| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
б̣имб̣исаарасамааг̇амагат̇аа
Bimbisārasamāgamakathā
55. ладтиванзд̇и д̇аалуяяаанз. суббад̇идтз жзд̇иязд̇и ан̃н̃ад̇арасмим̣ вадаругкз; д̇асса гирзд̇ам̣ наамам̣. д̣̇ваад̣̇асанахуд̇зхийд̇и зд̇т̇а згам̣ нахуд̇ам̣ д̣̇асасахассаани. аж̇жхабхаасийд̇и д̇зсам̣ ган̇каажчзд̣̇анад̇т̇ам̣ абхааси.
55.Laṭṭhivaneti tāluyyāne. Suppatiṭṭhe cetiyeti aññatarasmiṃ vaṭarukkhe; tassa kiretaṃ nāmaṃ. Dvādasanahutehīti ettha ekaṃ nahutaṃ dasasahassāni. Ajjhabhāsīti tesaṃ kaṅkhācchedanatthaṃ abhāsi.
гисаговад̣̇аанод̇и д̇аабасажарияааяа гисасарийрад̇д̇аа ‘‘гисаго’’д̇и лад̣̇д̇ханаамаанам̣ д̇аабасаанам̣ оваад̣̇аго анусаасаго самаанод̇и ад̇т̇о. ат̇а ваа саяам̣ гисаго д̇аабасо самаано вад̣̇аано жа ан̃н̃з овад̣̇анд̇о анусаасанд̇од̇иби ад̇т̇о. гат̇ам̣ бахийнанд̇и гзна гааран̣зна бахийнам̣. ид̣̇ам̣ вуд̇д̇ам̣ ход̇и – ‘‘д̇вам̣ урувзлаваасиаг̇г̇ибарижаарагаанам̣ д̇аабасаанам̣ саяам̣ оваад̣̇аажарияо самаано гим̣ д̣̇исваа бахааси, бужчаами д̇ам̣ зд̇амад̇т̇ам̣ гзна гааран̣зна д̇ава аг̇г̇ихуд̇д̇ам̣ бахийна’’нд̇и.
Kisakovadānoti tāpasacariyāya kisasarīrattā ‘‘kisako’’ti laddhanāmānaṃ tāpasānaṃ ovādako anusāsako samānoti attho. Atha vā sayaṃ kisako tāpaso samāno vadāno ca aññe ovadanto anusāsantotipi attho. Kathaṃ pahīnanti kena kāraṇena pahīnaṃ. Idaṃ vuttaṃ hoti – ‘‘tvaṃ uruvelavāsiaggiparicārakānaṃ tāpasānaṃ sayaṃ ovādācariyo samāno kiṃ disvā pahāsi, pucchāmi taṃ etamatthaṃ kena kāraṇena tava aggihuttaṃ pahīna’’nti.
д̣̇уд̇ияаг̇аат̇ааяа аяамад̇т̇о – зд̇з руубаад̣̇игз гаамз ид̇т̇ияо жа яан̃н̃аа абхивад̣̇анд̇и, сваахам̣ зд̇ам̣ саб̣б̣амби руубаад̣̇игам̣ гаамаббабхзд̣̇ам̣ канд̇хубад̇хийсу маланд̇и н̃ад̇ваа яасмаа имз яидтахуд̇аббабхзд̣̇аа яан̃н̃аа маламзва вад̣̇анд̇и, д̇асмаа на яидтз на худ̇з аран̃ж̇им̣; яидтз ваа худ̇з ваа наабхираминд̇и ад̇т̇о.
Dutiyagāthāya ayamattho – ete rūpādike kāme itthiyo ca yaññā abhivadanti, svāhaṃ etaṃ sabbampi rūpādikaṃ kāmappabhedaṃ khandhupadhīsu malanti ñatvā yasmā ime yiṭṭhahutappabhedā yaññā malameva vadanti, tasmā na yiṭṭhe na hute arañjiṃ; yiṭṭhe vā hute vā nābhiraminti attho.
д̇ад̇ияаг̇аат̇ааяа – ат̇а гожарахийд̇и ат̇а гважарахи. сзсам̣ уд̇д̇аанамзва.
Tatiyagāthāya – atha kocarahīti atha kvacarahi. Sesaṃ uttānameva.
