| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. гал̣ааракад̇д̇ияаваг̇г̇о
4. Kaḷārakhattiyavaggo
1. бхууд̇асуд̇д̇аван̣н̣анаа
1. Bhūtasuttavaṇṇanā
31. аж̇ид̇амаан̣авзнаад̇и сол̣асасу б̣ааварияаб̣раахман̣абарижаарагзсу ‘‘аж̇ид̇о’’д̇и лад̣̇д̇ханаамзна маан̣авзна. сан̇каа вужжад̇и бан̃н̃аа, сан̇каад̇аа барин̃н̃аад̇аа д̇хаммаа язсам̣ д̇з сан̇каад̇ад̇хаммаа, бадивид̣̇д̇хасажжаа кийн̣аасаваа. сзгкаа бана вибаагасса абарин̃н̃аад̇ад̇д̇аа ‘‘сан̇каад̇ад̇хаммаа’’д̇и на вужжанд̇и. сзгкад̇хаммасаманнааг̇амзна д̇з сзгкаа. д̇з бана гаамам̣ буг̇г̇алабадилаабхавасзна анзгасахассаава хонд̇и, жад̇умаг̇г̇ахздтимапалад̇д̇аяасса бана васзна д̇ам̣саман̇г̇ид̇аасааман̃н̃зна на сад̇д̇аж̇анад̇о уд̣̇д̇ханд̇и ааха ‘‘сад̇д̇а ж̇анз’’д̇и нияамзд̇ваа висзсзд̇и. сам̣гилзсаваж̇ж̇ам̣, д̇ад̇о ваа ад̇д̇аанам̣ вияа винзяяалогам̣ нибаад̇и рагкад̇ийд̇и нибаго, д̇асса бхааво нзбаггам̣, н̃аан̣анд̇и ааха ‘‘нзбаггам̣ вужжад̇и бан̃н̃аа, д̇ааяа саманнааг̇ад̇ад̇д̇аа нибаго’’д̇и.
31.Ajitamāṇavenāti soḷasasu bāvariyabrāhmaṇaparicārakesu ‘‘ajito’’ti laddhanāmena māṇavena. Saṅkhā vuccati paññā, saṅkhātā pariññātā dhammā yesaṃ te saṅkhātadhammā, paṭividdhasaccā khīṇāsavā. Sekkhā pana vipākassa apariññātattā ‘‘saṅkhātadhammā’’ti na vuccanti. Sekkhadhammasamannāgamena te sekkhā. Te pana kāmaṃ puggalapaṭilābhavasena anekasahassāva honti, catumaggaheṭṭhimaphalattayassa pana vasena taṃsamaṅgitāsāmaññena na sattajanato uddhanti āha ‘‘satta jane’’ti niyametvā viseseti. Saṃkilesavajjaṃ, tato vā attānaṃ viya vineyyalokaṃ nipāti rakkhatīti nipako, tassa bhāvo nepakkaṃ, ñāṇanti āha ‘‘nepakkaṃ vuccati paññā, tāya samannāgatattā nipako’’ti.
‘‘го ну ко имасса бан̃хасса ад̇т̇о’’д̇и жинд̇знд̇о бан̃хааяа ган̇кад̇и наама. ‘‘гат̇ам̣ б̣яаагарамаано ну ко сад̇т̇у аж̇жхаасаяам̣ на вирод̇хзмий’’д̇и жинд̇знд̇о аж̇жхаасаяам̣ ган̇кад̇и наама. суж̇аананийяад̇т̇абарижчзд̣̇ам̣ гад̇ваа жинд̇анаа хзд̇т̇а ‘‘ган̇каа’’д̇и ад̇хиббзд̇аа, на вижигижчаад̇и. бахийнавижигижчо хи махаат̇зро ааяасмад̇о ассаж̇имахаат̇зрасса санд̇игзязва, вижинанабхууд̇ам̣ гуггужжасад̣̇исам̣ банзд̇ам̣ виймам̣санамад̇д̇анд̇и д̣̇адтаб̣б̣ам̣. бад̇д̇ам̣ аад̣̇ааяа жаранд̇од̇и баб̣б̣аж̇ид̇абхаавалагкан̣ам̣. д̇хаммасзнаабад̇ибхаавзна ваа мама бад̇д̇ад̇хаммад̣̇зсанааваарам̣ аад̣̇ааяа жаранд̇од̇и звам̣ ваа зд̇т̇а ад̇т̇о д̣̇адтаб̣б̣о.
