| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
8. бхууд̇аарожанасигкаабад̣̇аван̣н̣анаа
8. Bhūtārocanasikkhāpadavaṇṇanā
67. адтамасигкаабад̣̇з – вад̇т̇угат̇ааяа д̇аава яам̣ вад̇д̇аб̣б̣ам̣ сияаа, д̇ам̣ саб̣б̣ам̣ жад̇уд̇т̇абаарааж̇игаван̣н̣анааяам̣ вуд̇д̇анаяамзва. аяамзва хи висзсо – д̇ад̇т̇а абхууд̇ам̣ аарожзсум̣, ид̇ха бхууд̇ам̣. бхууд̇амби бут̇уж̇ж̇анаа аарожзсум̣, на арияаа. арияаанан̃хи баяуд̇д̇аваажаа наама над̇т̇и, ад̇д̇ано г̇ун̣з аарожаяамаанз бана ан̃н̃з на бадисзд̇хзсум̣, д̇ат̇аауббаннз жа бажжаяз саад̣̇ияим̣су, д̇ат̇аауббаннабхаавам̣ аж̇аананд̇аа.
67. Aṭṭhamasikkhāpade – vatthukathāya tāva yaṃ vattabbaṃ siyā, taṃ sabbaṃ catutthapārājikavaṇṇanāyaṃ vuttanayameva. Ayameva hi viseso – tattha abhūtaṃ ārocesuṃ, idha bhūtaṃ. Bhūtampi puthujjanā ārocesuṃ, na ariyā. Ariyānañhi payuttavācā nāma natthi, attano guṇe ārocayamāne pana aññe na paṭisedhesuṃ, tathāuppanne ca paccaye sādiyiṃsu, tathāuppannabhāvaṃ ajānantā.
‘‘ат̇а ко д̇з бхигкуу бхаг̇авад̇о зд̇амад̇т̇ам̣ аарожзсу’’нд̇иаад̣̇имхи бана яз уд̇д̇аримануссад̇хаммасса ван̣н̣ам̣ бхаасим̣су, д̇з аарожзсунд̇и взд̣̇ид̇аб̣б̣ам̣. ‘‘гажжи бана во бхигкавз бхууд̇а’’нд̇и бужчид̇з бана саб̣б̣зби ‘‘бхууд̇ам̣ бхаг̇аваа’’д̇и бадиж̇ааним̣су. арияаанамби хи аб̣бханд̇арз бхууд̇о уд̇д̇аримануссад̇хаммод̇и. ат̇а бхаг̇аваа арияамиссагад̇д̇аа ‘‘могхабурисаа’’д̇и авад̇ваа ‘‘гат̇ан̃хи наама д̇умхз бхигкавз’’д̇и вад̇ваа ‘‘уд̣̇арасса гааран̣аа’’д̇иаад̣̇имааха. д̇ад̇т̇а яасмаа арияаа ан̃н̃зсам̣ суд̇ваа ‘‘аяяо гира, бханд̇з, сод̇аабанно’’д̇иаад̣̇инаа наязна басаннзхи мануссзхи бужчияамаанаа абан̃н̃ад̇д̇з сигкаабад̣̇з анаад̣̇ийнавад̣̇ассино суд̣̇д̇хажид̇д̇ад̇ааяа ад̇д̇ано жа барзсан̃жа висзсаад̇хиг̇амам̣ бадиж̇ааним̣су. звам̣ бадиж̇аананд̇зхи жа д̇зхи яам̣ ан̃н̃з уд̣̇арасса гааран̣аа уд̇д̇аримануссад̇хаммасса ван̣н̣ам̣ бхаасид̇ваа бин̣д̣абаад̇ам̣ уббаад̣̇зсум̣, д̇ам̣ суд̣̇д̇хажид̇д̇ад̇ааяа саад̣̇ияанд̇зхиби уд̣̇арасса гааран̣аа уд̇д̇аримануссад̇хаммасса ван̣н̣о бхаасид̇о вияа ход̇и. д̇асмаа саб̣б̣асан̇г̇аахигзнзва наязна ‘‘гат̇ан̃хи наама д̇умхз, бхигкавз, уд̣̇арасса гааран̣аа г̇ихийнам̣ ан̃н̃аман̃н̃ам̣ уд̇д̇аримануссад̇хаммасса ван̣н̣ам̣ бхаасиссат̇аа’’д̇и ааха. сзсам̣ жад̇уд̇т̇абаарааж̇игавад̇т̇усад̣̇исамзва. сигкаабад̣̇авибхан̇г̇зби гзвалам̣ д̇ад̇т̇а баарааж̇иган̃жзва т̇уллажжаяан̃жа ид̇ха бхууд̇ад̇д̇аа баажид̇д̇ияан̃жзва д̣̇уггадан̃жа аяам̣ висзсо. сзсам̣ вуд̇д̇анаяамзва.
