| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
2. бхууд̇аг̇аамаваг̇г̇о
2. Bhūtagāmavaggo
1. бхууд̇аг̇аамасигкаабад̣̇аван̣н̣анаа
1. Bhūtagāmasikkhāpadavaṇṇanā
89. сзнаасанаваг̇г̇асса батамасигкаабад̣̇з – анаад̣̇ияанд̇од̇и д̇ассаа важанам̣ аг̇ан̣ханд̇о. д̣̇аарагасса б̣аахум̣ аагодзсийд̇и угкид̇д̇ам̣ парасум̣ ниг̇г̇ахзд̇ум̣ асаггонд̇о мануссаанам̣ жагкувисаяаад̇ийд̇з махаарааж̇асанд̇игаа лад̣̇д̇хз ругкадтагад̣̇иб̣б̣авимаанз нибаннасса д̣̇аарагасса б̣аахум̣ т̇анамуулзязва чинд̣̇и. на ко мзд̇ам̣ бад̇ируубанд̇иаад̣̇имхи аяам̣ сан̇кзбаван̣н̣анаа – химаванд̇з гира багкад̣̇ивасзсу д̣̇звад̇аасаннибаад̇о ход̇и, д̇ад̇т̇а ругкад̇хаммам̣ бужчанд̇и – ‘‘д̇вам̣ ругкад̇хаммз тид̇аа на тид̇аа’’д̇и? ругкад̇хаммо наама ругкз чиж̇ж̇амаанз ругкад̣̇звад̇ааяа манобад̣̇осасса агаран̣ам̣. д̇ад̇т̇а яаа д̣̇звад̇аа ругкад̇хаммз адтид̇аа ход̇и, саа д̣̇звад̇аасаннибаад̇ам̣ бависид̇ум̣ на лабхад̇и. ид̇и саа д̣̇звад̇аа иман̃жа ругкад̇хаммз адтаанабажжаяам̣ аад̣̇ийнавам̣ ад̣̇д̣̇аса, бхаг̇авад̇о жа саммукаа суд̇абуб̣б̣ад̇хаммад̣̇зсанаанусаарзна д̇ат̇ааг̇ад̇асса чад̣̇д̣̇анд̇аад̣̇игаалз буб̣б̣ажарид̇ам̣ ануссари. д̇знассаа зд̇ад̣̇ахоси – ‘‘на ко мзд̇ам̣ бад̇ируубам̣…бз… воробзяяа’’нд̇и. яам̣нуунаахам̣ бхаг̇авад̇о зд̇амад̇т̇ам̣ аарожзяяанд̇и ид̣̇ам̣ банассаа ‘‘аяам̣ бхигку сабид̇иго буд̇д̇о, ад̣̇д̇хаа бхаг̇аваа имам̣ имасса аж̇жхаажаарам̣ суд̇ваа марияаад̣̇ам̣ б̣анд̇хиссад̇и, сигкаабад̣̇ам̣ бан̃н̃абзссад̇ий’’д̇и бадисан̃жигканд̇ияаа ахоси. сажаж̇ж̇а д̇вам̣ д̣̇звад̇зд̇и сажз аж̇ж̇а д̇вам̣ д̣̇звад̇з. басавзяяаасийд̇и ж̇анзяяааси уббаад̣̇зяяааси. зван̃жа бана вад̇ваа бхаг̇аваа д̇ам̣ д̣̇звад̇ам̣ сан̃н̃аабзнд̇о –
89. Senāsanavaggassa paṭhamasikkhāpade – anādiyantoti tassā vacanaṃ agaṇhanto. Dārakassa bāhuṃ ākoṭesīti ukkhittaṃ pharasuṃ niggahetuṃ asakkonto manussānaṃ cakkhuvisayātīte mahārājasantikā laddhe rukkhaṭṭhakadibbavimāne nipannassa dārakassa bāhuṃ thanamūleyeva chindi. Na kho metaṃ patirūpantiādimhi ayaṃ saṅkhepavaṇṇanā – himavante kira pakkhadivasesu devatāsannipāto hoti, tattha rukkhadhammaṃ pucchanti – ‘‘tvaṃ rukkhadhamme ṭhitā na ṭhitā’’ti? Rukkhadhammo nāma rukkhe chijjamāne rukkhadevatāya manopadosassa akaraṇaṃ. Tattha yā devatā rukkhadhamme aṭṭhitā hoti, sā devatāsannipātaṃ pavisituṃ na labhati. Iti sā devatā imañca rukkhadhamme aṭṭhānapaccayaṃ ādīnavaṃ addasa, bhagavato ca sammukhā sutapubbadhammadesanānusārena tathāgatassa chaddantādikāle pubbacaritaṃ anussari. Tenassā etadahosi – ‘‘na kho metaṃ patirūpaṃ…pe… voropeyya’’nti. Yaṃnūnāhaṃ bhagavato etamatthaṃ āroceyyanti idaṃ panassā ‘‘ayaṃ bhikkhu sapitiko putto, addhā bhagavā imaṃ imassa ajjhācāraṃ sutvā mariyādaṃ bandhissati, sikkhāpadaṃ paññapessatī’’ti paṭisañcikkhantiyā ahosi. Sacajja tvaṃ devateti sace ajja tvaṃ devate. Pasaveyyāsīti janeyyāsi uppādeyyāsi. Evañca pana vatvā bhagavā taṃ devataṃ saññāpento –
‘‘яо вз уббад̇ид̇ам̣ год̇хам̣, рат̇ам̣ бханд̇ам̣ва ваараяз;
‘‘Yo ve uppatitaṃ kodhaṃ, rathaṃ bhantaṃva vāraye;
д̇амахам̣ саарат̇им̣ б̣рууми, расмиг̇г̇аахо ид̇аро ж̇ано’’д̇и. (д̇ха. ба. 222);
Tamahaṃ sārathiṃ brūmi, rasmiggāho itaro jano’’ti. (dha. pa. 222);
имам̣ г̇аат̇амабхааси. г̇аат̇аабарияосаанз саа д̣̇звад̇аа сод̇аабад̇д̇ипалз бад̇идтааси. буна бхаг̇аваа самбад̇д̇абарисааяа д̇хаммам̣ д̣̇зсзнд̇о –
Imaṃ gāthamabhāsi. Gāthāpariyosāne sā devatā sotāpattiphale patiṭṭhāsi. Puna bhagavā sampattaparisāya dhammaṃ desento –
‘‘яо уббад̇ид̇ам̣ винзд̇и год̇хам̣, висадам̣ саббависам̣ва осад̇хзхи;
‘‘Yo uppatitaṃ vineti kodhaṃ, visaṭaṃ sappavisaṃva osadhehi;
со бхигку ж̇ахаад̇и орабаарам̣, ураг̇о ж̇ин̣н̣амивад̇д̇ажам̣ бураан̣а’’нд̇и. (су. ни. 1);
So bhikkhu jahāti orapāraṃ, urago jiṇṇamivattacaṃ purāṇa’’nti. (su. ni. 1);
имам̣ г̇аат̇амабхааси. д̇ад̇ра батамаг̇аат̇аа д̇хаммабад̣̇з сан̇г̇ахам̣ аарул̣хаа, д̣̇уд̇ияаа суд̇д̇анибаад̇з, вад̇т̇у бана винаязд̇и. ат̇а бхаг̇аваа д̇хаммам̣ д̣̇зсзнд̇оязва д̇ассаа д̣̇звад̇ааяа васанадтаанам̣ ааваж̇ж̇анд̇о бад̇ируубам̣ таанам̣ д̣̇исваа ‘‘г̇ажча, д̣̇звад̇з, асугасмим̣ огаасз ругко вивид̇д̇о, д̇асмим̣ убаг̇ажчаа’’д̇и ааха. со гира ругко на аал̣авирадтз, ж̇зд̇аванасса анд̇обаригкзбз, яасса д̣̇звабуд̇д̇асса бариг̇г̇ахо ахоси, со жуд̇о; д̇асмаа ‘‘вивид̇д̇о’’д̇и вуд̇д̇о. д̇ад̇о бадтааяа жа бана саа д̣̇звад̇аа саммаасамб̣уд̣̇д̇хад̇о лад̣̇д̇хабарихаараа б̣уд̣̇д̇хубадтааяигаа ахоси. яад̣̇аа д̣̇звад̇аасамааг̇амо ход̇и, д̇ад̣̇аа махзсагкад̣̇звад̇аасу ааг̇ажчанд̇ийсу ан̃н̃аа аббзсагкаа д̣̇звад̇аа яаава махаасамуд̣̇д̣̇ажаггаваал̣абаб̣б̣ад̇аа д̇аава бадиггаманд̇и. аяам̣ бана ад̇д̇ано васанадтаанз нисийд̣̇ид̇ваава д̇хаммам̣ сун̣аад̇и. яамби батамаяаамз бхигкуу бан̃хам̣ бужчанд̇и, маж̇жхимаяаамз д̣̇звад̇аа, д̇ам̣ саб̣б̣ам̣ д̇ад̇т̇зва нисийд̣̇ид̇ваа сун̣аад̇и. жад̇д̇ааро жа махаарааж̇ааноби бхаг̇авад̇о убадтаанам̣ ааг̇анд̇ваа г̇ажчанд̇аа д̇ам̣ д̣̇звад̇ам̣ д̣̇исваава г̇ажчанд̇и.
