| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
2. бхууд̇аг̇аамаваг̇г̇о
2. Bhūtagāmavaggo
1. бхууд̇аг̇аамасигкаабад̣̇аван̣н̣анаа
1. Bhūtagāmasikkhāpadavaṇṇanā
89. парасум̣ ниг̇г̇ахзд̇ум̣ асаггонд̇од̇и д̣̇ассид̇абхаавам̣ ж̇аанаабзд̇и. гасмаа аяам̣ парасум̣ уг̇г̇ирийд̇и жз? мануссаананд̇иаад̣̇и д̇асса барихааро. ‘‘аагодзси чинд̣̇ийд̇и жа важанад̇о ругкад̣̇звад̇аанам̣ хад̇т̇аани чиж̇ж̇анд̇и, на жаад̇умахаарааж̇игаад̣̇ийнам̣ вияа ажчзж̇ж̇ааний’’д̇и вад̣̇анд̇и.
89.Pharasuṃ niggahetuṃ asakkontoti dassitabhāvaṃ jānāpeti. Kasmā ayaṃ pharasuṃ uggirīti ce? Manussānantiādi tassa parihāro. ‘‘Ākoṭesi chindīti ca vacanato rukkhadevatānaṃ hatthāni chijjanti, na cātumahārājikādīnaṃ viya acchejjānī’’ti vadanti.
90-92. бхаванд̇и ахувун̃жаад̇и д̣̇вигаалиго бхууд̇асад̣̇д̣̇о. яад̣̇и б̣ийж̇ад̇о ниб̣б̣ад̇д̇зна б̣ийж̇ам̣ д̣̇ассид̇ам̣, д̇ад̣̇зва санд̇агам̣ яад̣̇ид̣̇ам̣. сова гуггудо мам̣симагкид̇од̇и аяамзва хи барихааро. адтагат̇аасуби хи ‘‘б̣ийж̇з б̣ийж̇асан̃н̃ий’’д̇и ликид̇ам̣. яам̣ б̣ийж̇ам̣ бхууд̇аг̇аамо наама ход̇и, д̇асмим̣ б̣ийж̇з бхууд̇аг̇аамаб̣ийж̇зд̇и яож̇зд̇ваа. амуулагад̇д̇аа гира самбун̣н̣абхууд̇аг̇аамо на ход̇и, ‘‘самуулабад̇д̇о зва хи бхууд̇аг̇аамо наамаа’’д̇и гааран̣ам̣ вад̣̇анд̇и. ‘‘абхууд̇аг̇аамамуулад̇д̇аад̇и бхууд̇аг̇аамад̇о ануббаннад̇д̇аа абхууд̇аг̇аамамуулам̣, бхууд̇аг̇аамасса амуулагад̇д̇аа ваа. на хи д̇ад̇о ан̃н̃о бхууд̇аг̇аамо уббаж̇ж̇ад̇ий’’д̇и д̣̇вид̇хааби ликид̇ам̣. бияан̇г̇у асанаругко вад̣дханад̇д̇ажо каж̇ж̇апало, ‘‘бийд̇асаало’’д̇иби вужжад̇и. амуулагабхууд̇аг̇аамз сан̇г̇ахам̣ г̇ажчад̇ийд̇и наал̣игзрассзвааяам̣. гхадабидтиж̇аад̇ад̇д̇аа, б̣ийж̇аг̇аамаануломад̇д̇аа жа д̣̇уггадавад̇т̇у. на ваасзд̇аб̣б̣ам̣ ‘‘д̣̇уруубажин̣н̣ад̇д̇аа’’д̇и ликид̇ам̣, ‘‘язсам̣ ругкаанам̣ саакаа рухад̇ийд̇и важанад̇о язсам̣ на рухад̇и, д̇зсам̣ саакааяа габбияагаран̣агижжам̣ над̇т̇ийд̇и сид̣̇д̇ха’’нд̇и вуд̇д̇ам̣. муд̣̇д̣̇ад̇ин̣анд̇и д̇асса наамам̣. ‘‘мун̃ж̇ад̇ин̣анд̇и баато’’д̇и ликид̇ам̣.
