| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. б̣ийж̇асуд̇д̇ам̣
2. Bījasuttaṃ
54. саавад̇т̇инид̣̇аанам̣ . ‘‘бан̃жимаани, бхигкавз, б̣ийж̇аж̇аад̇аани. гад̇амаани бан̃жа? муулаб̣ийж̇ам̣, канд̇хаб̣ийж̇ам̣, аг̇г̇аб̣ийж̇ам̣, палуб̣ийж̇ам̣, б̣ийж̇аб̣ийж̇ан̃н̃зва бан̃жамам̣. имаани жассу, бхигкавз , бан̃жа б̣ийж̇аж̇аад̇аани акан̣д̣аани абууд̇игаани аваад̇аад̇абахад̇аани саараад̣̇аани 1 сукасаяид̇аани, бат̇авий 2 жа наасса, аабо жа наасса; аби нумаани 3, бхигкавз, бан̃жа б̣ийж̇аж̇аад̇аани вуд̣̇д̇хим̣ вируул̣хим̣ взбуллам̣ аабаж̇ж̇зяяу’’нд̇и? ‘‘но хзд̇ам̣, бханд̇з’’. ‘‘имаани жассу, бхигкавз, бан̃жа б̣ийж̇аж̇аад̇аани акан̣д̣аани…бз… сукасаяид̇аани, бат̇авий жа асса, аабо жа асса; аби нумаани, бхигкавз, бан̃жа б̣ийж̇аж̇аад̇аани вуд̣̇д̇хим̣ вируул̣хим̣ взбуллам̣ аабаж̇ж̇зяяу’’нд̇и? ‘‘звам̣, бханд̇з’’. ‘‘сзяяат̇ааби, бхигкавз, бат̇авийд̇хаад̇у, звам̣ жад̇ассо вин̃н̃аан̣адтид̇ияо д̣̇адтаб̣б̣аа. сзяяат̇ааби, бхигкавз, аабод̇хаад̇у, звам̣ нанд̣̇ирааг̇о д̣̇адтаб̣б̣о. сзяяат̇ааби, бхигкавз, бан̃жа б̣ийж̇аж̇аад̇аани, звам̣ вин̃н̃аан̣ам̣ саахаарам̣ д̣̇адтаб̣б̣ам̣’’.
54. Sāvatthinidānaṃ . ‘‘Pañcimāni, bhikkhave, bījajātāni. Katamāni pañca? Mūlabījaṃ, khandhabījaṃ, aggabījaṃ, phalubījaṃ, bījabījaññeva pañcamaṃ. Imāni cassu, bhikkhave , pañca bījajātāni akhaṇḍāni apūtikāni avātātapahatāni sārādāni 4 sukhasayitāni, pathavī 5 ca nāssa, āpo ca nāssa; api numāni 6, bhikkhave, pañca bījajātāni vuddhiṃ virūḷhiṃ vepullaṃ āpajjeyyu’’nti? ‘‘No hetaṃ, bhante’’. ‘‘Imāni cassu, bhikkhave, pañca bījajātāni akhaṇḍāni…pe… sukhasayitāni, pathavī ca assa, āpo ca assa; api numāni, bhikkhave, pañca bījajātāni vuddhiṃ virūḷhiṃ vepullaṃ āpajjeyyu’’nti? ‘‘Evaṃ, bhante’’. ‘‘Seyyathāpi, bhikkhave, pathavīdhātu, evaṃ catasso viññāṇaṭṭhitiyo daṭṭhabbā. Seyyathāpi, bhikkhave, āpodhātu, evaṃ nandirāgo daṭṭhabbo. Seyyathāpi, bhikkhave, pañca bījajātāni, evaṃ viññāṇaṃ sāhāraṃ daṭṭhabbaṃ’’.
‘‘руубубаяам̣ , бхигкавз, вин̃н̃аан̣ам̣ д̇идтамаанам̣ д̇идтзяяа , руубаарамман̣ам̣ руубаббад̇идтам̣ нанд̣̇уубасзжанам̣ вуд̣̇д̇хим̣ вируул̣хим̣ взбуллам̣ аабаж̇ж̇зяяа. взд̣̇анубаяам̣ ваа, бхигкавз, вин̃н̃аан̣ам̣ д̇идтамаанам̣ д̇идтзяяа…бз… сан̃н̃убаяам̣ ваа, бхигкавз, вин̃н̃аан̣ам̣ д̇идтамаанам̣ д̇идтзяяа…бз… сан̇каарубаяам̣ ваа, бхигкавз, вин̃н̃аан̣ам̣ д̇идтамаанам̣ д̇идтзяяа, сан̇каараарамман̣ам̣ сан̇каараббад̇идтам̣ нанд̣̇уубасзжанам̣ вуд̣̇д̇хим̣ вируул̣хим̣ взбуллам̣ аабаж̇ж̇зяяа.