Imaṃ gāthamabhāsi. Tatra paṭhamagāthā dhammapade saṅgahaṃ āruḷhā, dutiyā suttanipāte, vatthu pana vinayeti. Atha bhagavā dhammaṃ desentoyeva tassā devatāya vasanaṭṭhānaṃ āvajjanto patirūpaṃ ṭhānaṃ disvā ‘‘gaccha, devate, asukasmiṃ okāse rukkho vivitto, tasmiṃ upagacchā’’ti āha. So kira rukkho na āḷaviraṭṭhe, jetavanassa antoparikkhepe, yassa devaputtassa pariggaho ahosi, so cuto; tasmā ‘‘vivitto’’ti vutto. Tato paṭṭhāya ca pana sā devatā sammāsambuddhato laddhaparihārā buddhupaṭṭhāyikā ahosi. Yadā devatāsamāgamo hoti, tadā mahesakkhadevatāsu āgacchantīsu aññā appesakkhā devatā yāva mahāsamuddacakkavāḷapabbatā tāva paṭikkamanti. Ayaṃ pana attano vasanaṭṭhāne nisīditvāva dhammaṃ suṇāti. Yampi paṭhamayāme bhikkhū pañhaṃ pucchanti, majjhimayāme devatā, taṃ sabbaṃ tattheva nisīditvā suṇāti. Cattāro ca mahārājānopi bhagavato upaṭṭhānaṃ āgantvā gacchantā taṃ devataṃ disvāva gacchanti.
90. бхууд̇аг̇аамабаад̇аб̣яад̇ааяаад̇и зд̇т̇а бхаванд̇и ахувун̃жаад̇и бхууд̇аа; ж̇ааяанд̇и вад̣дханд̇и ж̇аад̇аа вад̣дхид̇аа жаад̇и ад̇т̇о. г̇аамод̇и рааси; бхууд̇аанам̣ г̇аамод̇и бхууд̇аг̇аамо; бхууд̇аа зва ваа г̇аамо бхууд̇аг̇аамо; бад̇идтид̇ахарид̇ад̇ин̣аругкаад̣̇ийнамзд̇ам̣ ад̇хиважанам̣. баад̇аб̣яасса бхааво баад̇аб̣яад̇аа; чзд̣̇анабхзд̣̇анаад̣̇ийхи яат̇ааружи барибхун̃ж̇ид̇аб̣б̣ад̇аад̇и ад̇т̇о. д̇ассаа бхууд̇аг̇аамабаад̇аб̣яад̇ааяа; нимид̇д̇ад̇т̇з бхуммаважанам̣, бхууд̇аг̇аамабаад̇аб̣яад̇аахзд̇у, бхууд̇аг̇аамасса чзд̣̇анаад̣̇ибажжаяаа баажид̇д̇ияанд̇и ад̇т̇о.
90.Bhūtagāmapātabyatāyāti ettha bhavanti ahuvuñcāti bhūtā; jāyanti vaḍḍhanti jātā vaḍḍhitā cāti attho. Gāmoti rāsi; bhūtānaṃ gāmoti bhūtagāmo; bhūtā eva vā gāmo bhūtagāmo; patiṭṭhitaharitatiṇarukkhādīnametaṃ adhivacanaṃ. Pātabyassa bhāvo pātabyatā; chedanabhedanādīhi yathāruci paribhuñjitabbatāti attho. Tassā bhūtagāmapātabyatāya; nimittatthe bhummavacanaṃ, bhūtagāmapātabyatāhetu, bhūtagāmassa chedanādipaccayā pācittiyanti attho.
91. ид̣̇аани д̇ам̣ бхууд̇аг̇аамам̣ вибхаж̇ид̇ваа д̣̇ассзнд̇о бхууд̇аг̇аамо наама бан̃жа б̣ийж̇аж̇аад̇аанийд̇иаад̣̇имааха. д̇ад̇т̇а бхууд̇аг̇аамо наамаад̇и бхууд̇аг̇аамам̣ уд̣̇д̇харид̇ваа яасмим̣ сад̇и бхууд̇аг̇аамо ход̇и, д̇ам̣ д̣̇ассзд̇ум̣ ‘‘бан̃жа б̣ийж̇аж̇аад̇ааний’’д̇и аахаад̇и адтагат̇аасу вуд̇д̇ам̣. звам̣ санд̇зби ‘‘яаани ваа банан̃н̃ааниби ад̇т̇и муулз ж̇ааяанд̇ий’’д̇иаад̣̇ийни на самзнд̇и. на хи муулаб̣ийж̇аад̣̇ийни муулаад̣̇ийсу ж̇ааяанд̇и, муулаад̣̇ийсу ж̇ааяамаанаани бана д̇аани б̣ийж̇аагад̇аани, д̇асмаа звамзд̇т̇а ван̣н̣анаа взд̣̇ид̇аб̣б̣аа – бхууд̇аг̇аамо наамаад̇и вибхаж̇ид̇аб̣б̣абад̣̇ам̣. бан̃жаад̇и д̇асса вибхааг̇абарижчзд̣̇о. б̣ийж̇аж̇аад̇аанийд̇и барижчиннад̇хамманид̣̇ассанам̣. д̇ассад̇т̇о – б̣ийж̇зхи ж̇аад̇аани б̣ийж̇аж̇аад̇аани; ругкаад̣̇ийнамзд̇ам̣ ад̇хиважанам̣. абаро наяо – б̣ийж̇аани жа д̇аани виж̇аад̇аани жа басууд̇аани ниб̣б̣ад̇д̇абан̣н̣амуулаанийд̇и б̣ийж̇аж̇аад̇аани. зд̇зна аллаваалигаад̣̇ийсу табид̇аанам̣ ниб̣б̣ад̇д̇абан̣н̣амуулаанам̣ син̇г̇ивзраад̣̇ийнам̣ сан̇г̇ахо гад̇о ход̇и.
91. Idāni taṃ bhūtagāmaṃ vibhajitvā dassento bhūtagāmo nāma pañca bījajātānītiādimāha. Tattha bhūtagāmo nāmāti bhūtagāmaṃ uddharitvā yasmiṃ sati bhūtagāmo hoti, taṃ dassetuṃ ‘‘pañca bījajātānī’’ti āhāti aṭṭhakathāsu vuttaṃ. Evaṃ santepi ‘‘yāni vā panaññānipi atthi mūle jāyantī’’tiādīni na samenti. Na hi mūlabījādīni mūlādīsu jāyanti, mūlādīsu jāyamānāni pana tāni bījākatāni, tasmā evamettha vaṇṇanā veditabbā – bhūtagāmo nāmāti vibhajitabbapadaṃ. Pañcāti tassa vibhāgaparicchedo. Bījajātānīti paricchinnadhammanidassanaṃ. Tassattho – bījehi jātāni bījajātāni; rukkhādīnametaṃ adhivacanaṃ. Aparo nayo – bījāni ca tāni vijātāni ca pasūtāni nibbattapaṇṇamūlānīti bījajātāni. Etena allavālikādīsu ṭhapitānaṃ nibbattapaṇṇamūlānaṃ siṅgiverādīnaṃ saṅgaho kato hoti.
ид̣̇аани язхи б̣ийж̇зхи ж̇аад̇ад̇д̇аа ругкаад̣̇ийни б̣ийж̇аж̇аад̇аанийд̇и вуд̇д̇аани, д̇аани д̣̇ассзнд̇о ‘‘муулаб̣ийж̇а’’нд̇иаад̣̇имааха. д̇зсам̣ уд̣̇д̣̇зсо баагадо зва. нид̣̇д̣̇зсз яаани ваа банан̃н̃ааниби ад̇т̇и муулз ж̇ааяанд̇и муулз сан̃ж̇ааяанд̇ийд̇и зд̇т̇а б̣ийж̇ад̇о ниб̣б̣ад̇д̇зна б̣ийж̇ам̣ д̣̇ассид̇ам̣ , д̇асмаа звамзд̇т̇а ад̇т̇о д̣̇адтаб̣б̣о, яаани ваа банан̃н̃ааниби ад̇т̇и аалувагасзругамалуббалабун̣д̣арийгагувалаяаганд̣̇абаадалимуулаад̣̇ибхзд̣̇з муулз г̇ажчаваллиругкаад̣̇ийни ж̇ааяанд̇и сан̃ж̇ааяанд̇и, д̇аани яамхи муулз ж̇ааяанд̇и жзва сан̃ж̇ааяанд̇и жа д̇ан̃жа, баал̣ияам̣ вуд̇д̇ам̣ халид̣̇д̣̇аад̣̇и жа саб̣б̣амби зд̇ам̣ муулаб̣ийж̇ам̣ наама. зсзва наяо канд̇хаб̣ийж̇аад̣̇ийсу. язваабанагаканд̇хаб̣ийж̇зсу банзд̇т̇а амб̣аадагаинд̣̇асааланухийбаал̣ибхад̣̇д̣̇аган̣игаараад̣̇ийни канд̇хаб̣ийж̇аани, амуулавалли жад̇урассаваллиган̣авийраад̣̇ийни пал̣уб̣ийж̇аани магажисуманаж̇аяасуманаад̣̇ийни аг̇г̇аб̣ийж̇аани, амб̣аж̇амб̣уубанасадтиаад̣̇ийни б̣ийж̇аб̣ийж̇аанийд̇и д̣̇адтаб̣б̣аани.
