| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੮. ਭੂਤਾਰੋਚਨਸਿਕ੍ਖਾਪਦਂ
8. Bhūtārocanasikkhāpadaṃ
੬੭. ਅਟ੍ਠਮੇ ਤਤ੍ਥਾਤਿ ਚਤੁਤ੍ਥਪਾਰਾਜਿਕਸਿਕ੍ਖਾਪਦੇ। ਇਧਾਤਿ ਭੂਤਾਰੋਚਨਸਿਕ੍ਖਾਪਦੇ। ਹੀਤਿ ਸਚ੍ਚਂ, ਯਸ੍ਮਾ વਾ। ਪਯੁਤ੍ਤવਾਚਾਤਿ ਪਚ੍ਚਯੇਹਿ ਯੁਤ੍ਤਾ વਾਚਾ। ਤਥਾਤਿ ਤਤੋ ਗੁਣਾਰੋਚਨਕਾਰਣਾ, ਅਰਿਯਾ ਸਾਦਿਯਿਂਸੂਤਿ ਯੋਜਨਾ।
67. Aṭṭhame tatthāti catutthapārājikasikkhāpade. Idhāti bhūtārocanasikkhāpade. Hīti saccaṃ, yasmā vā. Payuttavācāti paccayehi yuttā vācā. Tathāti tato guṇārocanakāraṇā, ariyā sādiyiṃsūti yojanā.
ਯਤਸਦ੍ਦਾਨਂ ਨਿਚ੍ਚਸਮ੍ਬਨ੍ਧਤ੍ਤਾ વੁਤ੍ਤਂ ‘‘ਯੇ’’ਤਿਆਦਿ। ਸਬ੍ਬੇਪੀਤਿ ਪੁਥੁਜ੍ਜਨਾਰਿਯਾਪਿ। ਭੂਤਨ੍ਤਿ વਿਜ੍ਜਮਾਨਂ। ਕਸ੍ਮਾ ਸਬ੍ਬੇਪਿ ਪਟਿਜਾਨਿਂਸੁ, ਨਨੁ ਅਰਿਯੇਹਿ ਅਤ੍ਤਨੋ ਗੁਣਾਨਂ ਅਨਾਰੋਚਿਤਤ੍ਤਾ ਨ ਪਟਿਜਾਨਿਤਬ੍ਬਨ੍ਤਿ ਆਹ ‘‘ਅਰਿਯਾਨਮ੍ਪੀ’’ਤਿਆਦਿ। ਹੀਤਿ ਸਚ੍ਚਂ, ਯਸ੍ਮਾ વਾ। ਅਰਿਯਾਨਮ੍ਪਿ ਅਬ੍ਭਨ੍ਤਰੇ ਉਤ੍ਤਰਿਮਨੁਸ੍ਸਧਮ੍ਮੋ ਯਸ੍ਮਾ ਭੂਤੋ ਹੋਤਿ, ਤਸ੍ਮਾ ਸਬ੍ਬੇਪਿ ‘‘ਭੂਤਂ ਭਗવਾ’’ਤਿ ਪਟਿਜਾਨਿਂਸੂਤਿ ਯੋਜਨਾ। ਯਸ੍ਮਾ ਭਾਸਿਤੋ વਿਯ ਹੋਤਿ, ਤਸ੍ਮਾਤਿ ਯੋਜਨਾ। ਅਰਿਯਾ ਪਟਿਜਾਨਿਂਸੂਤਿ ਸਮ੍ਬਨ੍ਧੋ। ਅਨਾਦੀਨવਦਸ੍ਸਿਨੋਤਿ ਦੋਸਸ੍ਸ ਅਦਸ੍ਸਨਧਮ੍ਮਾ। ਤੇਹੀਤਿ ਅਰਿਯੇਹਿ, ਭਾਸਿਤੋਤਿ ਸਮ੍ਬਨ੍ਧੋ। ਯਂ ਪਿਣ੍ਡਪਾਤਂ ਉਪ੍ਪਾਦੇਸੁਨ੍ਤਿ ਯੋਜਨਾ। ਅਞ੍ਞੇਤਿ ਪੁਥੁਜ੍ਜਨਾ। ਸਬ੍ਬਸਙ੍ਗਾਹਿਕੇਨੇવਾਤਿ ਸਬ੍ਬੇਸਂ ਪੁਥੁਜ੍ਜਨਾਰਿਯਾਨਂ ਸਙ੍ਗਹਣੇ ਪવਤ੍ਤੇਨੇવ। ਸਿਕ੍ਖਾਪਦવਿਭਙ੍ਗੇਪੀਤਿ ਸਿਕ੍ਖਾਪਦਸ੍ਸ ਪਦਭਾਜਨਿਯੇਪਿ। ਤਤ੍ਥਾਤਿ ਚਤੁਤ੍ਥਪਾਰਾਜਿਕੇ। ਇਧਾਤਿ ਇਮਸ੍ਮਿਂ ਸਿਕ੍ਖਾਪਦੇ।
Yatasaddānaṃ niccasambandhattā vuttaṃ ‘‘ye’’tiādi. Sabbepīti puthujjanāriyāpi. Bhūtanti vijjamānaṃ. Kasmā sabbepi paṭijāniṃsu, nanu ariyehi attano guṇānaṃ anārocitattā na paṭijānitabbanti āha ‘‘ariyānampī’’tiādi. Hīti saccaṃ, yasmā vā. Ariyānampi abbhantare uttarimanussadhammo yasmā bhūto hoti, tasmā sabbepi ‘‘bhūtaṃ bhagavā’’ti paṭijāniṃsūti yojanā. Yasmā bhāsito viya hoti, tasmāti yojanā. Ariyā paṭijāniṃsūti sambandho. Anādīnavadassinoti dosassa adassanadhammā. Tehīti ariyehi, bhāsitoti sambandho. Yaṃ piṇḍapātaṃ uppādesunti yojanā. Aññeti puthujjanā. Sabbasaṅgāhikenevāti sabbesaṃ puthujjanāriyānaṃ saṅgahaṇe pavatteneva. Sikkhāpadavibhaṅgepīti sikkhāpadassa padabhājaniyepi. Tatthāti catutthapārājike. Idhāti imasmiṃ sikkhāpade.