жад̇уд̇т̇аг̇аат̇ааяа – бад̣̇анд̇и ниб̣б̣аанабад̣̇ам̣. санд̇асабхаавад̇ааяа санд̇ам̣. убад̇хийнам̣ абхаавзна анубад̇хигам̣. рааг̇агин̃жанаад̣̇ийнам̣ абхаавзна агин̃жанам̣. д̇ийсу бхавзсу алаг̇г̇ад̇ааяа яам̣ гаамабхавам̣ яан̃н̃аа вад̣̇анд̇и, д̇асмимби гаамабхавз асад̇д̇ам̣. ж̇аад̇иж̇араамаран̣аанам̣ абхаавзна анан̃н̃ат̇аабхаавим̣. ад̇д̇анаа бхаавид̇зна маг̇г̇знзва ад̇хиг̇анд̇аб̣б̣ам̣, на ан̃н̃зна гзнажи ад̇хиг̇амзд̇аб̣б̣анд̇и анан̃н̃анзяяам̣. яасмаа ийд̣̇исам̣ бад̣̇амад̣̇д̣̇асам̣, д̇асмаа на яидтз на худ̇з аран̃ж̇им̣. д̇зна гим̣ д̣̇ассзд̇и? яо ахам̣ д̣̇звамануссалогасамбад̇д̇исаад̇хагз на яидтз на худ̇з аран̃ж̇им̣, со гим̣ вагкаами ‘‘зд̇т̇а наама мз д̣̇звамануссалогз рад̇о мано’’д̇и.
Catutthagāthāya – padanti nibbānapadaṃ. Santasabhāvatāya santaṃ. Upadhīnaṃ abhāvena anupadhikaṃ. Rāgakiñcanādīnaṃ abhāvena akiñcanaṃ. Tīsu bhavesu alaggatāya yaṃ kāmabhavaṃ yaññā vadanti, tasmimpi kāmabhave asattaṃ. Jātijarāmaraṇānaṃ abhāvena anaññathābhāviṃ. Attanā bhāvitena maggeneva adhigantabbaṃ, na aññena kenaci adhigametabbanti anaññaneyyaṃ. Yasmā īdisaṃ padamaddasaṃ, tasmā na yiṭṭhe na hute arañjiṃ. Tena kiṃ dasseti? Yo ahaṃ devamanussalokasampattisādhake na yiṭṭhe na hute arañjiṃ, so kiṃ vakkhāmi ‘‘ettha nāma me devamanussaloke rato mano’’ti.
56. звам̣ саб̣б̣алогз анабхирад̇ибхаавам̣ багаасзд̇ваа ат̇а ко ааяасмаа урувзлагассабо ‘‘саавагохамасмий’’д̇и звам̣ бхаг̇авад̇о саавагабхаавам̣ багаасзси. д̇ан̃жа ко аагаасз вивид̇хаани баадихаарияаани д̣̇ассзд̇ваа. д̇хаммажагкунд̇и сод̇аабад̇д̇имаг̇г̇ан̃аан̣ам̣.
56. Evaṃ sabbaloke anabhiratibhāvaṃ pakāsetvā atha kho āyasmā uruvelakassapo ‘‘sāvakohamasmī’’ti evaṃ bhagavato sāvakabhāvaṃ pakāsesi. Tañca kho ākāse vividhāni pāṭihāriyāni dassetvā. Dhammacakkhunti sotāpattimaggañāṇaṃ.
57. ассаасагаад̇и аасийсанаа; бад̇т̇анаад̇и ад̇т̇о. зсаахам̣ бханд̇зд̇и зд̇т̇а бана гин̃жааби маг̇г̇аббадивзд̇хзнзвасса сид̣̇д̇хам̣ саран̣аг̇аманам̣, д̇ад̇т̇а бана нижчаяаг̇аманамзва г̇ад̇о, ид̣̇аани ваажааяа ад̇д̇асаннияяаад̇анам̣ гарод̇и. маг̇г̇авасзнзвааяам̣ нияад̇асаран̣ад̇ам̣ бад̇д̇о, д̇ам̣ барзсам̣ ваажааяа баагадам̣ гаронд̇о бан̣ибаад̇аг̇аманан̃жа г̇ажчанд̇о звам̣ вад̣̇ад̇и.
57.Assāsakāti āsīsanā; patthanāti attho. Esāhaṃ bhanteti ettha pana kiñcāpi maggappaṭivedhenevassa siddhaṃ saraṇagamanaṃ, tattha pana nicchayagamanameva gato, idāni vācāya attasanniyyātanaṃ karoti. Maggavasenevāyaṃ niyatasaraṇataṃ patto, taṃ paresaṃ vācāya pākaṭaṃ karonto paṇipātagamanañca gacchanto evaṃ vadati.
