| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
9. பி³ளாலிதா³யகத்தே²ரஅபதா³னவண்ணனா
9. Biḷālidāyakattheraapadānavaṇṇanā
ஹிமவந்தஸ்ஸாவிதூ³ரேதிஆதி³கங் ஆயஸ்மதோ பி³ளாலிதா³யகத்தே²ரஸ்ஸ அபதா³னங். அயம்பி புரிமஜினவரேஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ பது³முத்தரஸ்ஸ ப⁴க³வதோ காலே குலகே³ஹே நிப்³ப³த்தோ விஞ்ஞுதங் பத்தோ க⁴ராவாஸங் வஸந்தோ தத்தா²தீ³னவங் தி³ஸ்வா க⁴ராவாஸங் பஹாய தாபஸபப்³ப³ஜ்ஜங் பப்³ப³ஜித்வா ஹிமவந்தே வஸந்தோ அதீவ அப்பிச்ச²ஸந்துட்டோ² ஆலுவாதீ³ஹி யாபெந்தோ வஸதி. ததா³ பது³முத்தரோ ப⁴க³வா தஸ்ஸ அனுகம்பாய தங் ஹிமவந்தங் அக³மாஸி . தங் தி³ஸ்வா பஸன்னோ வந்தி³த்வா பி³ளாலியோ க³ஹெத்வா பத்தே ஓகிரி. தங் ததா²க³தோ தஸ்ஸானுகம்பாய ஸோமனஸ்ஸுப்பாத³யந்தோ பரிபு⁴ஞ்ஜி. ஸோ தேன கம்மேன ததோ சுதோ தே³வமனுஸ்ஸேஸு உப⁴யஸம்பத்தியோ அனுப⁴வித்வா இமஸ்மிங் பு³த்³து⁴ப்பாதே³ குலகே³ஹே நிப்³ப³த்தித்வா வுத்³தி⁴மன்வாய ஸத்த²ரி பஸன்னோ ஸாஸனே பப்³ப³ஜித்வா நசிரஸ்ஸேவ அரஹா அஹோஸி.
Himavantassāvidūretiādikaṃ āyasmato biḷālidāyakattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle kulagehe nibbatto viññutaṃ patto gharāvāsaṃ vasanto tatthādīnavaṃ disvā gharāvāsaṃ pahāya tāpasapabbajjaṃ pabbajitvā himavante vasanto atīva appicchasantuṭṭho āluvādīhi yāpento vasati. Tadā padumuttaro bhagavā tassa anukampāya taṃ himavantaṃ agamāsi . Taṃ disvā pasanno vanditvā biḷāliyo gahetvā patte okiri. Taṃ tathāgato tassānukampāya somanassuppādayanto paribhuñji. So tena kammena tato cuto devamanussesu ubhayasampattiyo anubhavitvā imasmiṃ buddhuppāde kulagehe nibbattitvā vuddhimanvāya satthari pasanno sāsane pabbajitvā nacirasseva arahā ahosi.
53. ஸோ அபரபா⁴கே³ அத்தனோ குஸலகம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ ஹிமவந்தஸ்ஸாவிதூ³ரேதிஆதி³மாஹ. தங் ஸப்³ப³ங் ஹெட்டா² வுத்தனயத்தா உத்தானத்த²மேவ. ஆலுவகரம்பா⁴த³யோ தேஸங் தேஸங் கந்த³ஜாதீனங் நாமானேவாதி.
53. So aparabhāge attano kusalakammaṃ saritvā somanassajāto pubbacaritāpadānaṃ pakāsento himavantassāvidūretiādimāha. Taṃ sabbaṃ heṭṭhā vuttanayattā uttānatthameva. Āluvakarambhādayo tesaṃ tesaṃ kandajātīnaṃ nāmānevāti.
பி³ளாலிதா³யகத்தே²ரஅபதா³னவண்ணனா ஸமத்தா.
Biḷālidāyakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 9. பி³ளாலிதா³யகத்தே²ரஅபதா³னங் • 9. Biḷālidāyakattheraapadānaṃ
