| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੨. ਬਿਲ਼ਾਰਙ੍ਗਪਞ੍ਹੋ
2. Biḷāraṅgapañho
੨. ‘‘ਭਨ੍ਤੇ ਨਾਗਸੇਨ, ‘ਬਿਲ਼ਾਰਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਬਿਲ਼ਾਰੋ ਗੁਹਾਗਤੋਪਿ ਸੁਸਿਰਗਤੋਪਿ ਹਮ੍ਮਿਯਨ੍ਤਰਗਤੋਪਿ ਉਨ੍ਦੂਰਂ ਯੇવ ਪਰਿਯੇਸਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਗਾਮਗਤੇਨਾਪਿ ਅਰਞ੍ਞਗਤੇਨਾਪਿ ਰੁਕ੍ਖਮੂਲਗਤੇਨਾਪਿ ਸੁਞ੍ਞਾਗਾਰਗਤੇਨਾਪਿ ਸਤਤਂ ਸਮਿਤਂ ਅਪ੍ਪਮਤ੍ਤੇਨ ਕਾਯਗਤਾਸਤਿਭੋਜਨਂ ਯੇવ ਪਰਿਯੇਸਿਤਬ੍ਬਂ। ਇਦਂ, ਮਹਾਰਾਜ, ਬਿਲ਼ਾਰਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
2. ‘‘Bhante nāgasena, ‘biḷārassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, biḷāro guhāgatopi susiragatopi hammiyantaragatopi undūraṃ yeva pariyesati, evameva kho, mahārāja, yoginā yogāvacarena gāmagatenāpi araññagatenāpi rukkhamūlagatenāpi suññāgāragatenāpi satataṃ samitaṃ appamattena kāyagatāsatibhojanaṃ yeva pariyesitabbaṃ. Idaṃ, mahārāja, biḷārassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਬਿਲ਼ਾਰੋ ਆਸਨ੍ਨੇ ਯੇવ ਗੋਚਰਂ ਪਰਿਯੇਸਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਇਮੇਸੁ ਯੇવ ਪਞ੍ਚਸੁ ਉਪਾਦਾਨਕ੍ਖਨ੍ਧੇਸੁ ਉਦਯਬ੍ਬਯਾਨੁਪਸ੍ਸਿਨਾ વਿਹਰਿਤਬ੍ਬਂ ‘ਇਤਿ ਰੂਪਂ ਇਤਿ ਰੂਪਸ੍ਸ ਸਮੁਦਯੋ ਇਤਿ ਰੂਪਸ੍ਸ ਅਤ੍ਥਙ੍ਗਮੋ, ਇਤਿ વੇਦਨਾ ਇਤਿ વੇਦਨਾਯ ਸਮੁਦਯੋ ਇਤਿ વੇਦਨਾਯ ਅਤ੍ਥਙ੍ਗਮੋ, ਇਤਿ ਸਞ੍ਞਾ ਇਤਿ ਸਞ੍ਞਾਯ ਸਮੁਦਯੋ ਇਤਿ ਸਞ੍ਞਾਯ ਅਤ੍ਥਙ੍ਗਮੋ, ਇਤਿ ਸਙ੍ਖਾਰਾ ਇਤਿ ਸਙ੍ਖਾਰਾਨਂ ਸਮੁਦਯੋ ਇਤਿ ਸਙ੍ਖਾਰਾਨਂ ਅਤ੍ਥਙ੍ਗਮੋ, ਇਤਿ વਿਞ੍ਞਾਣਂ ਇਤਿ વਿਞ੍ਞਾਣਸ੍ਸ ਸਮੁਦਯੋ ਇਤਿ વਿਞ੍ਞਾਣਸ੍ਸ ਅਤ੍ਥਙ੍ਗਮੋ’ਤਿ। ਇਦਂ, ਮਹਾਰਾਜ, ਬਿਲ਼ਾਰਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ –
‘‘Puna caparaṃ, mahārāja, biḷāro āsanne yeva gocaraṃ pariyesati, evameva kho, mahārāja, yoginā yogāvacarena imesu yeva pañcasu upādānakkhandhesu udayabbayānupassinā viharitabbaṃ ‘iti rūpaṃ iti rūpassa samudayo iti rūpassa atthaṅgamo, iti vedanā iti vedanāya samudayo iti vedanāya atthaṅgamo, iti saññā iti saññāya samudayo iti saññāya atthaṅgamo, iti saṅkhārā iti saṅkhārānaṃ samudayo iti saṅkhārānaṃ atthaṅgamo, iti viññāṇaṃ iti viññāṇassa samudayo iti viññāṇassa atthaṅgamo’ti. Idaṃ, mahārāja, biḷārassa dutiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena –
‘‘‘ਨ ਇਤੋ ਦੂਰੇ ਭવਿਤਬ੍ਬਂ, ਭવਗ੍ਗਂ ਕਿਂ ਕਰਿਸ੍ਸਤਿ।
‘‘‘Na ito dūre bhavitabbaṃ, bhavaggaṃ kiṃ karissati;
ਪਚ੍ਚੁਪ੍ਪਨ੍ਨਮ੍ਹਿ વੋਹਾਰੇ, ਸਕੇ ਕਾਯਮ੍ਹਿ વਿਨ੍ਦਥਾ’’’ਤਿ॥
Paccuppannamhi vohāre, sake kāyamhi vindathā’’’ti.
ਬਿਲ਼ਾਰਙ੍ਗਪਞ੍ਹੋ ਦੁਤਿਯੋ।
Biḷāraṅgapañho dutiyo.
