| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੩. ਬੀਜਙ੍ਗਪਞ੍ਹੋ
3. Bījaṅgapañho
੩. ‘‘ਭਨ੍ਤੇ ਨਾਗਸੇਨ, ‘ਬੀਜਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਬੀਜਂ ਅਪ੍ਪਕਮ੍ਪਿ ਸਮਾਨਂ ਭਦ੍ਦਕੇ ਖੇਤ੍ਤੇ વੁਤ੍ਤਂ ਦੇવੇ ਸਮ੍ਮਾ ਧਾਰਂ ਪવੇਚ੍ਛਨ੍ਤੇ ਸੁਬਹੂਨਿ ਫਲਾਨਿ ਅਨੁਦਸ੍ਸਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਯਥਾ ਪਟਿਪਾਦਿਤਂ ਸੀਲਂ ਕੇવਲਂ ਸਾਮਞ੍ਞਫਲਮਨੁਦਸ੍ਸਤਿ। ਏવਂ ਸਮ੍ਮਾ ਪਟਿਪਜ੍ਜਿਤਬ੍ਬਂ। ਇਦਂ, ਮਹਾਰਾਜ, ਬੀਜਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
3. ‘‘Bhante nāgasena, ‘bījassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, bījaṃ appakampi samānaṃ bhaddake khette vuttaṃ deve sammā dhāraṃ pavecchante subahūni phalāni anudassati, evameva kho, mahārāja, yoginā yogāvacarena yathā paṭipāditaṃ sīlaṃ kevalaṃ sāmaññaphalamanudassati. Evaṃ sammā paṭipajjitabbaṃ. Idaṃ, mahārāja, bījassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਬੀਜਂ ਸੁਪਰਿਸੋਧਿਤੇ ਖੇਤ੍ਤੇ ਰੋਪਿਤਂ ਖਿਪ੍ਪਮੇવ ਸਂવਿਰੂਹਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਮਾਨਸਂ ਸੁਪਰਿਗ੍ਗਹਿਤਂ ਸੁਞ੍ਞਾਗਾਰੇ ਪਰਿਸੋਧਿਤਂ ਸਤਿਪਟ੍ਠਾਨਖੇਤ੍ਤવਰੇ ਖਿਤ੍ਤਂ ਖਿਪ੍ਪਮੇવ વਿਰੂਹਤਿ। ਇਦਂ, ਮਹਾਰਾਜ, ਬੀਜਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ । ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਅਨੁਰੁਦ੍ਧੇਨ –
‘‘Puna caparaṃ, mahārāja, bījaṃ suparisodhite khette ropitaṃ khippameva saṃvirūhati, evameva kho, mahārāja, yoginā yogāvacarena mānasaṃ supariggahitaṃ suññāgāre parisodhitaṃ satipaṭṭhānakhettavare khittaṃ khippameva virūhati. Idaṃ, mahārāja, bījassa dutiyaṃ aṅgaṃ gahetabbaṃ . Bhāsitampetaṃ, mahārāja, therena anuruddhena –
‘‘‘ਯਥਾਪਿ ਖੇਤ੍ਤੇ 1 ਪਰਿਸੁਦ੍ਧੇ, ਬੀਜਞ੍ਚਸ੍ਸ ਪਤਿਟ੍ਠਿਤਂ।
‘‘‘Yathāpi khette 2 parisuddhe, bījañcassa patiṭṭhitaṃ;
વਿਪੁਲਂ ਤਸ੍ਸ ਫਲਂ ਹੋਤਿ, ਅਪਿ ਤੋਸੇਤਿ ਕਸ੍ਸਕਂ॥
Vipulaṃ tassa phalaṃ hoti, api toseti kassakaṃ.
‘‘‘ਤਥੇવ ਯੋਗਿਨੋ ਚਿਤ੍ਤਂ, ਸੁਞ੍ਞਾਗਾਰੇ વਿਸੋਧਿਤਂ।
‘‘‘Tatheva yogino cittaṃ, suññāgāre visodhitaṃ;
ਸਤਿਪਟ੍ਠਾਨਖੇਤ੍ਤਮ੍ਹਿ, ਖਿਪ੍ਪਮੇવ વਿਰੂਹਤੀ’’’ਤਿ॥
Satipaṭṭhānakhettamhi, khippameva virūhatī’’’ti.
ਬੀਜਙ੍ਗਪਞ੍ਹੋ ਤਤਿਯੋ।
Bījaṅgapañho tatiyo.
Footnotes:
