| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. наваганибаад̇о
9. Navakanipāto
1. бхууд̇ад̇т̇зраг̇аат̇ааван̣н̣анаа
1. Bhūtattheragāthāvaṇṇanā
наваганибаад̇з яад̣̇аа д̣̇угканд̇иаад̣̇игаа ааяасмад̇о бхууд̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о сид̣̇д̇хад̇т̇асса бхаг̇авад̇о гаалз б̣раахман̣агулз ниб̣б̣ад̇д̇ид̇ваа сзнод̇и лад̣̇д̇ханаамо вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ д̣̇исваа басаннамаанасо ‘‘усабхам̣ бавара’’нд̇иаад̣̇инаа жад̇уухи г̇аат̇аахи абхид̇т̇ави.
Navakanipāte yadā dukkhantiādikā āyasmato bhūtattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto siddhatthassa bhagavato kāle brāhmaṇakule nibbattitvā senoti laddhanāmo viññutaṃ patto ekadivasaṃ satthāraṃ disvā pasannamānaso ‘‘usabhaṃ pavara’’ntiādinā catūhi gāthāhi abhitthavi.
со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саагзд̇анаг̇арасса д̣̇ваараг̇аамз махаавибхавасса сздтисса буд̇д̇о худ̇ваа ниб̣б̣ад̇д̇и. д̇асса гира сздтино ж̇аад̇аа ж̇аад̇аа д̣̇аарагаа б̣ад̣̇д̇хаагхаад̇зна згзна яагкзна каад̣̇ид̇аа, имасса бана бажчимабхавигад̇д̇аа бхууд̇аа аарагкам̣ г̇ан̣хим̣су. яагко бана взссаван̣асса убадтаанам̣ г̇ад̇о, буна нааг̇амааси. наамагаран̣ад̣̇ивасз жасса ‘‘звам̣ гад̇з амануссаа анугамбанд̇аа барихарзяяу’’нд̇и бхууд̇од̇и наамам̣ агам̣су. со бана ад̇д̇ано бун̃н̃аб̣алзна ананд̇арааяо вад̣дхи, д̇асса ‘‘д̇аяо баасаад̣̇аа ахзсу’’нд̇иаад̣̇и саб̣б̣ам̣ яасасса гулабуд̇д̇асса вибхавагид̇д̇анз вияа взд̣̇ид̇аб̣б̣ам̣. со вин̃н̃уд̇ам̣ бад̇д̇о сад̇т̇ари саагзд̇з васанд̇з убаасагзхи сад̣̇д̇хим̣ вихаарам̣ г̇ад̇о. сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа аж̇агаран̣ияаа наама над̣̇ияаа д̇ийрз лзн̣з васанд̇о вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.7.20-28) –
So tena puññakammena devamanussesu saṃsaranto imasmiṃ buddhuppāde sāketanagarassa dvāragāme mahāvibhavassa seṭṭhissa putto hutvā nibbatti. Tassa kira seṭṭhino jātā jātā dārakā baddhāghātena ekena yakkhena khāditā, imassa pana pacchimabhavikattā bhūtā ārakkhaṃ gaṇhiṃsu. Yakkho pana vessavaṇassa upaṭṭhānaṃ gato, puna nāgamāsi. Nāmakaraṇadivase cassa ‘‘evaṃ kate amanussā anukampantā parihareyyu’’nti bhūtoti nāmaṃ akaṃsu. So pana attano puññabalena anantarāyo vaḍḍhi, tassa ‘‘tayo pāsādā ahesu’’ntiādi sabbaṃ yasassa kulaputtassa vibhavakittane viya veditabbaṃ. So viññutaṃ patto satthari sākete vasante upāsakehi saddhiṃ vihāraṃ gato. Satthu santike dhammaṃ sutvā paṭiladdhasaddho pabbajitvā ajakaraṇiyā nāma nadiyā tīre leṇe vasanto vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 1.7.20-28) –
‘‘усабхам̣ баварам̣ вийрам̣, махзсим̣ виж̇ид̇аавинам̣;
‘‘Usabhaṃ pavaraṃ vīraṃ, mahesiṃ vijitāvinaṃ;
суван̣н̣аван̣н̣ам̣ самб̣уд̣̇д̇хам̣, го д̣̇исваа наббасийд̣̇ад̇и.
Suvaṇṇavaṇṇaṃ sambuddhaṃ, ko disvā nappasīdati.