Idāni yehi bījehi jātattā rukkhādīni bījajātānīti vuttāni, tāni dassento ‘‘mūlabīja’’ntiādimāha. Tesaṃ uddeso pākaṭo eva. Niddese yāni vā panaññānipi atthi mūle jāyanti mūle sañjāyantīti ettha bījato nibbattena bījaṃ dassitaṃ , tasmā evamettha attho daṭṭhabbo, yāni vā panaññānipi atthi āluvakaserukamaluppalapuṇḍarīkakuvalayakandapāṭalimūlādibhede mūle gacchavallirukkhādīni jāyanti sañjāyanti, tāni yamhi mūle jāyanti ceva sañjāyanti ca tañca, pāḷiyaṃ vuttaṃ haliddādi ca sabbampi etaṃ mūlabījaṃ nāma. Eseva nayo khandhabījādīsu. Yevāpanakakhandhabījesu panettha ambāṭakaindasālanuhīpāḷibhaddakaṇikārādīni khandhabījāni, amūlavalli caturassavallikaṇavīrādīni phaḷubījāni makacisumanajayasumanādīni aggabījāni, ambajambūpanasaṭṭhiādīni bījabījānīti daṭṭhabbāni.
92. ид̣̇аани яам̣ вуд̇д̇ам̣ ‘‘бхууд̇аг̇аамабаад̇аб̣яад̇ааяа баажид̇д̇ияа’’нд̇и д̇ад̇т̇а сан̃н̃аавасзна аабад̇д̇аанаабад̇д̇ибхзд̣̇ам̣ баад̇аб̣яад̇аабхзд̣̇ан̃жа д̣̇ассзнд̇о б̣ийж̇з б̣ийж̇асан̃н̃ийд̇иаад̣̇имааха. д̇ад̇т̇а яат̇аа ‘‘саалийнам̣ жзби од̣̇анам̣ бхун̃ж̇ад̇ий’’д̇иаад̣̇ийсу (ма. ни. 1.76) саалид̇ан̣д̣улаанам̣ од̣̇ано ‘‘саалийнам̣ од̣̇ано’’д̇и вужжад̇и, звам̣ б̣ийж̇ад̇о самбхууд̇о бхууд̇аг̇аамо ‘‘б̣ийж̇а’’нд̇и вуд̇д̇од̇и взд̣̇ид̇аб̣б̣о. яам̣ бана ‘‘б̣ийж̇аг̇аамабхууд̇аг̇аамасамаарамбхаа бадивирад̇о’’д̇иаад̣̇ийсу (д̣̇ий. ни. 1.10) вуд̇д̇ам̣ бхууд̇аг̇аамабариможанам̣ гад̇ваа табид̇ам̣ б̣ийж̇ам̣, д̇ам̣ д̣̇уггадавад̇т̇у. ат̇а ваа яад̣̇зд̇ам̣ ‘‘бхууд̇аг̇аамо наамаа’’д̇и сигкаабад̣̇авибхан̇г̇асса аад̣̇ибад̣̇ам̣, д̇зна сад̣̇д̇хим̣ яож̇зд̇ваа яам̣ б̣ийж̇ам̣ бхууд̇аг̇аамо наама ход̇и, д̇асмим̣ б̣ийж̇з б̣ийж̇асан̃н̃ий сад̇т̇агаад̣̇ийни г̇ахзд̇ваа саяам̣ ваа чинд̣̇ад̇и ан̃н̃зна ваа чзд̣̇аабзд̇и, баасаан̣аад̣̇ийни г̇ахзд̇ваа саяам̣ ваа бхинд̣̇ад̇и ан̃н̃зна ваа бхзд̣̇аабзд̇и, аг̇г̇им̣ убасам̣харид̇ваа саяам̣ ваа бажад̇и ан̃н̃зна ваа бажаабзд̇и, аабад̇д̇и баажид̇д̇ияассаад̇и звамзд̇т̇а ад̇т̇о взд̣̇ид̇аб̣б̣о. яат̇ааруд̇ам̣ бана г̇ахзд̇ваа бхууд̇аг̇аамавинимуд̇д̇асса б̣ийж̇асса чинд̣̇анаад̣̇ибхзд̣̇ааяа баад̇аб̣яад̇ааяа баажид̇д̇ияам̣ на вад̇д̇аб̣б̣ам̣.
92. Idāni yaṃ vuttaṃ ‘‘bhūtagāmapātabyatāya pācittiya’’nti tattha saññāvasena āpattānāpattibhedaṃ pātabyatābhedañca dassento bīje bījasaññītiādimāha. Tattha yathā ‘‘sālīnaṃ cepi odanaṃ bhuñjatī’’tiādīsu (ma. ni. 1.76) sālitaṇḍulānaṃ odano ‘‘sālīnaṃ odano’’ti vuccati, evaṃ bījato sambhūto bhūtagāmo ‘‘bīja’’nti vuttoti veditabbo. Yaṃ pana ‘‘bījagāmabhūtagāmasamārambhā paṭivirato’’tiādīsu (dī. ni. 1.10) vuttaṃ bhūtagāmaparimocanaṃ katvā ṭhapitaṃ bījaṃ, taṃ dukkaṭavatthu. Atha vā yadetaṃ ‘‘bhūtagāmo nāmā’’ti sikkhāpadavibhaṅgassa ādipadaṃ, tena saddhiṃ yojetvā yaṃ bījaṃ bhūtagāmo nāma hoti, tasmiṃ bīje bījasaññī satthakādīni gahetvā sayaṃ vā chindati aññena vā chedāpeti, pāsāṇādīni gahetvā sayaṃ vā bhindati aññena vā bhedāpeti, aggiṃ upasaṃharitvā sayaṃ vā pacati aññena vā pacāpeti, āpatti pācittiyassāti evamettha attho veditabbo. Yathārutaṃ pana gahetvā bhūtagāmavinimuttassa bījassa chindanādibhedāya pātabyatāya pācittiyaṃ na vattabbaṃ.
аяан̃хзд̇т̇а винижчаяагат̇аа – бхууд̇аг̇аамам̣ вигобзнд̇асса баажид̇д̇ияам̣ бхууд̇аг̇аамабариможид̇ам̣ бан̃жавид̇хамби б̣ийж̇аг̇аамам̣ вигобзнд̇асса д̣̇уггадам̣. б̣ийж̇аг̇аамабхууд̇аг̇аамо наамзса ад̇т̇и уд̣̇агадто, ад̇т̇и т̇аладто . д̇ад̇т̇а уд̣̇агадто саасабамад̇д̇игаа д̇илаб̣ийж̇агаад̣̇ибхзд̣̇аа сабан̣н̣игаа абан̣н̣игаа жа саб̣б̣аа сзваалаж̇аад̇и анд̇амасо уд̣̇агабаббадагам̣ убаад̣̇ааяа ‘‘бхууд̇аг̇аамо’’д̇и взд̣̇ид̇аб̣б̣о. уд̣̇агабаббадаго наама убари т̇ад̣̇д̇хо парусаван̣н̣о, хздтаа муд̣̇у нийлаван̣н̣о ход̇и. д̇ад̇т̇а яасса сзвааласса муулам̣ оруухид̇ваа бат̇авияам̣ бад̇идтид̇ам̣, д̇асса бат̇авий таанам̣. яо уд̣̇агз сан̃жарад̇и, д̇асса уд̣̇агам̣. бат̇авияам̣ бад̇идтид̇ам̣ яад̇т̇а гад̇т̇ажи вигобзнд̇асса уд̣̇д̇харид̇ваа ваа таананд̇арам̣ сан̇гаамзнд̇асса баажид̇д̇ияам̣. уд̣̇агз сан̃жаранд̇ам̣ вигобзнд̇ассзва баажид̇д̇ияам̣. хад̇т̇зхи бана ид̇о жид̇о жа вияуухид̇ваа нхааяид̇ум̣ ваддад̇и, сагалан̃хи уд̣̇агам̣ д̇асса таанам̣. д̇асмаа на со зд̇д̇аавад̇аа таананд̇арам̣ сан̇гаамид̇о ход̇и. уд̣̇агад̇о бана уд̣̇агзна винаа сан̃жижжа угкибид̇ум̣ на ваддад̇и, уд̣̇агзна сад̣̇д̇хим̣ угкибид̇ваа буна уд̣̇агз багкибид̇ум̣ ваддад̇и. бариссаавананд̇арзна нигкамад̇и, габбияам̣ гаараабзд̇ваава уд̣̇агам̣ барибхун̃ж̇ид̇аб̣б̣ам̣. уббалинийбад̣̇уминийаад̣̇ийни ж̇алаж̇аваллид̇ин̣аани уд̣̇агад̇о уд̣̇д̇харанд̇асса ваа д̇ад̇т̇зва вигобзнд̇асса ваа баажид̇д̇ияам̣. барзхи уббаадид̇аани вигобзнд̇асса д̣̇уггадам̣. д̇аани хи б̣ийж̇аг̇аамз сан̇г̇ахам̣ г̇ажчанд̇и. д̇илаб̣ийж̇агасаасабамад̇д̇агасзваалоби уд̣̇агад̇о уд̣̇д̇хад̇о амилаад̇о аг̇г̇аб̣ийж̇асан̇г̇ахам̣ г̇ажчад̇и. махаабажжарияаад̣̇ийсу ‘‘ананд̇агад̇илаб̣ийж̇агауд̣̇агабаббадагаад̣̇ийни д̣̇уггадавад̇т̇угааний’’д̇и вуд̇д̇ам̣, д̇ад̇т̇а гааран̣ам̣ на д̣̇иссад̇и. анд̇хагадтагат̇ааяам̣ ‘‘самбун̣н̣абхууд̇аг̇аамо на ход̇и, д̇асмаа д̣̇уггада’’нд̇и вуд̇д̇ам̣, д̇амби на самзд̇и, бхууд̇аг̇аамз хи баажид̇д̇ияам̣, б̣ийж̇аг̇аамз д̣̇уггадам̣ вуд̇д̇ам̣. асамбун̣н̣абхууд̇аг̇аамо наама д̇ад̇ияо годтаасо нзва баал̣ияам̣ на адтагат̇аасу ааг̇ад̇о. ат̇а зд̇ам̣ б̣ийж̇аг̇аамасан̇г̇ахам̣ г̇ажчиссад̇ийд̇и , д̇амби на яуд̇д̇ам̣, абхууд̇аг̇аамамуулад̇д̇аа д̇аад̣̇исасса б̣ийж̇аг̇аамассаад̇и. абижа ‘‘г̇аругалахугзсу г̇аругз таад̇аб̣б̣а’’нд̇и зд̇ам̣ винаяалагкан̣ам̣.
