| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. பீ³ஜஸுத்தவண்ணனா
2. Bījasuttavaṇṇanā
54. து³தியே பீ³ஜஜாதானீதி பீ³ஜானி. மூலபீ³ஜந்தி வசங் வசத்தங் ஹலித்³த³ங் ஸிங்கி³வேரந்தி ஏவமாதி³. க²ந்த⁴பீ³ஜந்தி அஸ்ஸத்தோ² நிக்³ரோதோ⁴தி ஏவமாதி³. ப²லுபீ³ஜந்தி உச்சு² வேளு நளோதி ஏவமாதி³. அக்³க³பீ³ஜந்தி அஜ்ஜுகங் ப²ணிஜ்ஜகந்தி ஏவமாதி³. பீ³ஜபீ³ஜந்தி ஸாலிவீஹிஆதி³ புப்³ப³ண்ணஞ்சேவ முக்³க³மாஸாதி³ அபரண்ணஞ்ச. அக²ண்டா³னீதி அபி⁴ன்னானி. பி⁴ன்னகாலதோ பட்டா²ய பீ³ஜங் பீ³ஜத்தா²ய ந உபகப்பதி. அபூதிகானீதி உத³கதேமனேன அபூதிகானி. பூதிபீ³ஜஞ்ஹி பீ³ஜத்தா²ய ந உபகப்பதி. அவாதாதபஹதானீதி வாதேன ச ஆதபேன ச ந ஹதானி, நிரோஜதங் ந பாபிதானி. நிரோஜஞ்ஹி கஸடங் பீ³ஜங் பீ³ஜத்தா²ய ந உபகப்பதி. ஸாராதா³னீதி க³ஹிதஸாரானி பதிட்டி²தஸாரானி. நிஸ்ஸாரஞ்ஹி பீ³ஜங் பீ³ஜத்தா²ய ந உபகப்பதி. ஸுக²ஸயிதானீதி சத்தாரோ மாஸே கொட்டே² பக்கி²த்தனியாமேனேவ ஸுக²ங் ஸயிதானி. பத²வீதி ஹெட்டா² பதிட்டா²னபத²வீ. ஆபோதி உபரிஸ்னேஹனஆபோ. சதஸ்ஸோ விஞ்ஞாணட்டி²தியோதி கம்மவிஞ்ஞாணஸ்ஸ ஆரம்மணபூ⁴தா ரூபாத³யோ சத்தாரோ க²ந்தா⁴. தே ஹி ஆரம்மணவஸேன பதிட்டா²பூ⁴தத்தா பத²வீதா⁴துஸதி³ஸா. நந்தி³ராகோ³ ஸினேஹனட்டே²ன ஆபோதா⁴துஸதி³ஸோ. விஞ்ஞாணங் ஸாஹாரந்தி ஸப்பச்சயங் கம்மவிஞ்ஞாணங். தஞ்ஹி பீ³ஜங் விய பத²வியங் ஆரம்மணபத²வியங் விருஹதி. து³தியங்.
54. Dutiye bījajātānīti bījāni. Mūlabījanti vacaṃ vacattaṃ haliddaṃ siṅgiveranti evamādi. Khandhabījanti assattho nigrodhoti evamādi. Phalubījanti ucchu veḷu naḷoti evamādi. Aggabījanti ajjukaṃ phaṇijjakanti evamādi. Bījabījanti sālivīhiādi pubbaṇṇañceva muggamāsādi aparaṇṇañca. Akhaṇḍānīti abhinnāni. Bhinnakālato paṭṭhāya bījaṃ bījatthāya na upakappati. Apūtikānīti udakatemanena apūtikāni. Pūtibījañhi bījatthāya na upakappati. Avātātapahatānīti vātena ca ātapena ca na hatāni, nirojataṃ na pāpitāni. Nirojañhi kasaṭaṃ bījaṃ bījatthāya na upakappati. Sārādānīti gahitasārāni patiṭṭhitasārāni. Nissārañhi bījaṃ bījatthāya na upakappati. Sukhasayitānīti cattāro māse koṭṭhe pakkhittaniyāmeneva sukhaṃ sayitāni. Pathavīti heṭṭhā patiṭṭhānapathavī. Āpoti uparisnehanaāpo. Catasso viññāṇaṭṭhitiyoti kammaviññāṇassa ārammaṇabhūtā rūpādayo cattāro khandhā. Te hi ārammaṇavasena patiṭṭhābhūtattā pathavīdhātusadisā. Nandirāgo sinehanaṭṭhena āpodhātusadiso. Viññāṇaṃ sāhāranti sappaccayaṃ kammaviññāṇaṃ. Tañhi bījaṃ viya pathaviyaṃ ārammaṇapathaviyaṃ viruhati. Dutiyaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. பீ³ஜஸுத்தங் • 2. Bījasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. பீ³ஜஸுத்தவண்ணனா • 2. Bījasuttavaṇṇanā
