇ааяа, самбад̣̇аанад̇т̇з жзд̇ам̣ убаяог̇аважанам̣. ат̇а ваа убаг̇анд̇ваа д̇идтад̇и зд̇т̇аад̇и убадтаанам̣, бхаг̇авад̇о самийбадтаанам̣, д̇ам̣ ааг̇анд̇ваад̇и ад̇т̇о. нанд̇и д̇ам̣, аяамзва ваа баато.

Tatrāti dvīsu gāthāsu. Vatthu pana vinaye ārūḷhanti yojanā. Athāti pacchā. Yassa devaputtassāti yena devaputtena. Pariggahoti paricchinditvā gahito. Soti devaputto. Tatoti upagamanato. Yadā hoti, tadāti yojanā. Mahesakkhadevatāsūti mahāparivārāsu devatāsu, mahātejāsu vā. Paṭikkamantīti apenti. Devatā yampi pañhaṃ pucchantīti yojanā. Tatthevāti attano vasanaṭṭhāneyeva. Upaṭṭhānanti upaṭṭhānatthāya, sampadānatthe cetaṃ upayogavacanaṃ. Atha vā upagantvā tiṭṭhati etthāti upaṭṭhānaṃ, bhagavato samīpaṭṭhānaṃ, taṃ āgantvāti attho. Nanti taṃ, ayameva vā pāṭho.

90. ‘‘бхаванд̇ий’’д̇и иминаа вируул̣хз муулз нийлабхаавам̣ аабаж̇ж̇ид̇ваа вад̣дхамаанагз д̇арун̣аругкаг̇ажчаад̣̇игз д̣̇ассзд̇и. ‘‘ахувад̇т̇у’’нд̇и иминаа бана вад̣дхид̇ваа тид̇з маханд̇аругкаг̇ажчаад̣̇игз д̣̇ассзд̇и. ‘‘ахувад̇т̇у’’нд̇и жа хияяад̇д̇анисан̇каад̇ааяа д̇т̇ум̣-вибхад̇д̇ияаа хуу-д̇хаад̇усса уугаарасса уваад̣̇зсо ход̇и. бод̇т̇агзсу бана ‘‘ахувад̇ий’’д̇и баато д̣̇иссад̇и, со абаатод̇и д̣̇адтаб̣б̣о. ‘‘ж̇ааяанд̇ий’’д̇и иминаа бхуу-д̇хаад̇усса сад̇д̇ад̇т̇абхаавам̣ д̣̇ассзд̇и , ‘‘вад̣дханд̇ий’’д̇и иминаа вад̣дханад̇т̇абхаавам̣. зд̇анд̇и ‘‘бхууд̇аг̇аамо’’д̇и наамам̣. бийяад̇з яат̇аагаамам̣ барибхун̃ж̇ийяад̇з, баад̇аб̣б̣ам̣ барибхун̃ж̇ид̇аб̣б̣анд̇и ваа баад̇аб̣яам̣, баасад̣̇д̣̇о яат̇аагаамабарибхун̃ж̇анад̇т̇о. д̇знааха – ‘‘чзд̣̇анабхзд̣̇анаад̣̇ийхи яат̇ааружи барибхун̃ж̇ид̇аб̣б̣ад̇аад̇и ад̇т̇о’’д̇и.

90. ‘‘Bhavantī’’ti iminā virūḷhe mūle nīlabhāvaṃ āpajjitvā vaḍḍhamānake taruṇarukkhagacchādike dasseti. ‘‘Ahuvatthu’’nti iminā pana vaḍḍhitvā ṭhite mahantarukkhagacchādike dasseti. ‘‘Ahuvatthu’’nti ca hiyyattanisaṅkhātāya tthuṃ-vibhattiyā hū-dhātussa ūkārassa uvādeso hoti. Potthakesu pana ‘‘ahuvatī’’ti pāṭho dissati, so apāṭhoti daṭṭhabbo. ‘‘Jāyantī’’ti iminā bhū-dhātussa sattatthabhāvaṃ dasseti , ‘‘vaḍḍhantī’’ti iminā vaḍḍhanatthabhāvaṃ. Etanti ‘‘bhūtagāmo’’ti nāmaṃ. Pīyate yathākāmaṃ paribhuñjīyate, pātabbaṃ paribhuñjitabbanti vā pātabyaṃ, pāsaddo yathākāmaparibhuñjanattho. Tenāha – ‘‘chedanabhedanādīhi yathāruci paribhuñjitabbatāti attho’’ti.

91. ‘‘ид̣̇ааний’’д̇и бад̣̇ам̣ ‘‘аахаа’’д̇и бад̣̇з гааласад̇д̇амий. яасминд̇и б̣ийж̇з. д̇анд̇и б̣ийж̇ам̣. бан̃жа б̣ийж̇аж̇аад̇аанийд̇и зд̇т̇а ж̇аад̇асад̣̇д̣̇асса д̇аб̣бхаавад̇т̇ад̇ам̣ санд̇хааяа адтагат̇аасу звам̣ вуд̇д̇ам̣. д̇аб̣бхаавад̇т̇асса ‘‘муулз ж̇ааяанд̇ий’’д̇и имааяа баал̣ияаа асам̣санд̣̇анад̇ам̣ санд̇хааяа вуд̇д̇ам̣ сан̇г̇ахагаарзна ‘‘на самзнд̇ий’’д̇и. адтагат̇аажарияаанам̣ мад̇зна сад̇и ж̇аад̇асад̣̇д̣̇асса д̇аб̣бхаавад̇т̇абхаавз ‘‘муулз ж̇ааяанд̇ий’’д̇иаад̣̇ийсу муулз муулаани ж̇ааяанд̇ийд̇и д̣̇осо бхавзяяаад̇и манаси гад̇ваа ааха ‘‘на хий’’д̇иаад̣̇и. хийд̇и сажжам̣, яасмаа ваа. д̇аанийд̇и ругкаад̣̇ийни. д̇ассаад̇и ‘‘бхууд̇аг̇аамо наама бан̃жа б̣ийж̇аж̇аад̇ааний’’д̇и бад̣̇асса. зд̇анд̇и ‘‘б̣ийж̇аж̇аад̇ааний’’д̇и наамам̣. б̣ийж̇зсу ж̇аад̇аани б̣ийж̇аж̇аад̇аанийд̇и вуд̇д̇з ‘‘муулз ж̇ааяанд̇ий’’д̇иаад̣̇инаа самзд̇и. зд̇знаад̇и ‘‘б̣ийж̇ад̇о’’д̇иаад̣̇инаа сан̇г̇аход̇и самб̣анд̇хо.

