| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. б̣ийж̇асуд̇д̇аван̣н̣анаа
2. Bījasuttavaṇṇanā
54. д̣̇уд̇ияз б̣ийж̇аж̇аад̇аанийд̇и б̣ийж̇аани. муулаб̣ийж̇анд̇и важам̣ важад̇д̇ам̣ халид̣̇д̣̇ам̣ син̇г̇ивзранд̇и звамаад̣̇и. канд̇хаб̣ийж̇анд̇и ассад̇т̇о ниг̇род̇ход̇и звамаад̣̇и. палуб̣ийж̇анд̇и ужчу взл̣у нал̣од̇и звамаад̣̇и. аг̇г̇аб̣ийж̇анд̇и аж̇ж̇угам̣ пан̣иж̇ж̇аганд̇и звамаад̣̇и. б̣ийж̇аб̣ийж̇анд̇и сааливийхиаад̣̇и буб̣б̣ан̣н̣ан̃жзва муг̇г̇амаасаад̣̇и абаран̣н̣ан̃жа. акан̣д̣аанийд̇и абхиннаани. бхиннагаалад̇о бадтааяа б̣ийж̇ам̣ б̣ийж̇ад̇т̇ааяа на убагаббад̇и. абууд̇игаанийд̇и уд̣̇агад̇зманзна абууд̇игаани. бууд̇иб̣ийж̇ан̃хи б̣ийж̇ад̇т̇ааяа на убагаббад̇и. аваад̇аад̇абахад̇аанийд̇и ваад̇зна жа аад̇абзна жа на хад̇аани, нирож̇ад̇ам̣ на баабид̇аани. нирож̇ан̃хи гасадам̣ б̣ийж̇ам̣ б̣ийж̇ад̇т̇ааяа на убагаббад̇и. саараад̣̇аанийд̇и г̇ахид̇асаараани бад̇идтид̇асаараани. ниссааран̃хи б̣ийж̇ам̣ б̣ийж̇ад̇т̇ааяа на убагаббад̇и. сукасаяид̇аанийд̇и жад̇д̇ааро маасз годтз багкид̇д̇анияаамзнзва сукам̣ саяид̇аани. бат̇авийд̇и хздтаа бад̇идтаанабат̇авий. аабод̇и убариснзханааабо. жад̇ассо вин̃н̃аан̣адтид̇ияод̇и гаммавин̃н̃аан̣асса аарамман̣абхууд̇аа руубаад̣̇аяо жад̇д̇ааро канд̇хаа. д̇з хи аарамман̣авасзна бад̇идтаабхууд̇ад̇д̇аа бат̇авийд̇хаад̇усад̣̇исаа. нанд̣̇ирааг̇о синзханадтзна аабод̇хаад̇усад̣̇исо. вин̃н̃аан̣ам̣ саахааранд̇и саббажжаяам̣ гаммавин̃н̃аан̣ам̣. д̇ан̃хи б̣ийж̇ам̣ вияа бат̇авияам̣ аарамман̣абат̇авияам̣ вирухад̇и. д̣̇уд̇ияам̣.
54. Dutiye bījajātānīti bījāni. Mūlabījanti vacaṃ vacattaṃ haliddaṃ siṅgiveranti evamādi. Khandhabījanti assattho nigrodhoti evamādi. Phalubījanti ucchu veḷu naḷoti evamādi. Aggabījanti ajjukaṃ phaṇijjakanti evamādi. Bījabījanti sālivīhiādi pubbaṇṇañceva muggamāsādi aparaṇṇañca. Akhaṇḍānīti abhinnāni. Bhinnakālato paṭṭhāya bījaṃ bījatthāya na upakappati. Apūtikānīti udakatemanena apūtikāni. Pūtibījañhi bījatthāya na upakappati. Avātātapahatānīti vātena ca ātapena ca na hatāni, nirojataṃ na pāpitāni. Nirojañhi kasaṭaṃ bījaṃ bījatthāya na upakappati. Sārādānīti gahitasārāni patiṭṭhitasārāni. Nissārañhi bījaṃ bījatthāya na upakappati. Sukhasayitānīti cattāro māse koṭṭhe pakkhittaniyāmeneva sukhaṃ sayitāni. Pathavīti heṭṭhā patiṭṭhānapathavī. Āpoti uparisnehanaāpo. Catasso viññāṇaṭṭhitiyoti kammaviññāṇassa ārammaṇabhūtā rūpādayo cattāro khandhā. Te hi ārammaṇavasena patiṭṭhābhūtattā pathavīdhātusadisā. Nandirāgo sinehanaṭṭhena āpodhātusadiso. Viññāṇaṃ sāhāranti sappaccayaṃ kammaviññāṇaṃ. Tañhi bījaṃ viya pathaviyaṃ ārammaṇapathaviyaṃ viruhati. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. б̣ийж̇асуд̇д̇ам̣ • 2. Bījasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. б̣ийж̇асуд̇д̇аван̣н̣анаа • 2. Bījasuttavaṇṇanā
