| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
8. பூ⁴தாரோசனஸிக்கா²பத³ங்
8. Bhūtārocanasikkhāpadaṃ
67. அட்ட²மே தத்தா²தி சதுத்த²பாராஜிகஸிக்கா²பதே³. இதா⁴தி பூ⁴தாரோசனஸிக்கா²பதே³. ஹீதி ஸச்சங், யஸ்மா வா. பயுத்தவாசாதி பச்சயேஹி யுத்தா வாசா. ததா²தி ததோ கு³ணாரோசனகாரணா, அரியா ஸாதி³யிங்ஸூதி யோஜனா.
67. Aṭṭhame tatthāti catutthapārājikasikkhāpade. Idhāti bhūtārocanasikkhāpade. Hīti saccaṃ, yasmā vā. Payuttavācāti paccayehi yuttā vācā. Tathāti tato guṇārocanakāraṇā, ariyā sādiyiṃsūti yojanā.
யதஸத்³தா³னங் நிச்சஸம்ப³ந்த⁴த்தா வுத்தங் ‘‘யே’’திஆதி³. ஸப்³பே³பீதி புது²ஜ்ஜனாரியாபி. பூ⁴தந்தி விஜ்ஜமானங். கஸ்மா ஸப்³பே³பி படிஜானிங்ஸு, நனு அரியேஹி அத்தனோ கு³ணானங் அனாரோசிதத்தா ந படிஜானிதப்³ப³ந்தி ஆஹ ‘‘அரியானம்பீ’’திஆதி³. ஹீதி ஸச்சங், யஸ்மா வா. அரியானம்பி அப்³ப⁴ந்தரே உத்தரிமனுஸ்ஸத⁴ம்மோ யஸ்மா பூ⁴தோ ஹோதி, தஸ்மா ஸப்³பே³பி ‘‘பூ⁴தங் ப⁴க³வா’’தி படிஜானிங்ஸூதி யோஜனா. யஸ்மா பா⁴ஸிதோ விய ஹோதி, தஸ்மாதி யோஜனா. அரியா படிஜானிங்ஸூதி ஸம்ப³ந்தோ⁴. அனாதீ³னவத³ஸ்ஸினோதி தோ³ஸஸ்ஸ அத³ஸ்ஸனத⁴ம்மா. தேஹீதி அரியேஹி, பா⁴ஸிதோதி ஸம்ப³ந்தோ⁴. யங் பிண்ட³பாதங் உப்பாதே³ஸுந்தி யோஜனா. அஞ்ஞேதி புது²ஜ்ஜனா. ஸப்³ப³ஸங்கா³ஹிகேனேவாதி ஸப்³பே³ஸங் புது²ஜ்ஜனாரியானங் ஸங்க³ஹணே பவத்தேனேவ. ஸிக்கா²பத³விப⁴ங்கே³பீதி ஸிக்கா²பத³ஸ்ஸ பத³பா⁴ஜனியேபி. தத்தா²தி சதுத்த²பாராஜிகே. இதா⁴தி இமஸ்மிங் ஸிக்கா²பதே³.
Yatasaddānaṃ niccasambandhattā vuttaṃ ‘‘ye’’tiādi. Sabbepīti puthujjanāriyāpi. Bhūtanti vijjamānaṃ. Kasmā sabbepi paṭijāniṃsu, nanu ariyehi attano guṇānaṃ anārocitattā na paṭijānitabbanti āha ‘‘ariyānampī’’tiādi. Hīti saccaṃ, yasmā vā. Ariyānampi abbhantare uttarimanussadhammo yasmā bhūto hoti, tasmā sabbepi ‘‘bhūtaṃ bhagavā’’ti paṭijāniṃsūti yojanā. Yasmā bhāsito viya hoti, tasmāti yojanā. Ariyā paṭijāniṃsūti sambandho. Anādīnavadassinoti dosassa adassanadhammā. Tehīti ariyehi, bhāsitoti sambandho. Yaṃ piṇḍapātaṃ uppādesunti yojanā. Aññeti puthujjanā. Sabbasaṅgāhikenevāti sabbesaṃ puthujjanāriyānaṃ saṅgahaṇe pavatteneva. Sikkhāpadavibhaṅgepīti sikkhāpadassa padabhājaniyepi. Tatthāti catutthapārājike. Idhāti imasmiṃ sikkhāpade.
77. உத்தரிமனுஸ்ஸத⁴ம்மமேவ ஸந்தா⁴ய வுத்தங், ந ஸுதாதி³கு³ணந்தி அத்தோ². அந்தரா வாதி பரினிப்³பா³னகாலதோ அஞ்ஞஸ்மிங் காலே வா. அதிகட்³டி⁴யமானேனாதி அதினிப்பீளியமானேன. உம்மத்தகஸ்ஸாதி இத³ங் பனாதி எத்த² இதி-ஸத்³தோ³ ஆத்³யத்தோ². தேன ‘‘கி²த்தசித்தஸ்ஸா’’திஆதி³ங் ஸங்க³ண்ஹாதி. தி³ட்டி²ஸம்பன்னானந்தி மக்³க³பஞ்ஞாய, ப²லபஞ்ஞாய ச ஸம்பன்னானங். அனாபத்தீதி பாசித்தியாபத்தியா அனாபத்தி ந வத்தப்³பா³, ஆபத்தியேவ ஹோதி, தஸ்மா ‘‘உம்மத்தகஸ்ஸ அனாபத்தீ’’தி ந வத்தப்³ப³ந்தி அதி⁴ப்பாயோதி. அட்ட²மங்.
77. Uttarimanussadhammameva sandhāya vuttaṃ, na sutādiguṇanti attho. Antarā vāti parinibbānakālato aññasmiṃ kāle vā. Atikaḍḍhiyamānenāti atinippīḷiyamānena. Ummattakassātiidaṃ panāti ettha iti-saddo ādyattho. Tena ‘‘khittacittassā’’tiādiṃ saṅgaṇhāti. Diṭṭhisampannānanti maggapaññāya, phalapaññāya ca sampannānaṃ. Anāpattīti pācittiyāpattiyā anāpatti na vattabbā, āpattiyeva hoti, tasmā ‘‘ummattakassa anāpattī’’ti na vattabbanti adhippāyoti. Aṭṭhamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 1. முஸாவாத³வக்³கோ³ • 1. Musāvādavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 8. பூ⁴தாரோசனஸிக்கா²பத³வண்ணனா • 8. Bhūtārocanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 8. பூ⁴தாரோசனஸிக்கா²பத³வண்ணனா • 8. Bhūtārocanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 8. பூ⁴தாரோசனஸிக்கா²பத³வண்ணனா • 8. Bhūtārocanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 8. பூ⁴தாரோசனஸிக்கா²பத³வண்ணனா • 8. Bhūtārocanasikkhāpadavaṇṇanā
