| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
2. бхууд̇аг̇аамаваг̇г̇о
2. Bhūtagāmavaggo
1. бхууд̇аг̇аамасигкаабад̣̇аван̣н̣анаа
1. Bhūtagāmasikkhāpadavaṇṇanā
89. сзнаасанаваг̇г̇асса батамз ниг̇г̇ахзд̇ум̣ асаггонд̇од̇и санд̇хаарзд̇ум̣ асаггонд̇о. иминаа бана важанзна д̣̇аарагасса д̇ад̇т̇а убанийд̇абхааво д̇зна жа д̣̇идтабхааво вуд̇д̇оязваад̇и д̣̇адтаб̣б̣ам̣. д̇зна хи бхигкунаа д̇ам̣ ругкам̣ чинд̣̇ид̇ум̣ аарад̣̇д̇хз д̇ад̇т̇а ниб̣б̣ад̇д̇аа згаа д̇арун̣абуд̇д̇аа д̣̇звад̇хийд̇аа буд̇д̇ам̣ ан̇гзнаад̣̇ааяа тид̇аа д̇ам̣ яаажи ‘‘маа мз саами вимаанам̣ чинд̣̇и, на сагкиссаами буд̇д̇агам̣ аад̣̇ааяа анааваасаа вижарид̇у’’нд̇и. со ‘‘ахам̣ ан̃н̃ад̇т̇а ийд̣̇исам̣ ругкам̣ на лабхиссаамий’’д̇и д̇ассаа важанам̣ наад̣̇ияи. саа ‘‘имамби д̇аава д̣̇аарагам̣ ологзд̇ваа орамиссад̇ий’’д̇и буд̇д̇ам̣ ругкасаакааяа табзси. со бхигку угкид̇д̇ам̣ парасум̣ санд̇хаарзд̇ум̣ асаггонд̇о д̣̇аарагасса б̣аахам̣ чинд̣̇и. зван̃жа саяид̇о вимаанз саяид̇о наама ход̇ийд̇и гад̇ваа вуд̇д̇ам̣ ‘‘ругкадтагад̣̇иб̣б̣авимаанз нибаннассаа’’д̇и.
89. Senāsanavaggassa paṭhame niggahetuṃ asakkontoti sandhāretuṃ asakkonto. Iminā pana vacanena dārakassa tattha upanītabhāvo tena ca diṭṭhabhāvo vuttoyevāti daṭṭhabbaṃ. Tena hi bhikkhunā taṃ rukkhaṃ chindituṃ āraddhe tattha nibbattā ekā taruṇaputtā devadhītā puttaṃ aṅkenādāya ṭhitā taṃ yāci ‘‘mā me sāmi vimānaṃ chindi, na sakkhissāmi puttakaṃ ādāya anāvāsā vicaritu’’nti. So ‘‘ahaṃ aññattha īdisaṃ rukkhaṃ na labhissāmī’’ti tassā vacanaṃ nādiyi. Sā ‘‘imampi tāva dārakaṃ oloketvā oramissatī’’ti puttaṃ rukkhasākhāya ṭhapesi. So bhikkhu ukkhittaṃ pharasuṃ sandhāretuṃ asakkonto dārakassa bāhaṃ chindi. Evañca sayito vimāne sayito nāma hotīti katvā vuttaṃ ‘‘rukkhaṭṭhakadibbavimāne nipannassā’’ti.
ругкадтагад̣̇иб̣б̣авимаанзд̇и жа саакадтагавимаанам̣ санд̇хааяа вуд̇д̇ам̣. ругкасса убари ниб̣б̣ад̇д̇ан̃хи вимаанам̣ ругкабадиб̣ад̣̇д̇хад̇д̇аа ‘‘ругкадтагавимаана’’нд̇и вужжад̇и. саакадтагавимаанам̣ бана саб̣б̣асаакаасанниссид̇ам̣ худ̇ваа д̇идтад̇и. д̇ад̇т̇а яам̣ ругкадтагавимаанам̣ ход̇и, д̇ам̣ яаава ругкасса мууламад̇д̇амби д̇идтад̇и, д̇аава на нассад̇и. саакадтагавимаанам̣ бана саакаасу бхиж̇ж̇амаанаасу д̇ад̇т̇а д̇ад̇т̇зва бхиж̇ж̇ид̇ваа саб̣б̣асаакаасу бхиннаасу саб̣б̣ам̣ бхиж̇ж̇ад̇и, ид̣̇амби жа вимаанам̣ саакадтагам̣, д̇асмаа ругкз чиннз д̇ам̣ вимаанам̣ саб̣б̣асо винадтам̣, д̇знзва саа д̣̇звад̇аа бхаг̇авад̇о санд̇игаа лад̣̇д̇хз ан̃н̃асмим̣ вимаанз васи. б̣аахум̣ т̇анамуулзязва чинд̣̇ийд̇и ам̣сзна сад̣̇д̇хим̣ б̣аахам̣ чинд̣̇и. иминаа жа ругкад̣̇звад̇аанам̣ г̇ад̇д̇аани чиж̇ж̇анд̇и, на жаад̇умахаарааж̇игаад̣̇ийнам̣ вияа ажчзж̇ж̇аанийд̇и д̣̇адтаб̣б̣ам̣. ругкад̇хаммзд̇и ругкабагад̇ияам̣, ругкасабхаавзд̇и ад̇т̇о. ругкаанам̣ вияа чзд̣̇анаад̣̇ийсу агуббанан̃хи ругкад̇хаммо наама.
Rukkhaṭṭhakadibbavimāneti ca sākhaṭṭhakavimānaṃ sandhāya vuttaṃ. Rukkhassa upari nibbattañhi vimānaṃ rukkhapaṭibaddhattā ‘‘rukkhaṭṭhakavimāna’’nti vuccati. Sākhaṭṭhakavimānaṃ pana sabbasākhāsannissitaṃ hutvā tiṭṭhati. Tattha yaṃ rukkhaṭṭhakavimānaṃ hoti, taṃ yāva rukkhassa mūlamattampi tiṭṭhati, tāva na nassati. Sākhaṭṭhakavimānaṃ pana sākhāsu bhijjamānāsu tattha tattheva bhijjitvā sabbasākhāsu bhinnāsu sabbaṃ bhijjati, idampi ca vimānaṃ sākhaṭṭhakaṃ, tasmā rukkhe chinne taṃ vimānaṃ sabbaso vinaṭṭhaṃ, teneva sā devatā bhagavato santikā laddhe aññasmiṃ vimāne vasi. Bāhuṃ thanamūleyeva chindīti aṃsena saddhiṃ bāhaṃ chindi. Iminā ca rukkhadevatānaṃ gattāni chijjanti, na cātumahārājikādīnaṃ viya acchejjānīti daṭṭhabbaṃ. Rukkhadhammeti rukkhapakatiyaṃ, rukkhasabhāveti attho. Rukkhānaṃ viya chedanādīsu akuppanañhi rukkhadhammo nāma.
уббад̇ид̇анд̇и уббаннам̣. бханд̇анд̇и д̇хааванд̇ам̣. ваараязд̇и ниг̇г̇ан̣хзяяа. ид̣̇ам̣ вуд̇д̇ам̣ ход̇и – яат̇аа наама чзго саарат̇и ад̇ивзг̇зна д̇хааванд̇ам̣ рат̇ам̣ ниг̇г̇ахзд̇ваа яат̇ижчагам̣ бзсзд̇и, звам̣ яо буг̇г̇ало уббаннам̣ год̇хам̣ ваараяз ниг̇г̇ан̣хид̇ум̣ саггод̇и, д̇амахам̣ саарат̇им̣ б̣рууми. ид̇аро бана рааж̇аубарааж̇аад̣̇ийнам̣ рат̇асаарат̇иж̇ано расмиг̇г̇аахо наама ход̇и, на уд̇д̇амасаарат̇ийд̇и.
