| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༢༠༤. བིམྦིསཱརརཱཛཝཏྠུ
204. Bimbisārarājavatthu
༣༣༡. ཏེན ཁོ པན སམཡེན རཉྙོ མཱགདྷསྶ སེནིཡསྶ བིམྦིསཱརསྶ བྷགནྡལཱབཱདྷོ ཧོཏི། སཱཊཀཱ ལོཧིཏེན མཀྑིཡནྟི། དེཝིཡོ དིསྭཱ ཨུཔྤཎྜེནྟི – ‘‘ཨུཏུནཱི དཱནི དེཝོ, པུཔྥཾ དེཝསྶ ཨུཔྤནྣཾ, ན ཙིརཾ 1 དེཝོ ཝིཛཱཡིསྶཏཱི’’ཏི། ཏེན རཱཛཱ མངྐུ ཧོཏི ། ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཨབྷཡཾ རཱཛཀུམཱརཾ ཨེཏདཝོཙ – ‘‘མཡ྄ཧཾ ཁོ, བྷཎེ ཨབྷཡ, ཏཱདིསོ ཨཱབཱདྷོ, སཱཊཀཱ ལོཧིཏེན མཀྑིཡནྟི, དེཝིཡོ མཾ དིསྭཱ ཨུཔྤཎྜེནྟི – ‘ཨུཏུནཱི དཱནི དེཝོ, པུཔྥཾ དེཝསྶ ཨུཔྤནྣཾ, ན ཙིརཾ དེཝོ ཝིཛཱཡིསྶཏཱི’ཏི། ཨིངྒྷ, བྷཎེ ཨབྷཡ, ཏཱདིསཾ ཝེཛྫཾ ཛཱནཱཧི ཡོ མཾ ཏིཀིཙྪེཡྻཱ’’ཏི། ‘‘ཨཡཾ, དེཝ, ཨམྷཱཀཾ ཛཱིཝཀོ ཝེཛྫོ ཏརུཎོ བྷདྲཀོ། སོ དེཝཾ ཏིཀིཙྪིསྶཏཱི’’ཏི། ‘‘ཏེན ཧི, བྷཎེ ཨབྷཡ, ཛཱིཝཀཾ ཝེཛྫཾ ཨཱཎཱཔེཧི; སོ མཾ ཏིཀིཙྪིསྶཏཱི’’ཏི། ཨཐ ཁོ ཨབྷཡོ རཱཛཀུམཱརོ ཛཱིཝཀཾ ཀོམཱརབྷཙྩཾ ཨཱཎཱཔེསི – ‘‘གཙྪ, བྷཎེ ཛཱིཝཀ, རཱཛཱནཾ ཏིཀིཙྪཱཧཱི’’ཏི། ‘‘ཨེཝཾ, དེཝཱ’’ཏི ཁོ ཛཱིཝཀོ ཀོམཱརབྷཙྩོ ཨབྷཡསྶ རཱཛཀུམཱརསྶ པཊིསྶུཏྭཱ ནཁེན བྷེསཛྫཾ ཨཱདཱཡ ཡེན རཱཛཱ མཱགདྷོ སེནིཡོ བིམྦིསཱརོ ཏེནུཔསངྐམི, ཨུཔསངྐམིཏྭཱ རཱཛཱནཾ མཱགདྷཾ སེནིཡཾ བིམྦིསཱརཾ ཨེཏདཝོཙ – ‘‘ཨཱབཱདྷཾ ཏེ, དེཝ, པསྶཱམཱ’’ཏི 2། ཨཐ ཁོ ཛཱིཝཀོ ཀོམཱརབྷཙྩོ རཉྙོ མཱགདྷསྶ སེནིཡསྶ བིམྦིསཱརསྶ བྷགནྡལཱབཱདྷཾ ཨེཀེནེཝ ཨཱལེཔེན ཨཔཀཌྜྷི། ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཨརོགོ སམཱནོ པཉྩ ཨིཏྠིསཏཱནི སབྦཱལངྐཱརཾ བྷཱུསཱཔེཏྭཱ ཨོམུཉྩཱཔེཏྭཱ པུཉྫཾ ཀཱརཱཔེཏྭཱ ཛཱིཝཀཾ ཀོམཱརབྷཙྩཾ ཨེཏདཝོཙ – ‘‘ཨེཏཾ, བྷཎེ ཛཱིཝཀ, པཉྩནྣཾ ཨིཏྠིསཏཱནཾ སབྦཱལངྐཱརཾ ཏུཡ྄ཧཾ ཧོཏཱུ’’ཏི། ‘‘ཨལཾ, དེཝ, ཨདྷིཀཱརཾ མེ དེཝོ སརཏཱུ’’ཏི། ‘‘ཏེན ཧི, བྷཎེ ཛཱིཝཀ, མཾ ཨུཔཊྛཧ, ཨིཏྠཱགཱརཉྩ, བུདྡྷཔྤམུཁཉྩ བྷིཀྑུསངྒྷ’’ནྟི། ‘‘ཨེཝཾ, དེཝཱ’’ཏི ཁོ ཛཱིཝཀོ ཀོམཱརབྷཙྩོ རཉྙོ མཱགདྷསྶ སེནིཡསྶ བིམྦིསཱརསྶ པཙྩསྶོསི།
