| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. பீ³ஜஸுத்தங்
2. Bījasuttaṃ
150. ‘‘ஸெய்யதா²பி, பி⁴க்க²வே, யே கேசிமே பீ³ஜகா³மபூ⁴தகா³மா வுட்³டி⁴ங் விரூள்ஹிங் வேபுல்லங் ஆபஜ்ஜந்தி, ஸப்³பே³ தே பத²விங் நிஸ்ஸாய பத²வியங் பதிட்டா²ய ஏவமேதே பீ³ஜகா³மபூ⁴தகா³மா வுட்³டி⁴ங் விரூள்ஹிங் வேபுல்லங் ஆபஜ்ஜந்தி; ஏவமேவ கோ², பி⁴க்க²வே, பி⁴க்கு² ஸீலங் நிஸ்ஸாய ஸீலே பதிட்டா²ய அரியங் அட்ட²ங்கி³கங் மக்³க³ங் பா⁴வெந்தோ அரியங் அட்ட²ங்கி³கங் மக்³க³ங் ப³ஹுலீகரொந்தோ வுட்³டி⁴ங் விரூள்ஹிங் வேபுல்லங் பாபுணாதி த⁴ம்மேஸு. கத²ஞ்ச, பி⁴க்க²வே, பி⁴க்கு² ஸீலங் நிஸ்ஸாய ஸீலே பதிட்டா²ய அரியங் அட்ட²ங்கி³கங் மக்³க³ங் பா⁴வெந்தோ அரியங் அட்ட²ங்கி³கங் மக்³க³ங் ப³ஹுலீகரொந்தோ வுட்³டி⁴ங் விரூள்ஹிங் வேபுல்லங் பாபுணாதி த⁴ம்மேஸு? இத⁴, பி⁴க்க²வே , பி⁴க்கு² ஸம்மாதி³ட்டி²ங் பா⁴வேதி விவேகனிஸ்ஸிதங்…பே॰… ஸம்மாஸமாதி⁴ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… ஏவங் கோ², பி⁴க்க²வே, பி⁴க்கு² ஸீலங் நிஸ்ஸாய ஸீலே பதிட்டா²ய அரியங் அட்ட²ங்கி³கங் மக்³க³ங் பா⁴வெந்தோ அரியங் அட்ட²ங்கி³கங் மக்³க³ங் ப³ஹுலீகரொந்தோ வுட்³டி⁴ங் விரூள்ஹிங் வேபுல்லங் பாபுணாதி த⁴ம்மேஸூ’’தி. து³தியங்.
150. ‘‘Seyyathāpi, bhikkhave, ye kecime bījagāmabhūtagāmā vuḍḍhiṃ virūḷhiṃ vepullaṃ āpajjanti, sabbe te pathaviṃ nissāya pathaviyaṃ patiṭṭhāya evamete bījagāmabhūtagāmā vuḍḍhiṃ virūḷhiṃ vepullaṃ āpajjanti; evameva kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vuḍḍhiṃ virūḷhiṃ vepullaṃ pāpuṇāti dhammesu. Kathañca, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vuḍḍhiṃ virūḷhiṃ vepullaṃ pāpuṇāti dhammesu? Idha, bhikkhave , bhikkhu sammādiṭṭhiṃ bhāveti vivekanissitaṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vuḍḍhiṃ virūḷhiṃ vepullaṃ pāpuṇāti dhammesū’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. பீ³ஜஸுத்தவண்ணனா • 2. Bījasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. பீ³ஜஸுத்தவண்ணனா • 2. Bījasuttavaṇṇanā