91. ‘‘Idānī’’ti padaṃ ‘‘āhā’’ti pade kālasattamī. Yasminti bīje. Tanti bījaṃ. Pañca bījajātānīti ettha jātasaddassa tabbhāvatthataṃ sandhāya aṭṭhakathāsu evaṃ vuttaṃ. Tabbhāvatthassa ‘‘mūle jāyantī’’ti imāya pāḷiyā asaṃsandanataṃ sandhāya vuttaṃ saṅgahakārena ‘‘na samentī’’ti. Aṭṭhakathācariyānaṃ matena sati jātasaddassa tabbhāvatthabhāve ‘‘mūle jāyantī’’tiādīsu mūle mūlāni jāyantīti doso bhaveyyāti manasi katvā āha ‘‘na hī’’tiādi. Hīti saccaṃ, yasmā vā. Tānīti rukkhādīni. Tassāti ‘‘bhūtagāmo nāma pañca bījajātānī’’ti padassa. Etanti ‘‘bījajātānī’’ti nāmaṃ. Bījesu jātāni bījajātānīti vutte ‘‘mūle jāyantī’’tiādinā sameti. Etenāti ‘‘bījato’’tiādinā saṅgahoti sambandho.

‘‘язхий’’д̇и бад̣̇ам̣ ‘‘ж̇аад̇ад̇д̇аа’’д̇и бад̣̇з абаад̣̇аанам̣, хзд̇у ваа ‘‘вуд̇д̇ааний’’д̇и бад̣̇з гаран̣ам̣, гад̇д̇аа ваа. д̇зсанд̇и б̣ийж̇аанам̣. ругкаад̣̇ийнам̣ вируханам̣ ж̇анзд̇ийд̇и б̣ийж̇ам̣. ‘‘б̣ийж̇ад̇о’’д̇иаад̣̇инаа гаарияобажаарзна гааран̣асса д̣̇ассид̇ад̇д̇аа гааран̣уубажаарам̣ бад̣̇ийбзд̇и. ан̃н̃ааниби яаани ваа бана г̇ажчаваллиругкаад̣̇ийни ад̇т̇и сам̣виж̇ж̇анд̇и, д̇аани г̇ажчаваллиругкаад̣̇ийни ж̇ааяанд̇и сан̃ж̇ааяанд̇ийд̇и яож̇анаа. д̇аанийд̇и г̇ажчаваллиругкаад̣̇ийни . д̇ан̃жа муулам̣, баал̣ияам̣ вуд̇д̇ахалид̣̇д̣̇аад̣̇и жа ад̇т̇и, саб̣б̣амби зд̇ам̣ муулаб̣ийж̇ам̣ наамаад̇и самб̣анд̇хо. зд̇т̇аад̇и б̣ийж̇зсу, канд̇хаб̣ийж̇зсу ваа.

‘‘Yehī’’ti padaṃ ‘‘jātattā’’ti pade apādānaṃ, hetu vā ‘‘vuttānī’’ti pade karaṇaṃ, kattā vā. Tesanti bījānaṃ. Rukkhādīnaṃ viruhanaṃ janetīti bījaṃ. ‘‘Bījato’’tiādinā kāriyopacārena kāraṇassa dassitattā kāraṇūpacāraṃ padīpeti. Aññānipi yāni vā pana gacchavallirukkhādīni atthi saṃvijjanti, tāni gacchavallirukkhādīni jāyanti sañjāyantīti yojanā. Tānīti gacchavallirukkhādīni . Tañca mūlaṃ, pāḷiyaṃ vuttahaliddādi ca atthi, sabbampi etaṃ mūlabījaṃ nāmāti sambandho. Etthāti bījesu, khandhabījesu vā.

92. сан̃н̃аавасзнаад̇и ‘‘б̣ийж̇а’’нд̇и сан̃н̃аавасзна. ‘‘д̇ад̇т̇аа’’д̇и бад̣̇ам̣ ‘‘взд̣̇ид̇аб̣б̣о’’д̇и бад̣̇з аад̇хааро. ‘‘яат̇аа’’д̇иаад̣̇инаа гааран̣обажаарзна гаарияасса вуд̇д̇ад̇д̇аа палуубажаарам̣ д̣̇ассзд̇и. яам̣ б̣ийж̇ам̣ вуд̇д̇ам̣, д̇ам̣ д̣̇уггадавад̇т̇ууд̇и яож̇анаа. яад̣̇зд̇ам̣ аад̣̇ибад̣̇анд̇и яож̇зд̇аб̣б̣ам̣. д̇знаад̇и аад̣̇ибад̣̇зна. равийяад̇и бхаг̇авад̇аа гат̇ийяад̇ийд̇и руд̇ам̣, баал̣и, д̇асса ануруубам̣ яат̇ааруд̇ам̣, баал̣ианад̇игганд̇анд̇и ад̇т̇о.

92.Saññāvasenāti ‘‘bīja’’nti saññāvasena. ‘‘Tatthā’’ti padaṃ ‘‘veditabbo’’ti pade ādhāro. ‘‘Yathā’’tiādinā kāraṇopacārena kāriyassa vuttattā phalūpacāraṃ dasseti. Yaṃ bījaṃ vuttaṃ, taṃ dukkaṭavatthūti yojanā. Yadetaṃ ādipadanti yojetabbaṃ. Tenāti ādipadena. Ravīyati bhagavatā kathīyatīti rutaṃ, pāḷi, tassa anurūpaṃ yathārutaṃ, pāḷianatikkantanti attho.