‘‘химаваа ваабаримзяяо, сааг̇арова д̣̇уруд̇д̇аро;
‘‘Himavā vāparimeyyo, sāgarova duruttaro;
д̇ат̇зва жхаанам̣ б̣уд̣̇д̇хасса, го д̣̇исваа наббасийд̣̇ад̇и.
Tatheva jhānaṃ buddhassa, ko disvā nappasīdati.
‘‘васуд̇хаа яат̇ааббамзяяаа, жид̇д̇аа ванавадам̣сагаа;
‘‘Vasudhā yathāppameyyā, cittā vanavaṭaṃsakā;
д̇ат̇зва сийлам̣ б̣уд̣̇д̇хасса, го д̣̇исваа наббасийд̣̇ад̇и.
Tatheva sīlaṃ buddhassa, ko disvā nappasīdati.
‘‘анилан̃ж̇асаасан̇куб̣бхо , яат̇аагаасо асан̇кияо;
‘‘Anilañjasāsaṅkhubbho , yathākāso asaṅkhiyo;
д̇ат̇зва н̃аан̣ам̣ б̣уд̣̇д̇хасса, го д̣̇исваа наббасийд̣̇ад̇и.
Tatheva ñāṇaṃ buddhassa, ko disvā nappasīdati.
‘‘имаахи жад̇уг̇аат̇аахи, б̣раахман̣о сзнасавхаяо;
‘‘Imāhi catugāthāhi, brāhmaṇo senasavhayo;
б̣уд̣̇д̇хасздтам̣ т̇авид̇ваана, сид̣̇д̇хад̇т̇ам̣ абарааж̇ид̇ам̣.
Buddhaseṭṭhaṃ thavitvāna, siddhatthaṃ aparājitaṃ.
‘‘жад̇уннавуд̇игаббаани, д̣̇уг̇г̇ад̇им̣ нубабаж̇ж̇ат̇а;
‘‘Catunnavutikappāni, duggatiṃ nupapajjatha;
суг̇ад̇им̣ сукасамбад̇д̇им̣, анубхосиманаббагам̣.
Sugatiṃ sukhasampattiṃ, anubhosimanappakaṃ.
‘‘жад̇уннавуд̇ид̇о габбз, т̇авид̇ваа логанааяагам̣;
‘‘Catunnavutito kappe, thavitvā lokanāyakaṃ;
д̣̇уг̇г̇ад̇им̣ наабхиж̇аанаами, т̇оманааяа ид̣̇ам̣ палам̣.
Duggatiṃ nābhijānāmi, thomanāya idaṃ phalaṃ.
‘‘жаад̇уд̣̇д̣̇асамхи габбамхи, жад̇уро аасумуг̇г̇ад̇аа;
‘‘Cātuddasamhi kappamhi, caturo āsumuggatā;
сад̇д̇арад̇анасамбаннаа, жаггавад̇д̇ий махаб̣б̣алаа.
Sattaratanasampannā, cakkavattī mahabbalā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа абарзна самаязна н̃аад̇ийнам̣ анугамбааяа саагзд̇ам̣ г̇анд̇ваа гад̇ибаахам̣ д̇зхи убадтияамаано ан̃ж̇анаванз васид̇ваа буна ад̇д̇анаа васид̇адтаанамзва г̇анд̇угаамо г̇аманаагаарам̣ д̣̇ассзси. н̃аад̇агаа ‘‘ид̇хзва, бханд̇з, васат̇а, д̇умхзби на гиламиссат̇а, маяамби бун̃н̃зна вад̣дхиссаамаа’’д̇и т̇зрам̣ яаажим̣су. т̇зро ад̇д̇ано вивзгаабхирад̇им̣ д̇ад̇т̇а жа паасувихаарам̣ багаасзнд̇о –
Arahattaṃ pana patvā aparena samayena ñātīnaṃ anukampāya sāketaṃ gantvā katipāhaṃ tehi upaṭṭhiyamāno añjanavane vasitvā puna attanā vasitaṭṭhānameva gantukāmo gamanākāraṃ dassesi. Ñātakā ‘‘idheva, bhante, vasatha, tumhepi na kilamissatha, mayampi puññena vaḍḍhissāmā’’ti theraṃ yāciṃsu. Thero attano vivekābhiratiṃ tattha ca phāsuvihāraṃ pakāsento –
518.
518.