Ayañhettha vinicchayakathā – bhūtagāmaṃ vikopentassa pācittiyaṃ bhūtagāmaparimocitaṃ pañcavidhampi bījagāmaṃ vikopentassa dukkaṭaṃ. Bījagāmabhūtagāmo nāmesa atthi udakaṭṭho, atthi thalaṭṭho . Tattha udakaṭṭho sāsapamattikā tilabījakādibhedā sapaṇṇikā apaṇṇikā ca sabbā sevālajāti antamaso udakapappaṭakaṃ upādāya ‘‘bhūtagāmo’’ti veditabbo. Udakapappaṭako nāma upari thaddho pharusavaṇṇo, heṭṭhā mudu nīlavaṇṇo hoti. Tattha yassa sevālassa mūlaṃ orūhitvā pathaviyaṃ patiṭṭhitaṃ, tassa pathavī ṭhānaṃ. Yo udake sañcarati, tassa udakaṃ. Pathaviyaṃ patiṭṭhitaṃ yattha katthaci vikopentassa uddharitvā vā ṭhānantaraṃ saṅkāmentassa pācittiyaṃ. Udake sañcarantaṃ vikopentasseva pācittiyaṃ. Hatthehi pana ito cito ca viyūhitvā nhāyituṃ vaṭṭati, sakalañhi udakaṃ tassa ṭhānaṃ. Tasmā na so ettāvatā ṭhānantaraṃ saṅkāmito hoti. Udakato pana udakena vinā sañcicca ukkhipituṃ na vaṭṭati, udakena saddhiṃ ukkhipitvā puna udake pakkhipituṃ vaṭṭati. Parissāvanantarena nikkhamati, kappiyaṃ kārāpetvāva udakaṃ paribhuñjitabbaṃ. Uppalinīpaduminīādīni jalajavallitiṇāni udakato uddharantassa vā tattheva vikopentassa vā pācittiyaṃ. Parehi uppāṭitāni vikopentassa dukkaṭaṃ. Tāni hi bījagāme saṅgahaṃ gacchanti. Tilabījakasāsapamattakasevālopi udakato uddhato amilāto aggabījasaṅgahaṃ gacchati. Mahāpaccariyādīsu ‘‘anantakatilabījakaudakapappaṭakādīni dukkaṭavatthukānī’’ti vuttaṃ, tattha kāraṇaṃ na dissati. Andhakaṭṭhakathāyaṃ ‘‘sampuṇṇabhūtagāmo na hoti, tasmā dukkaṭa’’nti vuttaṃ, tampi na sameti, bhūtagāme hi pācittiyaṃ, bījagāme dukkaṭaṃ vuttaṃ. Asampuṇṇabhūtagāmo nāma tatiyo koṭṭhāso neva pāḷiyaṃ na aṭṭhakathāsu āgato. Atha etaṃ bījagāmasaṅgahaṃ gacchissatīti , tampi na yuttaṃ, abhūtagāmamūlattā tādisassa bījagāmassāti. Apica ‘‘garukalahukesu garuke ṭhātabba’’nti etaṃ vinayalakkhaṇaṃ.
т̇аладтз – чиннаругкаанам̣ авасидто харид̇акаан̣у наама ход̇и. д̇ад̇т̇а гагуд̇хагаран̃ж̇абияан̇г̇убанасаад̣̇ийнам̣ каан̣у уд̣̇д̇хам̣ вад̣дхад̇и, со бхууд̇аг̇аамзна сан̇г̇ахид̇о. д̇ааланаал̣игзраад̣̇ийнам̣ каан̣у уд̣̇д̇хам̣ на вад̣дхад̇и, со б̣ийж̇аг̇аамзна сан̇г̇ахид̇о. гад̣̇алияаа бана апалид̇ааяа каан̣у бхууд̇аг̇аамзна сан̇г̇ахид̇о, палид̇ааяа б̣ийж̇аг̇аамзна. гад̣̇алий бана палид̇аа яаава нийлабан̣н̣аа, д̇аава бхууд̇аг̇аамзнзва сан̇г̇ахид̇аа, д̇ат̇аа палид̇о взл̣у. яад̣̇аа бана аг̇г̇ад̇о бадтааяа суссад̇и, д̇ад̣̇аа б̣ийж̇аг̇аамзна сан̇г̇ахам̣ г̇ажчад̇и. гад̇араб̣ийж̇аг̇аамзна? пал̣уб̣ийж̇аг̇аамзна. гим̣ д̇ад̇о ниб̣б̣ад̇д̇ад̇и? на гин̃жи. яад̣̇и хи ниб̣б̣ад̇д̇зяяа, бхууд̇аг̇аамзнзва сан̇г̇ахам̣ г̇ажчзяяа. инд̣̇асаалаад̣̇иругкз чинд̣̇ид̇ваа раасим̣ гаронд̇и, гин̃жааби раасигад̇ад̣̇ан̣д̣агзхи рад̇анаббамаан̣ааби саакаа нигкаманд̇и, б̣ийж̇аг̇аамзнзва сан̇г̇ахам̣ г̇ажчанд̇и. д̇ад̇т̇а ман̣д̣абад̇т̇ааяа ваа вад̇иад̇т̇ааяа ваа валлиааробанад̇т̇ааяа ваа бхуумияам̣ никан̣анд̇и, муулзсу жзва бан̣н̣зсу жа ниг̇г̇ад̇зсу буна бхууд̇аг̇аамасан̇кяам̣ г̇ажчанд̇и. мууламад̇д̇зсу бана бан̣н̣амад̇д̇зсу ваа ниг̇г̇ад̇зсу б̣ийж̇аг̇аамзна сан̇г̇ахид̇аа зва.
Thalaṭṭhe – chinnarukkhānaṃ avasiṭṭho haritakhāṇu nāma hoti. Tattha kakudhakarañjapiyaṅgupanasādīnaṃ khāṇu uddhaṃ vaḍḍhati, so bhūtagāmena saṅgahito. Tālanāḷikerādīnaṃ khāṇu uddhaṃ na vaḍḍhati, so bījagāmena saṅgahito. Kadaliyā pana aphalitāya khāṇu bhūtagāmena saṅgahito, phalitāya bījagāmena. Kadalī pana phalitā yāva nīlapaṇṇā, tāva bhūtagāmeneva saṅgahitā, tathā phalito veḷu. Yadā pana aggato paṭṭhāya sussati, tadā bījagāmena saṅgahaṃ gacchati. Katarabījagāmena? Phaḷubījagāmena. Kiṃ tato nibbattati? Na kiñci. Yadi hi nibbatteyya, bhūtagāmeneva saṅgahaṃ gaccheyya. Indasālādirukkhe chinditvā rāsiṃ karonti, kiñcāpi rāsikatadaṇḍakehi ratanappamāṇāpi sākhā nikkhamanti, bījagāmeneva saṅgahaṃ gacchanti. Tattha maṇḍapatthāya vā vatiatthāya vā valliāropanatthāya vā bhūmiyaṃ nikhaṇanti, mūlesu ceva paṇṇesu ca niggatesu puna bhūtagāmasaṅkhyaṃ gacchanti. Mūlamattesu pana paṇṇamattesu vā niggatesu bījagāmena saṅgahitā eva.