੭੭. ਉਤ੍ਤਰਿਮਨੁਸ੍ਸਧਮ੍ਮਮੇવ ਸਨ੍ਧਾਯ વੁਤ੍ਤਂ, ਨ ਸੁਤਾਦਿਗੁਣਨ੍ਤਿ ਅਤ੍ਥੋ। ਅਨ੍ਤਰਾ વਾਤਿ ਪਰਿਨਿਬ੍ਬਾਨਕਾਲਤੋ ਅਞ੍ਞਸ੍ਮਿਂ ਕਾਲੇ વਾ। ਅਤਿਕਡ੍ਢਿਯਮਾਨੇਨਾਤਿ ਅਤਿਨਿਪ੍ਪੀਲ਼ਿਯਮਾਨੇਨ। ਉਮ੍ਮਤ੍ਤਕਸ੍ਸਾਤਿ ਇਦਂ ਪਨਾਤਿ ਏਤ੍ਥ ਇਤਿ-ਸਦ੍ਦੋ ਆਦ੍ਯਤ੍ਥੋ। ਤੇਨ ‘‘ਖਿਤ੍ਤਚਿਤ੍ਤਸ੍ਸਾ’’ਤਿਆਦਿਂ ਸਙ੍ਗਣ੍ਹਾਤਿ। ਦਿਟ੍ਠਿਸਮ੍ਪਨ੍ਨਾਨਨ੍ਤਿ ਮਗ੍ਗਪਞ੍ਞਾਯ, ਫਲਪਞ੍ਞਾਯ ਚ ਸਮ੍ਪਨ੍ਨਾਨਂ। ਅਨਾਪਤ੍ਤੀਤਿ ਪਾਚਿਤ੍ਤਿਯਾਪਤ੍ਤਿਯਾ ਅਨਾਪਤ੍ਤਿ ਨ વਤ੍ਤਬ੍ਬਾ, ਆਪਤ੍ਤਿਯੇવ ਹੋਤਿ, ਤਸ੍ਮਾ ‘‘ਉਮ੍ਮਤ੍ਤਕਸ੍ਸ ਅਨਾਪਤ੍ਤੀ’’ਤਿ ਨ વਤ੍ਤਬ੍ਬਨ੍ਤਿ ਅਧਿਪ੍ਪਾਯੋਤਿ। ਅਟ੍ਠਮਂ।
77. Uttarimanussadhammameva sandhāya vuttaṃ, na sutādiguṇanti attho. Antarā vāti parinibbānakālato aññasmiṃ kāle vā. Atikaḍḍhiyamānenāti atinippīḷiyamānena. Ummattakassātiidaṃ panāti ettha iti-saddo ādyattho. Tena ‘‘khittacittassā’’tiādiṃ saṅgaṇhāti. Diṭṭhisampannānanti maggapaññāya, phalapaññāya ca sampannānaṃ. Anāpattīti pācittiyāpattiyā anāpatti na vattabbā, āpattiyeva hoti, tasmā ‘‘ummattakassa anāpattī’’ti na vattabbanti adhippāyoti. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧. ਮੁਸਾવਾਦવਗ੍ਗੋ • 1. Musāvādavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੮. ਭੂਤਾਰੋਚਨਸਿਕ੍ਖਾਪਦવਣ੍ਣਨਾ • 8. Bhūtārocanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੮. ਭੂਤਾਰੋਚਨਸਿਕ੍ਖਾਪਦવਣ੍ਣਨਾ • 8. Bhūtārocanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੮. ਭੂਤਾਰੋਚਨਸਿਕ੍ਖਾਪਦવਣ੍ਣਨਾ • 8. Bhūtārocanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੮. ਭੂਤਾਰੋਚਨਸਿਕ੍ਖਾਪਦવਣ੍ਣਨਾ • 8. Bhūtārocanasikkhāpadavaṇṇanā