‘‘яад̣̇аа д̣̇угкам̣ ж̇араамаран̣анд̇и бан̣д̣ид̇о, авид̣̇д̣̇асуу яад̇т̇а сид̇аа бут̇уж̇ж̇анаа;
‘‘Yadā dukkhaṃ jarāmaraṇanti paṇḍito, aviddasū yattha sitā puthujjanā;
д̣̇угкам̣ барин̃н̃ааяа сад̇ова жхааяад̇и, д̇ад̇о рад̇им̣ барамад̇арам̣ на винд̣̇ад̇и.
Dukkhaṃ pariññāya satova jhāyati, tato ratiṃ paramataraṃ na vindati.
519.
519.
‘‘яад̣̇аа д̣̇угкассааваханим̣ висад̇д̇игам̣, бабан̃жасан̇гхаад̇ад̣̇укаад̇хиваахиним̣;
‘‘Yadā dukkhassāvahaniṃ visattikaṃ, papañcasaṅghātadukhādhivāhiniṃ;
д̇ан̣хам̣ баханд̇ваана сад̇ова жхааяад̇и, д̇ад̇о рад̇им̣ барамад̇арам̣ на винд̣̇ад̇и.
Taṇhaṃ pahantvāna satova jhāyati, tato ratiṃ paramataraṃ na vindati.
520.
520.
‘‘яад̣̇аа сивам̣ д̣̇взжад̇уран̇г̇аг̇ааминам̣, маг̇г̇уд̇д̇амам̣ саб̣б̣агилзсасод̇ханам̣;
‘‘Yadā sivaṃ dvecaturaṅgagāminaṃ, magguttamaṃ sabbakilesasodhanaṃ;
бан̃н̃ааяа бассид̇ва сад̇ова жхааяад̇и, д̇ад̇о рад̇им̣ барамад̇арам̣ на винд̣̇ад̇и.
Paññāya passitva satova jhāyati, tato ratiṃ paramataraṃ na vindati.
521.
521.
‘‘яад̣̇аа асогам̣ вираж̇ам̣ асан̇кад̇ам̣, санд̇ам̣ бад̣̇ам̣ саб̣б̣агилзсасод̇ханам̣;
‘‘Yadā asokaṃ virajaṃ asaṅkhataṃ, santaṃ padaṃ sabbakilesasodhanaṃ;
бхаавзд̇и сан̃н̃ож̇анаб̣анд̇ханажчид̣̇ам̣, д̇ад̇о рад̇им̣ барамад̇арам̣ на винд̣̇ад̇и.
Bhāveti saññojanabandhanacchidaṃ, tato ratiṃ paramataraṃ na vindati.
522.
522.
‘‘яад̣̇аа набхз г̇аж̇ж̇ад̇и мзгхад̣̇унд̣̇убхи, д̇хаараагулаа вихаг̇абат̇з саманд̇ад̇о;
‘‘Yadā nabhe gajjati meghadundubhi, dhārākulā vihagapathe samantato;
бхигкуу жа баб̣бхаараг̇ад̇ова жхааяад̇и, д̇ад̇о рад̇им̣ барамад̇арам̣ на винд̣̇ад̇и.
Bhikkhū ca pabbhāragatova jhāyati, tato ratiṃ paramataraṃ na vindati.
523.
523.
‘‘яад̣̇аа над̣̇ийнам̣ гусумаагулаанам̣, вижид̇д̇а-ваанзяяа-вадам̣сагаанам̣;
‘‘Yadā nadīnaṃ kusumākulānaṃ, vicitta-vāneyya-vaṭaṃsakānaṃ;
д̇ийрз нисинно суманова жхааяад̇и, д̇ад̇о рад̇им̣ барамад̇арам̣ на винд̣̇ад̇и.
Tīre nisinno sumanova jhāyati, tato ratiṃ paramataraṃ na vindati.
524.
524.
‘‘яад̣̇аа нисийт̇з рахид̇амхи гаананз, д̣̇звз г̇ал̣анд̇амхи над̣̇анд̇и д̣̇аатино;
‘‘Yadā nisīthe rahitamhi kānane, deve gaḷantamhi nadanti dāṭhino;
бхигкуу жа баб̣бхаараг̇ад̇ова жхааяад̇и, д̇ад̇о рад̇им̣ барамад̇арам̣ на винд̣̇ад̇и.
Bhikkhū ca pabbhāragatova jhāyati, tato ratiṃ paramataraṃ na vindati.
525.
525.
‘‘яад̣̇аа вид̇аггз убарунд̇хияад̇д̇ано, наг̇анд̇арз наг̇авиварам̣ самассид̇о;
‘‘Yadā vitakke uparundhiyattano, nagantare nagavivaraṃ samassito;
вийд̇ад̣̇д̣̇аро вийд̇акилова жхааяад̇и, д̇ад̇о рад̇им̣ барамад̇арам̣ на винд̣̇ад̇и.