331. Tena kho pana samayena rañño māgadhassa seniyassa bimbisārassa bhagandalābādho hoti. Sāṭakā lohitena makkhiyanti. Deviyo disvā uppaṇḍenti – ‘‘utunī dāni devo, pupphaṃ devassa uppannaṃ, na ciraṃ 3 devo vijāyissatī’’ti. Tena rājā maṅku hoti . Atha kho rājā māgadho seniyo bimbisāro abhayaṃ rājakumāraṃ etadavoca – ‘‘mayhaṃ kho, bhaṇe abhaya, tādiso ābādho, sāṭakā lohitena makkhiyanti, deviyo maṃ disvā uppaṇḍenti – ‘utunī dāni devo, pupphaṃ devassa uppannaṃ, na ciraṃ devo vijāyissatī’ti. Iṅgha, bhaṇe abhaya, tādisaṃ vejjaṃ jānāhi yo maṃ tikiccheyyā’’ti. ‘‘Ayaṃ, deva, amhākaṃ jīvako vejjo taruṇo bhadrako. So devaṃ tikicchissatī’’ti. ‘‘Tena hi, bhaṇe abhaya, jīvakaṃ vejjaṃ āṇāpehi; so maṃ tikicchissatī’’ti. Atha kho abhayo rājakumāro jīvakaṃ komārabhaccaṃ āṇāpesi – ‘‘gaccha, bhaṇe jīvaka, rājānaṃ tikicchāhī’’ti. ‘‘Evaṃ, devā’’ti kho jīvako komārabhacco abhayassa rājakumārassa paṭissutvā nakhena bhesajjaṃ ādāya yena rājā māgadho seniyo bimbisāro tenupasaṅkami, upasaṅkamitvā rājānaṃ māgadhaṃ seniyaṃ bimbisāraṃ etadavoca – ‘‘ābādhaṃ te, deva, passāmā’’ti 4. Atha kho jīvako komārabhacco rañño māgadhassa seniyassa bimbisārassa bhagandalābādhaṃ ekeneva ālepena apakaḍḍhi. Atha kho rājā māgadho seniyo bimbisāro arogo samāno pañca itthisatāni sabbālaṅkāraṃ bhūsāpetvā omuñcāpetvā puñjaṃ kārāpetvā jīvakaṃ komārabhaccaṃ etadavoca – ‘‘etaṃ, bhaṇe jīvaka, pañcannaṃ itthisatānaṃ sabbālaṅkāraṃ tuyhaṃ hotū’’ti. ‘‘Alaṃ, deva, adhikāraṃ me devo saratū’’ti. ‘‘Tena hi, bhaṇe jīvaka, maṃ upaṭṭhaha, itthāgārañca, buddhappamukhañca bhikkhusaṅgha’’nti. ‘‘Evaṃ, devā’’ti kho jīvako komārabhacco rañño māgadhassa seniyassa bimbisārassa paccassosi.
བིམྦིསཱརརཱཛཝཏྠུ ནིཊྛིཏཾ།
Bimbisārarājavatthu niṭṭhitaṃ.
Footnotes:
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / སེཊྛིབྷརིཡཱདིཝཏྠུཀཐཱ • Seṭṭhibhariyādivatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢༠༣. སེཊྛིབྷརིཡཱདིཝཏྠུཀཐཱ • 203. Seṭṭhibhariyādivatthukathā
