| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
8. бхууд̇аарожанасигкаабад̣̇аван̣н̣анаа
8. Bhūtārocanasikkhāpadavaṇṇanā
77. адтамз анд̇араад̇и бариниб̣б̣аанасамаяад̇о ан̃н̃асмим̣ гаалз. ад̇игад̣дхияамаанзнаад̇и ‘‘вад̣̇ат̇а, бханд̇з, гим̣ д̇умхзхи ад̇хиг̇ад̇а’’нд̇и звам̣ ниббийл̣ияамаанзна. анад̇игад̣дхияамаанзнаби бужчид̇з ваа абужчид̇з ваа д̇ат̇ааруубз гааран̣з сад̇и аарожзд̇ум̣ ваддад̇иязва. д̇знзва ан̃н̃ад̇арзна д̣̇ахарабхигкунаа убавад̣̇ид̇о ан̃н̃ад̇аро т̇зро ‘‘аавусо, убаримаг̇г̇ад̇т̇ааяа вааяаамам̣ маа агааси, кийн̣аасаво д̇аяаа убавад̣̇ид̇о’’д̇и ааха. т̇зрзна жа ‘‘ад̇т̇и д̇з, аавусо, имасмим̣ саасанз бад̇идтаа’’д̇и вуд̇д̇о д̣̇ахарабхигку ‘‘аама, бханд̇з, сод̇аабанно аха’’нд̇и авожа. ‘‘гаараго аяа’’нд̇и н̃ад̇вааби бадибад̇д̇ияаа амогхабхаавад̣̇ассанзна самуд̇д̇зж̇анааяа самбахам̣санааяа жа арияаа ад̇д̇аанам̣ багаасзнд̇иязва. суд̇абарияад̇д̇исийлаг̇ун̣анд̇и суд̇аг̇ун̣ам̣ барияад̇д̇иг̇ун̣ам̣ сийлаг̇ун̣ан̃жа. уммад̇д̇агасса ид̇ха аважанз гааран̣ам̣ вад̣̇анд̇зна кид̇д̇ажид̇д̇авзд̣̇анаддаанамби аважанз гааран̣ам̣ вуд̇д̇амзваад̇и д̣̇адтаб̣б̣ам̣. ид̇и-сад̣̇д̣̇зна ваа аад̣̇иад̇т̇зна кид̇д̇ажид̇д̇авзд̣̇анаддз сан̇г̇ан̣хаад̇и. д̇знзва вад̣̇ад̇и ‘‘жид̇д̇агкзбасса ваа абхааваа’’д̇и. д̣̇идтисамбаннаананд̇и маг̇г̇апалад̣̇идтияаа саманнааг̇ад̇аанам̣. арияаанамзва хи уммад̇д̇агаад̣̇ибхааво над̇т̇и. жхааналаабхино бана д̇асмим̣ сад̇и жхаанаа барихааяанд̇и, д̇асмаа д̇зсам̣ абхууд̇аарожанабажжаяаа анаабад̇д̇и вад̇д̇аб̣б̣аа, на бхууд̇аарожанабажжаяаа. д̇знзвааха ‘‘бхууд̇аарожанабажжаяаа анаабад̇д̇и на вад̇д̇аб̣б̣аа’’д̇и.
77. Aṭṭhame antarāti parinibbānasamayato aññasmiṃ kāle. Atikaḍḍhiyamānenāti ‘‘vadatha, bhante, kiṃ tumhehi adhigata’’nti evaṃ nippīḷiyamānena. Anatikaḍḍhiyamānenapi pucchite vā apucchite vā tathārūpe kāraṇe sati ārocetuṃ vaṭṭatiyeva. Teneva aññatarena daharabhikkhunā upavadito aññataro thero ‘‘āvuso, uparimaggatthāya vāyāmaṃ mā akāsi, khīṇāsavo tayā upavadito’’ti āha. Therena ca ‘‘atthi te, āvuso, imasmiṃ sāsane patiṭṭhā’’ti vutto daharabhikkhu ‘‘āma, bhante, sotāpanno aha’’nti avoca. ‘‘Kārako aya’’nti ñatvāpi paṭipattiyā amoghabhāvadassanena samuttejanāya sampahaṃsanāya ca ariyā attānaṃ pakāsentiyeva. Sutapariyattisīlaguṇanti sutaguṇaṃ pariyattiguṇaṃ sīlaguṇañca. Ummattakassa idha avacane kāraṇaṃ vadantena khittacittavedanaṭṭānampi avacane kāraṇaṃ vuttamevāti daṭṭhabbaṃ. Iti-saddena vā ādiatthena khittacittavedanaṭṭe saṅgaṇhāti. Teneva vadati ‘‘cittakkhepassa vā abhāvā’’ti. Diṭṭhisampannānanti maggaphaladiṭṭhiyā samannāgatānaṃ. Ariyānameva hi ummattakādibhāvo natthi. Jhānalābhino pana tasmiṃ sati jhānā parihāyanti, tasmā tesaṃ abhūtārocanapaccayā anāpatti vattabbā, na bhūtārocanapaccayā. Tenevāha ‘‘bhūtārocanapaccayā anāpatti na vattabbā’’ti.
буб̣б̣з авуд̇д̇зхийд̇и жад̇уд̇т̇абаарааж̇игз авуд̇д̇зхи. ид̣̇ан̃жа сигкаабад̣̇ам̣ бан̣н̣ад̇д̇иаж̇аананавасзна ажид̇д̇агасамудтаанам̣ ход̇и. арияаа жзд̇т̇а бан̣н̣ад̇д̇им̣ ж̇аананд̇аа вийд̇иггамам̣ на гаронд̇и, бут̇уж̇ж̇анаа бана бан̣н̣ад̇д̇им̣ ж̇аанид̇вааби вийд̇иггамам̣ гаронд̇и, д̇з жа сад̇т̇уно аан̣аавийд̇иггамажзд̇анааяа б̣алаваагусалабхаавад̇о жхаанаа барихааяанд̇ийд̇и д̣̇адтаб̣б̣ам̣, уггадтабарижчзд̣̇зна арияабуг̇г̇алз зва санд̇хааяа ‘‘гусалааб̣яаагад̇ажид̇д̇зхи д̣̇вижид̇д̇а’’нд̇и вуд̇д̇ам̣. бан̣н̣ад̇д̇им̣ аж̇аананд̇аа бана жхааналаабхий бут̇уж̇ж̇анаа вад̇т̇умхи лобхавасзна агусалажид̇д̇знаби на аарожзнд̇ийд̇и над̇т̇и. ид̇ха д̣̇угкавзд̣̇анааяа абхаавад̇о ‘‘д̣̇вивзд̣̇ана’’нд̇и имасса ануруубам̣ гад̇ваа д̣̇вижид̇д̇анд̇и ид̣̇ам̣ вуд̇д̇анд̇и звам̣ ваа зд̇т̇а ад̇хиббааяо г̇ахзд̇аб̣б̣о. сзсам̣ уд̇д̇аанамзва. уд̇д̇аримануссад̇хаммасса бхууд̇ад̇аа, анубасамбаннасса аарожанам̣, д̇ан̇кан̣авиж̇аананаа, анан̃н̃аббад̣̇зсод̇и имаани банзд̇т̇а жад̇д̇аари ан̇г̇аани.
Pubbe avuttehīti catutthapārājike avuttehi. Idañca sikkhāpadaṃ paṇṇattiajānanavasena acittakasamuṭṭhānaṃ hoti. Ariyā cettha paṇṇattiṃ jānantā vītikkamaṃ na karonti, puthujjanā pana paṇṇattiṃ jānitvāpi vītikkamaṃ karonti, te ca satthuno āṇāvītikkamacetanāya balavaakusalabhāvato jhānā parihāyantīti daṭṭhabbaṃ, ukkaṭṭhaparicchedena ariyapuggale eva sandhāya ‘‘kusalābyākatacittehi dvicitta’’nti vuttaṃ. Paṇṇattiṃ ajānantā pana jhānalābhī puthujjanā vatthumhi lobhavasena akusalacittenapi na ārocentīti natthi. Idha dukkhavedanāya abhāvato ‘‘dvivedana’’nti imassa anurūpaṃ katvā dvicittanti idaṃ vuttanti evaṃ vā ettha adhippāyo gahetabbo. Sesaṃ uttānameva. Uttarimanussadhammassa bhūtatā, anupasampannassa ārocanaṃ, taṅkhaṇavijānanā, anaññappadesoti imāni panettha cattāri aṅgāni.
бхууд̇аарожанасигкаабад̣̇аван̣н̣анаа нидтид̇аа.
Bhūtārocanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. бхууд̇аарожанасигкаабад̣̇аван̣н̣анаа • 8. Bhūtārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. бхууд̇аарожанасигкаабад̣̇аван̣н̣анаа • 8. Bhūtārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. бхууд̇аарожанасигкаабад̣̇аван̣н̣анаа • 8. Bhūtārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. бхууд̇аарожанасигкаабад̣̇ам̣ • 8. Bhūtārocanasikkhāpadaṃ