Uppatitanti uppannaṃ. Bhantanti dhāvantaṃ. Vārayeti niggaṇheyya. Idaṃ vuttaṃ hoti – yathā nāma cheko sārathi ativegena dhāvantaṃ rathaṃ niggahetvā yathicchakaṃ peseti, evaṃ yo puggalo uppannaṃ kodhaṃ vāraye niggaṇhituṃ sakkoti, tamahaṃ sārathiṃ brūmi. Itaro pana rājauparājādīnaṃ rathasārathijano rasmiggāho nāma hoti, na uttamasārathīti.
д̣̇уд̇ияаг̇аат̇ааяа бана аяамад̇т̇о – яод̇и (су. ни. адта. 1.1) яо яаад̣̇исо кад̇д̇ияагулаа ваа баб̣б̣аж̇ид̇о б̣раахман̣агулаа ваа баб̣б̣аж̇ид̇о наво ваа маж̇жхимо ваа т̇зро ваа. уббад̇ид̇анд̇и уд̣̇д̇хамуд̣̇д̇хам̣ бад̇ид̇ам̣, г̇ад̇ам̣ бавад̇д̇анд̇и ад̇т̇о, уббаннанд̇и вуд̇д̇ам̣ ход̇и. год̇ханд̇и ‘‘анад̇т̇ам̣ мз жарад̇ийд̇и аагхаад̇о ж̇ааяад̇ий’’д̇иаад̣̇инаа (д̣̇ий. ни. 3.340; а. ни. 9.29) наязна суд̇д̇з вуд̇д̇аанам̣ наваннам̣, ‘‘ад̇т̇ам̣ мз на жарад̇ий’’д̇иаад̣̇ийнан̃жа д̇аббадибагкад̇о сид̣̇д̇хаанам̣ наваннамзваад̇и адтаарасаннам̣ каан̣уган̣дагаад̣̇инаа адтаанзна сад̣̇д̇хим̣ згуунавийсад̇ияаа аагхаад̇авад̇т̇уунам̣ ан̃н̃ад̇араагхаад̇авад̇т̇усамбхавам̣ аагхаад̇ам̣. висаданд̇и вид̇т̇ад̇ам̣. саббависанд̇и саббасса висам̣. иваад̇и обаммаважанам̣. и-гааралобам̣ гад̇ваа ва-ижжзва вуд̇д̇ам̣. осад̇хзхийд̇и аг̇ад̣̇зхи. ид̣̇ам̣ вуд̇д̇ам̣ ход̇и – яат̇аа висад̇игижчаго взж̇ж̇о саббзна д̣̇адто саб̣б̣ам̣ гааяам̣ парид̇ваа тид̇ам̣ висадам̣ саббависам̣ муулаканд̇хад̇ажабад̇д̇абубпаад̣̇ийнам̣ ан̃н̃ад̇арзхи, наанаабхзсаж̇ж̇зхи баяож̇зд̇ваа гад̇зхи ваа осад̇хзхи киббамзва винзяяа, звамзва яо яат̇аавуд̇д̇зна аагхаад̇авад̇т̇унаа уббад̇ид̇ам̣ жид̇д̇асанд̇аанам̣ б̣яаабзд̇ваа тид̇ам̣ год̇хам̣ винаяанубааязсу д̇ад̣̇ан̇г̇авинаяаад̣̇ийсу язна гзнажи убааязна винзд̇и наад̇хиваасзд̇и баж̇ахад̇и винод̣̇зд̇и б̣яанд̇им̣ гарод̇и, со бхигку ж̇ахаад̇и орабаарам̣. со звам̣ год̇хам̣ винзнд̇о бхигку яасмаа год̇хо д̇ад̇ияамаг̇г̇зна саб̣б̣асо бахийяад̇и, д̇асмаа орабаарасан̃н̃ид̇аани бан̃жорамбхааг̇ияасам̣яож̇анаани ж̇ахаад̇ийд̇и. ависзсзна хи бааранд̇и д̇ийрасса наамам̣, д̇асмаа ораани жа д̇аани сам̣саарасааг̇арасса баарабхууд̇аани жаад̇и гад̇ваа ‘‘орабаара’’нд̇и вужжад̇и.
Dutiyagāthāya pana ayamattho – yoti (su. ni. aṭṭha. 1.1) yo yādiso khattiyakulā vā pabbajito brāhmaṇakulā vā pabbajito navo vā majjhimo vā thero vā. Uppatitanti uddhamuddhaṃ patitaṃ, gataṃ pavattanti attho, uppannanti vuttaṃ hoti. Kodhanti ‘‘anatthaṃ me caratīti āghāto jāyatī’’tiādinā (dī. ni. 3.340; a. ni. 9.29) nayena sutte vuttānaṃ navannaṃ, ‘‘atthaṃ me na caratī’’tiādīnañca tappaṭipakkhato siddhānaṃ navannamevāti aṭṭhārasannaṃ khāṇukaṇṭakādinā aṭṭhānena saddhiṃ ekūnavīsatiyā āghātavatthūnaṃ aññatarāghātavatthusambhavaṃ āghātaṃ. Visaṭanti vitthataṃ. Sappavisanti sappassa visaṃ. Ivāti opammavacanaṃ. I-kāralopaṃ katvā va-icceva vuttaṃ. Osadhehīti agadehi. Idaṃ vuttaṃ hoti – yathā visatikicchako vejjo sappena daṭṭho sabbaṃ kāyaṃ pharitvā ṭhitaṃ visaṭaṃ sappavisaṃ mūlakhandhatacapattapupphādīnaṃ aññatarehi, nānābhesajjehi payojetvā katehi vā osadhehi khippameva vineyya, evameva yo yathāvuttena āghātavatthunā uppatitaṃ cittasantānaṃ byāpetvā ṭhitaṃ kodhaṃ vinayanupāyesu tadaṅgavinayādīsu yena kenaci upāyena vineti nādhivāseti pajahati vinodeti byantiṃ karoti, so bhikkhu jahāti orapāraṃ. So evaṃ kodhaṃ vinento bhikkhu yasmā kodho tatiyamaggena sabbaso pahīyati, tasmā orapārasaññitāni pañcorambhāgiyasaṃyojanāni jahātīti. Avisesena hi pāranti tīrassa nāmaṃ, tasmā orāni ca tāni saṃsārasāgarassa pārabhūtāni cāti katvā ‘‘orapāra’’nti vuccati.
ат̇а ваа яо уббад̇ид̇ам̣ винзд̇и год̇хам̣ висадам̣ саббависам̣ва осад̇хзхи, со д̇ад̇ияамаг̇г̇зна саб̣б̣асо год̇хам̣ винзд̇ваа анааг̇аамипалз тид̇о бхигку ж̇ахаад̇и орабаарам̣. д̇ад̇т̇а оранд̇и сагад̇д̇абхааво. бааранд̇и барад̇д̇абхааво. орам̣ ваа ча аж̇жхад̇д̇игаани ааяад̇анаани, баарам̣ ча б̣аахирааяад̇анаани. д̇ат̇аа орам̣ мануссалого, баарам̣ д̣̇звалого. орам̣ гаамад̇хаад̇у, баарам̣ руубааруубад̇хаад̇у. орам̣ гаамаруубабхаво, баарам̣ аруубабхаво. орам̣ ад̇д̇абхааво, баарам̣ ад̇д̇абхаавасукубагаран̣аани. звамзд̇асмим̣ орабаарз жад̇уд̇т̇амаг̇г̇зна чанд̣̇арааг̇ам̣ баж̇аханд̇о ‘‘ж̇ахаад̇и орабаара’’нд̇и вужжад̇и. зд̇т̇а жа гин̃жааби анааг̇аамино гаамарааг̇асса бахийнад̇д̇аа ид̇хад̇д̇абхааваад̣̇ийсу чанд̣̇арааг̇о зва над̇т̇и, абижа ко банасса ван̣н̣аббагаасанад̇т̇ам̣ саб̣б̣амзд̇ам̣ орабаарабхзд̣̇ам̣ сан̇г̇ахзд̇ваа д̇ад̇т̇а чанд̣̇арааг̇аббахаанзна ‘‘ж̇ахаад̇и орабаара’’нд̇и вуд̇д̇ам̣.