Vītaddaro vītakhilova jhāyati, tato ratiṃ paramataraṃ na vindati.
526.
526.
‘‘яад̣̇аа сукий малакиласоганаасано,
‘‘Yadā sukhī malakhilasokanāsano,
нираг̇г̇ал̣о ниб̣б̣анат̇о висалло;
Niraggaḷo nibbanatho visallo;
саб̣б̣аасавз б̣яанд̇игад̇ова жхааяад̇и,
Sabbāsave byantikatova jhāyati,
д̇ад̇о рад̇им̣ барамад̇арам̣ на винд̣̇ад̇ий’’д̇и. – имаа г̇аат̇аа абхааси;
Tato ratiṃ paramataraṃ na vindatī’’ti. – imā gāthā abhāsi;
д̇ад̇т̇ааяам̣ бад̣̇аяож̇анаамукзна батамаг̇аат̇ааяа ад̇т̇аван̣н̣анаа – канд̇хаанам̣ барибааго ж̇араа. бхзд̣̇о маран̣ам̣. ж̇араамаран̣асийсзна жзд̇т̇а ж̇араамаран̣аванд̇о д̇хаммаа г̇ахид̇аа. ‘‘д̇аяид̣̇ам̣ ж̇араамаран̣ам̣ д̣̇угка’’нд̇и авид̣̇д̣̇асуу яат̇аабхууд̇ам̣ аж̇аананд̇аа бут̇уж̇ж̇анаа яад̇т̇а яасмим̣ убаад̣̇аанагканд̇хабан̃жагз сид̇аа бадиб̣анд̇хаа аллийнаа, д̇ам̣ ‘‘ид̣̇ам̣ д̣̇угкам̣, зд̇д̇агам̣ д̣̇угкам̣, на ид̇о бхияяо’’д̇и вибассанаабан̃н̃аасахид̇ааяа маг̇г̇абан̃н̃ааяа бариж̇аанид̇ваа, ид̇ха имасмим̣ саасанз сад̇о самбаж̇аано, бан̣д̣ид̇о бхигку, яад̣̇аа яасмим̣ гаалз лагкан̣уубаниж̇жхаанзна жхааяад̇и. д̇ад̇о вибассанаарад̇ид̇о маг̇г̇апаларад̇ид̇о жа барамад̇арам̣ уд̇д̇амад̇арам̣ рад̇им̣ на винд̣̇ад̇и наббадилабхад̇и. д̇знааха бхаг̇аваа –
Tatthāyaṃ padayojanāmukhena paṭhamagāthāya atthavaṇṇanā – khandhānaṃ paripāko jarā. Bhedo maraṇaṃ. Jarāmaraṇasīsena cettha jarāmaraṇavanto dhammā gahitā. ‘‘Tayidaṃ jarāmaraṇaṃ dukkha’’nti aviddasū yathābhūtaṃ ajānantā puthujjanā yattha yasmiṃ upādānakkhandhapañcake sitā paṭibandhā allīnā, taṃ ‘‘idaṃ dukkhaṃ, ettakaṃ dukkhaṃ, na ito bhiyyo’’ti vipassanāpaññāsahitāya maggapaññāya parijānitvā, idha imasmiṃ sāsane sato sampajāno, paṇḍito bhikkhu, yadā yasmiṃ kāle lakkhaṇūpanijjhānena jhāyati. Tato vipassanāratito maggaphalaratito ca paramataraṃ uttamataraṃ ratiṃ na vindati nappaṭilabhati. Tenāha bhagavā –
‘‘яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;
‘‘Yato yato sammasati, khandhānaṃ udayabbayaṃ;
лабхад̇ий бийд̇ибаамож̇ж̇ам̣, амад̇ам̣ д̇ам̣ виж̇аанад̇ам̣.
Labhatī pītipāmojjaṃ, amataṃ taṃ vijānataṃ.
