| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[128] 8. б̣ил̣ааравад̇аж̇аад̇агаван̣н̣анаа
[128] 8. Biḷāravatajātakavaṇṇanā
яо вз д̇хаммам̣ д̇хаж̇ам̣ гад̇ваад̇и ид̣̇ам̣ сад̇т̇аа ж̇зд̇аванз вихаранд̇о згам̣ гухагабхигкум̣ аараб̣бха гат̇зси. д̇ад̣̇аа хи сад̇т̇аа д̇асса гухагабхаавз аарожид̇з ‘‘на, бхигкавз, ид̣̇аанзва, буб̣б̣збзса гухагоязваа’’д̇и вад̇ваа ад̇ийд̇ам̣ аахари.
Yove dhammaṃ dhajaṃ katvāti idaṃ satthā jetavane viharanto ekaṃ kuhakabhikkhuṃ ārabbha kathesi. Tadā hi satthā tassa kuhakabhāve ārocite ‘‘na, bhikkhave, idāneva, pubbepesa kuhakoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о муусигаяонияам̣ бадисанд̇хим̣ г̇ахзд̇ваа вуд̣дхиманвааяа махаасарийро суугаражчаабагасад̣̇исо худ̇ваа анзгасад̇амуусигаахи баривуд̇о аран̃н̃з вихарад̇и. ат̇зго син̇г̇аало ид̇о жид̇о жа вижаранд̇о д̇ам̣ муусигаяуут̇ам̣ д̣̇исваа ‘‘имаа муусигаа ван̃жзд̇ваа каад̣̇иссаамий’’д̇и жинд̇зд̇ваа муусигаанам̣ аасаяасса авид̣̇уурз суурияаабхимуко ваад̇ам̣ биванд̇о згзна баад̣̇зна адтааси. б̣од̇хисад̇д̇о г̇ожарааяа жарамаано д̇ам̣ д̣̇исваа ‘‘сийлаваа зсо бхависсад̇ий’’д̇и д̇асса санд̇игам̣ г̇анд̇ваа ‘‘бханд̇з, д̇вам̣ го наамо’’д̇и бужчи. ‘‘д̇хаммиго наамаа’’д̇и. ‘‘жад̇д̇ааро баад̣̇з бхуумияам̣ атабзд̇ваа гасмаа згзнзва тид̇осий’’д̇и. ‘‘маяи жад̇д̇ааро баад̣̇з бат̇авияам̣ табзнд̇з бат̇авий вахид̇ум̣ на саггод̇и, д̇асмаа згзнзва д̇идтаамий’’д̇и. ‘‘мукам̣ виварид̇ваа гасмаа тид̇осий’’д̇и? ‘‘маяам̣ ан̃н̃ам̣ на бхагкаяаама, ваад̇амзва бхагкаяаамаа’’д̇и. ‘‘ат̇а гасмаа суурияаабхимуко д̇идтасий’’д̇и? ‘‘суурияам̣ намассаамий’’д̇и. б̣од̇хисад̇д̇о д̇асса важанам̣ суд̇ваа ‘‘сийлаваа зсо бхависсад̇ий’’д̇и д̇ад̇о бадтааяа муусигаг̇ан̣зна сад̣̇д̇хим̣ сааяам̣ баад̇ам̣ д̇асса убадтаанам̣ г̇ажчад̇и.