Atha vā yo uppatitaṃ vineti kodhaṃ visaṭaṃ sappavisaṃva osadhehi, so tatiyamaggena sabbaso kodhaṃ vinetvā anāgāmiphale ṭhito bhikkhu jahāti orapāraṃ. Tattha oranti sakattabhāvo. Pāranti parattabhāvo. Oraṃ vā cha ajjhattikāni āyatanāni, pāraṃ cha bāhirāyatanāni. Tathā oraṃ manussaloko, pāraṃ devaloko. Oraṃ kāmadhātu, pāraṃ rūpārūpadhātu. Oraṃ kāmarūpabhavo, pāraṃ arūpabhavo. Oraṃ attabhāvo, pāraṃ attabhāvasukhupakaraṇāni. Evametasmiṃ orapāre catutthamaggena chandarāgaṃ pajahanto ‘‘jahāti orapāra’’nti vuccati. Ettha ca kiñcāpi anāgāmino kāmarāgassa pahīnattā idhattabhāvādīsu chandarāgo eva natthi, apica kho panassa vaṇṇappakāsanatthaṃ sabbametaṃ orapārabhedaṃ saṅgahetvā tattha chandarāgappahānena ‘‘jahāti orapāra’’nti vuttaṃ.
ид̣̇аани д̇ассад̇т̇асса вибхааванад̇т̇ааяа убамам̣ ааха ‘‘ураг̇о ж̇ин̣н̣амивад̇д̇ажам̣ бураан̣а’’нд̇и. д̇ад̇т̇а урзна г̇ажчад̇ийд̇и ураг̇о, саббассзд̇ам̣ ад̇хиважанам̣. со д̣̇увид̇хо гаамаруубий жа агаамаруубий жа. гаамаруубийби д̣̇увид̇хо ж̇алаж̇о т̇алаж̇о жа. ж̇алаж̇о ж̇алз зва гаамаруубам̣ лабхад̇и, на т̇алз сан̇кабаалаж̇аад̇агз (ж̇аа. 2.17.143 аад̣̇аяо) сан̇кабааланааг̇арааж̇аа вияа. т̇алаж̇о т̇алз зва, на ж̇алз. со ж̇аж̇ж̇арабхаавзна ж̇ин̣н̣ам̣, жирагаалад̇ааяа бураан̣ан̃жаад̇и сан̇кам̣ г̇ад̇ам̣ д̇ажам̣ ж̇аханд̇о жад̇уб̣б̣ид̇хзна ж̇ахад̇и саж̇аад̇ияам̣ тид̇о ж̇иг̇ужчанд̇о ниссааяа т̇аамзнаад̇и. саж̇аад̇и наама саббаж̇аад̇и д̣̇ийгхад̇д̇абхааво. ураг̇аа хи бан̃жасу таанзсу саж̇аад̇им̣ наад̇ивад̇д̇анд̇и убабад̇д̇ияам̣ жуд̇ияам̣ виссадтанид̣̇д̣̇оггаманз саж̇аад̇ияаа мзт̇унабадисзванз ж̇ин̣н̣ад̇ажаабанаяанз жаад̇и. д̇асмаа яад̣̇аа д̇ажам̣ ж̇ахад̇и, д̇ад̣̇аа саж̇аад̇ияам̣язва тад̇ваа ж̇ахад̇и. саж̇аад̇ияам̣ тид̇оби жа ж̇иг̇ужчанд̇о ж̇ахад̇и. ж̇иг̇ужчанд̇о наама яад̣̇аа убад̣дхадтаанз муд̇д̇о ход̇и, убад̣дхадтаанз амуд̇д̇о оламб̣ад̇и, д̇ад̣̇аа нам̣ аддийяанд̇о ж̇ахад̇и, звам̣ ж̇иг̇ужчанд̇оби жа д̣̇ан̣д̣анд̇арам̣ ваа мууланд̇арам̣ ваа баасаан̣анд̇арам̣ ваа ниссааяа ж̇ахад̇и. ниссааяа ж̇аханд̇оби жа т̇аамам̣ ж̇анзд̇ваа уссаахам̣ гарид̇ваа вийриязна ван̇гам̣ нан̇г̇удтам̣ гад̇ваа бассасанд̇ова пан̣ам̣ гарид̇ваа ж̇ахад̇и. звам̣ ж̇ахид̇ваа язнагаамам̣ баггамад̇и.
Idāni tassatthassa vibhāvanatthāya upamaṃ āha ‘‘urago jiṇṇamivattacaṃ purāṇa’’nti. Tattha urena gacchatīti urago, sappassetaṃ adhivacanaṃ. So duvidho kāmarūpī ca akāmarūpī ca. Kāmarūpīpi duvidho jalajo thalajo ca. Jalajo jale eva kāmarūpaṃ labhati, na thale saṅkhapālajātake (jā. 2.17.143 ādayo) saṅkhapālanāgarājā viya. Thalajo thale eva, na jale. So jajjarabhāvena jiṇṇaṃ, cirakālatāya purāṇañcāti saṅkhaṃ gataṃ tacaṃ jahanto catubbidhena jahati sajātiyaṃ ṭhito jigucchanto nissāya thāmenāti. Sajāti nāma sappajāti dīghattabhāvo. Uragā hi pañcasu ṭhānesu sajātiṃ nātivattanti upapattiyaṃ cutiyaṃ vissaṭṭhaniddokkamane sajātiyā methunapaṭisevane jiṇṇatacāpanayane cāti. Tasmā yadā tacaṃ jahati, tadā sajātiyaṃyeva ṭhatvā jahati. Sajātiyaṃ ṭhitopi ca jigucchanto jahati. Jigucchanto nāma yadā upaḍḍhaṭṭhāne mutto hoti, upaḍḍhaṭṭhāne amutto olambati, tadā naṃ aṭṭīyanto jahati, evaṃ jigucchantopi ca daṇḍantaraṃ vā mūlantaraṃ vā pāsāṇantaraṃ vā nissāya jahati. Nissāya jahantopi ca thāmaṃ janetvā ussāhaṃ karitvā vīriyena vaṅkaṃ naṅguṭṭhaṃ katvā passasantova phaṇaṃ karitvā jahati. Evaṃ jahitvā yenakāmaṃ pakkamati.