яаани гаанижи б̣ийж̇аани бат̇авияам̣ ваа уд̣̇агзна син̃жид̇ваа табид̇аани, габаалаад̣̇ийсу ваа аллабам̣сум̣ багкибид̇ваа нигкид̇д̇аани хонд̇и, саб̣б̣аани мууламад̇д̇з бан̣н̣амад̇д̇з ваа ниг̇г̇ад̇зби б̣ийж̇ааниязва. сажзби муулаани жа убари ан̇гуро жа ниг̇г̇ажчад̇и, яаава ан̇гуро харид̇о на ход̇и, д̇аава б̣ийж̇ааниязва. муг̇г̇аад̣̇ийнам̣ бана бан̣н̣зсу удтид̇зсу вийхиаад̣̇ийнам̣ ваа ан̇гурз харид̇з нийлабан̣н̣аван̣н̣з ж̇аад̇з бхууд̇аг̇аамасан̇г̇ахам̣ г̇ажчанд̇и. д̇ааладтийнам̣ батамам̣ суугарад̣̇аатаа вияа муулам̣ ниг̇г̇ажчад̇и. ниг̇г̇ад̇зби яаава убари бад̇д̇авадди на ниг̇г̇ажчад̇и, д̇аава б̣ийж̇аг̇аамоязва. наал̣игзрасса д̇ажам̣ бхинд̣̇ид̇ваа д̣̇анд̇асуужи вияа ан̇гуро ниг̇г̇ажчад̇и , яаава миг̇асин̇г̇асад̣̇исаа нийлабад̇д̇авадди на ход̇и, д̇аава б̣ийж̇аг̇аамоязва. муулз аниг̇г̇ад̇зби д̇аад̣̇исааяа бад̇д̇аваддияаа ж̇аад̇ааяа амуулагабхууд̇аг̇аамз сан̇г̇ахам̣ г̇ажчад̇и.
Yāni kānici bījāni pathaviyaṃ vā udakena siñcitvā ṭhapitāni, kapālādīsu vā allapaṃsuṃ pakkhipitvā nikkhittāni honti, sabbāni mūlamatte paṇṇamatte vā niggatepi bījāniyeva. Sacepi mūlāni ca upari aṅkuro ca niggacchati, yāva aṅkuro harito na hoti, tāva bījāniyeva. Muggādīnaṃ pana paṇṇesu uṭṭhitesu vīhiādīnaṃ vā aṅkure harite nīlapaṇṇavaṇṇe jāte bhūtagāmasaṅgahaṃ gacchanti. Tālaṭṭhīnaṃ paṭhamaṃ sūkaradāṭhā viya mūlaṃ niggacchati. Niggatepi yāva upari pattavaṭṭi na niggacchati, tāva bījagāmoyeva. Nāḷikerassa tacaṃ bhinditvā dantasūci viya aṅkuro niggacchati , yāva migasiṅgasadisā nīlapattavaṭṭi na hoti, tāva bījagāmoyeva. Mūle aniggatepi tādisāya pattavaṭṭiyā jātāya amūlakabhūtagāme saṅgahaṃ gacchati.
амб̣адтиаад̣̇ийни вийхиаад̣̇ийхи винижчинид̇аб̣б̣аани. ванд̣̇аагаа ваа ан̃н̃аа ваа яаа гаажи ругкз ж̇ааяид̇ваа ругкам̣ од̇т̇арад̇и, ругкова д̇ассаа таанам̣, д̇ам̣ вигобзнд̇асса ваа д̇ад̇о уд̣̇д̇харанд̇асса ваа баажид̇д̇ияам̣. згаа амуулигаа лад̇аа ход̇и, ан̇г̇уливзтаго вияа ванаббаг̇умб̣ад̣̇ан̣д̣агз взтзд̇и, д̇ассааби аяамзва винижчаяо. г̇зхамукабаагааравзд̣̇игаажзд̇ияаад̣̇ийсу нийлаван̣н̣о сзваало ход̇и, яаава д̣̇вз д̇ийн̣и бад̇д̇аани на сан̃ж̇ааяанд̇и д̇аава аг̇г̇аб̣ийж̇асан̇г̇ахам̣ г̇ажчад̇и . бад̇д̇зсу ж̇аад̇зсу баажид̇д̇ияавад̇т̇у. д̇асмаа д̇аад̣̇исзсу таанзсу суд̇хаалзбамби д̣̇аад̇ум̣ на ваддад̇и. анубасамбаннзна лид̇д̇асса убариснзхалзбо д̣̇аад̇ум̣ ваддад̇и. сажз нид̣̇аагхасамаяз сугкасзваало д̇идтад̇и, д̇ам̣ саммун̃ж̇анийаад̣̇ийхи гхам̣сид̇ваа абанзд̇ум̣ ваддад̇и. баанийяагхадаад̣̇ийнам̣ б̣ахи сзваало д̣̇уггадавад̇т̇у, анд̇о аб̣б̣охаариго. д̣̇анд̇агадтабууваад̣̇ийсу ган̣н̣агамби аб̣б̣охааригамзва. вуд̇д̇ан̃хзд̇ам̣ – ‘‘сажз г̇зругабаригаммагад̇аа бхид̇д̇и ган̣н̣агид̇аа ход̇и, жол̣агам̣ д̇змзд̇ваа бийл̣зд̇ваа бамаж̇ж̇ид̇аб̣б̣аа’’д̇и (махаава. 66).
Ambaṭṭhiādīni vīhiādīhi vinicchinitabbāni. Vandākā vā aññā vā yā kāci rukkhe jāyitvā rukkhaṃ ottharati, rukkhova tassā ṭhānaṃ, taṃ vikopentassa vā tato uddharantassa vā pācittiyaṃ. Ekā amūlikā latā hoti, aṅguliveṭhako viya vanappagumbadaṇḍake veṭheti, tassāpi ayameva vinicchayo. Gehamukhapākāravedikācetiyādīsu nīlavaṇṇo sevālo hoti, yāva dve tīṇi pattāni na sañjāyanti tāva aggabījasaṅgahaṃ gacchati . Pattesu jātesu pācittiyavatthu. Tasmā tādisesu ṭhānesu sudhālepampi dātuṃ na vaṭṭati. Anupasampannena littassa uparisnehalepo dātuṃ vaṭṭati. Sace nidāghasamaye sukkhasevālo tiṭṭhati, taṃ sammuñjanīādīhi ghaṃsitvā apanetuṃ vaṭṭati. Pānīyaghaṭādīnaṃ bahi sevālo dukkaṭavatthu, anto abbohāriko. Dantakaṭṭhapūvādīsu kaṇṇakampi abbohārikameva. Vuttañhetaṃ – ‘‘sace gerukaparikammakatā bhitti kaṇṇakitā hoti, coḷakaṃ temetvā pīḷetvā pamajjitabbā’’ti (mahāva. 66).
баасаан̣аж̇аад̇ибаасаан̣ад̣̇ад̣̇д̣̇усзвааласзлзяяагаад̣̇ийни ахарид̇аван̣н̣аани абад̇д̇агаани жа д̣̇уггадавад̇т̇угаани. ахижчад̇д̇агам̣ яаава магул̣ам̣ ход̇и, д̇аава д̣̇уггадавад̇т̇у. бубпид̇агаалад̇о бадтааяа аб̣б̣охааригам̣. алларугкад̇о бана ахижчад̇д̇агам̣ г̇ан̣ханд̇о ругкад̇д̇ажам̣ вигобзд̇и, д̇асмаа д̇ад̇т̇а баажид̇д̇ияам̣. ругкабаббадигааяаби зсзва наяо. яаа бана инд̣̇асаалагагуд̇хаад̣̇ийнам̣ баббадигаа ругкад̇о мужжид̇ваа д̇идтад̇и, д̇ам̣ г̇ан̣ханд̇асса анаабад̇д̇и. нияяаасамби ругкад̇о мужжид̇ваа тид̇ам̣ сугкаругкз ваа лаг̇г̇ам̣ г̇ан̣хид̇ум̣ ваддад̇и. алларугкад̇о на ваддад̇и. лаакааяаби зсзва наяо. ругкам̣ жаалзд̇ваа бан̣д̣убалаасам̣ ваа барин̣ад̇аган̣игаараад̣̇ибубпам̣ ваа баад̇знд̇асса баажид̇д̇ияамзва. хад̇т̇агуггужжзна муд̣̇угзсу инд̣̇асааланухийканд̇хаад̣̇ийсу ваа д̇ад̇т̇аж̇аад̇агад̇аалабан̣н̣аад̣̇ийсу ваа агкарам̣ чинд̣̇анд̇ассааби зсзва наяо.
Pāsāṇajātipāsāṇadaddusevālaseleyyakādīni aharitavaṇṇāni apattakāni ca dukkaṭavatthukāni. Ahicchattakaṃ yāva makuḷaṃ hoti, tāva dukkaṭavatthu. Pupphitakālato paṭṭhāya abbohārikaṃ. Allarukkhato pana ahicchattakaṃ gaṇhanto rukkhattacaṃ vikopeti, tasmā tattha pācittiyaṃ. Rukkhapappaṭikāyapi eseva nayo. Yā pana indasālakakudhādīnaṃ pappaṭikā rukkhato muccitvā tiṭṭhati, taṃ gaṇhantassa anāpatti. Niyyāsampi rukkhato muccitvā ṭhitaṃ sukkharukkhe vā laggaṃ gaṇhituṃ vaṭṭati. Allarukkhato na vaṭṭati. Lākhāyapi eseva nayo. Rukkhaṃ cāletvā paṇḍupalāsaṃ vā pariṇatakaṇikārādipupphaṃ vā pātentassa pācittiyameva. Hatthakukkuccena mudukesu indasālanuhīkhandhādīsu vā tatthajātakatālapaṇṇādīsu vā akkharaṃ chindantassāpi eseva nayo.