‘‘Atha kho te bhikkhū bhagavato etamatthaṃ ārocesu’’ntiādimhi pana ye uttarimanussadhammassa vaṇṇaṃ bhāsiṃsu, te ārocesunti veditabbaṃ. ‘‘Kacci pana vo bhikkhave bhūta’’nti pucchite pana sabbepi ‘‘bhūtaṃ bhagavā’’ti paṭijāniṃsu. Ariyānampi hi abbhantare bhūto uttarimanussadhammoti. Atha bhagavā ariyamissakattā ‘‘moghapurisā’’ti avatvā ‘‘kathañhi nāma tumhe bhikkhave’’ti vatvā ‘‘udarassa kāraṇā’’tiādimāha. Tattha yasmā ariyā aññesaṃ sutvā ‘‘ayyo kira, bhante, sotāpanno’’tiādinā nayena pasannehi manussehi pucchiyamānā apaññatte sikkhāpade anādīnavadassino suddhacittatāya attano ca paresañca visesādhigamaṃ paṭijāniṃsu. Evaṃ paṭijānantehi ca tehi yaṃ aññe udarassa kāraṇā uttarimanussadhammassa vaṇṇaṃ bhāsitvā piṇḍapātaṃ uppādesuṃ, taṃ suddhacittatāya sādiyantehipi udarassa kāraṇā uttarimanussadhammassa vaṇṇo bhāsito viya hoti. Tasmā sabbasaṅgāhikeneva nayena ‘‘kathañhi nāma tumhe, bhikkhave, udarassa kāraṇā gihīnaṃ aññamaññaṃ uttarimanussadhammassa vaṇṇaṃ bhāsissathā’’ti āha. Sesaṃ catutthapārājikavatthusadisameva. Sikkhāpadavibhaṅgepi kevalaṃ tattha pārājikañceva thullaccayañca idha bhūtattā pācittiyañceva dukkaṭañca ayaṃ viseso. Sesaṃ vuttanayameva.
77. ‘‘убасамбаннасса бхууд̇ам̣ аарожзд̇ий’’д̇и уд̇д̇аримануссад̇хаммамзва санд̇хааяа вуд̇д̇ам̣. бариниб̣б̣аанагаалз хи анд̇араа ваа ад̇игад̣дхияамаанзна убасамбаннасса бхууд̇ам̣ аарожзд̇ум̣ ваддад̇и. суд̇абарияад̇д̇исийлаг̇ун̣ам̣ бана анубасамбаннассааби аарожзд̇ум̣ ваддад̇и. аад̣̇игаммигасса анаабад̇д̇и. ‘‘уммад̇д̇агассаа’’д̇и ид̣̇ам̣ бана ид̇ха на вуд̇д̇ам̣. гасмаа? д̣̇идтисамбаннаанам̣ уммаад̣̇асса ваа жид̇д̇агкзбасса ваа абхааваад̇и. махаабажжарияамби хи вижаарид̇ам̣ ‘‘жхааналаабхий бана барихийнз жхаанз уммад̇д̇аго бхавзяяа, д̇ассаби бхууд̇аарожанабажжаяаа анаабад̇д̇и на вад̇д̇аб̣б̣аа, бхууд̇ассзва абхаавад̇о’’д̇и. сзсам̣ уд̇д̇аанамзва.
77.‘‘Upasampannassa bhūtaṃ ārocetī’’ti uttarimanussadhammameva sandhāya vuttaṃ. Parinibbānakāle hi antarā vā atikaḍḍhiyamānena upasampannassa bhūtaṃ ārocetuṃ vaṭṭati. Sutapariyattisīlaguṇaṃ pana anupasampannassāpi ārocetuṃ vaṭṭati. Ādikammikassa anāpatti. ‘‘Ummattakassā’’ti idaṃ pana idha na vuttaṃ. Kasmā? Diṭṭhisampannānaṃ ummādassa vā cittakkhepassa vā abhāvāti. Mahāpaccariyampi hi vicāritaṃ ‘‘jhānalābhī pana parihīne jhāne ummattako bhaveyya, tassapi bhūtārocanapaccayā anāpatti na vattabbā, bhūtasseva abhāvato’’ti. Sesaṃ uttānameva.
бхууд̇аарожанам̣ наамзд̇ам̣ буб̣б̣з авуд̇д̇зхи д̇ийхи самудтаанзхи самудтаад̇и – гааяад̇о ваажад̇о гааяаваажад̇о жаад̇и. гирияам̣ , носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, гусалааб̣яаагад̇ажид̇д̇зхи д̣̇вижид̇д̇ам̣, сукамаж̇жхад̇д̇авзд̣̇анаахи д̣̇вивзд̣̇ананд̇и.
Bhūtārocanaṃ nāmetaṃ pubbe avuttehi tīhi samuṭṭhānehi samuṭṭhāti – kāyato vācato kāyavācato cāti. Kiriyaṃ , nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, kusalābyākatacittehi dvicittaṃ, sukhamajjhattavedanāhi dvivedananti.
бхууд̇аарожанасигкаабад̣̇ам̣ адтамам̣.
Bhūtārocanasikkhāpadaṃ aṭṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. бхууд̇аарожанасигкаабад̣̇аван̣н̣анаа • 8. Bhūtārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. бхууд̇аарожанасигкаабад̣̇аван̣н̣анаа • 8. Bhūtārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. бхууд̇аарожанасигкаабад̣̇аван̣н̣анаа • 8. Bhūtārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. бхууд̇аарожанасигкаабад̣̇ам̣ • 8. Bhūtārocanasikkhāpadaṃ