звамзва аяамби бхигку орабаарам̣ ж̇ахид̇угаамо жад̇уб̣б̣ид̇хзна ж̇ахад̇и саж̇аад̇ияам̣ тид̇о ж̇иг̇ужчанд̇о ниссааяа т̇аамзнаад̇и. саж̇аад̇и наама бхигкуно ‘‘арияааяа ж̇аад̇ияаа ж̇аад̇о’’д̇и (ма. ни. 2.351) важанад̇о сийлам̣. д̇знзвааха ‘‘сийлз бад̇идтааяа наро сабан̃н̃о’’д̇и (сам̣. ни. 1.23, 192). звамзд̇иссам̣ саж̇аад̇ияам̣ тид̇о бхигку д̇ам̣ сагад̇д̇абхааваад̣̇ибхзд̣̇ам̣ орабаарам̣ ж̇ин̣н̣абураан̣ад̇д̇ажамива д̇ам̣ д̣̇угкам̣ ж̇анзнд̇ам̣ д̇ад̇т̇а д̇ад̇т̇а аад̣̇ийнавад̣̇ассанзна ж̇иг̇ужчанд̇о галяаан̣амид̇д̇з ниссааяа ад̇химад̇д̇асаммаавааяаамасан̇каад̇ам̣ т̇аамам̣ ж̇анзд̇ваа ‘‘д̣̇ивасам̣ жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзд̇ий’’д̇и (а. ни. 3.16; 4.37) вуд̇д̇анаязна рад̇д̇инд̣̇ивам̣ чад̇хаа вибхаж̇ид̇ваа гхадзнд̇о вааяаманд̇о ураг̇о вияа ван̇гам̣ нан̇г̇удтам̣ баллан̇гам̣ аабхуж̇ид̇ваа ураг̇о вияа бассасанд̇о аяамби асит̇илабараггамад̇ааяа вааяаманд̇о ураг̇ова пан̣ам̣ гарид̇ваа аяамби н̃аан̣авибпаарам̣ ж̇анзд̇ваа ураг̇ова д̇ажам̣ орабаарам̣ ж̇ахад̇и, ж̇ахид̇ваа жа ураг̇о вияа охид̇ад̇ажо язнагаамам̣ баггамад̇и, аяамби охид̇абхааро анубаад̣̇исзсаниб̣б̣аанад̇хаад̇уд̣̇исам̣ баггамад̇ийд̇и.
Evameva ayampi bhikkhu orapāraṃ jahitukāmo catubbidhena jahati sajātiyaṃ ṭhito jigucchanto nissāya thāmenāti. Sajāti nāma bhikkhuno ‘‘ariyāya jātiyā jāto’’ti (ma. ni. 2.351) vacanato sīlaṃ. Tenevāha ‘‘sīle patiṭṭhāya naro sapañño’’ti (saṃ. ni. 1.23, 192). Evametissaṃ sajātiyaṃ ṭhito bhikkhu taṃ sakattabhāvādibhedaṃ orapāraṃ jiṇṇapurāṇattacamiva taṃ dukkhaṃ janentaṃ tattha tattha ādīnavadassanena jigucchanto kalyāṇamitte nissāya adhimattasammāvāyāmasaṅkhātaṃ thāmaṃ janetvā ‘‘divasaṃ caṅkamena nisajjāya āvaraṇīyehi dhammehi cittaṃ parisodhetī’’ti (a. ni. 3.16; 4.37) vuttanayena rattindivaṃ chadhā vibhajitvā ghaṭento vāyamanto urago viya vaṅkaṃ naṅguṭṭhaṃ pallaṅkaṃ ābhujitvā urago viya passasanto ayampi asithilaparakkamatāya vāyamanto uragova phaṇaṃ karitvā ayampi ñāṇavipphāraṃ janetvā uragova tacaṃ orapāraṃ jahati, jahitvā ca urago viya ohitataco yenakāmaṃ pakkamati, ayampi ohitabhāro anupādisesanibbānadhātudisaṃ pakkamatīti.
90. бхаванд̇ийд̇и иминаа вирул̣хамуулз нийлабхаавам̣ аабаж̇ж̇ид̇ваа вад̣дхамаанагз д̇арун̣аг̇ажчз д̣̇ассзд̇и. ахувунд̇и иминаа бана вад̣дхид̇ваа тид̇з маханд̇з ругкаг̇ажчаад̣̇игз д̣̇ассзд̇и. бхаванд̇ийд̇и имасса виваран̣ам̣ ‘‘ж̇ааяанд̇и вад̣дханд̇ий’’д̇и, ахувунд̇и имасса ‘‘ж̇аад̇аа вад̣дхид̇аа’’д̇и. раасийд̇и суд̣̇д̇хадтагад̇хаммасамуухо. бхууд̇аананд̇и д̇ат̇аалад̣̇д̇хасаман̃н̃аанам̣ адтад̇хаммаанам̣. ‘‘бхууд̇аанам̣ г̇аамо’’д̇и вуд̇д̇зби аваяававинимуд̇д̇асса самуд̣̇ааяасса абхаавад̇о бхууд̇асан̃н̃ид̇аа д̇зязва д̇ин̣аругкалад̇аад̣̇аяо г̇аяханд̇и. ‘‘бхуумияам̣ бад̇идтахид̇ваа харид̇абхаавамаабаннаа ругкаг̇ажчаад̣̇аяо д̣̇звад̇аахи бариг̇г̇аяханд̇и, д̇асмаа бхууд̇аанам̣ ниваасадтаанад̇ааяа бхууд̇аанам̣ г̇аамо’’д̇иби вад̣̇анд̇и. ругкаад̣̇ийнанд̇и аад̣̇и-сад̣̇д̣̇зна осад̇хиг̇ажчалад̇аад̣̇аяо взд̣̇ид̇аб̣б̣аа.
90.Bhavantīti iminā viruḷhamūle nīlabhāvaṃ āpajjitvā vaḍḍhamānake taruṇagacche dasseti. Ahuvunti iminā pana vaḍḍhitvā ṭhite mahante rukkhagacchādike dasseti. Bhavantīti imassa vivaraṇaṃ ‘‘jāyanti vaḍḍhantī’’ti, ahuvunti imassa ‘‘jātā vaḍḍhitā’’ti. Rāsīti suddhaṭṭhakadhammasamūho. Bhūtānanti tathāladdhasamaññānaṃ aṭṭhadhammānaṃ. ‘‘Bhūtānaṃ gāmo’’ti vuttepi avayavavinimuttassa samudāyassa abhāvato bhūtasaññitā teyeva tiṇarukkhalatādayo gayhanti. ‘‘Bhūmiyaṃ patiṭṭhahitvā haritabhāvamāpannā rukkhagacchādayo devatāhi pariggayhanti, tasmā bhūtānaṃ nivāsaṭṭhānatāya bhūtānaṃ gāmo’’tipi vadanti. Rukkhādīnanti ādi-saddena osadhigacchalatādayo veditabbā.
нану жа ругкаад̣̇аяо жид̇д̇арахид̇ад̇ааяа на ж̇ийваа, жид̇д̇арахид̇ад̇аа жа барибпанд̣̇аабхаавад̇о чиннзби руханад̇о висад̣̇исаж̇аад̇игабхаавад̇о жад̇уяониабарияаабаннад̇о жа взд̣̇ид̇аб̣б̣аа, вуд̣дхи бана баваал̣асилаалаван̣аанамби виж̇ж̇ад̇ийд̇и на д̇зсам̣ ж̇ийвабхаавз гааран̣ам̣, висаяаг̇г̇ахан̣ан̃жа нзсам̣ баригаббанаамад̇д̇ам̣ субанам̣ вияа жин̃жаад̣̇ийнам̣, д̇ат̇аа д̣̇охал̣аад̣̇аяо, д̇ад̇т̇а гасмаа бхууд̇аг̇аамасса чзд̣̇анаад̣̇ибажжаяаа баажид̇д̇ияам̣ вуд̇д̇анд̇и? саман̣асааруббад̇о д̇ам̣ниваасасад̇д̇аанурагкан̣ад̇о жа. д̇знзвааха ‘‘ж̇ийвасан̃н̃ино хи могхабурисаа мануссаа ругкасми’’нд̇иаад̣̇и.