90-92.Bhavanti ahuvuñcāti dvikāliko bhūtasaddo. Yadi bījato nibbattena bījaṃ dassitaṃ, tadeva santakaṃ yadidaṃ. Sova kukkuṭo maṃsimakkhitoti ayameva hi parihāro. Aṭṭhakathāsupi hi ‘‘bīje bījasaññī’’ti likhitaṃ. Yaṃ bījaṃ bhūtagāmo nāma hoti, tasmiṃ bīje bhūtagāmabījeti yojetvā. Amūlakattā kira sampuṇṇabhūtagāmo na hoti, ‘‘samūlapatto eva hi bhūtagāmo nāmā’’ti kāraṇaṃ vadanti. ‘‘Abhūtagāmamūlattāti bhūtagāmato anuppannattā abhūtagāmamūlaṃ, bhūtagāmassa amūlakattā vā. Na hi tato añño bhūtagāmo uppajjatī’’ti dvidhāpi likhitaṃ. Piyaṅgu asanarukkho vaḍḍhanattaco khajjaphalo, ‘‘pītasālo’’tipi vuccati. Amūlakabhūtagāme saṅgahaṃ gacchatīti nāḷikerassevāyaṃ. Ghaṭapiṭṭhijātattā, bījagāmānulomattā ca dukkaṭavatthu. Na vāsetabbaṃ ‘‘durūpaciṇṇattā’’ti likhitaṃ, ‘‘yesaṃ rukkhānaṃ sākhā ruhatīti vacanato yesaṃ na ruhati, tesaṃ sākhāya kappiyakaraṇakiccaṃ natthīti siddha’’nti vuttaṃ. Muddatiṇanti tassa nāmaṃ. ‘‘Muñjatiṇanti pāṭho’’ti likhitaṃ.
саман̣агаббзхийд̇и саман̣авохаарзхи, д̇асмаа вад̇д̇аб̣б̣ам̣ бхигкунаа ‘‘габбияам̣ гарохий’’д̇и. д̇асса аан̣ад̇д̇ияаа гаронд̇знааби сааман̣зраад̣̇инаа ‘‘габбияа’’нд̇и вад̇ваава аг̇г̇ибариж̇ид̇ам̣ гаад̇аб̣б̣анд̇и сид̣̇д̇хам̣. аг̇г̇ибариж̇ид̇аад̣̇ийни вияа габбияад̇д̇аа аб̣ийж̇аниб̣б̣аддаб̣ийж̇ааниби ‘‘бан̃жахи саман̣агаббзхий’’д̇и (жуул̣ава. 250) зд̇т̇а бавидтаани, яат̇аалаабхад̇о ваа саман̣агаббаважанам̣ г̇ахзд̇аб̣б̣ам̣. ‘‘габбияа’нд̇и вад̇д̇угаамо ‘габба’нд̇и жз вад̣̇ад̇и, ‘ваддад̇ий’д̇и вад̣̇анд̇ий’’д̇и вуд̇д̇ам̣. ‘‘габбияа’нд̇и важанам̣ сагасагабхаасааяаби ваддад̇ий’’д̇и вад̣̇анд̇и. ‘‘габбияанд̇и вад̇ваа’’д̇и вуд̇д̇ад̇д̇аа бхигкунаа ‘габбияам̣’ижжзва вад̇д̇аб̣б̣ам̣, ‘‘ид̇арзна бана яааяа гааяажи бхаасааяаа’’д̇и вад̣̇анд̇и, виймам̣сид̇аб̣б̣ам̣. ‘‘ужчум̣ габбияам̣ гариссаамийд̇и д̣̇аарум̣ виж̇жхад̇ий’’д̇и важанад̇о габбияам̣ гаад̇аб̣б̣ам̣ санд̇хааяа вирад̣̇д̇хзд̇и вуд̇д̇ам̣ ход̇и, аажарияаа бана ‘‘габбияам̣ гаарзд̇аб̣б̣ам̣ санд̇хааяа габбияанд̇и сид̇т̇аад̣̇им̣ гаарзд̇и, ваддад̇ий’’д̇и вад̣̇анд̇и, д̇асса гааран̣ам̣ вад̣̇анд̇аа гаад̇ум̣ вадданабхаавзнзва вираж̇жхид̇ваа гад̇зби габбияам̣ ж̇аад̇ам̣. яад̣̇и на ваддзяяа, сид̇т̇аад̣̇имхи гад̇з на ваддзяяаад̇и, убабаригкид̇аб̣б̣ам̣. удтид̇асзваалагхадам̣ аад̇абз нигкибид̇ум̣ ваддад̇и, вигобзд̇угаамад̇ааяа сад̇и д̣̇уггадам̣ яуд̇д̇ам̣ вияа. ‘‘бубпараж̇ж̇убхааж̇анаг̇ад̇игаа, д̇асмаа на ваддад̇и. наал̣з ваа б̣ад̣̇д̇хабубпагалаабз наал̣асмим̣ гад̇зби ваддад̇и д̇асмим̣ бубпасса ад̇т̇ид̇ааяаа’’д̇и вад̣̇анд̇и. бораан̣аг̇ан̣тибад̣̇з ‘‘б̣ийж̇аг̇аамзна бхууд̇аг̇аамо д̣̇ассид̇о анавасзсабарияаад̣̇аанад̇т̇а’’нд̇и вуд̇д̇ам̣.
