| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. พิฬาลิทายกเตฺถรอปทานํ
9. Biḷālidāyakattheraapadānaṃ
๕๓.
53.
‘‘หิมวนฺตสฺสาวิทูเร , วสามิ ปณฺณสนฺถเร;
‘‘Himavantassāvidūre , vasāmi paṇṇasanthare;
๕๔.
54.
โกลํ ภลฺลาตกํ พิลฺลํ, อาหตฺวา ปฎิยาทิตํฯ
Kolaṃ bhallātakaṃ billaṃ, āhatvā paṭiyāditaṃ.
๕๕.
55.
‘‘ปทุมุตฺตโร โลกวิทู, อาหุตีนํ ปฎิคฺคโห;
‘‘Padumuttaro lokavidū, āhutīnaṃ paṭiggaho;
มม สงฺกปฺปมญฺญาย, อาคจฺฉิ มม สนฺติกํฯ
Mama saṅkappamaññāya, āgacchi mama santikaṃ.
๕๖.
56.
‘‘อุปาคตํ มหานาคํ, เทวเทวํ นราสภํ;
‘‘Upāgataṃ mahānāgaṃ, devadevaṃ narāsabhaṃ;
พิฬาลิํ ปคฺคเหตฺวาน, ปตฺตมฺหิ โอกิริํ อหํฯ
Biḷāliṃ paggahetvāna, pattamhi okiriṃ ahaṃ.
๕๗.
57.
‘‘ปริภุญฺชิ มหาวีโร, โตสยโนฺต มมํ ตทา;
‘‘Paribhuñji mahāvīro, tosayanto mamaṃ tadā;
ปริภุญฺชิตฺวาน สพฺพญฺญู, อิมํ คาถํ อภาสถฯ
Paribhuñjitvāna sabbaññū, imaṃ gāthaṃ abhāsatha.
๕๘.
58.
‘‘‘สกํ จิตฺตํ ปสาเทตฺวา, พิฬาลิํ เม อทา ตุวํ;
‘‘‘Sakaṃ cittaṃ pasādetvā, biḷāliṃ me adā tuvaṃ;
กปฺปานํ สตสหสฺสํ, ทุคฺคติํ นุปปชฺชสิ’ฯ
Kappānaṃ satasahassaṃ, duggatiṃ nupapajjasi’.
๕๙.
59.
‘‘จริมํ วตฺตเต มยฺหํ, ภวา สเพฺพ สมูหตา;
‘‘Carimaṃ vattate mayhaṃ, bhavā sabbe samūhatā;
ธาเรมิ อนฺติมํ เทหํ, สมฺมาสมฺพุทฺธสาสเนฯ
Dhāremi antimaṃ dehaṃ, sammāsambuddhasāsane.
๖๐.
60.
‘‘จตุปญฺญาสิโต กเปฺป, สุเมขลิยสวฺหโย;
‘‘Catupaññāsito kappe, sumekhaliyasavhayo;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๖๑.
61.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา พิฬาลิทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā biḷālidāyako thero imā gāthāyo abhāsitthāti.
พิฬาลิทายกเตฺถรสฺสาปทานํ นวมํฯ
Biḷālidāyakattherassāpadānaṃ navamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๙. พิฬาลิทายกเตฺถรอปทานวณฺณนา • 9. Biḷālidāyakattheraapadānavaṇṇanā