‘‘батаб̣яаа згараж̇ж̇зна, саг̇г̇асса г̇аманзна ваа;
‘‘Paṭhabyā ekarajjena, saggassa gamanena vā;
саб̣б̣алогаад̇хибажжзна, сод̇аабад̇д̇ипалам̣ вара’’нд̇и. (д̇ха. ба. 374, 178);
Sabbalokādhipaccena, sotāpattiphalaṃ vara’’nti. (dha. pa. 374, 178);
звам̣ барин̃н̃аабхисамаяамукзна вивзгарад̇им̣ д̣̇ассзд̇ваа ид̣̇аани бахаанаабхисамаяаад̣̇имукзнаби д̇ам̣ д̣̇ассзд̇ум̣ д̣̇уд̇ияаад̣̇игаа д̇иссо г̇аат̇аа абхааси. д̇ад̇т̇а д̣̇угкассааваханинд̇и д̣̇угкасса ааяад̇им̣ бавад̇д̇им̣, д̣̇угкасса нибпад̇д̇иганд̇и ад̇т̇о. висад̇д̇иганд̇и д̇ан̣хам̣. саа хи висад̇аад̇и висад̇д̇игаа, висаалаад̇и висад̇д̇игаа, висадаад̇и висад̇д̇игаа, висаггад̇ийд̇и висад̇д̇игаа, висам̣ харад̇ийд̇и висад̇д̇игаа, висам̣ваад̣̇игаад̇и висад̇д̇игаа, висамуулаад̇и висад̇д̇игаа, висапалаад̇и висад̇д̇игаа, висабарибхог̇аад̇и висад̇д̇игаа, висаалаа ваа бана саа д̇ан̣хаа руубз сад̣̇д̣̇з г̇анд̇хз расз подтаб̣б̣з д̇хаммз гулз г̇ан̣з вид̇т̇адаад̇и висад̇д̇игаад̇и вужжад̇и. бабан̃жасан̇гхаад̇ад̣̇укаад̇хиваахининд̇и сад̇д̇асанд̇аанам̣ сам̣саарз бабан̃жзнд̇и вид̇т̇аарзнд̇ийд̇и бабан̃жаа, рааг̇аад̣̇аяо маанаад̣̇аяо жа. д̇з зва бавад̇д̇ид̣̇угкасса сан̇гхаад̇адтзна сан̇гхаад̇аа, сад̣̇арат̇абарил̣аахасабхаавад̇д̇аа д̣̇угкан̃жаад̇и бабан̃жасан̇гхаад̇ад̣̇укам̣, д̇асса ад̇хиваахад̇о ниб̣б̣ад̇д̇анад̇о бабан̃жасан̇гхаад̇ад̣̇укаад̇хиваахиний. д̇ам̣ д̇ан̣хам̣ баханд̇ваанаад̇и арияамаг̇г̇зна самужчинд̣̇ид̇ваа.
Evaṃ pariññābhisamayamukhena vivekaratiṃ dassetvā idāni pahānābhisamayādimukhenapi taṃ dassetuṃ dutiyādikā tisso gāthā abhāsi. Tattha dukkhassāvahaninti dukkhassa āyatiṃ pavattiṃ, dukkhassa nipphattikanti attho. Visattikanti taṇhaṃ. Sā hi visatāti visattikā, visālāti visattikā, visaṭāti visattikā, visakkatīti visattikā, visaṃ haratīti visattikā, visaṃvādikāti visattikā, visamūlāti visattikā, visaphalāti visattikā, visaparibhogāti visattikā, visālā vā pana sā taṇhā rūpe sadde gandhe rase phoṭṭhabbe dhamme kule gaṇe vitthaṭāti visattikāti vuccati. Papañcasaṅghātadukhādhivāhininti sattasantānaṃ saṃsāre papañcenti vitthārentīti papañcā, rāgādayo mānādayo ca. Te eva pavattidukkhassa saṅghātaṭṭhena saṅghātā, sadarathapariḷāhasabhāvattā dukkhañcāti papañcasaṅghātadukhaṃ, tassa adhivāhato nibbattanato papañcasaṅghātadukhādhivāhinī. Taṃ taṇhaṃ pahantvānāti ariyamaggena samucchinditvā.
сиванд̇и кзмам̣, акзмагараанам̣ гилзсаанам̣ самужчинд̣̇анзна д̇зхи анубад̣̇д̣̇уд̇анд̇и ад̇т̇о. саммаад̣̇идтиаад̣̇ийнам̣ васзна д̣̇вижад̇уран̇г̇о худ̇ваа арияз ниб̣б̣аанам̣ г̇амзд̇ийд̇и д̣̇взжад̇уран̇г̇аг̇ааминам̣, г̇аат̇аасукад̇т̇ан̃жзд̇т̇а вибхад̇д̇иалобо гад̇од̇и д̣̇адтаб̣б̣ам̣. руубуубабад̇д̇имаг̇г̇аад̣̇ийсу саб̣б̣зсу маг̇г̇зсу уд̇д̇амад̇д̇аа маг̇г̇уд̇д̇амам̣. д̇знааха бхаг̇аваа – ‘‘маг̇г̇аанадтан̇г̇иго сздто’’д̇иаад̣̇и (д̇ха. ба. 273). саб̣б̣зхи гилзсамалзхи сад̇д̇аанам̣ сод̇ханад̇о саб̣б̣агилзсасод̇ханам̣. бан̃н̃ааяа бассид̇ваад̇и бадивзд̇хабан̃н̃ааяа бхааванаабхисамаяавасзна абхисамзжжа.
