| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
8. දුතියආමකධඤ්‌ඤපෙය්‍යාලවග්‌ගො
8. Dutiyaāmakadhaññapeyyālavaggo
8. බීජගාමසුත්‌තවණ්‌ණනා
8. Bījagāmasuttavaṇṇanā
1148. ‘‘මූලබීජ’’න්‌තිආදීසු මූලමෙව බීජන්‌ති මූලබීජං, මූලබීජං එතස්‌සාතිපි මූලබීජං. තත්‌ථ පුරිමෙන බීජගාමො වුත්‌තො ‘‘බීජානං සමූහො’’ති කත්‌වා, දුතියෙන භූතගාමො. දුවිධොපෙසො සාමඤ්‌ඤනිද්‌දෙසෙන, ‘‘මූලබීජඤ්‌ච මූලබීජඤ්‌ච මූලබීජ’’න්‌ති එකසෙසනයෙන වා බීජත්‌ථො වෙදිතබ්‌බො. එස නයො සෙසෙසුපි. ඵළුබීජන්‌ති පබ්‌බබීජං. බාහිරපච්‌චයන්‌තරසමවායෙ සදිසඵලුප්‌පත්‌තියා විසෙසකාරණභාවතො විරුහනසමත්‌ථෙ සාරඵලෙ නිරුළ්‌හො බීජ-සද්‌දො. තදත්‌ථසිද්‌ධියා මූලාදීසුපි කෙසුචි පවත්‌තතීති තතො නිවත්‌තනත්‌ථං එකෙන බීජ-සද්‌දෙන විසෙසෙත්‌වා වුත්‌තං ‘‘බීජබීජ’’න්‌ති ‘‘රූපරූපං, දුක්‌ඛදුක්‌ඛ’’න්‌ති (සං. නි. 4.327) ච යථා. නීලතිණරුක්‌ඛාදිකස්‌සාති අල්‌ලතිණස්‌ස චෙව අල්‌ලරුක්‌ඛාදිකස්‌ස ච. ආදි-සද්‌දෙන ඔසධිගච්‌ඡලතාදීනං ගහණං.
1148. ‘‘Mūlabīja’’ntiādīsu mūlameva bījanti mūlabījaṃ, mūlabījaṃ etassātipi mūlabījaṃ. Tattha purimena bījagāmo vutto ‘‘bījānaṃ samūho’’ti katvā, dutiyena bhūtagāmo. Duvidhopeso sāmaññaniddesena, ‘‘mūlabījañca mūlabījañca mūlabīja’’nti ekasesanayena vā bījattho veditabbo. Esa nayo sesesupi. Phaḷubījanti pabbabījaṃ. Bāhirapaccayantarasamavāye sadisaphaluppattiyā visesakāraṇabhāvato viruhanasamatthe sāraphale niruḷho bīja-saddo. Tadatthasiddhiyā mūlādīsupi kesuci pavattatīti tato nivattanatthaṃ ekena bīja-saddena visesetvā vuttaṃ ‘‘bījabīja’’nti ‘‘rūparūpaṃ, dukkhadukkha’’nti (saṃ. ni. 4.327) ca yathā. Nīlatiṇarukkhādikassāti allatiṇassa ceva allarukkhādikassa ca. Ādi-saddena osadhigacchalatādīnaṃ gahaṇaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 8. බීජගාමසුත්‌තං • 8. Bījagāmasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 8. බීජගාමසුත්‌තවණ්‌ණනා • 8. Bījagāmasuttavaṇṇanā