Atīte bārāṇasiyaṃ brahmadatte rajjaṃ kārente bodhisatto mūsikayoniyaṃ paṭisandhiṃ gahetvā vuḍḍhimanvāya mahāsarīro sūkaracchāpakasadiso hutvā anekasatamūsikāhi parivuto araññe viharati. Atheko siṅgālo ito cito ca vicaranto taṃ mūsikayūthaṃ disvā ‘‘imā mūsikā vañcetvā khādissāmī’’ti cintetvā mūsikānaṃ āsayassa avidūre sūriyābhimukho vātaṃ pivanto ekena pādena aṭṭhāsi. Bodhisatto gocarāya caramāno taṃ disvā ‘‘sīlavā eso bhavissatī’’ti tassa santikaṃ gantvā ‘‘bhante, tvaṃ ko nāmo’’ti pucchi. ‘‘Dhammiko nāmā’’ti. ‘‘Cattāro pāde bhūmiyaṃ aṭhapetvā kasmā ekeneva ṭhitosī’’ti. ‘‘Mayi cattāro pāde pathaviyaṃ ṭhapente pathavī vahituṃ na sakkoti, tasmā ekeneva tiṭṭhāmī’’ti. ‘‘Mukhaṃ vivaritvā kasmā ṭhitosī’’ti? ‘‘Mayaṃ aññaṃ na bhakkhayāma, vātameva bhakkhayāmā’’ti. ‘‘Atha kasmā sūriyābhimukho tiṭṭhasī’’ti? ‘‘Sūriyaṃ namassāmī’’ti. Bodhisatto tassa vacanaṃ sutvā ‘‘sīlavā eso bhavissatī’’ti tato paṭṭhāya mūsikagaṇena saddhiṃ sāyaṃ pātaṃ tassa upaṭṭhānaṃ gacchati.
ат̇асса убадтаанам̣ гад̇ваа г̇аманагаалз син̇г̇аало саб̣б̣абажчимам̣ муусигам̣ г̇ахзд̇ваа мам̣сам̣ каад̣̇ид̇ваа аж̇жхохарид̇ваа мукам̣ бун̃чид̇ваа д̇идтад̇и. анубуб̣б̣зна муусигаг̇ан̣о д̇ануго ж̇аад̇о. муусигаа ‘‘буб̣б̣з амхаагам̣ аяам̣ аасаяо наббаход̇и, ниранд̇араа д̇идтаама. ид̣̇аани сит̇илаа, звамби аасаяо на буурад̇зва, гим̣ ну ко зд̇а’’нд̇и б̣од̇хисад̇д̇асса д̇ам̣ бавад̇д̇им̣ аарожзсум̣. б̣од̇хисад̇д̇о ‘‘гзна ну ко гааран̣зна мусигаа д̇ануд̇д̇ам̣ г̇ад̇аа’’д̇и жинд̇знд̇о син̇г̇аалз аасан̇гам̣ табзд̇ваа ‘‘виймам̣сиссаами на’’нд̇и убадтаанагаалз сзсамуусигаа бурад̇о гад̇ваа саяам̣ бажчад̇о ахоси. син̇г̇аало д̇асса убари багканд̣̇и, б̣од̇хисад̇д̇о ад̇д̇ано г̇ахан̣ад̇т̇ааяа д̇ам̣ багканд̣̇анд̇ам̣ д̣̇исваа нивад̇д̇ид̇ваа ‘‘бхо син̇г̇аала, ид̣̇ам̣ д̇з вад̇асамаад̣̇аанам̣ на д̇хаммасуд̇хаммад̇ааяа, барзсам̣ бана вихим̣санад̇т̇ааяа д̇хаммам̣ д̇хаж̇ам̣ гад̇ваа жарасий’’д̇и вад̇ваа имам̣ г̇аат̇амааха –
Athassa upaṭṭhānaṃ katvā gamanakāle siṅgālo sabbapacchimaṃ mūsikaṃ gahetvā maṃsaṃ khāditvā ajjhoharitvā mukhaṃ puñchitvā tiṭṭhati. Anupubbena mūsikagaṇo tanuko jāto. Mūsikā ‘‘pubbe amhākaṃ ayaṃ āsayo nappahoti, nirantarā tiṭṭhāma. Idāni sithilā, evampi āsayo na pūrateva, kiṃ nu kho eta’’nti bodhisattassa taṃ pavattiṃ ārocesuṃ. Bodhisatto ‘‘kena nu kho kāraṇena musikā tanuttaṃ gatā’’ti cintento siṅgāle āsaṅkaṃ ṭhapetvā ‘‘vīmaṃsissāmi na’’nti upaṭṭhānakāle sesamūsikā purato katvā sayaṃ pacchato ahosi. Siṅgālo tassa upari pakkhandi, bodhisatto attano gahaṇatthāya taṃ pakkhandantaṃ disvā nivattitvā ‘‘bho siṅgāla, idaṃ te vatasamādānaṃ na dhammasudhammatāya, paresaṃ pana vihiṃsanatthāya dhammaṃ dhajaṃ katvā carasī’’ti vatvā imaṃ gāthamāha –
128.
