| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. б̣ил̣аарасуд̇д̇ам̣
10. Biḷārasuttaṃ
232. саавад̇т̇ияам̣ вихарад̇и. д̇зна ко бана самаязна ан̃н̃ад̇аро бхигку ад̇ивзлам̣ гулзсу жаарид̇д̇ам̣ аабаж̇ж̇ад̇и. д̇амзнам̣ бхигкуу звамаахам̣су – ‘‘мааяасмаа ад̇ивзлам̣ гулзсу жаарид̇д̇ам̣ аабаж̇ж̇ий’’д̇и. со бхигку бхигкуухи вужжамаано на вирамад̇и. ат̇а ко самб̣ахулаа бхигкуу язна бхаг̇аваа д̇знубасан̇гамим̣су ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ид̇ха, бханд̇з, ан̃н̃ад̇аро бхигку ад̇ивзлам̣ гулзсу жаарид̇д̇ам̣ аабаж̇ж̇ад̇и. д̇амзнам̣ бхигкуу звамаахам̣су – ‘мааяасмаа ад̇ивзлам̣ гулзсу жаарид̇д̇ам̣ аабаж̇ж̇ий’д̇и. со бхигку бхигкуухи вужжамаано на вирамад̇ий’’д̇и.
232. Sāvatthiyaṃ viharati. Tena kho pana samayena aññataro bhikkhu ativelaṃ kulesu cārittaṃ āpajjati. Tamenaṃ bhikkhū evamāhaṃsu – ‘‘māyasmā ativelaṃ kulesu cārittaṃ āpajjī’’ti. So bhikkhu bhikkhūhi vuccamāno na viramati. Atha kho sambahulā bhikkhū yena bhagavā tenupasaṅkamiṃsu ; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘idha, bhante, aññataro bhikkhu ativelaṃ kulesu cārittaṃ āpajjati. Tamenaṃ bhikkhū evamāhaṃsu – ‘māyasmā ativelaṃ kulesu cārittaṃ āpajjī’ti. So bhikkhu bhikkhūhi vuccamāno na viramatī’’ti.
‘‘бхууд̇абуб̣б̣ам̣, бхигкавз, б̣ил̣ааро санд̇хисамаласан̇гадийрз тид̇о ахоси муд̣̇умуусим̣ маг̇г̇аяамаано – ‘яад̣̇ааяам̣ муд̣̇умууси г̇ожарааяа баггамиссад̇и, д̇ад̇т̇зва нам̣ г̇ахзд̇ваа каад̣̇иссаамий’д̇и. ат̇а ко со, бхигкавз, муд̣̇умууси г̇ожарааяа баггаами. д̇амзнам̣ б̣ил̣ааро г̇ахзд̇ваа сахасаа сан̇каад̣̇ид̇ваа 1 аж̇жхохари. д̇асса со муд̣̇умууси анд̇амби каад̣̇и, анд̇аг̇ун̣амби каад̣̇и. со д̇ад̇онид̣̇аанам̣ маран̣амби ниг̇ажчи маран̣амад̇д̇амби д̣̇угкам̣.
‘‘Bhūtapubbaṃ, bhikkhave, biḷāro sandhisamalasaṅkaṭīre ṭhito ahosi mudumūsiṃ maggayamāno – ‘yadāyaṃ mudumūsi gocarāya pakkamissati, tattheva naṃ gahetvā khādissāmī’ti. Atha kho so, bhikkhave, mudumūsi gocarāya pakkāmi. Tamenaṃ biḷāro gahetvā sahasā saṅkhāditvā 2 ajjhohari. Tassa so mudumūsi antampi khādi, antaguṇampi khādi. So tatonidānaṃ maraṇampi nigacchi maraṇamattampi dukkhaṃ.
‘‘звамзва ко, бхигкавз, ид̇хзгажжо бхигку буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа г̇аамам̣ ваа ниг̇амам̣ ваа бин̣д̣ааяа бависад̇и арагкид̇знзва гааязна арагкид̇ааяа ваажааяа арагкид̇зна жид̇д̇зна, анубадтид̇ааяа сад̇ияаа, асам̣вуд̇зхи инд̣̇риязхи. со д̇ад̇т̇а бассад̇и маад̇уг̇аамам̣ д̣̇уннивад̇т̇ам̣ ваа д̣̇уббааруд̇ам̣ ваа. д̇асса маад̇уг̇аамам̣ д̣̇исваа д̣̇уннивад̇т̇ам̣ ваа д̣̇уббааруд̇ам̣ ваа рааг̇о жид̇д̇ам̣ ануд̣̇д̇хам̣сзд̇и. со рааг̇аануд̣̇д̇хам̣сзна жид̇д̇зна маран̣ам̣ ваа ниг̇ажчад̇и маран̣амад̇д̇ам̣ ваа д̣̇угкам̣. маран̣ан̃хзд̇ам̣, бхигкавз, арияасса винаяз яо сигкам̣ бажжагкааяа хийнааяаавад̇д̇ад̇и. маран̣амад̇д̇ан̃хзд̇ам̣, бхигкавз, д̣̇угкам̣ яад̣̇ид̣̇ам̣ ан̃н̃ад̇арам̣ сам̣гилидтам̣ аабад̇д̇им̣ аабаж̇ж̇ад̇и. яат̇ааруубааяа аабад̇д̇ияаа вудтаанам̣ бан̃н̃ааяад̇и. д̇асмаад̇иха, бхигкавз, звам̣ сигкид̇аб̣б̣ам̣ – ‘рагкид̇знзва гааязна рагкид̇ааяа ваажааяа рагкид̇зна жид̇д̇зна, убадтид̇ааяа сад̇ияаа, сам̣вуд̇зхи инд̣̇риязхи г̇аамам̣ ваа ниг̇амам̣ ваа бин̣д̣ааяа бависиссаамаа’д̇и. зван̃хи во, бхигкавз, сигкид̇аб̣б̣а’’нд̇и. д̣̇асамам̣.
‘‘Evameva kho, bhikkhave, idhekacco bhikkhu pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisati arakkhiteneva kāyena arakkhitāya vācāya arakkhitena cittena, anupaṭṭhitāya satiyā, asaṃvutehi indriyehi. So tattha passati mātugāmaṃ dunnivatthaṃ vā duppārutaṃ vā. Tassa mātugāmaṃ disvā dunnivatthaṃ vā duppārutaṃ vā rāgo cittaṃ anuddhaṃseti. So rāgānuddhaṃsena cittena maraṇaṃ vā nigacchati maraṇamattaṃ vā dukkhaṃ. Maraṇañhetaṃ, bhikkhave, ariyassa vinaye yo sikkhaṃ paccakkhāya hīnāyāvattati. Maraṇamattañhetaṃ, bhikkhave, dukkhaṃ yadidaṃ aññataraṃ saṃkiliṭṭhaṃ āpattiṃ āpajjati. Yathārūpāya āpattiyā vuṭṭhānaṃ paññāyati. Tasmātiha, bhikkhave, evaṃ sikkhitabbaṃ – ‘rakkhiteneva kāyena rakkhitāya vācāya rakkhitena cittena, upaṭṭhitāya satiyā, saṃvutehi indriyehi gāmaṃ vā nigamaṃ vā piṇḍāya pavisissāmā’ti. Evañhi vo, bhikkhave, sikkhitabba’’nti. Dasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. б̣ил̣аарасуд̇д̇аван̣н̣анаа • 10. Biḷārasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. б̣ил̣аарасуд̇д̇аван̣н̣анаа • 10. Biḷārasuttavaṇṇanā