сааман̣зраанам̣ бубпам̣ ожинанд̇аанам̣ саакам̣ онаамзд̇ваа д̣̇аад̇ум̣ ваддад̇и. д̇зхи бана бубпзхи баанийяам̣ на ваасзд̇аб̣б̣ам̣. баанийяаваасад̇т̇игзна сааман̣зрам̣ угкибид̇ваа ожинаабзд̇аб̣б̣аани. паласаакааби ад̇д̇анаа каад̣̇ид̇угаамзна на онаамзд̇аб̣б̣аа. сааман̣зрам̣ угкибид̇ваа палам̣ г̇аахаабзд̇аб̣б̣ам̣. яам̣гин̃жи г̇ажчам̣ ваа лад̇ам̣ ваа уббаадзнд̇зхи сааман̣зрзхи сад̣̇д̇хим̣ г̇ахзд̇ваа аагад̣дхид̇ум̣ на ваддад̇и. д̇зсам̣ бана уссаахаж̇ананад̇т̇ам̣ анаагад̣дханд̇зна гад̣дханаагаарам̣ д̣̇ассзнд̇зна вияа аг̇г̇з г̇ахзд̇ум̣ ваддад̇и. язсам̣ ругкаанам̣ саакаа рухад̇и, д̇зсам̣ саакам̣ магкигааб̣ийж̇анаад̣̇ийнам̣ ад̇т̇ааяа габбияам̣ агаараабзд̇ваа г̇ахид̇ам̣ д̇ажз ваа бад̇д̇з ваа анд̇амасо накзнаби виликанд̇асса д̣̇уггадам̣. алласин̇г̇ивзраад̣̇ийсуби зсзва наяо. сажз бана габбияам̣ гаараабзд̇ваа сийд̇алз бад̣̇зсз табид̇асса муулам̣ сан̃ж̇ааяад̇и, убарибхааг̇з чинд̣̇ид̇ум̣ ваддад̇и. сажз ан̇гуро ж̇ааяад̇и, хздтаабхааг̇з чинд̣̇ид̇ум̣ ваддад̇и. муулз жа нийлан̇гурз жа ж̇аад̇з на ваддад̇и.
Sāmaṇerānaṃ pupphaṃ ocinantānaṃ sākhaṃ onāmetvā dātuṃ vaṭṭati. Tehi pana pupphehi pānīyaṃ na vāsetabbaṃ. Pānīyavāsatthikena sāmaṇeraṃ ukkhipitvā ocināpetabbāni. Phalasākhāpi attanā khāditukāmena na onāmetabbā. Sāmaṇeraṃ ukkhipitvā phalaṃ gāhāpetabbaṃ. Yaṃkiñci gacchaṃ vā lataṃ vā uppāṭentehi sāmaṇerehi saddhiṃ gahetvā ākaḍḍhituṃ na vaṭṭati. Tesaṃ pana ussāhajananatthaṃ anākaḍḍhantena kaḍḍhanākāraṃ dassentena viya agge gahetuṃ vaṭṭati. Yesaṃ rukkhānaṃ sākhā ruhati, tesaṃ sākhaṃ makkhikābījanādīnaṃ atthāya kappiyaṃ akārāpetvā gahitaṃ tace vā patte vā antamaso nakhenapi vilikhantassa dukkaṭaṃ. Allasiṅgiverādīsupi eseva nayo. Sace pana kappiyaṃ kārāpetvā sītale padese ṭhapitassa mūlaṃ sañjāyati, uparibhāge chindituṃ vaṭṭati. Sace aṅkuro jāyati, heṭṭhābhāge chindituṃ vaṭṭati. Mūle ca nīlaṅkure ca jāte na vaṭṭati.
чинд̣̇ад̇и ваа чзд̣̇аабзд̇и ваад̇и анд̇амасо саммун̃ж̇аносалаагааяаби д̇ин̣аани чинд̣̇иссаамийд̇и бхуумим̣ саммаж̇ж̇анд̇о саяам̣ ваа чинд̣̇ад̇и, ан̃н̃зна ваа чзд̣̇аабзд̇и. бхинд̣̇ад̇и ваа бхзд̣̇аабзд̇и ваад̇и анд̇амасо жан̇гаманд̇оби чиж̇ж̇анагам̣ чиж̇ж̇ад̇у, бхиж̇ж̇анагам̣ бхиж̇ж̇ад̇у, жан̇гамид̇адтаанам̣ д̣̇ассзссаамийд̇и сан̃жижжа баад̣̇зхи аггаманд̇о д̇ин̣аваллиаад̣̇ийни саяам̣ ваа бхинд̣̇ад̇и ан̃н̃зна ваа бхзд̣̇аабзд̇и. сажзби хи д̇ин̣ам̣ ваа лад̇ам̣ ваа г̇ан̣тим̣ гаронд̇асса бхиж̇ж̇ад̇и, г̇ан̣тиби на гаад̇аб̣б̣о. д̇ааларугкаад̣̇ийсу бана жораанам̣ анааруханад̇т̇ааяа д̣̇аарумаггадагам̣ аагодзнд̇и, ган̣дагз б̣анд̇ханд̇и, бхигкусса звам̣ гаад̇ум̣ на ваддад̇и. сажз д̣̇аарумаггадаго ругкз аллийнамад̇д̇ова ход̇и, ругкам̣ на бийл̣зд̇и, ваддад̇и. ‘‘ругкам̣ чинд̣̇а, лад̇ам̣ чинд̣̇а, ганд̣̇ам̣ ваа муулам̣ ваа уббаадзхий’’д̇и вад̇д̇умби ваддад̇и, анияаамид̇ад̇д̇аа. нияаамзд̇ваа бана ‘‘имам̣ ругкам̣ чинд̣̇аа’’д̇иаад̣̇и вад̇д̇ум̣ на ваддад̇и. наамам̣ г̇ахзд̇вааби ‘‘амб̣аругкам̣ жад̇урассаваллим̣ аалуваганд̣̇ам̣ мун̃ж̇ад̇ин̣ам̣ асугаругкажчаллим̣ чинд̣̇а бхинд̣̇а уббаадзхий’’д̇иаад̣̇иважанамби анияаамид̇амзва ход̇и. ‘‘имам̣ амб̣аругка’’нд̇иаад̣̇иважанамзва хи нияаамид̇ам̣ наама, д̇ам̣ на ваддад̇и.
Chindati vā chedāpeti vāti antamaso sammuñjanosalākāyapi tiṇāni chindissāmīti bhūmiṃ sammajjanto sayaṃ vā chindati, aññena vā chedāpeti. Bhindati vā bhedāpeti vāti antamaso caṅkamantopi chijjanakaṃ chijjatu, bhijjanakaṃ bhijjatu, caṅkamitaṭṭhānaṃ dassessāmīti sañcicca pādehi akkamanto tiṇavalliādīni sayaṃ vā bhindati aññena vā bhedāpeti. Sacepi hi tiṇaṃ vā lataṃ vā gaṇṭhiṃ karontassa bhijjati, gaṇṭhipi na kātabbo. Tālarukkhādīsu pana corānaṃ anāruhanatthāya dārumakkaṭakaṃ ākoṭenti, kaṇṭake bandhanti, bhikkhussa evaṃ kātuṃ na vaṭṭati. Sace dārumakkaṭako rukkhe allīnamattova hoti, rukkhaṃ na pīḷeti, vaṭṭati. ‘‘Rukkhaṃ chinda, lataṃ chinda, kandaṃ vā mūlaṃ vā uppāṭehī’’ti vattumpi vaṭṭati, aniyāmitattā. Niyāmetvā pana ‘‘imaṃ rukkhaṃ chindā’’tiādi vattuṃ na vaṭṭati. Nāmaṃ gahetvāpi ‘‘ambarukkhaṃ caturassavalliṃ āluvakandaṃ muñjatiṇaṃ asukarukkhacchalliṃ chinda bhinda uppāṭehī’’tiādivacanampi aniyāmitameva hoti. ‘‘Imaṃ ambarukkha’’ntiādivacanameva hi niyāmitaṃ nāma, taṃ na vaṭṭati.
бажад̇и ваа бажаабзд̇и ваад̇и анд̇амасо бад̇д̇амби бажид̇угаамо д̇ин̣аад̣̇ийнам̣ убари сан̃жижжа аг̇г̇им̣ гаронд̇о саяам̣ ваа бажад̇и, ан̃н̃зна ваа бажаабзд̇ийд̇и саб̣б̣ам̣ бат̇авийкан̣анасигкаабад̣̇з вуд̇д̇анаязна взд̣̇ид̇аб̣б̣ам̣. анияаамзд̇ваа бана ‘‘муг̇г̇з бажа, маасз бажаа’’д̇иаад̣̇и вад̇д̇ум̣ ваддад̇и. ‘‘имз муг̇г̇з бажа, имз маасз бажаа’’д̇и звам̣ вад̇д̇ум̣ на ваддад̇и.
Pacati vā pacāpeti vāti antamaso pattampi pacitukāmo tiṇādīnaṃ upari sañcicca aggiṃ karonto sayaṃ vā pacati, aññena vā pacāpetīti sabbaṃ pathavīkhaṇanasikkhāpade vuttanayena veditabbaṃ. Aniyāmetvā pana ‘‘mugge paca, māse pacā’’tiādi vattuṃ vaṭṭati. ‘‘Ime mugge paca, ime māse pacā’’ti evaṃ vattuṃ na vaṭṭati.