Nanu ca rukkhādayo cittarahitatāya na jīvā, cittarahitatā ca paripphandābhāvato chinnepi ruhanato visadisajātikabhāvato catuyoniapariyāpannato ca veditabbā, vuḍḍhi pana pavāḷasilālavaṇānampi vijjatīti na tesaṃ jīvabhāve kāraṇaṃ, visayaggahaṇañca nesaṃ parikappanāmattaṃ supanaṃ viya ciñcādīnaṃ, tathā dohaḷādayo, tattha kasmā bhūtagāmassa chedanādipaccayā pācittiyaṃ vuttanti? Samaṇasāruppato taṃnivāsasattānurakkhaṇato ca. Tenevāha ‘‘jīvasaññino hi moghapurisā manussā rukkhasmi’’ntiādi.
91. ‘‘муулз ж̇ааяанд̇ий’’д̇иаад̣̇ийсу ад̇т̇о убари ад̇д̇анаа вужжамаанаббагаарзна сийхал̣адтагат̇ааяам̣ вуд̇д̇од̇и ааха ‘‘звам̣ санд̇зби…бз… на самзнд̇ий’’д̇и. виж̇аад̇а-сад̣̇д̣̇о ид̇ха ви-сад̣̇д̣̇алобам̣ гад̇ваа нид̣̇д̣̇идтод̇и ааха ‘‘виж̇аад̇ааний’’д̇и. виж̇аад̇а-сад̣̇д̣̇о жа ‘‘виж̇аад̇аа ид̇т̇ий’’д̇иаад̣̇ийсу вияа басууд̇аважанод̇и ааха ‘‘басууд̇ааний’’д̇и. басууд̇и жа наамзд̇т̇а ниб̣б̣ад̇д̇абан̣н̣амуулад̇аад̇и ааха ‘‘ниб̣б̣ад̇д̇абан̣н̣амуулааний’’д̇и. иминаа имам̣ д̣̇ийбзд̇и ‘‘ниб̣б̣ад̇д̇абан̣н̣амуулаани б̣ийж̇аани бхууд̇аг̇аамасан̇камзва г̇ажчанд̇и, д̇зсу жа вад̇д̇амаано б̣ийж̇аж̇аад̇а-сад̣̇д̣̇о рул̣хийвасзна ругкаад̣̇ийсуби вад̇д̇ад̇ий’’д̇и. буримасмим̣ ад̇т̇авигаббз бана б̣ийж̇зхи ж̇аад̇аанам̣ ругкалад̇аад̣̇ийнам̣язва бхууд̇аг̇аамад̇аа вуд̇д̇аа.
91. ‘‘Mūle jāyantī’’tiādīsu attho upari attanā vuccamānappakārena sīhaḷaṭṭhakathāyaṃ vuttoti āha ‘‘evaṃ santepi…pe… na samentī’’ti. Vijāta-saddo idha vi-saddalopaṃ katvā niddiṭṭhoti āha ‘‘vijātānī’’ti. Vijāta-saddo ca ‘‘vijātā itthī’’tiādīsu viya pasūtavacanoti āha ‘‘pasūtānī’’ti. Pasūti ca nāmettha nibbattapaṇṇamūlatāti āha ‘‘nibbattapaṇṇamūlānī’’ti. Iminā imaṃ dīpeti ‘‘nibbattapaṇṇamūlāni bījāni bhūtagāmasaṅkhameva gacchanti, tesu ca vattamāno bījajāta-saddo ruḷhīvasena rukkhādīsupi vattatī’’ti. Purimasmiṃ atthavikappe pana bījehi jātānaṃ rukkhalatādīnaṃyeva bhūtagāmatā vuttā.
д̇аани д̣̇ассзнд̇од̇и д̇аани б̣ийж̇аани д̣̇ассзнд̇о. муулаб̣ийж̇анд̇иаад̣̇ийсу мууламзва б̣ийж̇ам̣ муулаб̣ийж̇ам̣. сзсзсуби зсзва наяо. пал̣уб̣ийж̇анд̇и баб̣б̣аб̣ийж̇ам̣. бажжаяанд̇арасамавааяз сад̣̇исапалуббад̇д̇ияаа висзсагааран̣абхаавад̇о вируханасамад̇т̇з саарапалз нирул̣хо б̣ийж̇а-сад̣̇д̣̇о. д̇ад̣̇ад̇т̇асам̣сид̣̇д̇хияаа муулаад̣̇ийсуби гзсужи бавад̇д̇ад̇ийд̇и муулаад̣̇ид̇о нивад̇д̇анад̇т̇ам̣ згзна б̣ийж̇асад̣̇д̣̇зна висзсзд̇ваа вуд̇д̇ам̣ ‘‘б̣ийж̇аб̣ийж̇а’’нд̇и ‘‘руубаруубам̣, д̣̇угкад̣̇угка’’нд̇и жа яат̇аа. б̣ийж̇ад̇о ниб̣б̣ад̇д̇зна б̣ийж̇ам̣ д̣̇ассид̇анд̇и гаарияобажаарзна гааран̣ам̣ д̣̇ассид̇анд̇и д̣̇ийбзд̇и.
Tāni dassentoti tāni bījāni dassento. Mūlabījantiādīsu mūlameva bījaṃ mūlabījaṃ. Sesesupi eseva nayo. Phaḷubījanti pabbabījaṃ. Paccayantarasamavāye sadisaphaluppattiyā visesakāraṇabhāvato viruhanasamatthe sāraphale niruḷho bīja-saddo. Tadatthasaṃsiddhiyā mūlādīsupi kesuci pavattatīti mūlādito nivattanatthaṃ ekena bījasaddena visesetvā vuttaṃ ‘‘bījabīja’’nti ‘‘rūparūpaṃ, dukkhadukkha’’nti ca yathā. Bījato nibbattena bījaṃ dassitanti kāriyopacārena kāraṇaṃ dassitanti dīpeti.
92. б̣ийж̇з б̣ийж̇асан̃н̃ийд̇и зд̇т̇а гааран̣уубажаарзна гаарияам̣ вуд̇д̇анд̇и д̣̇ассзнд̇о ‘‘д̇ад̇т̇а яат̇аа’’д̇иаад̣̇имааха. бхууд̇аг̇аамабариможанам̣ гад̇ваад̇и бхууд̇аг̇аамад̇о можзд̇ваа, вияож̇зд̇ваад̇и ад̇т̇о. яам̣ б̣ийж̇ам̣ бхууд̇аг̇аамо наама ход̇ийд̇и б̣ийж̇аани жа д̇аани ж̇аад̇аани жаад̇и вуд̇д̇амад̇т̇ам̣ санд̇хааяа вад̣̇ад̇и. д̇ад̇т̇а яам̣ б̣ийж̇анд̇и яам̣ ниб̣б̣ад̇д̇абан̣н̣амуулам̣ б̣ийж̇ам̣. д̇асмим̣ б̣ийж̇зд̇и д̇асмим̣ бхууд̇аг̇аамасан̃н̃ид̇з б̣ийж̇з. зд̇т̇а жа б̣ийж̇аж̇аад̇а-сад̣̇д̣̇асса вияа рул̣хийвасзна ругкаад̣̇ийсу б̣ийж̇а-сад̣̇д̣̇ассаби бавад̇д̇и взд̣̇ид̇аб̣б̣аа. яат̇ааруд̇анд̇и яат̇аабаал̣и.
