| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๕๐. พิลารโกสิยชาตกํ (๑๒)
450. Bilārakosiyajātakaṃ (12)
๑๒๕.
125.
อปจนฺตาปิ ทิจฺฉนฺติ, สโนฺต ลทฺธาน โภชนํ;
Apacantāpi dicchanti, santo laddhāna bhojanaṃ;
กิเมว ตฺวํ ปจมาโน, ยํ น ทชฺชา น ตํ สมํฯ
Kimeva tvaṃ pacamāno, yaṃ na dajjā na taṃ samaṃ.
๑๒๖.
126.
มเจฺฉรา จ ปมาทา จ, เอวํ ทานํ น ทิยฺยติ;
Maccherā ca pamādā ca, evaṃ dānaṃ na diyyati;
ปุญฺญํ อากงฺขมาเนน, เทยฺยํ โหติ วิชานตาฯ
Puññaṃ ākaṅkhamānena, deyyaṃ hoti vijānatā.
๑๒๗.
127.
ยเสฺสว ภีโต น ททาติ มจฺฉรี, ตเทวาททโต ภยํ;
Yasseva bhīto na dadāti maccharī, tadevādadato bhayaṃ;
ชิฆจฺฉา จ ปิปาสา จ, ยสฺส ภายติ มจฺฉรี;
Jighacchā ca pipāsā ca, yassa bhāyati maccharī;
ตเมว พาลํ ผุสติ, อสฺมิํ โลเก ปรมฺหิ จฯ
Tameva bālaṃ phusati, asmiṃ loke paramhi ca.
๑๒๘.
128.
ตสฺมา วิเนยฺย มเจฺฉรํ, ทชฺชา ทานํ มลาภิภู;
Tasmā vineyya maccheraṃ, dajjā dānaṃ malābhibhū;
ปุญฺญานิ ปรโลกสฺมิํ, ปติฎฺฐา โหนฺติ ปาณินํฯ
Puññāni paralokasmiṃ, patiṭṭhā honti pāṇinaṃ.
๑๒๙.
129.
ทุทฺททํ ททมานานํ, ทุกฺกรํ กมฺม กุพฺพตํ;
Duddadaṃ dadamānānaṃ, dukkaraṃ kamma kubbataṃ;
อสโนฺต นานุกุพฺพนฺติ, สตํ ธโมฺม ทุรนฺนโยฯ
Asanto nānukubbanti, sataṃ dhammo durannayo.
๑๓๐.
130.
อสโนฺต นิรยํ ยนฺติ, สโนฺต สคฺคปรายนาฯ
Asanto nirayaṃ yanti, santo saggaparāyanā.
๑๓๑.
131.
อปฺปสฺมา ทกฺขิณา ทินฺนา, สหเสฺสน สมํ มิตาฯ
Appasmā dakkhiṇā dinnā, sahassena samaṃ mitā.
๑๓๒.
132.
ธมฺมํ จเร โยปิ สมุญฺฉกํ จเร, ทารญฺจ โปสํ ททมปฺปกสฺมิํ 5;
Dhammaṃ care yopi samuñchakaṃ care, dārañca posaṃ dadamappakasmiṃ 6;
สตํ สหสฺสานํ สหสฺสยาคินํ, กลมฺปิ นาคฺฆนฺติ ตถาวิธสฺส เตฯ
Sataṃ sahassānaṃ sahassayāginaṃ, kalampi nāgghanti tathāvidhassa te.
๑๓๓.
133.
เกเนส ยโญฺญ วิปุโล มหคฺฆโต 7, สเมน ทินฺนสฺส น อคฺฆเมติ;
Kenesa yañño vipulo mahagghato 8, samena dinnassa na agghameti;
กถํ สตํ สหสฺสานํ 9 สหสฺสยาคินํ, กลมฺปิ นาคฺฆนฺติ ตถาวิธสฺส เตฯ
Kathaṃ sataṃ sahassānaṃ 10 sahassayāginaṃ, kalampi nāgghanti tathāvidhassa te.
๑๓๔.
134.
ททนฺติ เหเก วิสเม นิวิฎฺฐา, เฉตฺวา 11 วธิตฺวา อถ โสจยิตฺวา;
Dadanti heke visame niviṭṭhā, chetvā 12 vadhitvā atha socayitvā;
สา ทกฺขิณา อสฺสุมุขา สทณฺฑา, สเมน ทินฺนสฺส น อคฺฆเมติ;
Sā dakkhiṇā assumukhā sadaṇḍā, samena dinnassa na agghameti;
เอวํ สตํ สหสฺสานํ 13 สหสฺสยาคินํ, กลมฺปิ นาคฺฆนฺติ ตถาวิธสฺส เตติฯ
Evaṃ sataṃ sahassānaṃ 14 sahassayāginaṃ, kalampi nāgghanti tathāvidhassa teti.
พิลารโกสิยชาตกํ ทฺวาทสมํฯ
Bilārakosiyajātakaṃ dvādasamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๕๐] ๑๒. พิลารโกสิยชาตกวณฺณนา • [450] 12. Bilārakosiyajātakavaṇṇanā