Sivanti khemaṃ, akhemakarānaṃ kilesānaṃ samucchindanena tehi anupaddutanti attho. Sammādiṭṭhiādīnaṃ vasena dvicaturaṅgo hutvā ariye nibbānaṃ gametīti dvecaturaṅgagāminaṃ, gāthāsukhatthañcettha vibhattialopo katoti daṭṭhabbaṃ. Rūpūpapattimaggādīsu sabbesu maggesu uttamattā magguttamaṃ. Tenāha bhagavā – ‘‘maggānaṭṭhaṅgiko seṭṭho’’tiādi (dha. pa. 273). Sabbehi kilesamalehi sattānaṃ sodhanato sabbakilesasodhanaṃ. Paññāya passitvāti paṭivedhapaññāya bhāvanābhisamayavasena abhisamecca.
согахзд̇уунам̣ абхаавад̇о буг̇г̇аласса жа согаабхаавахзд̇уд̇о над̇т̇и зд̇т̇а согод̇и асогам̣. д̇ат̇аа виг̇ад̇арааг̇аад̣̇ираж̇ад̇д̇аа вираж̇ам̣. на гзнажи бажжаязна сан̇кад̇анд̇и асан̇кад̇ам̣. саб̣б̣зсам̣ гилзсаанам̣ саб̣б̣асса жа д̣̇угкасса вуубасамабхаавад̇о, сам̣саарад̣̇угкад̣̇д̣̇ид̇зхи баж̇ж̇ид̇аб̣б̣ад̇о ад̇хиг̇анд̇аб̣б̣ад̇о жа санд̇ам̣ бад̣̇ам̣. саб̣б̣зхи гилзсамалзхи сад̇д̇асанд̇аанасса сод̇хананимид̇д̇ад̇о саб̣б̣агилзсасод̇ханам̣. бхаавзд̇ийд̇и сажчигирияаабхисамаяавасзна абхисамзд̇и. б̣ахугкад̇д̇ун̃хи ниб̣б̣аанам̣ аараб̣бха сажчигирияаабхисамаяам̣ бавад̇д̇знд̇асса ааламб̣агз лаб̣бхамаанависзсагам̣ ааламб̣ид̇аб̣б̣з ааробзд̇ваа звам̣ вуд̇д̇ам̣. сам̣яож̇анасан̇каад̇аанам̣ б̣анд̇ханаанам̣ чзд̣̇анад̇о сам̣яож̇анаб̣анд̇ханажчид̣̇ам̣. нимид̇д̇ан̃хзд̇т̇а гад̇д̇убхаавзна убажаарид̇ам̣, яат̇аа арияабхаавагараани сажжаани арияасажжаанийд̇и. яат̇аа буримаг̇аат̇аасу яад̣̇аа жхааяад̇и, д̇ад̣̇аа д̇ад̇о рад̇им̣ барамад̇арам̣ на винд̣̇ад̇ийд̇и яож̇анаа. звам̣ ид̇ха яад̣̇аа бхаавзд̇и, д̇ад̣̇аа д̇ад̇о рад̇им̣ барамад̇арам̣ на винд̣̇ад̇ийд̇и яож̇анаа.
Sokahetūnaṃ abhāvato puggalassa ca sokābhāvahetuto natthi ettha sokoti asokaṃ. Tathā vigatarāgādirajattā virajaṃ. Na kenaci paccayena saṅkhatanti asaṅkhataṃ. Sabbesaṃ kilesānaṃ sabbassa ca dukkhassa vūpasamabhāvato, saṃsāradukkhadditehi pajjitabbato adhigantabbato ca santaṃ padaṃ. Sabbehi kilesamalehi sattasantānassa sodhananimittato sabbakilesasodhanaṃ. Bhāvetīti sacchikiriyābhisamayavasena abhisameti. Bahukkhattuñhi nibbānaṃ ārabbha sacchikiriyābhisamayaṃ pavattentassa ālambake labbhamānavisesakaṃ ālambitabbe āropetvā evaṃ vuttaṃ. Saṃyojanasaṅkhātānaṃ bandhanānaṃ chedanato saṃyojanabandhanacchidaṃ. Nimittañhettha kattubhāvena upacāritaṃ, yathā ariyabhāvakarāni saccāni ariyasaccānīti. Yathā purimagāthāsu yadā jhāyati, tadā tato ratiṃ paramataraṃ na vindatīti yojanā. Evaṃ idha yadā bhāveti, tadā tato ratiṃ paramataraṃ na vindatīti yojanā.