зд̇т̇аад̇и ‘‘б̣ийж̇з б̣ийж̇асан̃н̃ий’’д̇иаад̣̇ибад̣̇з, имасмим̣ сигкаабад̣̇з ваа. уд̣̇агз таад̇и бавад̇д̇ад̇ийд̇и уд̣̇агадто, звам̣ т̇аладтоби. д̇ад̇т̇аад̇и уд̣̇агадтат̇аладтзсу. саасабасса мад̇д̇ам̣ бамаан̣ам̣ асса сзваалассаад̇и саасабамад̇д̇иго. д̇иласса б̣ийж̇абамаан̣ам̣ асса сзваалассаад̇и д̇илаб̣ийж̇аго. бамаан̣ад̇т̇з го. аад̣̇исад̣̇д̣̇зна сан̇кабан̣агаад̣̇аяо сзваалз сан̇г̇ан̣хаад̇и. д̇ад̇т̇а д̇илаб̣ийж̇абамаан̣о ж̇аласан̣тид̇о нийлаад̣̇иван̣н̣аяуд̇д̇о сзваало д̇илаб̣ийж̇ам̣ наама, сабад̇д̇о аббаган̣д̣о угкалибид̇хаанаад̣̇ибамаан̣о самууло зго сзваалависзсо сан̇ко наама, бхамарасан̣таано нийлаван̣н̣о зго сзваалависзсо бан̣аго наама. уд̣̇агам̣ сзвад̇ийд̇и сзваало. д̇ад̇т̇аад̇и сзваалзсу. яод̇и сзваало. бад̇идтид̇ам̣ сзвааланд̇и самб̣анд̇хо. яад̇т̇а гад̇т̇ажийд̇и муулз ваа нал̣з ваа бад̇д̇з ваа. уд̣̇д̇харид̇ваад̇и уббаадзд̇ваа. ‘‘хад̇т̇зхий’’д̇и бад̣̇ам̣ ‘‘вияуухид̇ваа’’д̇и бад̣̇з гаран̣ам̣. хийд̇и сажжам̣, яасмаа ваа. д̇ассаад̇и сзвааласса. зд̇д̇аавад̇аад̇и ид̇о жид̇о жа вияууханамад̇д̇зна. яо сзваало нигкамад̇и, д̇ам̣ сзвааланд̇и яож̇анаа. бариссаавананд̇арзнаад̇и бариссааваначид̣̇д̣̇зна. уббалаани асмим̣ г̇ажчзд̇и уббалиний. бад̣̇умаани асмим̣ г̇ажчзд̇и бад̣̇уминий, ино, ид̇т̇илин̇г̇аж̇од̇аго ий. д̇ад̇т̇зваад̇и уд̣̇агзязва. д̇аанийд̇и валлийд̇ин̣аани. хийд̇и сажжам̣, яасмаа ваа. ананд̇агод̇и саасабамад̇д̇иго сзваало. со хи над̇т̇и ад̇д̇ад̇о анд̇о лаамаго сзваало зд̇ассаад̇и гад̇ваа ‘‘ананд̇аго’’д̇и вужжад̇и. ад̇д̇анааязва хи сукумо, д̇ад̇о сукумо сзваало над̇т̇ийд̇и ад̇хиббааяо. д̇ад̇т̇аад̇и д̣̇уггадавад̇т̇убхаавз. д̇амбийд̇и ‘‘самбун̣н̣абхууд̇аг̇аамам̣ на ход̇ий’’д̇и важанамби. бисад̣̇д̣̇о махаабажжариаад̣̇иадтагат̇аажарияаанам̣ важанаабзгко. хийд̇и сажжам̣, яасмаа ваа. на ааг̇ад̇о, д̇асмаа на самзд̇ийд̇и яож̇анаа. ат̇аад̇и д̇асмим̣ анааг̇ад̇з. зд̇анд̇и ананд̇агасзваалаад̣̇им̣. г̇ажчиссад̇ийд̇и вад̣̇зяяаад̇и самб̣анд̇хо. д̇амбийд̇и ‘‘г̇ажчиссад̇ий’’д̇и важанамби. бисад̣̇д̣̇о буримадтагат̇аажарияаанам̣ важанаабзгко.

Etthāti ‘‘bīje bījasaññī’’tiādipade, imasmiṃ sikkhāpade vā. Udake ṭhāti pavattatīti udakaṭṭho, evaṃ thalaṭṭhopi. Tatthāti udakaṭṭhathalaṭṭhesu. Sāsapassa mattaṃ pamāṇaṃ assa sevālassāti sāsapamattiko. Tilassa bījapamāṇaṃ assa sevālassāti tilabījako. Pamāṇatthe ko. Ādisaddena saṅkhapaṇakādayo sevāle saṅgaṇhāti. Tattha tilabījapamāṇo jalasaṇṭhito nīlādivaṇṇayutto sevālo tilabījaṃ nāma, sapatto appakaṇḍo ukkhalipidhānādipamāṇo samūlo eko sevālaviseso saṅkho nāma, bhamarasaṇṭhāno nīlavaṇṇo eko sevālaviseso paṇako nāma. Udakaṃ sevatīti sevālo. Tatthāti sevālesu. Yoti sevālo. Patiṭṭhitaṃ sevālanti sambandho. Yattha katthacīti mūle vā naḷe vā patte vā. Uddharitvāti uppāṭetvā. ‘‘Hatthehī’’ti padaṃ ‘‘viyūhitvā’’ti pade karaṇaṃ. Hīti saccaṃ, yasmā vā. Tassāti sevālassa. Ettāvatāti ito cito ca viyūhanamattena. Yo sevālo nikkhamati, taṃ sevālanti yojanā. Parissāvanantarenāti parissāvanachiddena. Uppalāni asmiṃ gaccheti uppalinī. Padumāni asmiṃ gaccheti paduminī, ino, itthiliṅgajotako ī. Tatthevāti udakeyeva. Tānīti vallītiṇāni. Hīti saccaṃ, yasmā vā. Anantakoti sāsapamattiko sevālo. So hi natthi attato anto lāmako sevālo etassāti katvā ‘‘anantako’’ti vuccati. Attanāyeva hi sukhumo, tato sukhumo sevālo natthīti adhippāyo. Tatthāti dukkaṭavatthubhāve. Tampīti ‘‘sampuṇṇabhūtagāmaṃ na hotī’’ti vacanampi. Pisaddo mahāpaccariādiaṭṭhakathācariyānaṃ vacanāpekkho. Hīti saccaṃ, yasmā vā. Na āgato, tasmā na sametīti yojanā. Athāti tasmiṃ anāgate. Etanti anantakasevālādiṃ. Gacchissatīti vadeyyāti sambandho. Tampīti ‘‘gacchissatī’’ti vacanampi. Pisaddo purimaṭṭhakathācariyānaṃ vacanāpekkho.