128.
‘‘яо вз д̇хаммам̣ д̇хаж̇ам̣ гад̇ваа, ниг̇уул̣хо баабамаажарз;
‘‘Yo ve dhammaṃ dhajaṃ katvā, nigūḷho pāpamācare;
виссаасаяид̇ваа бхууд̇аани, б̣ил̣аарам̣ наама д̇ам̣ вад̇а’’нд̇и.
Vissāsayitvā bhūtāni, biḷāraṃ nāma taṃ vata’’nti.
д̇ад̇т̇а яо взд̇и кад̇д̇ияаад̣̇ийсу яо гожид̣̇зва. д̇хаммам̣ д̇хаж̇ам̣ гад̇ваад̇и д̣̇асагусалагаммабат̇ад̇хаммам̣ д̇хаж̇ам̣ гарид̇ваа, гуудам̣ гаронд̇о вияа уссаабзд̇ваа д̣̇ассзнд̇од̇и ад̇т̇о. виссаасаяид̇ваад̇и ‘‘сийлаваа аяа’’нд̇и сан̃н̃ааяа сан̃ж̇аад̇ависсаасаани гад̇ваа. б̣ил̣аарам̣ наама д̇ам̣ вад̇анд̇и д̇ам̣ звам̣ д̇хаммам̣ д̇хаж̇ам̣ гад̇ваа рахо баабаани гаронд̇асса вад̇ам̣ гзраадигавад̇ам̣ наама ход̇ийд̇и ад̇т̇о.
Tattha yo veti khattiyādīsu yo kocideva. Dhammaṃ dhajaṃ katvāti dasakusalakammapathadhammaṃ dhajaṃ karitvā, kūṭaṃ karonto viya ussāpetvā dassentoti attho. Vissāsayitvāti ‘‘sīlavā aya’’nti saññāya sañjātavissāsāni katvā. Biḷāraṃ nāma taṃ vatanti taṃ evaṃ dhammaṃ dhajaṃ katvā raho pāpāni karontassa vataṃ kerāṭikavataṃ nāma hotīti attho.
муусигарааж̇аа гат̇знд̇ова уббад̇ид̇ваа д̇асса г̇ийвааяам̣ бад̇ид̇ваа ханугасса хздтаа анд̇ог̇аланаал̣ияам̣ д̣ам̣сид̇ваа г̇аланаал̣им̣ паалзд̇ваа ж̇ийвид̇агкаяам̣ баабзси. муусигаг̇ан̣о нивад̇д̇ид̇ваа син̇г̇аалам̣ ‘‘муру муруу’’д̇и каад̣̇ид̇ваа аг̇амааси. батамааг̇ад̇аава гирасса мам̣сам̣ лабхим̣су, бажчаа ааг̇ад̇аа на лабхим̣су. д̇ад̇о бадтааяа муусигаг̇ан̣о ниб̣бхаяо ж̇аад̇о.
Mūsikarājā kathentova uppatitvā tassa gīvāyaṃ patitvā hanukassa heṭṭhā antogalanāḷiyaṃ ḍaṃsitvā galanāḷiṃ phāletvā jīvitakkhayaṃ pāpesi. Mūsikagaṇo nivattitvā siṅgālaṃ ‘‘muru murū’’ti khāditvā agamāsi. Paṭhamāgatāva kirassa maṃsaṃ labhiṃsu, pacchā āgatā na labhiṃsu. Tato paṭṭhāya mūsikagaṇo nibbhayo jāto.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа син̇г̇аало гухагабхигку ахоси, муусигарааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā siṅgālo kuhakabhikkhu ahosi, mūsikarājā pana ahameva ahosi’’nti.
б̣ил̣ааравад̇аж̇аад̇агаван̣н̣анаа адтамаа.
Biḷāravatajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 128. б̣ил̣ааравад̇аж̇аад̇агам̣ • 128. Biḷāravatajātakaṃ