звам̣ т̇зро жад̇уухи г̇аат̇аахи ад̇д̇аанам̣ анубанзд̇ваава жад̇усажжабадивзд̇хагид̇д̇анзна ан̃н̃ам̣ б̣яаагарид̇ваа ид̣̇аани ад̇д̇анаа васид̇адтаанасса вивид̇д̇абхаавзна паасуд̇ам̣ д̣̇ассзнд̇о ‘‘яад̣̇аа набхз’’д̇иаад̣̇игаа г̇аат̇аа абхааси. д̇ад̇т̇а набхзд̇и аагаасз. синид̣̇д̇хаг̇амбхийраниг̇гхосад̇ааяа мзгхоязва д̣̇унд̣̇убхи мзгхад̣̇унд̣̇убхи. саманд̇ад̇о баг̇гхаранд̇ийхи д̇хаараахи аагулаад̇и д̇хаараагулаа. вихаг̇аанам̣ багкийнам̣ г̇аманамаг̇г̇ад̇д̇аа вихаг̇абат̇з набхзд̇и яож̇анаа. д̇ад̇од̇и жхаанарад̇ид̇о.
Evaṃ thero catūhi gāthāhi attānaṃ anupanetvāva catusaccapaṭivedhakittanena aññaṃ byākaritvā idāni attanā vasitaṭṭhānassa vivittabhāvena phāsutaṃ dassento ‘‘yadā nabhe’’tiādikā gāthā abhāsi. Tattha nabheti ākāse. Siniddhagambhīranigghosatāya meghoyeva dundubhi meghadundubhi. Samantato paggharantīhi dhārāhi ākulāti dhārākulā. Vihagānaṃ pakkhīnaṃ gamanamaggattā vihagapathe nabheti yojanā. Tatoti jhānaratito.
гусумаагулаананд̇и д̇аруухи г̇ал̣ид̇агусумзхи самохид̇аанам̣. вижид̇д̇аваанзяяавадам̣сагаананд̇и ванз ж̇аад̇ад̇д̇аа ваанзяяаани ванабубпаани, вижид̇д̇аани ваанзяяаани вадам̣сагаани зд̇аасанд̇и вижид̇д̇аваанзяяавадам̣сагаа над̣̇ияо, д̇аасам̣ наанаавид̇хаванабубпавадам̣сагаананд̇и ад̇т̇о. уд̇д̇аримануссад̇хаммавасзна сунд̣̇аро мано зд̇ассаад̇и сумано жхааяад̇и.
Kusumākulānanti tarūhi gaḷitakusumehi samohitānaṃ. Vicittavāneyyavaṭaṃsakānanti vane jātattā vāneyyāni vanapupphāni, vicittāni vāneyyāni vaṭaṃsakāni etāsanti vicittavāneyyavaṭaṃsakā nadiyo, tāsaṃ nānāvidhavanapupphavaṭaṃsakānanti attho. Uttarimanussadhammavasena sundaro mano etassāti sumano jhāyati.
нисийт̇зд̇и рад̇д̇ияам̣. рахид̇амхийд̇и, ж̇анасамб̣аад̇хавирахид̇з вивид̇д̇з. д̣̇звзд̇и мзгхз. г̇ал̣анд̇амхийд̇и вудтид̇хаарааяо баг̇гхаранд̇з вассанд̇з. д̣̇аатинод̇и сийхаб̣яаг̇гхаад̣̇аяо бадибагкасад̇д̇аа. д̇з хи д̣̇аатаавуд̇хаад̇и ‘‘д̣̇аатино’’д̇и вужжанд̇и, над̣̇анд̇и д̣̇аатинод̇и ид̣̇амби ж̇анавивзгад̣̇ассанад̇т̇амзва г̇ахид̇ам̣.