абхууд̇аг̇аамамуулад̇д̇аа д̇аад̣̇исасса б̣ийж̇аг̇аамассаад̇и зд̇т̇а б̣ийж̇аг̇аамо д̇ивид̇хо ход̇и – яо саяам̣ бхууд̇аг̇аамад̇о худ̇ваа ан̃н̃амби бхууд̇аг̇аамам̣ ж̇анзд̇и, амб̣адтиаад̣̇иго. яо бана саяам̣ бхууд̇аг̇аамад̇о худ̇ваа ан̃н̃ам̣ бана бхууд̇аг̇аамам̣ на ж̇анзд̇и, д̇ааланаал̣игзраад̣̇икаан̣у. яо бана саяамби бхууд̇аг̇аамад̇о ахуд̇ваа ан̃н̃амби бхууд̇аг̇аамам̣ на ж̇анзд̇и. баанийяагхадаад̣̇ийнам̣ б̣ахи сзваалод̇и. бхууд̇аг̇аамо бана жад̇уб̣б̣ид̇хо ход̇и – яо саяам̣ б̣ийж̇аг̇аамад̇о худ̇ваа ан̃н̃амби б̣ийж̇аг̇аамам̣ ж̇анзд̇и, зд̇арахи амб̣аругкаад̣̇иго. яо бана саяам̣ б̣ийж̇аг̇аамад̇о ахуд̇ваава ан̃н̃ам̣ б̣ийж̇аг̇аамам̣ ж̇анзд̇и, аад̣̇игаббагаалз амб̣аругкаад̣̇иго. яо бана саяам̣ б̣ийж̇аг̇аамад̇о худ̇ваа ан̃н̃ам̣ бана б̣ийж̇аг̇аамам̣ на ж̇анзд̇и, нийлаван̣н̣о палид̇агад̣̇алийругкаад̣̇иго. яо бана саяамби б̣ийж̇аг̇аамад̇о ахуд̇ваа ан̃н̃амби б̣ийж̇аг̇аамам̣ на ж̇анзд̇и, ид̇ха вуд̇д̇о ананд̇агасзваалаад̣̇игод̇и. д̇ад̇т̇а жад̇уд̇т̇ам̣ бхууд̇аг̇аамам̣ санд̇хааяа вуд̇д̇ам̣ ‘‘абхууд̇аг̇аамамуулагад̇д̇аа д̇аад̣̇исасса б̣ийж̇ассаа’’д̇и. аяам̣ бана д̇ад̇ияаб̣ийж̇аг̇аамасса жа жад̇уд̇т̇абхууд̇аг̇аамасса жа висзсо – д̇ад̇ияаб̣ийж̇аг̇аамз муулабан̣н̣аани на бан̃н̃ааяанд̇и, жад̇уд̇т̇абхууд̇аг̇аамз д̇аани бан̃н̃ааяанд̇ийд̇и. муулабан̣н̣аанам̣ абан̃н̃ааяанад̇д̇аа б̣ийж̇аг̇аамод̇и вуд̇д̇о, д̇зсам̣ бан̃н̃ааяанад̇д̇аа бхууд̇аг̇аамод̇и вуд̇д̇о. ид̇арат̇аа хи вирод̇хо бхавзяяаад̇и. ад̇д̇ано ваад̣̇з баажид̇д̇ияабхаавад̇о г̇аругам̣, махаабажжариаад̣̇ийнам̣ ваад̣̇з д̣̇уггадамад̇д̇абхаавад̇о лахугам̣. зд̇анд̇и таанам̣.

Abhūtagāmamūlattātādisassa bījagāmassāti ettha bījagāmo tividho hoti – yo sayaṃ bhūtagāmato hutvā aññampi bhūtagāmaṃ janeti, ambaṭṭhiādiko. Yo pana sayaṃ bhūtagāmato hutvā aññaṃ pana bhūtagāmaṃ na janeti, tālanāḷikerādikhāṇu. Yo pana sayampi bhūtagāmato ahutvā aññampi bhūtagāmaṃ na janeti. Pānīyaghaṭādīnaṃ bahi sevāloti. Bhūtagāmo pana catubbidho hoti – yo sayaṃ bījagāmato hutvā aññampi bījagāmaṃ janeti, etarahi ambarukkhādiko. Yo pana sayaṃ bījagāmato ahutvāva aññaṃ bījagāmaṃ janeti, ādikappakāle ambarukkhādiko. Yo pana sayaṃ bījagāmato hutvā aññaṃ pana bījagāmaṃ na janeti, nīlavaṇṇo phalitakadalīrukkhādiko. Yo pana sayampi bījagāmato ahutvā aññampi bījagāmaṃ na janeti, idha vutto anantakasevālādikoti. Tattha catutthaṃ bhūtagāmaṃ sandhāya vuttaṃ ‘‘abhūtagāmamūlakattā tādisassa bījassā’’ti. Ayaṃ pana tatiyabījagāmassa ca catutthabhūtagāmassa ca viseso – tatiyabījagāme mūlapaṇṇāni na paññāyanti, catutthabhūtagāme tāni paññāyantīti. Mūlapaṇṇānaṃ apaññāyanattā bījagāmoti vutto, tesaṃ paññāyanattā bhūtagāmoti vutto. Itarathā hi virodho bhaveyyāti. Attano vāde pācittiyabhāvato garukaṃ, mahāpaccariādīnaṃ vāde dukkaṭamattabhāvato lahukaṃ. Etanti ṭhānaṃ.