‘‘Ko nu kho imassa pañhassa attho’’ti cintento pañhāya kaṅkhati nāma. ‘‘Kathaṃ byākaramāno nu kho satthu ajjhāsayaṃ na virodhemī’’ti cintento ajjhāsayaṃ kaṅkhati nāma. Sujānanīyatthaparicchedaṃ katvā cintanā hettha ‘‘kaṅkhā’’ti adhippetā, na vicikicchāti. Pahīnavicikiccho hi mahāthero āyasmato assajimahātherassa santikeyeva, vicinanabhūtaṃ kukkuccasadisaṃ panetaṃ vīmaṃsanamattanti daṭṭhabbaṃ. Pattaṃ ādāya carantoti pabbajitabhāvalakkhaṇaṃ. Dhammasenāpatibhāvena vā mama pattadhammadesanāvāraṃ ādāya carantoti evaṃ vā ettha attho daṭṭhabbo.
ж̇аад̇анд̇и яат̇аарахам̣ бажжаяад̇о уббаннам̣, сан̇кад̇анд̇и ад̇т̇о. бан̃хаб̣яаагаран̣ам̣ убадтаасийд̇и бан̃хасса б̣яаагаран̣ад̇аа бадибхааси. ‘‘саммаббан̃н̃ааяа бассад̇ий’’д̇и баато, адтагат̇ааяам̣ бана ‘‘саммаббан̃н̃ааяа бассад̇о’’д̇и бад̣̇ам̣ уд̣̇д̇харид̇ваа ‘‘бассанд̇ассаа’’д̇и ад̇т̇о вуд̇д̇о. д̇ам̣ ‘‘бхууд̇анд̇и…бз… бадибанно ход̇ий’’д̇и имааяа баал̣ияаа на самзд̇и, д̇асмаа яат̇аад̣̇ассид̇абаато зва яуд̇д̇о. яаава арахад̇д̇амаг̇г̇аа ниб̣б̣ид̣̇аад̣̇ийнам̣ ад̇т̇ааяаад̇и самид̇аабзгкад̇хаммавасаа бад̣̇ам̣ вад̣̇анд̇и. аахаарасамбхаванд̇и бажжаяахзд̇угам̣. сзгкабадибад̣̇аа гат̇ид̇аа ‘‘ниб̣б̣ид̣̇ааяа вирааг̇ааяа нирод̇хааяа бадибанно ход̇ий’’д̇и важанад̇о. зса наяо нирод̇хаваарзби. ниб̣б̣ид̣̇аад̇и гаран̣з бажжад̇д̇аважанам̣, вирааг̇аа нирод̇хаад̇и гаран̣з ниссаггаважананд̇и ааха ‘‘саб̣б̣аани гааран̣аважанааний’’д̇и. анубаад̣̇аад̇и анубаад̣̇ааяа. бхууд̇амид̣̇анд̇иаад̣̇имааха саб̣б̣асуд̇д̇ам̣ аахажжабхаасид̇ам̣ ж̇инаважанамзва гаронд̇о.
Jātanti yathārahaṃ paccayato uppannaṃ, saṅkhatanti attho. Pañhabyākaraṇaṃ upaṭṭhāsīti pañhassa byākaraṇatā paṭibhāsi. ‘‘Sammappaññāya passatī’’ti pāṭho, aṭṭhakathāyaṃ pana ‘‘sammappaññāya passato’’ti padaṃ uddharitvā ‘‘passantassā’’ti attho vutto. Taṃ ‘‘bhūtanti…pe… paṭipanno hotī’’ti imāya pāḷiyā na sameti, tasmā yathādassitapāṭho eva yutto. Yāva arahattamaggā nibbidādīnaṃ atthāyāti samitāpekkhadhammavasā padaṃ vadanti. Āhārasambhavanti paccayahetukaṃ. Sekkhapaṭipadā kathitā ‘‘nibbidāya virāgāya nirodhāya paṭipanno hotī’’ti vacanato. Esa nayo nirodhavārepi. Nibbidāti karaṇe paccattavacanaṃ, virāgā nirodhāti karaṇe nissakkavacananti āha ‘‘sabbāni kāraṇavacanānī’’ti. Anupādāti anupādāya. Bhūtamidantiādimāha sabbasuttaṃ āhaccabhāsitaṃ jinavacanameva karonto.
бхууд̇асуд̇д̇аван̣н̣анаа нидтид̇аа.
Bhūtasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. бхууд̇асуд̇д̇ам̣ • 1. Bhūtasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. бхууд̇асуд̇д̇аван̣н̣анаа • 1. Bhūtasuttavaṇṇanā
