| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
2. бхууд̇аг̇аамаваг̇г̇о
2. Bhūtagāmavaggo
166. бхууд̇аг̇аамам̣ баад̇знд̇о д̣̇вз аабад̇д̇ияо аабаж̇ж̇ад̇и. баад̇зд̇и, баяог̇з д̣̇уггадам̣; бахаарз бахаарз аабад̇д̇и баажид̇д̇ияасса.
166. Bhūtagāmaṃ pātento dve āpattiyo āpajjati. Pāteti, payoge dukkaṭaṃ; pahāre pahāre āpatti pācittiyassa.
ан̃н̃знан̃н̃ам̣ бадижаранд̇о д̣̇вз аабад̇д̇ияо аабаж̇ж̇ад̇и. анааробид̇з ан̃н̃аваад̣̇агз ан̃н̃знан̃н̃ам̣ бадижарад̇и, аабад̇д̇и д̣̇уггадасса; ааробид̇з ан̃н̃аваад̣̇агз ан̃н̃знан̃н̃ам̣ бадижарад̇и, аабад̇д̇и баажид̇д̇ияасса.
Aññenaññaṃ paṭicaranto dve āpattiyo āpajjati. Anāropite aññavādake aññenaññaṃ paṭicarati, āpatti dukkaṭassa; āropite aññavādake aññenaññaṃ paṭicarati, āpatti pācittiyassa.
бхигкум̣ уж̇жхаабзнд̇о д̣̇вз аабад̇д̇ияо аабаж̇ж̇ад̇и. уж̇жхаабзд̇и, баяог̇з д̣̇уггадам̣; уж̇жхаабид̇з аабад̇д̇и баажид̇д̇ияасса.
Bhikkhuṃ ujjhāpento dve āpattiyo āpajjati. Ujjhāpeti, payoge dukkaṭaṃ; ujjhāpite āpatti pācittiyassa.
сан̇гхигам̣ ман̃жам̣ ваа бийтам̣ ваа бхисим̣ ваа гожчам̣ ваа аж̇жхогаасз сант̇арид̇ваа ануд̣̇д̇харид̇ваа анаабужчаа баггаманд̇о д̣̇вз аабад̇д̇ияо аабаж̇ж̇ад̇и. батамам̣ баад̣̇ам̣ лзд̣д̣убаад̇ам̣ ад̇иггаамзд̇и, аабад̇д̇и д̣̇уггадасса; д̣̇уд̇ияам̣ баад̣̇ам̣ ад̇иггаамзд̇и, аабад̇д̇и баажид̇д̇ияасса.
Saṅghikaṃ mañcaṃ vā pīṭhaṃ vā bhisiṃ vā kocchaṃ vā ajjhokāse santharitvā anuddharitvā anāpucchā pakkamanto dve āpattiyo āpajjati. Paṭhamaṃ pādaṃ leḍḍupātaṃ atikkāmeti, āpatti dukkaṭassa; dutiyaṃ pādaṃ atikkāmeti, āpatti pācittiyassa.
сан̇гхигз вихаарз сзяяам̣ сант̇арид̇ваа ануд̣̇д̇харид̇ваа анаабужчаа баггаманд̇о д̣̇вз аабад̇д̇ияо аабаж̇ж̇ад̇и. батамам̣ баад̣̇ам̣ баригкзбам̣ ад̇иггаамзд̇и, аабад̇д̇и д̣̇уггадасса; д̣̇уд̇ияам̣ баад̣̇ам̣ ад̇иггаамзд̇и, аабад̇д̇и баажид̇д̇ияасса.
Saṅghike vihāre seyyaṃ santharitvā anuddharitvā anāpucchā pakkamanto dve āpattiyo āpajjati. Paṭhamaṃ pādaṃ parikkhepaṃ atikkāmeti, āpatti dukkaṭassa; dutiyaṃ pādaṃ atikkāmeti, āpatti pācittiyassa.
сан̇гхигз вихаарз ж̇аанам̣ буб̣б̣убаг̇ад̇ам̣ бхигкум̣ анубакаж̇ж̇а сзяяам̣ габбзнд̇о д̣̇вз аабад̇д̇ияо аабаж̇ж̇ад̇и. нибаж̇ж̇ад̇и, баяог̇з д̣̇уггадам̣; нибаннз аабад̇д̇и баажид̇д̇ияасса.
Saṅghike vihāre jānaṃ pubbupagataṃ bhikkhuṃ anupakhajja seyyaṃ kappento dve āpattiyo āpajjati. Nipajjati, payoge dukkaṭaṃ; nipanne āpatti pācittiyassa.
бхигкум̣ губид̇о анад̇д̇амано сан̇гхигаа вихаараа ниггад̣дхзнд̇о д̣̇вз аабад̇д̇ияо аабаж̇ж̇ад̇и. ниггад̣дхад̇и, баяог̇з д̣̇уггадам̣; ниггад̣дхид̇з аабад̇д̇и баажид̇д̇ияасса.
Bhikkhuṃ kupito anattamano saṅghikā vihārā nikkaḍḍhento dve āpattiyo āpajjati. Nikkaḍḍhati, payoge dukkaṭaṃ; nikkaḍḍhite āpatti pācittiyassa.
сан̇гхигз вихаарз убаривзхаасагудияаа аахажжабаад̣̇агам̣ ман̃жам̣ ваа бийтам̣ ваа абхинисийд̣̇анд̇о д̣̇вз аабад̇д̇ияо аабаж̇ж̇ад̇и. абхинисийд̣̇ад̇и, баяог̇з д̣̇уггадам̣; абхинисиннз аабад̇д̇и баажид̇д̇ияасса.
Saṅghike vihāre uparivehāsakuṭiyā āhaccapādakaṃ mañcaṃ vā pīṭhaṃ vā abhinisīdanto dve āpattiyo āpajjati. Abhinisīdati, payoge dukkaṭaṃ; abhinisinne āpatti pācittiyassa.
д̣̇вад̇д̇ибарияааяз ад̇хидтахид̇ваа д̇ад̇уд̇д̇ари ад̇хидтаханд̇о д̣̇вз аабад̇д̇ияо аабаж̇ж̇ад̇и. ад̇хидтзд̇и, баяог̇з д̣̇уггадам̣; ад̇хидтид̇з аабад̇д̇и баажид̇д̇ияасса.
Dvattipariyāye adhiṭṭhahitvā tatuttari adhiṭṭhahanto dve āpattiyo āpajjati. Adhiṭṭheti, payoge dukkaṭaṃ; adhiṭṭhite āpatti pācittiyassa.
ж̇аанам̣ саббаан̣агам̣ уд̣̇агам̣ д̇ин̣ам̣ ваа мад̇д̇игам̣ ваа син̃жанд̇о д̣̇вз аабад̇д̇ияо аабаж̇ж̇ад̇и. син̃жад̇и, баяог̇з д̣̇уггадам̣; син̃жид̇з аабад̇д̇и баажид̇д̇ияасса.
Jānaṃ sappāṇakaṃ udakaṃ tiṇaṃ vā mattikaṃ vā siñcanto dve āpattiyo āpajjati. Siñcati, payoge dukkaṭaṃ; siñcite āpatti pācittiyassa.
бхууд̇аг̇аамаваг̇г̇о д̣̇уд̇ияо.
Bhūtagāmavaggo dutiyo.
Related texts:
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гад̇аабад̇д̇иваараад̣̇иван̣н̣анаа • Katāpattivārādivaṇṇanā