звам̣ уд̣̇агадтам̣ д̣̇ассзд̇ваа т̇аладтам̣ д̣̇ассзнд̇о ааха ‘‘т̇аладтз’’д̇иаад̣̇и. т̇аладтз винижчаяо звам̣ взд̣̇ид̇аб̣б̣од̇и яож̇анаа. д̇ад̇т̇аад̇и харид̇акаан̣уусу. уд̣̇д̇хам̣ вад̣дхад̇ийд̇и навасаакааниг̇г̇аманзна чиннад̇о убари вад̣дхад̇и. сод̇и каан̣у. палид̇ааяа гад̣̇алияаа каан̣у б̣ийж̇аг̇аамзна сан̇г̇ахид̇од̇и яож̇анаа. палам̣ сан̃ж̇аад̇ам̣ зд̇иссаад̇и палид̇аа. д̇ат̇аад̇и ‘‘бхууд̇аг̇аамзнзва сан̇г̇ахид̇аа’’д̇и бад̣̇аани аагад̣дхад̇и. яад̣̇аад̇и яасмим̣ гаалз. рад̇анаббамаан̣аабийд̇и хад̇т̇аббамаан̣ааби. ат̇аад̇и абаад̣̇аанад̇т̇о, д̇ад̇о раасигаран̣ад̇о ан̃н̃анд̇и ад̇т̇о. бхуумияам̣ никан̣анд̇ийд̇и самб̣анд̇хо. ‘‘муулзсу жзва бан̣н̣зсу жаа’’д̇и зд̇т̇а жасад̣̇д̣̇о самужжаяад̇т̇ова, на вигаббад̇т̇од̇и ааха ‘‘мууламад̇д̇зсу банаа’’д̇иаад̣̇и.

Evaṃ udakaṭṭhaṃ dassetvā thalaṭṭhaṃ dassento āha ‘‘thalaṭṭhe’’tiādi. Thalaṭṭhe vinicchayo evaṃ veditabboti yojanā. Tatthāti haritakhāṇūsu. Uddhaṃ vaḍḍhatīti navasākhāniggamanena chinnato upari vaḍḍhati. Soti khāṇu. Phalitāya kadaliyā khāṇu bījagāmena saṅgahitoti yojanā. Phalaṃ sañjātaṃ etissāti phalitā. Tathāti ‘‘bhūtagāmeneva saṅgahitā’’ti padāni ākaḍḍhati. Yadāti yasmiṃ kāle. Ratanappamāṇāpīti hatthappamāṇāpi. Athāti apādānattho, tato rāsikaraṇato aññanti attho. Bhūmiyaṃ nikhaṇantīti sambandho. ‘‘Mūlesu ceva paṇṇesu cā’’ti ettha casaddo samuccayatthova, na vikappatthoti āha ‘‘mūlamattesu panā’’tiādi.

б̣ийж̇аанийд̇и муулаад̣̇иб̣ийж̇аани. табид̇аани хонд̇ийд̇и самб̣анд̇хо. ‘‘убарий’’д̇и бад̣̇зна хздтаа муулаани жаад̇и ад̇т̇ам̣ наязна н̃аабзд̇и. на ан̇гурз ниг̇г̇ад̇амад̇д̇зязва , ат̇а ко харид̇з нийлабан̣н̣аван̣н̣з ж̇аад̇зязва бхууд̇аг̇аамасан̇г̇ахо гаад̇аб̣б̣од̇и ааха ‘‘харид̇з’’д̇иаад̣̇и. д̇ааладтийнам̣ мууланд̇и самб̣анд̇хо. д̣̇анд̇асуужи вияаад̇и хад̇т̇ид̣̇анд̇асуужи вияа. яат̇аа асамбун̣н̣абхууд̇аг̇аамо д̇ад̇ияо годтаасо на ааг̇ад̇о, на звам̣ амуулагабхууд̇аг̇аамо. со бана ааг̇ад̇оязваад̇и ааха ‘‘амуулагабхууд̇аг̇аамз’’д̇и. амуулигалад̇аа вияа амуулагабхууд̇аг̇аамз сан̇г̇ахам̣ г̇ажчад̇ийд̇и ад̇т̇о.

Bījānīti mūlādibījāni. Ṭhapitāni hontīti sambandho. ‘‘Uparī’’ti padena heṭṭhā mūlāni cāti atthaṃ nayena ñāpeti. Na aṅkure niggatamatteyeva , atha kho harite nīlapaṇṇavaṇṇe jāteyeva bhūtagāmasaṅgaho kātabboti āha ‘‘harite’’tiādi. Tālaṭṭhīnaṃ mūlanti sambandho. Dantasūci viyāti hatthidantasūci viya. Yathā asampuṇṇabhūtagāmo tatiyo koṭṭhāso na āgato, na evaṃ amūlakabhūtagāmo. So pana āgatoyevāti āha ‘‘amūlakabhūtagāme’’ti. Amūlikalatā viya amūlakabhūtagāme saṅgahaṃ gacchatīti attho.