58. син̇г̇ийнигкасаван̣н̣од̇и син̇г̇ийсуван̣н̣анигкзна самаанаван̣н̣о. д̣̇асаваасод̇и д̣̇асасу арияаваасзсу вуд̇т̇аваасо. д̣̇асад̇хаммавид̣̇ууд̇и д̣̇асагаммабат̇авид̣̇уу. д̣̇асабхи жубзд̇од̇и д̣̇асахи асзгкзхи ан̇г̇зхи убзд̇о. саб̣б̣ад̇хид̣̇анд̇од̇и саб̣б̣зсу д̣̇анд̇о; бхаг̇авад̇о хи жагкуаад̣̇ийсу гин̃жи ад̣̇анд̇ам̣ наама над̇т̇и.
58.Siṅgīnikkhasavaṇṇoti siṅgīsuvaṇṇanikkhena samānavaṇṇo. Dasavāsoti dasasu ariyavāsesu vutthavāso. Dasadhammavidūti dasakammapathavidū. Dasabhi cupetoti dasahi asekkhehi aṅgehi upeto. Sabbadhidantoti sabbesu danto; bhagavato hi cakkhuādīsu kiñci adantaṃ nāma natthi.
59. бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ згаманд̇ам̣ нисийд̣̇ийд̇и бхаг̇аванд̇ам̣ бхуд̇д̇аванд̇ам̣ бад̇д̇ад̇о жа абанийд̇абаан̣им̣ саллагкзд̇ваа згасмим̣ бад̣̇зсз нисийд̣̇ийд̇и ад̇т̇о. ад̇т̇игаананд̇и б̣уд̣̇д̇хаабхиваад̣̇анаг̇аманзна жа д̇хаммасаванзна жа ад̇т̇игаанам̣. абхиггаманийяанд̇и абхиг̇анд̇ум̣ саггун̣зяяам̣. аббаагин̣н̣анд̇и анаагин̣н̣ам̣. аббасад̣̇д̣̇анд̇и важанасад̣̇д̣̇зна аббасад̣̇д̣̇ам̣. аббаниг̇гхосанд̇и наг̇араниг̇гхосасад̣̇д̣̇зна аббаниг̇гхосам̣. виж̇анаваад̇анд̇и анусан̃жаран̣аж̇анасса сарийраваад̇зна вирахид̇ам̣. ‘‘виж̇анаваад̣̇а’’нд̇иби баато; анд̇о ж̇анаваад̣̇зна рахид̇анд̇и ад̇т̇о. ‘‘виж̇анабаад̇а’’нд̇иби баато; ж̇анасан̃жааравирахид̇анд̇и ад̇т̇о. мануссараахасзяяаганд̇и мануссаанам̣ рахассагирияадтаанияам̣. бадисаллаанасааруббанд̇и вивзгаануруубам̣.
59.Bhagavantaṃ bhuttāviṃ onītapattapāṇiṃ ekamantaṃ nisīdīti bhagavantaṃ bhuttavantaṃ pattato ca apanītapāṇiṃ sallakkhetvā ekasmiṃ padese nisīdīti attho. Atthikānanti buddhābhivādanagamanena ca dhammasavanena ca atthikānaṃ. Abhikkamanīyanti abhigantuṃ sakkuṇeyyaṃ. Appākiṇṇanti anākiṇṇaṃ. Appasaddanti vacanasaddena appasaddaṃ. Appanigghosanti nagaranigghosasaddena appanigghosaṃ. Vijanavātanti anusañcaraṇajanassa sarīravātena virahitaṃ. ‘‘Vijanavāda’’ntipi pāṭho; anto janavādena rahitanti attho. ‘‘Vijanapāta’’ntipi pāṭho; janasañcāravirahitanti attho. Manussarāhaseyyakanti manussānaṃ rahassakiriyaṭṭhāniyaṃ. Paṭisallānasāruppanti vivekānurūpaṃ.
вимвисаарасамааг̇амагат̇аа нидтид̇аа.
Vimvisārasamāgamakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 13. б̣имб̣исаарасамааг̇амагат̇аа • 13. Bimbisārasamāgamakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / б̣имб̣исаарасамааг̇амагат̇ааван̣н̣анаа • Bimbisārasamāgamakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / б̣имб̣исаарасамааг̇амагат̇ааван̣н̣анаа • Bimbisārasamāgamakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / б̣имб̣исаарасамааг̇амагат̇ааван̣н̣анаа • Bimbisārasamāgamakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 13. б̣имб̣исаарасамааг̇амагат̇аа • 13. Bimbisārasamāgamakathā