анаабад̇д̇и имам̣ ж̇аанаад̇иаад̣̇ийсу ‘‘имам̣ муулабхзсаж̇ж̇ам̣ ж̇аана, имам̣ муулам̣ ваа бан̣н̣ам̣ ваа д̣̇зхи, имам̣ ругкам̣ ваа лад̇ам̣ ваа аахара, иминаа бубпзна ваа палзна ваа бан̣н̣зна ваа ад̇т̇о, имам̣ ругкам̣ ваа лад̇ам̣ ваа палам̣ ваа габбияам̣ гарохий’’д̇и звамад̇т̇о д̣̇адтаб̣б̣о. зд̇д̇аавад̇аа бхууд̇аг̇аамабариможанам̣ гад̇ам̣ ход̇и. барибхун̃ж̇анд̇зна бана б̣ийж̇аг̇аамабариможанад̇т̇ам̣ буна габбияам̣ гаарзд̇аб̣б̣ам̣.
Anāpatti imaṃ jānātiādīsu ‘‘imaṃ mūlabhesajjaṃ jāna, imaṃ mūlaṃ vā paṇṇaṃ vā dehi, imaṃ rukkhaṃ vā lataṃ vā āhara, iminā pupphena vā phalena vā paṇṇena vā attho, imaṃ rukkhaṃ vā lataṃ vā phalaṃ vā kappiyaṃ karohī’’ti evamattho daṭṭhabbo. Ettāvatā bhūtagāmaparimocanaṃ kataṃ hoti. Paribhuñjantena pana bījagāmaparimocanatthaṃ puna kappiyaṃ kāretabbaṃ.
габбияагаран̣ан̃жзд̇т̇а иминаа суд̇д̇аанусаарзна взд̣̇ид̇аб̣б̣ам̣ – ‘‘ануж̇аанаами, бхигкавз, бан̃жахи саман̣агаббзхи палам̣ барибхун̃ж̇ид̇ум̣ аг̇г̇ибариж̇ид̇ам̣ сад̇т̇абариж̇ид̇ам̣ накабариж̇ид̇ам̣ аб̣ийж̇ам̣ ниб̣б̣аддаб̣ийж̇амзва бан̃жама’’нд̇и. д̇ад̇т̇а ‘‘аг̇г̇ибариж̇ид̇а’’нд̇и аг̇г̇инаа бариж̇ид̇ам̣ ад̇хибхууд̇ам̣ д̣̇ад̣дхам̣ пудтанд̇и ад̇т̇о. ‘‘сад̇т̇абариж̇ид̇а’’нд̇и сад̇т̇зна бариж̇ид̇ам̣ ад̇хибхууд̇ам̣ чиннам̣ вид̣̇д̇хам̣ ваад̇и ад̇т̇о. зса наяо накабариж̇ид̇з. аб̣ийж̇аниб̣б̣аддаб̣ийж̇аани саяамзва габбияаани. аг̇г̇инаа габбияам̣ гаронд̇зна гадтаг̇г̇иг̇омаяаг̇г̇иаад̣̇ийсу язна гзнажи анд̇амасо лохакан̣д̣знаби аад̣̇ид̇д̇зна габбияам̣ гаад̇аб̣б̣ам̣. д̇ан̃жа ко згад̣̇зсз пусанд̇зна ‘‘габбияа’’нд̇и вад̇ваава гаад̇аб̣б̣ам̣. сад̇т̇зна гаронд̇зна яасса гассажи лохамаяасад̇т̇асса анд̇амасо суужинакажчзд̣̇анаанамби д̇ун̣д̣зна ваа д̇хаарааяа ваа чзд̣̇ам̣ ваа взд̇хам̣ ваа д̣̇ассзнд̇зна ‘‘габбияа’’нд̇и вад̇ваава гаад̇аб̣б̣ам̣. накзна габбияам̣ гаронд̇зна бууд̇инакзна на гаад̇аб̣б̣ам̣. мануссаанам̣ бана сийхаб̣яаг̇гхад̣̇ийбимаггадаад̣̇ийнам̣ сагунд̇аанан̃жа накаа д̇икин̣аа хонд̇и, д̇зхи гаад̇аб̣б̣ам̣. ассамахим̣сасуугарамиг̇аг̇оруубаад̣̇ийнам̣ кураа ад̇икин̣аа, д̇зхи на гаад̇аб̣б̣ам̣, гад̇амби агад̇ам̣ ход̇и. хад̇т̇инакаа бана кураа на хонд̇и, д̇зхи ваддад̇и. язхи бана гаад̇ум̣ ваддад̇и, д̇зхи д̇ад̇т̇аж̇аад̇агзхиби уд̣̇д̇харид̇ваа г̇ахид̇агзхиби чзд̣̇ам̣ ваа взд̇хам̣ ваа д̣̇ассзнд̇зна ‘‘габбияа’’нд̇и вад̇ваава гаад̇аб̣б̣ам̣.
Kappiyakaraṇañcettha iminā suttānusārena veditabbaṃ – ‘‘anujānāmi, bhikkhave, pañcahi samaṇakappehi phalaṃ paribhuñjituṃ aggiparijitaṃ satthaparijitaṃ nakhaparijitaṃ abījaṃ nibbaṭṭabījameva pañcama’’nti. Tattha ‘‘aggiparijita’’nti agginā parijitaṃ adhibhūtaṃ daḍḍhaṃ phuṭṭhanti attho. ‘‘Satthaparijita’’nti satthena parijitaṃ adhibhūtaṃ chinnaṃ viddhaṃ vāti attho. Esa nayo nakhaparijite. Abījanibbaṭṭabījāni sayameva kappiyāni. Agginā kappiyaṃ karontena kaṭṭhaggigomayaggiādīsu yena kenaci antamaso lohakhaṇḍenapi ādittena kappiyaṃ kātabbaṃ. Tañca kho ekadese phusantena ‘‘kappiya’’nti vatvāva kātabbaṃ. Satthena karontena yassa kassaci lohamayasatthassa antamaso sūcinakhacchedanānampi tuṇḍena vā dhārāya vā chedaṃ vā vedhaṃ vā dassentena ‘‘kappiya’’nti vatvāva kātabbaṃ. Nakhena kappiyaṃ karontena pūtinakhena na kātabbaṃ. Manussānaṃ pana sīhabyagghadīpimakkaṭādīnaṃ sakuntānañca nakhā tikhiṇā honti, tehi kātabbaṃ. Assamahiṃsasūkaramigagorūpādīnaṃ khurā atikhiṇā, tehi na kātabbaṃ, katampi akataṃ hoti. Hatthinakhā pana khurā na honti, tehi vaṭṭati. Yehi pana kātuṃ vaṭṭati, tehi tatthajātakehipi uddharitvā gahitakehipi chedaṃ vā vedhaṃ vā dassentena ‘‘kappiya’’nti vatvāva kātabbaṃ.
д̇ад̇т̇а сажзби б̣ийж̇аанам̣ баб̣б̣ад̇амад̇д̇о рааси ругкасахассам̣ ваа чинд̣̇ид̇ваа згааб̣ад̣̇д̇хам̣ гад̇ваа ужчуунам̣ ваа махаабхааро б̣анд̇хид̇ваа табид̇о ход̇и, згасмим̣ б̣ийж̇з ваа ругкасаакааяа ваа ужчумхи ваа габбияз гад̇з саб̣б̣ам̣ гад̇ам̣ ход̇и. ужчуу жа д̣̇аарууни жа згад̇о б̣ад̣̇д̇хаани хонд̇и, ужчум̣ габбияам̣ гариссаамийд̇и д̣̇аарум̣ виж̇жхад̇и, ваддад̇иязва. сажз бана яааяа раж̇ж̇уяаа ваа валлияаа ваа б̣ад̣̇д̇хаани, д̇ам̣ виж̇жхад̇и, на ваддад̇и. ужчукан̣д̣аанам̣ бажчим̣ буурзд̇ваа аахаранд̇и, згасмим̣ кан̣д̣з габбияз гад̇з саб̣б̣ам̣ гад̇амзва ход̇и. марижабаггаад̣̇ийхи миссзд̇ваа бхад̇д̇ам̣ аахаранд̇и, ‘‘габбияам̣ гарохий’’д̇и вуд̇д̇з сажзби бхад̇д̇асид̇т̇з виж̇жхад̇и, ваддад̇иязва. д̇илад̇ан̣д̣улаад̣̇ийсуби зсзва наяо. яааг̇уяаа багкид̇д̇аани бана згааб̣ад̣̇д̇хаани худ̇ваа на санд̇идтанд̇и, д̇ад̇т̇а згамзгам̣ виж̇жхид̇ваа габбияам̣ гаад̇аб̣б̣амзва. габид̇т̇апалаад̣̇ийнам̣ анд̇о мин̃ж̇ам̣ гадаахам̣ мун̃жид̇ваа сан̃жарад̇и, бхинд̣̇аабзд̇ваа габбияам̣ гаараабзд̇аб̣б̣ам̣. згааб̣ад̣̇д̇хам̣ ход̇и, гадаахзби гаад̇ум̣ ваддад̇и.