ванд̣̇аагаад̇и ругкаад̣̇аний. саа хи саяам̣ ругкам̣ ниссааяа ж̇ааяанд̇ийби ад̇д̇ано ниссаяаанам̣ ругкаанам̣ ад̣̇анад̇д̇аа бхагканад̇д̇аа вад̣̇ийяад̇и т̇уд̇ийяад̇ийд̇и ‘‘ванд̣̇аагаа’’д̇и вужжад̇и. ан̃н̃аа ваад̇и ванд̣̇аагааяа ан̃н̃аа ваа. д̇анд̇и ванд̣̇аагаад̣̇им̣. д̇ад̇од̇и ругкад̇о. вананд̇и куд̣̇д̣̇аго г̇ажчо. баг̇умб̣од̇и махааг̇ажчо. д̣̇ан̣д̣агод̇и ругко д̣̇ан̣д̣аяог̇ад̇о. д̇ассаабийд̇и амуулигалад̇ааяаби. аяамзва винижчаяод̇и ванд̣̇аагаад̣̇игасса винижчаяо вияа аяам̣ винижчаяо д̣̇адтаб̣б̣од̇и яож̇анаа. ‘‘д̣̇вз д̇ийн̣и бад̇д̇ааний’’д̇и вуд̇д̇ад̇д̇аа згабад̇д̇о сан̃ж̇ааяанд̇оби аг̇г̇аб̣ийж̇асан̇г̇ахам̣ г̇ажчад̇ийд̇и ад̇т̇о. ‘‘анубасамбаннзнаа’’д̇и бад̣̇ам̣ ‘‘лид̇д̇ассаа’’д̇и бад̣̇з гад̇д̇аа. нид̣̇аагхасамаязд̇и г̇имхагаалз. аб̣б̣охааригод̇и аабад̇д̇ияаа ан̇г̇анд̇и на вохарид̇аб̣б̣о. вохарид̇ум̣ на арахад̇ийд̇и ад̇т̇о. зд̇анд̇и аб̣б̣охааригад̇ам̣, ‘‘сажз…бз… бамаж̇ж̇ид̇аб̣б̣аа’’д̇и важанам̣ ваа.

Vandākāti rukkhādanī. Sā hi sayaṃ rukkhaṃ nissāya jāyantīpi attano nissayānaṃ rukkhānaṃ adanattā bhakkhanattā vadīyati thutīyatīti ‘‘vandākā’’ti vuccati. Aññā vāti vandākāya aññā vā. Tanti vandākādiṃ. Tatoti rukkhato. Vananti khuddako gaccho. Pagumboti mahāgaccho. Daṇḍakoti rukkho daṇḍayogato. Tassāpīti amūlikalatāyapi. Ayameva vinicchayoti vandākādikassa vinicchayo viya ayaṃ vinicchayo daṭṭhabboti yojanā. ‘‘Dve tīṇi pattānī’’ti vuttattā ekapatto sañjāyantopi aggabījasaṅgahaṃ gacchatīti attho. ‘‘Anupasampannenā’’ti padaṃ ‘‘littassā’’ti pade kattā. Nidāghasamayeti gimhakāle. Abbohārikoti āpattiyā aṅganti na voharitabbo. Voharituṃ na arahatīti attho. Etanti abbohārikataṃ, ‘‘sace…pe… pamajjitabbā’’ti vacanaṃ vā.

ахим̣ саббам̣ чаад̣̇зд̇ийд̇и ахижчад̇д̇ам̣, д̇ам̣язва ахижчад̇д̇агам̣. яат̇аагат̇ан̃жи хи б̣яуббад̇д̇и, рул̣хияаа ад̇т̇авинижчаяо. д̇асмаад̇и д̇ад̇о вигобанад̇о. д̇ад̇т̇аад̇и ахижчад̇д̇агз. хздтаа ‘‘уд̣̇агабаббадаго’’д̇и вад̇ваа ид̇ха ‘‘ругкабаббадигааяабий’’д̇и вуд̇д̇ад̇д̇аа баббадагасад̣̇д̣̇о д̣̇вилин̇г̇од̇и д̣̇адтаб̣б̣о. д̇анд̇и баббадигам̣. тид̇ам̣ нияяаасанд̇и самб̣анд̇хо. звам̣ ‘‘лаг̇г̇а’’нд̇и зд̇т̇ааби. хад̇т̇агуггужжзнаад̇и хад̇т̇алолзна. ‘‘чинд̣̇анд̇ассаабий’’д̇и бад̣̇з хзд̇у.

Ahiṃ sappaṃ chādetīti ahicchattaṃ, taṃyeva ahicchattakaṃ. Yathākathañci hi byuppatti, ruḷhiyā atthavinicchayo. Tasmāti tato vikopanato. Tatthāti ahicchattake. Heṭṭhā ‘‘udakapappaṭako’’ti vatvā idha ‘‘rukkhapappaṭikāyapī’’ti vuttattā pappaṭakasaddo dviliṅgoti daṭṭhabbo. Tanti pappaṭikaṃ. Ṭhitaṃ niyyāsanti sambandho. Evaṃ ‘‘lagga’’nti etthāpi. Hatthakukkuccenāti hatthalolena. ‘‘Chindantassāpī’’ti pade hetu.

ваасад̇т̇игзнаад̇и ваасам̣ ижчанд̇зна. ‘‘ожинаабзд̇аб̣б̣аа’’д̇и бад̣̇з гад̇д̇аа. уббаадзнд̇зхийд̇и уд̣̇д̇харанд̇зхи. д̇зсанд̇и сааман̣зраанам̣. саакам̣ г̇ахид̇анд̇и самб̣анд̇хо. табид̇асса син̇г̇ийвзрассаад̇и яож̇анаа.

Vāsatthikenāti vāsaṃ icchantena. ‘‘Ocināpetabbā’’ti pade kattā. Uppāṭentehīti uddharantehi. Tesanti sāmaṇerānaṃ. Sākhaṃ gahitanti sambandho. Ṭhapitassa siṅgīverassāti yojanā.