‘‘Rūpupayaṃ , bhikkhave, viññāṇaṃ tiṭṭhamānaṃ tiṭṭheyya , rūpārammaṇaṃ rūpappatiṭṭhaṃ nandūpasecanaṃ vuddhiṃ virūḷhiṃ vepullaṃ āpajjeyya. Vedanupayaṃ vā, bhikkhave, viññāṇaṃ tiṭṭhamānaṃ tiṭṭheyya…pe… saññupayaṃ vā, bhikkhave, viññāṇaṃ tiṭṭhamānaṃ tiṭṭheyya…pe… saṅkhārupayaṃ vā, bhikkhave, viññāṇaṃ tiṭṭhamānaṃ tiṭṭheyya, saṅkhārārammaṇaṃ saṅkhārappatiṭṭhaṃ nandūpasecanaṃ vuddhiṃ virūḷhiṃ vepullaṃ āpajjeyya.
‘‘яо, бхигкавз, звам̣ вад̣̇зяяа – ‘ахаман̃н̃ад̇ра руубаа ан̃н̃ад̇ра взд̣̇анааяа ан̃н̃ад̇ра сан̃н̃ааяа ан̃н̃ад̇ра сан̇каарзхи вин̃н̃аан̣асса ааг̇ад̇им̣ ваа г̇ад̇им̣ ваа жуд̇им̣ ваа убабад̇д̇им̣ ваа вуд̣̇д̇хим̣ ваа вируул̣хим̣ ваа взбуллам̣ ваа бан̃н̃аабзссаамий’д̇и, нзд̇ам̣ таанам̣ виж̇ж̇ад̇и.
‘‘Yo, bhikkhave, evaṃ vadeyya – ‘ahamaññatra rūpā aññatra vedanāya aññatra saññāya aññatra saṅkhārehi viññāṇassa āgatiṃ vā gatiṃ vā cutiṃ vā upapattiṃ vā vuddhiṃ vā virūḷhiṃ vā vepullaṃ vā paññāpessāmī’ti, netaṃ ṭhānaṃ vijjati.
‘‘руубад̇хаад̇уяаа жзва, бхигкавз, бхигкуно рааг̇о бахийно ход̇и. рааг̇асса бахаанаа вожчиж̇ж̇ад̇аарамман̣ам̣ бад̇идтаа вин̃н̃аан̣асса на ход̇и. взд̣̇анаад̇хаад̇уяаа жз… сан̃н̃аад̇хаад̇уяаа жз… сан̇каарад̇хаад̇уяаа жз… вин̃н̃аан̣ад̇хаад̇уяаа жз, бхигкавз, бхигкуно рааг̇о бахийно ход̇и. рааг̇асса бахаанаа вожчиж̇ж̇ад̇аарамман̣ам̣ бад̇идтаа вин̃н̃аан̣асса на ход̇и. д̇ад̣̇аббад̇идтид̇ам̣ вин̃н̃аан̣ам̣ авируул̣хам̣ анабхисан̇кажжавимуд̇д̇ам̣. вимуд̇д̇ад̇д̇аа тид̇ам̣. тид̇ад̇д̇аа санд̇усид̇ам̣. санд̇усид̇ад̇д̇аа на барид̇ассад̇и. абарид̇ассам̣ бажжад̇д̇ан̃н̃зва бариниб̣б̣ааяад̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и. д̣̇уд̇ияам̣.
‘‘Rūpadhātuyā ceva, bhikkhave, bhikkhuno rāgo pahīno hoti. Rāgassa pahānā vocchijjatārammaṇaṃ patiṭṭhā viññāṇassa na hoti. Vedanādhātuyā ce… saññādhātuyā ce… saṅkhāradhātuyā ce… viññāṇadhātuyā ce, bhikkhave, bhikkhuno rāgo pahīno hoti. Rāgassa pahānā vocchijjatārammaṇaṃ patiṭṭhā viññāṇassa na hoti. Tadappatiṭṭhitaṃ viññāṇaṃ avirūḷhaṃ anabhisaṅkhaccavimuttaṃ. Vimuttattā ṭhitaṃ. Ṭhitattā santusitaṃ. Santusitattā na paritassati. Aparitassaṃ paccattaññeva parinibbāyati. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. б̣ийж̇асуд̇д̇аван̣н̣анаа • 2. Bījasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. б̣ийж̇асуд̇д̇аван̣н̣анаа • 2. Bījasuttavaṇṇanā
