| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. බීජසුත්‌තං
2. Bījasuttaṃ
150. ‘‘සෙය්‍යථාපි, භික්‌ඛවෙ, යෙ කෙචිමෙ බීජගාමභූතගාමා වුඩ්‌ඪිං විරූළ්‌හිං වෙපුල්‌ලං ආපජ්‌ජන්‌ති, සබ්‌බෙ තෙ පථවිං නිස්‌සාය පථවියං පතිට්‌ඨාය එවමෙතෙ බීජගාමභූතගාමා වුඩ්‌ඪිං විරූළ්‌හිං වෙපුල්‌ලං ආපජ්‌ජන්‌ති; එවමෙව ඛො, භික්‌ඛවෙ, භික්‌ඛු සීලං නිස්‌සාය සීලෙ පතිට්‌ඨාය අරියං අට්‌ඨඞ්‌ගිකං මග්‌ගං භාවෙන්‌තො අරියං අට්‌ඨඞ්‌ගිකං මග්‌ගං බහුලීකරොන්‌තො වුඩ්‌ඪිං විරූළ්‌හිං වෙපුල්‌ලං පාපුණාති ධම්‌මෙසු. කථඤ්‌ච, භික්‌ඛවෙ, භික්‌ඛු සීලං නිස්‌සාය සීලෙ පතිට්‌ඨාය අරියං අට්‌ඨඞ්‌ගිකං මග්‌ගං භාවෙන්‌තො අරියං අට්‌ඨඞ්‌ගිකං මග්‌ගං බහුලීකරොන්‌තො වුඩ්‌ඪිං විරූළ්‌හිං වෙපුල්‌ලං පාපුණාති ධම්‌මෙසු? ඉධ, භික්‌ඛවෙ , භික්‌ඛු සම්‌මාදිට්‌ඨිං භාවෙති විවෙකනිස්‌සිතං…පෙ.… සම්‌මාසමාධිං භාවෙති විවෙකනිස්‌සිතං විරාගනිස්‌සිතං නිරොධනිස්‌සිතං වොස්‌සග්‌ගපරිණාමිං…පෙ.… එවං ඛො, භික්‌ඛවෙ, භික්‌ඛු සීලං නිස්‌සාය සීලෙ පතිට්‌ඨාය අරියං අට්‌ඨඞ්‌ගිකං මග්‌ගං භාවෙන්‌තො අරියං අට්‌ඨඞ්‌ගිකං මග්‌ගං බහුලීකරොන්‌තො වුඩ්‌ඪිං විරූළ්‌හිං වෙපුල්‌ලං පාපුණාති ධම්‌මෙසූ’’ති. දුතියං.
150. ‘‘Seyyathāpi, bhikkhave, ye kecime bījagāmabhūtagāmā vuḍḍhiṃ virūḷhiṃ vepullaṃ āpajjanti, sabbe te pathaviṃ nissāya pathaviyaṃ patiṭṭhāya evamete bījagāmabhūtagāmā vuḍḍhiṃ virūḷhiṃ vepullaṃ āpajjanti; evameva kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vuḍḍhiṃ virūḷhiṃ vepullaṃ pāpuṇāti dhammesu. Kathañca, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vuḍḍhiṃ virūḷhiṃ vepullaṃ pāpuṇāti dhammesu? Idha, bhikkhave , bhikkhu sammādiṭṭhiṃ bhāveti vivekanissitaṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vuḍḍhiṃ virūḷhiṃ vepullaṃ pāpuṇāti dhammesū’’ti. Dutiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2. බීජසුත්‌තවණ්‌ණනා • 2. Bījasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2. බීජසුත්‌තවණ්‌ණනා • 2. Bījasuttavaṇṇanā
