| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਬੀਜਸੁਤ੍ਤવਣ੍ਣਨਾ
2. Bījasuttavaṇṇanā
੫੪. ਬੀਜਜਾਤਾਨੀਤਿ ਜਾਤ-ਸਦ੍ਦੋ ਪਦਪੂਰਣਮਤ੍ਤਨ੍ਤਿ ਆਹ ‘‘ਬੀਜਾਨੀ’’ਤਿ। વਚਨ੍ਤਿ ਸੇਤવਚਂ। ਅਜ੍ਜੁਕਨ੍ਤਿ ਤਚ੍ਛਕਂ। ਫਣਿਜ੍ਜਕਂ ਤੁਲਸਿ। ਅਭਿਨ੍ਨਾਨੀਤਿ ਏਕਦੇਸੇਨਪਿ ਅਖਣ੍ਡਿਤਾਨਿ। ਬੀਜਤ੍ਥਾਯਾਤਿ ਬੀਜਕਿਚ੍ਚਾਯ। ਨ ਉਪਕਪ੍ਪਤੀਤਿ ਪਚ੍ਚਯੋ ਨ ਹੋਤੀਤਿ ਦਸ੍ਸੇਤਿ। ਨ ਪਾਪਿਤਾਨੀਤਿ ਪੂਤਿਤਂ ਨ ਉਪਗਤਾਨਿ। ਤਣ੍ਡੁਲਸਾਰਸ੍ਸ ਆਦਾਨਤੋ ਸਾਰਾਦਾਨਿ। ਆਰਮ੍ਮਣਗ੍ਗਹਣવਸੇਨ વਿਞ੍ਞਾਣਂ ਤਿਟ੍ਠਤਿ ਏਤ੍ਥਾਤਿ વਿਞ੍ਞਾਣਟ੍ਠਿਤਿਯੋ। ਆਰਮ੍ਮਣવਸੇਨਾਤਿ ਆਰਮ੍ਮਣਭਾવવਸੇਨ। ਸਿਨੇਹਨਟ੍ਠੇਨਾਤਿ ਤਣ੍ਹਾਯਨવਸੇਨ ਸਿਨਿਦ੍ਧਤਾਪਾਦਨੇਨ, ਯਤੋ ‘‘ਨਨ੍ਦੂਪਸੇਚਨ’’ਨ੍ਤਿ વੁਤ੍ਤਂ। ਤਥਾ ਹਿ વਿਰੋਪਿਤਂ ਤਂ ਕਮ੍ਮવਿਞ੍ਞਾਣਂ ਪਟਿਸਨ੍ਧਿਅਙ੍ਕੁਰੁਪ੍ਪਾਦਨਸਮਤ੍ਥਂ ਹੋਤਿ। ਸਪ੍ਪਚ੍ਚਯਨ੍ਤਿ ਅવਿਜ੍ਜਾਅਯੋਨਿਸੋਨਮਨਸਿਕਾਰਾਦਿਪਚ੍ਚਯੇਹਿ ਸਪ੍ਪਚ੍ਚਯਂ। વਿਰੁਹਤਿ વਿਪਾਕਸਨ੍ਤਾਨੁਪ੍ਪਾਦਨਸਮਤ੍ਥੋ ਹੁਤ੍વਾ।
54.Bījajātānīti jāta-saddo padapūraṇamattanti āha ‘‘bījānī’’ti. Vacanti setavacaṃ. Ajjukanti tacchakaṃ. Phaṇijjakaṃ tulasi. Abhinnānīti ekadesenapi akhaṇḍitāni. Bījatthāyāti bījakiccāya. Na upakappatīti paccayo na hotīti dasseti. Na pāpitānīti pūtitaṃ na upagatāni. Taṇḍulasārassa ādānato sārādāni. Ārammaṇaggahaṇavasena viññāṇaṃ tiṭṭhati etthāti viññāṇaṭṭhitiyo. Ārammaṇavasenāti ārammaṇabhāvavasena. Sinehanaṭṭhenāti taṇhāyanavasena siniddhatāpādanena, yato ‘‘nandūpasecana’’nti vuttaṃ. Tathā hi viropitaṃ taṃ kammaviññāṇaṃ paṭisandhiaṅkuruppādanasamatthaṃ hoti. Sappaccayanti avijjāayonisonamanasikārādipaccayehi sappaccayaṃ. Viruhati vipākasantānuppādanasamattho hutvā.
ਬੀਜਸੁਤ੍ਤવਣ੍ਣਨਾ ਨਿਟ੍ਠਿਤਾ।
Bījasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਬੀਜਸੁਤ੍ਤਂ • 2. Bījasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਬੀਜਸੁਤ੍ਤવਣ੍ਣਨਾ • 2. Bījasuttavaṇṇanā