Tattha sacepi bījānaṃ pabbatamatto rāsi rukkhasahassaṃ vā chinditvā ekābaddhaṃ katvā ucchūnaṃ vā mahābhāro bandhitvā ṭhapito hoti, ekasmiṃ bīje vā rukkhasākhāya vā ucchumhi vā kappiye kate sabbaṃ kataṃ hoti. Ucchū ca dārūni ca ekato baddhāni honti, ucchuṃ kappiyaṃ karissāmīti dāruṃ vijjhati, vaṭṭatiyeva. Sace pana yāya rajjuyā vā valliyā vā baddhāni, taṃ vijjhati, na vaṭṭati. Ucchukhaṇḍānaṃ pacchiṃ pūretvā āharanti, ekasmiṃ khaṇḍe kappiye kate sabbaṃ katameva hoti. Maricapakkādīhi missetvā bhattaṃ āharanti, ‘‘kappiyaṃ karohī’’ti vutte sacepi bhattasitthe vijjhati, vaṭṭatiyeva. Tilataṇḍulādīsupi eseva nayo. Yāguyā pakkhittāni pana ekābaddhāni hutvā na santiṭṭhanti, tattha ekamekaṃ vijjhitvā kappiyaṃ kātabbameva. Kapitthaphalādīnaṃ anto miñjaṃ kaṭāhaṃ muñcitvā sañcarati, bhindāpetvā kappiyaṃ kārāpetabbaṃ. Ekābaddhaṃ hoti, kaṭāhepi kātuṃ vaṭṭati.
асан̃жижжаад̇и баасаан̣аругкаад̣̇ийни ваа баваддзнд̇асса саакам̣ ваа гад̣дханд̇асса гад̇д̇арад̣̇ан̣д̣зна ваа бхуумим̣ бахарид̇ваа г̇ажчанд̇асса д̇ин̣аани чиж̇ж̇анд̇и, д̇аани д̇зна чинд̣̇иссаамийд̇и звам̣ сан̃жижжа ажчиннад̇д̇аа асан̃жижжа чиннаани наама хонд̇и. ид̇и асан̃жижжа чинд̣̇анд̇асса анаабад̇д̇и.
Asañciccāti pāsāṇarukkhādīni vā pavaṭṭentassa sākhaṃ vā kaḍḍhantassa kattaradaṇḍena vā bhūmiṃ paharitvā gacchantassa tiṇāni chijjanti, tāni tena chindissāmīti evaṃ sañcicca acchinnattā asañcicca chinnāni nāma honti. Iti asañcicca chindantassa anāpatti.
асад̇ияаад̇и ан̃н̃авихид̇о гзнажи сад̣̇д̇хим̣ гин̃жи гат̇знд̇о баад̣̇ан̇г̇удтагзна ваа хад̇т̇зна ваа д̇ин̣ам̣ ваа лад̇ам̣ ваа чинд̣̇анд̇о д̇идтад̇и, звам̣ асад̇ияаа чинд̣̇анд̇асса анаабад̇д̇и.
Asatiyāti aññavihito kenaci saddhiṃ kiñci kathento pādaṅguṭṭhakena vā hatthena vā tiṇaṃ vā lataṃ vā chindanto tiṭṭhati, evaṃ asatiyā chindantassa anāpatti.
аж̇аананд̇ассаад̇и зд̇т̇аб̣бханд̇арз б̣ийж̇аг̇аамод̇и ваа бхууд̇аг̇аамод̇и ваа на ж̇аанаад̇и, чинд̣̇аамийд̇иби на ж̇аанаад̇и, гзвалам̣ вад̇ияаа ваа балаалабун̃ж̇з ваа никаад̣̇анам̣ ваа кан̣ид̇д̇им̣ ваа гуд̣̇аалам̣ ваа сан̇г̇обанад̇т̇ааяа табзд̇и, д̣аяхамаанахад̇т̇о ваа аг̇г̇им̣ баад̇зд̇и, д̇ад̇ра жз д̇ин̣аани чиж̇ж̇анд̇и ваа д̣аяханд̇и ваа анаабад̇д̇и. мануссавиг̇г̇ахабаарааж̇игаван̣н̣анааяам̣ бана саб̣б̣аадтагат̇аасу ‘‘сажз бхигку ругкзна ваа аж̇жход̇т̇адо ход̇и, обаад̇з ваа бад̇ид̇о саггаа жа ход̇и ругкам̣ чинд̣̇ид̇ваа бхуумим̣ ваа кан̣ид̇ваа нигкамид̇ум̣, ж̇ийвид̇ахзд̇уби ад̇д̇анаа на гаад̇аб̣б̣ам̣. ан̃н̃зна бана бхигкунаа бхуумим̣ ваа кан̣ид̇ваа ругкам̣ ваа чинд̣̇ид̇ваа алларугкад̇о ваа д̣̇ан̣д̣агам̣ чинд̣̇ид̇ваа д̇ам̣ ругкам̣ баваддзд̇ваа нигкаамзд̇ум̣ ваддад̇и, анаабад̇д̇ий’’д̇и вуд̇д̇ам̣. д̇ад̇т̇а гааран̣ам̣ на д̣̇иссад̇и – ‘‘ануж̇аанаами, бхигкавз, д̣̇авад̣аахз д̣аяхамаанз бадаг̇г̇им̣ д̣̇аад̇ум̣, барид̇д̇ам̣ гаад̇у’’нд̇и (жуул̣ава. 283) ид̣̇ам̣ бана згамзва суд̇д̇ам̣ д̣̇иссад̇и. сажз зд̇асса ануломам̣ ‘‘ад̇д̇ано на ваддад̇и, ан̃н̃асса ваддад̇ий’’д̇и ид̣̇ам̣ наанаагаран̣ам̣ на саггаа лад̣̇д̇хум̣. ад̇д̇ано ад̇т̇ааяа гаронд̇о ад̇д̇асинзхзна агусалажид̇д̇знзва гарод̇и, баро бана гаарун̃н̃зна, д̇асмаа анаабад̇д̇ийд̇и жз. зд̇амби агааран̣ам̣. гусалажид̇д̇знааби хи имам̣ аабад̇д̇им̣ аабаж̇ж̇ад̇и. саб̣б̣аадтагат̇аасу бана вуд̇д̇ад̇д̇аа на саггаа бадисзд̇хзд̇ум̣. г̇авзсид̇аб̣б̣аа зд̇т̇а яуд̇д̇и. адтагат̇аажарияаанам̣ ваа сад̣̇д̇хааяа г̇анд̇аб̣б̣анд̇и. сзсам̣ уд̇д̇аанамзва.
Ajānantassāti etthabbhantare bījagāmoti vā bhūtagāmoti vā na jānāti, chindāmītipi na jānāti, kevalaṃ vatiyā vā palālapuñje vā nikhādanaṃ vā khaṇittiṃ vā kudālaṃ vā saṅgopanatthāya ṭhapeti, ḍayhamānahattho vā aggiṃ pāteti, tatra ce tiṇāni chijjanti vā ḍayhanti vā anāpatti. Manussaviggahapārājikavaṇṇanāyaṃ pana sabbaaṭṭhakathāsu ‘‘sace bhikkhu rukkhena vā ajjhotthaṭo hoti, opāte vā patito sakkā ca hoti rukkhaṃ chinditvā bhūmiṃ vā khaṇitvā nikkhamituṃ, jīvitahetupi attanā na kātabbaṃ. Aññena pana bhikkhunā bhūmiṃ vā khaṇitvā rukkhaṃ vā chinditvā allarukkhato vā daṇḍakaṃ chinditvā taṃ rukkhaṃ pavaṭṭetvā nikkhāmetuṃ vaṭṭati, anāpattī’’ti vuttaṃ. Tattha kāraṇaṃ na dissati – ‘‘anujānāmi, bhikkhave, davaḍāhe ḍayhamāne paṭaggiṃ dātuṃ, parittaṃ kātu’’nti (cūḷava. 283) idaṃ pana ekameva suttaṃ dissati. Sace etassa anulomaṃ ‘‘attano na vaṭṭati, aññassa vaṭṭatī’’ti idaṃ nānākaraṇaṃ na sakkā laddhuṃ. Attano atthāya karonto attasinehena akusalacitteneva karoti, paro pana kāruññena, tasmā anāpattīti ce. Etampi akāraṇaṃ. Kusalacittenāpi hi imaṃ āpattiṃ āpajjati. Sabbaaṭṭhakathāsu pana vuttattā na sakkā paṭisedhetuṃ. Gavesitabbā ettha yutti. Aṭṭhakathācariyānaṃ vā saddhāya gantabbanti. Sesaṃ uttānameva.
д̇исамудтаанам̣ – гааяажид̇д̇ад̇о ваажаажид̇д̇ад̇о гааяаваажаажид̇д̇ад̇о жа самудтаад̇и. гирияам̣, сан̃н̃аавимогкам̣, сажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Tisamuṭṭhānaṃ – kāyacittato vācācittato kāyavācācittato ca samuṭṭhāti. Kiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
бхууд̇аг̇аамасигкаабад̣̇ам̣ батамам̣.
Bhūtagāmasikkhāpadaṃ paṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. бхууд̇аг̇аамасигкаабад̣̇аван̣н̣анаа • 1. Bhūtagāmasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. бхууд̇аг̇аамасигкаабад̣̇аван̣н̣анаа • 1. Bhūtagāmasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. бхууд̇аг̇аамасигкаабад̣̇аван̣н̣анаа • 1. Bhūtagāmasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. бхууд̇аг̇аамасигкаабад̣̇а-ад̇т̇аяож̇анаа • 1. Bhūtagāmasikkhāpada-atthayojanā