Nisītheti rattiyaṃ. Rahitamhīti, janasambādhavirahite vivitte. Deveti meghe. Gaḷantamhīti vuṭṭhidhārāyo paggharante vassante. Dāṭhinoti sīhabyagghādayo paṭipakkhasattā. Te hi dāṭhāvudhāti ‘‘dāṭhino’’ti vuccanti, nadanti dāṭhinoti idampi janavivekadassanatthameva gahitaṃ.
вид̇аггз убарунд̇хияад̇д̇анод̇и ад̇д̇асанд̇аанабарияаабаннад̇ааяа ад̇д̇ано гаамавид̇аггаад̣̇игз мижчаавид̇аггз бадибагкаб̣алзна нисзд̇хзд̇ваа. ад̇д̇анод̇и ваа ид̣̇ам̣ винд̣̇ад̇ийд̇и иминаа яож̇зд̇аб̣б̣ам̣ ‘‘д̇ад̇о рад̇им̣ барамад̇арам̣ ад̇д̇анаа на винд̣̇ад̇ий’’д̇и. наг̇анд̇арзд̇и баб̣б̣ад̇анд̇арз. наг̇авиваранд̇и баб̣б̣ад̇аг̇ухам̣ баб̣бхаарам̣ ваа. самассид̇од̇и ниссид̇о убаг̇ад̇о. вийд̇ад̣̇д̣̇арод̇и виг̇ад̇агилзсад̣̇арат̇о. вийд̇акилод̇и бахийнажзд̇окило.
Vitakke uparundhiyattanoti attasantānapariyāpannatāya attano kāmavitakkādike micchāvitakke paṭipakkhabalena nisedhetvā. Attanoti vā idaṃ vindatīti iminā yojetabbaṃ ‘‘tato ratiṃ paramataraṃ attanā na vindatī’’ti. Nagantareti pabbatantare. Nagavivaranti pabbataguhaṃ pabbhāraṃ vā. Samassitoti nissito upagato. Vītaddaroti vigatakilesadaratho. Vītakhiloti pahīnacetokhilo.
сукийд̇и жхаанаад̣̇исукзна сукид̇о. малакиласоганаасанод̇и рааг̇аад̣̇ийнам̣ малаанам̣ бан̃жаннан̃жа жзд̇окилаанам̣ н̃аад̇ивияог̇аад̣̇ихзд̇угасса согасса жа бахааяаго. нираг̇г̇ал̣од̇и, аг̇г̇ал̣ам̣ вужжад̇и авиж̇ж̇аа ниб̣б̣аанабурабавзсанивааран̣ад̇о, д̇ад̣̇абхаавад̇о нираг̇г̇ал̣о. ниб̣б̣анат̇од̇и нид̇ан̣хо. висаллод̇и, виг̇ад̇арааг̇аад̣̇исалло. саб̣б̣аасавзд̇и, гаамаасаваад̣̇игз саб̣б̣зби аасавз. б̣яанд̇игад̇од̇и б̣яанд̇игад̇аавий арияамаг̇г̇зна виг̇ад̇анд̇з гад̇ваа тид̇о д̣̇идтад̇хаммасукавихаарад̇т̇ам̣ яад̣̇аа жхааяад̇и, д̇ад̇о жхаанарад̇ид̇о барамад̇арам̣ рад̇им̣ на винд̣̇ад̇ийд̇и яож̇анаа. звам̣ бана вад̇ваа т̇зро аж̇агаран̣ийд̇ийрамзва г̇ад̇о.
Sukhīti jhānādisukhena sukhito. Malakhilasokanāsanoti rāgādīnaṃ malānaṃ pañcannañca cetokhilānaṃ ñātiviyogādihetukassa sokassa ca pahāyako. Niraggaḷoti, aggaḷaṃ vuccati avijjā nibbānapurapavesanivāraṇato, tadabhāvato niraggaḷo. Nibbanathoti nitaṇho. Visalloti, vigatarāgādisallo. Sabbāsaveti, kāmāsavādike sabbepi āsave. Byantikatoti byantikatāvī ariyamaggena vigatante katvā ṭhito diṭṭhadhammasukhavihāratthaṃ yadā jhāyati, tato jhānaratito paramataraṃ ratiṃ na vindatīti yojanā. Evaṃ pana vatvā thero ajakaraṇītīrameva gato.
бхууд̇ад̇т̇зраг̇аат̇ааван̣н̣анаа нидтид̇аа.
Bhūtattheragāthāvaṇṇanā niṭṭhitā.
наваганибаад̇аван̣н̣анаа нидтид̇аа.
Navakanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. бхууд̇ад̇т̇зраг̇аат̇аа • 1. Bhūtattheragāthā