чиж̇ж̇анаганд̇и чиж̇ж̇анаяуд̇д̇ам̣, чиж̇ж̇анаараханд̇и ад̇т̇о. ‘‘жан̇гамид̇адтаанам̣ д̣̇ассзссаамий’’д̇и иминаа вад̇д̇асийсзна жан̇гаманам̣ ваддад̇ийд̇и д̣̇ассзд̇и. ‘‘бхиж̇ж̇ад̇ий’’д̇и иминаа абхиж̇ж̇амаанз г̇ан̣тиби гаад̇аб̣б̣од̇и д̣̇ассзд̇и. д̣̇аарумаггадаганд̇и маггадасса хад̇т̇о маггадо убажаарзна, маггадо вияаад̇и маггадаго, сад̣̇исад̇т̇з го. д̣̇аарусан̇каад̇о маггадаго д̣̇аарумаггадаго. д̇ам̣ аагодзнд̇ийд̇и самб̣анд̇хо. анияаамид̇ад̇д̇аад̇и иманд̇и анияаамид̇ад̇д̇аа важанасса. ид̣̇ам̣ махаасааман̃н̃ам̣, висзсасааман̃н̃амби ваддад̇ийд̇и ааха ‘‘наамам̣ г̇ахзд̇ваабий’’д̇иаад̣̇и. саб̣б̣анд̇и саб̣б̣ам̣ важанам̣.

Chijjanakanti chijjanayuttaṃ, chijjanārahanti attho. ‘‘Caṅkamitaṭṭhānaṃ dassessāmī’’ti iminā vattasīsena caṅkamanaṃ vaṭṭatīti dasseti. ‘‘Bhijjatī’’ti iminā abhijjamāne gaṇṭhipi kātabboti dasseti. Dārumakkaṭakanti makkaṭassa hattho makkaṭo upacārena, makkaṭo viyāti makkaṭako, sadisatthe ko. Dārusaṅkhāto makkaṭako dārumakkaṭako. Taṃ ākoṭentīti sambandho. Aniyāmitattāti imanti aniyāmitattā vacanassa. Idaṃ mahāsāmaññaṃ, visesasāmaññampi vaṭṭatīti āha ‘‘nāmaṃ gahetvāpī’’tiādi. Sabbanti sabbaṃ vacanaṃ.

‘‘имам̣ ж̇аанаад̇иаад̣̇ийсуу’’д̇и бад̣̇ам̣ ‘‘звамад̇т̇о д̣̇адтаб̣б̣о’’д̇и бад̣̇з аад̇хааро. имам̣ муулабхзсаж̇ж̇ам̣ ж̇аанаад̇и имам̣ муулабхзсаж̇ж̇ам̣ яож̇ид̇ум̣ ж̇аанаад̇и яож̇анаа. зд̇д̇аавад̇аад̇и ‘‘имам̣ ж̇аанаа’’д̇иаад̣̇иважанамад̇д̇зна. габбияанд̇и саман̣авохаарзна, вохаарасса ваа яуд̇д̇ам̣ ануруубам̣. зд̇т̇аад̇и ‘‘габбияам̣ гаад̇аб̣б̣а’’нд̇и важанз. ниб̣б̣аддаб̣ийж̇амзваад̇и палад̇о ниб̣б̣аддзд̇ваа висум̣ гад̇ам̣ б̣ийж̇ам̣ зва. д̇ад̇т̇аад̇и суд̇д̇з. гаронд̇зна бхигкунаа гаад̇аб̣б̣анд̇и яож̇анаа. ‘‘габбияанд̇и вад̇вааваа’’д̇и иминаа батамам̣ гад̇ваа аг̇г̇исад̇т̇анакаани уд̣̇д̇харид̇ваа бажчаа вад̇д̇ум̣ на ваддад̇ийд̇и д̣̇ассзд̇и. лохамаяасад̇т̇ассаад̇и аяад̇амб̣аад̣̇илохамаяасса сад̇т̇асса. д̇зхийд̇и мануссаад̣̇ийнам̣ накзхи. д̇зхийд̇и ассаад̣̇ийнам̣ курзхи. д̇зхийд̇и хад̇т̇инакзхи. язхийд̇и накзхи. д̇ад̇т̇аж̇аад̇агзхибийд̇и д̇асмим̣ сад̇т̇з ж̇аад̇агзхиби, накзхийд̇и самб̣анд̇хо.

‘‘Imaṃ jānātiādīsū’’ti padaṃ ‘‘evamattho daṭṭhabbo’’ti pade ādhāro. Imaṃ mūlabhesajjaṃ jānāti imaṃ mūlabhesajjaṃ yojituṃ jānāti yojanā. Ettāvatāti ‘‘imaṃ jānā’’tiādivacanamattena. Kappiyanti samaṇavohārena, vohārassa vā yuttaṃ anurūpaṃ. Etthāti ‘‘kappiyaṃ kātabba’’nti vacane. Nibbaṭṭabījamevāti phalato nibbaṭṭetvā visuṃ kataṃ bījaṃ eva. Tatthāti sutte. Karontena bhikkhunā kātabbanti yojanā. ‘‘Kappiyanti vatvāvā’’ti iminā paṭhamaṃ katvā aggisatthanakhāni uddharitvā pacchā vattuṃ na vaṭṭatīti dasseti. Lohamayasatthassāti ayatambādilohamayassa satthassa. Tehīti manussādīnaṃ nakhehi. Tehīti assādīnaṃ khurehi. Tehīti hatthinakhehi. Yehīti nakhehi. Tatthajātakehipīti tasmiṃ satthe jātakehipi, nakhehīti sambandho.