92.Bīje bījasaññīti ettha kāraṇūpacārena kāriyaṃ vuttanti dassento ‘‘tattha yathā’’tiādimāha. Bhūtagāmaparimocanaṃ katvāti bhūtagāmato mocetvā, viyojetvāti attho. Yaṃ bījaṃ bhūtagāmo nāma hotīti bījāni ca tāni jātāni cāti vuttamatthaṃ sandhāya vadati. Tattha yaṃ bījanti yaṃ nibbattapaṇṇamūlaṃ bījaṃ. Tasmiṃ bījeti tasmiṃ bhūtagāmasaññite bīje. Ettha ca bījajāta-saddassa viya ruḷhīvasena rukkhādīsu bīja-saddassapi pavatti veditabbā. Yathārutanti yathāpāḷi.
яад̇т̇а гад̇т̇ажийд̇и муулз аг̇г̇з маж̇жхз ваа. сан̃жижжа угкибид̇ум̣ на ваддад̇ийд̇и зд̇т̇а сажзби сарийрз лаг̇г̇абхаавам̣ ж̇аананд̇ова уд̣̇агад̇о удтахад̇и, ‘‘д̇ам̣ уд̣̇д̇хариссаамий’’д̇и сан̃н̃ааяа абхаавад̇о ваддад̇и. уббаадид̇аанийд̇и уд̣̇д̇хадаани. б̣ийж̇аг̇аамз сан̇г̇ахам̣ г̇ажчанд̇ийд̇и бхууд̇аг̇аамад̇о бариможид̇ад̇д̇аа вуд̇д̇ам̣. ананд̇ага-г̇г̇ахан̣зна саасабамад̇д̇игаа г̇ахид̇аа. нааман̃хзд̇ам̣ д̇ассаа сзваалаж̇аад̇ияаа . муулабан̣н̣аанам̣ асамбун̣н̣ад̇д̇аа ‘‘асамбун̣н̣абхууд̇аг̇аамо наамаа’’д̇и вуд̇д̇ам̣. абхууд̇аг̇аамамуулад̇д̇аад̇и зд̇т̇а бхууд̇аг̇аамо муулам̣ гааран̣ам̣ зд̇ассаад̇и бхууд̇аг̇аамамууло, бхууд̇аг̇аамасса ваа муулам̣ гааран̣анд̇и бхууд̇аг̇аамамуулам̣. б̣ийж̇аг̇аамо хи наама бхууд̇аг̇аамад̇о самбхавад̇и, бхууд̇аг̇аамасса жа гааран̣ам̣ ход̇и, аяам̣ бана д̇аад̣̇исо на ход̇ийд̇и ‘‘абхууд̇аг̇аамамуулад̇д̇аа’’д̇и вуд̇д̇ам̣. д̇ад̇радтагад̇д̇аа вуд̇д̇ам̣ ‘‘со б̣ийж̇аг̇аамзна сан̇г̇ахид̇о’’д̇и. ид̣̇ан̃жа ‘‘абхууд̇аг̇аамамуулад̇д̇аа’’д̇и зд̇т̇а батамам̣ вуд̇д̇аад̇т̇асамбхавад̇о вуд̇д̇ам̣. гин̃жааби хи д̇ааланаал̣игзраад̣̇ийнам̣ каан̣у уд̣̇д̇хам̣ авад̣дханад̇о бхууд̇аг̇аамасса гааран̣ам̣ на ход̇и, д̇ат̇ааби бхууд̇аг̇аамасан̇кяубаг̇ад̇аниб̣б̣ад̇д̇абан̣н̣амуулаб̣ийж̇ад̇о самбхууд̇ад̇д̇аа бхууд̇аг̇аамад̇о уббанно наама ход̇ийд̇и б̣ийж̇аг̇аамзна сан̇г̇ахам̣ г̇ажчад̇и.
Yattha katthacīti mūle agge majjhe vā. Sañcicca ukkhipituṃ na vaṭṭatīti ettha sacepi sarīre laggabhāvaṃ jānantova udakato uṭṭhahati, ‘‘taṃ uddharissāmī’’ti saññāya abhāvato vaṭṭati. Uppāṭitānīti uddhaṭāni. Bījagāme saṅgahaṃ gacchantīti bhūtagāmato parimocitattā vuttaṃ. Anantaka-ggahaṇena sāsapamattikā gahitā. Nāmañhetaṃ tassā sevālajātiyā . Mūlapaṇṇānaṃ asampuṇṇattā ‘‘asampuṇṇabhūtagāmo nāmā’’ti vuttaṃ. Abhūtagāmamūlattāti ettha bhūtagāmo mūlaṃ kāraṇaṃ etassāti bhūtagāmamūlo, bhūtagāmassa vā mūlaṃ kāraṇanti bhūtagāmamūlaṃ. Bījagāmo hi nāma bhūtagāmato sambhavati, bhūtagāmassa ca kāraṇaṃ hoti, ayaṃ pana tādiso na hotīti ‘‘abhūtagāmamūlattā’’ti vuttaṃ. Tatraṭṭhakattā vuttaṃ ‘‘so bījagāmena saṅgahito’’ti. Idañca ‘‘abhūtagāmamūlattā’’ti ettha paṭhamaṃ vuttaatthasambhavato vuttaṃ. Kiñcāpi hi tālanāḷikerādīnaṃ khāṇu uddhaṃ avaḍḍhanato bhūtagāmassa kāraṇaṃ na hoti, tathāpi bhūtagāmasaṅkhyupagatanibbattapaṇṇamūlabījato sambhūtattā bhūtagāmato uppanno nāma hotīti bījagāmena saṅgahaṃ gacchati.
‘‘ан̇гурз харид̇з’’д̇и вад̇ваа д̇амзва вибхаавзд̇и ‘‘нийлабан̣н̣аван̣н̣з ж̇аад̇з’’д̇и, нийлабан̣н̣асса ван̣н̣асад̣̇исз ван̣н̣з ж̇аад̇зд̇и ад̇т̇о. ‘‘нийлаван̣н̣з ж̇аад̇з’’д̇и ваа баато г̇ахзд̇аб̣б̣о. амуулагабхууд̇аг̇аамз сан̇г̇ахам̣ г̇ажчад̇ийд̇и наал̣игзрасса аавзн̣игам̣ гад̇ваа вад̣̇ад̇и. ‘‘баанийяагхадаад̣̇ийнам̣ б̣ахи сзваало уд̣̇агз адтид̇ад̇д̇аа б̣ийж̇аг̇аамаануломад̇д̇аа жа д̣̇уггадавад̇т̇уу’’д̇и вад̣̇анд̇и. ган̣н̣агамби аб̣б̣охааригамзваад̇и нийлаван̣н̣амби аб̣б̣охааригамзва. сзлзяяагам̣ наама силааяа самбхууд̇аа згаа суг̇анд̇хаж̇аад̇и. ‘‘ругкад̇д̇ажам̣ вигобзд̇ийд̇и вуд̇д̇ад̇д̇аа ругкз ж̇аад̇ам̣ яам̣ гин̃жи чад̇д̇агам̣ ругкад̇д̇ажам̣ авигобзд̇ваа мад̇т̇агад̇о чинд̣̇ид̇ваа г̇ахзд̇ум̣ ваддад̇ий’’д̇и вад̣̇анд̇и. ругкад̇о мужжид̇ваа д̇идтад̇ийд̇и зд̇т̇а ‘‘яад̣̇иби гин̃жимад̇д̇ам̣ ругкз аллийнаа худ̇ваа д̇идтад̇и, ругкад̇о г̇аяхамаано бана ругкажчавим̣ на вигобзд̇и, ваддад̇ий’’д̇и вад̣̇анд̇и. алларугкад̇о на ваддад̇ийд̇и зд̇т̇ааби ругкад̇д̇ажам̣ авигобзд̇ваа мад̇т̇агад̇о д̇ажчзд̇ваа г̇ахзд̇ум̣ ваддад̇ийд̇и взд̣̇ид̇аб̣б̣ам̣. хад̇т̇агуггужжзнаад̇и хад̇т̇аанам̣ асам̣яад̇абхаавзна, хад̇т̇ажаабаллзнаад̇и вуд̇д̇ам̣ ход̇и. баанийяам̣ на ваасзд̇аб̣б̣анд̇и ид̣̇ам̣ ад̇д̇ано ад̇т̇ааяа наамид̇ам̣ санд̇хааяа вуд̇д̇ам̣. гзвалам̣ анубасамбаннасса ад̇т̇ааяа наамид̇з бана бажчаа д̇ад̇о лабхид̇ваа на ваасзд̇аб̣б̣анд̇и над̇т̇и. ‘‘язсам̣ ругкаанам̣ саакаа рухад̇ийд̇и вуд̇д̇ад̇д̇аа язсам̣ саакаа на рухад̇и, д̇ад̇т̇а габбияагаран̣агижжам̣ над̇т̇ий’’д̇и вад̣̇анд̇и.
