Library / Tipiṭaka / తిపిటక • Tipiṭaka / అపదానపాళి • Apadānapāḷi |
౯. బిళాలిదాయకత్థేరఅపదానం
9. Biḷālidāyakattheraapadānaṃ
౫౩.
53.
‘‘హిమవన్తస్సావిదూరే , వసామి పణ్ణసన్థరే;
‘‘Himavantassāvidūre , vasāmi paṇṇasanthare;
౫౪.
54.
కోలం భల్లాతకం బిల్లం, ఆహత్వా పటియాదితం.
Kolaṃ bhallātakaṃ billaṃ, āhatvā paṭiyāditaṃ.
౫౫.
55.
‘‘పదుముత్తరో లోకవిదూ, ఆహుతీనం పటిగ్గహో;
‘‘Padumuttaro lokavidū, āhutīnaṃ paṭiggaho;
మమ సఙ్కప్పమఞ్ఞాయ, ఆగచ్ఛి మమ సన్తికం.
Mama saṅkappamaññāya, āgacchi mama santikaṃ.
౫౬.
56.
‘‘ఉపాగతం మహానాగం, దేవదేవం నరాసభం;
‘‘Upāgataṃ mahānāgaṃ, devadevaṃ narāsabhaṃ;
బిళాలిం పగ్గహేత్వాన, పత్తమ్హి ఓకిరిం అహం.
Biḷāliṃ paggahetvāna, pattamhi okiriṃ ahaṃ.
౫౭.
57.
‘‘పరిభుఞ్జి మహావీరో, తోసయన్తో మమం తదా;
‘‘Paribhuñji mahāvīro, tosayanto mamaṃ tadā;
పరిభుఞ్జిత్వాన సబ్బఞ్ఞూ, ఇమం గాథం అభాసథ.
Paribhuñjitvāna sabbaññū, imaṃ gāthaṃ abhāsatha.
౫౮.
58.
‘‘‘సకం చిత్తం పసాదేత్వా, బిళాలిం మే అదా తువం;
‘‘‘Sakaṃ cittaṃ pasādetvā, biḷāliṃ me adā tuvaṃ;
కప్పానం సతసహస్సం, దుగ్గతిం నుపపజ్జసి’.
Kappānaṃ satasahassaṃ, duggatiṃ nupapajjasi’.
౫౯.
59.
‘‘చరిమం వత్తతే మయ్హం, భవా సబ్బే సమూహతా;
‘‘Carimaṃ vattate mayhaṃ, bhavā sabbe samūhatā;
ధారేమి అన్తిమం దేహం, సమ్మాసమ్బుద్ధసాసనే.
Dhāremi antimaṃ dehaṃ, sammāsambuddhasāsane.
౬౦.
60.
‘‘చతుపఞ్ఞాసితో కప్పే, సుమేఖలియసవ్హయో;
‘‘Catupaññāsito kappe, sumekhaliyasavhayo;
సత్తరతనసమ్పన్నో, చక్కవత్తీ మహబ్బలో.
Sattaratanasampanno, cakkavattī mahabbalo.
౬౧.
61.
‘‘పటిసమ్భిదా చతస్సో…పే॰… కతం బుద్ధస్స సాసనం’’.
‘‘Paṭisambhidā catasso…pe… kataṃ buddhassa sāsanaṃ’’.
ఇత్థం సుదం ఆయస్మా బిళాలిదాయకో థేరో ఇమా గాథాయో అభాసిత్థాతి.
Itthaṃ sudaṃ āyasmā biḷālidāyako thero imā gāthāyo abhāsitthāti.
బిళాలిదాయకత్థేరస్సాపదానం నవమం.
Biḷālidāyakattherassāpadānaṃ navamaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / అపదాన-అట్ఠకథా • Apadāna-aṭṭhakathā / ౯. బిళాలిదాయకత్థేరఅపదానవణ్ణనా • 9. Biḷālidāyakattheraapadānavaṇṇanā