| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. д̣̇уд̇ияааамагад̇хан̃н̃абзяяаалаваг̇г̇о
8. Dutiyaāmakadhaññapeyyālavaggo
8. б̣ийж̇аг̇аамасуд̇д̇аван̣н̣анаа
8. Bījagāmasuttavaṇṇanā
1148. ‘‘муулаб̣ийж̇а’’нд̇иаад̣̇ийсу мууламзва б̣ийж̇анд̇и муулаб̣ийж̇ам̣, муулаб̣ийж̇ам̣ зд̇ассаад̇иби муулаб̣ийж̇ам̣. д̇ад̇т̇а буримзна б̣ийж̇аг̇аамо вуд̇д̇о ‘‘б̣ийж̇аанам̣ самуухо’’д̇и гад̇ваа, д̣̇уд̇иязна бхууд̇аг̇аамо. д̣̇увид̇хобзсо сааман̃н̃анид̣̇д̣̇зсзна, ‘‘муулаб̣ийж̇ан̃жа муулаб̣ийж̇ан̃жа муулаб̣ийж̇а’’нд̇и згасзсанаязна ваа б̣ийж̇ад̇т̇о взд̣̇ид̇аб̣б̣о. зса наяо сзсзсуби. пал̣уб̣ийж̇анд̇и баб̣б̣аб̣ийж̇ам̣. б̣аахирабажжаяанд̇арасамавааяз сад̣̇исапалуббад̇д̇ияаа висзсагааран̣абхаавад̇о вируханасамад̇т̇з саарапалз нирул̣хо б̣ийж̇а-сад̣̇д̣̇о. д̇ад̣̇ад̇т̇асид̣̇д̇хияаа муулаад̣̇ийсуби гзсужи бавад̇д̇ад̇ийд̇и д̇ад̇о нивад̇д̇анад̇т̇ам̣ згзна б̣ийж̇а-сад̣̇д̣̇зна висзсзд̇ваа вуд̇д̇ам̣ ‘‘б̣ийж̇аб̣ийж̇а’’нд̇и ‘‘руубаруубам̣, д̣̇угкад̣̇угка’’нд̇и (сам̣. ни. 4.327) жа яат̇аа. нийлад̇ин̣аругкаад̣̇игассаад̇и аллад̇ин̣асса жзва алларугкаад̣̇игасса жа. аад̣̇и-сад̣̇д̣̇зна осад̇хиг̇ажчалад̇аад̣̇ийнам̣ г̇ахан̣ам̣.
1148. ‘‘Mūlabīja’’ntiādīsu mūlameva bījanti mūlabījaṃ, mūlabījaṃ etassātipi mūlabījaṃ. Tattha purimena bījagāmo vutto ‘‘bījānaṃ samūho’’ti katvā, dutiyena bhūtagāmo. Duvidhopeso sāmaññaniddesena, ‘‘mūlabījañca mūlabījañca mūlabīja’’nti ekasesanayena vā bījattho veditabbo. Esa nayo sesesupi. Phaḷubījanti pabbabījaṃ. Bāhirapaccayantarasamavāye sadisaphaluppattiyā visesakāraṇabhāvato viruhanasamatthe sāraphale niruḷho bīja-saddo. Tadatthasiddhiyā mūlādīsupi kesuci pavattatīti tato nivattanatthaṃ ekena bīja-saddena visesetvā vuttaṃ ‘‘bījabīja’’nti ‘‘rūparūpaṃ, dukkhadukkha’’nti (saṃ. ni. 4.327) ca yathā. Nīlatiṇarukkhādikassāti allatiṇassa ceva allarukkhādikassa ca. Ādi-saddena osadhigacchalatādīnaṃ gahaṇaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. б̣ийж̇аг̇аамасуд̇д̇ам̣ • 8. Bījagāmasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. б̣ийж̇аг̇аамасуд̇д̇аван̣н̣анаа • 8. Bījagāmasuttavaṇṇanā