Samaṇakappehīti samaṇavohārehi, tasmā vattabbaṃ bhikkhunā ‘‘kappiyaṃ karohī’’ti. Tassa āṇattiyā karontenāpi sāmaṇerādinā ‘‘kappiya’’nti vatvāva aggiparijitaṃ kātabbanti siddhaṃ. Aggiparijitādīni viya kappiyattā abījanibbaṭṭabījānipi ‘‘pañcahi samaṇakappehī’’ti (cūḷava. 250) ettha paviṭṭhāni, yathālābhato vā samaṇakappavacanaṃ gahetabbaṃ. ‘‘Kappiya’nti vattukāmo ‘kappa’nti ce vadati, ‘vaṭṭatī’ti vadantī’’ti vuttaṃ. ‘‘Kappiya’nti vacanaṃ sakasakabhāsāyapi vaṭṭatī’’ti vadanti. ‘‘Kappiyanti vatvā’’ti vuttattā bhikkhunā ‘kappiyaṃ’icceva vattabbaṃ, ‘‘itarena pana yāya kāyaci bhāsāyā’’ti vadanti, vīmaṃsitabbaṃ. ‘‘Ucchuṃ kappiyaṃ karissāmīti dāruṃ vijjhatī’’ti vacanato kappiyaṃ kātabbaṃ sandhāya viraddheti vuttaṃ hoti, ācariyā pana ‘‘kappiyaṃ kāretabbaṃ sandhāya kappiyanti sitthādiṃ kāreti, vaṭṭatī’’ti vadanti, tassa kāraṇaṃ vadantā kātuṃ vaṭṭanabhāveneva virajjhitvā katepi kappiyaṃ jātaṃ. Yadi na vaṭṭeyya, sitthādimhi kate na vaṭṭeyyāti, upaparikkhitabbaṃ. Uṭṭhitasevālaghaṭaṃ ātape nikkhipituṃ vaṭṭati, vikopetukāmatāya sati dukkaṭaṃ yuttaṃ viya. ‘‘Puppharajjubhājanagatikā, tasmā na vaṭṭati. Nāḷe vā baddhapupphakalāpe nāḷasmiṃ katepi vaṭṭati tasmiṃ pupphassa atthitāyā’’ti vadanti. Porāṇagaṇṭhipade ‘‘bījagāmena bhūtagāmo dassito anavasesapariyādānattha’’nti vuttaṃ.
бхууд̇аг̇аамасигкаабад̣̇аван̣н̣анаа нидтид̇аа.
Bhūtagāmasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. бхууд̇аг̇аамасигкаабад̣̇аван̣н̣анаа • 1. Bhūtagāmasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. бхууд̇аг̇аамасигкаабад̣̇аван̣н̣анаа • 1. Bhūtagāmasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. бхууд̇аг̇аамасигкаабад̣̇аван̣н̣анаа • 1. Bhūtagāmasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. бхууд̇аг̇аамасигкаабад̣̇а-ад̇т̇аяож̇анаа • 1. Bhūtagāmasikkhāpada-atthayojanā
