| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. б̣ийж̇асуд̇д̇ам̣
2. Bījasuttaṃ
150. ‘‘сзяяат̇ааби, бхигкавз, яз гзжимз б̣ийж̇аг̇аамабхууд̇аг̇аамаа вуд̣дхим̣ вируул̣хим̣ взбуллам̣ аабаж̇ж̇анд̇и, саб̣б̣з д̇з бат̇авим̣ ниссааяа бат̇авияам̣ бад̇идтааяа звамзд̇з б̣ийж̇аг̇аамабхууд̇аг̇аамаа вуд̣дхим̣ вируул̣хим̣ взбуллам̣ аабаж̇ж̇анд̇и; звамзва ко, бхигкавз, бхигку сийлам̣ ниссааяа сийлз бад̇идтааяа арияам̣ адтан̇г̇игам̣ маг̇г̇ам̣ бхаавзнд̇о арияам̣ адтан̇г̇игам̣ маг̇г̇ам̣ б̣ахулийгаронд̇о вуд̣дхим̣ вируул̣хим̣ взбуллам̣ баабун̣аад̇и д̇хаммзсу. гат̇ан̃жа, бхигкавз, бхигку сийлам̣ ниссааяа сийлз бад̇идтааяа арияам̣ адтан̇г̇игам̣ маг̇г̇ам̣ бхаавзнд̇о арияам̣ адтан̇г̇игам̣ маг̇г̇ам̣ б̣ахулийгаронд̇о вуд̣дхим̣ вируул̣хим̣ взбуллам̣ баабун̣аад̇и д̇хаммзсу? ид̇ха, бхигкавз , бхигку саммаад̣̇идтим̣ бхаавзд̇и вивзганиссид̇ам̣…бз… саммаасамаад̇хим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣…бз… звам̣ ко, бхигкавз, бхигку сийлам̣ ниссааяа сийлз бад̇идтааяа арияам̣ адтан̇г̇игам̣ маг̇г̇ам̣ бхаавзнд̇о арияам̣ адтан̇г̇игам̣ маг̇г̇ам̣ б̣ахулийгаронд̇о вуд̣дхим̣ вируул̣хим̣ взбуллам̣ баабун̣аад̇и д̇хаммзсуу’’д̇и. д̣̇уд̇ияам̣.
150. ‘‘Seyyathāpi, bhikkhave, ye kecime bījagāmabhūtagāmā vuḍḍhiṃ virūḷhiṃ vepullaṃ āpajjanti, sabbe te pathaviṃ nissāya pathaviyaṃ patiṭṭhāya evamete bījagāmabhūtagāmā vuḍḍhiṃ virūḷhiṃ vepullaṃ āpajjanti; evameva kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vuḍḍhiṃ virūḷhiṃ vepullaṃ pāpuṇāti dhammesu. Kathañca, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vuḍḍhiṃ virūḷhiṃ vepullaṃ pāpuṇāti dhammesu? Idha, bhikkhave , bhikkhu sammādiṭṭhiṃ bhāveti vivekanissitaṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vuḍḍhiṃ virūḷhiṃ vepullaṃ pāpuṇāti dhammesū’’ti. Dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. б̣ийж̇асуд̇д̇аван̣н̣анаа • 2. Bījasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. б̣ийж̇асуд̇д̇аван̣н̣анаа • 2. Bījasuttavaṇṇanā