‘‘Aṅkure harite’’ti vatvā tameva vibhāveti ‘‘nīlapaṇṇavaṇṇe jāte’’ti, nīlapaṇṇassa vaṇṇasadise vaṇṇe jāteti attho. ‘‘Nīlavaṇṇe jāte’’ti vā pāṭho gahetabbo. Amūlakabhūtagāme saṅgahaṃ gacchatīti nāḷikerassa āveṇikaṃ katvā vadati. ‘‘Pānīyaghaṭādīnaṃ bahi sevālo udake aṭṭhitattā bījagāmānulomattā ca dukkaṭavatthū’’ti vadanti. Kaṇṇakampi abbohārikamevāti nīlavaṇṇampi abbohārikameva. Seleyyakaṃ nāma silāya sambhūtā ekā sugandhajāti. ‘‘Rukkhattacaṃ vikopetīti vuttattā rukkhe jātaṃ yaṃ kiñci chattakaṃ rukkhattacaṃ avikopetvā matthakato chinditvā gahetuṃ vaṭṭatī’’ti vadanti. Rukkhato muccitvā tiṭṭhatīti ettha ‘‘yadipi kiñcimattaṃ rukkhe allīnā hutvā tiṭṭhati, rukkhato gayhamāno pana rukkhacchaviṃ na vikopeti, vaṭṭatī’’ti vadanti. Allarukkhato na vaṭṭatīti etthāpi rukkhattacaṃ avikopetvā matthakato tacchetvā gahetuṃ vaṭṭatīti veditabbaṃ. Hatthakukkuccenāti hatthānaṃ asaṃyatabhāvena, hatthacāpallenāti vuttaṃ hoti. Pānīyaṃ na vāsetabbanti idaṃ attano atthāya nāmitaṃ sandhāya vuttaṃ. Kevalaṃ anupasampannassa atthāya nāmite pana pacchā tato labhitvā na vāsetabbanti natthi. ‘‘Yesaṃ rukkhānaṃ sākhā ruhatīti vuttattā yesaṃ sākhā na ruhati, tattha kappiyakaraṇakiccaṃ natthī’’ti vadanti.
93. бан̃жахи саман̣агаббзхийд̇и бан̃жахи саман̣авохаарзхи. гин̃жааби хи б̣ийж̇аанам̣ аг̇г̇инаа пудтамад̇д̇зна накаад̣̇ийхи виликанамад̇д̇зна жа авирул̣хийд̇хаммад̇аа на ход̇и, д̇ат̇ааби звам̣ гад̇зязва саман̣аанам̣ габбад̇ийд̇и аг̇г̇ибариж̇ид̇аад̣̇аяо саман̣авохаараа наама ж̇аад̇аа, д̇асмаа д̇зхи саман̣авохаарзхи гаран̣абхууд̇зхи палам̣ барибхун̃ж̇ид̇ум̣ ануж̇аанаамийд̇и ад̇хиббааяо. аб̣ийж̇аниб̣б̣аддаб̣ийж̇ааниби саман̣аанам̣ габбанд̇ийд̇и бан̃н̃ад̇д̇абан̣н̣ад̇д̇ибхаавад̇о саман̣авохаарааижжзва сан̇кам̣ г̇ад̇аани. ат̇а ваа аг̇г̇ибариж̇ид̇аад̣̇ийнам̣ бан̃жаннам̣ габбияабхаавад̇оязва бан̃жахи саман̣агаббияабхаавасан̇каад̇зхи гааран̣зхи палам̣ барибхун̃ж̇ид̇ум̣ ануж̇аанаамийд̇и звамзд̇т̇а ад̇хиббааяо взд̣̇ид̇аб̣б̣о. аг̇г̇ибариж̇ид̇анд̇иаад̣̇ийсу ‘‘барижид̇а’’нд̇иби батанд̇и. аб̣ийж̇ам̣ наама д̇арун̣амб̣апалаад̣̇и. ниб̣б̣аддаб̣ийж̇ам̣ наама амб̣абанасаад̣̇и, яам̣ б̣ийж̇ам̣ ниб̣б̣аддзд̇ваа висум̣ гад̇ваа барибхун̃ж̇ид̇ум̣ саггаа ход̇и. ‘‘габбияа’’нд̇и вад̇ваава гаад̇аб̣б̣анд̇и яо габбияам̣ гарод̇и, д̇зна гад̇д̇аб̣б̣аагаарассзва вуд̇д̇ад̇д̇аа бхигкунаа авуд̇д̇зби гаад̇ум̣ ваддад̇ийд̇и на г̇ахзд̇аб̣б̣ам̣. буна ‘‘габбияам̣ гаарзд̇аб̣б̣а’’нд̇и гаараабанасса батамамзва гат̇ид̇ад̇д̇аа бхигкунаа ‘‘габбияам̣ гарохий’’д̇и вуд̇д̇зязва анубасамбаннзна ‘‘габбияа’’нд̇и вад̇ваа аг̇г̇ибариж̇ид̇аад̣̇и гаад̇аб̣б̣анд̇и г̇ахзд̇аб̣б̣ам̣. ‘‘габбияанд̇и важанам̣ бана яааяа гааяажи бхаасааяа вад̇д̇ум̣ ваддад̇ий’’д̇и вад̣̇анд̇и. ‘‘габбияанд̇и вад̇ваава гаад̇аб̣б̣а’’нд̇и важанад̇о батамам̣ ‘‘габбияа’’нд̇и вад̇ваа бажчаа аг̇г̇иаад̣̇инаа пусанаад̣̇и гаад̇аб̣б̣анд̇и взд̣̇ид̇аб̣б̣ам̣. ‘‘батамам̣ аг̇г̇им̣ нигкибид̇ваа накаад̣̇инаа ваа виж̇жхид̇ваа д̇ам̣ ануд̣̇д̇харид̇ваава ‘габбияа’нд̇и вад̇д̇умби ваддад̇ий’’д̇и вад̣̇анд̇и.