д̇ад̇т̇аад̇и буримаважанаабзгкам̣. ‘‘габбияам̣ гаронд̇знаа’’д̇иаад̣̇иважанамабзгкад̇и. ‘‘ужчум̣ габбияам̣ гариссаамий’’д̇и ужчумзва виж̇жхад̇и, баг̇зва. ‘‘д̣̇аарум̣ габбияам̣ гариссаамий’’д̇и ужчум̣ виж̇жхад̇и, ‘‘д̣̇аарум̣ габбияам̣ гариссаамий’’д̇и д̣̇аарумзва ваа виж̇жхад̇и, ваддад̇и згааб̣ад̣̇д̇хад̇д̇аад̇и вад̣̇анд̇и. д̇анд̇и раж̇ж̇ум̣ ваа валлим̣ ваа. саб̣б̣ам̣ кан̣д̣анд̇и самб̣анд̇хо. д̇ад̇т̇аад̇и марижабаггзсу. гадааханд̇и згааяа бхааж̇анавигад̇ияаа наамамзд̇ам̣. ид̇ха бана б̣ийж̇аанам̣ бхааж̇анабхаавзна д̇ам̣сад̣̇исад̇д̇аа палапзг̇г̇уби ‘‘гадааха’’нд̇и вужжад̇и. згааб̣ад̣̇д̇ханд̇и гадаахзна згад̇о ааб̣ад̣̇д̇хам̣.

Tatthāti purimavacanāpekkhaṃ. ‘‘Kappiyaṃ karontenā’’tiādivacanamapekkhati. ‘‘Ucchuṃ kappiyaṃ karissāmī’’ti ucchumeva vijjhati, pageva. ‘‘Dāruṃ kappiyaṃ karissāmī’’ti ucchuṃ vijjhati, ‘‘dāruṃ kappiyaṃ karissāmī’’ti dārumeva vā vijjhati, vaṭṭati ekābaddhattāti vadanti. Tanti rajjuṃ vā valliṃ vā. Sabbaṃ khaṇḍanti sambandho. Tatthāti maricapakkesu. Kaṭāhanti ekāya bhājanavikatiyā nāmametaṃ. Idha pana bījānaṃ bhājanabhāvena taṃsadisattā phalapheggupi ‘‘kaṭāha’’nti vuccati. Ekābaddhanti kaṭāhena ekato ābaddhaṃ.

д̇аанийд̇и д̇ин̣аани. д̇знаад̇и ругкабавадданаад̣̇инаа. д̇ад̇раад̇и д̇асмим̣ табанабаад̇анадтаанз. ‘‘мануссавиг̇г̇ахабаарааж̇игаван̣н̣анааяа’’нд̇и бад̣̇ам̣ ‘‘вуд̇д̇а’’нд̇и бад̣̇з сааман̃н̃аад̇хааро. бхигку аж̇жход̇т̇адо ход̇ийд̇и самб̣анд̇хо. обаад̇зд̇и ааваадз. со хи авабад̇анадтаанад̇д̇аа ‘‘обаад̇о’’д̇и вужжад̇и. ругканд̇и аж̇жход̇т̇адаругкам̣. бхууминд̇и обаад̇ат̇ирабхуумим̣. ж̇ийвид̇ахзд̇ууд̇и нимид̇д̇ад̇т̇з бажжад̇д̇аважанам̣, ж̇ийвид̇агааран̣аад̇и ад̇т̇о. ‘‘бхигкунаа’’д̇и бад̣̇ам̣ ‘‘нигкаамзд̇у’’нд̇и бад̣̇з бхаавагад̇д̇аа, гаарид̇агад̇д̇аа ваа. ‘‘аж̇жход̇т̇адабхигку’’нд̇и ваа ‘‘обаад̇абхигку’’нд̇и ваа гаарид̇агаммам̣ аж̇жхаахарид̇аб̣б̣ам̣. д̇ад̇т̇аад̇и анаабад̇д̇ибхаавз, анаабад̇д̇ибхаавасса ваа. зд̇ассаад̇и суд̇д̇асса. баро бана гаарун̃н̃зна гарод̇ийд̇и самб̣анд̇хо. зд̇амбийд̇и гаарун̃н̃амби. хийд̇и сажжам̣, яасмаа ваад̇и. батамам̣.

Tānīti tiṇāni. Tenāti rukkhapavaṭṭanādinā. Tatrāti tasmiṃ ṭhapanapātanaṭṭhāne. ‘‘Manussaviggahapārājikavaṇṇanāya’’nti padaṃ ‘‘vutta’’nti pade sāmaññādhāro. Bhikkhu ajjhotthaṭo hotīti sambandho. Opāteti āvāṭe. So hi avapatanaṭṭhānattā ‘‘opāto’’ti vuccati. Rukkhanti ajjhotthaṭarukkhaṃ. Bhūminti opātathirabhūmiṃ. Jīvitahetūti nimittatthe paccattavacanaṃ, jīvitakāraṇāti attho. ‘‘Bhikkhunā’’ti padaṃ ‘‘nikkhāmetu’’nti pade bhāvakattā, kāritakattā vā. ‘‘Ajjhotthaṭabhikkhu’’nti vā ‘‘opātabhikkhu’’nti vā kāritakammaṃ ajjhāharitabbaṃ. Tatthāti anāpattibhāve, anāpattibhāvassa vā. Etassāti suttassa. Paro pana kāruññena karotīti sambandho. Etampīti kāruññampi. Hīti saccaṃ, yasmā vāti. Paṭhamaṃ.

Next: 2. ан̃н̃аваад̣̇агасигкаабад̣̇ам̣ • 2. Aññavādakasikkhāpadaṃ

Related texts:

д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. бхууд̇аг̇аамасигкаабад̣̇аван̣н̣анаа • 1. Bhūtagāmasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. бхууд̇аг̇аамасигкаабад̣̇аван̣н̣анаа • 1. Bhūtagāmasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. бхууд̇аг̇аамасигкаабад̣̇аван̣н̣анаа • 1. Bhūtagāmasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. бхууд̇аг̇аамасигкаабад̣̇аван̣н̣анаа • 1. Bhūtagāmasikkhāpadavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact