| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
༨. བྷཱུཏཱརོཙནསིཀྑཱཔདཝཎྞནཱ
8. Bhūtārocanasikkhāpadavaṇṇanā
༧༧. ཨཊྛམེ ཨནྟརཱཏི པརིནིབྦཱནཀཱལཏོ པུབྦེཔི། ཨཏིཀཌྜྷིཡམཱནེནཱཏི ‘‘ཝདཐ, བྷནྟེ, ཀིཾ ཏུམྷེཧི ཨདྷིགཏ’’ནྟི ཨེཝཾ ནིཔྤཱིལི༹ཡམཱནེན ཨཏིབདྡྷིཡམཱནེན། ཏཐཱརཱུཔེ པཙྩཡེ སཏི ཝཏྟབྦམེཝ། སུཏཔརིཡཏྟིསཱིལགུཎནྟི ཨེཏྠ ཨཏྠཀུསལཏཱ སུཏགུཎོ, པཱལི༹པཱཋཀུསལཏཱ པརིཡཏྟིགུཎོཏི དཊྛབྦཾ། ‘‘ཙིཏྟཀྑེཔསྶ ཝཱ ཨབྷཱཝཱ’’ཏི ཨིམིནཱ ཁིཏྟཙིཏྟཝེདནཱཊྚཏཱཔི ཨརིཡཱནཾ ནཏྠཱིཏི དསྶེཏི།
77. Aṭṭhame antarāti parinibbānakālato pubbepi. Atikaḍḍhiyamānenāti ‘‘vadatha, bhante, kiṃ tumhehi adhigata’’nti evaṃ nippīḷiyamānena atibaddhiyamānena. Tathārūpe paccaye sati vattabbameva. Sutapariyattisīlaguṇanti ettha atthakusalatā sutaguṇo, pāḷipāṭhakusalatā pariyattiguṇoti daṭṭhabbaṃ. ‘‘Cittakkhepassa vā abhāvā’’ti iminā khittacittavedanāṭṭatāpi ariyānaṃ natthīti dasseti.
པུབྦེ ཨཝུཏྟེཧཱིཏི ཙཏུཏྠཔཱརཱཛིཀེ ཨཝུཏྟེཧི། ཨིདཉྩ སིཀྑཱཔདཾ པཎྞཏྟིཨཛཨཱནནཝསེན ཨེཀནྟཏོ ཨཙིཏྟཀསམུཊྛཱནམེཝ ཧོཏི ཨརིཡཱནཾ པཎྞཏྟིཝཱིཏིཀྐམཱབྷཱཝཱ། ཛྷཱནལཱབྷཱིནཉྩ སཏྠུ ཨཱཎཱཝཱིཏིཀྐམཔཊིགྷཙིཏྟསྶ ཛྷཱནཔརིཧཱནཏོ བྷཱུཏཱརོཙནཾ ན སམྦྷཝཏི། ཨུཏྟརིམནུསྶདྷམྨསྶ བྷཱུཏཏཱ, ཨནུཔསམྤནྣསྶ ཨཱརོཙནཾ, ཏངྑཎཝིཛཱནནཱ, ཨནཉྙཱཔདེསོཏི ཨིམཱནེཏྠ ཙཏྟཱརི ཨངྒཱནི།
Pubbeavuttehīti catutthapārājike avuttehi. Idañca sikkhāpadaṃ paṇṇattiajaānanavasena ekantato acittakasamuṭṭhānameva hoti ariyānaṃ paṇṇattivītikkamābhāvā. Jhānalābhīnañca satthu āṇāvītikkamapaṭighacittassa jhānaparihānato bhūtārocanaṃ na sambhavati. Uttarimanussadhammassa bhūtatā, anupasampannassa ārocanaṃ, taṅkhaṇavijānanā, anaññāpadesoti imānettha cattāri aṅgāni.
བྷཱུཏཱརོཙནསིཀྑཱཔདཝཎྞནཱ ནིཊྛིཏཱ།
Bhūtārocanasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༡. མུསཱཝཱདཝགྒོ • 1. Musāvādavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༨. བྷཱུཏཱརོཙནསིཀྑཱཔདཝཎྞནཱ • 8. Bhūtārocanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༨. བྷཱུཏཱརོཙནསིཀྑཱཔདཝཎྞནཱ • 8. Bhūtārocanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༨. བྷཱུཏཱརོཙནསིཀྑཱཔདཝཎྞནཱ • 8. Bhūtārocanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༨. བྷཱུཏཱརོཙནསིཀྑཱཔདཾ • 8. Bhūtārocanasikkhāpadaṃ