93.Pañcahisamaṇakappehīti pañcahi samaṇavohārehi. Kiñcāpi hi bījānaṃ agginā phuṭṭhamattena nakhādīhi vilikhanamattena ca aviruḷhīdhammatā na hoti, tathāpi evaṃ kateyeva samaṇānaṃ kappatīti aggiparijitādayo samaṇavohārā nāma jātā, tasmā tehi samaṇavohārehi karaṇabhūtehi phalaṃ paribhuñjituṃ anujānāmīti adhippāyo. Abījanibbaṭṭabījānipi samaṇānaṃ kappantīti paññattapaṇṇattibhāvato samaṇavohārāicceva saṅkhaṃ gatāni. Atha vā aggiparijitādīnaṃ pañcannaṃ kappiyabhāvatoyeva pañcahi samaṇakappiyabhāvasaṅkhātehi kāraṇehi phalaṃ paribhuñjituṃ anujānāmīti evamettha adhippāyo veditabbo. Aggiparijitantiādīsu ‘‘paricita’’ntipi paṭhanti. Abījaṃ nāma taruṇambaphalādi. Nibbaṭṭabījaṃ nāma ambapanasādi, yaṃ bījaṃ nibbaṭṭetvā visuṃ katvā paribhuñjituṃ sakkā hoti. ‘‘Kappiya’’nti vatvāva kātabbanti yo kappiyaṃ karoti, tena kattabbākārasseva vuttattā bhikkhunā avuttepi kātuṃ vaṭṭatīti na gahetabbaṃ. Puna ‘‘kappiyaṃ kāretabba’’nti kārāpanassa paṭhamameva kathitattā bhikkhunā ‘‘kappiyaṃ karohī’’ti vutteyeva anupasampannena ‘‘kappiya’’nti vatvā aggiparijitādi kātabbanti gahetabbaṃ. ‘‘Kappiyanti vacanaṃ pana yāya kāyaci bhāsāya vattuṃ vaṭṭatī’’ti vadanti. ‘‘Kappiyanti vatvāva kātabba’’nti vacanato paṭhamaṃ ‘‘kappiya’’nti vatvā pacchā aggiādinā phusanādi kātabbanti veditabbaṃ. ‘‘Paṭhamaṃ aggiṃ nikkhipitvā nakhādinā vā vijjhitvā taṃ anuddharitvāva ‘kappiya’nti vattumpi vaṭṭatī’’ti vadanti.
згасмим̣ б̣ийж̇з ваад̇иаад̣̇ийсу ‘‘згам̣язва гаарзмийд̇и ад̇хиббааяз сад̇иби згааб̣ад̣̇д̇хад̇д̇аа саб̣б̣ам̣ гад̇амзва ход̇ий’’д̇и вад̣̇анд̇и. д̣̇аарум̣ виж̇жхад̇ийд̇и зд̇т̇а ‘‘ж̇аанид̇вааби виж̇жхад̇и ваа виж̇жхаабзд̇и ваа, ваддад̇иязваа’’д̇и вад̣̇анд̇и. бхад̇д̇асид̇т̇з виж̇жхад̇ийд̇и зд̇т̇ааби зсзва наяо. ‘‘д̇ам̣ виж̇жхад̇и, на ваддад̇ийд̇и раж̇ж̇уаад̣̇ийнам̣ бхааж̇анаг̇ад̇игад̇д̇аа’’д̇и вад̣̇анд̇и. марижабаггаад̣̇ийхи миссзд̇ваад̇и зд̇т̇а бхад̇д̇асид̇т̇асамб̣анд̇хавасзна згааб̣ад̣̇д̇хад̇аа взд̣̇ид̇аб̣б̣аа, на палаанам̣язва ан̃н̃аман̃н̃ам̣ самб̣анд̇хавасзна. бхинд̣̇аабзд̇ваа габбияам̣ гаараабзд̇аб̣б̣анд̇и б̣ийж̇ад̇о муд̇д̇асса гадаахасса бхааж̇анаг̇ад̇игад̇д̇аа вуд̇д̇ам̣.
Ekasmiṃ bīje vātiādīsu ‘‘ekaṃyeva kāremīti adhippāye satipi ekābaddhattā sabbaṃ katameva hotī’’ti vadanti. Dāruṃ vijjhatīti ettha ‘‘jānitvāpi vijjhati vā vijjhāpeti vā, vaṭṭatiyevā’’ti vadanti. Bhattasitthe vijjhatīti etthāpi eseva nayo. ‘‘Taṃ vijjhati, na vaṭṭatīti rajjuādīnaṃ bhājanagatikattā’’ti vadanti. Maricapakkādīhi missetvāti ettha bhattasitthasambandhavasena ekābaddhatā veditabbā, na phalānaṃyeva aññamaññaṃ sambandhavasena. Bhindāpetvā kappiyaṃ kārāpetabbanti bījato muttassa kaṭāhassa bhājanagatikattā vuttaṃ.
нигкаамзд̇унд̇и д̇ам̣ бхигкум̣ нигкаамзд̇ум̣. ‘‘сажз зд̇асса анулома’’нд̇и сзнаасанарагкан̣ад̇т̇ааяа анун̃н̃аад̇амби бадаг̇г̇ид̣̇аанаад̣̇им̣ ад̇д̇анааби гаад̇ум̣ ваддад̇ийд̇и зд̇д̇агзнзва ид̣̇амби зд̇асса ануломанд̇и звамад̇хиббааяо сияаа. бадаг̇г̇ид̣̇аанам̣ барид̇д̇агаран̣ан̃жа ад̇д̇ано барасса ваа сзнаасанарагкан̣ад̇т̇ааяа ваддад̇иязва. д̇асмаа сажз д̇асса суд̇д̇асса зд̇ам̣ ануломам̣ сияаа, ад̇д̇ано на ваддад̇и, ан̃н̃асса ваддад̇ийд̇и аяам̣ висзсо гуд̇о лаб̣бхад̇ийд̇и ааха ‘‘ад̇д̇ано на ваддад̇и…бз… на саггаа лад̣̇д̇ху’’нд̇и. сзсамзд̇т̇а уд̇д̇аанамзва. бхууд̇аг̇аамо, бхууд̇аг̇аамасан̃н̃ид̇аа, вигобанам̣ ваа вигобаабанам̣ ваад̇и имаани банзд̇т̇а д̇ийн̣и ан̇г̇аани.
Nikkhāmetunti taṃ bhikkhuṃ nikkhāmetuṃ. ‘‘Sace etassa anuloma’’nti senāsanarakkhaṇatthāya anuññātampi paṭaggidānādiṃ attanāpi kātuṃ vaṭṭatīti ettakeneva idampi etassa anulomanti evamadhippāyo siyā. Paṭaggidānaṃ parittakaraṇañca attano parassa vā senāsanarakkhaṇatthāya vaṭṭatiyeva. Tasmā sace tassa suttassa etaṃ anulomaṃ siyā, attano na vaṭṭati, aññassa vaṭṭatīti ayaṃ viseso kuto labbhatīti āha ‘‘attano na vaṭṭati…pe… na sakkā laddhu’’nti. Sesamettha uttānameva. Bhūtagāmo, bhūtagāmasaññitā, vikopanaṃ vā vikopāpanaṃ vāti imāni panettha tīṇi aṅgāni.
бхууд̇аг̇аамасигкаабад̣̇аван̣н̣анаа нидтид̇аа.
Bhūtagāmasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. бхууд̇аг̇аамасигкаабад̣̇аван̣н̣анаа • 1. Bhūtagāmasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. бхууд̇аг̇аамасигкаабад̣̇аван̣н̣анаа • 1. Bhūtagāmasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. бхууд̇аг̇аамасигкаабад̣̇аван̣н̣анаа • 1. Bhūtagāmasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. бхууд̇аг̇аамасигкаабад̣̇а-ад̇т̇аяож̇анаа • 1. Bhūtagāmasikkhāpada-atthayojanā
