| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๕. พิฬาลิทายกเตฺถรอปทานํ
5. Biḷālidāyakattheraapadānaṃ
๑๘.
18.
‘‘หิมวนฺตสฺสาวิทูเร , โรมโส นาม ปพฺพโต;
‘‘Himavantassāvidūre , romaso nāma pabbato;
ตมฺหิ ปพฺพตปาทมฺหิ, สมโณ ภาวิตินฺทฺริโยฯ
Tamhi pabbatapādamhi, samaṇo bhāvitindriyo.
๑๙.
19.
‘‘พิฬาลิโย คเหตฺวาน, สมณสฺส อทาสหํ;
‘‘Biḷāliyo gahetvāna, samaṇassa adāsahaṃ;
อนุโมทิ มหาวีโร, สยมฺภู อปราชิโตฯ
Anumodi mahāvīro, sayambhū aparājito.
๒๐.
20.
‘‘พิฬาลี เต มม ทินฺนา, วิปฺปสเนฺนน เจตสา;
‘‘Biḷālī te mama dinnā, vippasannena cetasā;
ภเว นิพฺพตฺตมานมฺหิ, ผลํ นิพฺพตฺตตํ ตวฯ
Bhave nibbattamānamhi, phalaṃ nibbattataṃ tava.
๒๑.
21.
‘‘จตุนฺนวุติโต กเปฺป, ยํ พิฬาลิมทาสหํ;
‘‘Catunnavutito kappe, yaṃ biḷālimadāsahaṃ;
ทุคฺคติํ นาภิชานามิ, พิฬาลิยา อิทํ ผลํฯ
Duggatiṃ nābhijānāmi, biḷāliyā idaṃ phalaṃ.
๒๒.
22.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา พิฬาลิทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā biḷālidāyako thero imā gāthāyo abhāsitthāti.
พิฬาลิทายกเตฺถรสฺสาปทานํ ปญฺจมํฯ
Biḷālidāyakattherassāpadānaṃ pañcamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๑๐. อากาสุกฺขิปิยเตฺถรอปทานาทิวณฺณนา • 1-10. Ākāsukkhipiyattheraapadānādivaṇṇanā
